ရေပြာကမ်းမှ လွမ်းတက္ကသီလာ

ဆိပ်ကြီးဆိုသည်နှင့်အချို့ ကဆိပ်ကြီးခနောင်တိုနှင့်မှားတတ်ကြသည်။ကရင်ပြည်နယ်အတွင်း မှ
ကြာအင်းဆိပ်ကြီးလည်းမဟုတ်ပါ။ ကြာအင်းဆိပ်ကြီးကိုလည်းဒေသခံများကအတိုကောက်
ကြာအင်းဟု၎င်း ဆိပ်ကြီးဟု၎င်းသုံးနှုန်းတတ်ကြသည်။ကရင်ပြည်နယ်နှင့် မွန်ပြည်နယ်အတွင်း
ကသံလွင်၊ ဂျိုင်းနှင့်အတ္ထရံမြစ်တွေနှင့်ကျွန်တော် ကာလအတန်ကြာ လက်ပွန်းတတီးနေခဲ့ရဘူး
သည်။ ထိုသို့နေရဖို့မြစ်ဖျားခံရာဒေသကတော့ သံလျင်မြို့နယ်အတွင်းကသီလ၀ါ၊ဗိုလ်ချုပ်ရွာတို့နှင့်
မလှမ်းမကမ်း၌ ရှိသည့်ဆိပ်ကြီးပင်ဖြစ်ပါ၏။ဆိပ်ကြီး၌ရေတပ်လေ့ကျင့်ရေးဌာနချုပ်(ယခု၊ရေ
တပ်လေ့ကျင့်ရေးကျောင်း)တည်ရှိသည်။ ကျွန်တော်တို့တွေပြင်ဦးလွင် ကကျောင်းဆင်းလာ
ကြပြီး ဆိပ်ကြီးရှိရေတပ်လေ့ကျင့်ရေးဌာနချုပ် မှာစီမံခန့်ခွဲရေး အရာရှိငယ်သင်တန်း Junior
Executive Officer Course ကိုတက်ကြရ၏။

သင်တန်းမစမီရေတပ်နှင့်ပတ်သက်သည့်တပ်၊စခန်း၊ရေယာဉ်များအကြောင်းအကြမ်းဖျင်းသိရှိနိုင်စေရန်ဧရာဝတီရေတပ်စခန်းဌာနချုပ်လက်အောက်ခံတပ်၊ စခန်း၊ရေယာဉ်များနှင့် ဗျူဟာရေယာဉ်စုတို့မှ စစ်ရေယာဉ်ကြီးများကိုသွား
ရောက်လေ့လာကြရသည်။ ဆိပ်ကြီးမှာသင်တန်းစသည်နှင့် ရေကြောင်းဆိုင်ရာ ဘာသာရပ်များ
ဖြစ်သည့် ရေကြောင်းလမ်းညွှန်၊မိုးလေ၀သဘာသာ၊ရေတပ်သားဘာသာ၊လက်နက်နှင့်
ဆက်သွယ်ရေး၊အုပ်ချုပ်မှုစသည်တို့ကိုသင်ကြားကြရ၏။

ကျွန်တော်တို့ တက်ရသည့် ရေကြောင်းနှင့် အုပ်ချုပ်မှုအတတ်သင်ကျောင်းအုပ် မှာဗိုလ်မှူး
လောစောကြိုင်၊ဒုကျောင်းအုပ် ဗိုလ်မှူးကျော်မြင့်နှင့် သင်တန်းတာဝန်ခံအရာရှိက ဗိုလ်မှူးစိုးသိန်း (ယခုနိုင်ငံတော်သမ္မတရုံးဝန်ကြီး)ဖြစ်ပြီး တပ်ဖွဲ့တာဝန်ခံအရာရှိ Divisional Officer မှာ ဗိုလ်ကြီးစိုးမြိုင်ဖြစ်ပါသည်။ဗိုလ်ကြီးကကျွန်တော်တို့တွေနံနက်စောစောပီတီ ပြေးတိုင်း
လူစစ်ရန်လာလေ့ရှိ၏။ဗိုလ်ကြီးလူစစ်ချိန်တွင်တီရှပ်ဖြူ၊ဘောင်းဘီတိုဖြူနှင့်ကင်းဘတ် အဖြူကိုစီးကာကမ္ဘာကျော် အိန္ဒိယဂေါက်သီးသမားဗီဂျေဆင်းစတိုင်ဖြင့် သံဂေါက်သီးရိုက်
တုတ်တချောင်း ကို ကိုင်ပြီးလာလေ့ရှိသည်။ကောလိပ်ဂျင်နေ၀င်းတတ်လေ့ရှိသည့်ထူထူထဲ
ထဲကော်ကိုင်းမျက်မှန်ကြီးမျိုးတတ်ထား၏။ကျွန်တော်တို့ကိုစစ်ဆေး၍ကျေနပ်သွားပြီဆိုလျင်
ချက်ချင်းမပြန်သေးဘဲ မေယုသင်္ဘောကြီးနံဘေးက မြက်ရိုင်းပင်များကို တချောင်းတည်း
သောသံဂေါက်တုတ်ဖြင့်ခုတ်ဖြတ်ယင်းကျွန်တော်တို့တွေသတ်မှတ်ထားသည့်နေရာထိရောက်အောင်ပြေးမပြေးအကဲခတ်နေလေ့ရှိပါသည်။ ဗိုလ်ကြီးသည် ထိုစဉ်က အမေရိကန်နိုင်ငံဆန်ဒီရေးဂိုး
ရေတပ် တက္ကသိုလ်တွင် သင်တန်းတက်ရောက်ပြီး ပြန်လာကာစဖြစ်၍ ကျွန်တော်တို့က
စာမေးသည့် အခါဖြစ်စေ၊သင်တန်းကိစ္စတင်ပြသည့်အခါဖြစ်စေသူသဘောကျလျင် “အိုကေ၊
အိုကေ၊ယူ ရိုက်” ဟုပြန်ပြောပြီး သူသဘော မတူသည့် ကိစ္စဆိုလျင်“ နိုး နိုး၊နိုးဝေး၊ကိုယ့်ညီတို့၊
ယူနိုးဂွတ်၊နိုးဝေး” ဟု ပြန်ပြောလေ့ရှိ၏။ ကျွန်တော်တို့ သင်တန်းသားများကလည်း ဆရာ့ကို
တညီတညွတ်တည်း အိုကေအက်စ်အမ် လို့နာမည်ပေးလိုက်ကြပါသည်။ အက်စ်အမ်မှာ ဆရာ့နာမည် အတိုကောက်ပင်ဖြစ်ပါ၏။

ဆရာသည်ကျွန်တော်တို့သင်တန်း၏တပ်ဖွဲ့တာဝန်ခံဖြစ်၍ ကျွန်တော်တို့ သင်တန်း၏ ရိပ်သာမှာနေရေးထိုင်ရေးနှင့်စားသောက်မှုကိစ္စများ အစစ အဆင်ပြေအောင်စီစဉ်ပေးရုံမက ရေကြောင်းသင်တန်းဌာနဆရာတဦး အနေဖြင့်စာလည်းသင်ပေးပါ၏။ ကျွန်တော်တို့ သင်တန်း
သားအရာရှိများ ပုဏ္ဏမီနှစ်ထပ်အရာရှိဆောင်မှာနေကြရပါသည်။ ဆရာကကျွန်တော်တို့
ကိုရေတပ်သား ဘာသာသင်ကြားပေးပြီးနေ့စဉ်ရေကြောင်းဆိုင်ရာဝေါဟာရ Nautical terms အ
လုံးနှစ်ဆယ်ကျက်မှတ်ခိုင်းကာတပတ်တကြိမ် စာမေးပွဲစစ်သည်။ စာလုံး
ရေဆယ်လုံးနှင့် အထက်မှားပါက စနေ၊ တနင်္ဂနွေပြင်ပထွက်လည်ခွင့် ပိတ်(Liberty stop)သည်။
ဆရာက ကျွန်တော်တို့ကို အသက်ကယ်လှေ ဘာသာသင်ပေးပြီး ပြင်ပထွက်ခွင့် ပိတ်သည့်ရက် တရက်တွင်ပုဏ္ဏမီ ရိပ်သာဘေးကရေကန်ကြီးထဲမှာဒင်ဂီ Dinghy လှေချပြီး ကျွန်တော်တို့
အားလေ့ကျင့်လှော်ခတ်ခိုင်းပါသည်။ လှေလှော်နေစဉ် မိုးရွာလာသဖြင့် ရေကန်ကြီးထဲရှိ
ငါးကြင်းကြီးများ ပျော်ရွှင်မြူးထူးပြီးရေပြင်ပေါ်ထိတက်၍ ကခုန်နေကြပါသည်။ နေ့လည်ပိုင်းတွင် ဆရာကရုံးမှာအစည်းအဝေးရှိသေးသဖြင့်ကျွန်တော်တို့ကိုနားခိုင်းပါသည်။ ကျွန်တော်တို့က ပိုမိုကျွမ်းကျင်အောင်ဆက်လက်လှော်ချင်သေးသည့်အကြောင်းတင်ပြရာဆရာက “အိုကေ၊အိုကေ၊
ယူထရိုင်းဟတ်၊ဗဲရီးဂွတ်” ဟုဆိုကာသူ၏ တချောင်းတည်းသောသံဂေါတ်တုတ်ကိုထမ်း
လျက်ပြန်သွားပါ၏။ အကြံသမားကျွန်တော်တို့လည်း ချက်ချင်းလှေလှော်သည့်လုပ်ငန်းစ
ကြပါသည်။ဒင်ဂီလှေကိုလှော်သည့်အဖွဲ့ကလှော်ကြသည်။မင်းဇော်၊ဘရွှေနှင့်ကျော်
ထွန်းတို့က ရေပြင်ကိုလှော်တက်များ နှင့်တဗြန်းဗြန်းရိုက်ကြ၏။ ဇော်မင်းဦး၊ သန်းနိုင်မြင့်နှင့် ကံလှတို့ကအင်းလေးမှာရွာတဲ့မိုး နှင့် လှေကလေးကိုလှော်မည်သီချင်းများကို အသံဗြဲကြီးနှင့်
သီဆိုကြသည်။ 

လှေလှော်နေစဉ် သန်းနိုင်မြင့် တယောက် ရုတ်တရက် ရေထဲချော်ကျသွားပြီးသူ့ထံမှ“ အမလေး၊
ကယ်ကြပါအုံး”ဟူသောကြောက်မက်ဖွယ်အော်သံကြီးထွက်ပေါ်လာ၏။ရေမကူးတတ်သည့် သန်းနိုင်မြင့်တယောက်ကန်ထဲ၌၀ရုန်းသုန်းကားဖြစ်နေစဉ်မျောက်ကြီးနိုင်ဝင်းကရေထဲခုန်ချပြီးဆင်းဆယ်၏။သန်းနိုင်မြင့် ခမျာရေအနက်ကြီးထင်ပြီးကြိုးစားပမ်းစားအသက်လုကူးခတ်နေစဉ် မျောက်ကြီးကကြမ်းပြင်မှာမတ်တပ်ရပ်လျက် သန်းနိုင်မြင့်အား ချိုင်းကြားမှမြှောက်ကိုင်ထားပေး၏။ကြောက်လန့်တကြားအော်နေသည့်သန်းနိုင်မြင့်အား နိုင်ဝင်းက“ဟေ့ကောင်၊အောက်ကို
လည်းထောက်ကြည့်အုံး” ဆိုမှသူ့ခမျာ ကြမ်းပြင်ကိုခြေထောက်မိပြီးရှက်ရယ်ရယ်နေတော့၏။
ဆရာ့အိမ်မှာကျွန်တော်တို့နှင့် အတော်လှမ်းသည့်ပြင်မိုးသည်းထန်နေသဖြင့်ကျွန်တော်တို့ဆူ
ညံသံကိုကြားရမည်မထင်။ကန်ထဲမှငါးကြီးတွေကလည်းသူတို့ကဖို့ဆိုင်းတီးပေးနေသည်
ထင်ရော့သလားမသိ။ပို၍မြူးတူးကာရေပေါ် ၌ဂျွမ်းပစ်၍ ကခုန်နေကြတော့သည်။
နိုင်နိုင်၊မြ၀င်းနှင့်သူရနိုင်တို့က ဒင်ဂီလှေကိုတဖက်ခြမ်းမှတက်ထိုင် ပြီးစောင်း ထားပေးသည်။ စိုး
လှိုင်၊ဌေးနိုင်နှင့်ကိုသန်းတို့ကငါးတွေပိုပျော်အောင်ဟုဆိုကာရေထဲခုန်ချပြီးခြောက်ကူးကူးကြသည်။ ရေပြင်ပေါ်ခုန်တက်လာသည့်ငါးကြင်းကြီးတွေပြန်အကျမှာ တဖက်စောင်းထားသည့် ဒင်ဂီလှေဝမ်းထဲကိုတဘုံးဘုံးနှင့်ပြုတ်ကျတော့သည်။ ကျော်နိုင်ဦးနှင့် သန်းကျော်စိုးတို့အဖွဲ့က ငါးတွေရေ ထဲပြန်မဆင်းအောင်ဖမ်းကြသည်။ငါးတွေမှာ ဘယ်တုန်းကတည်းက ထည့်ထားပြီး ကြီးထွားနေကြသည်မသိ။တကောင်လျင်တပိဿာမကရှိမည်။ကျွန်တော်တို့အဖွဲ့နှစ်ဆယ်စာလောက်ငသည့်အခါနေ၀င်း၊ သောင်းထွဋ်ကြူ နှင့်နိုင်ဝင်းတို့ကငါးကြီးတွေကိုရိပ်သာသို့ယူသွားပြီးကြော်ချက်ကြတော့၏။

ထိုစဉ်ကကျွန်တော်တို့သင်တန်းသားစားရိပ်သာတာဝန်ခံမှာသောင်းထွဋ်ကြူ ဖြစ်၍ ရိက္ခာများကို
တာဝန်ခံပြီး ပုဏ္ဏမီရိပ်သာရှိ အခန်းတခန်းမှာသိမ်းထားရာ ငါးကြော်ဖို့ လိုသည့်ဆီ ကိုသူက ထုတ်ပေးပါသည်။သာမန်အားဖြင့်ဆိုလျင် ထိုနေ့က ရိပ်သာမှ ဆရာကြီးသန်းမြင့် ကျွေးသည့်ပဲဟင်းနှင့် လက်တလုံးသာသာ ငါးကြော်နှပ်ကိုသာစားကြရမည်ဖြစ်ပါ၏။ထိုနေ့ကကျွန်တော်တို့ ပင်ပင်ပန်းပန်းလှေလှော်ကြပြီးဖမ်းဆီးရမိသည့် ငါးကြော်ပူပူကြွပ်ကြွပ်ဖြင့် ဗိုက်ခွေးနမ်းအောင်စားခဲ့ရသည်ကိုအမှတ်ရနေပါသေးသည်။
ကျောင်းပြန်ဖွင့်သည့် နေ့၌ ဆရာက “ ကျောင်းပိတ်ရက်လှေလှော်လို့ကောင်းကြရဲ့လား” ဟုမေးရာ ကျွန်တော်တို့ အားလုံး တညီတညွတ်တည်း“ ကောင်းပါတယ်ဗိုလ်ကြီး၊အလွန်ကောင်းပါတယ်” ဟုသံပြိုင်ဖြေလိုက်ရာဆရာက “ အိုကေ၊ယူဗဲရီးဂွတ်၊အိုကေ” ဟုပြန်ပြောလိုက်ပါသည်။

ရိပ်သာတာဝန်ခံဆရာကြီးသန်းမြင့်ကားစားဖိုပညာသည်(ပည/၉၅) မဟုတ်ပဲ၊ ရုံးလုပ်ငန်းဆိုင်ရာ
ပစ္စည်းထိန်းထောက်(ပည/၇၂)ဖြစ်၏။ သို့သော်ကျွန်တော်တို့သင်တန်းသား အရာရှိများစား ဖို့ထမင်းနှင့်ဟင်းကို သူကိုယ်တိုင်သူ့အိမ်၌ချက်၍ပုဏ္ဏမီရိပ်သာသို့လာပို့လေ့ရှိသည်။သွားအနည်းငယ် ခေါသဖြင့်သူ့ကိုကျွန်တော်တို့ကသခေါသန်းမြင့် ဟုခေါ်ကြ၏။ သူကကျွန်တော်တို့အား နေ့စဉ်နံနက်စာ အဖြစ်ထမင်းကြော်နှင့် ပဲပြုတ်မှန်မှန် ကျွေးလေ့ရှိ၏။ သူသည် ကော်ဖီပန်းကန် အောက်ခံပြားသာသာပန်းကန်တွင်ထမင်းကြော်ကိုထည့်ပြီးပဲပြုတ်နှင့် ကြက်သွန်နီအကြွပ်ကြော်ကို စတိ ဖြူးထား၏။စား၍ကောင်းသော်လည်းကျွန်တော်တို့မ၀ကြ။ကျွန်တော်တို့မှာ ဗိုလ်လောင်းဘ၀မှအရာရှိငယ်ဘ၀သို့ကူးပြောင်းခါစ ဖြစ်၍Heavy
Breakfast စားချင်ကြ၏။သူ့လဘက်ရည်ကလည်းဗူးနို့ဆီနှင့်ဖျော်ပါလျက်အတော်ကျဲ၏။နေ့လည်ထမင်းချိန်၌လည်း ကျွန်တော်တို့ကို အများဆုံးကျွေးသည်မှာ ဘဲဥချဉ်ဟင်းနှင့် ငါးခြောက်ဖြစ်၏။ ငါးခြောက် ကကြိမ်ရေပိုများလေ့ရှိပြီးဈေးပေါသည့် ငါးလေးခြောက် များဖြစ်၍ကျွန်တော်တို့သိတ်မကြိုက်ကြ။ ချဉ်ပေါင်ဟင်းရည်သို့မဟုတ်ပဲဟင်းကိုပင်တိုင်
ချက်ပါသည်။ဟင်းတွေ စားမကောင်းသဖြင့်သူ့ကိုပြောမည်ဆိုလျင်အနားမှာဘယ်တော့မှမရှိ။
သူ့တပည့်မောင်ဇော်လွင်ကိုဝိုင်းဆူတော့ သူ့မှာလည်းဆရာကြီးချက်ပေးတဲ့အ
တိုင်းကျွေးရကြောင်းပြန်ပြောလေ့ရှိ၏။သူ့ကိုအပြစ်ပြောမှာသေချာသဖြင့်ကြိုရှောင်နေတာဖြစ်မည်။
လကုန်ခါနီးဆိုလျင်တော့ဝက်သား၊ကြက်သားဟင်းများ ချက်လေ့ရှိ၏။ 

ကျွန်တော်တို့ကရိက္ခာအပြင် ထမင်းတနပ် လျင်နှစ်ကျပ်နှုန်း ဆောင်းစားကြခြင်းဖြစ်ရာ ဆာင်းငွေကိုလကုန်လျင်ဆရာကြီးသန်းမြင့်ကလိုက်ကောက်ခံ၏။သူ့ဟင်းမကောင်းလျင်ကျွန်တော်တို့ကဆောင်းငွေကိုတော်ေ
တ်ာနှင့်မသွင်းသဖြင့်ထိုရက်များတွင်ဟင်းကောင်းချက်ခြင်းဖြစ်၏။ဟင်းကောင်းသည့်နေ့များ
တွင်ယူနီဖောင်းသပ်သပ်ယပ်ယပ်ဝတ်ပြီးကျွန်တော်တို့တယောက်ချင်းကို“ ဗိုလ်ကြီးဟင်းကောင်းရဲ့လား၊စားလို့အဆင်ပြေတယ်နော် ” ဟုလိုက်မေးလေ့ရှိ၏။ကျွန်တော်တို့
ကသူ့ဟင်း ကိုမချီးကျူးပဲနေကြ၏။တရက်နှစ်ရက်နေလျင်ဘဲဥနှင့်ငါး
ခြောက်ဟင်း အလှည့်ကျ လာတော့မှာကိုကျွန်တော်တို့အားလုံးကြိုသိနေကြ၏။

သည့်နောက်ပိုင်း ဟင်းနည်းနည်းပိုကောင်းလာသဖြင့် သောင်းထွဋ်ကြူ ကိုကျေးဇူး
တင်ကြ၏။ခုတော့ဆရာကြီးသန်းမြင့်လည်းမရှိရှာတော့ပါ။ သူကွယ်လွန်ခဲ့သည်မှာ အတော်ပင်ကြာပြီဟုသိရပါသည်။
ကျွန်တော်တို့သင်တန်းသားဘဝကရေတပ်လေ့ကျင့်ရေးဌာနချုပ်မှူးမှာ ဗိုလ်မှူးကြီးကိုလေးဖြစ်ပြီး
ဒုဌာနချုပ်မှူးကဒုတိယဗိုလ်မှူးကြီးဝင်းရှိန်(ဗီယက်နမ်နိုင်ငံဆိုင်ရာမြန်မာသံအမတ်ကြီး-ငြိမ်း) ဖြစ်ပါသည်။ထိုစဉ်ကကျွန်တော်တို့သင်တန်းသားအရာရှိတွေ ပုဏ္ဏမီနှစ်ထပ်ဆောင်အောက်
ထပ်၌နေကြရသည်။အပေါ်ထပ်မှာတော့ သင်တန်းမှူးနှင့်ရေကြောင်းလမ်းညွှန် အရာရှိသင်တန်းတက်နေကြသည့်စီနီယာအရာရှိတွေနေကြပါသည်။ယခုတော့ ထိုပုဏ္ဏမီ
ဆာင်ကြီးမရှိတော့ပါ။သူ့အစား ပိုမိုခေတ်မီသည့် နှစ်ထပ်အဆောင်သစ်ကြီးတွေ
ထပ်မံဆောက်လုပ် ထားပြီးဖြစ်ပါသည်။

ဆိပ်ကြီးကိုရောက်တော့ တောင်ပေါ်မှာကြီးပြင်းလာခဲ့ရသည့် ကျွန်တော့်အတွက် အစစအရာရာ
မြင်ကွင်းတွေကထူးဆန်းနေသည်။မေယု သင်္ဘောကြီးကို Museum piece အဖြစ်ရန်ကုန်မြစ်ကမ်းဘေးဆိပ်ကြီးအ၀င်ကုန်းမြေပေါ် ၌တင်ထားရာထိုမျှကြီးမားသော သင်္ဘောမျိုးကိုမမြင်ဘူးသည့်ကျွန်တော်တို့တွေ ညနေ ထမင်းစားပြီးထိုင်း ကမ်းနားတလျောက်လမ်းလျှောက်ရင်း မေယုကြီးကိုသွား၍ငေးကြည့်နေကြဖြစ်သည်။

ဗြိတိသျှတို့က ၁၉၄၇ ခုနှစ်မေလ(၂၅)ရက်နေ့တွင်မြန်မာပြည်ဘုရင့်
အပျော်တမ်းအရန်ရေတပ် BRNVR အတွက် ၎င်းတို့ရေတပ်ပိုင် HMS Fal
အမည်ရှိဖရီးဂိတ် အမျိုးအစား စစ်သင်္ဘောကြီးကို လွှဲပြောင်းပေးခဲ့ရာ ထိုစဉ်က
စစ်သေနာပတိဗိုလ်ချုပ်အောင်ဆန်းကိုယ်တိုင်လက်ခံယူခဲ့ပါသည်။ အဆိုပါ
စစ်သင်္ဘောကြီးကိုပင်မြန်မာ့ရေတပ်မတော်အတွက်အလံဆောင်သင်္ဘောကြီး Flag Ship အဖြစ် အသုံးပြုခဲ့ပြီးစစ်ရေယာဉ်မေယု ဟူ၍အမည်ပြောင်းလဲခေါ်ဝေါ်ခဲ့သည်။ပထမဆုံး စစ်ရေယာဉ်မှူးမှာဒုတိယဗိုလ်မှူးကြီးခင်မောင်ဘိုဖြစ်၏။မေယုကြီး သည်ဗြိတိသျှရေတပ်၌ရှိခဲ့စဉ်
ဒုတိယကမ္ဘာစစ် အတွင်း ဂျပန်ဘုရင့်ရေတပ်နှင့်တိုက်ပွဲဝင်ခဲ့ပါသည်။မြန်မာရေတပ်၌လည်းအင်း
စိန်တိုက်ပွဲ၊ပုသိမ်တိုက်ပွဲ၊ကျောက်ဖြူ၊မော်လမြိုင်နှင့်သန်လျင်ကျိုက်ခေါက်တိုက်ပွဲများ
တွင်ပါဝင်ဆင်နွှဲခဲ့သည့်သမိုင်းဝင်စစ်သင်္ဘောကြီးဖြစ်ပါ၏။

ကျွန်တော်တို့သင်တန်းတက်စဉ်ပုဏ္ဏမီစားရိပ်သာတာဝန်ခံအရာရှိမှာရေတပ်လက်နက်နှင့်ဆက်
သွယ်ရေးအတတ်သင်ကျောင်းမှဗိုလ်မှူးအောင်မြင့်ဖြစ်သည်။ဗိုလ်မှူးသည်စာရေးဆရာတယောက်လည်းဖြစ်ပြီးသူ၏ ကလောင်အမည်မှာ မောင်မောင်အေးအောင်ဖြစ်သည်။ကျွန်တော်တို့ ဆိပ်ကြီးရောက်သည့်
နှစ်တွင်သူရေးသားထုတ်ဝေခဲ့သည့် ကြွေတာကြွေလည်း ဝေတာဝေဆဲပါနွေ ၀တ္ထုမှာ နာမည်ကြီးသည်။ဗိုလ်မှူးကသူ့ဝတ္ထုထဲက ဇာတ်လိုက် ရှိန်းဘိုလတ် စစ်တက္ကသိုလ်ဗိုလ်လောင်းဖြေဘို့ငွေယားတောင်ဗှိုလ်ရွေးအဖွဲ့မှာ သွားရောက်ဖြေ
ဆိုသည့် အခန်းအတွက် ကျွန်တော်၏ ဒိုင်ယာရီစာအုပ်ကို ငှားပြီးကျွန်တော်
လက်တွေ့ဖြေဆိုခဲ့တာတွေကိုမှီး၍ရေးပါသည်ကျွန်တော့်ဒိုင်ယာရီစာအုပ်ကိုပြန်ပေးချိန်မှာသူကိုယ်တိုင်လက်မှတ်ရေးထိုးပေးသည့်ဝတ္ထုစာ အုပ်တစ်အုပ်လက်ဆောင်ပေးခဲ့ပါသေးသည်။