“ အမေ” တို့  “အဘ” တို့ ခေတ်ကို နိဂုံးချုပ်ပေး မဲ့ “ပီ----အာ”

by ရွှေမြင့်မောင်
-----------------------------------------
“သူခိုးတွေအဝေမတည့်ရင် ပိုင်ရှင်လက်ထည်းပစ္စည်းပြန်ရောက်တတ်တယ် ”

(ရုရှားဆိုရိုးစကားဟောင်းတစ်ခု)

အပြောင်းအလဲ တစ်ခုဖြစ်တော့မယ်ဆိုတိုင်း တည်ဆဲအခြေအနေ (status quo) မှာစားသာနေ၊ အထက်စီးရနေတဲ့သူတွေက နည်းလမ်းရှိသမျှနဲ့ အသေအလဲ ခုခံကြတာသဘာဝဖြစ်ပါတယ်။ ရွေးကောက်ပွဲနည်းစံနစ်ကို ပြောင်း မယ်ဆိုရင် ၂ဝဝ၈ အခြေခံဥပဒေနဲ့ မညီဘူးလို့  တစ်ခုသော လွှတ်တော်ဆွေး နွေးပွဲမှာ NLD အမတ်ပုသိမ်ဦးဝင်းမြင့်ကပြောခဲ့တယ်။ သူက အခြေခံဥပဒေပါ ရွေးချယ်တင်မြှောက်ရေးနဲ့ သက်ဆိုင်တဲ့ပြဌန်းချက်တွေဟာ FPTPကို အခြေခံပြီးစဉ်းစားထားတာလို့ ကောက်ချက်ချပြတယ်။ အဲဒီအထိတော့မှန်ပါတယ်။ ဒါပေမဲ့ အဲဒီအချက်ကို မူတည်ပြီး (ရှိပြီးသား) ရွေးကောက်ပွဲစံနစ်ကို အခုပြင်ရင်အခြေခံဥပဒေနဲ့ မညီဘူး (unconstitutional) ဆိုတာ ကတော့ သူလိုရာဆွဲပြောခဲ့တာဖြစ်တယ်။

FPTP ကို အခြေခံစဉ်းစားခဲ့ပေမဲ့ FPTP သည်သာ အသိအမှတ်ပြုထားတဲ့ တရားဝင်ရွေးကောက်ပွဲစံနစ်ဖြစ်သည်လို့ အခြေခံဥပဒေထည်းမှာ လိုက်နာကျင့်သုံးရမည့် ရွေးကောက်ပွဲစံနစ်ကို အမည်တပ်ပြီးအတိအလင်း ရေးသားပြဌန်းမထားဘူး။ ဒါကြောင့် အခြေခံဥပဒေပါ ပြဌန်းချက်များကို ပြင်ဆင်ပြောင်းလဲချင်ရင် ဘယ်နည်းဘယ်ပုံလုပ်ရ မယ်ဆိုတဲ့ ကန့် သတ်ချက်တွေဟာ ရွေးကောက်ပွဲစံနစ်(များပြောင်းလဲရေး) အပေါ်အကြုံးမဝင်ဘူး။

တိုင်းပြည်ရဲ့ အချုပ်အချာအာဏာသုံးရပ်မှာ လွှတ်တော်ဟာ အချုပ်အချာအာဏာတစ်ရပ်ဖြစ်တယ်။ လွှတ်တော်ရဲ့ ဆုံးဖြတ်ချက်တခုခုနှင့်ပါတ်သက်ပြီး လွှတ်တော်က အကူအညီမတောင်းခံဘဲနှင့်လဲ ဘယ်အဖွဲ့ အစည်းကမှ ဝင်ရောက်စွတ်ဖက်ပိုင်ခွင့်မရှိဘူး။

ဦးဝင်းမြင့်က မဲဆန္ဒနယ်သတ်မှတ်ရာမှာ လူဦးရေနဲ့ မြို့ နယ်တွေကို အခြေခံရမယ်လို့  ဥပဒေမှာပါတယ်လို့  စကား နိဒါန်းချီတဲ့ အထည်းမှာတော့ ထည့်ပြောခဲ့တယ်။ ဆက်ပြောတဲ့အခါကျတော့ လူဦးရေကို ဦးစားမပေးတော့ဘဲမြို့ နယ်အလိုက် မဲဆန္ဒနယ်သတ်မှတ်တာတွေကိုဘဲ အသားပေးပြောသွားတယ်။ အမှန်က ကိုယ်စားပြုတယ်ဆိုတာ လူကိုကိုယ်စားပြုတာကို ဆိုလိုရင်းပါ။ လူဦးရေက ပထဝီတို့ အုပ်ချုပ်ရေးစီရင်စုတို့ ထက် ပိုအရေးကြီးတယ်။

PR ကို အအောင်မြင်ဆုံးအသုံးချနေတဲ့ ဂျာမဏီမှာ လူဦးရေ ၂၂၂, ဝဝဝ ရှိတိုင်း အမတ်တစ်ဦးနှူံး ရစေရမည်လို့  လူဦးရေကို အဓိကထားပြဌန်းပေးထားတယ်။ ဒီတော့ လွှတ်တော်မှာ ကိုယ့်မြို့နယ်က အမတ်ဘယ်နေရာ ဘယ်နှစ်
နေရာ ရမလဲဆိုတာ ကိုယ့်မြို့နယ်က လူဦးရေပမာဏအပေါ် မူတည်တယ်။ FPTP မြို့နယ်အပေါ်အခြေခံပြီး ကြီးကြီးသေးသေး အမတ်တစ်ဦးတည်းရွေးရမယ်ဆိုတာမျိုး မဟုတ်ဘူး။ ကြီးကြီးသေးသေး တစ်ယောက်ထည်းရွေးဆိုရင် လူငါးသိန်းရှိတဲ့မြို့နယ်နဲ့ လူငါးသောင်းရှိတဲ့မြို့နယ်၂ ခု ကိုယ်စားလှယ်တစ်ဦးချင်း အတူတူ ဖြစ်နေမှာပေါ့။

ဒီလိုဆိုရင် မဲပြားချင်းတူတူ တန်ဘိုးချင်းကျတော့ ဆယ်ဆကွာခြားနေကြမှာပေါ့။ FPTP မှာ တော့အဲဒီလို “ပေါ့-ချောင်-ကောင်း”ဲဆန္ဒနယ်ကလေးတွေကို နိုင်ငံရေးပါတီတွေက သူတို့ ကျိမ်းသေအမတ်ဖြစ်စေချင်တဲ့ လူကို လွှတ်တယ်။ ၂ဝ၁၂ုနှစ်ကြားဖြတ်ရွေးကောက်ပွဲမှာ ဒေါ်အောင်ဆန်းစုကြည်ဟာ တစ်နိုင်ငံလုံး (၄၃) နေရာ
လစ်လပ်နေတဲ့အနက် ရပ်ကွက် (၇) ခုသာရှိတဲ့ ကော့မှူးမြို့နယ်ကို ရွေးချယ်ခဲ့တယ်။

PR မှာတော့ မဲဆန္ဒနယ်မြေတွေကကြီးတယ် ။ အမတ်နေရာတွေက တစ်ဦးတည်းမကဘဲ လူဦးရေအလိုက်
အချိုးကျမို့ ပိုပြီးကိုယ်စားပြုခြင်း - လျော့ပြီးကိုယ်စားပြုခြင်းမရှိနိုင်ဘူး (under/over representation) နိုင်ငံရေးဗဟုသုတမဲ့တဲ့ အခြားလူ့ အန္ဓတစ်ယောက်က facebook wall မှာ PR ကို “ရှူံးမဲတွေကို ကောက်သင်းကောက်ပြီး လွှတ်တော်ထည်း အချောင်ဝင်ထိုင်ချင်လို့ ” လို့  သရော်ထားတယ်။

သူမသိတာက PR မှာနိုင်မဲ - ရှူံးမဲမရှိဘူး။ ကိုတာမဲ (quota) ပဲရှိတယ်ဆိုတာဘဲ။ ဥပမာ ထည့်မဲစုစုပေါင်း တစ်သိန်းရှိတဲ့ မဲဆန္ဒနယ်မြေတစ်ခုမှာ အမတ်နေရာက ငါးနေရာရှိ တယ်ဆိုရင် အမတ်လောင်းတစ်ဦးဟာ မဲနှစ်သောင်း ရရင် အမတ်ဖြစ်ဖို့ မဲပြည့်မှီတယ် (qualify) ဖြစ်တယ်လို့ သတ်မှတ်ပြီးရွေးလိုက်တယ်။ ကျောင်းမှာ အတန်းတင် စာမေးပွဲဖြေကြသလိုပေါ့။ သတ်မှတ်ထားတဲ့ အောင်မှတ်ရတဲ့သူတိုင်း အောင်တာဘဲ။

စာမေးပွဲဖြေသူအချင်းချင်း ပြိုင်ဆိုင်ပြီး အမှတ်အများဆုံးလူတစ်ဦးတည်းကိုသာ အအောင်ပေးတာ မဟုတ်ဘူး။ ပြိုင်တာမဟုတ်ဘူး - ရွေးတာ၊ ပြိုင်ပွဲမဟုတ်ဘူး - ရွေးပွဲဖြစ်တယ်။ “ရွေးကောက်” ပွဲဆိုတဲ့ အသုံးအနှူံးနဲ့ တကယ် ကိုက်ညီတဲ့ပွဲစံနစ်ဖြစ်တယ်။ ဒီအချက်ဟာ PR နဲ့  FPTP အကြားက တစ်ခုသော အခြေခံကျကျကွဲပြားခြားနားမှု (fundamental difference) တစ်ခုဖြစ်တယ်။

Quota သတ်မှတ်ချက်ကတော့ ပေးမဲစုစုပေါင်းကို အမတ်နေရာအရေအတွက်နဲ့ စားပြီးတွက်ချက်ယူတာဖြစ် တယ်။ ဒီနည်းကို PR အစစ်ဆုံး Party List PR မှာသုံးတယ်။

PR လုပ်လိုက်ရင် တိုင်းရင်းသားစည်းလုံးညီညွတ်ရေးကို - ငြိမ်းချမ်းရေးကျိုးပမ်းမှုကို ထိခိုက်မည် စတဲ့စကားတွေ လဲကြားရပါတယ်။ အထူးသဖြင့် တိုင်းရင်းသားနိုင်ငံရေးပါတီတွေဆီကပါ။ ကျနော့်အမြင်ပြောရယင် ငြိမ်းချမ်းရေး
တို့  အမျိုးသားစီးလုံးညီညွတ်ရေးတို့ စတဲ့ကိစ္စတွေဟာ PR နဲ့ မဆိုင်ပါဘူး - ဖက်ဒရယ်ကိစ္စနဲ့ သာဆိုင်ပါတယ်။

မဆိုင်တဲ့အချက်ဆွဲသုံးပီး ချောက်လှန့် တာလို့ ယူဆပါတယ်။ နောင်လဲကြားချင်ကြားရနိုင်ပါသေးတယ်။ PR နှင့်ပါတ်သက်၍ ကန့် ကွက်ချက်အမျိုးမျိုးရှိတဲ့အနက် အချိန်မတန်သေးဟူသော ကန့် ကွက်ချက်က အားအ ကောင်းဆုံးလို့ ယူဆပါတယ်။ ဘာ့ကြောင့်လဲဆိုတော့ (PR ) စံနစ်ကို မပုတ်ခတ်ဘဲ မြန်မာနိုင်ငံရေးလက်ရှိအနေအထားကို ထောက်ပြ၍ကန့် ကွက်တာဖြစ်နေတယ်။

ဖလုံစဝေါ်ပါတီမှ စောသန်းအောင်က ဒီမိုကရေစီရင့်ကျက်ချိန်ကျမှ PRကို ကျင့်သုံးရန်ဈေးဆစ်တယ်။ ဒီမိုကရေစီ ဟာ သူ့ အလိုလို ရင့်ကျက်လာမှာမဟုတ်ဘူး။ နိုင်ငံရေးပါတီ ၆၅ ပါတီရှိတဲ့ တိုင်းပြည်မှာပါတီကြီး ၂ခုဘဲ နိုင်ငံရေး လက်ဝါးကြီးအုပ်နိုင်နေတဲ့ အခြေအနေကို ဖျက်ဆီးပစ်ပြီး ပါတီငယ်တွေကိုပါ စင်ပေါ်တင်ပေးမှ ဒီမိုကရေစီရင့်ကျက်ဖို့ ဖြစ်နိုင်မယ်။ အဲသလိုဖြစ်ဘို့ ပြင်ညီကစားကွင်းဖြစ်တဲ့ အချိုးကျကိုယ်စားပြုရေးကို ပြောင်းရတာဖြစ်ပါတယ်။

စောင့်ကြည့်သတင်းဂျာနယ်ကတော့ အာဏာ ဆက်လက်ချုပ်ကိုင်ရေးဗျူဟာလို့ အတိအကျ အကဲဖြတ်တယ်။ ဒီအချက်ကလဲ ယုတ္တိတန်ပါတယ်။ အုပ်စိုးသူလူတန်းစားတရပ်ဟာ နိုင်ငံရေးဇာတ်ခုံပေါ်ကနေ သူ့ သဘောနဲ့  သူ ဆင်းပေးသွားတယ်ဆိုတဲ့ အဖြစ်မျိုးသမိုင်းမှာ မပေါ်ပေါက်သေးဘူးလို့ ” စတာလင်က မှတ်ချက်ချဘူးတယ်။

ပြည်ခိုင်ဖြိုးရဲ့ လူတန်းစားဇစ်မြစ်ကို တစ်စက္ကန့် ကလေးမှ သတိမလစ်ဘဲသူလုပ်လိုက်တဲ့အလုပ် - အချိုးကျ ကိုယ်စားပြုစံနစ်သို့ ပြောင်းလဲရေး - ဟာ ဒီမိုကရေစီအတွက် အပေါင်းဖြစ်မလားအနှုတ်ဖြစ်မလားဆိုတာကို ဆက်လက်စဉ်းစားမှာဖြစ်တယ်။

ယခုကိစ္စမှာ ‘အစိုးရဘက်’ ၊ ‘အတိုက်အခံဘက်’ - နဲ့ တိုင်းပြည်(ဒီမိုကရေစီအကျိုးစီးပွား) “ဘက်သုံးဘက်” ခြွဲကည့်ပြီးတော့ တတိယဘက်ကို ရွေးတာဖြစ်တယ်။ ပါတီနိုင်ငံရေးခေတ်မှာ ရပ်တည်ချက်တွေဟာ ဟိုအရင် တခေတ်တုံးကလို ‘အုပ်စိုးရေးဘက်’ နဲ့  ‘တိုင်းပြည်/လူထုဘက်’ ဆိုပြီး ဘက်နှစ်ဘက်ထည်းမဟုတ်တော့ဘူး။

အချိုးကျကိုယ်စားပြုစံနစ် (PR) ကို ပထမဆုံး (၁၉၉ဝ ခုနှစ်ရွေးကောက်ပွဲမတိုင်မီကတည်းက) တင်ပြတဲ့ပါတီ ကတော့တိုင်းရင်းသားစီးလုံးညီညွတ်ရေးပါတီပါ။ ဒါပေမဲ့သူ့ ခမျာ ‘မဆလ’ အရိပ်မည်းကြီးကြောင့် မအောင်မြင်ခဲ့ဘူး။ ခုတစ်ခါ ပြန်တင်သူကတော့ ၁၈ နှစ်လုံးလုံး အောင်ဆန်းစုကြည်ရဲ့နောက်လိုက်တွေဖြစ်ခဲ့တဲ့ NDF ပါတီပါ။ ပြည်ခိုင်ဖြိုးကတော့ သူ့ အကြောင်း နဲ့ သူ NDF အဆိုကို endorse လုပ်တာဖြစ်မယ်။

“သူ့ အကြောင်းနဲ့ သူ” ဆိုတာကတော့ သတင်းစောင့်ကြည့်ဂျာနယ်ကရေးသလို ၄၃၆ ကို တန်ပြန်တဲ့ဗျူဟာလဲ ဖြစ်နိုင်တာဘဲ။ PR ကို ဘယ်သူကဘာကြောင့်ဘဲလုပ်လုပ် ‘တတိယဘက်’ ဖြစ်တဲ့လူထုအကျိုး - ဒီမိုကရေစီ အကျိုးအတွက်တော့ ပိုကောင်းလိမ့်မယ်။ ရုရှားဆိုရိုးစကားဟောင်းတစ်ခုပြောသလို “သူခိုးတွေအဝေမတဲ့ကြလို့ ပိုင်ရှင်လက်ထည်းပစ္စည်းပြန်ရောက်လာ” မဲ့ကိန်းလို့ ဘဲမှတ်ယူတယ်။

မြန်မာနိုင်ငံရေးသမားတွေဟာ ဦးသိန်းဖေမြင့်ရေးခဲ့ဘူးသလို “တူတာတွေကိုတွဲလုပ်” နိုင်တဲ့ အရည်အချင်းမျိုး - ရင့်ကျက်မှုမျိုး လိုအပ်နေတယ်။ နိုင်ငံရေးမှာထာဝရရန်သူမရှိ - ထာဝရမိတ်ဆွေမရှိ - ထာဝရအကျိုးစီးပွားသာရှိတယ်။ ဒီမိုကရေစီဘက်သို့ ရှေ့ တစ်လှမ်းဆက်တိုးရေးဟာ တိုင်းပြည့် ထာဝရအကျိုးစီးပွားရဲ့တစိပ်တစ်ပိုင်းဘဲ။

လက်ရှိမြန်မာ့ဒီမိုကရေစီကူးပြောင်းရေးဖြစ်စဉ်ဟာ အာဏာလက်ရှိအုပ်စိုးရေးကြီး (incumbent regime) က ဦးဆောင်ပြီးလုပ်နေတဲ့ အပြောင်းအလဲတစ်ခု (Regime-led “regime change”) ဖြစ်တယ်။ စစ်အာဏာရှင် စံနစ်ဟာတိုင်းပြည်ကို (ဒီမိုကရေစီ ဘက်သို့ သတိကြီးစွာနဲ့ တဖြည်းဖြည်းချင်းရွေ့ ရှား) ပြောင်းလဲပစ်နေစဉ် မှာပဲ သူကိုယ်တိုင်လဲ (မကျန်ရစ်အောင်) ပြောင်းလဲယူနေတယ်။ ဒါကို သတိထားကြည့်နေတဲ့လူတိုင်းမြင်တယ်။

ဒါပေမဲ့ ဒီအုပ်စိုးရေးအဟောင်းကြီးဟာလဲ နိုင်ငံရေးလောကလိုဘဲ တမျိုးတစ်စားထည်း (monolithic) မဟုတ်ဘူး။ ပြောင်းလဲမှဖြစ်တော့မယ်လို့ သဘောပေါက်တဲ့အုပ်စု (politically enlightened section of the ruling elite) နဲ့ အရင်ကလိုဘဲ မိုက်တိမိုက်ကမ်းနေချင် လုပ်ချင်တဲ့ ဗိုလ်ချုပ်ဟောင်းတွေ ဆိုပြီးအကြမ်းအားဖြင့် အစုနှစ်စုဖြစ်နေတယ်။

တိုင်းပြည်အကောင်းဘက်ကို မျက်နှာမူရွေ့ ရှားစပြုလာတာ နိုင်ငံရေးအမြင်မှန်ရတဲ့အုပ်စုက အထက်စီးရနေလို့  ဖြစ်တယ်။ ဒါကို သဘောပေါက်တဲ့သူတွေက အုပ်စိုးသူဘက်က ရှေ့ တစ်လှမ်းတိုးတဲ့ကိစ္စတိုင်းကို အမိအရဆုပ်ကိုင်တယ်။ တစ်ချိန်တည်းမှာပဲ သူတို့ အကျိုးစီးပွားကို ကာကွယ်ဘို့ တိုင်းပြည်နဲ့ လူထုအကျိုးစီးပွားကို ချနင်း တဲ့
ကိစ္စတိုင်းကိုလဲ ဆန့် ကျင်နေရတယ်။ ဥပမာ လယ်မြေတွေကို သိမ်းယူနေတာ - ဝန်ထမ်းယန္တယားကြီး ချစားယို ယွင်းနေတာ - ခိုးဝင်ဘင်္ဂလီတွေပြဿနာကို ထိထိရောက်ရောက်ပြတ်ပြတ်သားသားမကိုင်တွယ်တာ ..

ဒါကြောင့်ဖါးတစ်ပိုင်း-မြွေတစ်ပိုင်းဖြစ်နေသေးတဲ့အုပ်စိုးရေးနဲ့ ‘ တွဲလည်းတွဲ - တိုက်လည်းတိုက်’ လုပ်နေရ တယ်။ တူတာတွေ တွဲလုပ်နိုင်အောင်ကျိုးစားပြီး မတူတာတွေကို တိုက်တယ်။ အချိုးကိုယ်စားပြုရေးစံနစ်ကိစ္စ ဟာ တူတာကိုတွဲလုပ်တာဖြစ်တယ်။

ဒီလိုအမြင်မျိုးကို ပါတီကြီးအစွဲရှိသူများ - ပုဂ္ဂိုလ်ကိုးကွယ်ရေးသမားများက မမြင်နိုင်ဘူး။ မြင်လဲလက်မခံကြဘူး။ သူတို့ အတွက် ‘ရန်သူ’ နဲ့  တစက်ကလေးမှ မပါတ်သက်ရဆိုတဲ့ နိုင်ငံရေးသီလစင်ကြယ်ရေးက အဓိကဖြစ်တယ်။

ဗိုလ်ချုပ်အောင်ဆန်းကိုယ်တိုင်တောင် ခဏတဖြုတ်နှစ်သက်ခဲ့ဘူးတဲ့ လက်ဝဲဝါဒရဲ့သြဇာကြောင့် မြန်မာနိုင်ငံရေးယဉ်ကျေးမှု (political culture) မှာ တဖက်စွန်းဆီရောက်နေကြမှု (polarized) ဟာ သက်တမ်းရင့်နေပြီ။ မဆလဆိုရှယ်လစ်တစ်ပါတီစံနစ်အောက်မှာ ပိုဆိုးလာခဲ့တယ်။ “ရန် - ငါ” စည်းပြတ်ရမယ်ဆိုတဲ့ ဗကပယူဂျီတွေသွင်း ပေးထားခဲ့တဲ့အတွေးအခေါ်အရ ဘက်နှစ်ထည်းရှိတယ် ကြားမရှိဘူး မရှိရဘူး။ ဘယ်ဘက်မှမပါဘဲ ကြားနေသူများနဲ့ - ကြားနေရပ်တည်ချက်ကိုလဲ ရန်သူ့ ဘက်ဘဲလို့ သတ်မှတ်တယ်။

ဒီအတွေးအခေါ်အရ နိုင်ငံရေးပါတီ တစ်ခု - နိုင်ငံရေးခေါင်းဆောင်တစ်ယောက် ဘယ်လောက်ပဲ ညံ့ဖျင်းနေနေ “ဘက်” သဘောအရ မျက်စေ့မှိတ် ပြီးထောက်ခံ ရပ်တည်ပေးနေမှ နိုင်ငံရေးအရ မှန်ကန် (politically correct) တယ်လို့ ခံယူတယ်။

ဦးသိန်းစိန်အစိုးရ ခေတ်သုံးနှစ်အတွင်း သတင်းစာလွပ်လပ်ခွင့်ရလာတော့လဲ လွပ်လပ်ခွင့်ကို အဲဒီအဆိပ်သင့် အတွေးအခေါ်နဲ့ ဘဲဆက်သုံးကြတယ်။ ‘ဘက်နှစ်ဘက်’ အတွေးအခေါ် - ပါတီကြီးနှစ်ခုစံနစ်နဲ့  - အဲဒီစံနစ်ကိုမွေး ဖွားပေးတဲ့နိုင်သူအကုန်ယူစံနစ် (winner take all) ဟာပါရာဒိုင်း (paradigm) တစ်ခုဖြစ်တယ်။

လက်ရှိမြန်မာ့နိုင်ငံရေးကို လွှမ်းမိုးထားတာ “ဘက်နှစ်ဘက်အမြင်” နဲ့ “ပုဂ္ဂိုလ်ကိုးကွယ်မှု” ဖြစ်တယ်။ ဒါတွေ အပေါ်ကိုယ်ကျိုးရှာ “ကပ်ပါးအချောင်သမားဝါဒ” (parasitism) အပင်ပေါက်ခွင့်ရသွားတဲ့အခါ နိုင်ငံရေးဟာ ပြည်သူတွေအဖို့ ရွံစရာဖြစ်လာတယ်။ ဒီအချက်သုံးချက်ဟာ လက်ရှိမြန်မာ့နိုင်ငံရေးယဉ်ကျေးမှုရဲ့ တရားကိုယ် တွေဖြစ်နေတယ်။ (elements of Burmese political culture)

ဒီယဉ်ကျေးမှုအရနိုင်ငံရေးအင်အားစုတွေဟာ ဘက်နှစ်ဘက်အခွဲသတ်မှတ်ခံရပြီး တဘက် နဲ့ တဘက် သူဖြုရင် ငါမဲ တဘက်စွန်းစီမှာနေတယ်(polarized)။ ပုဂ္ဂိုလ်ကိုးကွယ်ခြင်းအရ တဘက်က ‘အမေ’ ကိုအခြားတဘက်က ‘အဘ’ (တွေ)ကို ကိုးကွယ်တယ်အားထားတယ်။

အချိုးကျကိုယ်စားပြုစံနစ်ကို တိုင်းပြည်ရဲ့တစိပ်တစ်ပိုင်းမှာ စတင်ကျင့်သုံးတော့မယ်လို့ အတည်ပြုလိုက်နိုင်တာဟာ တည်ဆဲနိုင်ငံရေးလောကဟောင်းကြီးကို ချုပ်ငြိမ်းပေးနိုင်မဲ့ မဟာဗျူဟာမြောက်တဲ့ ပထမခြေလှမ်းဖြစ်တယ်။ နှစ်ပါတီကြီးစိုးစံနစ်ကို အဆုံးသတ်ဘို့ တတိယအင်အားစု (Third Forces) ဖြစ်တဲ့ အရေအတွက် ၆ဝ ကျော်တဲ့ပါတီတွေကို မြန်မာ့နိုင်ငံရေးမြင်ကွင်းထည်းကို လမ်းဖွင့်ပေးမယ်။ သူတို့ အထည်းကတစ်ချို့ ဟာ ပါတီစုံစံနစ်မှာ ဗဟိုအချက်အချာကျပြီး လေးစားလောက်တဲ့ အင်အားစုဖြစ်လာမယ်။ ဖေါင်းပွနေတဲ့ သူတို့ အရေအတွက်ကိုလဲ
အချိန်က ကိုယ်ရည်စစ်ပေးလိမ့်မယ်။ တပ်ပေါင်းစုတွေ - ရွေးကောက်ပွဲပလက်ဖေါင်း (coalitions, election platform) တွေဖွဲ့ ခြင်းအားဖြင့် တူရာတွေ ပေါင်းစည်းပြီး ပါတီအရေအတွက် တဝက်လောက်အထိချုံ့ သွားမှာပါ။

ဤနည်းအားဖြင့် ရှိနေတဲ့အစွန်းရောက်အနေအထား (polarized situation) ဟာ အဆုံးသပ်သွားပြီးပြင်/ညီပုံမှန် (balanced) နိုင်ငံရေး အခင်းအကျင်းသစ်တစ်ခုကို တည်ဆောက်ယူနိုင်မယ်။ အရင်ပါလီမန်တခေတ်က ပထစနဲ့ တည်မြဲဖဆပလ တို့ ရဲ့ပြင်းထန်တဲ့အားပြိုင်မှုအကြားမှာ ပြည်ထောင်စုမြန်မာ
နိုင်ငံညီညွတ်ရေးတပ်ပေါင်းစု (ပမညတ) ဟာ ထိရောက်တဲ့ပွဲထိမ်းသူ (balancing power) ဖြစ်ခဲ့တယ်။ ကယ်၍ စစ်တပ်ကသာ အာဏာမသိမ်းဖြစ်ခဲ့ရင် ၁၉၆၄ ခုနှစ်မှာ လုပ်မဲ့ ရွေးကောက်ပွဲဟာပမညတရဲ့ပွဲလို့  လူအများကထင်ကြေးပေးခဲ့တယ်။

အရေးကြီးတာကတော့ ဒီမိုကရေစီခေတ်သစ်မှာ ဘယ်သူဘဲအာဏာရရ နိုင်ငံရေးယဉ်ကျေးမှုသစ်တစ်ခု (a new political culture) တစ်ခု တည်ဆောက်နိုင်တယ်ဆိုရင် အချိုးကျကိုယ်စားပြုရွေးကောက်ပွဲစံနစ်ကို ပြောင်းလဲရ ကျိုးနပ်မယ်။

ယခုနောက်ဆုံးအနေနဲ့ PR ကို ဆန့် ကျင်တဲ့ နိုင်ငံရေးအမြင်ရှိသူတွေ ထောက်ပြတဲ့အရေးကြီးတဲ့ အချက်တစ်ခုကို
ဆွေးနွေးပါမယ်။ စံနစ်သစ်ကို ကျင့်သုံးဖို့ ဆုံးဖြတ်ပြီးပြီဆိုသည့်တိုင် ဒီအချက်ကို ပြေလည်အောင်ဖြေရှင်းမထားခဲ့
ရင် ဒါဟာ တလျှောက်လုံးစကားနာထိုးစရာ ခိုးလို့ ခုလုအချက်တစ်ခု ဆက်ဖြစ်နေမှာပါ။ အဲဒါကတော့ - လွှတ်တော်ထည်းမှာ စစ်ဗိုလ်တွေက နေရာ၂၅% ယူပြီး ဝင်ထိုင်နေတာကိုတော့ ဘာမှမပြောဘဲရွေးကောက်ပွဲ စံနစ်ကိုကျတော့ ဘာကြောင့်ပြောင်းချင်တာလဲလို့ မေးလာတယ်။

ဒီနှစ်ခုဟာ သူ့ အချိန်နဲ့ သူလုပ်ရမဲ့ သီခြားကိစ္စ တွေဖြစ်တယ်ဆိုတာ နိုင်ငံရေးလက်တွေ့ နယ်ထဲက လူတွေကတော့သိတယ်။ သို့ သော်အရပ်သားအတွေးနဲ့  ဆက်စပ်ပြီးပြောလာတော့လဲ ပြန်လည်ဆွေးနွေးဖို့ လိုပါတယ်။ လွှတ်တော်ထည်းမှာ တပ်မတော်ကိုယ်စားလှယ်တွေရှိနေတာဟာ အချိန်တန်လာတဲအခါ အလွယ်တကူပြေလည်
သွားမဲ့ကိစ္စလို့ ပြောချင်တယ်။ အချိန်မတန်သေးခင် ကိုင်တွယ်ဘို့ ကျိုးစားရင်တော့ ပိုဆိုးသွားနိုင်တယ်။ အခြေခံဥပဒေမှာ ကာကွယ်ရေးဦးစီးချုပ်သည် တပ်မတော်သားကိုယ်စားလှယ် ၂၅% ကို လွှတ်တော်သို့ စေလွှတ်ပေးရ
မည်လို့  ပြဌန်းမထားဘူး။ အကယ်၍သာ ဒီတပ်မတော်အရာရှိ ၁၆၆ ဦးကို တပ်မတော်တွင်း မဲဆန္ဒနယ်တွေကဘဲ ဖြစ်ဖြစ် - အရပ်ဘက်ရှိ ၃၃ဝ သောမဲဆန္ဒနယ်တွေကဘဲဖြစ်ဖြစ် - (ဘယ် Constitutency ကဖြစ်ဖြစ်) - မဲရွေး
စံနစ်တစ်ခုခုနဲ့ ရွေးချယ်ပြီး စေလွှတ်ပေးရမည်လို့ အခြေခံဥပဒေကပြဌန်းထားခဲ့ရင် သူတို့ မှာ mandate ရှိနေလို့ သူတို့ ကို dis-qualify လုပ်ဖို့ ခက်လိမ့်မယ်။

အခုနေ အတိုင်းကတော့ ဒီလူတွေကို ကာကွယ်ရေးဦးစီးချုပ်က စေလွှတ်ထားတာဖြစ်လို့ ကာကွယ်ရေးဦးစီးချုပ်က ပြန်ခေါ်လိုက်တဲ့နေ့ မှာကိစ္စပြတ်ပြီ။ ဒါဟာ ကာ/ချုပ်ရဲ့လုပ်ပိုင်ခွင့်ထည်းမှာဘဲရှိနေတယ် (It falls within the
jurisdiction of his discretional power)။ ဒါကြောင့် စစ်တပ်ကို နိုင်ငံရေးလောကနဲ့ တိုင်းရင်းသားလောကတို့ တွေက “ရန်ဘက်”ရပ်တည်ချက် (hostile attitude) မထားတော့ဘူးလို့ စစ်တပ်ဘက်က ခံစားလာယုံကြည်လာတဲ့တနေ့ ကာချုပ်က - “ကိုယ့်လူတို့ ပြန် လာခဲ့ကြတော့ ” ဆိုတာနဲ့ တင်ပြီးပြတ်သွားနိုင်တယ်။ လူတွေကို အရင်ပြန်ခေါ်လိုက်ပြီးမှ အနီးဆုံး လွှတ်တော်အစည်းအဝေးမှာ အဲဒါနဲ့ ပါတ်သက်တဲ့အခြေခံဥပဒေထည်းကပြဌန်းချက်ကို နှုတ်ပယ်ပြင်ဆင်လိုက်လို့ ရတယ်။

ဒီကိစ္စနဲ့ ပါတ်သက်ရင် ရှေ့ ကိုကြိုပြီးမျှော်ခေါ်ကြည့် မြင်စွမ်းမရှိတဲ့သူများအဖို့ တော့ ကမ္ဘာတည်သရွေ့  တည် နေမဲ့ကိစ္စကြီးလိုလို ခံစားနေကြတာမဆန်းဘူး။ တကယ်က နိုင်ငံရေးသမားတွေဘက်က စစ်တပ်လောက် Learning process နှုံးမြန်မယ်ဆိုရင် ငါးနှစ်တကြိမ် ရွေးကောက်ပွဲသတ်မှတ်ထားတဲ့ (five year electoral cycle) မြန်မာပြည်မှာ ၂ဝ၂ဝ ခုနှစ်လောက်ဆိုရင်ကို လက်တွေ့ ဖြစ်လာနိုင်တယ်။

ဘာဘဲဖြစ်ဖြစ် စစ်ဗိုလ်တွေ လွှတ်တော်ထည်းရောက်နေတာဟာ သူတို့ နဲ့ မဆိုင်တဲ့နေရာ လာနေကြတာဆိုတဲ့ အမြင်ဟာ အားကောင်းတဲ့အမြင်ဖြစ်တယ်။ သို့ သော် အဆိုးထည်းက အကောင်းကိုလဲ မြင်နိုင်စွမ်းရှိရပါမယ်။ သူတို့ တွေ လွှတ်တော်ထည်းရောက်နေတာ သူတို့ လူတန်းစားအကျိုးစီးပွားကို ကာကွယ်ဘို့ ဖြစ်ကောင်းဖြစ်မယ်။ လက်တွေ့ မှာကတော့ သူတို့ ဟာ civilianizing process တစ်ခုကို ဖြတ်သန်းနေရာရောက်တယ်။ စစ်ဗိုလ်တွေ လူတန်းစားတရပ်လို ဖြစ်နေတာကို အဆုံးသပ်စေမဲ့အရပ်သားတွေနဲ့ လက်ပွန်းတတီးလာနေ - အရပ်သားခံစား ချက်နဲ့ ထိတွေ့  - အရပ်သားနိုင်ငံရေး (ဒီမိုကရေ စီနိုင်ငံရေး) လက်တွေ့ သင်တန်း( democratic internship)
လာတက်မိရက်သားဖြစ်နေတယ်လို့ လဲအဓိပ္ပါယ်ကောက်ယူလို့ ရတယ်။

ဒီိလိုနီးစပ်မှုမျိုး ပထမအကြိမ်ပေါ်ပေါက်
ခဲ့ဘူးတာ ၁၉၉၄ - ၂ဝဝ၆ အမျိုးသားညီလာခံ ကာလတုံးကဖြစ်တယ်။ အခုလွှတ်တော်တက်နေတဲ့ အရာရှိတွေဟာ ဦးနေဝင်းခေတ်ကလို တပ်ထည်းမှာသုံးမရတဲ့ အိုနာကျိုးကန်းတွေ-ပညာမဲ့တွေအရက်ချိုးတွေကို ဘီအီးဒီစီတို့  ပပကတို့ သမဝါယမတို့  ဆီပို့ လိုက်တာမျိုး မဟုတ်ဘူး။ ခေတ်ပညာ တတ်မျိုးဆက်သစ်တွေဖြစ်တယ်။ သူတို့ ဟာ လွှတ်တော်ထည်းမှာ အရပ်သားတွေနဲ့ အဆင်ပြေအောင်နေတယ်။

အရေးအကြီးဆုံးက လွှတ်တော်ထည်းမှာ ဒီမိုကရေစီဘက်ဦးတည်တဲ့ ဥပဒေပြုတာတွေကို ကဖျက်ယဖျက်မလုပ် ကြဘူး။ တပ်ကထွက်ခွင့်ရတဲ့အခါ သူတို့ ထည်းက လူတွေ ဒီမိုကရေစီနိုင်ငံရေးထည်းရောက်မလာဘူး ဘယ်သူပြောနိုင်လဲ။

Learning process ကိုတော့ စစ်ဘက်-ရပ်ဘက်နှစ်ဘက်စလုံးက ဆက်လုပ်နေကြရမှာဖြစ်တယ်။ အထူးသ ဖြင့်တိုင်းပြည်ကံကြမ္မာကို ပြဌန်းနေသေးတဲ့ စစ်တပ်ဘက်က ပိုလုပ်ပြသင့်တယ်။ ပိုလဲလုပ်နေတယ် - ဒါပေမဲ့မလုံ လောက်သေးဘူး။ ကနေ့ အထိ တိုင်းပြည်နဲ့ လူထုကစစ်ဘက်ကို ရွံ့ နေသေးတာဟာ ဒီမိုကရေစီအုပ်ချုပ် ရေးစံနစ်သစ်နဲ့ လိုက်ဖက်တဲ့တပ်တွင်းပြုပြင်ရေး (military reform) တစ်ခု လုပ်မပြသေးလို့ ဖြစ်တယ်။

စစ်ဘက်က military reform ကို ထိထိရောက်ရောက်လုပ်ပြရင်အရပ်ဘက်ကလဲ bureaucracy reform ကို ထိထိရောက်ရောက် မလုပ်ဘဲမနေနိုင်ဖြစ်လာမယ်။ အချိုးကျကိုယ်စားပြုစံနစ်နဲ့ အထွေထွေရွေးကောက်ပွဲကြီး တစ်ကြိမ်ဖြတ်သန်းပြီးသွားတဲ့အခါမှာ လူထုကရော နိုင်ငံရေးလောကကပါ နိုင်ငံရေးကို အမြင်တစ်မျိုးနဲ့ ပြောင်းလဲသုံးသပ်လာကြမယ်။ နိုင်ငံရေးပြဿနာတွေမှာ “လူ” ထက် “နိုင်ငံရေး”ဘက်ကို ပိုအလေးပေးအကဲဖြတ်လာကြမယ်။ နိုင်ငံရေးလောကထည်းကို တန်ဘိုးအသစ်တွေ
(new values) စဝင်လာမယ်။ အတိပ်ကိုသာ ပြန်လှည့်ကြည့်နေတဲ့ အကျင့်ဟောင်းနေရာမှာ အတိပ်ကို အတိပ်မှာ ဘဲထားခဲ့ပြီး ပစ္စုပ္ပန်နဲ့ အနာဂါတ်အရေးကို ပိုဦးစားပေးတွေးတာတွေဖြစ်လာမယ်။ ဒါဟာ လူထုဘက်ကစတင်မဲ့ အပြောင်းအလဲဖြစ်ပြီး နိုင်ငံရေးသမားတွေကလဲ လူထုရဲ့ပြောင်းလဲလာတဲ့ Mood နဲ့ အညီလိုက်ပြောင်းလဲလာ
ရမှာဘဲ။ ဒီအဆင့်ကျရင် အတိပ်ကို ခဏခဏပြန်နှူးပြီး ချောက်လှန့် ပြစားနေတဲ့သူတွေ အတိပ်နဲ့ လက်မထောင် နတဲ့သူတွေ အလုပ်မဖြစ်တော့ဘဲ နောက်မှာကျန်ရစ်ခဲ့လိမ့်မယ်။

PR စံနစ်နဲ့ ရွေးကောက်ပွဲ နှစ်ကြိမ်လောက် လုပ်ပြီးတဲ့အချိန်လောက်ကျရင် တိုင်းပြည်နဲ့ လူထုကအတိပ်ကို အတိပ်မှာဘဲ ပို၍ပို၍ ထားခဲ့လာသည့်နှင့်အမျှ တပ်မတော်အနေနဲ့ ကလဲ နေရထိုင်ရပိုပြီး သက်တောင့်သက်သာ (comfortable) ဖြစ်လာမယ်။ ဒီအခါမှာ အမျိုးသားရင်ကြားစေ့ရေးဟာ ဘယ်သူကဘယ်သူ့ ကို ပိုပြီးအလျှော့ပေး လို့ မဟုတ်ဘဲ အချိန်ကကုစားတဲ့နည်းနဲ့  ရုပ်လုံးစပေါ်လာနိုင်တယ်။ အဲဒီဘူတာ (scenario) ကို ဆိုက်နိုင်ဘို့ ကတော့ လူမှန်တွေကို နေရာမှန်ပို့ ပေးနိုင်တဲ့ နိုင်ငံရေးနည်းမှန်စံနစ်မှန်တွေကို တိတိကျကျ မှန်မှန်ကန်ကန် မြန်မြန်ဆန်ဆန် လုပ်မိကြဘို့ လိုတယ်။

အချိုးကျကိုယ်စားပြုရေးစံနစ်ဟာ နည်းမှန် စံနစ်မှန်တွေအနက် တစ်ခုဖြစ်ပါတယ်။

ရွှေမြင့်မောင်

၂၆ - ဝ၇ -၁၄