ဒီမိုကရက်တိုင်ဇေးရှင်း နှင့် အာဏာဒေါက်တိုင်များ(ဒီနေ့ထုတ် The voice Daily ဆောင်းပါး)
ဒီမိုကရက်တိုင်ဇေးရှင်းဖြစ်စဉ် အောင်မြင်နိုင်ရန် သတိပြုရမည့်အချက်များထဲမှာ အာဏာဒေါက်တိုင်များကို စည်းရုံးသိမ်းသွင်းနိုင်ခြင်းသည် လည်း တစ်ခုအပါအဝင်ဖြစ်သည်။အာဏာအဆောက်အအုံတစ်ခု ခိုင်ခံ့တည်မြဲခြင်းသည် အာဏာဒေါက်တိုင်များ၏ ထောက်ပံ့စွမ်းအားမပါဘဲ ရပ်တည်နိုင်မည် မဟုတ်ပေ။သို့သော် အာဏာဒေါက်တိုင်များသည် ပေးဆပ်မှူအခြေခံထားသော အသက်မွေးဝမ်းကျောင်းပိုင်ရှင်များ ဖြစ်သည်ကို သတိပြုရန်လိုအပ်ပြီး ၎င်းတို့တန်ဖိုးကို လျစ်လျူရှူတွေးခေါ်ရန် မသင့်ပေ။
အာဏာဒေါက်တိုင်များသည် အာဏာဆောက်အအုံ တည်တံ့ခိုင်မြဲရေးအတွက် အရေးပါသည်ကို အာဏာပိုင်ဆိုင်သူများက ကောင်းစွာ သိမြင်ကြသည့်အတွက် အာဏာဒေါက်တိုင်များကို နည်းလမ်းအမျိုးမျိုး အသုံးပြုပြီး သိမ်းသွင်းလေ့ရှိကြသည်။သိမ်းသွင်းမှူနည်းလမ်းများထဲတွင် မက်လုံးပေးခြင်းနှင့် ခြိမ်းခြောက်ဖိအားပေးခြင်းတို့ ပါဝင်ပြီး မိသားစုပိုင်ဆိုင် များသူအနေဖြင့် ပိုမိုလွန်ဆန်ရန်ခက်ခဲနေတတ်ကြသည်။နောက်ဆုံးတွင် အာဏာဒေါက်တိုင်များအနေဖြင့် လွန်ဆန်ရန်ခက်ခဲသော အခြေအနေများကြောင့် နာခံခြင်း ကို အ ကောင်းဆုံးဘဝ နေနည်းဖြင့် သိမြင် ခံစားနားလည်သွားတတ်ကြပြီး အာဏာအဆောက်အအုံကို ပိုမိုခိုင်ခံ့စေပေသည်။
စင်စစ်တွင် အာဏာအဆောက်အအုံကို ထောက်ပံ့ပေးထားသော အာဏာဒေါက်တိုင်များသည် မှားယွင်းသော စနစ်အောက်တွင် အလုပ်အကျွေးပြု နေသူများဖြစ်သည်။သူတို့သည် ပြည်သူ၏ ရန်သူမဟုတ်ပေ။စနစ်တစ်ခု၏သားကောင်းများသာုဖြစ်ပေသည်။အာဏာဒေါက်တိုင် များကို ဖြိုဖျက်ရန် ကြိုးပမ်းခြင်း (သို့) ရန်သူအဖြစ် ရှူမြင်ခြင်းက ဒီမိုကရက်တိုင်ဇေးရှင်း ဖြစ်စဉ်ကို ကောင်းစွာ အထောက်အပံ့မပြုဘဲ တခါတရံတွင် ဆိုးဝါးသော ရလာဒ်များနှင့်သာ ကြုံတွေရနိုင်ဖွယ် ရှိပေသည်။အာဏာဒေါက်တိုင်များကို "အား "တစ်ခုအဖြစ်ယူဆပြီး တိုင်းပြည်တည်ဆောက်ရေးလုပ်ငန်းစဉ်များတွင် မှန်ကန်စွာရပ်တည်လုပ်ကိုင်နိုင်စေရန် စည်းရုံးဆွဲဆောင်ရမည်ဖြစ်သည်။
၎င်းတို့သည် တိုင်းပြည်တည်ငြိမ်ရေးနှင့် အစိုးရယန္တရားလည်ပတ်ရေးတို့အတွက် အဓိကကျသောအရာများဖြစ်ပြီးတိုင်းပြည်ခိုင်မာစေရန် ထောက်ပံ့ထားသော
ဒေါက်တိုင်များလည်းဖြစ်ပေသည်။သူတို့သည် တိုင်းပြည်တည်ငြိမ်ရေးနှင့်လုံခြုံရေးတာဝန်ကို ထမ်းဆောင်နေကြသူများဖြစ်သောကြောင့် တိုင်းပြည်အတွက်ပေးဆပ်သူများ အဖြစ်ခံယူထားသူများဖြစ်သည်။ထို့ကြောင့် ၎င်းတို့ကို ဖိအားပြောဆိုရာ၌ တိုက်ခိုက်သည်ဟု မခံစားမိစေရန် သတိပြုပြောဆိုရန်လိုအပ်ပေသည်။အဘယ်ကြောင့်ဆိုသော် အာဏာဒေါက်တိုင်အများစုသည် အာဏာဒေါက်တိုင်အဖြစ်ထက် အုပ်ချုပ်ရေးလက်တံအဖြစ်သာ ၎င်းတို့ကိုယ်တိုင် သိမြင် နားလည်ထားသူများဖြစ်သောကြောင့် ဖြစ်သည်။
၎င်းတို့၏ နေ့စဉ်ဖြတ်သန်းမှူများတွင် ပေးဆပ်မှူများကို အခြေခံထားသည်ဖြစ်ရာ ၎င်းတို့ဘဝကို မြတ်နိုးနေကြသူများဖြစ်သည်။ခံစားမှူရှေ့တန်းတင်တွေးခေါ်သူ အများစုသည် ၎င်းတို့ကို ဖိအားပေးပြောဆိုရာ၌ လွဲမှားစွာချဉ်းကပ်လေ့ရှိကြသည်။ အာဏာရှင်စနစ်အပေါ် ဒေါက်တိုင်များအဖြစ် ထောက်ပံ့ထားမှူအပေါ် ပြောင်းလဲလိုသောကြောင့် ဖိအားပေးပြောဆိုမှူများသည် ၎င်းတို့အသက်မွေးဝမ်းကျောင်းအပေါ်ထားရှိသော ယုံကြည်မှူကို ချိုးဖျက် သည်ဟု ခံစားရလျင် ဖိအားပေးပြောဆိုမှူများသည် အသုံးဝင်မည်မဟုတ်ချေ။
အာဏာဒေါက်တိုင်များအနေဖြင့် သီးခြား နယ်မြေများ (လိုင်းခန်း။ဈေး။ကျောင်း။ဆေးပေးခန်း)တွင် နေထိုင်ရသည်မှာ အချိန်အများစုဖြစ်သည်။နေသားတကျဖြစ်သော အတွေးအခေါ်စံနှူန်းများနှင့် ယုံကြည်ချက်များမှာ သာမန်ပြည်သူအများစုနှင့် ကွာဟ နေတတ်သည်။၎င်းတို့သည် နိုင်ငံတော်တည်ငြိမ်ရေးနှင့် လုံခြုံရေးကို ဗဟိုပြုတွေးခေါ်ကြပြီး အချုပ်အချာအာဏာ ပိုင်ဆိုင်မှူကို ခြိမ်းခြောက်လာနိုင်မည့် အရာများကို ဦးစားပေးထည့်သွင်း ဆုံးဖြတ်တတ်သူများဖြစ်သည်။သာမန်ပြည်သူအများစုက ဒီမိုကရေစီစံနှူန်းများနှင့် လူ့အခွင့်အရေးကို ဗဟိုပြု တွေးခေါ်ရန် အားသန်ကြသည်။စင်စစ်တွင် တွေးခေါ်ခြင်း ရှူထောင့် ကွဲလွဲ၍ အတွေးပုံစံ ကွဲလွဲနေကြခြင်းသာဖြစ်သည်။မိမိတို့ဗဟိုပြုတွေးခေါ်ရာ ရှူထောင့်ကို တရားသေဆုပ်ကိုင်ထားခြင်းမပြုဘဲ ဖြန့်ကျက်တွေးခေါ်ခြင်းဖြင့် ကွာဟ မှူများကျဉ်းမြောင်းလာမည် ဖြစ်ပြီး အတွေးပုံစံများ နီးစပ်လာမည် ဖြစ်သည်။ထိုသို့ ဖြစ်လာစေရန် ကျွန်တော်တို့ဘာလုပ်ရန် လိုအပ်သနည်း။အာဏာဒေါက်တိုင်များ ၏ အတွေးပုံစံကို မည်သို့ပြောင်းလဲယူကြမည်နည်း။
ကျွန်တော်တို့၏ ရပ်တည်ချက်များသည် အတွေး များမှ ဖြစ်တည်ခြင်းဖြစ်ပြီး အတွေးများ၏ မြစ်ဖျားခံရာသည် ခံစားမှူဖြစ်သည်။ထို့ကြောင့် အာဏာဒေါက်တိုင်များကို ဖိအားပေးပြောဆိုရာ၌ ၎င်းတို့ရဲ့ခံစားမှူများကို ဂရုပြုရန်လိုအပ်သည်။အထူးသဖြင့် ၎င်းတို့ရဲ့အသက်မွေးဝမ်းကျောင်းအပေါ်ထားသော ယုံကြည်မှူတန်ဖိုးမကျစေဘဲ အာဏာရှင်စနစ်ကို ကာကွယ်ပေးသည့်အချက်များကိုသာ တည့်တည့်ပြောဆိုသင့်ပေသည်။သိမ်းကြုံးပြောဆိုခြင်းမပြုသင့်ပေ။ဒီမိုကရေစီစံနှူန်းနှင့် လူအခွင့်အရေးစံနှူန်းများကို နားလည်ယုံကြည်လာစေရန် စည်းရုံးသိမ်းသွင်းရမည်ဖြစ်သည်။ထို့သို့ စည်းရုံးရာ၌ စိတ်ရှည်သည်းခံရန် လိုအပ်သည်။အဘယ်ကြောင့်ဆိုသော် ဒီမိုကရက်တစ်အမူအကျင့်များ စိမ့်ဝင်ပျံ့နှံ့စေရန် အချိန်လိုအပ်သောကြောင့်ဖြစ်သည်။
ဒီမိုကရေစီ အမိုးအကာအောက်တွင် နေထို်င်ကြခြင်းဖြင့် ၎င်းတို့အပေါ်ထားသည့် ပြည်သူများရဲ့ ယုံကြည်လေးစားမှူတန်ဖိုး မြင့်မားလာမည်ဖြစ်ကြောင်း သိနားလည်သည် အထိစည်းရုံးရပေမည်။
၎င်းတို့သည် တိုင်းပြည်အတွက်ပေးဆပ်မှူများကို အခြေခံကာ နေ့စဉ် ဘဝကို ဖြတ်သန်းနေကြသူများဖြစ်သည်။သို့သော် လွဲမှားသောနိုင်ငံရေးစနစ်အောက်တွင် အများရဲ့ယုံကြည်လေးစားမှူကို မရနိုင်ဘဲဖြစ်နေကြသည်။တရားခံမှာ နိုင်ငံရေးစနစ်ဖြစ်သော်လည်း သိမ်းကြုံးပြောဆိုမှူများက ၎င်းတို့ရဲ့ ခံစားသိမြင်မှူကို လွဲမှားစေသည်။အချိန်ကြာလာသောအခါ ဖိအားပေးပြောဆိုမှူများကို အကောင်းမမြင်နိုင်တော့ဘဲ ၎င်းတို့ကို တိုက်ခိုက်သော လုပ်ရပ်များအဖြစ်သာရှူမြင်လာကြသည်။ထိုသို့ဖြစ်လာပါက ဒီမိုကရက်
တိုင်ဇေးရှင်းဖြစ်စဉ်သည် လိုအပ်သည်ထက် အချိန်ပိုကြာမည်ဖြစ်သည်။
အာဏာဒေါက်တိုင်များကိုယ်တိုင် ဒီမိုကရေစနစ်အပေါ် အမှန်တကယ်သက်ဝင်ယုံကြည်ခြင်း မရှိသမျှကာလ ပတ်လုံး အကူးအပြောင်းအဆင့်မှ ခိုင်မာသော အဆင့်ရောက်ပြီဟု ပြောဆိုရန် ခက်ခဲနေဦးမည်ဖြစ်သည်။လက်ရှိအချိန်တွင် ပြည်သူအများသည်ပင် ဒီမိုကရေစီစံနှူန်းများ အတိုင်း တွေခေါ်ပြုမူကျင့်ကြံနေထိုင်ရန် ခက်ခဲနေဆဲဖြစ်သည်။ခေါက်ကျိုးနေသော အတွေးအခေါ်များနှင့် အမူအကျင့်များ ပိုင်ဆိုင်ထားသော အာဏာဒေါက်တိုင်များအဖို့ ဒီမိုကရေစီ စံနှူန်းများအောက်တွင် နေထိုင်တွေးခေါ်ရန် ခက်ခဲနေဦးမည်ဖြစ်ပေသည်။သို့သော် နည်းပညာထွန်းကားလာမှူနှင့် လွတ်လပ်သောမီဒီယာများအားကောင်းလာမှူက တွေးခေါ်မူပုံစံကွာဟမှူများ ကျဉ်းမြောင်းစေရေးအတွက် အဓိကကျသောအရာများဖြစ်သည်။သီးခြားနယ်မြေတွင် နေထိုင်သော်လည်း နည်းပညာနှင့်မီဒီယာများကြောင့် သီးခြားဖြစ်မနေတော့ဘဲ စည်းရုံးသိမ်းသွင်းရန် အခွင့်အလမ်းများ ပိုရလာမည်ဖြစ်သည်။ထိုအခွင့်အရေးကို ထိရောက်စွာအသုံးချတတ်ခြင်းဖြင့် အကူးအပြောင်း ကာလ မြန်မြန်ဆန်ဆန်ကုန်ဆုံးသွားမည်ဖြစ်ပေသည်။
အာဏာဒေါက်တိုင်များ ပြောင်းလဲရမည့်အတွေးပုံစံများပေးဆပ်မှူ အခြေခံ ထားသော အသက်မွေးဝမ်းကျောင်း ပိုင် ရှင် များ အနေဖြင့် တိုင်းပြည် နှင့် အဖွဲ့အစည်း တွင် ဘယ်အရာအတွက် ဦးစားပေးလုပ်မည်နည်း ဆိုသောမေးခွန်းဖြစ်သည်။အဖွဲ့အစည်းအတွက် ဗဟိုပြုတွေးခေါ်မလား။တိုင်းပြည်အတွက် ဗဟိုပြုတွေးခေါ်မလားဆိုသည်ကို ကိုယ်တိုင်မေးကြည့်ပါ။"ငါတို့က တိုင်းပြည်အတွက်လုပ်နေတာပဲ "ဟု အများစုက ဖြေကြပါလိမ့်မည်။သို့သော် လက်တွေ့တွင် တိုင်းပြည်ထက် အဖွဲ့အစည်း၏ လွှမ်းမိုးမှူအောက်တွင်သာ နေထိုင်ကြသူများ သည်။နိုင်ငံနှင့် နိုင်ငံသားများအကျိုးဖြစ်ထွန်းစေမည့် ကိစ္စရပ်များတွင် တိုင်းပြည်နှင့် ပြည်သူဘက် မားမားမတ်မတ် ရပ်တည်နိုင်သော စိတ်ဓာတ်ခွန်အား ရှိ မရှိ ကိုယ်တိုင် ဆန်းစစ်ရန်လိုအပ်သည်။မိမိ ရာထူးတည်မြဲရေး။ မိသားစုဘဝ တည်ငြိမ်ရေးများကို လျစ်လျူရှူတွေးခေါ်ရန် အသင့်ဖြစ်နေပါပြီလား။အများစုအတွက်တော့ အသင့် ရှိနေမည်မဟုတ်ချေ။အာဏာရှင်စနစ်တွင် ဘဝရပ်တည်ရေးအတွက် ဖိအားများရှိနေမည်ဖြစ်သော်လည်း ဒီမိုကရေစီစနစ်ခိုင်မာလာသည်နှင့်အမျှ လွတ်လပ်စွာ ရပ်တည်နိုင်ခွင့် ပိုမိုရှိလာပြီး လူသားဖြစ်တည်မှူတန်ဖိုး ပိုမိုမြင့်မားလာမည်ဖြစ်သည်။အာဏာရှင်စနစ်ကြောင့် သာ လေးစားတန်ဖိုးထားခံရမှူများ ကျဆင်းခဲ့ရခြင်းဖြစ်ပြီး အုပ်ချုပ်ရေးတွင် မစွက်ဖက်ဘဲ ပရိုဖက်ရှင်နယ်ကျကျ နေထိုင်ပါက ပုံရိပ်တန်ဖိုး မြင့်တက်လာမည်ဖြစ်ပေသည်။အဓိက တရားခံမှာ နိုင်ငံရေးစနစ် (အာဏာရှင်စနစ်)သာ ဖြစ်သည်ကို ကောင်းစွာ နားလည်သင့်ပေသည်။
မည်သူမဆို မိမိတို့အသက်မွေးဝမ်းကျောင်းအလုပ်အပေါ် ဂုဏ်ယူမှူ အပြည့်ရှိကြမည် ဖြစ်သည်။လူအများ၏ တန်ဖိုးထားလေးစားခံခြင်းကို အလိုရှိကြမည်သာဖြစ်သည်။အထူးသဖြင့် ပေးဆပ်မှူအခြေခံထားသော အသက်မွေးဝမ်းကျောင်းပိုင်ရှင်များအနေဖြင့် ပိုမို၍ လိုလားကြမည်မှာ အသေအချာပင်ဖြစ်သည်။ထို့ကြောင့် အဖွဲ့အစည်းပုံရိပ်မြင့်မားရေးအတွက် ဝိုင်းဝန်းကြိုးပမ်းကြရမည်ဖြစ်ပေသည်။ဘယ်အရာများကြောင့် ပုံရိပ်ကျဆင်းနေရသည်ကို ဖော်ထုတ်ပြီး ပြုပြင်ပြောင်းလဲလိုက်လျင် ပုံရိပ်သည် တဖန်ပြန်လည်မြင့်မားလာမည်မှာ မြေကြီးလက်ခတ်မလွဲပင် ဖြစ်သည်။
လက်ရှိအချိန်တွင် ဒီမိုကရေစီအကူးအပြောင်းကာလကို ပိုမိုခိုင်မာစေမည့်အုတ်မြစ်များ အခိုင်အမာတည်ဆောက်ရန် လိုအပ်နေချိန်ဖြစ်သည်။ထိုအထဲတွင် အမျိုးသားစည်းလုံးညီညွတ်ရေးအုတ်မြစ် အခိုင်အမာ တည်ဆောက်ရန်အတွက် အာဏာဒေါက်တိုင်များနှင့် ပြည်သူများအကြား စည်းလုံးညီညွတ်ရေးသည် ဦးစားပေးလုပ်ဆောင်ရန် လိုအပ်သောအရာများ ဖြစ်ပေသည်။ လက်တွေ့တွင်မူ တွေးခေါ်မှူရှူထောင့်များ မတူညီမှူ ။ကိုယ်ကျိုးစီးပွါးများဖက်တွယ်ထားမှူတို့ကြောင့် စည်းလုံးညီညွတ်ရေးမှာ ခက်ခဲနေဆဲဖြစ်သည်။တစ်ဖက်နှင့်တစ်ဖက် အပြစ်ပုံချနေခြင်းများဖြင့် ပြဿနာရဲ့ အ ဖြေကို ရှာတွေ့စေနိုင်မည် မဟုတ်ဘဲ အချိန်ကုန်ဆုံးရုံသာ အဖတ်တင်မည်ဖြစ်သည်။
အာဏာလက်ဝယ်ရှိသူများ၏ ကိုယ်ကျိုးစီးပွါးအပေါ် ဖက်တွယ်လိုစိတ်သည် ၎င်းတို့ဘာသာ ချိုးနှိမ်ရမည့်အရာဖြစ်သည်။မည်သူမျှအစားဝင် ဖျောက်ဖျက်ပေးနိုင်မည်မဟုတ်ချေ။တွေးခေါ်မှူနည်းလမ်းမတူညီမှူများသည် ချိန်ညှိယူနိုင်သော အရာများဖြစ်သည့်အတွက် နိုင်ငံချစ်စိတ်ရှိလျင် ချိန်ညှိယူရန် ခက်ခဲမည်မဟုတ်ချေ။နိုင်ငံတော်တ်ာငြိမ်ရေးနှင့် လုံခြုံရေးသည် အရေးကြီးသကဲ့သို့ ဒီမိုကရေစီစံနှူန်းများ နှင့် လူ့အခွင့်အရေးစံနှူန်းများ ထွန်းကားရေးသည်လည်း လိုအပ်သော အရာများဖြစ်ပေသည်။သို့သော် တည်ငြိမ်ရေးနှင့်လုံခြုံရေး အကြောင်းပြ ပြီး အုပ်ချုပ်ရေးအာဏာကို လွှမ်းမိုးလိုခြင်းက သဘာဝကျသောအရာမဟုတ်ပေ။အဘယ်ကြောင့်ဆိုသော် အရပ်ဖက်အုပ်ချုပ်ရေးအောက်၌ပင် တည်ငြိမ်ရေးနှင့်လုံခြုံရေးလုပ်ငန်းများ လုပ်ကိုင်နိုင်သောကြောင့်ဖြစ်သည်။ပြည်သူများတွေ့မြင်ချင်သော ပုံစံမှာလည်း အရပ်ဖက်အုပ်ချုပ်ရေးအောက်တွင် တည်ငြိမ်ရေးနှင့်လုံခြုံရေး လုပ်ငန်းများ လုပ်ကိုင်စေလိုခြင်း ဖြစ်သည်။
ယခုဆောင်းပါးရေးသားရခြင်း ရည်ရွယ်ချက်မှာ အာဏာဒေါက်တိုင်များနှင့် ပြည်သူများအကြား ယုံကြည်မှူတည်ဆောက်နိုင်ရေးအတွက် ရည်ရွယ် ရေးသား ရခြင်းဖြစ်သည်။နှစ်ဖက်လုံးတွင် ပြုပြင်စရာများရှိနေသည်ဟု ကျွန်တော့်အနေဖြင့် ယူဆပါသည်။သို့သော် ပို၍တာဝန်ရှိနေသည်မှာအာဏာဒေါက်တိုင်များ ဘက်မှဖြစ်ပေသည်။အဓိက ပြုပြင်ပြောင်းလဲရမည့်သူများမှာ အာဏာလက်ဝယ်ပိုင်ဆိုင်သူများဖြစ်ကြောင်းကို အထူးပြောရန် လိုအပ်မည်မထင်။၎င်းတို့တွင် အဓိက တာဝန်အရှိဆုံးဖြစ်ပေသည်။ပြည်သူများအနေဖြင့် အာဏာဒေါက်တိုင်များအပေါ် ခံစားမှူရှေ့တန်းတင်တွေးခေါ်ထားသော အမြင်များဖြင့် မြင်နေခြင်းက ပြုပြင်ရမည့်အချက် တစ်ချက် ဖြစ်ကြောင်း နားလည်ထားသင့်ပေသည်။
အာဏာဒေါက်တိုင်များနှင့်ပြည်သူများအကြား ယုံကြည်မှုတည်ဆောက်နိုင် သည်အမျှ နိုင်ငံသည် အပြုသဘောတိုးတက်မှူများစဉ်ဆက်မပြတ် ဖြစ်ပေါ်လာမည်ဖြစ်ပြီး ကျွန်တော်တို့မျော်လင့်သော ပန်းတိုင်ကို ရောက်ရှိစေမည်ဖြစ်သည်။နိုင်ငံသားတိုင်းတွင် နိုင်ငံချစ်စိတ်ကိုယ်စီ ရှိကြပေသည်။ထိုစိတ်ကပင် ကျွန်တော်တို့နိုင်ငံရဲ့ ပြုပြင်ပြောင်းလဲရေးလုပ်ငန်းစဉ်များကို အောင်မြင်စေမည်ဖြစ်ကြောင်း ယုံကြည်မိပါသည်။ထို့အတွက် လိုအပ်နေသည့် အာဏာဒေါက်တိုင်များနှင့် ပြည်သူများအကြား ယုံကြည်မှူတည်ဆောက်နိုင်ရေးအတွက် အမြော်အမြင်ရှိစွာ ဝိုင်းဝန်းတည်ဆောက်ပေးကြရန် တိုက်တွန်း ရေးသားလိုက်ရပေသည်။