ကြက်တူရွေး သာလိကာ ကွန်ပြူတာနဲ့ ပါလီပါလဲ့

ရေဗူးပေါက်တာမလိုချင်ဘူး ရေပါတာပဲလိုချင်တယ်ဆိုတဲ့စကား ဟာ အဓိပ္ပါယ်တစ်လွဲတွေးရင် အတော်ဆိုးပါတယ်။ အမှန်က ဖြစ်နိုင်သမျှ နည်းလမ်းကို အားကုန်ဥာဏ်ထုတ် ဝိရိယစိုက်ထုတ်ကြဖို့ လွယ်လွယ်နဲ့အလျှော့မပေးဖို့ စိတ်ဓာတ်တွန်းအားပေးတဲ့စကားပါ အခြေအနေအခက်အခဲအမျိုးမျိုးကြားက အသက်ရှင်ရပ်တည်ဖို့ လုပ်ငန်းနဲ့တာဝန်တွေကို အောင်မြင်အောင် ထမ်းဆောင်နိုင်ဖို့ ပြောတဲ့စကားပါ။ ဘာမှမလုပ်ရသေးဘူး မရဘူးမဖြစ်နိုင်ဘူး ဆင်ခြေနဲ့ ငုတ်တုတ်ထိုင်မနေအောင်တွန်းအားပေးတဲ့စကားပါ။

လှိုင်းလေပြင်းထန်ပြီး ရေမိုင် ၈၀ ကျော်ဝေးတဲ့နောက်တန်းဌာနချုပ်ကို သင်တန်းအချိန်မှီ ပြန်ပို့ဖို့ ရေယာဉ်ကြုံမရှိတာနဲ့ သစ်ဖေါင်ဖွဲ့ စစ်သည်တင်လွတ်ပြီး ရောက်ချင်ရာရောက်ကွာလို့ ရွဲ့ပြီးလုပ်လို့မရပါဘူး။ လုပ်ထုံးလုပ်နည်းထဲက စစ်သည်ကို နောက်သင်တန်းအပတ်စဉ်မှာပြန်တက်ခွင့်ရဖို့ အခွင့်အရေးအကျိုးခံစားခွင့်ကို လွတ်သွားတဲ့သင်တန်းအပတ်စဉ်က စစ်သည်တွေနဲ့အတူတူ ခံစားခွင့်ရဖို့ တင်ပြဆောင်ရွက်ပေးရပါတယ် အထက်အကြီးအကဲတွေလည်း ဦးနှောက်မခြောက် လက်အောက်စစ်သည်လည်း မှန်ကန်တဲ့အခွင့်အရေးမဆုံးရှုံးအောင် တတ်နိုင်သမျှ ဥာဏ်ကူညှစ်ထုတ်ပြီး ဆောင်ရွက်ရတာဖြစ်ပါတယ်။

ဆိုခဲ့တဲ့လုပ်ငန်းတာဝန်ကြီးကို ဆက်သွယ်ရေးစက်ကိုယ်တိုင်ကိုင် အဆင်ပြေအောင်လုပ်လိုက်နိုင်တဲ့အတွက် သက်ပြင်းချ စိတ်လက်ပေါ့ပါးစွာနဲ့ လေရှု ဒုစခန်းမှူးကိုခေါ် မစစ်ဖြစ်တဲ့ စစ်သည်ဆောင်တွေကို စစ်ဖို့ပြင်ခိုင်းလိုက်တယ်။ အစစအသင့်ဖြစ်ပြီဆိုတာနဲ့ အိပ်ဆောင်တွေကိုစစ်တာပေါ့
အဆောင်ထဲဝင်တာနဲ့ စတွေ့တော့တာပဲ ငှက်လှောင်အိမ် ကိုယ်စီနဲ့ ကြက်တူရွေး သာလိကာ တွေ အသံတစာစာနဲ့ပေါ့
"ဟ …… ဘာတွေတုန်းဟ ဘယ်လိုဖြစ်ပြီး ငှက်တွေဖမ်းထားရတာတုန်း"  မေးတော့ ဒုစခန်းမှူးက ရှင်းပြရှာပါတယ်  အခုလိုအကောင်ပေါက်အသိုက်ခွဲတွေကိုမွေးမှ စကားသင်လို့ရတယ် CO အကောင်ကြီးသွားရင်စကားမတတ်တော့ဘူးတဲ့ အဲဒါကြောင့် ညဘက်အိပ်တန်းတက်ချိန် ဖမ်းပြီးမွေးထားတာတဲ့
"အန် မင့်ကောင်တွေမွေးထားတဲ့ငှက် စကားကောင်းကောင်းတော့တတ်မယ်မထင်ဘူး
ဘလွတ်ရွှတ်တနဲ့ ပေါက်ကရပဲပြောမှာ သေချာတာတော့ သင်စရာမလိုပဲတတ်မှာက ဆဲတတ်သွားမှာအသေအချာပဲကွ"
ဆိုတော့ ဒုစခန်းမှူးက ပြုံးတယ် Absolutely right Sir.
ဆိုပြီးပြန်ပြောတယ် ကိုယ်တွေလည်း ပြုံးဖြစ်သွားပါတယ်။
အပေါ်အောက် ဆက်ဆံရေးဆိုတာလည်း ဒီလိုပါပဲ နားလည်ခွင့်လွတ်မှုတွေနဲ့ သံယောဇဉ်ဖြစ်နေကြရတာပဲလေ။

ဆက်ပြီးစစ်တော့ စစ်သည်တစ်ယောက်ရဲ့ စောင်ခြင်ထောင်ခေါင်းအုံး ကစ်ခင်းထားတဲ့ဘေးမှာ ကွန်ပြူတာ display unit (tube type) တစ်လုံးနဲ့ key board ကိုချထားတယ် စိတ်ထဲအတော်အံ့သြသွားတယ် အာ ဒီစစ်သည်က လုံခြုံရေးပညာသည်အုပ်စုကပါ အီလက်ထရောနစ်စစ်သည်(ET) လည်းမဟုတ်ဘူး ကွန်ပြူတာသုံးတတ်တာလားကွ လို့မေးတော့ စစ်သည်က မသုံးတတ်ပါဘူး CO မနေ့က ကျွန်းပတ်ရင်း ရေမြောကမ်းတင်တွေ့တာနဲ့ ကောက်လာပြီး အလှတင်ထားတာပါတဲ့။ ဒုတိယအကြိမ် ပြုံးမိပြန်တယ် အေးပါကွာ ထားပါထားပါ မင်းကွန်ပြူတာသိပ်တတ်ချင်ရင် စိတ်ဝင်စားရင် ညနေငါထမင်းစားပြီးအချိန် စာကြည့်ခန်းထဲလာခဲ့ သင်ပေးမယ် ဟုတ်လား ဆိုတော့ ဝမ်းသာအားရနဲ့ ဟုတ်ကဲ့ပါစီအို ဆိုပြီး အသံကျယ်ကျယ်အော် အလေးပြုပေါ့။

တာဝန်ထမ်းဆောင်ခဲ့တဲ့ ၂ နှစ်ကာလအတွင်းမှာ ဆိုးတဲ့စစ်သည်ကိုလည်း ချစ်ရ ကောင်းတဲ့စစ်သည်ကိုလည်း ချစ်ရ အဖေလိုအကိုကြီးလိုတစ်မျိုး စစ်ခေါင်းဆောင်လိုတစ်ဖုံ ရင်အုပ်ပြီးစောင့်ရှောက်ရင်း တာဝန်တွေအတူတူထမ်းဆောင်ခဲ့ရတာလေး အမှတ်တရဖြစ်မိပါရဲ့ဗျာ။ အများစုက တပ်မတော်(ကြည်း) ရဲ့သဘာဝတွေကိုသာ သိကြပေမယ့် တပ်မတော်(ရေ)ရဲ့သဘာဝလေးတွေကိုမသိကြတော့
သိအောင် အပျင်းပြေ ဖတ်နိုင်အောင်
တင်ပေးလိုက်ရပါတယ်ခင်ဗျား။

တစ်ကျွန်းပြန်ကြီး

ကိုရင်လူထွက် ငါးပိချက်
ဓာတ်ပုံခရက်ဒစ်- Jin Su