ပင်လုံပြောင်းပြန်

၂၀၁၄ခုနှစ် မေ ဇွန် HOT NEWS ဂျာနယ် မှာ အခန်းဆက် ရေး ခဲ့တဲ့ ငြိမ်းချမ်းရေး အမြင် အယူအဆများ လက်ရှိအခြေအနေ နဲ့  ကိုက်ညီမှု ရှိမရှိ ယှဉ်ကြည့်
နိုင်ဖို့ ပြန်တင်ပေးလိုက်ပါတယ်။

ပင်လုံပြောင်းပြန်
(ခါးသီးသောအမှန်တရားများ)

(၁)
သမိုင်းပါမောက္ခဒေါက်တာသန်းထွန်းကသမိုင်းသင်တာမအ အောင်လို့ ပြောခဲ့တယ်။ပင်လုံ ဆိုတဲ့စကားလုံးတွေလှိုင်လှိုင်သုံးနေတဲ့ အခုကာလမှာ ပင်လုံညီလာခံလို အမှားတွေ ထပ်မမှား အောင် ပင်လုံသမိုင်းကို မှန်မှန်ကန်ကန်လေ့လာသင့်ပါတယ်။

ပင်လုံညီလာခံဟာဗမာပြည်လွတ်လပ်ရေး ပေးတဲ့အချိန်မှာ တောင်တန်းဒေသတွေ ဖြစ်တဲ့ရှမ်း၊ကချင်၊ချင်းတောင်တန်းတွေဗမာပြည်နဲ့ အတူလွတ်လပ်ရေးယူမယူအဓိက ဆွေးနွေးကြတာပါ။ဒါကလည်းဗိုလ်ချုပ်အောင်ဆန်းလန်ဒန်မှာလွတ်လပ်ရေး တောင်းဆိုချိန်မှာ တောင်တန်းဒေသ တွေပါတပါတည်းလွတ်လပ်ရေးပေးဖို့ တောင်းဆိုလိုက်လို့ ဖြစ်လာတဲ့ကိစ္စပါ။ရှမ်းစော်ဘွားတွေကဗိုလ်ချုပ်အောင်ဆန်းဟာသူတို့ ရဲ့ ကိုယ်စားလှယ်မဟုတ်ပါဘူးလို့ ကြေးနန်းရိုက်ခဲ့လို့ တောင်တန်းသား တွေရဲ့သဘောအတိုင်းလုပ်ဖို့ ဆန္ဒခံယူတဲ့ပွဲ ဖြစ်ခဲ့တာပါ။

တကယ်တော့ အင်္ဂလိပ် ဟာတောင်တန်းဒေသ တွေကို ဆက်လက်အုပ်ချုပ်လိုတဲ့ အနေအထားမရှိပါဘူး။အိန္ဒိယလိုမဟာရာဂျာနယ်တွေကိုတောင်မထိန်းတော့ဘဲလက်လွှတ်ပေးတော့မှာဖြစ်လို့ မြန်မာပြည်မကိုလွတ်လပ်ရေးပေးရမယ်ဆိုရင်တော့တောင်တန်းဒေသကိုဆက်ထိန်းဖို့ အစီအစဉ်မ၇ှိတာ သေချာပါတယ်။ရှမ်းစော်ဘွားတွေကသူတို့ လွတ်လပ်ရေးမယူပါရစေနဲ့ ၊အင်္ဂလိပ်အောက်မှာပဲ နေပါရစေလို့ တောင်းဆိုမှာတောင်စိုးရိမ်တဲ့ အနေ အထားပါ။ လမ်းပန်းဆက်သွယ်ရေး၊ စီးပွားရေး အချက်အချာကျတဲ့ ပြည်မ ကိုလက်လွှတ်ပြီးဖွံ့ ဖြိုးမှုမရှိတဲ့ တောင်တန်းဒေသတွေကိုဆက်အုပ်ချုပ်ရင်သူတို့ အတွက်ဝန်ထုပ်ဝန်ပိုးပဲဖြစ်မယ်ဆိုတာ သဘောပေါက်ပြီးသားပါ။ ဒါဆိုလဲ လိုလိုလားလား တခါတည်း ပေါင်းပြီးလွတ်လပ်ရေး ပေးလိုက်ပါလား လို့ ပြောစရာရှိပေမယ့် ခပ်ပေါပေါဖြစ်မ သွားအောင် ဈေးကိုင်ထားပြီး သူတို့ နဲ့ တစ်သက်လုံးပလဲနံပ သင့်ခဲ့တဲ့ စော်ဘွားတွေနဲ့ မျက်နှာမပျက် အောင်လုပ်သွားတာပါ။(သူတို့ သဘောနဲ့ ပေါင်းပေးခဲ့တာမဟုတ်ဘူး။တောင်တန်းသားတွေရဲ့ ဆန္ဒအရပေါင်းပေးခဲ့တာဆိုတဲ့သမိုင်းဖြစ်သွားပါတယ်) သမိုင်းကိုအမှန်အတိုင်းလေ့လာရင် ရှမ်းစော်ဘွား တွေဟာ နောက်ဆုံး အချိန် အ ထိ အင်္ဂလိပ် နဲ့ အတူနေခဲ့ဖို့ မျှော်လင့်ခဲ့ကြတာ တွေ့  ရမှာ ဖြစ်ပါတယ်။အင်္ဂလိပ်အရှင်သခင်တွေရဲ့ လိုလိုလားလားလက်ကမ်းမှုမခံရတော့လို့ ဗမာပြည်မ နဲ့ အ တူပူးပေါင်းရေး လမ်းကြောင်း ပေါ်ရောက် ခဲ့ တာဖြစ်ပါတယ်။ဒါတွေဟာ သမိုင်းအမှန် တွေဖြစ် ပေမယ့် ပြည်ထောင်စု ကြီးမပြို ကွဲ ရေးဆိုတဲ့ ခေါင်းစဉ်အောက်မှာ ချစ်ကြည်ရေးမပျက်ပြားအောင် ထိန်းခဲ့ကြပါ တယ်။တနည်း အား ဖြင့် သ မိုင်းကို အမှန်အတိုင်းမဖော်ပဲ ဖျောက်ခဲ့ကြတယ်။အခုအချိန်မှာတော့ပြည်ထောင်စုရဲ့ သမိုင်းအ ကွေ့ အပြောင်းကာလဖြစ်လို့ သမိုင်းကိုအမှန်အတိုင်း ဖော်ထုတ်ဆွေးနွေး ကြပြီးရှေ့ အနာ ဂတ် အ တွက် အကောင်း ဆုံးဖြစ်အောင်ဆုံးဖြတ်ရ မယ့် အ ချိန်ရောက်နေပါပြီ။

တောင်တန်းဒေသ အရေးမှာ အဓိက ကရှမ်းပြည်နယ်ပါပဲ။ရှမ်းစော်ဘွားတွေဟာ အင်္ဂလိပ်လက် အောက်မှာနေခဲ့မလား ဗမာပြည်မနဲ့ အတူလွတ်လပ်ရေးယူမလား ဆိုတဲ့လမ်းနှစ်ကြောင်းမှာမလွှဲသာလို့ ပူးပေါင်းလမ်းကြောင်းကိုရွေးခဲ့ပေမယ့်ပင်လုံညီလာခံမှာဗိုလ်ချုပ်အောင်ဆန်းရဲ့ ဗမာလူမျိုးကြီးတွေကိုဘက်စုံအကြပ်ကိုင်ဖို့ ကချင်၊ချင်းခေါင်းဆောင်များနဲ့ ပူးပေါင်းကြံစီပါတော့တယ်။အမှန်အတိုင်းပွင့်ပွင့်လင်းလင်း ပြောရရင်တော့ ဗမာပြည်မနဲ့ ပူးပေါင်းရေးကို တဖက်သတ် အသာစီးအချက်တွေနဲ့  အရေး ဆိုပါတော့တယ်။ “အောင်ဆန်းအက်တလီစာချုပ်သည်တောင်တန်းဒေသနှင့်မသက်ဆိုင်စေရ၊ ဗမာပြည်မနှင့်အတူလွတ်လပ်ရေးရပြီးအချိန်မရွေးခွဲထွက်လိုချိန်တွင်ခွဲထွက်ခွင့်ပြုရမည်၊”ဆိုတာလိုမျိုးလွတ်လပ်ရေးပေးမယ့်စာချုပ်ကိုမသက်ဆိုင်စေရဆိုပြီးလွတ်လပ်ရေးတော့ယူအုံးမယ်ဆိုတာလိုမျိုးအလွန်အမြီးအမောက်မတဲ့တဲ့ တောင်းဆိုမှုတွေလုပ်လာပါတယ်။ကချင်ခေါင်းဆောင်တွေကမြစ်ကြီးနားဗန်းမော်ခရိုင်မြေပြန့် ဒေသတွေပါဝင်တဲ့ကချင်ပြည်နယ်ဖွဲ့ စည်းပေးရေးကို တောင်းဆိုပါတယ်။ဗိုလ် ချုပ်အောင်ဆန်းဟာ အစိုးရအကြီးအကဲ ၊ ဖဆပလဥက္ကဌအနေနဲ့ လာတက်ပေမယ့်ဒီလိုပေးနိင်တဲ့အခွင့်အာဏာမရှိပါဘူး။သူ့ ကိုအနိင်ကျင့်တောင်းဆိုနေတယ်လို့ ခံစားရပြီးပြန်ဖို့ လေယာဉ်ပျံတောင် ခေါ်ခိုင်းလိုက်ပြီဖြစ်ပါတယ်။

ဒီအချိန်ကျမှရှမ်းစော်ဘွားတွေဟာအင်္ဂလိပ်နဲ့ လည်းအဆင်မပြေ၊ဗမာနဲ့ လည်းအဆင်
မပြေရင် ကြားညှပ်တော့မှာတွေးမိပြီး တောင်းဆိုချက်တွေကို အလျော့အတင်းလုပ်ပြီး ပင်လုံစာချုပ်ဖြစ်လာပါ တော့တယ်။ကချင်တောင်တန်းကတော့ရှမ်းလူမျိုးအများစုနေထိုင်တဲ့မြစ်ကြီးနားဗန်းမော်မြေပြန့်  တွေပါဝင်တဲ့ကချင်ပြည်နယ်ရရှိရေးအခွင့်အရေးကို
အမြတ်ထုတ်နိင်ခဲ့ပါတယ်။ဒါဟာဗိုလ်ချုပ်အောင် ဆန်းရဲ့ ကချင်ခေါင်းဆောင်များအပေါ် သဘောထားကြီးမှုနဲ့ သူ့ လုပ်ပိုင်ခွင့်ကိုကျော်ပြီးလိုက်လျောခဲ့မှုဖြစ်ပါတယ်။ဒီအကျိုးဆက်ကြောင့်အခုဗန်းမော်ခရိုင်အတွင်းမှာ နေထိုင်တဲ့ရှမ်းလူမျိုးတွေ ကေ အိုင် အေ ရဲ့ နှိပ်စက်မှုခံနေရတယ်ဆိုတာ ဗိုလ်ချုပ်အောင်ဆန်းသာမြင်ရင်ရင်ကွဲပက်လက်ဖြစ်မှာ အမှန်ပါ။

အဲဒီအချိန်ကာလက ရှမ်းစော်ဘွားတွေ အခြေအနေကို အနီးစပ်ဆုံးနှိုင်းယှဉ်ပြရရင် အာရပ်စော်ဘွားတွေလိုမျိုး စော်ဘွားအချင်းချင်းအပြိုင်အဆိုင်တစ်ယောက်ခြေလှမ်း
တစ်ယောက်စောင့်ကြည့် နေကြတဲ့အခြေအနေပါ။မြစ်ကြီးနားဗန်းမော်ရှမ်းတွေဟာ စော်ဘွားတွေရဲ့ အခွန်အကောက်နယ်မြေမှာမပါလို့ စိတ်မ၀င်စားတဲ့အပြင်အခွန်အတုတ်ရနေတဲ့ရှမ်းပြည်နယ်အတွင်းရှိကချင်လူမျိုးတွေကိစ္စ ပြောလာနိင်လို့ အလှူလဘက်နဲ့ မျက်နှာလုပ်ပြီးမြစ်ကြီးနားဗန်းမော်ကိုကချင်ပြည်နယ်ထဲပါဝင်ဖွဲ့ စည်းရေးကိုမကန့် ကွက်ကြပါဘူး။ဒီလိုနဲ့ ပင်လုံစာချုပ်ကိုအရင်းပြုလို့ ကချင်တောင်တန်းဟာလွတ်လပ်ရေးနဲ့ အတူမြစ်ကြီးနားခရိုင်ဗန်းမော်ခရိုင်မြေပြန့် တွေပါဝင်တဲ့ကချင်ပြည်နယ်အဖြစ်လှလှပပ ပေါ်ထွက်လာခဲ့ပါတော့တယ်။

ရှမ်းစော်ဘွားတွေရဲ့မျောက်သစ်ကိုင်းလွတ်ဖြစ်မယ့်ဘေးကလွတ်မြောက်ရေး၊ကချင်ခေါင်း ဆောင်တွေရဲ့ပြည်နယ်အဆင့်တောင်းဆိုရေး၊(ချင်းခေါင်းဆောင်များကတော့အကျပ်
ကိုင်တောင်း ဆိုချက် မရှိပါ)မပူးပေါင်းလို့ မဖြစ်တော့တဲ့ အခြေအနေမှာ တဖက်သတ် အသာစီးတောင်းဆိုချက်တွေနဲ့ သန္ဒေတည်ပေါက်ဖွားခဲ့ရတဲ့ပင်လုံစာချုပ်ဟာမျက်နှာမှာသနပ်ခါးပါးကွက်ကြားနဲ့ ပေါင်မှာသေးစီး ကြောင်းနဲ့ ဆိုသလိုအပြင်ပန်းမှာတော့ တောင်တန်းပြည်မပူးပေါင်းလွတ်လပ်ရေးယူခဲ့တယ်ဆိုတဲ့ ချစ်ကြည်ရေးတွေ ဝေဆာနေပေမယ့် အတွင်းမှာ တော့ဗမာလူမျိုးကြီးတွေကလည်းတိုင်းရင်းသားတွေကိုအနိင်ကျင့် တောင်းဆိုတတ်တယ်လို့ မြင်ပြီးတိုင်းရင်းသားတွေကလည်းဗမာလူမျိုးကြီး တွေဟာနဲနဲလောက်မှအလျှော့ပေးလို့ မဖြစ်တဲ့သူတွေလို့ အမြင်ကိုယ်စီနဲ့ အဖြစ်တွယ်ခဲ့တဲ့ ပင်လုံ စာချုပ် ဖြစ် ပါတယ်။

အိမ်ထောင်စုတစ်စုကိုဦးဆောင်စီမံရတာတောင်မလွယ်တဲ့ကိစ္စဖြစ်လို့ လူမျိုးပေါင်းစုံကွဲ
ပြားပြီးအတိတ်ကသံသယတွေပြည့်နေကြတဲ့လူမျိုးတွေစုပေါင်းပြည်ထောင်စုကြီး
တည်ထောင်ဖို့ ဆိုတာတကယ်တော့အန္တရယ်များတဲ့အလောင်းအစားတစ်ခုဆိုတာ ကမ္ဘာလှည့်အုပ်ချုပ်လာတဲ့အင်္ဂလိပ်က ကောင်းကောင်းသဘောပေါက်ထားပါတယ်။

ဗမာပြည်မကိုမဖြစ်မနေလွတ်လပ်ရေး ပေးရတော့မယ့်အချိန်မှာတော့သူတို့ ဂုဏ်သိက္ခာအတွက် တောင်တန်းသားတွေ သဘောအတိုင်း ဆုံးဖြတ်ပါ လို့  အလိမ္မာသုံးပြီး ပင်လုံစာချုပ်နဲ့ ရှောင်ထွက်သွားခဲ့ပါတယ်။ ၀န်ကြီးချုပ်ဟောင်းဝင်စတန် ချာချီကမြန်မာ ပြည်ကိုလွတ်လပ်ရေး ပေးရင်ပြည်တွင်းစစ်ဖြစ်သွားမယ်လို့ တောင်အတိအကျ ဟော
ကိန်း ထုတ် လိုက်ပါသေးတယ်။ 

ဘယ်လိုပဲဖြစ်ဖြစ်(၁၀)နစ်လောက်အတူတွဲလုပ်ကြည့်ရင်အချင်းချင်းယုံကြည်လာကြပြီး ခွဲထွက်ချင်တော့မှာ မဟုတ်ဘူး ဆိုတဲ့ ဗိုလ်ချုပ်အောင်ဆန်းရဲ့ အယူအဆ ဟာ တက်တက်စင် အောင်လွဲချော်ခဲ့ပါတော့တယ်။အခုအချိန်မှာ ဗမာကြောင့် ရှမ်းကြောင့် ကချင်ကြောင့်နဲ့ အပြစ်တွေ အပြန်အလှန်ပြောနေကြရင်တော့ တစ်ထောင့်တစ်ည လိုဆုံးနိင်မှာမဟုတ်ပါဘူး။ဗမာခေါင်းဆောင်တွေ တိုင်းရင်းသား ခေါင်းဆောင်တွေ အပြန်အလှန် မှားခဲ့ကြပါတယ်။တစ်ခုစိတ်မကောင်းစရာကတော့ ဒီလို စိတ်ဝမ်းကွဲ မညီညွတ်မှုတွေဟာ အလွန်အေးချမ်းရိုးသားတဲ့အောက်ခြေပြည်သူလူထု အချင်းချင်း စဖြစ်ခဲ့တာမဟုတ်ဘဲ ခေါင်းဆောင်တွေရဲ့ အတွေးအခေါ် အယူအဆအလုပ်အကိုင် တွေ ရဲ့ ရောင်ပြန် ဟပ်တာကနေ ဖြစ်ခဲ့ကြတာပါပဲ။

(၁၀)နှစ်ကြာလေပိုဆိုးလေဖြစ်နေတဲ့ညီညွတ်ရေးကိုဘယ်လိုတည်ဆောက်ကြမလဲ ဆိုတာဒီနေ့ မြန်မာပြည်ရဲ့ နံပါတ်တစ်ပြသနာပါ။ ခေါ်တော့ပြည်ထောင်စု၊လက်တွေ့ ကတစ်ပြည်ထောင်စံနစ်ဖြစ်နေပါတယ်။ပြည်ထောင်စုစစ်စစ်ဖြစ်အောင်ပေးဖို့ ဗမာ ခေါင်းဆောင်တွေက မယုံရဲသလို တစ်ပြည်ထောင်အောက်မှာလည်း တောင်တန်းသားတွေက လုံးဝမနေလိုပါဘူး။ဒီမိုကရေစီအကူးအ ပြောင်းကာလဖြစ်တဲ့ခုလိုအချိန်အခွင့်ကောင်းကို နှစ်ဘက်စလုံးက အမိအရ အသုံးချနိင်ဖို့ လိုပါတယ်။
ဖြစ်ချင်တာတွေ အတင်းငြင်းနေကြမယ့်အစားဖြစ်သင့်တာတွေကိုလက်တွေ့ ကျကျ လုပ်ကြရ တော့မယ့်အချိန်ဖြစ်ပါတယ်။ခုအချိန်မှာတဖက်နဲ့ တဖက်ယုံကြည်မှုမရှိပါဘူး။ဒါ အရှိတရားဖြစ်လို့ ယုံပါတယ်လို့ မျက်စိမှိတ်အော်နေလို့ မရပါဘူး။ရောဂါတစ်ခုကုတဲ့အခါအကြောင်းရင်းကိုရှာပြီးမှအရင်းအမြစ်ကိုပျောက်အောင်ကုရသလိုညီညွတ်ရေးတည်ဆောက်ရာမှာမညီညွတ်ရတဲ့အကြောင်းရင်း တွေကိုမရှာဖွေဘဲ ဆေးမီးတိုနဲ့ ကုနေလို့ မရပါဘူး။တစ်ခုသေချာတာကတော့ အခုအချိန်မှာ ပြည် ထောင်စု အတွက် ငြိမ်းချမ်းရေးရအောင်မလုပ်နိင်ကြရင် နောင်ဘယ်တော့မှ ရဖို့  မလွယ်တော့ ဘူးဆို တာပါပဲ။ ။

(၂)

စစ်မှန်သောဒီမိုကရေစီတို့  စည်းကမ်းပြည့်ဝသော ဒီမိုကရေစီတို့ ကြားမှာ ဒုတိယပင်လုံနဲ့  ထာဝရ ငြိမ်းချမ်းရေးတို့ ဟိန်းနေအောင် အော်နေကြပေမယ့် လက်တွေ့ မှာတော့ အဆံမပါတဲ့ သင်္ကြန် အမြှောက်တွေလိုဖြစ်နေပါတယ်။

ထာဝရငြိမ်းချမ်းရေး အသာထားလို့ ပထမဆုံးသေနတ်သံတွေတိတ်သွားအောင် အပစ်ရပ် သဘောတူညီချက်ရဖို့ လိုပါတယ်။နှစ်ဖက်စလုံးတစ်ရက်အပစ်ရပ်ရင် တစ်ရက်နယ်မြေခံလူထုငြိမ်းချမ်း ရေးရတာပါပဲ။တစ်နိင်ငံလုံးအပစ်ရပ် သေနတ်သံတွေတိတ် ပြီးမှရှေ့ ဆက်လို့ ရပါမယ်။အပစ်ရပ်သ ဘောတူညီချက်မရတာ ကေအိုင်အေ တစ်ဖွဲ့ တည်းသင်းကွဲဖြစ်နေပါတယ်။(ကေအိုင်အေရဲ့  တပည့်ဖြစ်တဲ့ TNLA ကိုတော့စာရင်းသွင်းစဉ်းစားစရာမလိုပါ) သူများထက်ထူးနေတာကို ပြန်သုံး သပ်သင့်ပါတယ်။ အစိုးရဖက်ကတော့ အနှစ်သာရရှိရှိမရှိရှိ ထက် သူ့ လက်ထက်မှာတစ် နိင်ငံလုံး အပစ်ရပ်လက်မှတ်ထိုးနိင်ပြီး ငြိမ်းချမ်းရေး ရတယ်ဆိုတဲ့ဆိုတဲ့ နိင်ငံရေးအမြတ်ရလိုမှုကို ဟန်မဆောင် နိုင်အောင်တွေ့ နေရပါတယ်။

တကယ်တော့ စာချုပ်ဆိုတာ အချိန်မရွေးပြောင်းလဲသွားတတ်တာ သမိုင်းတလျောက်သင်ခန်းစာတွေအများကြီးပါ။အနှစ်သာရရှိဖို့ အဓိကပါ။တစ်ဖက်ကဟန်မဆောင်နိင်အောင်အငမ်းမရဖြစ်နေတော့တစ်ဖက်ကလည်းတင်လို့ ရသလောက်ဈေးတင်နေမှာပါပဲ။တကယ်တော့ကျန်တိုင်းရင်းသားအဖွဲ့ အားလုံးကအပစ်ရပ်သဘောတူကြ
ပြီးသားပါ။လက်မှတ်ထပ်ထိုးဖို့ ရွှေမှုံကြဲဖို့ ထက်ရှေ့ ဆက်သွားဖို့ ကလိုရင်းပါ။အားလုံးပါမှရှေ့ ဆက်သွားလို့ ရမယ်ဆိုပေမယ့်အများပါရင်တစ်ဖွဲ့ တစ်လေကျန်လဲထားခဲ့လို့ ရပါတယ်။မပါတဲ့အဖွဲ့ ကိုဘေးဖယ်ထားလိုက်ရင် တဖွဲ့ ထဲမနေရဲဘဲ အလိုလို လိုက် လာမှာ သေချာပါတယ်။ခုတော့ကမ္ဘာမှာတခါမှမကြားဖူးတဲ့တဖက်သတ်အပစ်ရပ် ကြေညာချက် တောင်ထုတ်လိုက်ပါသေးတယ်။စစ်မြေပြင်သဘောမှာ လက်ဦးမှုက အရေးကြီးပါတယ်။သူပစ်မှငါပစ်မယ်ဆိုရင်တော့ခံရပြီပေါ့။စစ်တပ်ဟာအစိုးရရဲ
့ညွှန်ကြားချက်ကို လိုက်နာပြီးဘယ်လောက်ကြာ ကြာနာခံနိင်မှာလဲ ဆိုတာ သဘာဝကျကျစဉ်းစားသင့်ပါတယ်။

အပစ်ရပ်သဘောတူချက်မရှိလို့ နှစ်ဘက်တိုက်ပွဲတွေဖြစ်နေတာမထူးဆန်းပါဘူး။ထူးဆန်း တာကတော့ အစိုးရက တဖက်သတ် အပစ်ရပ်ကြေညာတာနဲ့ ကေအိုင်အေက သွားသွား စ ပြီးစစ်တပ် ကထိထိရောက်ရောက် တုံ့ ပြန်လာချိန်ကျရင် သူတို့ ကို တိုက်နေပါပြီလို့ အသံကုန်ဟစ် တာတော့ ထူးဆန်းပါတယ်။တကယ်တော့ အပစ်ရပ် အတွက် နှစ်ဖက်စလုံးတိုက်ချင်သလိုတိုက်ကြမှာပါပဲ။အပစ်ရပ် သဘောတူဖို့ ကို လက်မခံဘဲတိုက်ပွဲတွေဖြစ်နေပြီလို့ အော်တာက တော့သူရဲဘောကြောင်တဲ့လုပ်ရပ်ဖြစ်ပြီး အပစ်ရပ် သဘောတူဖို့  အစွမ်းကုန် အလျော့ပေး ပြီး စစ်သည်တွေ အသက် ကိုမပေးသင့်ဘဲ ပေးခိုင်းနေတဲ့ အစိုးရရဲ့ အလိုလိုက်မှုတွေဟာ လည်း အပစ် ရပ် သဘောတူချက်ရဖို့ ပိုလို့ သာ ဝေးလာစေပါတော့တယ်။ 

ကမ္ဘာ့ဖြစ်ရပ်မြန်မာ့ဖြစ်ရပ်အပစ်ရပ်ရေးသဘောတူညီချက်သမိုင်းတွေပြန်လေ့လာရင် မိမိဖက်ကပိုကောင်းတဲ့အခွင့်အရေးအတွက်မျှော်မှန်းပြီးလက်ခံကြတာတွေ့ ရမှာဖြစ်ပါတယ်။မိမိ ဖက်ကစစ်ရေး အသာစီးရနေပေမယ့် အကျိုးအမြတ် တစ်ခုခုရနိင်တဲ့အခါ ဖြစ်စေမိမိဖက်ကစစ်ရေးအခြေမလှဖြစ်နေတဲ့အခါဖြစ်စေသဘောတူကြတာဖြစ်ပါတယ်။ယခင်စစ်အစိုးရလက်ထက် အပစ်ရပ် သဘောတူညီချက်တွေ အများစုဟာ တိုင်းရင်းသားလက်နက်ကိုင်အဖွဲ့ တွေကိုစစ်ရေးဖိအား ပေးပြီးရယူခဲ့တာဖြစ်ပါတယ်။အခုအစိုးရလက်ထက်မှာ တော့ စစ်ရေးခြိမ်းခြောက်မှု ထက်ဒီမိုကရေစီ အပြောင်းအလဲ နဲ့ အတူ ဆွေးနွေးညှိနှိုင်းလို့ ရနိင်မယ်ဆိုတဲ့အတွေးနဲ့ အပစ်ရပ်ခဲ့ကြတာများပါတယ်။ ကေအိုင်အေ တစ်ဖွဲ့ တည်း အတွေးအခေါ်မပြောင်းဘဲ စစ်ရေးအရခြိမ်းခြောက်မှ ထွက်ပေါက်မရှိမှလက်ခံမယ့်သဘောထားပြနေပါတယ်။ခေါင်းမာတာနဲ့ ယုံကြည်ချက်ခိုင်မာတာ မခွဲခြားတတ်ရင်တော့ ကေအိုင်အေ အတွက်အလားအလာမကောင်း တာသေချာနေပါတယ်။

အစိုးရ၊စစ်တပ်နဲ့ တိုင်းရင်းသားလက်နက်ကိုင်များဟာအနှစ်(၆၀)ကျော်ပြည်တွင်းစစ်ဆိုး ကျိုး တွေကို ကိုယ်တိုင်ကြုံတွေ့ ခဲ့သူတွေဖြစ်လို့ လက်နက်ကိုင်လမ်းစဉ်ကို စွန့်  လွှတ်ချင်ကြသူတွေပါ။ တစ်ချိန် တည်းမှာပဲအနှစ်(၆၀)ကျော်လက်နက်ကိုင် ထားမှုကရရှိတဲ့အာဏာနဲ့ အခွင့်အရေး တွေကိုစွန့်လွှတ်ဖို့ကိုလည်းဝန်လေးနေကြပါတယ်။လက်ထဲမှာသေနတ်မရှိရင် လူမလေးခွေးမခန့် ဖြစ် မှာပဲ လို့ အတွေ့ အကြုံတွေအရ စွဲစွဲမြဲမြဲယုံကြည်နေကြပါတယ်။အခုကိစ္စဟာလက်နက်စွန့် ဖို့ လဲမဟုတ်လို့ အပစ်ရပ်သဘောတူ ပြီး နိင်ငံရေးဆွေးနွေးပွဲတွေ မှာ ညှိနှိုင်းမရရင် အချိန်မရွေး ပြန်တိုက်ခိုက် ကြလို့ ရပါတယ်။

ငြိမ်းချမ်းရေးပန်းတိုင်ဆီသွားဖို့ပထမခြေလှမ်းဖြစ်တဲ့ အပစ်ရပ် သဘောတူညီရေးအဆင့်ကိုကြိုးစားရခက်နေတာကတော့ဘယ်လိုလေတစ်လုံးမိုးတစ်လုံးတွေပြောပြောငြိမ်းချမ်းရေးအတွက်အလားအလာမကောင်းနိင်ပါဘူး။တစ်ရက်သေနတ် သံမထွက်ရင်တစ်ရက် နယ်မြေခံလူထု ငြိမ်းချမ်း တဲ့ယာ ယီ ဆေးမီးတိုပါ။ ဒီကိစ္စအောင်မြင်ဖို့ တောင် ဒီလောက်ခက်ခဲနေရင် ထာဝရ ငြိမ်းချမ်းရေး ဆိုတာ အိမ်မက်တောင်မမက်သင့်သေးပါဘူး။အပစ်ရပ် ဖို့ တောင် တရုပ်ခေါ်လိုက် အမေရိကန်ခေါ် လိုက် လုပ်နေရတာတော့ တော်တော်ရှက်ဖို့ ကောင်းပါ တယ်။အစိုးရအနေနဲ့ လဲ (၃)နှစ်ကျော်ကြာတဲ့ အထိ အပစ် ရပ် သဘောတူ ချက်မရတာပြန်စဉ်းစားပြီး လက်တွေ့ ဖြစ်နိင်မယ့် လမ်းကြောင်း ကို ဖော်ထုတ်သင့်ပါပြီ။ တဖွဲ့ တည်း သင်းကွဲ ဖြစ်နေတဲ့ ကေအိုင်အေ ကို အပစ်ရပ် ကိစ္စမှာ ချန်ထား ခဲ့မလား ၊ စစ်ရေးဖိအားနဲ့ ပါအောင်လုပ်မလား၊ ဒီလိုဇာတ်မျော နဲ့ ပဲ ၂၀၁၅ ကုန် အထိ သောင်မ တင်ရေ မကျ ထားခဲ့မလား ဆိုတာ ပြတ်ပြတ်သားသား ဆုံးဖြတ် လုပ်ကိုင်သင့်ပြီ ဖြစ်ပါတယ်။

(၃)

ှ ဗမာပြည်မနဲ့ တောင်တန်းဒေသတွေ ဟာ ရှေးဘုရင်တွေ လက်ထက်ကတည်းကလက် ဆောင်ပဏ္ဍာဆက်နယ်ပယ်တွေအဖြစ် နေခဲ့ကြတာများပါတယ်။သြဇာအာဏာအပါအ၀င်ဘက်စုံကျဆင်းနေတဲ့ နောက်ဆုံးဘုရင်ဖြစ်တဲ့သီပေါဘုရင်လက်ထက်အထိ ဆက်သကြရ ပါ တယ်။ဆုတ် ယုတ်နေတဲ့ ဘဏ္ဍာရေး အခြေအနေ ကြောင့် ရှမ်းစော်ဘွားတွေဆီ အခွန်တွေ တိုးကောက်ပြီး မ ပေးနိင်တဲ့ စော်ဘွားတွေကို မန္တလေး နေပြည်တော်မှာ ချုပ်နှောင်တဲ့အထိ လုပ်ခဲ့ပါတယ်။ အင်္ဂလိပ်တို့ ရှမ်းပြည်အုပ်ချုပ်ရေး မှာ ပထမဆုံးစည်းရုံးသိမ်းသွင်း ခန့် အပ်လွှာပေးအပ် ခဲ့တဲ့ သီပေါစော်ဘွားကြီး ဟာသီပေါဘုရင်ကနေပြည်တော်ကိုဆင့်ခေါ်စဉ်မှာ အမြော်အမြင်ကြီးစွာနဲ့ အင်္ဂလိပ်ပိုင်အောက်မြန် မာ ပြည်ထဲ ထွက်ပြေးတိမ်းေ၇ှာင်ခဲ့လို့ သာ သီပေါဘုရင် ပါတော်မူပြီးနောက် စော်ဘွားကြီးအဖြစ် ပြန်လည်ရရှိခဲ့တာပါ။အင်္ဂလိပ်တို့ ရဲ့ ဆနဒ်(နယ်ရှင်စော်ဘွားခန့် အပ်လွှာ) ပေးအပ်ရာမှာ “မြန်မာ ဘုရင်၏ကျွန်တော်မျိုးဖြစ်သည့်အတိုင်း”လို့ ပါတဲ့အတွက်သီပေါစော်ဘွားကြီးဟာ ခါးခါးသီးသီး ငြင်းပါတယ်။နိင်ငံတကာထုံးတမ်းစဉ်လာတွေနဲ့  နားလည် အောင် ရှင်းပြမှလက်ခံခဲ့ပါတယ်။မြန်မာရှင်ဘုရင်တွေရဲ့ သက်ဦးဆံပိုင်တချက်လွှတ်အမိန့် အောက်မှာနေ၇တာထက်အင်္ဂလိပ်တို့ ရဲ့ သတ်မှတ်ချက်စည်းကမ်းဘောင်အတွင်းမှာ နေထိုင်အုပ်ချုပ်ရတာ စော်ဘွားတွေ ပို ကြိုက်ကြ ပါတယ်။

အင်္ဂလိပ်တို့ အတွက်လည်းနယ်မြေကျယ်ဝန်းလမ်းပန်းဆက်သွယ်ရေးခက်ခဲ စီးပွား ရေး ဖွံ့ ဖြိုးမှု အလားအလာမကောင်းတဲ့ တောင်တန်းဒေသ တွေကိုတိုက်ရိုက် ၀င်အုပ်ချုပ်မယ့်အစားသူတို့ လိုလားတဲ့စည်းကမ်းချက်တွေသတ်မှတ်ပေးပြီး စော်ဘွားတွေကို တိုက်ရိုက်အုပ်ချုပ်စေခြင်း သာအလုပ်ရှုပ်သက်သာကုန်ကျစရိတ်သက်သာစေတဲ့ အကောင်းဆုံးနည်းလမ်းလို့ သိမြင်ခဲ့ကြပါတယ်။ဒါကြောင့်မြန်မာဘုရင်နန်းဆက်ပျောက်
ပြီးအင်္ဂလိပ်တို့ ရဲ့ တိုက်ရိုက်အုပ်ချုပ်မှုအောက် ရောက်ခဲ့ ပေမယ့် စော်ဘွားတွေအဖို့ တော့ ဗမာဘုရင်ရဲ့ သြဇာအာဏာအောက်မှာထက်ပို ကောင်းတဲ့အင်္ဂလိပ်အရှင်သခင်ကြီးတွေ ရဲ့ သစ္စာတော်ခံ တွေအဖြစ်တန်ခိုးအာဏာတွေအရှိန်မပျက်ဆက်လက်ရပ်တည်နိင်ခဲ့ကြပါတယ်။
ဗမာတွေကလည်းဘယ်လောက်ပဲနယ်ချဲ့ အင်္ဂလိပ်ကိုမကြိုက်ဘူး အော်နေပေမယ့် အလုပ်အကိုင် စီးပွားရေး နဲ့ အုပ်ချုပ်ရေး စံနစ်တွေ အရ ပိုမိုကောင်းမွန်တဲ့ အင်္ဂလိပ်ပိုင် အောက်မြန်မာနိင်ငံထဲကိုအများကြီး ပြောင်းရွှေ့ ကုန်ကြပါတယ်။လက်လုပ်လက်စားလူများစုကတော့စားဝတ်နေရေးနဲ့ တရားဥပဒေစိုးမိုးမှုရှိတဲ့ အောက်မှာ အေးအေးချမ်းချမ်း နေရဖို့ သာအဓိကဆိုတာတွေ့ ရပါတယ်။ဗမာလူမျိုးကြီးတို့ တောင်တန်းဒေသတိုင်းရင်းသားတို့ ဆိုတဲ့ခွဲခြားမြင်မှု တွေမရှိကြပါဘူး။ဒီလိုခွဲခြားမြင်မှုတွေဟာနှစ်ဖက် ခေါင်းဆောင်ဆိုတဲ့လူ့ အလွှာတွေကနေ အောက်ခြေကိုပြန့် နှံ့ နေတာဖြစ်ပါတယ်။တကယ့်အောက်ခြေလူတွေကတော့ဗမာတွေ တောင်တန်း တွေ မခွဲခြားဘဲ စားဝတ်နေရေး အလုပ်အကိုင် အဆင်ပြေပြီး အေးအေးချမ်းချမ်း နေချင်တာပဲသိပါ တယ်။

ဒါကြောင့် လက်ရှိနှစ်ဖက်ခေါင်းဆောင်ဆို သူတွေဟာ တစ်ဆိတ်ရှိ ဗမာလူမျိုးကြီး တို့ တောင်တန်းသားတို့ ဆိုတဲ့စကားလုံးတွေနဲ့ ခွဲခြားမနေကြဘဲအတိတ်ကအမှားတွေကိုအပြစ်တင်မနေကြဘဲအားလုံးလိုလားနေတဲ့တ၇ားဥပဒေစိုးမိုးမှုအောက်မှာစားဝတ်နေေ၇း အဆင်ပြေ ပြေနဲ့  အေးအေး ချမ်းချမ်း နေထိုင် နိင်ေ၇းကိုဘုံ၇ည်မှန်းချက်ထားပြီး အခုလက်၇ှိ ဖြစ်ပေါ် နေတဲ့ အခွင့်ကောင်း ကို အ၇ယူလို့  ငြိမ်းချမ်းေ၇းအတွက် ပထမ ခြေလှမ်းဖြစ်တဲ့ တစ်နိင်ငံလုံး အပစ် ရပ်စဲရေး သဘောတူညီချက်ကို ရအောင်ယူကြရပါမယ်။ အပစ်ရပ်ရေး ကို သဘောမတူတဲ့ သူကို ဘုံရန်သူ အဖြစ်ကို သတ်မှတ် ပြီး ပြတ်ပြတ်သားသား လုပ်ဆောင်ရတော့မယ့်အချိန်ကိုရောက်နေပြီ ဖြစ်ပါတယ်။

(၄)

အပစ်ရပ်ရေးဟာငြိမ်းချမ်းရေးအတွက်ပထမခြေလှမ်းဖြစ်ပါတယ်။ပထမခြေလှမ်းတောင် မလှမ်းနိင်ရင်ငြိမ်းချမ်းရေး ဆိုတာအလွန်ဝေးပါသေးတယ်။အရင်အစိုးရလက်ထက်က (၁၇)နှစ် လောက်အပစ်ရပ်ထားတာဘာမှနိင်ငံရေးအရမတိုးတက်ဘူးလို့ ကေအိုင်အေက ပြောပါတယ်။အရင်အစိုးရကစစ်အစိုးရဖြစ်လို့ နိင်ငံရေးကိစ္စတွေ နောက်အစိုးရတက်မှဆွေးနွေးပါလို့ တရားဝင် ပြောထား ပြီးသားဖြစ်ပါတယ်။အခုအစိုးရလက်ထက်မှာ နိင်ငံရေးအရ ဆွေးနွေးကြရတော့မှာဖြစ်ပါတယ်။ရှင်းရှင်းလေးကိုရှုပ်အောင်မလုပ်သင့်ပါဘူး။ဘာပဲဖြစ်ဖြစ်အပစ်ရပ်ရေးကိုတော့ သဘောတူ သင့်ပါတယ်။ နိင်ငံရေးအရဆွေးနွေးကြလို့ မအောင်မြင်ရင်လည်း အပစ်ရပ်သဘောတူချက်ကို အချိန် မ ရွေးပြန်သွားလို့ ရပါတယ်။

လက်ရှိအစိုးရကလည်း ငြိမ်းချမ်းရေးကို မရရအောင်လုပ်မယ် လို့  ကြုံးဝါးနေတာ ဘယ်လို လုပ်မှာလဲ တော့ မတွေးတတ်ဘူး။ပကတိ အခြေအနေတွေအရအရှိတရားကိုပြောရရင်တော့လက်ရှိနည်းလမ်းအတိုင်းနဲ့ ငြိမ်း
ချမ်းရေး ရဖို့ ခက်တယ် ဆိုတာထက် ဘယ်လိုမှ မရနိင်ဘူးလို့  ပြောရမှာပါ။ အခု(၃)နှစ်ကျော် အထိမအောင်မြင်နိင်တဲ့ ပြည်လုံးကျွတ်အပစ်ရပ် လက်မှတ်ထိုးပွဲကြီး အဆင့်ကို ကျော်ဖြတ်ပြီးမှ တကယ့်ညှိ မရနိင်တဲ့ နိင်ငံရေးကိစ္စတွေ ဆွေးနွေးရမှာပါ။ လိုရင်းအချက်ဖြစ်တဲ့ဖက်ဒရယ်ကိစ္စမှာဘယ်လိုမှညှိမရနိင်ပါဘူး။တိုင်းရင်းသားတွေ
တောင်းဆိုတဲ့ ဖက်ဒရယ် ကလည်း သဘောတရား သီအိုရီ အရ ပေးသင့်တဲ့ ကိစ္စပါ။ ဗဟိုဦးစီးစံနစ်ကနေ တဖြေးဖြေး ပြည်နယ်အစိုးရတွေကို အာဏာ အပြည့်ပေးသွား ချင်တဲ့လက်ရှိအစိုးရရဲ့ ရပ်တည်ချက်ကလည်းလက်တွေ့ ကျတဲ့လုပ်သင့်တဲ့ကိစ္စပါ။အဓိက ကတော့ ပြည်နယ် လက်နက်ကိုင် တပ်ဖွဲ့  တွေ ကို သီးခြားလွတ်လပ်ခွင့်ပေးဖို့ က အခက်ဆုံးပါ။လက်နက်စွန့် ဖို့ နဲ့ ပြည်ထောင်စုတပ်မ တော်ထဲကို တစ်ဦးချင်း ၀င်ဖို့ ဟာ တိုင်းရင်းသား လက်နက် ကိုင်တွေ လုံးဝ အိပ်မက်တောင်မ မက် တဲ့ကိစ္စပါ။ သီးခြားပြည်နယ်တပ်မတော်တွေဖွဲ့ ဖို့ ကိစ္စကလည်း လက်ရှိအစိုးရက အိပ်မက် တောင် မမက်တဲ့ကိစ္စပါ။ ဒီပြသနာတစ်ခုနဲ့ တင်ဘယ်လိုမှ နိင်ငံရေးဆွေးနွေးပွဲအောင်မြင်နိင်မယ့် အခြေ အ နေမရှိပါဘူး။

ဖက်ဒရယ်တပ်မတော်ဖွဲ့ စည်းရေးဟာတစ်နိင်ငံလုံးစစ်မီးဟုန်းဟုန်းတောက်နိင်တဲ့ ကိစ္စ ဆိုတာ ကို အစိုးရိမ် လွန်တယ်လို့ လျှော့တွက်လို့ မရပါဘူး။နောင်တစ်ချိန်မှာ ဖြစ်နိင်ပေမယ့် လက်ရှိ အခြေအနေ မှာတော့ အလွန်အန္တရယ်များတယ်ဆိုတာ ရိုးရိုးလေးတွေးကြည့်ယုံနဲ့ သိနိင်ပါတယ်။ဖက်ဒ ရယ် ဆိုတာ ခွဲထွက်ရေး လို့ ဦးနေ၀င်း က လူတွေခေါင်းထဲရိုက်သွင်းခဲ့တယ်လို့ အခုအခါရေးနေ ပြောနေကြပါတယ်။အဲ့ဒီတုံးက ရှမ်းမူ လို့ ခေါ်တဲ့ ဖက်ဒရယ်မူမှာ ဗမာပြည်မသည် လည်း ပြည်ထောင် စု အတွင်းမှာ ပြည်နယ်တစ်ခုအဖြစ်သာ ရှိရမည် ဆိုတဲ့ (၈)ပြည်နယ်မူ ကို အစချီ လာတဲ့ဖက်ဒရယ်မူ ဖြစ်လို့  (တကယ်လည်းရှမ်းပြည်နယ်မှာ ရှမ်းမူကိုလက်မခံရင် ပင်လုံအခြေခံ ကနေ ပေါ်ထွက်လာတဲ့ ၁၉၄၇ ခုနှစ်ဖွဲ့ စည်းပုံ အခြေခံ ဥပဒေ ပါ ၁၀နှစ်ကြာရင် ခွဲထွက်ခွင့် ဆိုတာကို အသုံးချ ဖို့ ပြင်ဆင်ခဲ့ ကြတဲ့ခြေရာလက်ရာတွေရှိ ပါတယ်) ဦးနေ၀င်းတစ်ယောက်ထဲ အပြစ်ပုံချ လို့ မရပါဘူး။ခွဲထွက်ခွင့် တောင်းတဲ့ အဆင့် မရောက် ခင် ရှမ်းမူ စ ဆွေးနွေးတဲ့ အစမှာ အာဏာကောက်သိမ်းလိုက်လို့  အာ ဏာသိမ်းတာစော တယ်လို့ တော့ ပြောနိင်ပါတယ်။ဖက်ဒရယ် ဆိုတဲ့ စကားလုံး အဓိပ္ပါယ် အရ ပြည်ထောင်စု ဖြစ်ပေမယ့် ၁၉၆၂ခုနှစ်ဖက်ဒရယ်ကတော့ ခွဲထွက်ရေး ကိုဆောင်တယ်ဆိုတာ မှား တယ်လို့ ပြောလို့ မရပါဘူး။

အခုငြိမ်းချမ်းရေးကိစ္စမှာ အဓိက ဇာတ်လိုက်ဖြစ်လာတဲ့  ဖက်ဒရယ် ကလည်း ဘယ်လို အ ဓိပ္ပါယ် ဖြစ်လာမယ်ဆိုတာ အပစ်ရပ်သဘောတူချက်ရခဲ့လို့  နိင်ငံရေး ဆွေးနွေးပွဲ အဆင့်ရောက် လာရင် တွေ့ မြင်ကြရမှာဖြစ်ပါတယ်။ ။

(၅)

ပြည်ထောင်စု မပြိုကွဲရေး ဆိုတဲ့ဦးတည်ချက်ကြီးဟာ အလွန်ကောင်းမွန်လှပါတယ်။ ဒါပေ မယ့် လက်တွေ့ ဘ၀တွေမှာ အကောင်းဆုံး ဆိုတာထက် ရသင့်သလောက်ပဲ လက်ခံရတာ ကို တော့ သတိပြုသင့်ပါတယ်။ တကယ်တော့ ပင်လုံညီလာခံလို ပြည်ထောင်စု အတွင်းနေမလား ခွဲထွက်မလား ဆိုတာ အရင် ဆွေးနွေးသင့်ပါတယ်။တိုင်းရင်းသားတွေကို ရွေးချယ်ခွင့် ပေးတဲ့ အခွင့်အရေးပေါ့။ 

အခုလက်ရှိ အလွန်တင်းမာနေတဲ့ ကေအိုင်အေ ကို ဥပမာကြည့်ပါ။ ဗိုလ်ချုပ်ဂွမ်မော်က လွတ်လပ်ရေး လိုချင်လို့ စစ်တိုက်ခဲ့တာ လို့ ပြောလာပါပြီ။ကေအိုင်အေဟာ ကချင်လူမျိုးကို ကိုယ် စားပြုသူ ဖြစ်ကောင်းဖြစ်နိင်ပေမယ့် လက်ရှိကချင်ပြည်နယ် ကိုဘယ်လိုမှ ကိုယ်စားမပြုနိင်ပါဘူး။ လက်ရှိ ကချင် ပြည်နယ်ဟာပြည်ထောင်စုကြီးအတွင်းအတူနေထိုင်ကြဖို့  သဘောတူညီချက်အရ ဗမာပိုင်ရှမ်းဗမာအများစု နေထိုင်တဲ့မြစ်ကြီးနား ဗန်းမော် မြေပြန့်  ခရိုင်တွေကို ကချင်အများစုနေထိုင် တဲ့ကချင်တောင်တန်းနဲ့  ပေါင်းစပ်ပြီး ကချင်ပြည်နယ် အဖြစ်တည် ထောင်ပေးခဲ့တာပါ။ ကချင်နိင် ငံ သီးခြားခွဲထွက်ချင်ရင် ဒီမြေပြန့် တွေကို ရှမ်းဗမာတွေက ဘယ်လိုမှ ကချင်နိင်ငံထဲ နေချင်မှာ မဟုတ်ပါဘူး။(အခုဖြစ်နေတဲ့ကရိုင်းမီးယားအရေးလိုဖြစ်မှာသေချာနေပါတယ်)ပင်လုံညီလာခံမတိုင်မီက တည်ရှိခဲ့တဲ့ ကချင်တောင် တန်းနယ်နမိတ်အတိုင်း သာ ရနိင်ပါမယ်။ အဲဒီတောင်တန်း မှာ ဘယ်လိုလုပ်ပြီး ကချင်နိင်ငံထူထောင်နိင်မလဲ ဆိုတာစဉ်းစားသင့်ပါတယ် လက်ရှိကချင်ပြည်နယ်မှာ ကချင်လူမျိုး ၃၉.၃၀% သာရှိပါတယ်။ကျန်၆၀ကျော်%မှာရှမ်းဗမာ အများစုဖြစ်ပါတယ်။အဲဒီရှမ်းဗမာ တွေကို (ကချင်ခေါင်း ဆောင်တွေဆိုတဲ့) ကေအိုင်အေ အောက် ကချင်နိင်ငံမှာနေမလား ၊မြန်မာနိင်ငံမှာ နေမ လား လွတ်လွတ်လပ်လပ်မေးကြည့်ကြပါ။ 

ဒီတော့ ကေအိုင်အေပြောတဲ့လွတ်လပ် ရေးလိုချင်၇င်ပင်လုံမတိုင်မီနယ်နမိတ်အတိုင်းရမယ့် ကချင်တောင်တန်းနိင်ငံ အ ဖြစ်ခွဲ ထွက် ခွင့် ပေး ကြည့် လိုက်ပါ။ (၁၀)နှစ်မကြာ ခင် ပြည်ထောင်စု ထဲမှာနေပါရစေလို့  တောင်း ဆို လာမှာဖြစ်ပါတယ်။ 

ဒါကြောင့် အစိုးရကလည်း ပြည်ထောင်စု မပြိုကွဲရေး ဆိုပြီး အသေမချုပ်ထားသင့်ပါဘူး။ပင်လုံ မှာ သဘောတူခဲ့တဲ့ အတိုင်း ခွဲထွက်ချင်သလား ပြည်ထောင်စုထဲနေမလားပဲဖြစ်သင့်ပါတယ်။ဗိုလ်ချုပ် အောင်ဆန်းရဲ့ မူကလည်းဒီအတိုင်းပဲဖြစ်ပါတယ်။လွတ်လပ်ရေး လိုချင်တဲ့ ဗိုလ်ချုပ်ဂွမ်မော် ကို ကချင်တောင်တန်း သပ်သပ်ပေးလိုက်ပြီး (၁၀)နှစ်မပြည့်ခင် ပြန်လည်ပူးပေါင်းခွင့် မပြု ဆိုတဲ့ စာချုပ်နဲ့  အတူ ခွဲထွက်ခွင့် ပေးမယ်လို့ ကမ်းလှမ်းကြည့်ပါ။ မြစ်ကြီးနား၊ဗန်းမော်ခရိုင်တွေမပါတဲ့ ၀မ်ပေါင် သမ္မတနိင်ငံ ထူထောင်နိင်ရင် တော့ လီကွမ်းယု ထက်သာတဲ့ ခေါင်းဆောင် အဖြစ်ကမ္ဘာက အသိ အမှတ် ပြုကြမှာသေချာပါတယ်။ ။

(၆)

အာဏာ၊ ငွေ၊ လက်နက် ဟာ လူတိုင်းနဲ့ မထိုက်တန်ဘူးဆိုတဲ့ အဆိုအတိုင်း နိင်ငံတော် အဆင့်မှာလည်း ဒီ(၃)ခုကို ခွဲခြား ထားဖို့  လုပ်ကြပါတယ်။လက်နက်ရှိသူဟာ အာဏာပါရသွားရင် တော့ပျက်စီးဖို့ အလွန်များပါတယ်။ယခင်အစိုးရလက်ထက်စစ်ဗိုလ်ချုပ်ကြီးများ၊ယခုလက်ရှိ ကေအိုင် အေ ခေါင်းဆောင်များ အများစုဟာ အာဏာနဲ့  လက်နက်ကိုတစ်ဦးတည်းအသုံးပြုခွင့်ရတဲ့အတွက် ငွေကြေးအဆမတန်ချမ်းသာလာကြပါတယ်။ချမ်းသာတဲ့ဒဏ်မခံနိင်လို့ မူလရည်ရွယ်ချက် ကောင်း တွေမေ့ ကုန်ပြီးပျက်စီးကြပါတယ်။အပေါ်ယံ ကြည့်ရင် အားကျစရာ ထင်ပေမယ့် တကယ်တော့ သူတို့ တစ်ဦးချင်းနဲ့ တိုင်းပြည်ပြည်နယ်ပါပျက်စီးတာပါ။လူမသေခင်နံမယ်သေခဲ့ရမယ့်အဖြစ်ပါ။ခုအချိန်ဟာမိမိဂုဏ်သိက္ခာအတွက်ရသလောက်ပြန်ဆယ်ရမယ့်အခြေအနေ ကောင်းဖြစ်ပါတယ်။ ဗိုလ်ချုပ် အောင်ဆန်းလိုမဖြစ်နိင်တောင် ဂဠုန်ဦးစောလို မဖြစ်အောင်၊သားစဉ် မြေး မြစ် အမျိုးတော် တယ်လို့ မပြောဝံ့ မဖြစ်အောင် တော့ ပြန်ဆယ်တင်ရမယ့်အချိန်ဖြစ်ပါတယ်။

တိုင်းရင်းသား လက်နက်ကိုင် တွေထဲမှာ ကေအိုင်အေ က တခြားအဖွဲ တွေ ထက်ထူးနေပါ တယ်။ အပစ်ရပ်သဘောမတူတာကေအိုင်အေ၊သန်းခေါင်စာရင်း အကောက်မခံတာ ကေအိုင်အေ၊လွတ်လပ်ရေးလိုချင်လို့ စစ်တိုက်နေုတာလို့ ပြောတာ ကေအိုင်အေ စတဲ့ ၀ိသေသထူးတွေ ပိုင်ဆိုင် ထား တဲ့တစ်ဖွဲ့ တည်းသောအဖွဲ့ ဖြစ်ပါတယ်။
လူဟာ အသက်ရှင်သန်ရေးကို ပထမ ဦးစားပေးပါတယ်။ခြေလက်ဖြတ်မှ အသက်ရှင်မယ်ဆိုရင် ခြေလက်ကိုအဖြတ်ခံကြပါတယ်။ပြည်ထောင်စုရှင်သန်ရေးမှာလည်း ပြည်နယ် အစုံအလင် ပါမှ တင့်တယ်မှာဖြစ်ပေမယ့် ပြည်ထောင်စု ဖွဲ့ စည်းရေးကိုပျက်ပြား စေမယ့် အဖွဲ့ ကိုတော့ ဖြတ်သင့်ရင် ဖြတ်ပစ်မှရပါမယ်။အင်္ဂါ မစုံသော ပြည်ထောင်စု ဖြစ်ပေမယ့် ပြည်ထောင်စု အဖြစ်တော့ တည်ရှိနိင် ပါသေးတယ်။ပြည်ထောင်စု အပျောက်ခံမလား၊အင်္ဂါမစုံသော ပြည်ထောင်စု အဖြစ်ရှင်သန်မလား ရွေးရရင် ဘယ်လိုပဲဖြစ်ဖြစ် ရှင်သန်ဖို့ ရွေးရပါမယ်။ ပြည်ထောင်စု အမည်ခံထားပြီး လက်တွေ့  တစ်ပြည် ထောင်စံနစ်ဖြစ်နေတာ ကိုလည်းပြည်ထောင်စု စစ်စစ်ဖြစ်အောင် လုပ်ဖို့ လိုပါတယ်။

မဟတ္တမဂန္ဒီ ကြီးဟာ အိန္ဒိယနိင်ငံလွတ်လပ်ရေး ရချိန်မှာ ပါကစ္စတန်နိင်ငံ ခွဲထွက်မယ့် ကိစ္စ ကို အပြင်းအထန်ဆန့် ကျင်ပါတယ်။သူ့ ရင်ကိုခွဲ အသဲနှလုံးကို ထုတ်ပြီးမှ ပါကစ္စတန်နိင်ငံ ခွဲထုတ်ပါ လို့ ပြောခဲ့ပါတယ်။လက်တွေ့ အခြေအနေတွေက ခွဲမထုတ်လို့ ဘယ်လိုမှ မဖြစ်တော့တဲ့ အခါမှာတော့ သူ့ ဆန္ဒကို မြိုသိပ်ပြီး ရင်နာစွာနဲ့ လိုက်လျောပေးခဲ့ရပါတယ်။ဝန်စတန်ချာချီကလည်း “ အားလုံး တစ်စုတစ်စည်းတည်း နေနိင်ရင်တော့ အကောင်းဆုံးပေါ့၊ ဒါပေမယ့် တစ်စုတစ် စည်းတည်း နေလို့  ကမ္ဘာကြီး ပျက်စီးမယ် ဆိုရင်တော့ တကွဲတပြားစီနေကြတာ က ပိုကောင်းပါ တယ်” လို့  ပြောခဲ့ဘူး ပါတယ်။အကောင်းဆုံးကိုမျော် လင့်ရင်းဘာမှမ၇တာထက်စာရင် ရနိင်သလောက် အ ကောင်း ဆုံး ဖြစ်အောင် လက်တွေ့ ကျကျ ရနိင်သလောက်ယူသင့်ပါတယ်။

ဒါကြောင့် အခုလို အခြေအနေ အချိန်အခါ ကောင်း ရလာတဲ့ အခွင့်အရေး ကို အကျိုးရှိရှိအသုံး ချပြီးငြိမ်းချမ်းရေး ရအောင်လုပ်ကြမလား ၊အာဏာ ငွေ လက်နက် ကိုဆက် တွယ်ဖက်ထားပြီး မိမိသမိုင်းကို နံမယ်ဆိုးနဲ့  မော်ကွန်းထိုးခဲ့မလား ဆိုတာ နှစ်ဘက်စလုံး က ခေါင်းးဆောင်များ ဆုံး ဖြတ်ကြ ရတော့မယ့်အချိန်ဖြစ်ပါတယ်။ ။ 

(၇)

လက်ရှိအနေအထားဟာ ပြည်ထောင်စု မပြိုကွဲရေး ဆိုတာထက် ပြည်ထောင် စုတည် ဆောက်ရေး ဆိုရင် ပိုသင့် လျော်မယ်ထင်ပါတယ်။ဘယ်တုံးကမှ ပြည် ထောင်စုအဖြစ် မရှိခဲ့ သေးဘဲ တစ် ပြည်ထောင်စံနစ်သာကျင့်သုံးခဲ့ကြတာဖြစ် ပါတယ်။ ဗဟို ချုပ်ကိုင်မှု များတဲ့ ပြည်ထောင်စုစံ နစ်၊ဗဟိုချုပ်ကိုင်မှုနဲတဲ့ပြည်ထောင်စုစံနစ်မှာ မြန်မာနိင် ငံ မှာတောက်လျှောက်ကျင့်သုံးလာတာက ဗ ဟို က လုံးဝချုပ်ကိုင်တဲ့ တပြည်ထောင်စံနစ်ဖြစ်ပါတယ်။ ၂၀၀၈ ခုနှစ်ဖွဲ့ စည်းပုံ အခြေခံဥပဒေမှာ ပြည်နယ်အစိုးရတွေ လုပ်ပိုင်ခွင့်တော်တော်နဲပါတယ်။စာရွက် ပေါ်မှာနဲရတဲ့အထဲ လက်တွေ့ မှာတော့ အရင်လိုဗဟို ချုပ်ကိုင်မှုစံနစ်ပဲ ကျင့်သုံးနေလို့ ဘာမှလုပ်ပိုင် ခွင့်မရှိသလောက်ပါပဲ။ ပြည်နယ် ၀န်ကြီးချုပ်တွေကိုလည်း သမ္မတ သဘောကျသူခန့် တာဖြစ်လို့  ပြည် ထောင်စု မဖြစ်နိင်သေးပါဘူး။ (ပါလီမန်ဒီမိုကရေစီခေတ်မှာတောင် ရှမ်းပြည်နယ်ဥက္ကဌ အရွေးခံ ရာ မှာ စော်ဘွား အရွေးမခံရဘဲ လူထုကိုယ်စားလှယ် အရွေးခံရလို့  ၀န်ကြီးချုပ်ဦးနု က သူ့ ကို အပ်နှင်း ထား တဲ့လုပ်ပိုင်ခွင့် ကိုအပြည့်အ၀ အသုံးချပြီး အရွေးခံရတဲ့ လူထုကိုယ်စားလှယ်ကို ရှမ်းပြည် နယ် ဥက္ကဌ ၇ာထူးက ဖယ်၇ှားခဲ့ပါတယ်)

၂၀၀၈ အခြေခံဥပဒေကို အခြေခံပြီးဖက်ဒရယ်ပြည်ထောင်စု အဖြစ်ရောက်အောင် ပြုပြင် သွားရမှာဖြစ်ပါတယ်။၂၀၀၈ ခြေ ဥ ဟာအားနည်းချက်တွေအများကြီးဖြစ်ပေမယ့်လုံးဝ လွှင့်ပစ်လို့  တော့မသင့်ပါဘူး။ လုံးဝလွှင့်ပစ်ရင်တော့ ဖက်ဒ၇ယ်ပြည်ထောင်စု ကိုပိုဝေးစေ မှာဖြစ်ပါ တယ်။နိင်ငံခြားရေး ကာကွယ်ရေးပိုင်းကလွဲလို့ ပြည်နယ်အစိုးရကို အာဏာပိုပေးတဲ့ ဥပဒေတွေ အများကြီး ပြင်ပေးလို့ ၇ပါတယ်။ကာကွယ်ရေးပိုင်းကတော့သူတလူငါတမင်း မဖြစ်ရအောင်တစ်ခုတည်းသော လက်နက်ကိုင် အဖွဲ့ အစည်းပဲဖြစ်သင့်ပါတယ်။ ယုံကြည်မှုတည် ဆောက်လို့ မရသေးခင်မှာတော့ အပစ်ရပ် သဘောတူညီချက်နဲ့ ပြည်သူလူထုဒုက္ခမရောက်အောင်ထိန်းထားရမှာပါ။အခုချက်ခြင်း
ကြီးကတော့တိုင်းရင်းသားလက်နက်ကိုင်တွေကလည်းတစ်ခုတည်း သောလက်နက်ကိုင်တပ်ဖွဲ့  ကို ယုံကြည်လက်ခံနိင်မှာ မဟုတ်ပါဘူး။ဗဟို အစိုးရက လည်းသီးခြား ဖက်ဒရယ်တပ်မတော် ကိုပေးရဲမှာ မ ဟုတ်ပါဘူး။အချိန်ယူညှိနှိင်းပြီးမှ အဖြေတစ်ခုထုတ် ရ မှာ ဖြစ်ပါတယ်။ နိင်ငံခြားရေးကာကွယ်ရေးကလွဲလို့  ကျန်တဲ့ အပိုင်းအားလုံးကိ်ုဗဟိုအစိုးရက ပြည်နယ် အစိုးရ ကို လွတ်လွတ်လပ်လပ် လုပ်ပိုင်ခွင့်ပေးဖို့  လိုပါတယ်။ပြည်နယ်ဝန်ကြီးချုပ်တွေလည်း ပြည် နယ် လူထုက ရွေးချယ်တင်မြှောက်သူဖြစ်အောင် ပြင်ရမှာဖြစ်ပါတယ်။

တိုင်းရင်းသားလက်နက်ကိုင်တွေက သီးခြားပြည်နယ်တပ်မတော် ရပ်တည်ခွင့် မတောင်းဖို့  လို သလို ဗဟို အစိုးရကလည်း ဖက်ဒ၇ယ်ပြည်ထောင်စု ပီပြင်အောင်ပြည်နယ်အစိုးရတွေကိုအာဏာ ပေးနိင်သမျှအပြည့်အ၀ပေးဖို့ လိုပါတယ်။တစ်ခုတည်းသောလက်နက်ကိုင်တပ်ဖွဲ့ ဖြစ်ရေး ကို လည်း အတင်းအကြပ် မြန်မြန်ဆန်ဆန် တွန်းအားမပေးသင့်ပါဘူး။ဒီလိုနှစ်ဖက် သဘောထား ကြီးကြီး အမျှော်အမြှင်ကြီးကြီးနားလည်မှုရှိနိင်မှဖက်ဒ၇ယ်ပြည်ထောင်စုတည်ဆောက်ဖို့ အခြေခံ ငြိမ်းချမ်း ရေးကိုရနိင်ပါမယ်။ဒါကြောင့်ပြည်ထောင်စုစံနစ်ကိုအခုမှစတင်တည်ဆောက်
ကြမှာဖြစ်လို့ ပြည် ထောင်စုမပြိုကွဲရေးဆိုမယ့်အစားပြည်ထောင်စုတည် ဆောက် ရေးလို့ ဆိုရင်ပိုသင့် လျော် မယ် ထင်ပါတယ်။ ။

(၈)

ရင်ဝလှံစူးဦးခေါင်းမီးလောင်သလိုမြန်မာနိင်ငံရဲ့ ပထမဦးစားပေးဖြေရှင်းရမယ့် ပြသနာ က ပြည်တွင်း စစ် အဆုံးသတ်ရေးဖြစ်ပါတယ်။နှစ်ပေါင်း(၆၀)ကျော် ပြည်တွင်းစစ်ကို ဆွေးနွေးညှိနှိုင်းအဆုံးသတ်နိင်ဖို့ လမ်းစပေါ်လာတဲ့အခွင့်အခါကောင်းဖြစ်ပါတယ်။အခွင့်အခါကောင်းဖြစ်ပေမယ့် နှစ်ဘက်စလုံးလိုလားချက်ပြည့်ဝစေမယ့် ဆွေးနွေး ပွဲရလာဒ်ရဖို့ တော့ခက်ခဲလှပါတယ်။။ကမ္ဘာ ပတ် အုပ်ချုပ်ခဲ့  တဲ့ နယ်ချဲ့ အင်္ဂလိပ်ကတော့ကမ္ဘာမှာလူမျိုးကွဲအများဆုံးနိင်ငံထဲပါဝင်တဲ့တိုင်းရင်းသားလူမျိုး ပေါင်း
(၁၃၀)ကျော်ရှိတဲ့မြန်မာနိင်ငံကိုယမ်းအိုးကြီးတစ်ခုလို့ မြင်ပုံရပါတယ်။ အခြား လူမျိုး နဲ့အသာထား၊ လူမျိုးစုတူ တိုင်းရင်းသား အချင်း ချင်းမှာတောင် အကွဲကွဲ အပြားပြား စိတ်ဝမ်းကွဲ ကြပါတယ်။ အမှန်တရားထက် အင်အားကြီး သူအ နိင်ရတဲ့ တောရိုင်း ဥပ ဒေ အတိုင်းကျင့်သုံးကြရလို့  လက်နက်ဟာ အသက် ၀ိ ညဏ်ဖြစ် လာ ပါ တယ်။ 

လက်နက်ကိုင်အဖွဲ့  ပေါင်းများစွာ စစ်တပ်ထက်အင် အားကြီး မား လာတဲ့အခါ လွတ်လပ်ရေး ရပြီးစက ရန်ကုန်အစိုးရ လို့  အခေါ်ခံခဲ့ရတဲ့အထိဖြစ်ခဲ့ရတဲ့ ပြည်တွင်းစစ်မီး ကြီးကို အစိုးရက မမေ့  နိင်ပါဘူး။

ဒီလိုနှစ်ဘက်ယုံကြည်မှုမရှိဘဲထာဝရငြိမ်းချမ်းရေးရဖို့ အဝေးကြီးလိုပါ သေးတယ်။ လက်တွေ့ ဖြစ်နိင်တာက စလုပ်မှ ရပါမယ်။ ပထမဆုံး တစ်နိင်ငံလုံး အပစ်ရပ်ဖို့ လိုပါတယ်။ပြီးမှ နှစ်ဘက်နိင်ငံရေးဆွေးနွေးရပါမယ်။ဘယ်လိုမှ ဆွေးနွေးညှိနှိင်းလို့ မရရင်လည်းအကောင်းဆုံးငြိမ်းချမ်းတဲ့နည်းကိုပဲသုံးသင့်ပါတယ်။ 

တကယ်တော့ပြည်ထောင်စုထဲကခွဲထွက်ရင် ပြည်ထောင်စု ဟာ ခြေ လက် အင်္ဂါ မစုံတဲ့ပြည်ထောင်စု အဖြစ်ကျန်ခဲ့ပြီး ခွဲထွက်တဲ့ပြည်နယ်ကလည်းအဖြတ်ခံရတဲ့ ခြေ လက်လို ဖြစ်ကျန်ခဲ့မှာဖြစ်ပါတယ်။ ပြည်ထောင်စုပြိုကွဲလို့ လည်းမဖြစ် ငြိမ်းချမ်းရေးလည်းမရ နာ ဒီလိုပဲဆက်သွားနေရင်တော့ပြည်တွင်းစစ်သံသရာမှာဝဲလည်နေ အုံးမှာ ပါ။နှစ်ဘက်စလုံး သဘောထားအမှန်နဲ့ ပြည်သူလူထု အကျိုးအတွက် ငြိမ်းချမ်းရေး မရရအောင် လုပ်မယ်လို့ ဆုံးဖြတ်လာခဲ့ရင်တောင် ခက်ခက်ခဲခဲ အလျော့ပေး ညှိနှိင်းကြရမယ့် အခြေအနေမှာ အခုမြင်တွေ့ နေရသလို သဘောထားမမှန်ပဲ ဟန်ပြဆွေးနွေးပွဲတွေနဲ့  နိင်ငံရေး ကစားကွက်တွေ လုပ်နေ ကြရင်တော့ အချိန် ကုန်ခံ ငွေကုန်ခံ နာတာရှည် ပြည်ထောင်စုကြီး အဖြစ် အ သက် ရှင် နေမယ့်အစား လက်တွေ့ ကျတဲ့ အခြားနည်းလမ်းတွေ နဲ့ ပြည်တွင်းစစ် အဆုံးသတ်ရေး ကိုလုပ်တာက ပိုအကျိုးရှိပါတယ်။

နှစ်ဘက်ခေါင်းဆောင်ဆိုသူတွေဟာပင်လုံညီလာခံကနေအကြောင်းကြောင်းကြောင့်ပေါင်းစည်း လာကြတဲ့ ပြည်ထောင်စု အမည်ခံ တစ်ပြည်ထောင်စံနစ်ကနေ ပြည်ထောင်စုစစ်စစ်ကို မဖြစ်ဖြစ်အောင်သွားကြမယ်ဆိုတဲ့ သံန္နိ ဌာန်စိတ် နဲ့  အတိတ်ကခါးသီးတဲ့အမှန်တရား တွေကိုခ၀ါချလို့ ပြည်သူအားလုံးလိုလားတောင့်တနေတဲ့ ထာဝရငြိမ်းချမ်းရေးအတွက်ပထမခြေလှမ်းအဖြစ်တစ်နိင်ငံလုံးသေနတ်သံတိတ်စေမယ့်ယာယီအပစ်ရပ်ပြည်လုံးကျွတ်လက်မှတ်ရေးထိုးပွဲကြီးကို အောင်မြင်အောင်လုပ်ပေးနိင်ကြပါစေလို့ သာဆုတောင်းလိုက်ရပါတော့တယ်။။ ။

(၁၂ .၅.၂၀၁၄)