အပိုင်း(၄၀)၊
“ကာနယ်ကြီး -- ဘယ်လိုဖြစ်ရတာတုန်း ၊ စင်္ကာပူလေတပ် Heli ၃စီးကိစ္စ၊ ခွင့်မပြုဘူး စာရလို့လာမေးကြည့်တာ၊ မှားများမှားနေသလားလို့”
“ မမှားဘူး-အကိုရေ့၊ ဒု-တပ်ချုပ်ကိုယ်တိုင် အဲဒီအတိုင်းပြန်ဘို့ ညွှန်ကြားလို့ပြန် လိုက်တာ၊ ကျနော်ထင်တော့ ထင်သား၊ အကိုတို့“လှမ်း”နဲ့တော့ ပြဿနာဖြစ်ပြီ-လို့”
“အေးလေ - ကိုယ်တို့နဲ့တင်မကဘူး၊ DCA ၊ ကက(လေ)တို့နဲ့ပါလွဲကုန်ပြီ။ ကျန်ဌာ နတွေက ကန့်ကွက်ရန်မရှိကြောင်း သဘောထားမှတ်ချက်ပေးထားကြတာ။ စင်္ကာ ပူလေတပ်နဲ့တော့ မျက်နှာပူစရာတွေဖြစ်ကုန်တော့မယ်ထင်တယ်။ သူတို့ အခုသွား မှာကလည်း လူသားချင်းစာနာရေး Program နဲ့ ဆိုတော့။ တားရမှာသိပ်မကောင်း ဘူးလေ။ ဒုက္ခပါဘဲ ကာနယ်ကြီးရာ---”
“အဲဒီတော့၊ ဒီလိုလုပ်ကြည့်ရင်ကောင်းမလားဘဲ၊ ဒု-တပ်ချုပ်ဆီကို Colonel ကြီးထပ် ၀င်ပြီး နည်းနည်းရှင်းပြကြည့်ပါလား၊ သူ-စိတ်ကလေးဘာလေးများ ပြောင်းလို့ ပြောင်းငြားပေါ့”
“အမလေးလေး- ၀င်လည်းမ၀င်ပါရစေနဲ့၊ ထပ်လည်းရှင်းမပြပါရစေနဲ့အကိုရာ။ သူ ကိုယ်တိုင်ညွှန်ကြားထားတဲ့ကိစ္စကို ကျနော်သွားပြောင်းခိုင်းလို့ ဘယ်ဖြစ်ပါ့မလဲ။ အ ဆဲ ခံနေရပါဦးမယ်။ အကိုကိုယ်တိုင် ၀င်ပြောကြည့်ချင်သပဆိုရင်တော့သွားပြီးTry လုပ်ကြည့်လေ၊ ကျနော်အပြင်ကစောင့်နေပေးမယ်။ သူခေါ်မေးရင် ခွင့်ပြုသင့်ပါ တယ်ပြောပေးမယ်”
စစ်ရုံးကြီးမှာနှစ်ယောက်သားခေါင်းချင်းဆိုင်၊ ဗျာများနေသူများကတော့ တခြားမ ဟုတ်။ ကျနော်နဲ့ စစ်ဦးစီးဗိုလ်မှူးကြီး (Colonel G.S) တို့ဖြစ်ပါတယ်။ အချိန်က ၁၉၉၆ ခုနှစ်လောက်ခန့်က။ ကိစ္စက စင်္ကာပူလေတပ်ရဲ့ Helicopter ၃-စီး၊ ဘင်္ဂ လားဒေ့ရ်ှနိုင်ငံလေမုန်တိုင်းဘေးဒုက္ခကူညီရေးအစီအစဉ်အတွက် သွားရောက်ဘို့ မြန်မာနိုင်ငံအပေါ် ဖြတ်ကျော် ပျံသန်း/ဆင်းသက်/ဆီဖြည့်ခွင့်တောင်းခံထားတဲ့ကိစ္စ။
သူတို့ Heli တွေက မြိတ်၊ ရန်ကုန်၊ သံတွဲ၊ စစ်တွေလေဆိပ်တွေမှာဆင်းသက်ပြီးဆီ ဖြည့် ခွင့်ပါတောင်းထားခဲ့ကြတာ။ အခုတက်နေတဲ့ ပြဿ နာက ကာကွယ်ရေးဥိးစီးချုပ် ရုံး(ကြည်း)ကခွင့်မပြုတဲ့ပြဿ နာ။
ပုံမှန်အားဖြင့်ဆိုရင် Any Foreign Aircraft ၊ မည်သည့်ပြည်ပလေယာဉ်၊ ရဟတ် ယာဉ်မဆို မြန်မာနိုင်ငံလေပိုင်နက်ထဲကိုဝင်ရောက်/ဖြတ်ကျော်ပျံသန်း/ရပ်နားမယ် ဆိုရင် DCA(Directorate of Civil Aviation)(လေကြောင်းညွှန်ကြားမှု ဦးစီးဌာန) ကိုပျံသန်းမှုအစီအစဉ်(Flight Plan) နဲ့တကွကြိုတင်ခွင့်ပြုချက် တောင်းခံကြရပါတယ်။
DCA ကလည်း လေကြောင်းရန်ကာကွယ်ရေး(Air Defence) နဲ့ဝေဟင်ပိုင်နက် လုံခြုံမှုအတွက် ကက(ကြည်း)၊ ကက(လေ)၊ ကက(လှမ်း)-စတဲ့ဌာနကြီး ၃ ခုဆီကို သဘောထားမှတ်ချက်ထပ်ဆင့်တောင်းခံပြီး ကန့်ကွက်ရန်မရှိကြောင်း(No objection) ပြန်ကြားလာမှသာ မူလခွင့်တောင်းခံသူထံခွင့်ပြုချက်ပေးရပါတယ်။
အထက်မှာဖော်ပြခဲ့တဲ့ ကာကွယ်ရေးဆိုင်ရာဌာနကြီး(၃)ခုအနက် တခုခုကကန့် ကွက်ခဲ့ရင် DCAလည်းခွင့်ပြုလို့မရ ပါဘူး။ အဲသလို-DCA ခွင့်ပြုချက်မရဘဲ ၀င်ေ ရာက်ဖြတ်ကျော်ပျံသန်းခဲ့ရင်တော့ လေကြောင်းရန်ကာကွယ်ရေးအစီ အမံအရ တားဆီးအရေးယူတာကိုခံရမှာပါ။ ကံဆိုးရင် ပစ်ချခံရနိုင်ပါတယ်။အနည်းဆုံးတော့ DCA အနေနဲ့ ကမ္ဘာ့လေ ကြောင်းအဖွဲ့ချုပ်ထံ အရေးယူဘို့တိုင်ကြားနိုင်ပါတယ်။
တခါ- DCA ရဲ့ခွင့်ပြုချက်နဲ့ဖြတ်ကျော်ပျံသန်း/ရပ်နားတဲ့လေယာဉ်/ရဟတ်ယာဉ် မှန်သမျှဟာ ၀န်ဆောင်ခ Fees တွေ အစုံပေးရပါတယ်။ VOR ၊ DME-စတဲ့လေေ ကြာင်းလမ်းညွှန်ပစ္စည်းကိရိယာ(Navigation Aids)သုံးစွဲခ၊ရာသီဥတု အခြေ အနေ သတင်း(Weather Info)တောင်းခံအသုံးပြုခ၊ လေယာဉ်ကွင်းဆင်းသက်ခ(Landing Fees)၊ လေယာဉ်ရပ်နားခ(Parking Fees)၊မြေပြင်မှာရပ်နားထားတုန်း အသုံးပြုတဲ့ စက်ပစ္စည်းကိရိယာ၊ APU ဘက်ထရီ၊ ခရီးသည်ဆင်း/တက်လှေခါး၊ ပစ္စည်းတင်ချ Conveyor ၊ ရေဖြည့်၊ လေဖြည့်၊ အစားအသောက်ဖြည့်၊ အိမ်သာဆေး၊ အမှိုက် သိမ်း၊ လူ့လုပ်အား-အစရှိသဖြင့် သုံးစွဲသမျှအားလုံးအတွက်ပေးဆောင်ရပါတယ်။ (ကြုံတုန်းဗဟုသုတအဖြစ်ပြောပြတာပါ)။ ရှိစေတော့။
ပြန်ဆက်ရရင်၊ကျနော်က “ အိုကေ၊ ဒါဆိုလည်းကိုယ် ဒု-တပ်ချုပ်ဆီဝင်ပြီး ထပ်ကြိုး စားကြည့်လိုက်ဦးမယ်”ဆိုကာ P.S.O ရုံးခန်းရှိရာကိုထွက်လာခဲ့တယ်။ PSO ရုံးခန်းရောက်တော့ သူကဖိုင်အချို့လက်ထဲကိုင်ဖတ်နေတာ တွေ့ရတယ်။
“ဝေ့-ဘိုဝင်းထွန်း၊ မောင်ရင့်အဘ အထဲမှာရှိလား၊နားနေတာလား ? သတင်းပို့စရာ ကိစ္စတခုရှိလို့”
“ဟုတ်ကဲ့- G-1 ကြီး။ အထဲမှာရှိပါတယ်၊နားတော့နားနေတယ်၊ ပြဿနာရှိမဲ့ကိစ္စလား?”
“အင်င်း…ပြဿနာတော့ရှိရင်လည်း နဲနဲရှိလိမ့်မယ်ထင်တယ်”
“အမရေး -- ဒါဆိုရင်တော့-ကျနော်ဝင်သတင်းမပို့တော့ဘူး၊ G-1 ကြီး ကိုယ့်ဘာသာ ကိုယ် တံခါးခေါက်ပြီးသာ ၀င်သွားပေတော့”
“ဟွင်--မင်းဟာကလည်းကွာ၊ ဖြစ်ပါ့မလား-ဟ။ အေးလေ-- ဒါဆိုလည်း ကိုယ်အခုဝင်
လိုက်တော့မယ်”
လိုက်တော့မယ်”
သူ့ကိုပြောပြီးတခါတည်းဘဲ လူကြီးအခန်းတံခါးကို ဒေါက်ဒေါက်(၃-၄)ချက်လောက်ေ
ခါက်ပြီး တွန်းဝင်လိုက်တယ်ဆိုရင်ဘဲ-
ခါက်ပြီး တွန်းဝင်လိုက်တယ်ဆိုရင်ဘဲ-
“ဘသူလဲ-ဟ၊ တံခါးကိုစွတ်ခေါက်နေတာ ? ငါနားမကန်းသေးဘူး၊ ၀င်လာခဲ့လိုက်”
“ ကျနော်ပါခင်ဗျ။ ၀င်ခွင့်ပြုပါ”
ပြောပြောဆိုဆိုနဲ့ကျနော်ရှေ့ဆက်ဝင်သွားတဲ့အခါ ဒု-တပ်ချုပ်ကို ပုဆိုးတိုတို၊ အင်္ကျီ ချွတ်လျက်၊ ကုတင်ပေါ် မှာလှဲရင်းသတင်းစာဖတ်နေတာတွေ့ရပါတယ်။နေ့လည် မွန်းလွဲ(၃)နာရီလောက်ရှိပြီးဆိုတော့ ရေချိုးခါနီးထင်ပါရဲ့။ သူကကျနော့်ကိုတွေ့တော့-
“အေး- ဗိုလ် ----ပါလား။ တံခါးကိုတ၀ုန်းဝုန်းနဲ့ထုနေတာ-မင်းလား။ ငါ့လခွီး။ ကဲ-ပြော၊ ဘာကိစ္စရှိလို့တုန်း၊”
မေးပြီးတော့ သူ သတင်းစာဆက်ဖတ်နေတယ်။
“ဒီလိုပါ အဘခင်ဗျ၊ ဟို-စင်္ကာပူလေတပ်က ဟယ်လီကော်ပတာ ၃စင်း…….”
သူခေါင်းကိုဆတ်ကနဲမော့ကြည့်ပြီး-
“ဟ- ငါ အဲဒီကိစ္စ၊ ခွင့်မပြုနိုင်ဘူးလို့ မြင့်ဆွေကိုစာပြန်ခိုင်းပြီးပြီ-လေ။ မင်း-သူ့ဆီက စာ မရသေးဘူးလား”
“ရပြီးပါပြီခင်ဗျ။ ဒါကြောင့်-အခုလိုလာရတာပါ။ အဲဒီ စာအတိုင်းကအဆင်မပြေလို့ ခင်ဗျ”
“ဘာ--ဘယ်လိုအဆင်မပြေတာလဲ၊ ပြောစမ်းပါအုန်း”
“ဟုတ်ကဲ့- ကျနော်တို့(လှမ်း)က ကန့်ကွက်ရန်မရှိ၊ ခွင့်ပြုကြောင်းပြန်ကြားထားလို့ပါ ခင်ဗျ”
“အေး-မင်းတို့ဖာသာမင်းတို့၊ ပြန်ချင်ရာပြန်လေ၊ ငါတို့ ကက(ကြည်း)ကတော့ခွင့် မပြုနိုင်ဘူး။ ဘယ့်နှယ်ကွာ၊ ဒီကောင်တွေက အထိန်းအကွပ်မရှိ၊ ၀င်ခွင့်လေးတောင်း ပြီး နောက်မှာပျံချင်ရာပျံမယ်၊ သွားချင်ရာသွားမယ်။ လေယာဉ်ပေါ်မှာ ဒို့ဆီကေ စာင့်ကြည့်မဲ့လေကြောင်းလုံခြုံရေးအရာရှိမှမပါဘဲ။ ဘယ်လိုလုပ် Check လုပ်မလဲ၊ သွားရင်းလာရင်းလမ်းပေါ်က ပြည်/ပန်းတောင်းဖက်က ကာကွယ်ရေးပစ္စည်းစက် ရုံတွေအပေါ်ဖြတ်ပျံ၊ ဓာတ်ပုံရိုက်သွားရင်ဘယ်လိုလုပ်မလဲ။ ဒါစစ်ရေးစစ်ရာ အရေးကြီးနေရာတွေကွ။ မင်းသိလား”
“နောက်ပြီး တိုင်းပြည်တခုရဲ့အချုပ်အချာအာဏာပိုင်ဆိုင်မှုထဲမှာ နယ်မြေကိုထိန်း သိမ်းဘို့အတွက် ဝေဟင်ပိုင်နက်ကိုလည်းကာကွယ်ဘို့လိုတယ်ဆိုတာ မင်းလည်း သိတယ်မို့လား။ ဒီကောင်တွေက အနောက်နိုင်ငံတွေရဲ့သူလျှိုဒလံတွေ၊ အခွင့်အရေး ရရင်အကုန်လုပ်မှာ နားလည်လား”
“ဟုတ်ကဲ့-နားလည်ပါတယ်ခင်ဗျ။ ဒါပေမဲ့ သူတို့ဓာတ်ပုံလိုချင်ရင် ကိုယ်တိုင်ရိုက် စရာမလိုပါဘူးအဘ-ခင်ဗျ။ ကြိုက်တဲ့နေရာရဲ့ဂြိုလ်တုဓာတ်ပုံတွေအပြင်မှာဝယ်လို့ ရပါတယ်ခင်ဗျ။ လိုလိုမယ်မယ်ကင်မရာတွေဘာတွေ တပ်ဆင်မလာဖို့တော့ ကျနော် ဖြည့်စွက်ညွှန်ကြားလိုက်ပါ့မယ်။နောက်ပြီးမြိတ်ကိုဆင်းတဲ့အခါလည်း တရားဝင် စစ်ဆေးကြည့်ဘို့လည်း အဲဒီကထောက်လှမ်းရေးတပ်ကိုမှာထားလိုက်ပါ့မယ်ခင်ဗျ”
“အံမယ်၊နေပါဦး--မင်းက ဒါတွေညွှန်ကြားရအောင် ဘသူကခွင့်ပြုနေလို့လဲ? ငါမှ ခွင့်မပြုတာ။ ဒီကောင်တွေရဲ့ရဟတ်ယာဉ်တွေ ခေတ်မှီတာဘဲလေကွာ။ သူ့ဖာသာ သူ မလေးရှားကတဆင့် ဘင်္ဂလားပင်လယ်အော်ကိုဖြတ်မောင်းကြပေါ့-ကွ။ မင်း -လေတပ်ကဘဲ၊သိမှာပေါ့”
“အာ---အဘကလည်း၊ Helicopter က ပင်လယ်ထဲကနေဖြတ်ပျံလို့ဘယ်ရမလဲ၊ ထိုးကျသေကုန်မှာပေါ့။ အဲဒီအခါကျမှ ကျနော်တို့လိုက်ရှာနေရဦးမယ်။ သူက Endurance သိပ်မှမရတာ။အကြာဆုံးပျံနိုင်ရင်တစ်နာရီခွဲ၊ နှစ်နာရီလောက်ဘဲပျံနိုင် တာ။ ဒါကြောင့် အခုလာရင်တောင် လမ်းမှာဆီခဏခဏဖြည့်ဖို့ခွင့်တောင်းထားတာ။ ဒီတော့ခွင့်ပြုပေးလိုက်ပါ-အဘရာ”
“နေပါဦး၊ မင်းက ခွင့်ပြုခိုင်းရအောင်၊ မင်းက-ဦးစီးချုပ်လား၊ ငါက-ဦးစီးချုပ်လား၊ ငါ့ လာ ဆရာလုပ်မနေနဲ့”
“အဘက ဦးစီးချုပ်ပါခင်ဗျ၊ ဒါပေမဲ့-အဲ့လိုတော့မလုပ်ပါနဲ့၊ စင်္ကာပူလေတပ်က ကျနော် တို့အပေါ်မှာ ကျေးဇူးရှိပါတယ်ခင်ဗျ”
“နေပါဦး၊ ဘာကျေးဇူးတွေရှိနေလို့လဲ?”
“ အဲဒါက ဟို-အမျိုးသားအားကစားပွဲတော်တုန်းက ကျနော်တို့လေထီးခုန်မဲ့အရာ ရှိတွေ Free Fall လေထီးခုန်နိုင်အောင်လို့ သူများတွေက Sanction ကြောင့်မေ ရာင်းပေးတဲ့အချိန်မှာ သူတို့ကFree Fall ခုန်တဲ့လေထီးတွေချက်ချင်း ရှာပေးခဲ့ပါ တယ်ခင်ဗျ။ နောက်ပြီးလေထီးခုန်သမားတွေရဲ့ ခြေထောက်ကနေ ရောင်စုံမီးခိုးထွက်တဲ့ Pyro-technics တွေကိုလည်း ချန်ဂီလေဆိပ်ကဖြတ်သန်းသယ်ဆောင်ခွင့် မပြုလို့ စင်္ကာပူလေတပ်ကဘဲဝင်ကူ သယ်ယူပြီးတင်ပေးခဲ့ပါတယ်ခင်ဗျ။ နောက်ပြီး ကျနော်တို့ဗမာနိုင်ငံက ကောင်လေးတယောက်ကိုလည်းစင်္ကာပူလေတပ်ထဲမှာ F-5 တိုက်လေယာဉ်အုပ်မှူး(ဗိုလ်မှူးကြီးအဆင့်)ခန့်ထားပါတယ်ခင်ဗျ။
တခါ-ဟိုတလောက(-----) စစ်ဆင်ရေးအတွက်အရေးပေါ်လိုနေတဲ့ ဆေးဝါးနဲ့ 2.75 Multiple Launcher တွေလည်း ချက်ချင်းထုတ်ပေးခဲ့ပါတယ်ခင်ဗျ။ အခုထိလည်း ကျနော်တို့ Airforce က Y-8 လေယာဉ်တွေ Long Range Navigation Training Flight သွားတိုင်း သူတို့လေတပ်က Ground Handling ကိစ္စအားလုံးဝိုင်းဝန်း ကူညီပေး နေသလို လေယာဉ်အင်ဂျင်တခုခုဖြစ်ရင်တောင် သူတို့ Engineer တွေ ၀ိုင်းဝန်းပြင်ဆင်ပေးတဲ့အပြင် Crews အားလုံးအတွက်လည်းနေရေးထိုင်ရေး ကအစစီစဉ်ပေးပါတယ်ခင်ဗျ။
ဒါကြောင့် ဒီဟယ်လီကော်ပတာလေး ၃ စင်းဖြတ်ပျံသန်းမဲ့ကိစ္စကိုခွင့်ပြုပေးသင့်ပါ တယ်ခင်ဗျ။ နို့မို့ရင် နောင်ဆက်ဆံရေးမှာ အဖုအထစ်ဖြစ်နိုင်သလို မျက်နှာပူစရာ လည်းဖြစ်မှာမို့ပါ။ တခါ- အဘမိတ်ဆွေကြီး Winston Chew (စင်္ကာပူတပ်မတော်ဦး စီးချုပ်) မြန်မာနိုင်ငံကိုအလည်အပါတ်ထပ်လာတဲ့အခါ အားနာစရာဖြစ်နေရပါလိမ့် မယ် ခင်ဗျ”
ကျနော်က ရှည်ရှည်လျားလျားရှင်းပြတာကိုနားထောင်ပြီးတဲ့နောက် သူခေတ္တငြိမ် သွားပြီး နံရံဘက်ကိုကြည့်ရင်း စဉ်းစားနေခဲ့ပါတယ်။ ခဏနေတော့မှ ကျနော့်ဖက် ကိုလှည့်ကြည့်ပြီး-
“အင်း - မင်းတော်တော် သောက်ဇယားရှုပ်တဲ့အကောင်ဘဲ။ ငါကလည်းပေးပြီးသား အမိန့်တခုကိုဘယ်တော့မှ ပြန်ရုပ်ချင်တာမဟုတ်ဘူး။ ဒါပေမဲ့ မင်းခုပြောသ လို နှစ်နိုင်ငံတပ်မတော်ကိစ္စဖြစ်နေတဲ့အပြင် ဒို့အပေါ်ကျေးဇူးရှိနေ တယ်ဆိုတော့ လည်း ပြန်ပြင်ပြီး ခွင့်ပြုပေးရတော့မပေါ့။ ဒါပေမဲ့ ဒီတခါဘဲရမယ်၊ နောက်တခါေ တာ့မရဘူး၊ကြားလား -ဟေ့ကောင်-”
“ဟုတ်-ကြားပါတယ်ခင်ဗျ။ ဒီတခါဘဲပေးမှာပါ။အခုဟာကလည်းအမိန့်ကိုပြန်ရုပ်ဘို့မဟုတ်ပါဘူးခင်ဗျ၊။ ပြင်ပေး ရုံလေးပါခင်ဗျ”
“ဟေ့ဟေ့-လျှာသိပ်မရှည်နဲ့တော့။ မင်းသွားတော့--အပြင်ရောက်ရင် မြင့်ဆွေကိုဒီကို လွှတ်လိုက်”
“ဟုတ်”
ကျောင်းတုန်းက Junior First Year က Senior Cadet ကိုပြန်ထူးတဲ့လေသံမျိုး “ဟုတ်”လုပ်ပြီးသကာလ အလေး တချက်ပြု၊နောက်လှည့်ကာ ပြုံးစိစိနဲ့ပြန်ထွက် လာခဲ့ပါတယ်။ အပြင်မှာတော့ ရင်တထိတ်ထိတ်နဲ့ တံခါးနားကပ် နားထောင်စောင့် ဆိုင်းနေတဲ့ Colonel GS ကြီးကို အခန့်သင့်တွေ့ရသမို့ သူ့ကို ခစ်ခ်ကနဲရီပြရင်း အိုကေကြောင်းပြောပြီးလူကြီး အခန်းထဲအမြန်ဝင်ခိုင်းလိုက်ပါတော့တယ်။
ဆိုချင်တာက ဘသူတွေဘာတွေပြောပြော အချိန်အခါနဲ့ကံကြမ္မာကြောင့် တပ်မတော် မှာခေါင်းဆောင် ဖြစ်လာသမျှလူကြီးတိုင်းဟာ စစ်ရေးစစ်ရာဘာတွေဘဲလုပ်လုပ် တိုင်းပြည်လုံခြုံရေးကိုအမြဲဦးစားပေးထည့်သွင်း စဉ်းစားလေ့ရှိကြောင်း၊ နိုင်ငံတကာ ဆက်ဆံရေးနဲ့ပါတ်သက်လို့ တခါတရံညွှန်ကြားချက်တချို့ အဆင်မပြေဖြစ်နိုင်ဘွယ်ရှိရင်လည်း အဆင်မပြေနိုင်ကြောင်း၊ ဦးစီးအရာရှိတွေကအသေအချာရှင်းပြနိုင်ရင် လက်ခံတတ်ပါတယ်ဆိုတာပါခင်ဗျား။
( အဘ“အေး”အား လေးစားစွာအမှတ်တရအဖြစ်)
(လေးလွင်)