ပြီးခဲ့တဲ့စနေနေ့ မိသားစုက ကျိုက်ထီးရိုးဘုရားဖူးလိုက်ခဲ့လို့ခေါ်ပါတယ်။ ဒီလိုနဲ့ ကျွန်တော်လဲ မိသားစုကို အချိန်မပေးဖြစ်တာ လပေါင်းအတော်ကြာခဲ့ပြီမို့ လိုက်ဖြစ်ပါတယ်။ ဘုရားဖူးကားတွေရဲ့ ထုံးစံအတိုင်း ညဘက်ထွက်ကြတာပေါ့ ဒီလိုနဲ့ ကျွန်တော်နဲ့ ကျွန်တော့်အစ်မတွေ၊ အစ်ကိုတွေ၊ ညီတွေ၊ တူတွေ၊ တူမတွေ နဲ့ ကျိုက်ထီးရိုးဘုရားဖူးခရီးကို စတင်ခဲ့ပါတယ်။ မရောက်တာကလဲ (၁၀) စုနှစ်တစ
်ခုကျော်ပြီမို့ မနက် ၂း၃၀ လောက် တောင်ခြေကိုရောက်တော့ အရာရာဟာ သစ်လွင်တောက်ပလို့နေပါတော့တယ်။
---------------------------------------------------
ဒီလိုနဲ့ တောင်ခြေမှာ ကိုယ်စီးလာတဲ့ကားက ပို့ပေးတဲ့ဆိုင်လေးမှာ ခဏနား၊ မနားချင်တော့ ဘေးဘီဝဲယာ လျှောက်ကြည့်မိတယ်။ လား လား …. ကျွန်တော့်စိတ်ထဲ မလေးရှားနိုင်ငံက Getting Highland တောင်ခြေ ရောက်နေသလိုပဲ ကင်မွန်းစခန်းကဟိုတယ်ကြီးတစ်ခုဟာ မီးရောင်စုံတွေလင်းလက်လို့ ကျွန်တော်တို့နိုင်ငံမှ ဟုတ်ပါလေစဆိုတဲ့ စိတ်ကျေနပ်မှုတွေနဲ့ ပီတိတွေနဲ့ပေါ့လေ။
ဒီလိုနဲ့ မနက်မိုးမလင်းခင်တောင်ပေါ်ကိုကားနဲ့တက်ကြပါလေရော၊ ကျိုက်ထီးရိုးတောင်တက်ကားလမ်းခရီး ကတော့ ကြောက်ခမန်းလိလိပေါ့လေ၊ နေရာကတော်တော်ကျပ်နေတော့ အထုပ်တွေထည့်တဲ့နေရာကနေ လိုက်စီးခဲ့ရတာပေါ့။
-----------------------------------------------------
ဒီလိုနဲ့တောင်ပေါ်ရောက်တော့ နေစရာနေရာအရင်ရှာရတယ်။ ပိုက်ဆံလောက်တော့ ကံကောင်းတာပေါ့။ ကျိုက်ထိုဟော်တယ်ရှေ့က အခန်းလေးတွေမှာ တခန်း (၅) သောင်းနဲ့ ၅ ယောက်နေ ရခဲ့တယ်။ တညကို (၅) သောင်းပေါ့။ ကျွန်တော်တို့ကတော့ ၁၀ နာရီမှ အခန်းရမှာဆိုတော့ ဘုရားရင်ပြင် တော်ကိုအရင်တက် ဘုရားဘူး၊ စောင်းတန်းတလျှောက် ဟိုကြည့်ဒီကြည့်နဲ့ပေါ့လေ။
အဲဒီ့မှာစတွေ့တာက စောင်းတန်းအ၀ ခြင်္သေ့ကြီး (၂) ကောင်နဲ့ကပ်လျှက် ဘယ်ဘက်ထိပ်ဆုံးဆိုင်မှာ နံနက်စာဝင်စားဖြစ်ခဲ့ကြတယ်။ ကျွန်တော်တို့ထိုင်တဲ့နေရာက ဆိုင်လဟာပြင်အခြမ်းရဲ့ နောက်ဆုံးပေါ့။ ပထမပိုင်းမှာ ဗိုက်ဆာနေတော့ ပတ်ဝန်းကျင်ကို ဂရုမပြုခဲ့မိဘူး။ စားပြီးတော့ စီးကရက်တစ်လိပ်ဖွာရင်း နောက်ဆုံးဝရန်တာလေးကနေ အောက်ကိုငုံ့ကြည့်လိုက်တော့ လား …. လာ….. အမှိုက်တွေဗျာ …… အမှိုက်ဆိုလို့ မြန်မာပြည်ကအမှိုက်မထင်ပါနဲ့။ နိုင်ငံခြားကအမှိုက်တွေပါ။
-----------------------------------------------------------
ကျွန်တော်ရှင်းပါဦးမယ်။ မြန်မာပြည်ကအမှိုက်ဆိုတာ မီးရှို့လိုက်ရင် မြေသြဇာဖြစ်တယ်။ နိုင်ငံခြားက အမှိုက်ကျတော့ မီးရှို့လိုက်ရင် မြေကြီးထဲရောက်သွားပြီး အဲဒီမြေကြီးဟာ မြေဆီမြေနှစ်တွေခန်းသွားတာ မျိုးပေါ့။ ကြာလာရင် သဘာဝပတ်ဝန်းကျင်ပျက်စီးနိုင်တဲ့သဘောပါ။ ကျွန်တော်တို့ငယ်ငယ်ကတည်းက ကျိုက်ထီးရိုးတောင်ပေါ်တက်ရင် အမှိုက်တွေရှိပါတယ်။ ဘယ်လိုအမှိုက်မျိုးတွေလည်းဆိုတော့ မြန်မာပြည် ကအမှိုက်တွေပေါ့။ ကောက်ညင်းပေါင်း၊ အကြော်အစရှိတဲ့မုန့်ပဲသရေစာတွေကို ဖက်ကလေးတွေနဲ့ထုပ် တယ်။ ခုကျတော့ ကျွတ်ကျွတ်အိတ်နဲ့၊ ကျွန်တော်တို့ငယ်ငယ်က ဈေးဆိုင်လေးတွေက မုန့်တွေဝယ်စားရင် မုန့်ထုပ်တဲ့အိတ်ကလေးတွေက ပလစ်စတစ်ဆိုပေမယ့် ကုန်ချောပြန်လုပ်လို့ရတဲ့အမျိုးအစား၊ ဒါကြောင့် တောင် နောက်ဖေးလမ်းကြားတွေမှာ ပလစ်စတစ်ကောက်သမားတွေရှိနေခဲ့တာပေါ့။ အခုကျတော့ နိုင်ငံ ခြားကလာတဲ့ အာလူးကြော်၊ ငါးမုန့်အစရှိတဲ့ သရေစာတွေကို ထုပ်တာတွေက အဆင့်မီလာပြီး အဲဒီ့အမှိုက် တွေက မြေကြီးထဲရောက်သွားတဲ့အခါမြေဆီလွှာတွေပျက်စီးတာကို ပြောချင်တာပါ။
-----------------------------------------------
အမှိုက်ဋှီကာ ချဲ့နေတာကစပြီး ကျွန်တော်လေရှည်နေမိတာ၊ အဲလိုနဲ့ အဲဒီ့ဆိုင်တစ်ဆိုင်တည်းလားလို့ ကျွန်တော်ထင်နေမိတာ ကျွန်တော့်အထင်အမှားကြီးမှားသွားခဲ့တယ်။ ကျိုက်ထီးရိုးမှာရှိတဲ့ ဆိုင်ခန်းမှန်သမျှ ရဲ့ နောက်ဘက်တွေမှာ အဲလိုအမှိုက်တွေအများကြီးရှိနေတာကို ၀မ်းနည်းဖွယ်တွေ့ရှိလိုက်ရပါတယ်။ မြေပြန့်လိုနေရာမျိုးမှာ အမှိုက်ကောက်တဲ့အဖွဲ့တွေက စေတနာ့ဝန်ထမ်း အမှိုက်လိုက်ကောက်နိုင်ပေမယ့် လျှိုတွေထဲအထိတော့ လိုက်ကောက်ရမှာ အဆင်မပြေပါဘူး။ မတော်လို့ပြုတ်ကျရင် ဘယ့်နှယ်လုပ်မလဲ။
-------------------------------------------------
နေ့ခင်းဘက်ခဏနားပြီး မုဆိုးတောင်၊ ကျီးပါးစပ်တို့ရောက်တဲ့အခါမှာလည်း လမ်းဘေးဝဲယာတွေမှာ နိုင်ငံ ခြားကအမှိုက်တွေနဲ့ မြင်တောင်မကောင်းပါဘူး။ တခုပြောစရာက အရင်တုန်းကလို လက်ဆွဲပြီး အလှူမခံ တော့တာတော်တော်ကျေးဇူးတင်ရမယ်။ ဒီလိုနဲ့ကျွန်တော် ကျိုက်ထီးရိုးတောင်ပေါ်ကနေ ကျွန်တော်တို့ တိုင်းပြည်ကြီးရဲ့ ရေမြေတောတောင်သဘာဝအလှရှုခင်းတွေကို ကြည့်ရင်း ဒီလိုမဆင်မခြင်ပစ်တဲ့ အမှိုက် တွေကြောင့် သဘာဝပတ်ဝန်းကျင်ထိခိုက်မယ့်အရေးကိုတွေးမိပြီး ရင်လေးနေခဲ့မိတယ်။
--------------------------------------------------
ကျိုက်ထီးရိုးဂေါပကအနေနဲ့ ဈေးသည်တွေဆီက နေရာခရပြီး မှိန်းမနေပဲနဲ့ ပြင်းပြင်းထန်ထန်ဒဏ်ငွေရိုက် တာမျိုးမလုပ်နိုင်ခဲ့ရင် နောင်နှစ်ပေါင်းများစွာကြာတဲ့အခါမှာ ကျိုက်ထီးရိုးတောင်ကြောတစ်လျှောက်ဟာ တောင်ကတုံးတွေဖြစ်၊ မြေဆီမြေနှစ်တွေပျက်စီး တောပြုန်း၊ တောင်ပြုန်းတွေဖြစ်ပြီး နောင်လာနောင်သား တွေရဲ့ လူမှုစီးပွားတွေပျက်စီးသွားပါလိမ့်မယ်။
-------------------------------------------
နောက်တနေ့မနက်မှာတော့ ကျွန်တော်နဲ့ညီအစ်ကိုတွေဟာ တောင်ဆင်းလမ်းကို ကားနဲ့မဆင်းပဲ ခြေလျင် လမ်းအတိုင်းဆင်းခဲ့ပါတယ်။ အဓိကကတော့ တောရိပ်တောင်ရိပ်တွေကို တွေ့ချင်မြင်ချင်တဲ့စိတ်ကလေး ကြောင့်ပေါ့။ လမ်းတလျှောက်လုံးကတော့ ခြောက်ကပ်နေပါတယ်။ အမှိုက်ကိစ္စကတော့ အထွေအထူး ထည့်မရေးတော့ပါဘူး။ ၀မ်းနည်းစရာလား၊ ၀မ်းသာစရာလားတော့မသိဘူး။ တွေ့ခဲ့ရတဲ့ မြင်ကွင်းတွေထဲ က ရင်ထဲမှာ အထိခိုက်ဆုံး၊ အခံစားရဆုံးလေးတစ်ခုကို မျှဝေချင်ပါတယ်။
------------------------------------------------
တောင်ဆင်းလမ်း ရေမြောင်ကြီးမရောက်ခင် စာသင်ကျောင်းဆောင်လေးတစ်ခုတွေ့လို့ ခဏနားဖြစ်တယ်။ ကလေးတွေက သောက်ရေဖြည့်တဲ့သူဖြည့်၊ တံမြက်စည်းလှည်းတဲ့သူလှည်းဆိုတော့ စိတ်ထဲကြည်နူးမိလို့ စာသင်ကျောင်းဆောင်ထဲကို စပ်စပ်စုစုနဲ့ဝင်ပြီး မေးမြန်းစုံစမ်းဖြစ်တော့ဆရာမလေးတယောက်နဲ့တွေ့တယ်။
`` ဆရာမ ဒီကလေးတွေက ဘယ်နှစ်တန်းအထိသင်တာလဲ´´
`` ၂ တန်းအထိပါ´´
`` သူတို့က (၂) တန်းပြီးသွားရင် အစိုးရကျောင်းကို ဆက်တက်ခွင့်ရှိလား´´
`` ကျောင်းဆက်တက်ဖို့သင်တာမဟုတ်ဘူး ….. သူတို့တွေ ရေးတတ်ဖတ်တတ်ရင်
ဈေးရောင်းလို့ရပြီလေ …. ဒါကြောင့် (၂) တန်းအထိတတ်ရင် သူတို့မိဘတွေကို ကူပြီးဈေးရောင်းနိုင်ပြီ
အဲဒီ့အတွက်သင်ပေးတာ ´´
ကျွန်တော် တစ်ခဏ မှင်တက်မိတယ်။ ကျွန်တော့်ရင်ထဲမှာ ဆို့ကနဲဖြစ်တယ်။ ကျွန်တော်နာကျင်ရတယ်။
ကျွန်တော်တို့ရဲ့ နောက်မျိုးဆက်တွေ စာသင်ရတဲ့ ရည်ရွယ်ချက်က ဈေးရောင်းဖို့အတွက်ဆိုတဲ့ ဟာကြီးကို ကျွန်တော်ဘယ်လိုနားလည်ရမလဲ၊ သူတို့လေးတွေ ၂ တန်းအထိပဲတတ်ရင် သူတို့တွေရဲ့ မျိုးဆက်တွေ ကော စုတ်ပြတ်သတ်သွားဖို့ပဲရှိတာပေါ့။
ကျွန်တော်ထိုင်ပြီး တော်တော်ကြာကြာထိုင်စဉ်းစားနေမိပြီး နောက်ကနေ ကျွန်တော့်ပုခုံးကို ကျွန်တော့်အစ်မ လာပုတ်တော့မှ သူတို့တောင် မှီလာပြီပဲဆိုပြီး ကျွန်တော့်အတွေးတွေကို အဆုံးသတ်ခဲ့ပြီးတော့ တောင်ဆင်း ခြေလျင်လမ်းအတိုင်း ဆက်လျှောက်နေခဲ့မိတော့တယ်……………..။
လေးစားစွာဖြင့်
ထက်အောင်
