Image may be NSFW.
Clik here to view.
Clik here to view.
"သိက္ခာရှိသော ------------ "
--------------------
--------------------
ဒေါ်အောင်ဆန်းစုကြည်က သိက္ခာရှိသော တပ်မတော်အဖြစ် တည်ဆောက်ဖို့ ပြောတဲ့စကားနဲ့ ပတ်သက်ပြီး မနေ့က Post လေးတစ်ခု ဖတ်လိုက်ရပါတယ်။
လေသူရဲဟောင်းတစ်ဦးက ရေးထားတာလို့ ဆိုပါတယ်။ ဟိုးယခင်က တပ်မတော်သားတွေအနေနဲ့ ရသင့် ရထိုက်တာတွေ အပြည့်အ၀ရပြီး နောက်ပိုင်းကာတွေမှာတော့ ပျက်စီးလာတဲ့အကြောင်းလေးတွေပါ။
ပြီးတော့ ဒေါ်အောင်ဆန်းစုကြည်နဲ့အတူ လက်တွဲပြီး သိက္ခာရှိသော တပ်မတော်ဖြစ်လာအောင် တည်ဆောက်ကြပါစို့လို့ ဆိုထားတဲ့ Post လေးပါ။
ဒီ Post လေးဖတ်ပြီး ပြောစရာ အချက် (၂) ချက်ရှိလာပါတယ်။ တပ်မတော်နဲ့ ပတ်သက်ပြီး ပြောစရာလေးတွေလဲ ရှိလာပါတယ်။
အရင်ဆုံးပြောရမယ်ဆိုရင်တော့ ကျွန်တော်က အခြားအဆင့်နဲ့ တပ်မတော်က နုတ်ထွက်ခွင့်ရပြီး ခံစားခွင့် စတင်ခံစားနေသူတစ်ဦးပါ။ တပ်မတော်မှာ လောလောလတ်လတ် တာဝန်ထမ်းဆောင်ခဲ့သူ တစ်ဦးအနေနဲ့ လက်ရှိတပ်မတော်ရဲ့ အခြေအနေလေးတွေကို ကိုယ်တိုင်တွေ့ကြုံခဲ့သမျှထဲက ဥာဏ်မီသလောက်လေး ပြောပြချင်တာကြောင့်အတွက်ပါ ရေးဖြစ်သွားတာပါ။
ပြောချင်တဲ့ ပထမ(၁)ချက်က-
တပ်မတော်ထဲက တပ်မတော်သားတစ်ဦးရဲ့ ရသင့်ရထိုက်တဲ့ အခွင့်အရေးတွေနဲ့ ပတ်သက်ပြီး ပြောချင် တာပါ။ Post တင်ထားတဲ့သူကတော့ ဟိုးယခင်ရခဲ့တဲ့ ဟာလေးတွေက ရေးထားပြီး ဒါလေးတွေကို အမှတ်ရမိကြောင်းလေးတွေကို ပြောပြထားတာပါ။
လက်ရှိတပ်မတော်ထဲမှာလည်း အရာရှိ/စစ်သည်တွေအနေနဲ့ ရသင့်ရထိုက်တဲ့အခွင့်အရေးတွေ ရှိနေဆဲ ဖြစ်ပါတယ်။ လေသူရဲ တစ်ဦးအနေနဲ့ သာမာန်ရိက္ခာအပြင် လေသူရဲ ရိက္ခာဆိုတာရှိပါတယ်။ လက်ရှိလည်း ထုတ်ပေးထားပြီး စားသုံးနေကြပါတယ်။ နို့ဆီ၊ ဘီစကစ်၊ ယို၊ ကော်ဖီ၊ ချောကလက်စတဲ့ လေသူရဲ ရိက္ခာတွေပါ။
ထို့အတူ လေယာဉ်နဲ့လိုက်ပါရတဲ့ အခြားအဆင့် လေယာဉ်သားတွေအနေနဲ့ လေယာဉ်သားရိက္ခာတွေကို ရရှိနေဆဲ ဖြစ်ပါတယ်။ စစ်သည်တွေအနေနဲ့ သာမာန်ရိက္ခာတွေ ရရှိနေဆဲဖြစ်ပြီး တချို့အခွင့်အရေးလေးတွေ ပျောက်သွားတာတော့ရှိပါတယ်။
အဓိကပြောချင်တာကတော့ ထုတ်ပေးတဲ့ စားနပ်ရိက္ခာ၊ စစ်ဝတ်တွေရဲ့အကြောင်းပါ။ ကျွန်တော်တို့ကို ဆန်၊ ဆီ၊ သကြား၊ ပဲ၊ နို့ဆီ တို့ကို ထုတ်ပေးပါတယ်။
ဆန် စားလို့မဖြစ်ပါဘူး။ ဆန်မကောင်းလို့တော့ မဟုတ်ပါဘူး။ ဆန်ကွဲ၊ ကျောက်ခဲများတာပါ။ ပြီးတော့ သတ်မှတ်ထားတဲ့ နှုန်းထားမပြည့်ပါဘူး။ အရည်အသွေးရော၊ အချင်အတွယ်ပါ။
ဆီ စားလို့မသင့်ပါဘူး။ တချို့အင်မတန် မရှိတဲ့ စစ်သည်တွေသာ မဖြစ်မနေစားသောက်နေကြရတာပါ။ သကြား၊ နို့ဆီ၊ ပဲ အဆင်ပြေပါတယ်။ စားလို့သင့်ပါတယ်။
အခြေခံဖြစ်တဲ့ ဆန်၊ ဆီ၊ နို့ဆီ၊ ပဲ၊ သကြားတွေသာ စားသောက်လို့ရတဲ့အနေအထားဆိုရင် မိသားစုတွေ အနေနဲ့ ၀င်ငွေထွက်တဲ့အနေအထားက လျှော့ပါးသွားမှာပါ။ ဒါက အိမ်ထောင်သည် စစ်သည်တွေရဲ့ စားသောက်ကုန် အနေနဲ့ပြောတာပါ။
Image may be NSFW.
Clik here to view.
Clik here to view.
လူပျိုအတွေအနေနဲ့လည်း ဒီရိက္ခာ၊ ဒီနှုန်းထားတွေနဲ့ပဲ ရတာပါ။ ဒါတွေကိုပဲ တချို့တပ်တွေက ကျွေးမွေး ပါတယ်။ ဒီတော့ လူပျိုစစ်သည်တွေအနေနဲ့ စားသောက်လို့ မရပဲဖြစ်ရပါတယ်။ တချို့ကတော့ ဒါကိုပဲ ဒီလိုစားနိုင် တယ်ဆိုတာကို ဂုဏ်ယူပြောတတ်တာတွေရှိပါတယ်။ စစ်သားဆိုတာတော ကျရာနေရာမှာ အဆင်ပြေသလို စား သောက်နိုင်ရမယ်ဆိုတာတော့မှန်ပါတယ်။ ဒါပေမယ့် အမြဲတမ်း စစ်တိုက်နေပြီး၊ အမြဲတမ်း ရှေ့တန်းရောက်နေကြ တာမဟုတ်ပါဘူး။ ဒီတော့ နားချိန်မှာဖြစ်ဖြစ် ရှေ့တန်းမှာပဲဖြစ်ဖြစ် အားဖြစ်မဲ့ အစားအသောက်တွေကိုသာ စားချင် သောက်ချင်ကြမှာပါပဲ။
နောက်ပိုင်းမှာတော့ လူပျိုစားရိပ်သာတွေကို ထပ်ဆောင်းထောက်ပံ့ပြီး စားကောင်း၊ သောက်ကောင်းဖြစ် အောင်ကြပ်မတ်ပြီး ဆောင်ရွက်လာကြပါတယ်။ စစ်သည်တွေအနေနဲ့လည်း အဆင်ပြေလာတာတွေ့ရပါတယ်။ တချို့သော …နေရာလေးတွေတော့ ကျန်နေဦးမှာပါပဲ။
နောက်တစ်ခုက စစ်ဝတ်ပစ္စည်းနဲ့ ပတ်သက်ပြီးတော့ပါ။ စစ်ဝတ်ပစ္စည်းတွေအနေနဲ့ကတော့ သူ့သက်တမ်း အလိုက်ရှိပါတယ်။ ယူနီဖောင်း၊ စစ်ဖိနပ်၊ ဦးထုတ်၊ စစ်ဝတ်တန်ဆာ၊ ခြင်ထောင်၊ ဆောင်စတဲ့ ပစ္စည်းတွေက သူ့သက်တမ်းပြည့်တာနဲ့ ထုတ်ပေးရပါတယ်။ အသစ်လှဲလည်ရပါတယ်။
လက်ရှိအနေအထားမှာလည်း ဒီလို လှဲလည်ပြီး ထုတ်ပေးနေပါတယ်။ စစ်ဖိနပ်ဖြစ်တဲ့၊ ရှူး၊ တိုက်ခိုက်ရေး ဖိနပ်တွေဆို တော်တော်ကောင်းမွန်လာတာတွေ့ရပါတယ်။ အမြင်အားဖြင့်လည်း သင့်တော်သလို၊ အရည်အသွေး အားဖြင့်လည်း ယခင်(ကျွန်တော်မှီသလောက်)ကထက်စာရင် အများကြီး ကောင်းမွန်လာပါတယ်။
ခြင်ထောင်၊ ဆောင်တွေလည်း ကောင်းမွန်လာပါတယ်။ ထုတ်ပေးရမဲ့ ကာလထက် တစ်ခါတလေကျော် တာကလွှဲရင် အဆင်ပြေပါတယ်။
သို့သော်လည်း စစ်ဝတ်တန်ဆာ ( Equipment )ဖြစ်တဲ့ ခါးပတ်၊ သိုင်းကြိုး၊ ကျည်အိတ်စတာ တွေကတော့ တစ်ခါတည်း အပြည့်အစုံမရပဲ၊ အရည်အသွေးလည်း ညံ့ပါတယ်။ ရေဗူး၊ ဟန်းကောတွေကတော့ သင့်တင့်ပါတယ်။
ယူနီဖောင်းတွေကတော့ အဆင်မပြေလှပါဘူး။ ပြင်ဆင်ချုပ်ဝတ်ရင် ရနိုင်ပေမယ့် အရည်အသွေးနဲ့ ချုပ်လုပ်မှုကတော့ ညံ့ပါသေးတယ်။ ခုနောက်ပိုင်းမှာတော့ စစ်သည်တစ်ဦးချင်းရဲ့ ကိုယ်တိုင်းနဲ့ ထုတ်ပေးနိုင်မယ့် အနေအထားတော့ရှိပါတယ်။ စစ်သည်တွေရဲ့ ကိုယ်တိုင်းနဲ့ တောင်းခံမယ်လို့ သိရပါတယ်။ ဒီလိုအနေအထား ဆိုရင်တော့ အဆင်ပြေပါတယ်။
သို့သော်လည်း ဒီယူနီဖောင်းက ပွဲအနေအထား ၀တ်လို့တော့မရပါဘူး။ အကြမ်းဝတ်အဖြစ်တော့ သုံးလို့ ရမှာပါ။
ကျွန်တော့်အမြင်ပြောရရင်တော့ တချို့ကိစ္စတွေက အလယ်မှာ ဖြစ်ပျက်နေကြတာပါ။ အထက်က ကောင်းမွန်တဲ့ ပစ္စည်းတွေထုတ်လုပ်ဖို့၊ ပေးဖို့ ညွှန်ကြားသလို၊ လိုအပ်တာတွေ ထောက်ပံ့ပေးထားမယ် ထင်ပါတယ်။ အဲဒါတွေကို မလိမ့်တပတ်လုပ်ပြီး အထက်ကို ကောင်းတာပြပြီး အောက်ကိုတော့ အရည်အသွေးညံ့ တာတွေကို ထုတ်ပေးပါတယ်။
ဒါတွေက အလယ်လူတွေရဲ့ လူလည်လုပ်တာတွေပါ။ စစ်ဝတ်ဆိုရင်လည်း ဒီအတိုင်းပါပဲ။ ထုတ်ပေးသင့် တာတွေက အောက်ခြေလက်ထဲ မရောက်ပဲ ရောင်းချပေးနေတဲ့ ဆိုင်တွေကို ရောက်နေတဲ့ အဖြစ်အပျက်မျိုးတွေ မြင်တွေ့ရမှာပါ။ ဒါတွေက လိုအပ်ချက်တွေပေါ့။
ဒီနေရာမှာ ကြားဖြတ်ပြီးပြောချင်တာက ကျွန်တော်တို့အထဲမှာ စကားလေးတစ်ခုရှိပါတယ်။ အဲဒါက ဘာလဲဆိုရင် တပ်ချုပ်ကြီးကပြောပါတယ်တဲ့(တကယ်ပြောခဲ့ မပြောခဲ့တော့မသိပါဘူး) "ထုံးတွေကို ဖျက်ပါ "တဲ့။ အဲဒါက အောက်ခြေအဆင့် တစ်ဆင့်ခံတွေက ဟိုးအောက်ခြေကို ဘာခိုင်းလည်းဆိုရင် သစ်ပင်အောက်ခြေတွေမှာ သုတ်ထားတဲ့ ထုံးတွေကို ဖျက်ခိုင်းပါသတဲ့။
အမှန်က တပ်ချုပ်ကြီးပြောတာက မကောင်းတဲ့ အကျင့် ထုံးတမ်းအစဉ်အလာတွေကို ဖျက်ပါလို့ ပြောတာပါ။ ကျွန်တော်တို့ သိသလောက်လည်း တကယ်တမ်း အဲသလိုပြောခဲ့တာပါ။ ဒီတပ်ချုပ်ကြီးလက်ထက်မှာ အပြောင်းအလဲတော်တော်များကို တွေ့မြင်ရပါတယ်။
အုပ်ချုပ်မှု၊ စစ်ဝတ်ပစ္စည်း၊ ပေါင်းသင်းဆက်ဆံမှု စတဲ့ အခြေခံအချက်တွေကအစ နေထိုင်မှု၊ အဆောက်အဦ၊ အ၀တ်အစား၊ အပြင်အဆင်တွေကိုပါ နည်းနည်းခြင်း ပြောင်းနေတာကို တွေ့ရမှာပါ။ ဒါဟာ တပ်ထဲမှာနေတဲ့သူတွေရဲ့ တကယ်ကြုံတွေ့နေရတာပါ။
သို့သော်လည်း တချို့နေရာတွေကတော့ အပေါ်က ပြောင်းပါပြီဆိုသော်လည်း လိုက်ပါဆောင်ရွက်နိုင်မှု မရှိတဲ့ နေရာတွေ၊ လူကြီးတွေကတော့ ကျန်မြဲကျန်နေတာပါပဲ။ ဒါကလည်း နေရာရဖို့၊ ရာထူးရဖို့အတွက် သူ့ထက် ငါလုပ်ဆောင်နေကြတာခြင်းကြောင့်ပါ။
ပြောရရင်တော့ မျက်နှာသနပ်ခါးနဲ့ ပေါင်သေးကြောင်းနဲ့ ဆိုသလိုပါပဲ။ မျက်နှာပိုင်းကတော့ မျက်နှာလှ အောင်ဘယ်လိုပဲ ပြုလုပ်လုပ် အောက်မှာတော့ သေးကြောင်းအရာကြီးက ပေါ်သလို အနံ့ကလည်း ထွက်နေတာ ပါပဲ။
နံပါတ်(၂)အချက်က-
ဒေါ်အောင်ဆန်းစုကြည်နဲ့ သိက္ခာရှိသော တပ်မတော်အဖြစ် အတူတည်ထောင်ကြစို့ ဆိုတာနဲ့ ပတ်သက်ပြီး တော့ပါ။
ကျွန်တော်က နိုင်ငံရေးဆိုတာ စာလုံးပေါင်းတတ်ရုံပါ။ ပြီးတော့ ဒေါ်အောင်ဆန်းစုကြည်ကို အမုန်းမရှိသလို လေးစားအားကျမိတာတွေလဲရှိပါတယ်။
အထူးသဖြင့် ဗိုလ်ချုပ် အောင်ဆန်းရဲ့ သမီးဖြစ်တဲ့အတွက် ပထမဆုံး လေးစားပါတယ်။ နောက် ဖိနှိပ်ထားတဲ့ စစ်အစိုးရလက်ထက်တွေမှာ ကြံ့ကြံ့ခံရင်း ကိုယ်ယုံကြည်ရာကို ရဲရဲစွဲကိုင်နေတဲ့ အချက်ပါ။ ပြီးတော့ အမှန်တရားကို ပြောရဲခြင်းပါ။
ကျွန်တော်အနေနဲ့က အမှန်တရားဆိုတာ သိပေမယ့်လည်း အမှန်တရားကို ထုတ်ဖော်ပြောခြင်းဖြင့် ရလာမဲ့နောက်ဆက်တွဲတွေကို ရင်မဆိုင်ရဲတာကြောင့် ရေငုံနှုတ်ပိတ်နေရပါတယ်။ ဒါဟာ စစ်မှန်တဲ့ သတ္တိမရှိခြင်း ကြောင့်လည်း ပါပါတယ်။
ဒေါ်အောင်ဆန်းစုကြည်ကတော့ အမှန်တရားကို ရဲရဲ ပြောဆိုလုပ်ဆောင်တဲ့အတွက် လေးစားအားကျမိ ပါတယ်။
သို့သော်လည်း ပြည်သူတွေအနေနဲ့ ယုံကြည်ကိုးစားမှု ပြင်းထန်နေတာကို တွေ့ရပါတယ်။ (ကျွန်တော့ အမြင်ပါ)။ လုပ်နိုင်တာထက် မျှော်လင့်ချက်တွေ တအားများနေတယ်လို့ မြင်မိပါတယ်။ လက်ရှိအတိုင်းအတာအရ ဘာတွေလုပ်ပေးနိုင်သလဲ၊ ဘာတွေ လုပ်ပေးပြီးပြီလဲဆိုတာကိုတော့ အမှန်အတိုင်း မြင် အောင်ကြည့်ကြရမှာပါ။
သိက္ခာရှိသော တပ်မတော်ဖြစ်ဖို့ဆိုရာမှာ တပ်ချုပ်ကြီးကအစ အောက်ခြေရဲဘော်အထိ အတူတူ လက်တွဲ တည်ဆောက်ရမှာပါ။ ဒီနေရာမှာတော့ ခေါင်းဆောင်ပိုင်းကတော့ အဓိကအရေးကြီးတာပေါ့လေ။ အထက်ကဆို ခဲ့သလို ခေါင်းဆောင်ပိုင်းက ပြုပြင်ပြောင်းလဲပါသော်လည်း အောက်က လိုက်ပါမလာတာတွေ ရှိနေဦးမှာပါပဲ။
ဒါတွေကို ဖော်ထုတ်ပြီး လိုက်ပါလာအောင်ဆောင်ရွက်ရမှာပါ။ ပြည်သူကိုးစားယုံကြည်ရတဲ့ တပ်မတော် ဖြစ်ဖို့ ရဲဘော်ကအစ ဟိုးထိပ်ပိုင်းအထိ ပြုပြင်ပြောင်းလဲကြရမှာပါ။
အနေအထိုင်၊ အပြုအမူ၊ စိတ်ဓာတ်ပိုင်းဆိုင်ရာတွေ အဆင့်အတန်းရှိရှိ ဆောင်ရွက်ကြမှသာလျှင် သိက္ခာ ရှိသောတပ်မတော်တစ်ရပ်နေဖြင့် မြင်ကြရမှာပါ။
ဒေါ်အောင်ဆန်းစုကြည်နဲ့ လက်တွဲပြီး ဆောင်ရွက်စို့ဆိုတာကတော့ နည်းနည်းလွှဲနေတယ် ထင်လို့ပါ။ တပ်မတော်ကြီး သိက္ခာရှိရှိမြင်ရဖို့ ဘယ်အထိ ဆောင်ရွက်နိုင်မှာပါလဲ။ ဘယ်အတိုင်းအတာအထိ လုပ်ခွင့်ရှိပါ သလဲဆိုတာတော့ တွေးရမှာပါ။
လောလောဆယ်လက်တွဲရမှာတော့ တပ်ချုပ်ကြီးနဲ့ပါ။ ခေတ်မီပြီး အဆင့်အတန်းရှိတဲ့ တပ်မတော်ကြီး တစ်ရပ်ဖြစ်ဖို့ တပ်မတော်သားအားလုံး အကျင့်သိက္ခာတွေကို ဆောက်တည်ရမှာပါ။ ပြုမူပြောဆို၊ နေထိုင်ကျင့်ကြံ သွားကြရမှာပါ။ ဒါမှသာလည်း ပြည်သူက ယုံကြည်ကိုးစားတဲ့ နိုင်ငံ့အတွက် တပ်မတော်ဖြစ်လာမှာပါ။
အဆင့်အတန်းမီတယ်ဆိုရာမှာလည်း စစ်လက်နက်ပစ္စည်းတွေ မီရုံနဲ့တော့ မဖြစ်ပါဘူး၊ အတွေးအခေါ် အကျင့်စရိုက်တွေပါ မီဖို့လိုပါတယ်။ ရတဲ့လစာ၊ အခွင့်အအရေး၊ ထောက်ပံ့မှုတွေက ရသင့်ရထိုက်တာတွေနဲ့အညီ ပြည့်ဝရင်တော့ လူရဲ့အတွေးအခေါ် အကျင့်ပါပြောင်းလဲနိုင်မယ်ထင်ပါတယ်။ ပြောင်းလဲနိုင်တယ်ထင်ပါတယ်။
ဒီလိုမြင်တွေ့လာမယ်လို့လဲ ယုံကြည်ပါတယ်။ အနေအထားတွေလည်း ရှိပါတယ်။ လက်တွေ့ဖြစ်နေ တာလည်း ရှိပါတယ်။
တချို့ကတော့ ဘေးထိုင်ဘုပြောနေကြဦးမှာပဲ။ ကိုယ်တိုင်လုပ်ပါဆိုတော့လည်း မပါဝင်..၊ သူများလုပ်တော့လည်း မကူညီ..ကြပဲ ..ဘယ်နေရာက ယိုထွက်လာမလဲဆိုတာပဲ စောင့်ကြည့်နေကြရင်း သူ့တို့ သမိုင်းကို သူတို့ရေးနေကြတာပါ။
ပြောရရင်တော့ တပ်ထဲမှာ ကျရာတာဝန်ကို ထမ်းဆောင်နေတဲ့ ရဲဘော်လေးတွေလောက်တောင် သမိုင်းမလှတဲ့ လူ့အတ္တတွေပါပဲ။
ဒါကြောင့်မို့ တပ်မတော်တင်မဟုတ်ပါဘူး မြန်မာနိုင်ငံတော်ကြီးထဲက သက်ဆိုင်ရာကဏ္ဍအားလုံးသော အဖွဲ့အစည်းတွေ၊ အဖွဲ့အစည်းတွေထဲမှာ ပါဝင်လုပ်ရှားနေကြတဲ့ သူတွေ သိက္ခာရှိကြပါစေ၊ ကိုယ့်လိပ်ပြာ ကိုယ်လုံကြပါစေ၊ ကိုယ့်လိပ်ပြာ ကိုယ် ယုံကြပါစေလို့သာ…။
-----------
မောင်ပိုင်
၂၀-၄-၂၀၁၅။
၂၀-၄-၂၀၁၅။