×××××××××××××××××××××××
အလုပ်တွေရှုပ်နေတာနဲ့ဘဲ ကြည့်မြင်တိုင်တဖက်ကမ်းက ရေအခက်အခဲဖြစ်နေတဲ့ရွာတွေကို ရေသွားလှုခြင်လို့မေးနေတဲ့စေတနာရှင်တွေကိုဘာတွေ
လှုလို့ရတယ်၊ဘာတွေလိုအပ်နေတယ်၊ကိုယ်တိုင်ကိုယ်ကျလှုလိုသူတွေအတွက်ဘယ်လိုသွားလို့ရတယ်စသည်ဖြင့်
တင်ပေးပါ့မယ်လို့အပိုဒ်(၂)မှာကျနော်ရေးခဲ့တဲ့ ကတိကိုမဖြည့်စည်းနိုင်ခဲ့ပါဘူး၊
ဘယ်လောက်အလုပ်များသလည်းဆိုရင် ၂၊၅၊၂၀၁၅ ကဆုန်လပြည့်နေ့မှာကျရောက်တဲ့ ကျနော့မိန်းမရဲ မွေးနေ့ပွဲတောင်ဘာမှ မလုပ်ပေးနိုင်ခဲ့ပါဘူး၊သမီးတွေက မွေးနေ့ကိတ်တွေမှာထားတယ်၊ မနက်မအားရင်ညတော့မွေးနေ့ကိတ်ခွဲဖို့အဖေ စောစောပြန်လာခဲ့ဆိုပေမဲ့လည်း၊ကျနော်အိမ်ပြန်ရောက်တော့
ည(၁၀)နာရီထိုးနေပါပြီး၊သမီးသူငယ်ချင်းတွေ ဆွေမျိုးတွေတပုံတမခွဲဝေစားသောက်လို့ မွေးနေ့ကိတ်အကြီးလည်း ကုန်သွားပါပြီ၊ကျနော့မိန်းမကတော့ရင်ထဲမှာဘယ်လိုရှိမယ် မသိပေမဲ့မျက်နှာကတော့ အပြုံးမပျက်ရှာပါဘူး၊ ကျနော့အတွက်သမီးတွေအကုန်စားပြစ်မှာစိုးလို့ဖွက်ချန်ထားတဲ့ကိတ်မုန့်တပိုင်းကိုဗူးလေးနဲ့ထည့်ပေးလို့ပေါ့၊
မိန်းမမှာလုပ်ခြင်ရာလုပ်တတ်တဲ့ကျနော့ကိုခွင့်လွှတ်ပေးနေရပေါင်းလည်းမနည်းတော့ပါဘူး၊
ကျနော်ရေးဘူးမယ်ထင်ပါတယ်၊ရန်ကုန်မှာမင်္ဂလာဆောင်ပြီး မန်းတလေးကို ဟန်းနီမွန်းခရီးထွက်တဲ့အခိုက်မှာ မန်းတလေးရောက်ရောက်ခြင်းဘဲ စစ်ကိုင်းကရွှေဟသာင်္ဆရာတော်ကြီးသွားဖူးမိပြီးနောက်နေ့ ဘုန်းကြီးဝတ်လိုက်တယ်၊မိန်းမကိုသူငယ်ချင်းလင်မယားအိမ်မှာထားပြီးဟန်းနီးမွန်းခရီးကိုဘုန်းကြီးလူထွက်မှ ခရီးဆက်ရတယ်ဆိုတာရေးခဲ့ဘူးပါတယ်၊ အဲသည်ကထဲက ကျနော့မိန်းမခင်မျာ ကျနော့ကို ခွင့်လွှတ်ခဲ့တာပါ၊
ဟိုတလောက ကိုရဲကျော်သူရ မင်္ဂလာဆောင် လက်ဖွဲ့သွားပေးရင်းကိုရဲကိုတောင်မြောက်ပေးလိုက်မိသေးတယ်၊ကိုရဲ ပြည်ကိုဟန်းနီးမွန်းထွက်မယ်ဆိုရင် အတော်ဘဲ အဲသည်မှာ ၀ိဇာဆရာတော်ကြီးတပါးရှိတယ်ပြောတယ်၊ သွားဖူးပြီးရဟန်းခဏ၀တ်လိုက်ပါလား၊အဲ့ဒါအိမ်ထောင်သက်တ လျှောက်လုံးကံကောင်းတတ်တယ် ၊ကိုရဲရဲ့မစပယ်ကိုကျနော့်သူငယ်ချင်း လင်မယားအိမ်မှာထားလို့ရတယ်ပြောတော့ ဘုရားဘုရားမလုပ်ပါနဲ့ကိုသန့်ရယ် အိမ်ထောင်သက်တလျှောက်လုံးကံကောင်းတာကနောက်၊ အခုတခါထဲစိတ်ဆိုးပြီးကွဲသွားမှ ရှားရှားပါးပါးရှာယူထားရတာဗျဆိုပါတယ်၊နောက်ခင်ရင်အဲ့သည်လိုမကြည့်စားပါနဲ့ဗျာတဲ့၊တဆိတ်ရှိ
တိုက်မယ်ခိုက်မယ်ဆိုတဲ့ ရဲဘော်ကြီးက မိန်းမတော့အကြောက်သားဗျ ၊ပြောရင်လည်းကြောက်တာမဟုတ်ဘူးချစ်တာလို့ပြောဦးမယ်၊
ကဲပြောရင်းပေကရှည်နေမိပြန်ပါပြီ၊
ရေရှားပါးတဲ့ ကြည့်မြင့်တိုင်တဖက်ကမ်းကရွာတွေမှာ လှုမယ်ဆိုရင်
(၁)ကန်တွေပြုပြင်ရေးမှာလှုလို့ရပါတယ်။
××××××××××××××××××××××××
(၂)လက်ခံရေကန်တွေတည်ဆောက်ပေးလို့ရပါတယ်။
×××××××××××××××××××××××××××××
ရေသမာန်စက်လှေကလာတဲ့ရေကိုမီးသတ်ပိုက်နဲ့တိုက်ရိုက်သွယ်တန်းပြီးရွာသူရွာသားတွေပုံးတွေထည်း
ထဲ့ပေးလှုတဲ့အခါ ဖိတ်တချို့စဉ်တချို့နဲ့ကုန်းတ၀က် ပုံးတ၀က်ဖြစ်နေတာကြောင့် ရပ်ကွက်(၄)ခု လူဦးရေ(၅၀၀၀)
လောက်အတွက် ရေသမာန်တစီးစာ ဂါလံ(၄၀၀၀)လောက်ဆန့်တဲ့ လက်ခံရေကန် အုတ်ကန်၊ဖိုင်ဘာကန်၊ သံကန်တွေလည်းအဆင်ပြေသလိုလှုနိုင်ပါတယ်၊တချို့ရပ်ကွက်တွေမှာတော့လက်ခံကန်တွေကိုတဦးခြင်းရော
အစုအဖွဲ့န့လာရောက် တည်ဆောက်လှုဒါန်ပေးထားတာတွေ့ရပါတယ်၊
အဲသည်တော့ ကံမကောင်းလို့ ကံဟောင်းဆယ်ခြင်တယ်ဆိုရင် ကန်မြေတပေအနက်တူးဖို့မြေကြီး တကျင်းတူးခ၆၀၀၀ကျပ်နဲ့ လှုဒါန်းနိုင်ပါတယ်၊ပုံမှာပါတဲ့ဆိပ်ကြီး၇ွာ စိတ်တ၀ိဟာရကျောင်းမှာဆိုရင်ပတ်ပတ်လည်မှာ ကျေးရွာသောက်ရေကန်(၃)ကန်ရှိပါတယ်၊(၃)ကန်စလုံးရေ
ခမ်းခြောက်ပြီးကောနေပါပြီ၊အဲသည်တော့ မိုးရွာရင်ရေပြန်လှောင်ဖို့တူးနေကြတာတွေ့ရပါတယ်၊မြေလာတူးတဲ့အဖွဲ့ကိုမေးတော့ခနောင်တိုဘက်ကပါတဲ့ သူတို့လည်းအပြင်ဆောက်လုပ်ရေးဆိုဒ်တွေမှာမြေတကျင်းတူးခ ၈၅၀၀လောက်ရတယ်၊ သည်မှာတော့ ကုသိုလ်လည်းရ၀မ်းလည်းဝတကျင်း၆၀၀၀ကျပ်နဲ့တူးပေးနေတာပြောပါတယ်၊ကျနော်ကအတူပါလာတဲ့ကျေးရွာ
လူကြီးကိုမေးကြည့်ပါတယ်၊သည်လိုလူနဲ့တူးနေတော့မကြာဘူးလား၊ ဘက်ဟိုးဌားပြီးဂျူတီနဲ့စက်နဲ့တူးလိုက်ရင်ကုန် တာလည်းအတူတူလောက်နဲ့မြန်မြန်ပြီးမသွားဘူးလား ဆိုတော့ပြီးတော့ပြီးပါတယ် ၊ ဒါပေမဲ့ဘက်ဟိုးသမားကလည်း စိတ်ရှည်မှ စေတနာရှိမှဖြစ်မှာ နို့မို့ကန်ပျက်တတ်တယ်ဆိုပါတယ်၊ ကျနော်က ဘယ်လိုကန်ပျက်တာလည်းဆိုတော့ ရေကန်တို့ ငါးကန်တို့ဆိုတာ အောက်ကိုနက်တိုင်းလည်းမကောင်းဘူး စာရေးဆရာတဲ့၊ အောက်ကို အတင်းနက်လိုက်ရင်အောက်ခြေပေါက်ပြီးကန်ကရေတွေအဲ့သည်ကနေအကုန်ထွက်ကုန်ရော၊ကန်ပျက်ရောတဲ့၊
အင်းဒါလည်းလက်တွေ့ဘ၀ကပေးတဲ့ဗဟုသုတပေါ့လေ၊ ကျနော်မေးကြည့်တော့ အခုကန်တူးနေတာမတည်အလှုရှင်တွေက သူတို့ရွာဇာတိတွေဘဲလို့ပြောပါတယ်၊လောလောဆယ်၊မတည်အလှုရှင်(၂)ဦးနဲ့တူးနေပါတယ်၊အဲသည်ရွာက
ဒေါ်ဝင်းမာဆိုသူက မြေကျင်း(၁၀၀)ငွေကျပ်(၆)သိန်းဖိုး၊နောက်အဲ့ဒီကျောင်းကဆရာတော်ကမြေကျင်း(၅၀)
(၃)သိန်းဖိုးအသီးသီးလှုဒါန်းထားကြပါတယ်၊
နောက်တခု ကံစုဖို့ ကံလှောင်ဖို့ရေစုကန်လှုခြင်တယ်ဆိုရင် အဲသည်ဆိပ်ကြီး(၁)ရပ်ကွက်ထိပ်မှာ စေတနာရှင်တွေ လှုထားတဲ့ရေလှောင်ကန်လိုမျိုးဂါလံ(၄၀၀၀)လောက်ဆန့်တဲ့ အုတ်ရေကန်မျိုးတည်ဆောက်လှုဒါန်းနိုင်ပါတယ်၊ ကျနော်မေးကြည့်တော့(၁၃)သိန်းလောက်ကုန်ကျတယ်ပြောပါတယ်၊ ကိုယ်တိုင်ကြီးကြပ်ပြီး တွက်ချက်လှုဒါန်းနိုင်ပါတယ်၊ မိတ်ဆွေအင်ဂျင်နီယာများအနေနဲ့လည်း ရေဂါလံအလိုက်ကုန်ကျစားရိတ်ကို ပုံဆွဲတွက်ချက်ပေးပြီး ပညာဒါနပြုနိုင်ပါတယ်၊
(၃) မတောင်းဘဲနဲ့ပြည့်တဲ့ ဆုဆယ်ပါးအတွက် ရေလှုနိုင်ပါတယ်။
ရေကိုရေလမ်းကလှုရင် ဂါလံ(၄၀၀၀)ပါရေသမာန်စက်လှေတစီးကိုငွေ(၃၀၀၀၀)နဲ့ ရေအလှုကုသိုလ်ပြု အဖွဲ့ဝင်တွေနဲ့ရော ရေသမာန်တွေပိုင်ရှင်နဲ့ရောချိတ်ဆက်လှုဒါန်းနိုင်ပါတယ၊်
ဖုန်းနံပတ်တွေအောက်မှာ ဖေါ်ပြထားပါတယ်၊ကြည့်မြင်တိုင် ကမ်းနားလမ်းဗားကရာလှေဆိပ်ကနေ
သမာန်စက်လှေစီးပြီး ဦးမြငါးစင် နဲ့ဆိပ်ကြီးရွာတွေကရေသမာန်ဆိုက်ရာ ရွာသူရွာသားတွေရေအလှုကို အမောတကောလက်ခံနေရာ တဖက်ကမ်းလှေဆိပ်အထိ စီးသွားနိုင်ပါတယ်၊ ကိုယ်တိုင်ကိုယ်ကျ လှုဒါန်းနိုင်ပါတယ်၊တယောက်မှ၂၀၀ ကျပ်လှေစီးလုံးဌားစီးမှ ၂၀၀၀ ကျပ်ရယ်ပါ၊အခက်အခဲရှိရင်ပြောပါ ကျနော်တို့အဖွဲ့က လှေဆိပ်ကိုလာကြိုပေးပါ့မယ်၊ သည်လိုသမာန်နဲ့လာလှုတဲ့အခါ ကမ်းစပ်နဲ့ နီးတဲ့အိမ်တွေကပြည့်ပြည့်၀၀ရကြပေမဲ့ ကမ်းစပ်နဲ့ဝေးပြီးကုန်းတွင်းပိုင်းကျတဲ့ ရပ်ကွက်တွေဆို စက်လှေကလှုသလောက်မရကြပါဘူး၊ ရွာကရေအလှုကြီးကြပ်ပေးတဲ့ ကျနော်တို့စေတနာ့ဝန်ထမ်း အဖွဲ့တွေကဘယ်သူဘယ်သူမှမျက်နှာမလိုက်ဘဲ ညကထဲကအိမ်တွေကိုအလှုရှင်ရသမျှစက်လှေအင်အားအလိုက် တုံကင်စာရွက်လေးတွေဝေပါတယ်၊မနက်ကျတော့တုံကင်တစောင်ကိုရေတထမ်းဝေပါတယ်၊လူဦးရေများလို့
တုံကင် (၂)ထမ်းရလာတော့ ၊ရေလက်ခံပြီးအိမ်ကိုအပြေးသယ်၊အိမ်မှာလည်း ရှိသမျှအိုးခွက်ပန်းကန်တွေထဲ ခွဲထည့်ရတယ်၊သည်ဖက်ရွာတွေမှာသံစည်ပိုင်းခါးပြတ်လောက်တောင်မ၀ယ်နိုင်တဲ့သူတွေများပါတယ်၊
သည်လိုကသောကမြောထည့်ပြန်ပြေး မြစ်ကမ်းနံဘေးရောက်တော့ သမာန်ကရေကုန်လို့ ကမ်းကခွာနေပြီ၊ လက်ခံရေကန်မရှိတော့ဖိတ်တချှိုစင်တချို့နဲ့ဘဲ အလဟသဖြစ်ခဲ့ရတာပေါ့၊ကုန်းတွင်းပိုင်းကျတဲ့အိမ်တွေခင်မျာလည်း သူများ(၂)ခွက်ရရင်သူကတခွက်ဆိုတော့ပိုခြွေတာရတော့တာပေါ့၊
အဲသည်အိမ်တွေအတွက်ရေလှုပေးဖို့ရပ်ရွာကတောင်းဆိုနေကြပါတယ်၊ဆရာတော်ဦးသုမင်္ဂလ(ဒယ်အိုးဆရာတော)်
လာလှုတုံးကတော့ ကားတွေနဲ့ရေသန့်ဗူးကြီးတွေတင်ပြီး လာလှုသွားကြတာပါ၊လှိုင်သာယာဖက်ကိုကားနဲ့လာ အဲသည်ကနေတွံတေးကားလမ်းအတိုင်းဆိပ်ကြီးခနောင်တိုလမ်းခွဲ၊အဲသည်လမ်းခွဲကနေခနောင်တိုကြိုးတံတား
ရောက်တော့ ဘယ်ဖက်ကိုချိုးလို့ကြည့်မြင်တိုင်နယ်မြေအတွင်းဝင်လိုက်တာနဲ့ရေရှားပါးဆင်းရဲလှတဲ့ ရွာတွေကိုစတွေ့နိုင်ပါပြီ၊
သည်တော့ အဲသည်လိုကားတွေနဲ့ ရေသန့်ဗူးကြီးတွေနဲ့ ကားလမ်းဖက်ကလာလှုခြင်လည်း ကျနော်တို့ အကူအညီပေးပါ့မယ်၊ နောက်ကျနော်တို့အနေနဲ့တွံတေးဖက်က မီးသတ်ဦးစီးတွေနဲ့ ချိတ်ဆက်ကြည့်ဖို့ ကြိုးစားနေပါတယ်၊ကုန်းတွင်းပိုင်းရွာတွေကိုရေဘောက်ဆာတွေနဲ့လှုဖို့ပါ၊ဘောက်ဆာတစီးဂါလံ(၂၈၀၀)
လောက်ကို ဘယ်လောက်ကုန်ကျမလည်းတွက်ချက်ပြီးတင်ပေးပါ့မယ်၊မီးသတ်က face book friend တွေလည်း တတ်နိုင်သမျှနှုတ်နဲ့စောင်မခြင်းပြုလို့ ကုသိုလ်ယူနိုင်ပါတယ်၊ဘောက်စာကားအပိုင်ရှိပြီးပိုလျှံနေတဲ့ လုပ်ငန်းရှင်တွေရှိရင်လည်း၊ရေကားအတွက်ကျနော်တို့ကိုလချုပ်နဲ့ဌားပေးနိုင်ရင်ကျနော်တို့အဖွဲ့ ကတာဝန်ယူပြီိးကုန်းတွင်းပိုင်းရွာတွေကိုရေဖြန့်ဝေပေးနိုင်မှာဖြစ်ပါတယ်၊အလကားကုသိုလ်ဖြစ် --ဖြစ်စေ၊ သက်သာသောနှုန်းထားနဲ့ဖြစ်စေ (၃)လလောက်ဌားပေးနိုင်ရင် ဌားပေးဖို့ကျနော်တို့ မေတာရပ်ခံခြင်ပါတယ်၊ ကုသိုလ်လဲရ၀မ်းလည်းဝစေမှာပါ၊
ကဲ--- ကံမြင့်ကံတင့်စေဖို့ ကန်အဆင့်မြင့်တဲ့အရေးမှာလှုမလား--------
ကံကောင်းဖို့ကန်အဟောင်းပြင်လှုမလား၊
ကံလှောင် ကံစုဖို့ ကန်ပြုလှုတဲ့အလှု လှုမှာလား၊
မတောင့်မတ ကြောင့်ကျစိုက်ဖို့မလိုတဲ့ အကျိုးဆယ်ပါးတလုံးတ၀ထည်းပြည့်စုံစေဖို့
သောက်ရေသုံးရေလှုမလား အောက်ပါဖုန်းအမှတ်တွေကိုဆက်သွယ်လိုက်ပါ၊
ဥိးမြလွင်(အလတ်ချောင်းရွာ) အဖွဲ့ဝင် ဒေသဖွံဖြိုးတိုးတက်ရေးကော်မတီဝင်(၀၉၇၃၀၄၁၂၇၃)အလတ်ချောင်းရွာ
ဦးကျော်ဝင်း (ဆိပ်ကြီးရွာ) ၀၉၂၅၁၀၃၄၁၁၈
ဦးအောင်သိန်း(ဆိပ်ကြီးရွာ)၀၉၂၅၀၀၂၄၇၁၉
ဦးပြာ(ဦးမြ-ငါးစင်)၀၉၃၁၀၅၇၈၅၉
ဦးဝင်းနိုင်(ဦးမြ-ငါးစင်)၀၉၃၀၂၃၃၆၃၆
ရေသယ်စက်လှေနဲ့တိုက်ရိုက်ချိတ်ဆက်လှုဒါန်းလိုပါက ဦးဟန်တင်နှင့်သားများသောက်သုံးရေပို့ဆောင်ရေး
စက်လှေအဖွဲ့-၀၉၄၂၀၂၁၃၇၀၈၊၀၉၄၂၀၂၂၈၀၅၄၊၀၉၇၃၀၆၅၉၆၁ တို့ကိုဆက်သွယ်လှုဒါန်းနိုင်ပါတယ်၊
လတ်တလော ကျနော်တို့ရေအလှုအဖွဲ့လေးမှာတဖက်ကမ်းက ရွာသူရွာသားတွေသာဖြစ်တဲ့အတွက် အဝေးကငွေပေးပြီးရေလှုလိုသူတွေအတွက် ကျနော်ကကြားခံဆောင်ရွက်ပေးနေပါတယ်၊ ဒါကြောင့် ငွေပေးပို့လှုဒါန်းလိုတယ်ဆိုရင်တော့ ဦးခင်မောင်သန့် ၉/မကန(နိုင်)၀၀ရ၁၀၄ ကြည့်မြင်တိုင်၊ KBZဘဏ်ကိုငွေလွှဲပို့နိုင်ပါတယ်၊ဖုန်းအမှတ်၀၉၇၉၃၆၅၅၀၁၁ကိုပေးပို့နိုင်ပါတယ်၊ပေးပို့တဲ့အခါ အလှုရှင်အမည်ကိုတပါထည်းဖြစ်စေ၊အွန်လိုင်းဖေ့စ်ဘုတ်မှဖြစ်စေအကြောင်းကြားပေးစေခြင်ပါတယ်၊
ကျနော့အနေနဲ့ငွေကြေးကိုစာရင်းပြုစုအပ်နှံပေးရတဲ့အတွက်ဖြစ်ပါတယ်၊အလှုရှင်တွေပေးပို့လာတဲ့ငွေကို
သတ်မှတ်လှုဒါန်းလိုတဲ့အကြောင်းခြင်းရာအလိုက် ရေကန်တူးခြင်း၊ရေကန်တည်ဆောက်ခြင်း၊တို့ကိုမဖော်ပြပါက
ရေလှုဒါန်းသည်နေရာများမှာသာအသုံးပြုမှာဖြစ်ပါတယ်၊အလှုရှင်များဧ။်ငွေကိုရေလှုဒါန်းမှုတွင်သာ
အသုံးပြုမည်ဖြစ်ပြီး လမ်းစရိတ်၊စားစရိတ် အခြားကုန်ကျစားရိတ်များ အားအသုံးပြုမည်မဟုတ်ပါ၊ အခြားကုန်ငွေများကိုမိမိတို့ရေအလှုအဖွဲ့မှစိုက်ထုတ်လှုဒါန်းပါမယ်၊
ယခုသည်အပတ်ကျနော့ထံ အထက်ပါအတိုင်းဘဏ်မှငွေလွှဲပို့လှုဒါန်းထားသူများမှာ-
ဗိုလ်ကြီးဥာဏ်ထွန်းအောင်(တေဇ၉)မိသားစု ရန်ကုန်စည်ပင်=၁၀၀၀၀၀
ဗိုလ်မှုးနှင်းဇော်+ဒေါ်ဌေးဌေးဝင်းမိသားစု =၅၀၀၀၀
ဖေ့ဘုတ်မိတ်ဆွေ ကိုဦး(Ko Oo) ချက်ဘောက်က ပေးထားတဲ့ငွေပို့လွှာကဖတ်မရလို့အမည်ရင်းစီစစ်တောင်းခံဆဲက=၅၀၀၀၀
(ကိုသန်းထွန်းဦး-မပိုင်ပိုင်စိုး ယုဇနတာဝါ မိသားစု )
စုစုပေါင်းငွေသား(၂၀၀၀၀၀)ရပါပြီ
ကျနော်သူငယ်ချင်းတယောက်ကတော့ ရေလှောင်ဖို့အုတ်ရေကန်တော့မတတ်နိုင်ဘူး၊ တရာသီလှောင်လို့ရမဲ့
သမာန်တစင်းစာဂါလံ၄၀၀၀လောက်ရေထဲ့နိုင်တဲ့မိုးကာစမီးကပ်ချုပ်ထားတဲ့ ယာယီကန်(၂သိန်း)တန်လောက်လှုမယ်ပြောထားပါတယ်၊မိုးကာကန်၁၅၀၀၀၀+ဘေးဘောင်သစ်သား+၀ါး+မြော
ကုန်ကျစားရိတ်၅၀၀၀၀ခန့်မှန်း) တွက်ချက်ထားတာပါ၊
သူ့ကိုစောင့်ရင်းတခြားအလှုရှင်တွေပါစုပေါင်းလို့လာမဲ့တနင်္ဂနွေနေ့မှာ သွားလှုကြမယ်လို့ အကြမ်းဖျင်းစီစဉ်ထားပါတယ်၊အလှုရှင်များရော၊စိတ်ပါဝင်စားတဲ့လူတွေရောလိုက်ခြင်ရင်လိုက်ခဲ့ပါလို့ဖိတ်ခေါ်ပါတယ်၊
အချိန်နေရာထပ်မံတင်ပြပေးပါ့မယ်၊
စေတနာရှင်များ သံသရာခရီးလမ်းတလျှောက် ရေလိုအေးလို့ပန်းလိုမွှေးကြပါစေဗျား၊--------