"အပျိုတော် ၁၂ ခန်း "

မင်းသမီးတွေဆိုရင် ခန္ဓာကိုယ် တစ်ဆစ်ချင်းလှုပ်ကတာတွေဆိုရင်
တကယ့်အံ့မခန်းပါပဲ။

တိုင်းတပါး သီချင်းခွေတွေ၊ ဗွီဒီယိုတွေမှာလည်း အကတွေ တော်တော်များများ
တွေ့ရပါတယ်။ မြူးတယ်၊ စနစ်ကျတယ်၊ ညီညာတယ်၊ လှတယ်၊ စည်းဝါးကျတယ်ပေါ့။
ဒီတော့ လူကြိုက်လည်း များလှတယ်ပေါ့။

မြန်မာအကတွေဆိုရင် နောက်ပိုင်း လူငယ်တွေ(လူကြီးတွေပါ)ကပါ ပျင်းစရာ
ကောင်းလိုက်တာလို့ မြင်လာကြတယ်။ အငြိမ့်ဆိုရင် လူရွှင်တော်ပဲကြည့်တယ်။
ဆို၊ က၊ ရေး၊ တီး ပြိုင်ပွဲတွေဆို ကြည့်တဲ့သူ နည်းပါးလှတယ်။

မြန်မာအကက စိတ်ဝင်စားစရာမကောင်းဘူးလား.. မြန်မာအကကို မတီထွင်
ကြဘူးလားလို့…မြန်မာနဲ့ပတ်သက်ရင် စာပေ၊ ဂီတ၊ လူမျိုး၊ ဘာသာအားလုံးကို ချစ်စိတ်ဝင်တဲ့သူဆိုတော့
အားမလို အားမရဖြစ်မိတယ်..။

ဒါနဲ့ စာတွေ ရှာဖတ်မိတော့ စိတ်ဝင်စားစရာသွားတွေ့ရတယ်… "အပျိုတော် ၁၂ ခန်း "အကတဲ့..
ဇာတ်လောကမှာ အပျိုတော် ကကြိုးစုံလျှင် မင်းသမီး အကတန်းကုန်သည် လို့ ဆိုစကား
ရှိကြတယ်။

"အပျိုတော် ၁၂ ခန်း "ရဲ့ ကကြိုးကကွက်တွေက --

(၁) ၀ိနမတိ - လက်၊ ကျောပြင်တို့က လှုပ်ကရသော အက။
(၂) ၀ိလာသတိ - ရှေ့သို့ တက်၍ မြူးမြူးကြွကြွ ကရသော အက။
(၃) ၀ိလစ္စတိ - နောက်ကို ဆုတ်၍ ကရသော အက။
(၄) ဥရုံဝိရတိ - ပေါင်၊ ခြေသလုံးကို ဖွင့်၍ ကရသော အက။
(၅) ကဋိစာလေတိ - ခါးကိုလှုပ်၍ ကရသော အက။
(၆) ဂူယှံဘဏ္ဍံ - လျှို့ဝှက်အတွင်းသားကို လှုပ်၍ ကရသော အက။
(၇) ထနံ - သားမြတ်ရင်လွှမ်းတန်ဆာကို လှုပ်၍ ကရသော အက။
(၈) ကစံ္ဆ - လက်ကတီးတို့ကို မြှောက်၍ ကရသော အက။
(၉) နာဘိ - ချက် သို့မဟုတ် ၀မ်းပြင်ကို လှုပ်၍ ကရသော အက။
(၁၀) ပါဒေန - ခြေတစ်ဖက်အပေါ် ခြေတစ်ဖက် နင်း၍ ကရသော အက။
(၁၁) ဘမုကံ - မျက်လုံးတို့ကို လှုပ်၍ ကရသော အက။
(၁၂) အက္ခိံ - မျက်စိ(စေ့)တို့ကို လှုပ်၍ ကရသော အက။

ကဲ ဘယ်လောက်စိတ်ဝင်စားဖို့ကောင်းသလဲ။ တကယ်တတ်။ တကယ် ကျကျနန
ထုတ်ဖော်ပြသကြရင် မြန်မာအကဆိုတာ ပျင်းစရာမဟုတ်သလို အဆင့်အတန်းလည်း မီလှပါတယ်။
ဒါတောင် အပျိုတော် ၁၂ ခန်း ကကြိုး ကကွက်ပဲရှိပါသေးတယ်။

နတ်အက၊ မြင်းက၊ မျောက်အက၊ ဘီလူးအက၊ ဇော်ဂျီအက၊ ၀န်အက၊ နေရာတော်ခင်းအက ဆိုတဲ့
"ခုနှစ်ထွေအက " --
ပလို့ဂျိ…ဟူသော ပတ်ဆစ်ချိုးအရ စည်းချက်ကျကျ ကပြရာတွင် ပတ်မဆစ်ဖြင့်ကရတဲ့..
မျက်ခုံးပလို့၊ မေးပလို့၊ ပုခုံးပလို့၊ ရင်ပလို့၊ တင်ပလို့၊ လက်ရုံးပလို့၊ လက်စုံပလို့၊ တခြားပလို့(လက်တစ်ဖက်စီ)၊
အရုပ်ကြိုးလိမ်ပလို့၊ နတ်ယိုင်အကနဲ့ ဘယ်ခြေညာလက်ပလို့၊ စုံပလို့ ဆိုတဲ့…"ပလို့အက "တွေရှိပါသေးတယ်။

ဒါ့အပြင် ကျယ်ပြန့်လှတဲ့ မြန်မာ့အက နည်းစနစ်များစွာ၊ နည်းမျိုးစုံစွာ ရှိပါသေးတယ်။
ဖတ်မိတာလေးတွေကို စိတ်ဝင်စားသူတွေ ဗဟုသုတရစေဖို့နဲ့ မြန်မာအကတွေကို အထင်အမြင် မသေး
စေဖို့ တင်ပြလိုက်ရတာပါ။

သိတတ်သူများ ဖော်ထုတ်နိုင်ပါစေ..။

-----
မောင်ပိုင်
၅-၅-၂၀၁၅။