အဖေနဲ့ အဖေ့တန်ဖိုး

  Image may be NSFW.
Clik here to view.ဒီပုံက လွတ်လပ်ရေးရပြီးစ ပြည်တွင်းစစ် အစ တပ်ထွက်ခါနီး ပုံတပုံပါ။ လက်နက်နဲ့ ယူနီဖေါင်းတွေက တညီတညွတ်ထဲ မဖြစ်ကြဘူးထင်ပါတယ်



  
    ကျွန်တော် ရှစ်တန်းနှစ်လောက်၊ အဖေနဲ့  မြို့ထဲလျှောက်သွားခဲ့တုန်းမှာ သာမန်လောက် အကြောင်းအရာလေးတခုက-ဒီအချိန်အခါမှာတော့ ကျွန်တော့်ကို အကြီးအကျယ်အမှတ်ရနေစေတတ်ပါပြီ။ အဲဒီတုန်းက အဖေ လမ်းဘေးစာအုပ်တန်း၊ စာအုပ်အဟောင်းပုံတွေကြားမှာ  စာအုပ်တအုပ်ကို အမှတ်မထင် တွေ့ပြီး ၀မ်းသာအားရနဲ့ ၀ယ်လာတဲ့အကြောင်းလေး။ စာအုပ်နံမည်က “ မြန်မာနယ်ခြား ကိုဟီးမား ”တဲ့ ။ ရေးတဲ့သူမမှတ်မိပါ။ ဘာမှလည်း ထင်ရှားတာ ခေတ်လူတွေစိတ်ဝင်စားစရာမပါ။ ကာလခေတ်-သားသမီးတွေကြိုက်တာမပါ။ ဒါပေမယ့်အဖေက-လမ်းတလျှောက်-အဲဒီစာအုပ်ကို သူဘာလို့ စိတ်ဝင်စားရကြောင်း တခုတ်တရ ကျွန်တော့်ကို ပြောလာခဲ့ပါတယ်။ ကျွန်တော်က ကိုဟီးမား ဆိုတဲ့နံမည်ကို ကြားတောင်မကြားဖူးဘူး ။ စိတ်မ၀င်စားတော့ စိတ်ဝင်စားတဲ့ဟန်လည်း မပြခဲ့မိဘူး။


   မကြာခဏ အဖေက အိမ်မှာ-သူ-ရှစ်တန်းနှစ်ထဲ ဘီအိုင်အေတပ်တွေသူတို့ဟင်္သာတနယ်ရောက်လာပုံ၊ သူက ၁၆နှစ်သား၊ကာလသားပေါက်ဖြစ်နေချိန်။  ငယ်စိတ်-တိုက်ချင်ခိုက်ချင်စိတ် -မျိုးချစ်စိတ်ဓါတ်တွေနဲ့ တခါတည်းမိဘနဲ့ဆွေမျိုးတွေကိုစွန့်၊ ရွာနဲ့ လယ်ကိုစွန့်- လွတ်လပ်ရေးစစ် ကမ္ဘာစစ်ထဲပါသွားတယ်ဆိုတဲ့အကြောင်း-တနေ့တနေ့ ၁၅မိုင်ကနေ မိုင်၂၀ အထိ ခြေလျင်လျှောက်စစ်ချီရတဲ့အကြောင်း၊အင်္ဂလိပ်တပ်တွေနဲု့ဘယ်လိုအပြင်းအထန်တိုက်ရကြောင်း ရောက်တဲ့ဒေသနံမည်တွေ စစ်ဆင်ရေးနံမည်တွေနဲ့ ကျွန်တော့်ကို ကြုံသလိုပြောပါတယ်။   အတူလိုက်ပါနေတဲ့ ဂျပန်တပ်တွေကအလွန်ကြမ်းတမ်းပုံ ။စစ်ပညာရဘို့ နေ့စဉ်ပါးရိုက်ခံ-ရပုံ၊အင်္ဂလိပ်ကို အိန္ဒိယနယ်စပ်အထိလိုက်လံတိုက်ခိုက်ကြပုံ စတဲ့စတဲ့ အကြောင်းတွေအားပါးတရ ပြောပြတတ်ပါတယ်။ စစ်ဆင်ရေးဘယ်လောက်ရှည်ရှည်ကြာကြာ- ချီရကြောင်း။ အင်္ဂလိပ်က အိန္ဒိယနယ်စပ်မှာ ဆက် ဆုတ်မပြေးတော့ပဲ ခံချတဲ့အခါ သူတို့ ဘယ်လိုအလူးအလဲခံရကြောင်း။ ကိုဟီးမားဆိုတဲ့နယ်စပ်မြို့ကလေးကိုသိမ်းဘို့ ဂျပန်တွေအပြင်းအထန်တိုက်ခိုက်ကြပုံ။အဲဒီ ကိုဟီးမားမြို့ကို-ရဘို့ ဂျပန်ကသူ့တပ်သား ၄၀၀၀ အကျအဆုံးခံ-တိုက်ပေမယ့်မရတဲ့အကြောင်း။ အဖေပါတဲ့မြန်မာတပ်ရင်း၎ရင်းလည်း၂ရင်းစာလောက်သာကျန်ပုံ ။သူ့သူငယ်ချင်းတွေ ကျဆုံးကုန်ကြောင်း ။ ကဘော်ချိုင့်ဝှမ်းဒေသကို သေမင်းလွင်ပြင်လို့ခေါ်ကြောင်း။ ဂျပန်ဖက်က စစ်သား ချည်း ၁၃၅၀၀-အဲဒီစစ်ဆင်ရေးမှာကျဆုံးခဲ့ပုံ။( လမ်းတလျှောက် ငှက်ဖျား ၀မ်းကိုက် ရိက္ခာအစာပြတ်ငတ်သေကျန်ခဲ့တာတွေလည်း တပုံတပင်တဲ့  )  နောက်ဆုံး မသေလို့ကျန်တဲ့သူတွေအနိုင်နိုင်လူနာသယ် စစ်ရှုံးတပ်ခေါက်ပြန်လာရတဲ့အကြောင်းတွေ။ ချင်းတွင်းမြစ်ထဲ ၀ါးဖေါင်လေးတွေနဲ့ ပြန်မျောချလာကြပုံတွေ။ဒါကြောင့် သူ  ကိုဟီးမား အိန္ဒိယနယ်စပ်မြို့ကလေးကိုအမှတ်ရကြောင်းတွေပေါ့ ။

သားဖြစ်တဲ့ကျွန်တော်က စိတ်ဝင်တစားမရှိခဲ့ပါ။ ဒါတွေက ဝေးခဲ့တဲ့အတိတ်တွေ-ပြီးခဲ့တဲ့အကြောင်းတွေ-ပေါ့ပေါ့လေးလုပ်ထားခဲ့မိတယ်ဗျာ။   အဖေ ၁၆နှစ်သား ရှစ်တန်းနှစ်မှာ ကမ္ဘာစစ်ထဲ၊ လွတ်လပ်ရေးစစ်ပွဲတွေထဲ နဖူးတွေ့ဒူးတွေ့ ကိုယ်တိုင်ပါဝင်တိုက်ခိုက်နေခဲ့ပြီဖြစ်ပေမယ့် ကိုယ့်အလှည့် အသက်၁၄နှစ်ရှစ်တန်းကျောင်းသားအရွယ်ကျတော့-စစ်အကြောင်း-လွတ်လပ်ရေးအကြောင်း လွတ်လပ်ရေးတန်ဖိုးအကြောင်း သိတ်မသိ၊သိတ်သိစရာလည်းမလိုတော့တဲ့အချိန်ရောက်နေခဲ့ပြီ။  ခပ်သာသာဖြတ်သန်းသွားတာပေါ့နော်။
ဝန်ခံရရင် ကျွန်တော်က  သားသမီးတွေထဲ စာတော်တဲ့လိမ္မာတဲ့ သားဆိုပြီး ကိုယ့်ကိုယ်ကို အထင်ရောက်ကြီးပြင်းလာခဲ့သူပေါ့ဗျာ။ ဆေးကျောင်းရောက်ကာလ၊ဆရာဝန်ဖြစ်ကာနီးကာလတွေမှာ အဖေကော အမေကော အထူးဂုဏ်ယူတဲ့ကာလ။ အလွန်ဂရုတစိုက်ရှိတဲ့ကာလများအဖြစ်နဲ့သတိတရဖြစ်စရာပါ။ ဒါပေမယ့် ကျွန်တော်နောက်ပိုင်းမှာ-တဆစ်ချိုး-လမ်းကြောင်းပြောင်းသွားတယ်။ မိဘတွေအတွက်တော့ ကြေကွဲစရာ-ဆင်ပြောင်အမြီးတစ်ဆိုသလို-သားဆရာဝန်ဖြစ်ကာနီးကျမှအစိုးရကို ဆန့်ကျင်ပုန်ကန်တဲ့ကျောင်းသားဖြစ်လာပါတော့တယ်။ဒါကလည်းခေတ်က တွန်းပို့ခဲ့တာပါ။  ဒါပေမယ့် ကျွန်တော်မြင်ချင်ဖြစ်ချင်တဲ့ တိုင်းပြည်၊ ကျွန်တော်တန်ဖိုးထားတဲ့ ကျောင်းသားသမဂ္ဂတွေ၊ကျွန်တော်တို့ပြောကြတဲ့ခွတ်ဒေါင်းအလံတွေအကြောင်း အဖေသိတ်မသိပါ။အဖေနဲ့ ကျွန်တော်-(ကြေကွဲစရာ) ပြဒါးတလမ်းသံတလမ်းဖြစ်ရတဲ့ ကာလဆိုးတွေပဲ။ အဖေက သူ့သားဆရာဝန်ဖြစ်ရင် လူတလုံးသူတလုံးဖြစ်ပြီ၊သူ့ဘ၀လိုမခက်ခဲမဆင်းရဲတော့ဘူး။မကြမ်းတမ်းတော့ဘူး  သူတာဝန်ကျေပြီ-သူ့ဘ၀ကျေနပ်နိုင်ပြီ  ဆိုတဲ့ဖခင်မျိုး။ တခြားဘာမှမမျှော်လင့်ဘူး။ ဂုဏ်ယူချင်တာသက်သက် ။ ကျွန်တော်က ဆေးကျောင်းကအထုတ်ခံရတယ်။ထောင်ကျသွားတယ်။ ထောင်ထဲဝင်ရတာကို-မှုရကောင်းမှန်းမသိ-ရင်ကော့ခဲ့တဲ့ သား။

Image may be NSFW.
Clik here to view.ဘီဒီအေတပ်ရင်း ၆ရင်း ပျဉ်းမနားမှာ ဖွဲ့တဲ့အကြောင်း။ လခ မဟုတ်ဘူ။ မုန့်ဘိုး ၃ကျပ်ခွဲ နောက် ၇ကျပ်တိုးရတဲ့အကြောင်း အင်္ဂလိပ်က လေယာဉ်နဲ့ နေ့တိုင်းလာ ဗုံးချ စက်သေနတ်နဲ့ ပစ်တာ တခါမှာ စစ်သင်တန်းပေးနေတုန်း ဂျပန်က တန်းဖြုတ်အမိန့်မပေးလို့ ၇ဲဘော် ၅၂ယောက်တခါတည်းသေရတဲ့အကြောင်းနဲ့ အဖေက အဲဒီမှာ ခြေထောက်မှာဒဏ်ရာရကြောင်း သူ့မှတ်တမ်းမှာ ပြန်တွေ့ပါတယ်

အဖေ့ဟာ ကျွန်တော်မမျှော်လင့်တဲ့အချိန်၊ကျွန်တော်ထင်မထားတဲ့အချိန်မှာ ကျွန်တော့်ကို ရုတ်တရက် ထာဝရခွဲသွားတယ်လို့ထင်ပါတယ်။ ကျွန်တော်ရွှေ့ဘိုထောင်ရောက်တော့ အသက် ၄၀ကျော်ပြီ။ အဖေက ၈၀။ ဒါပေမယ့် သန်သန်မာမာရှိတုန်းပဲလို့ထင်ခဲ့မိတုန်း။  အသက် ၇၀လောက်အထိ စစ်သားပီပီ စည်းစနစ်နဲ့နေတတ်သူ။ကျန်းမာရေးလေ့ကျင့်ခန်းလုပ်နေတတ်သူ။လုပ်နေတုန်း။ ကွမ်းမစား။ အရက်မသောက်ဆေးလိပ်မသောက် ဆိုတော့ ကျန်းမာရေးကောင်းသေးတယ်ပဲထင်တာ ။ သေနတ်မှန်လို့ သိမ်နေတဲ့ လက်ပြန်သန်အောင် ဆိုပြီး အိမ်ရှေ့ ကြမ်းပြင်မှာ ခဲခဲယဉ်းယဉ်းဒိုက်ထိုးတဲ့လေ့ကျင့်ခန်းကိုလုပ်နေခဲ့တုန်းဆိုတော့။
 ဒါပေမယ့် အဖေ့ဖြတ်ခဲ့တဲ့ လမ်း သိတ်ကြမ်းတာ သားက ဂရုမှမထားခဲ့တာ။ဂရုစိုက်ရကောင်းမှန်းမသိတာ ကျွန်တော့်အမှားပါ။ အဖေဆုံးတော့ အိမ်က ကျွန်တော်ကို ချက်ခြင်းအကြောင်းမကြားဘူး။ ကျွန်တော်က ရွှေဘိုထောင်မှာ အားလုံးကိုမေ့ထားပြီးတောင်ယာလုပ်နေ။ ဇီးပင်တွေ စိုက်ကောင်းနေခဲ့တာ။  တလကျော်ကြာမှ အဖေဆုံးသွားပြီဆိုတာကျွန်တော်သိတယ်။ ဒီတော့မှ ကျွန်တော်စတင်ကြေကွဲရပါတယ်။

ကျွန်တော်အဲဒီအချိန်မှာ ကိုယ့်ကိုယ်ကို သတိထားမိသွားပြီ။ဒီတခေါက်ငါထောင်ကထွက်ရင် အဖေ့နဲ့ စကားတွေတ၀ကြီးပြောတော့မယ်ပေါ့လို့တွေးနေတာ။အဖေ့ကိုမေးချင်တာတွေမှအများချည်းပဲ။ အကြောင်းအရာတွေကတော့ သေးသေးလေးတွေပါ။ဒါပေမယ့် အဲဒီသေးသေးလေးတွေက လူတယောက်ဘ၀မှာသိတ်အရေးကြီးတယ်ဆိုတာ ခုမှ သဘာပေါက်တာ။   အဖေ ၁၆နှစ်နဲ့ ရွာကထွက်သွားတော့ အမေ့ကို မလွမ်းဘူးလားတို့။ အဖေ အိန္ဒိယနယ်စပ်မှာ ငှက်ဖျားတွေတက်နေတုန်း အမေအဖေကိုတမ်းတတဲ့စိတ်ဖြစ်သလားတို့။ အဖေ့ ကချင်ပြည်နယ်မှာ နောက်ထပ်တခါသေနတ်မှန်တော့ အဲဒီစစ်ဆင်ရေးအခေါက် အချိန်မှီသားတွေကိုရှင်ပြုပေးနိုင်ခဲ့တာကို ကျေနပ်တဲ့စိတ်ဖြစ်ခဲ့သေးလားတို့ .အဲလိုအဲလို သေးသေးလေးတွေ။
ဒါပေမယ့် အဖေက ဒါတွေကို အမေးမခံတော့ဘူး။ သွားနှင့်လိုက်ပြီ။ ငါ အဖေ့အပေါ်တာဝန်မကြေတဲ့ သားဖြစ်ခဲ့ပြီဆိုတဲ့အသိကဆိုးပါတယ်။  အဖေ့ကိုပြန်လုပ်ကြွေးသမှု မပြုနိုင်ခဲ့တာကို ၀မ်းနည်းတယ်။ ဒါကတပိုင်း။ဒါ့ထက်ဆိုးတာက  အဖေ့ဖြတ်ခဲ့တဲ့သမိုင်းကိုငါတန်ဖိုးမထားမိပါလားဆိုတဲ့ အသိ။ အဲဒီအသိကပိုဆိုးတယ်။ သူတန်ဖိုးထားတာကို ငါ ဘာလို့ သေချာအသိအမှတ်မပြုမိခဲ့တာလဲ။ ကိုယ်က နိုင်ငံရေးလုပ်နေတယ်လဲဆိုသေး။ ဒါနဲ့တောင် ငါ့အသိထဲမှာ-ငါ့သိစိတ်ထဲမှာ ဒီကိစ္စ-ဘာလို့ခေါင်းပါးခဲ့ရတာလဲ ။ အဲဒီအပြစ်ရှိတဲ့စိတ်က ကျွန်တော့်ကို အကြီးအကျယ်ထိခိုက်တုန်လှုပ်စေပါတယ်။

၂၀၀၄ ရွှေဘိုကလွတ်တော့ ပထမဆုံးကျွန်တော်လုပ်တဲ့အလုပ်က အဖေ့ဇာတိမြေ--ခေါင်းချရာ ဟင်္သာတနယ် နိဗ္ဗာန်ရွှာ ကအဖေ့အုတ်ဂူကိုသွားကန်တော့တာ။အဖေ့အုတ်ဂူဘေးမှာ ကျွန်တော် အကြာကြီးတွေးနေမိပါတယ်။ အဖေ့ဆန္ဒက သူသေရင် အရိုးအိုးကို ဒီမှာပြန်လာမြုတ်ပေးဘို့နဲ့ သူကိုယ်တိုင်မသေခင်လုပ်ထားတဲ့ စာတမ်းလေးတခုကို သူ့အုတ်ဂူမှာထိုးပေးဘို့။ စာတမ်းလေးက တိုင်းပြည်လွတ်လပ်ရေးအတွက်စစ်ရေးဖြင့်ကြိုးပမ်းခဲ့သည် ဆိုတဲ့ စာတမ်း။ …..….အဲဒါမှာ အဖေ့ နှလုံးသားရှိတာ သားက သေချာဂရုမစိုက်မိခဲ့ဘူးတဲ့ဗျာ။……


 ခု ကျွန်တော်ဝဍ်လည်ပါတော့မယ်။ ကျွန်တော့်သားက မြန်မာပြည်အကြောင်းသိတ်မသိဘူး။ နယ်စပ်မှာ နိုင်ငံမဲ့အဖြစ်မွေးလာတယ်။ အင်္ဂလန်ရောက်တော့ ဒီက အမြဲနေထိုင်ခွင့်ပေးထားတယ်။ သူကြိုက်တဲ့နေရာသွားလို့ရတယ်။အကြောက်အရွံ့မရှိ စာသင်ခွင့်ရတယ်။ တနှစ်ထည်းနဲ့  ဒါသူ့နေရာလို့ထင်လာနေတယ်။ အင်္ဂလိပ်လိုပြောတာ နေးတစ်တယောက်လို ပြောနေပြီ-ကိုယ့်ထက်အထာကျ-သာနေပြီ  ။ ဒီသားကို အဖေက သူ့တိုင်းပြည်အကြောင်း သူချစ်တဲ့လွတ်လပ်ရေးအကြောင်း၊ဒီမိုကရေစီရေးအကြောင်း၊ ငြိမ်းချမ်းရေးအကြောင်း  ဘယ်လိုပြောမလဲ ။ အလိုလိုရနေတာတွေကို သူဘာသိစရာလိုမလဲ။  သိစရာမှမလိုတာ။ ခုအရွယ်ထဲက သူ့အခွင့်အရေးတွေကို သူသိနေ-ပြောတတ်နေပြီ။ သားကျောင်းပိတ်ရက်မှာ -အဖေ သားကိုအချိန်ပေးရမယ်-တို့။ ဒါသားအားလပ်ရက်-သားကိုအိပ်ယာက စောစောမထခိုင်းပါနဲ့-တို့။

အဖေ့ကိုသိတ်သတိရတယ်ဗျာ။ အဖေက ဘယ်ဒေသရောက်ရောက် ဘယ်အိမ်မျိုးမှာပဲနေရနေရ။ အိမ်အောက်မှာ သေချာသတ်ထားတဲ့-၀ါးလုံးရှည်ဖြောင့်ဖြောင့် တောင့်တောင့် တချောင်းအမြဲဆောင်ထားလေ့ရှိတယ်။ အဲဒါကိုတနှစ်လုံးလည်း သေချာသိမ်းတယ်။တခြားဘယ်မှာမှ မသုံးဘူး။  နောက်ဆုံး စမ်းချောင်းအိမ်ကျတော့ ပေ၂၀လောက်ရှိတဲ့ သံပိုက်လုံးအကောင်းစားတလုံးဆောင်ထားခဲ့တယ် ။ နှစ်စဉ် ဇန်န၀ါရီလ ၄၇က်နေ့ကျရင် ဘယ်သူမှမေးစရာမလိုဘူး။တရိုတသေ-သူခေါက်သိမ်းထားတဲ့နိုင်ငံတော်အလံကို-ထုတ်လာမယ်။  မနက်အစောကြီးအိမ်ရှေ့မှာ သူကိုယ်တိုင် အလံထောင်တဲ့အလုပ် ကို အဖေလုပ်မယ်။ ဘယ်အိမ်တွေလုပ်လုပ်-မလုပ်လုပ် ။ သူကတော့ သူ့အလုပ်-သူလုပ်တယ်။ အာဇာနည်နေ့ရောက်ရင်တော့ အလံတိုင်တ၀က်ပေါ့။



Image may be NSFW.
Clik here to view.ဗိုလ်ချုပ်ကျောဇော။ ဦးကြည်မောင်။ ဗိုလ်မှူးငွေလှိုင်တို့ကိုတွေ့ရလို့ တပ်မတော်ဟာ ခေတ်ကြီးတခေတ်ကိုဖြတ်သန်းရင် တဖက်စီရောက်ကုန်ကြတာကိုပြောချင်လို့ပါ

အလေးပြုပါတယ်အဖေရေ


                    အဖေ့များနေ့အတွက် ..အဖေ့ကိုသတိရခြင်းကြီးစွာဖြင့်

                                                     ခွန်ဆိုင်း ( ၂၁-၆-၂၀၁၅ )