"မောင်ဖိုးချိုနှင့် အညှားကြီး ဘာဘူ"

. . . "တရုတ်ဆိုတာ နာမည်နဲ့လိုက်အောင် အင်မတန်ယုတ်တဲ့အမျိုးပဲကွ .. မှတ်ထား။ ကုလား .. ပိုဆိုးသေး။ ဘာသာခြားကုလားကို ဘယ်တော့မှ မယုံမိလေနဲ့" .. ငယ်ပေါင်းဖြစ်သော သူငယ်ချင်း၏စကားကို မောင်ဖိုးချိုစဉ်းစား၏။ ဟုတ်လေမည်လော။ မိမိသည် တရုတ်ပြည်သို့လည်းကောင်း ၊ ကုလားပြည်သို့လည်းကောင်း ရောက်ဘူးသူမဟုတ်သဖြင့် မျက်နှာငယ်ရ၏။ သူငယ်ချင်းလုပ်သူမှာကား မြောက်ဘက်တွင် ကြယ်ဂေါင်အထိလည်းကောင်း ၊ အနောက်ဘက်တွင် မိုရေးအထိလည်းကောင်း ရောက်ဘူးသူဖြစ်သဖြင့် ရန်ကုန်သားတစ်ပိုင်းကလေးမောင်ဖိုးချိုမှာ မလှန်နိုင်ရှာချေ။

. . . မိမိ သိသောကုလားများမှာ ရေစည်တွန်းသော အပယား၊ ဆိုက္ကားနင်းသော ရာဂျား နှင့် ရာဂျူးညီနောင်၊ လမ်းထိပ်ကွမ်းယာဆိုင်မှ ဘာဘူရန်ကနား၊ လေဘေးထည်ရောင်းသော မူတူးတို့သာရှိကုန်၏။ တရုတ်ဆိုရာတွင်လည်း အပေါင်ဆိုင်ကိုကျင်တိတ်၊ ကုန်စုံဆိုင်ပိုင်သော ဦးဟုတ်စိန်၊ ခေါက်ဆွဲကြော်ဆိုင်မှ ကိုရှိုးတီ၊ အဖြူဆိုင်မှ ဖောင်းဖောင်း တို့သာဖြစ်ကြ၏။ ဤလူများကို မကောင်းဟုဆိုရန် ခက်လှချေပြီ။ မောင်ဖိုးချိုသည် ရန်ကနား၏ ကွမ်းယာဆိုင်မှဆေးများနှင့်လူလားမြောက်ခဲ့သူဖြစ်၏။ နို့မှုန့်မှ ကိတ်မုန့်အထိရောင်းသော တရုတ် အဝိန် လက်ပေါ်တွင်ကြီး၏။ အပယားထမ်းပေးသော ရေကို ချိုးခဲ့၏။

. . . ကြီးသော် ရာဂျူးတို့ ဆိုက္ကားနှင့် ကျောင်းတက်ပြီး ဦးဟုတ်စိန်ဆိုင်တွင် အမေ၀ယ်ခိုင်းသော ကြက်ဥ၊ငရုတ်သီးမှုန့် ပြေးပြေးဝယ်ရသည်။ ကျောင်းပြေးပြီးခေါက်ဆွဲကြော်လာဝယ်သော မောင်ဖိုးချိုကို ကိုရှိုးတီက ငေါက်ပြီး ရာဂျားက ချုပ်နှောင်ကာ အိမ်ပြန်ပို့သည်။ အထက်တန်းရောက်သော် ရုပ်ဖျက်၍ အရက်ခိုးသောက်ရန်လာသော မောင်ဖိုးချိုကို တရုတ်ကမှတ်မိပြီး နားရင်းအုပ်၏။ သူ့အဖေအားတိုင်၏။ တရုတ်နှစ်ကူးလျှင် မောင်ဖိုးချိုတို့အိမ် ခေါက်ဆွဲကြော်စားမကုန်။ ဦးဟုတ်စိန်ထံတွင် အန်ပေါင်းကိုတောင်းယူသေး၏။ မူတူး ကား လေဘေးထည်ဂျင်းဘောင်းဘီကောင်းကောင်းများပါသည့်အခါ မောင်ဖိုးချိုဖို့ ဖွက်ထားတတ်သူဖြစ်၏။ . . ထို့သူတို့အား မောင်ဖိုးချို အသို့လျှင် မုန်းနိုင်ပါမည်နည်း။

. . . "မင်းကို အရမ်းခင်တဲ့သူငယ်ချင်းမို့လို့ ငါပြောမယ်။ နောက်ကို တရုတ်တွေ ၊ ကုလားတွေရောင်းတဲ့ဆိုင်မှာ ဈေးမဝယ်ပါနဲ့။ ဒါဟာ အမျိုးကိုချစ်တာပဲ။ အမျိုးကို စောင့်ရှောက်ရာလည်း ရောက်တယ်"
. . . ခက်ပြီ။ မောင်ဖိုးချို တွေကာသာနေ၏။
"မင်းမြန်မာ မဟုတ်ဘူးလား ၊ ပြောစမ်း"
"ဗမာ"
"အေးပါ။ ဗမာ မဟုတ်ဘူးလား"
"ဟုတ်ပါတယ် .. သွေးတော့ ရောတာပဲပေါ့ကွာ"
"ထားစမ်းပါ .. မြန်မာဟာ မြန်မာပဲပေါ့။ ကိုယ့်လူမျိုးကိုယ် တန်ဘိုးထားတတ်စမ်းပါ၊ ချစ်တတ်စမ်းပါ။ သာကီဝင်ကွ၊ ကိုယ့်ထီးကိုယ့်နန်း ကိုယ့်ကြထန်းနဲ့ နေလာတာ"
"ကြငှန်း ပါ"
"အေးကွာ ငှန်းငှန်း ထန်းထန်း ၊ ငါတို့ဟာ အဲလိုလူမျိုး၊ ထေရဝါဒ ဗုဒ္ဓဘာသာစစ်စစ် ၊ ကမ္ဘာပေါ်မှာ ဗုဒ္ဓဘာသာအထွန်းကားဆုံး ၊ အမျိုးဘာသာ သာသနာကို စောင့်ရှောက်ရမယ်"
"မင်း သစ္စာလေးပါး သိသလား"
"ဘာကြီး"
"သစ္စာတရား လေးပါး"
"သိတာပေါ့ဟ"
"ပြောပြစမ်းပါ"
"အာာာ .. နေဦး ၊ အိမ်ရောက်မှ အမေ့မေးပြီး ဖုန်းပြန်ဆက်ပြောမယ်။ .. နေစမ်းပါ .. ငါပြောတာဆုံးအောင် နားထောင်စမ်းပါ။ ဒီ လူမျိုးခြား၊ ဘာသာခြားတွေဟာ ငါတို့တိုင်းပြည်ကို အကွက်ချပြီး သိမ်းယူဖို့ကြံနေတာကွ။ မင်းမြဲမြဲသာ မှတ်ထား၊ မင်းသစ္စာဖောက်လုပ်မှာလား .. ဒါပဲပြော"
"မလုပ်ဘူး"
"ဒါဆို ဒီနေ့စပြီး တရုတ်တွေ ၊ ကုလားတွေကို ဆန့်ကျင်။ ဒီကောင်တွေကို အပြီးနှိမ်ထားရမယ်ကွ .. မှတ်ထား"

. . ခက်သည်။ အကြီးကြီး ခက်တော့သည်။ ယခု ဓာတ်ခဲ ဝယ်ရမည် ၊ အမေက မှာသဖြင့်ငါးသေတ္တာဘူးဝယ်ရမည်။ လမ်းထိပ်သို့ထွက်၏။ ဦးဟုတ်စိန်၏ ကုန်စုံဆိုင်ကိုတွေ့လေသည်။ ဝယ်မိလျှင် သစ္စာဖောက်ဖြစ်ရချေရော့မည်။ လမ်းတစ်ဘက်ခြမ်းမှ ၂၄နာရီဖွင့်သည်ဟုဆိုသော မီနီမတ်ဆီသို့ ခြေဦးလှည့်၏။ စိတ်တွင်မူ မကောင်းလှပေ။ ထိုမီနီမတ်ကား မိမိတို့၏ ချောင်ကျသောအစွန်အဖျားသို့ လာဖွင့်သည်မှာ လပိုင်းသာရှိသေးသည်။ ဆိုင်ဝန်ထမ်းများမှာလည်း ဝယ်သူအပေါ်ပမာမခန့်ပြုနိုင်စွမ်းရှိလှ၏။ စိတ်အနှောင့်အယှက်မဖြစ်ရပဲ ပစ္စည်းတစ်ခုကို ဝယ်၍မရစကောင်း။ ရံခါတွင် အရောင်းသမများ သီချင်းနားထောင်နေသည်ကိုလည်းကောင်း၊ အရောင်းလုလင်များ ဂိမ်းတိုက်နေသည်ကိုလည်းကောင်း ပြီးအောင်စောင့်ကြရ၏။ ဈေးကလည်း ထူး၍မသက်သာပေ။ စိတ်ပျက်သော်လည်း အမျိုးအပေါ်သစ္စာရှိလိုသော မောင်ဖိုးချိုသည် အနှီဆိုင်သို့သာ ခြေလှမ်းတော့သည်။ ဦးဟုတ်စိန်ဆိုင်ရှေ့သို့ရောက်လျှင် မျက်နှာကိုလွှဲလျက်က သုတ်သုတ်လျှောက်လေ၏။ ဦးဟုတ်စိန်တွေ့ပြီ။
"ဟေ့ .. ဖိုးချို ဘယ်တုန်း"
" .. အင်း .. ဟိုဘက်"
"အရေးမကြီးရင် ခဏဝိုင်းကူစမ်းပါကွ၊ ဒီမီးကြိုးကြီးကို ရှင်းမလို့၊ ခဏကိုင်ပေးစမ်းပါ"
. . . မီးကြိုးကိုင်ခြင်းအားဖြင့် သစ္စာဖောက်မဖြစ်တန်ရာ။ သူငယ်ချင်းကလည်း ပညတ်မထားချေ။ မောင်ဖိုးချို ဝင်ကူ၏။

. . . ဓာတ်တိုင်မှ မီးကြိုးများသည်ရှုပ်ထွေးစွာရှိနေ၏။ ဘာဘူရန်ကနားကွမ်းယာဆိုင်ခေါင်မိုးနှင့် လွတ်ရုံသာရှိတော့သည်။ မနှစ်ကမိုးတွင်းတွင် မီးများပွင့်ပြီး ရပ်ကွက်တွင်းမီးလန့်သေး၏။ တစ်နှစ်ကြာခဲ့သော်လည်း မီးကြိုးအထွေးကြီးကား သည်အတိုင်းပင်။

"မင်းတခြားသွားဦးမှာလား ၊ အိမ်ပြန်မှာလား"
"ဘာလို့လဲ"
"မသောင်းဖို့ လက်ဘက်ခြောက်ပေးလိုက်မလို့ ... တခြားသွားဦးမယ်ဆို အပြန်ဝင်ယူလိုက် ၊ လက်ဘက်ခြောက်ကောင်းကောင်းရထားတာပေးမလို့ .. ကြာပြီ"
. . . မောင်ဖိုးချိုသက်ပြင်းချ၏။ အမေ့ကိုလက်ဆောင်ပေးမည့်သူထံမှ အမေဝယ်မည့်ပစ္စည်းကိုတော့ ဝယ်ပေးသင့်ပေမည်။ ငါးသေတ္တာကို ဝယ်တော့မည်ဟုဆုံးဖြတ်၏။
"ညက ဗိုလ်လုပွဲကြည့်သေးလား"
"ကြည့်တာပေါ့ဗျ"
"ငါတို့မြန်မာအသင်းလည်း ဘယ်တော့မှ ဖလားပြန်ရပါမလဲ မသိပါဘူးကွာ ၊ လူတော့ အသံဝင်နေပြီ ၊ ငါတို့တော့ မှီမယ်မထင်တော့ပါဘူး"
"ဦးလေးတို့က မြန်မာအသင်းကို အားပေးတာလား"
"မြန်မာအသင်းအားမပေးလို့ ဘယ်အသင်းအားပေးရမှာတုန်းကွ" .. ဦးဟုတ်စိန်က ပြောရင်းနှင့်သူ့ကို တအံ့တဩကြည့်သည်။ အသက် ၆၀ကျော်ပြီဖြစ်သော တရုတ်ကြီးကား ကာလသား မောင်ဖိုးချို၏မျက်နှာကို ဖတ်နိုင်ပုံရလေသည်။ .. "မင်းလည်း မှိုင်းမိလာပြီထင်တယ်"

"ငါတို့ဟာ မြန်မာတရုတ်ကွ။ တစ်ကမ္ဘာလုံးမှာ တရုတ်တွေရှိတယ်။ တရုတ်နိုင်ငံသားချည်းဘယ်ဟုတ်မလဲကွ။ စလုံးတရုတ် ၊ မလေးတရုတ် ၊ အမေရိကန်တရုတ် ကွဲတာပေါ့။ စင်ကာပူနဲ့ကန်တော့ ဘောသမားတွေဟာ တရုတ်တွေပဲ မတွေ့ဘူးလား။ မြန်မာသင်းမှာ တရုတ်မှမပါပဲ။ မဆိုင်ဘူးလေ .. ငါတို့က မြန်မာပဲ ၊ မြန်မာသင်းအားပေးမှာပေါ့။ စင်ကာပူကတရုတ်တွေကလဲ စင်ကာပူကို အားပေးတာပေါ့။ မင်းလည်း ဘွဲ့ရ ပဲဟာ .. အမြင်ကျယ်စမ်းပါ"

. . . "ခက်တယ် ကိုဟုတ်ရေ ၊ ခေတ်ကနော် မလွယ်ဘူး။ ခင်ဗျားတို့ကျုပ်တို့နော် အလိုလိုနေရင်း ဒုတိယတန်းနိုင်ငံသားဖြစ်ကြရတယ်" .. ကွမ်းယာဆိုင်ထဲမှ ကုလားကြီးရန်ကနား ကဝင်ပြော၏။
"ကျနော်တို့ ပိုဆိုးတယ်။ ကုလားဆိုပြီးပြောတယ်နော်။ ဟုတ်ပါတယ် ကုလား ၊ လူမျိုးနော် ကုလား။ ငါ ကုလားစကားမပြော။ ငါတို့ သားသမီးတွေနော် ကုလားစကားမပြော။ တတ်တယ်နော် ၊ ဒါပေမယ့် မြန်မာလိုပဲပြောတယ်။ မြန်မာလုံချည်ဝတ်တယ်။ မြန်မာလုံချည်မဝတ်တဲ့ ကုလားတွေနော် ရှိတယ်။ ငါတို့မပါ။ ငါတို့နော် ဘုရားရှိခိုးတယ်။ ဗစ်ရှနုနော်၊လက်ခ်ျမီးနော် ငါတို့ဘုရား ဟုတ်တယ်။ ရာမာနော် ငါတို့ဘုရား ဟုတ်တယ်။ ဂေါတမနော် ငါတို့ဘုရားပဲ။ ရှိခိုးတယ်။ ငါးပိမကြိုက်လို့ မစားဘူး၊ မုန့်ဟင်းခါးစားတယ်။ အသုပ်သိပ်ကြိုက်တယ်။ ဘယ်မှာလဲ ကုလား။ . . ငါနော် ဇာတ်ပွဲသိပ်ကြိုက်တယ်။ ကိုဟုတ် သိတယ်လေ၊ ရွှေမန်းလာတဲ့နှစ်.. ငါ ဗန်းလေးလွယ်ပြီးကွမ်းယာရောင်းတုန်းရှိသေးတယ်။ ရွှေမန်းကြီး ငိုးတယ်နော် ၊ ငါငိုးတယ်။ ကိုဟုတ်နော် ငါ့ကို လှောင်တယ်"
"အင်း"
"ငါ့သားနော် ကျောင်းမှာ စာစီစာကုံးဆုရတယ်။ ငါရော ချန်ဒီရော ၈၈မှာ ဒို့အရေးလုပ်တယ်။ ဗမာတွေနော် ၂ရက် ၃ရက် ပြီး ပြန်တယ်။ ငါနဲ့ ချန်ဒီ မပြန်ဘူး။ ဟိုဘက်လမ်းက အဗ္ဗဒူလည်း ပါတယ် ၊ မပြန်ဘူး။ အား .. ချန်ဒီ့ ကို သိပ်သတိရတယ်။ စောစောသေတာလည်းကောင်းတာပဲ။ ဒီလို ခေတ်မျိုးကို သူမကြုံရတော့ဘူး" . . . ကုလားကြီးသည် ပြောရင်းက မျက်ရည်ဝဲလာ၏။ မျက်ရည်သုတ်၏။ မောင်ဖိုးချိုစိတ်တွင် များစွာဂရုဏာသက်မိလေပြီ။

"ဟုတ်ပါ့ ရန်ကနားရယ်။ ငါတို့လောက် ဘုရားတရားလုပ်သူရှိဦးမလား။ တန်ဆောင်းဆောက် လှူတယ်။ တစ်လတစ်ခါ ဘုန်းကြီးကျောင်းရောက်တယ်။ ငါတို့ဟာ ဗုဒ္ဓဘာသာအစစ်ကွဲ့ ဖိုးချိုရဲ့။ မင်းအမေ အသိဆုံးပေါ့။ နာဂစ်တုန်းကဆို ငါတို့သိန်းချီပြီးလှူတယ်။ မသောင်းသားကတောင် ငါတို့အပေါ် တမျိုးထင်သတဲ့ဟေ။ ဖိုးချို .. ငါ့အဖေဟာစစ်ထဲ ဝင်ဘူးတယ်၊ မင်းသိလား"
"ဟင့်အင်း"
"တရုတ်ဖြူကို တိုက်မလို့ဝင်တာ။ တို့နိုင်ငံကို လာနယ်ချဲ့တယ်ထင်လို့။ ကဲ .. ဘယ်မှာလဲ လူမျိုး .. ပြော"
" . . . "
"တကယ်တော့ ဗမာပြည်ဆိုတာ ပြည်ထောင်စုကွ။ အမျိုးသားနိုင်ငံ မဟုတ်ဘူး။ လူမျိုးပေါင်းစုံ တန်းတူညီမျှ ၊ လူမျိုးစွဲမထည့်ထားတဲ့ ပြည်ထောင်စု။ လူမျိုး အရေးမကြီးဘူး၊ နိုင်ငံသားပဲ အရေးကြီးတာ။ ပြောတာ နားရောလည်ရဲ့လားမသိ"
"လည်ပါတယ်ဗျ"

"ခံစရာရှိရင် အားလုံးတန်းတူခံကြရမယ်။ စံစရာရှိရင်လည်း အားလုံးတန်းတူပဲဖြစ်ရမယ်။ တာဝန်ဆိုလည်း နိုင်ငံသားအားလုံး အတူတူပဲ။ ဗမာမို့လို့ တခြားလူမျိုးတွေထက် ပိုအသာယူမယ်ဆိုရင် မတရားတာပဲ။ တစ်ကမ္ဘာလုံးကလည်း လက်ပိုက်ပြီးကြည့်မနေဘူးကွ။ လမ်းကြောင်းအလွဲကြီးကို။ .. တစ်ရာတန်တွေ၊ ခုနစ်ဆယ့်ငါးကျပ်တန်တွေ ဖျက်သိမ်းတော့ ဗမာမို့လို့ ၊ တရုတ်မို့လို့ မဖျက်ဘူးမရှိဘူးကွ။ အားလုံးဖျက်တာ ၊ အားလုံးခံကြရတာ။ ငါ့ ဆိုင်ကလေးဆို ခါလီကျသွားတာပဲ။ အရင်းပြုတ်တာပဲ။ တစ်ခါမဟုတ်ဘူး ၊ နှစ်ခါတောင်"
"ဟုတ်ပ ၊ ကျနော်တို့ လင်မယားဆို စုထားတဲ့ ရာတန်အလိပ်ကလေးတွေ ကိုင်ပြီး ငိုးရတယ်"

"တော်ပြီဗျာ .. ကြာရင် ကျွန်တော်လည်း ငိုးမိတော့မယ်။ အခု ဦးဟုတ်ဆီမှာ ငါးသေတ္တာဝယ်မယ်။ ဘာဘူ့ဆီမှာ ဓာတ်ခဲဝယ်မယ်။ နာရီဓာတ်ခဲအပြားလေး ၂ခုပေး"

"ငါတို့မှာ လူတိုင်းကို ပြောလို့မရဘူးကွ။ ဗမာတိုင်းသွားပြောလို့ဖြစ်တာမဟုတ်ဘူး။ မင်းမို့လို့ ပြောဖြစ်တာ"

"ကိုဟုတ် .. ခင်ဗျား ပြည်မကြီးရောက်ဘူးလား"ရန်ကနားကမေး၏။
"မရောက်ဘူးဘူး"
"ငါလည်း အိန္ဒိယမရောက်ဘူးဘူး။ ခု ဘင်္ဂလားဒေ့ရ်ှဆိုတဲ့ ငါ့ဇာတိနော်၊ အရှေ့ပါကစ္စတန်တောင် တခါးမှပြန်မရောက်ဘူးပါဘူး ဖိုးချိုရယ်။ ပြန်ဖို့လည်း မစဉ်းစားမိဘူး။ ငါ့ကိုယ်ငါ့နော် မြန်မာပြည်သားလို့ပဲ အောက်မေ့တယ်။ ကြာပြီ။ ဦးနုနော် ဘုရားတရားကို အများကြီးလုပ်တယ်။ နိုင်ငံရေးနဲ့ လူမျိုးရေးမရောဘူး။ ငါတို့နော် ပျော်ပျော်ကြီးပဲ မြန်မာပြည်သားလို့ ခံယူခဲ့တယ်။ အခုနော် .. ငါတို့ ကိုဘယ်သူကမှ မလိုချင်ဘူးလို့ခံစားရတယ်။ အဗ္ဗဒူလာတို့နော် ပိုးဆိုးတယ်။ ငါတို့မှာ အိမ်မရှိသလိုခံစားရတယ်။ ငါတို့က ကိုယ်အိမ်လို့သဘောထားပေမယ့် .. ဒီအိမ်က ငါတို့ကို အိမ်သားလိုသဘောမထားဘူး" . . . ကုလားကြီး မျက်ရည်သုတ်ပြန်၏။ မောင်ဖိုးချိုသက်ပြင်းချသည်။

"ငါးသေတ္တာက ဘာတံဆိပ်ယူမှာလဲ"
"ကောင်းတာပေးဗျာ"
"ယိုးဒယား ယူပေါ့၊ ပိုကောင်းတယ်"
"အင်း .. နှစ်ဘူးပေး"
"ယိုးဒယားက တစ်ဘူးပဲကျန်တော့တယ်။ မြန်မာတစ်ဘူး၊ ယိုးဒယားတစ်ဘူးယူသွား"

. . . ဓာတ်ခဲနှင့် ငါးသေတ္တာရသော် မောင်ဖိုးချိုပြန်၏။ ဖုန်းဘီလ်ငွေလက်ကျန်နည်းနေပြီကိုသတိရပြီး ရုတ်တရက် ပြန်လှည့်သည်။
"ဖုန်းငွေဖြည့်ကဒ် . . . "
. . . ရန်ကနားနှင့် ဦးဟုတ်စိန် တစ်ဦးကိုတစ်ဦးပြုံးစိစိနှင့် ကြည့်နေကြတာတွေ့ရ၏။ မောင်ဖိုးချိုပြန်လှည့်လာသည်မြင်သော် မျက်နှာများတည်သွားကြပြန်၏။

. . . မောင်ဖိုးချို ဒေါထချေပြီတည်း။
"ဘာလဲဗျ .. ခင်ဗျားတို့က .. ပြုံးစိစိနဲ့။ ကျွန်တော့်ကို ဖြီးတာလား။ ကျွန်တော်ကတော့ စိတ်မကောင်းဖြစ်လို့။ ခင်ဗျားတို့ ဘာကောင်းသလဲ။ ဒါကြောင့် သူငယ်ချင်းတွေကပြောတာပဲ .. ။ ခုနပြောတာတွေ အလကားပေါ့" .. မောင်ဖိုးချိုအသံက ကျယ်လာပြီ။
"မဟုတ်ဘူး .. ဖိုးချို။ ငါတို့ပြောတာ အမှန်တွေပါကွာ။ မယုံရင် မင်းအမေမေးကြည့်ပါ"
"ဒါဖြင့် ဘာလို့ ခင်ဗျားမျက်စိမှိတ်ပြတာလဲ ဘာဘူ့ကို"
"ဟိုဟာကွာ .. ဟိုဒင်း .. မင်းကို ပေးလိုက်တဲ့ငါးသေတ္တာက အိတ်စပိုင်ဒိတ်နီးနေလို့ပါကွာ .. ဘာမှ မဟုတ်ဘူး .. ပေးပေး ငါ အသစ်ပြန်လဲပေးမယ်။ မြန်မာနှစ်ဘူးပဲယူသွားတော့။လက်ဘက်ခြောက်လည်းယူသွားဦး ၊ ခုနက မေ့လို့"

"ခင်ဗျားတို့ဗျာ .. "
"ဘာဘူ ဘာမှမလုပ်ဘူးနော် ၊ ပေးပေး .. ငွေဖြည့်ကဒ် ဘယ်လောက်တန်ယူမလဲ"
. . . ငွေလက်ကျန်ကို အိတ်ထဲမှထုတ်ကြည့်၏။ ဘာဘူပြန်အမ်းထားသော ငါးထောင်တန်တစ်ရွက်သာ အတန်ကြီးကျန်တော့သည်။
"၅၀၀၀တန် .."
. . . ဘာဘူက ပိုက်ဆံကို ခပ်သွက်သွက်လှမ်းယူ၏။ မောင်ဖိုးချို မသင်္ကာသဖြင့် ပိုက်ဆံကိုကြည့်မိသော် ငါးထောင်တန်က နံပါတ်ပျက်လောက်အောင် ထောင့်တွင် အကြီးကြီးစုတ်နေလေသတည်း။

ယက္ခ။
၁၄_၁၉၊ ၆၊ ၁၅။
https://www.facebook.com/yekkha.yejee
https://www.facebook.com/yekkha.yegyii.fanpage
http://yekkhayejee.blogspot.com/