ရဲနှစ်ယောက် ဓားထိုးခံ သေရတယ်။ ရုပ်ရှင်တွေထဲ ကြည့်ဖူးတာတော့ ရဲသေရင် ရဲတပ်ဖွဲ့က စစ်ဆင်ရေး သဲကြီးမဲကြီး လုပ်တာပဲ။ လူဆိုးအချင်းချင်း ဘယ်လောက်သတ်သတ် ဂရုစိုက်ချင်မှ စိုက်မယ်၊ ရဲသေရင်ကတော့ မရဘူး မြေလှန်ပစ်တာ။ ရဲသတ်တဲ့လူကို ဖမ်းတာလောက်နဲ့လဲ ရပ်မနေဘူး၊ နောင်ဒါမျိုး မဖြစ်အောင် အစီအမံတွေ လုပ်ကြတယ်။ “ရဲ” တောင် မလုံခြုံရင် “ရဲ” က ကာကွယ်မယ်ဆိုတဲ့ ပြည်သူဆို ဘယ်ချောင်မှာ ပုန်းနေရမလဲ။
တရားခံပြေး လိုက်ဖမ်းရင်း ဟိုက ဓားနဲ့ထိုးလို့ နှစ်ယောက်သေတယ်ဆိုတာက ကြားရတာ မသက်သာ။ တရားခံပြေးက အသက်က ၄၇ ကိုယ်ခန္ဓာက အသန်မာအဖျတ်လတ်ဆုံး အချိန်မဟုတ်ဘူး။ သွားဖမ်းတာက ရဲရှစ်ယောက်။ ၊ ဟိုက သေနတ်နဲ့လဲ ပစ်တာမဟုတ်၊ ဓားနဲ့ထိုးတာ၊ ကိုယ့်ဘက်က နှစ်ယောက်သေသွားတယ်။ တရားခံက သိုင်းပညာ ကျွမ်းကျွမ်းကျင်ကျင် တတ်နေလို့လား၊ ရဲ တွေက ရဲ အတတ် မတတ်လို့လား။ victim ကို အပြစ်တင်တာ မဟုတ်ဘူး လိုက်တွေးကြည့်တာ။
ရဲတွေကထွားထွားကျိုင်းကျိုင်းနဲ့ မြင်ရုံနဲ့ ဖျားလောက်တဲ့ ရုပ်မျိုးလည်း မရှိဘူး။ အာဟာရနည်းနည်းနဲ့ ရှုနာရှိုက်ကုန်းပုံတွေ။ ယာဉ်ထိန်းရဲလောက်ပဲ မြင့်မြင့်မားမား သန်သန်မာမာ ရှိကြတယ်။ လက်ပံတန်းတုန်းက လူအုပ်ကြီးကို လက်နဲ့တားဖို့ ဟန်ပြင်နေတဲ့ ရဲတွေ ကြောက်နေကြတဲ့ပုံ မှတ်မိသေးတယ်။ လူအုပ်က သူတို့ကြည့်ရင် ရှေ့မတိုးရဲဘဲ ရှိန်သွားရမယ့်ရုပ်ထွက်ရမှာ အခုဟာက သူတို့မျက်နှာက ဇီးရွက်လောက်။ ကောင်းကောင်းစား၊ ကောင်းကောင်းကျင့်ထားရတဲ့ EU က ရဲတွေက ဒီလို လုပ်လုပ်လဲ့လဲ့ရဲတွေကို သူတို့နည်းနဲ့ ကျင့်ပေးလို့ အဆင်ပြေပါ့မလားလို့ သူတို့တွေ စသင်တန်းပေးကတည်းက တွေးမိသေးတယ်။
လက်နက်ကိရိယာ မစုံလင်လို့လား။ သိသလောက် ရဲ ကလည်း ပြည့်ပြည့်စုံစုံ မရှိလှဘူး။ ရဲစခန်းတွေ ၀င်ကြည့် လက်နှိပ်စက်တောင် ကကြီး တခြမ်းပဲ့နဲ့ လက်နှိပ်စက်တွေ။ ကားလည်း without တွေ သိမ်းလိုက်တော့မှ စပြီး ပြောင်ပြောင်ရောင်ရောင်လေးရှိလာပုံပဲ။ အရင်က ကားတွေက ဒုတိယကမ္ဘာစစ်ကျန် ကားတွေကျနေတာ။ ခြစားတဲ့ကိစ္စကြောင့်လည်း ရဲက ထင်သလောက် မ“ရဲ” နုိုင် ဖြစ်နေတာ။ ခြစားတာကလည်း မြန်မာတစ်နုိုင်ငံလုံး မကင်းကြတော့ ရဲ လည်း ဘာသားနဲ့ ထုထားတာမို့လဲ။ သူ့ကွက်ပြီး အပြစ်တင်ဖို့ ခက်တယ်။ အမှုဖြစ်ကားတောင် ရဲစခန်းထဲ အသိမ်းခံထားရင်း ဟိုဟာ အဖြုတ်ခံရ ဒီဟာ အဖြုတ်ခံရတယ်ဆိုပြီး လူတွေကြောက်ကြကတည်းက ဘယ်ဟုတ်တော့မလဲ။ ခြစားရင် ပြည်သူလူထုက အထင်သေးပြီး အားကိုးယုံကြည်မှာ မဟုတ်ဘူး။ လူဆိုးဖမ်းရင် ၀ိုင်းကူကြမှာ မဟုတ်ဘူး။
တရားခံမိလိုဇောနဲ့ ၀င်ဖမ်းလို့ ဒီလို ဖြစ်တာလို့လည်း သတင်းထဲမှာ ရဲတစ်ယောက်က ပြောထားတယ်။ ၀င်ဖမ်းတာနဲ့ သေတာနဲ့ သိပ်မဆိုင်ဘူး ထင်တယ်။ ဘယ်ဇောနဲ့ ၀င်ဖမ်း ၀င်ဖမ်း ရဲကို အလွယ်တကူသတ်လို့ရတယ်ဆိုတာ မကောင်းဘူး။ ရဲညံ့ရာရောက်တယ်။ ရဲညံ့လို့ လူဆိုးတွေက ရဲကို အထင်သေးရင် ရာဇ၀တ်မှု ခဏနဲ့ မြင့်လာမယ်။
ဆုံးသွားတဲ့ ရဲတွေက အသောက်အစားမရှိဘူး၊ လူချစ်လူခင်ပေါတယ်လို့ သိရတယ်။ ဒါဆိုရင် ဆုံးရှုံးမှုက ပိုကြီးတယ်။ ပြည်သူချစ်တဲ့ရဲတွေ အများကြီးရှိမှ ပြည်သူ့ရဲ ဖြစ်မှာ။ ရဲတွေကို ပြည်သူတွေ ချစ်ခင်အားကိုးဖို့လိုသလို လူဆိုးတွေက ဖိန့်ဖိန့်တုန်အောင် ကြောက်နေရမှာ။ ဒီလိုဖြစ်ဖို့ ပြည်သူနဲ့တွေ့ရင် “ရေ” လို၊ လူဆိုးနဲ့တွေ့ရင် “မီး” လို ကျင့်နုိုင်ရမှာ။
ရဲတွေ ပြည်သူအားကိုးရတဲ့ ပြည်သူ့“ရဲ” ဖြစ်စေချင်တယ်။ နုို့မို့ ပြည်သူတွေ ဘ၀ ကျီးလန့်စာစားနဲ့ နေကြရမှာ။