ဧပြီလ ၂၉ ရက် မွန်းလွဲ  ၂  နာရီခန့်က ရန်ကုန်မြို့တော်ခန်းမအနီး၌ တည်ရှိသော ဟိုတယ်တစ်ခုတွင် မန္တလေးသား ဗျူးဆရာနှစ်ဦး၏အင်တာဗျူး  စာအုပ်ကောင်းဟု  ဆိုနိုင်သည့် ‘မြန်မာ့နိုင်ငံရေး ပဋိညာဉ် ပြုပြင်ပြောင်းလဲရေး ရေစီးကြောင်းနှင့် ၂ဝ၁၅ အလားအလာ’ ဟူသော စာအုပ်မိတ်ဆက်ပွဲ ကျင်းပခဲ့သည်။

အဆိုပါစာအုပ်က နိုင်ငံရေးပညာရှင် လာရီဒိုင်းမွန်း (အချိုးကျ မဲပေးစနစ်ကို  Promote  လုပ်သူ၊ နိုင်ငံတော်သမ္မတ ဦးသိန်းစိန်  အမေရိကန်သို့ သွားရောက်လည်ပတ်စဉ်ဝင်ရောက်တွေ့ဆုံခဲ့သူ၊  ဆရာမင်းဇင် ၏ ဆရာအဖြစ်လည်း လူသိများသူ)၊ Soldiers  and  Diplomacy in Burma စာအုပ်ကို ရေးသားသူ လယ်ရီ ဂျာဂင်နှင့်  မြန်မာ့ရေးရာ  ကျွမ်းကျင်သူတစ်ဦးအဖြစ် သတ်မှတ်ခြင်း ခံရသည့်ဆွီဒင်စာနယ်ဇင်းဆရာ ဘာတီ လင့်တနာတို့ကို မြန်မာ့ရေးရာ အဖြာဖြာနှင့်ပတ်သက်ပြီး မန္တလေးသား ဗျူးဆရာနှစ်ဦးက စူးစူးရှရှ တွေ့ဆုံမေး မြန်းထားသည့် စာအုပ်ဖြစ်သည်။ အကြောင်းအရာက မြန်မာ့နိုင်ငံရေး အနာဂတ်ကို သူ့အမြင်၊ ကိုယ့်အမြင်မှန်း ဆတွက်ချက်ပြခြင်း ဖြစ်သည်။ စကားလုံးတစ်လုံးတည်းဖြင့် ပြောရလျှင် ‘မြန်မာ့နိုင်ငံရေး ဟောကိန်းများ’  ဟုသတ်မှတ်နိုင်သည်။ အဆိုပါဟောကိန်းများတွင် ထိပ်သီးခေါင်းဆောင် လေးဦး၊ အာဏာရပါတီ၊ အတိုက်အခံ ပါတီ၊  တပ်မတော်၊  တိုင်းရင်းသားလက်နက်ကိုင်  အဖွဲ့အစည်းများနှင့် ပတ်သက်ပြီး စူးရှထက်မြက်သော သုံးသပ်ချက်များ ပါဝင်သည်။ ထို့အပြင် ထိုစာအုပ်ထဲ၌ နောင်ရွေးကောက်ပွဲ သက်တမ်းတွင်တစ်ကြိုပြေး နေသည့်  အမျိုးသား  ဒီမိုကရေစီအဖွဲ့ချုပ်နှင့် ပတ်သက်သော ထင်မြင်သုံးသပ်ချက်များက စိတ်ဝင်စားစရာ အကောင်းဆုံးဖြစ်နေသည်။

အဆိုပါစာအုပ်ထဲတွင်  ပါရှိသောအကြောင်းအရာများနှင့် ပြင်ပတွင် ဖြစ်ပေါ်နေသော  အသံများအရ  ဒီချုပ်ကို မေးစရာမေးခွန်းများ ရှိလာပေသည်။

အမျိုးသားဒီမိုကရေစီအဖွဲ့ချုပ်သည်  အတိတ်တွင်  သမိုင်းပေးတာဝန်ကို ကျေပွန်ခဲ့သည့် ပါတီကြီး တစ်ခု၊ သို့မဟုတ် ၎င်းတို့၏ ပေးဆပ်မှု၊ အနစ်နာခံမှု၊ တာဝန်ကျေပွန်မှုတို့နှင့်ပတ်သက်လျှင် မေးခွန်းထုတ်စရာ မလို၊ သံသယရှိစရာမလိုသော ပါတီကြီးတစ်ခု ဖြစ်ပေသည်။ ထိုသို့သော နိုင်ငံရေးပါတီကြီးတစ်ခုအနေဖြင့်  နိုင်ငံ၏ အနာဂတ်အပေါ် ထည့်ဝင်သယ်ပိုးနိုင်သည့်  ‘အား’  နှင့်  ‘ဇ’  တို့ကိုလည်း သံသယမြူမှုန် တစ်စက်မျှ  မရှိလောက်အောင်ပင် ဖြစ်သည်။

အသို့ဆိုလျှင်  ဒီချုပ်၏  အနာဂတ်သည် အဘယ်နည်း။ အတိတ်ဖြစ်စဉ်နှင့် မျက်မှောက်ကာလ အခြေအနေများပေါ် မူတည်ပြီး ဒီချုပ်၏အလားအလာကို သုံးသပ်သည်များကလည်း ရှိသည်။

”ဒီချုပ်တွင် အကြီးမားဆုံးသောအားနည်းချက်မှာ စီးပွားရေးဖြစ်ပြီးပါတီ၏ ဖွဲ့စည်းတည်ဆောက်ပုံကို ပြန်လည်ပြင်ဆင်၊ ပြန်လည်တည်ဆောက်ရေးသည် အလွန်အရေးကြီးသောမစ်ရှင်ဖြစ်သည်” ဟူ၍ ဖော်ပြ ထားသည်။ (စာ-၁၃)

ခေါင်းဆောင်ကြီးတစ်ဦးအပေါ် မှီခိုလွန်းခြင်းသည် လတ်တလော၌အဆင်ပြေနိုင်သော်လည်း    ရေရှည် တွင် ကောင်းကျိုးထက် ဆိုးကျိုးကပိုများလိမ့်မည်ဟု နိုင်ငံရေးအသိုင်းအဝိုင်းကလည်း သုံးသပ်နေကြသည်။

”ထို့ပြင်  ဒီချုပ်ကို  ဝန်းရံအားဖြည့်သည့်  လူတန်းစားနှင့်  အဖွဲ့အစည်းတို့တွင် ပညာရှင်များ၊ အထူး ကျွမ်းကျင်သူများ၊ တတ်သိပညာရှင်များသည်လည်း အားရလောက်သော အနေအထားတစ်ခုအထိ မရောက် သေး။ ရှိနေသည့် အနေအထားနှင့်ပင် ပညာရှင်တို့နှင့် ပညာရပ်ဆိုင်ရာ အဖွဲ့အစည်းတို့၏ အကြံဉာဏ်၊ တိုက်တွန်းချက်များကို  ထည့်သွင်းစဉ်းစားဆောင်ရွက်သည့်  လုပ်ငန်းစဉ်ကလည်း  ကင်းမဲ့နေ သယောင်ဖြစ် နေသည်။  အကယ်၍သာထိုသို့သော  အခြေအနေမျိုးသည်  ဒီချုပ်တွင် အနု သို့မဟုတ် အရင့်လိုက်ဖြစ်ပေါ် နေပါက  စိုးရိမ်ပူပန်စရာ  အနေအထားပင်ဖြစ်သည်။ (စာ-၁၄)

တစ်ဖန်  ဒီချုပ်တွင်  တိုင်းပြည်ကိုမင်းလုပ် အုပ်ချုပ် စီမံခန့်ခွဲနိုင်မည့်အုပ်ချုပ်ရေးသမားကောင်း လောင်း လျာများကလည်း အလွန်တရာချို့တဲ့လှသည်ဟု  သတင်းကလည်း  ပြေးနေသည်။ ထိုသို့ဖြစ်ရခြင်းက ဖြတ် သန်းခဲ့ရသော သမိုင်းခရီးကြမ်းကြောင့်ဟု ဆိုနိုင်သလို ပါတီ၏ လူ့စွမ်းအား အရင်းအမြစ်တို့သည် ဘဝ တက္ကသိုလ်ဖြစ်သည့် နရသိန်တွင် ၎င်းတို့၏ နုပျိုအဖိုးတန်လှသောအရွယ်ကို  ကုန်လွန်ပေးဆပ်ခဲ့ရသည့်  အခြေအနေကြောင့်လည်း အုပ်ချုပ်ရေးနယ်ပယ်တွင်  ပိုင်ပိုင်နိုင်နိုင်  နေရာယူရမည့် လူ့အင်အားနှင့် အရည် အချင်းတို့သည်  လက်ရှိအနေအထားအထိ အဆင်သင့် မရှိလှဟု ယူသော် ရမည်ထင်သည်။ တစ်သက်တာ ပတ်လုံး အတိုက်အခံလမ်းကြောင်းနှင့် တော်လှန်ရေးဖြစ်စဉ်တို့ကို ဖြတ်သန်းလာရသည့်အတွက် အုပ်ချုပ် ရေးသည် နိုင်ငံရေးသမားများနှင့်လားလားမျှ မဆိုင်ဟူသော ယုံမှားစွဲလမ်းသည့် စိတ်အခံများကလည်း  ရှိနေသည်ဟု ယူဆရပေမည်။

”အုပ်ချုပ်ရေးပိုင်းတွင် လုံလောက်သော လူအင်အားနှင့် အရည်အချင်းများ ဒီချုပ်တွင် မရှိလျှင်၊ အဆင်သင့်မရှိခဲ့လျှင် ၂ဝ၁၅ နှောင်းပိုင်းတွင်ဒီချုပ်သည်  ညွန့်ပေါင်းအစိုးရ  ဖွဲ့စည်းရဖွယ်ရှိသည်”  ဟု ဖော်ပြထားသည်။ (စာ-၂၅)

ဒီချုပ်သည် အာဏာရပါတီဖြစ်လာပါက နိုင်ငံ၏ ပဓာနပြဿနာရပ်များကို မည်ကဲ့သို့ ကိုင်တွယ်ဖြေရှင်း မည်နည်းဟူသော မေးခွန်းများကလည်း  ရှိနေသည်။  တစ်နည်းအားဖြင့်ဆိုရလျှင် အောက်ပါ မေးခွန်းများကို ဒီချုပ်ဖြေဆိုပါဟူ၍ ဖြစ်သည်။

(၁) နိုင်ငံ၏ အနောက်ဘက်ရခိုင်ပြည်နယ်တွင် ဖြစ်ပွားနေသောလူမှုအုပ်စုနှစ်ခု၏ နက်ရှိုင်းကျယ်ပြန့် လှသော ပဋိပက္ခကို မည်ကဲ့သို့ဖြေရှင်းမည်နည်း။ အတိမ်းအစောင်းလုံးဝမခံသည့် ပြဿနာကို ဒီချုပ်သည် လက်ရှိအာဏာရပါတီကဲ့သို့ပင် ရှေ့ဆက်စခန်းသွားမည်လော။

(၂) လိုင်ဇာအရေးနှင့် ပတ်သက်ပြီး ဒီချုပ်သည် မည်သို့သဘောထားကျင့်သုံးမည်နည်း။ အပစ်အခတ် ရပ်စဲရေးကို ရှေ့တန်းတင် ဆွေးနွေးမည်လော၊ နိုင်ငံရေးဒိုင်ယာလော့ခ်ကိုရှေ့တန်းတင်မည်လော၊ ရွေးချယ် စရာ နှစ်ခုစလုံးသည် ဘေးကျပ်နံကျပ်များဖြစ်သည့်အတွက် မည်သို့ဖြေရှင်းမည်နည်း။

(၃) လက်နက်ကိုင် အင်အား ၃ဝ,ဝဝဝ ကျော် ရှိသည့် ‘ဝ’ ဒေသ၏ အနေအထားကို ရှိမြဲအတိုင်းထား မည်လား။ သို့တည်းမဟုတ် ၎င်းတို့တောင်းဆိုသည့် ပြည်နယ်အရေးကိုမည်သို့မည်ပုံ စဉ်းစားဖြေရှင်းမည်နည်း။

(၄) မြစ်ဆုံကို အပြီးအပိုင် ရပ်စဲပစ်မည်လော၊ သို့မဟုတ် လက်ရှိသမ္မတ၏ ဆုံးဖြတ်ချက်အတိုင်း မိမိ တို့အစိုးရလက်ထက်တွင်လည်း ရပ်ဆိုင်းထားမည်ဟု ထုတ်ပြန်ကြေညာမည်လော။

(၅)  လယ်ယာမြေ ပြဿနာ၊ အကျင့်ပျက် ခြစားမှု သို့မဟုတ်လာဘ်ပေးလာဘ်ယူ တိုက်ဖျက်ရေး၊ တရားဥပဒေစိုးမိုးရေးတို့တွင် ဒီချုပ်အနေဖြင့် မည်သို့သော အံ့သြဘနန်းဖြစ်ဖွယ်ကောင်းသည့် မဟာဗျူဟာ များ၊ စီမံဆောင်ရွက်ချက်များဖြင့် ဖြေရှင်းမည်နည်း။

(၆) တိုင်းရင်းသားပါတီများနှင့်တိုင်းရင်းသားလက်နက်ကိုင် အဖွဲ့အစည်းများ၏ ယုံကြည်မှုအပြည့် အဝ ရနေပြီလော။ ယခုထိတိုင် ဖက်ဒရယ်ပြည်ထောင်စုစနစ် တည်ဆောက်ရေးတွင်လည်းကောင်း၊  ပြည်တွင်း ငြိမ်းချမ်းရေးလုပ်ငန်းစဉ်များတွင်လည်းကောင်း လောက်လောက်လားလား စီမံဆောင်ရွက်သည့် ခြေလှမ်းများ၊ ဆွေးနွေးမှုများမတွေ့ရသေးဟု ထင်ပါသည်။ ဒီချုပ်ဥက္ကဋ္ဌနှင့် ဒီချုပ်ပါတီသည်ပြည်ထောင်စု စနစ်တည်ဆောက် ရေး အတွက် ခိုင်မာသောအာမခံချက်ကို တိုင်းရင်းသား  အင်အားစုအသီးသီးအား  မပေးနိုင်သမျှကာလ ပတ်လုံး မိမိတို့ မျှော်လင့်ရသော အဖြေမျိုး၊ အခြေအနေမျိုးကို  မမျှော်လင့်အပ်ဟု  ထင်ပါသည်။

(၇) ရွေးကောက်ပွဲအပြီး နှစ်ပေါင်း  ၂ဝ  ကာလအထိ  ရည်မှန်းထားသည့် Game Plan ကို မည်သို့သောအစီအမံ၊ အစီအရင်များဖြင့် ရုန်းထွက် ချေဖျက်မည်နည်း။ ထပ်မံသတိပြုရန်မှာ အဆိုပါ Game Plan သည်  အချိန်ကာလနှင့်အညီ Update လုပ်ထားခြင်းပင်ဖြစ်သည်။ ပွင့်လင်းလာသော အခင်းအကျင်း သစ်တွင် မူလဘူတ အစီအမံများထက်ပင် သေသပ်ခမ်းနားသော Game Plan များ အသစ်အသစ်များထွက်ပေါ် လာခဲ့လျှင် မည်ကဲ့သို့ဆန်တက်မည်နည်း။

လက်ရှိကာလတွင် ဒီချုပ်သည်ဖွဲ့စည်းပုံအခြေခံဥပဒေ ပြင်ဆင်ရေးကို ထိပ်တန်းဦးစားပေး နံပါတ် (၁) အဖြစ် ခံယူပြီး လှုပ်ရှားဆောင်ရွက်နေသည်ကို တွေ့နေရသည်။ ဒီချုပ်အနေဖြင့် မျက်နှာစာသုံးခုကို မပြတ် မလပ် သတိပြုဖို့ လိုအပ်ပါလိမ့်မည်။ ထိုသုံးခုမှာ  တပ်၊  ပြည်သူနှင့်  တိုင်းရင်းသားအင်အားစုတို့ ဖြစ်ပေသည်။ ဖွဲ့စည်းပုံအခြေခံဥပဒေ ပြင်ဆင်ရေးတွင် တပ်၏ ထောက်ခံမှု လိုသည်။ ရွေးကောက်ပွဲအောင်နိုင်ရေးတွင်  လူထု၏  ထောက်ခံမှုလိုသည်။  မြန်မာ့နိုင်ငံရေးပြဿနာအခေါင်အချုပ်ကိုဖြေရှင်းနိုင်ရန် တိုင်းရင်းသားအင်အား စုအသီးသီး၏ ထောက်ခံမှု လိုအပ်သည်။

အတိတ်တွင်  ခေတ်က  ထမ်းတင်ပေးလိုက်သော တာဝန်ကို ကျေပွန်စွာ ထမ်းဆောင်ခဲ့သည့် နိုင်ငံရေး ပါတီတစ်ခုအနေဖြင့် သမိုင်းတွင်ရစ်လောက်အောင် ကြီးမားပြင်းထန်မည့် စိန်ခေါ်မှုများ၊ တာဝန်များကို ကျေပွန်စွာ ထမ်းဆောင်နိုင်မည်လားဟူသော  မေးခွန်းက  မင်းလောင်းပါတီအတွက် တပ်လှန့်သံ ဖြစ်ကောင်း ဖြစ်နိုင်ပါလိမ့်မည်။

ရည်ညွှန်း။ ။ ဝင်းမောင်ဖေ၊ မြန်မာ့နိုင်ငံရေး ပဋိညာဉ် ပြုပြင်ပြောင်းလဲရေးရေစီးကြောင်းနှင့်  ၂ဝ၁၅ အလားအလာ။ ရန်ကုန်၊ Myanmar Identity စာပေ၊ ၂ဝ၁၄။