The Voice သတင်းစာမှ
****NLD ခေတ် အစကောင်းပြီ
-------------------------
-------------------------
အဆင့်သုံးဆင့်
စာရေးသူက ရွေးကောက်ပွဲကို အဆင့်သုံးဆင့်ခွဲပြီး စောင့်ကြည့်လိုသည်။ ပထမအဆင့်မှာ မဲပေးပုံ မဲပေးနည်း။ ကိုယ်တိုင်ပေးခဲ့ရသော အတွေ့အကြုံအရ ကျေနပ်စရာပင် ဖြစ်သည်။ ပြည်သူ့လွှတ်တော်၊ အမျိုးသားလွှတ်တော်နှင့် တိုင်းဒေသကြီးလွှတ်တော် မဲပုံးသုံးပုံးအတွက် လက်မှတ်ခြောက်ခါ ထိုးရသည်။ ပြီးတော့ ဘယ်ဘက်လက်သန်း မင်ဆွတ်၊ လူတစ်ယောက်တည်းက နှစ်ကြိမ်ပြန်ပေးဖို့ ဘယ်လိုမှမလွယ်။ စိတ်ထဲက ဘဝင်ကျသွားသည်။
နောက်တစ်ဆင့် မဲရေတွက်ပုံ။ ၂၀၁၀ အတွေ့အကြုံရှိနေ၍ သတိထား စောင့်ကြည့်မိသည်။ အငြင်းပွားဖွယ် ပြဿနာအချို့ ရှိသလောက် ရှိသော်လည်း ရွေးကောက်ပွဲရလဒ်ကို ထိခိုက်စရာ မရှိလှ၍ လျစ်လျူရှုထားလိုက်သည်ကသာ ပိုကောင်းမည်ထင်သည်။ ခြုံလိုက်လျှင် မဆိုး။ အသိအမှတ်ပြုသင့်သည်၊ အမှတ်ပေးသင့်သည်။ မင်္ဂလာပါ ကော်မရှင်၊ မင်္ဂလာပါ ဦးတင်အေး။ သို့ဖြင့် နောက်ဆုံးအဆင့် အေးအေးညောင်းညောင်း အာဏာလွှဲပြောင်းရေးသာ ကျန်တော့သည်။
ပြောရလျှင် ပြီးခဲ့သော ဧပြီလအတွင်းကပင် International Crisis Group (ICG) က ရွေးကောက်ပွဲနှင့် ပတ်သက်သော အစီရင်ခံစာတစ်စောင် ထုတ်ပြန်ခဲ့ပြီး ဖြစ်သည်။ (Myanmar's Electoral Landscape) ICG ၏ အလိုအရ ‘နိုဝင်ဘာတွင် ကျင်းပမည့် ရွေးကောက်ပွဲမှာ အထိုက်အသင့် Free and Fair ဖြစ်ပါလိမ့်မည်။ အထူးစောင့်ကြည့်ရမည့် ကာလမှာ ရွေးကောက်ပွဲအပြီးမှ အစိုရအဖွဲ့သစ် ထွက်ပေါ်လာမည့် ကြားသုံးလ သို့မဟုတ် လေးလဖြစ်ဖွယ် ရှိသည်’ ဟု အကဲဖြတ်ထားသည်။ ဤအကဲဖြတ်ချက်ကို စာရေးသူက လက်ခံထားရာ ယခုရောက်ရှိလာသော နောက်ဆုံးအဆင့်ကို ရင်တမမ စောင့်ကြည့်နေမိသည်။ ‘၁၉၉၀ ရွေးကောက်ပွဲလိုများ ကြုံရလေမလား..’။
အတိတ်မှ အရိပ်
၁၉၉၀ ရွေးကောက်ပွဲ ကျင်းပစဉ်က စာရေးသူမှာ မန္တလေးထောင်တွင် ရောက်နေသည်။ ထိုစဉ်က နန်းတွင်းတောရတွင် နိုင်ငံရေးအကျဉ်းသား သုံးရာနီးပါးခန့် ရှိသည်။ CPB ယူဂျီက တစ်ရာဝန်းကျင်၊ NLD က တစ်ရာနီးပါး။ ယခု ရွေးကောက်ပွဲအတိုင်းပင်။ ထိုစဉ်က NLD သည်လည်း တောင်ပြိုကမ်းပြို အနိုင်ရလိုက်သည်။ အပြင်မှ အပျော်လှိုင်းမှာ ထောင်ထဲအထိ ကူးစက်လာရာ စာရေးသူတို့အားလုံး အမြူးလွန်ကုန်ကြတော့သည်။ ‘Parker Constitution တစ်ခု အမြန်ရေး၊ အဲဒီယာယီ Constitution နဲ့ အာဏာလွှဲပြောင်းရေးကို အမြန်လုပ်’ စသော အသံတွေကိုလည်း ကျယ်ကျယ်လောင်လောင် ကြားလာရသည်။
ဤတွင် စာရေးသူအနေနှင့် မိမိ စဉ်းစားမိသည်များကို မိတ်ဆွေများသို့ ပြောကြည့်သည်။ “အခုဟာက Popular Vote နဲ့ နိုင်တာနော်။ Popular Revolution မဟုတ်ဘူး။ ဒီတော့ လိုချင်တာ အကုန်မရနိုင်ဘူး။ အာဏာလွှဲပြောင်းရေး ဆိုတာထက် Power Sharing အခြေခံနဲ့ ကိုယ့်ဘက်က Call စခေါ်သင့်တယ်။ ဆွေးနွေးညှိနှိုင်းဖို့ ကမ်းလှမ်းသင့်တယ်” စသဖြင့်။
NLD မိတ်ဆွေများက စာရေးသူ စဉ်းစားချက်ကို တစ်စုံတစ်ရာ လက်ခံကြသော်လည်း UG သူငယ်ချင်းများကမူ အကြီးအကျယ် ထောင်တိုက်ကြသည်။ ‘အညံ့ခံအလျှော့ပေးရေး လမ်းစဉ်’ ဘာညာစွပ်စွဲကြသလို ‘စင်ပြိုင်အစိုးရထောင်၊ တော်လှန်ရေးလုပ်’ စသဖြင့်ပင်။ မီးရှူးမီးပန်း လွှတ်ကြသည်။ နောက်ဆုံး ရဲရဲတောက် လေထုအောက်တွင် လက်တွေ့ဖြစ်နိုင်ခြေများလည်း လေနှင့်အတူ ပျောက်ဆုံးခဲ့ရတော့သည်။ လွန်ခဲ့သော ၂၅ နှစ်က အဖြစ်၊ ကြာခဲ့ပြီကော။
ပြန်လည်သင့်မြတ်ရေး လေထု
၂၅ နှစ်ဆိုသော ခရီးရှည်၊ ခရီးကြမ်းကို ဖြတ်သန်းပြီးသောအခါ မြန်မာ့နိုင်ငံရေး အင်အားစုများလည်း ရင့်ကျက်တန်သလောက် ရင့်ကျက်လာကြပြီ ထင်ပါသည်။ NLD ခေါင်းဆောင် ဒေါ်အောင်ဆန်းစုကြည် ကိုယ်တိုင်က 'မိမိတို့ပါတီ အနိုင်ရလျှင် အမျိုးသားရင်ကြားစေ့ရေးကို အခြေခံသော အစိုးရတစ်ရပ် ဖွဲ့စည်းမည်'ဟု ရွေးကောက်ပွဲမတိုင်မီကပင် အတိအလင်း ကြေညာထားသည်။ တစ်ဖက်မှ သမ္မတကြီး ဦးသိန်းစိန်နှင့် ဗိုလ်ချုပ်မှူးကြီး မင်းအောင်လှိုင်တို့ကလည်း ‘ရွေးကောက်ပွဲရလဒ်ကို အသိအမှတ်ပြုမည်၊ အနိုင်ရပါတီနှင့် လက်တွဲဆောင်ရွက်မည်’ စသဖြင့် ရွေးကောက်ပွဲ မတိုင်မီကရော၊ ရွေးကောက်ပွဲနေ့ကပါ လူသိရှင်ကြား ကတိပေးထားသည်။
အရေးကြီးဆုံးအချက်မှာ NLD ၏ ဦးနှောက်နှင့် အသည်းနှလုံးဟု ဆိုနိုင်သော ဒေါ်အောင်ဆန်းစုကြည် အနေနှင့် ၁၉၉၀ တုန်းကလို နေအိမ်အကျယ်ချုပ် ကျမနေခြင်းပင်။ သူ့ပါတီကို တိုက်ရိုက်ဦးဆောင်မှု ပေးနိုင်ရုံမျှမက မဟာဗျူဟာကျကျ စဉ်းစားဆုံးဖြတ်နိုင်ခြင်းပင် ဖြစ်သည်။ ရွေးကောက်ပွဲရလဒ် သေချာသလောက် ရှိသည်နှင့် နိုင်ငံတော်သမ္မတ၊ ကာကွယ်ရေးဦးစီးချုပ်နှင့် ပြည်ထောင်စုလွှတ်တော် နာယကတို့ထံ သီးခြားစာတစ်စောင်စီ ပို့ပြီး ဆွေးနွေးဖို့ ကမ်းလှမ်းမည်။ (စာတစ်စောင်တည်းနှင့် ဆွေးနွေးဖို့ ဖိတ်ခေါ်သည် မဟုတ်။ စာတစ်စောင်စီရေးပြီး ကမ်းလှမ်းသည်။ ဤအချက်က ဘက်စုံထောင့်စုံ တွေးပြီးမှ တုံ့ပြန်လိုက်သော ခြေလှမ်းဖြစ်ကြောင်း ထင်ရှားသည်။
ပို၍ ဝမ်းသာရသည်မှာ တစ်ဖက်မှလည်း ချက်ချင်းဆိုသလို တုံ့ပြန်သည်။ ရွေးကောက်ပွဲကော်မရှင်မှ ကြေညာပြီးသည်နှင့် တွေ့ဆုံဆွေးနွေးကြမည်ဟု ဆိုသည်။ တော်တော်များများ မျှော်လင့်ထားကြသလို ရှိသမျှ ပြဿနာတွေ တစ်ဘရိတ်တည်း ဆွေးနွေးကြမည်တော့ မထင်။ အေးအေးညောင်းညောင်း အာဏာလွှဲပြောင်းရေးကိုသာ အဓိကဆွေးနွေးကြမည် ထင်ပါသည်။ NLD အာဏာရမှသာ ပြဿနာရပ် အားလုံးကို တဖြည်းဖြည်း ဆွေးနွေးကြရလိမ့်မည် ထင်သည်။ ‘အခြေခံဥပဒေ ပြင်ဆင်ရေး အကောင်အထည်ဖော်မှု ကော်မတီ’ အစီရင်ခံစာတွင် NLD ကိုယ်တိုင်က ‘အထွေထွေ သဟဇာတဖြစ်ရေး အတွက် စေ့စပ်ညှိနှိုင်းကာ တဖြည်းဖြည်း ပြင်ဆင်ရန်’ ဟု ဆိုထားသည် မဟုတ်ပါလော။
သမ္မတကြီး ဦးသိန်းစိန်၏ သမိုင်းဆိုင်ရာအခန်း
သမ္မတကြီး ဦးသိန်းစိန် ဦးဆောင်သော အစိုးရမှာ ပြုပြင်ပြောင်းလဲမှု၏ ပထမငါးနှစ်ကို ဦးဆောင်ခွင့် ရခဲ့သည့် အစိုးရဖြစ်သည်။ သူ့သက်တမ်းအတွင်း ကြီးမားထင်ရှားသော အောင်မြင်မှုများ မရခဲ့ဟု ဆိုလျှင်သော်မှ နောက်ကြောင်းမပြန်အောင် ထိန်းနိုင်သည်ကိုက အသိအမှတ်ပြုကြရမည့် အောင်မြင်မှုဖြစ်သည်။ ယခုဆိုလျှင် လွတ်လပ်ပြီး တရားမျှတသော ရွေးကောက်ပွဲကိုပါ အောင်မြင်စွာ ကျင်းပပေးနိုင်ခဲ့ပြီလည်း ဖြစ်သည်။ နောက်တစ်ဆင့် အေးအေးညောင်းညောင်းသာ အာဏာလွှဲပြောင်းပေးနိုင်မည် ဆိုလျှင် သမ္မတကြီး ဦးသိန်းစိန်၏ သမိုင်းဆိုင်ရာ အခန်းမှာ အခိုင်အမာ ရှိသွားတော့မည် ဖြစ်ပါသည်။
ကျော်ဝင်း
၁၂-နိုဝင်ဘာ-၂၀၁၅
၁၂-နိုဝင်ဘာ-၂၀၁၅