"မောင်ဖိုးချိုနှင့် ကြိုးဝိုင်း"

------------------------
"ဂျက်""ဂျက်"
"ဖု""ဖု"
"ဂျက် ဂျက် ဖု"
"ဂျက် ဂျက် ဖု"

. . . မောင်ဖိုးချိုတို့အိမ်ရှေ့မြေကွက်လပ်မှအသံများဖြစ်၏။ မောင်ဖိုးချိုတစ်ယောက် သူ၏တူတော်မောင် 'စမုံ'အား နွေရာသီကျောင်းအားရက်အတွင်း မြန်မာ့ရိုးရာ လက်ဝှေ့ထိုးသင်ပေးနေသောအသံများ ဖြစ်လေသည်။

"ခေါင်းကို ဘယ်ဘက်စောင်းထား .. စောင်း .. စောင်းဦး ၊ ဘယ်ပုခုံးကိုမြှင့်ထား .. မြှင့်ဦး မြှင့်ဦး .. ဟုတ်ပြီ ၊ ကိုယ့်ဘယ်ဘက်နားအုံကို ဘယ်ဘက်ပုခုံးနဲ့ ကာထားတဲ့သဘောပဲ .. ၊ ညာဘက်နားအုံကိုကျ ညာလက်သီးနဲ့ကာထားရတယ် .. ၊ သဘောပေါက်လား"

"ဂျက် ဂျက်"
"ဂျက် ဂျက်"
"ဖု"
"ဖု ဆိုတာကြီးက ဘာလဲဦးချိုရာ . . ထိုးလိုက်လို့ ဖုသွားမယ်လို့ပြောချင်တာလား"
"ဖု ဆိုတာ ဝိုက်လက်သီးပါဆိုကွာ . . ဂျက်က ဖြောင့်လက်သီး . . ပြီးရောမဟုတ်လား လုပ် လုပ်"
"ဟင့်အင်း . . အဲဒါကြီး သားမဆိုချင်ဘူး . . ဘာမှန်းလဲမသိဘူး ဖု ဖု နဲ့ . . "
"ခက်တဲ့ကောင်ပဲ . . ငါတို့တုန်းကလည်း ဒီလိုပဲ . . အော်ခဲ့ရတာပဲကွ"
"ဘာမှန်းမသိပဲ ဦးချိုက အော်တာပဲလား . . အဲဒါ မြန်မာလိုလား ၊ အင်္ဂလိပ်လိုလား"
"ငါမသိဘူးကွ . . ဆရာက ဂျက်ဆို ဂျက်ပေါ့ ၊ ဖုဆို ဖုပေါ့ကွာ . . မင်းတို့လို လျှာမရှည်ရပေါင်"
"သားတော့ မအော်ချင်ဘူးဗျာ . . မြန်မာလိုဖြင့်လည်း မြန်မာလို ၊ အင်္ဂလိပ်လိုဖြင့်လည်း အင်္ဂလိပ်လို ပီပီသသပဲ အော်ချင်တယ် . . ခုဟာကြီးက မြန်မာလားမသိ အင်္ဂလိပ်လားမသိ . . တဖုဖု နဲ့"
"ဟ . . မအော်ပဲ လက်သီးထိုးလို့ရမလားကွ . . ဒီလိုပဲ လေ့ကျင့်တုန်းအော်ရတာပေါ့ . . နောက် မင်းထိုးတတ်သွားတော့လည်း တဖုဖု နဲ့ အော်နေစရာမလိုပါဘူး"

"ဘာလဲ စမုံ . . ပြော ဖိုးဖိုးကိုပြော" . . မောင်ဖိုးချို၏ အဖေရောက်လာပြီ။
"လက်သီးထိုးရင်အော်ရမယ်တဲ့ ဖိုးဖိုးရဲ့ . . ဂျက် တဲ့ ၊ ဖု တဲ့ . . ဘာမှန်းလည်း မသိဘူး . . ဖု ဆိုတာကြီးကို မအော်ချင်ဘူး"
"ဟုခ် ပါကွ ဟုခ် . ဟုခ် . . H o o k ဟုခ် . . ဟွတ်ခ် လို့လည်းအသံထွက်တယ် . . ဝိုက်လက်သီးလေ"
"တွေ့လား . . သားပြောသားပဲ . . ဦးချို အသံမပီတာနေမှာလို့ . . ဂျက် ကရော"
"ဂျက်ဘ် လေ . . J a b ဂျက်ဘ် ထောက်လက်သီး ပေါ့"
"တွေ့လား ဖိုးဖိုးကမှ သိသေးတယ် . . ဂျက်ဘ် ၊ ဟုခ် ၊ ဂျက်ဘ် ၊ ဟုခ် . . နော် ဖိုးဖိုး"
"အင်း"
"အဲဒါဆိုလည်း မင်းဖိုးဖိုးကို သင်ခိုင်းလိုက်ပေါ့ကွာ . . အဖေ့မြေးကို အဖေပဲ သင်ပေးလိုက်တော့"

. . . မောင်ဖိုးချိုရေသောက်ရင်း ထိုင်၏။ လက်အိတ်ကိုချွတ်၏။ ခေတ်ကာလ ချာတိတ်များကား မလွယ်။ ကျိုးနွံဝပ်တွားမှုအလွန်နည်းပါးကြသည်။ အထွန့်ကလေးတက်လိုက်ရမှ သူတို့နေသာပြီး စားဝင်အိပ်ပျော်ကြပုံပေါ်သည်။ မိမိတို့ ချာတိတ်ဘဝကနှင့် ကွာချင်တိုင်းကွာတော့သည်။ မိမိတို့ကား လူကြီးက ဖု ဆို ဖု လိုက်ရုံသာ။ ဖု လိုက်မည်သာ။ ပါးစပ်က မဖုလျှင်လည်း ခေါင်းတွင်ဖုရန်ရှိသည်မဟုတ်လော။ အထွန့်တက်ရန် မစဉ်းစားဘူးပေ။ ဝိစိကိစ္စာနည်းပါးလှ၏။ . . သင်းတို့ကို ပြောလျှင် သူတို့မှာ မဟာဒီမိုကရေစီခေတ်ကြီးအတွင်း လူဖြစ်လာသူများဖြစ်ကြောင်း ၊ မိမိတို့လို အာဏာရှင်လက်ကိုင်တုတ် အသိုးကြီးများနှင့် လားလားမျှမဆိုင်ကြောင်း . . ကလေးပါးစပ်နှင့် လူကြီးစကားပြောပြလိမ့်ဦးမည်။

. . . အေဘီစီဒီ တစ်လုံးမျှမတတ်ရှာသော မိမိတို့ဆရာ ကရင်အဘိုးကြီးကို သတိရမိ၏။ ပိတ်ထူစနှင့်ချုပ်ထားသော သဲအိတ်ကြီးများကို သတိရ၏။ သင်တန်းစတက်သောနေ့က သဲအိတ်ကြီးကို တဘုန်းဘုန်းထိုးခဲ့လေသည်။ ဆရာကြီးက ကွမ်းဝါးရင်း ပြုံးစိစိနှင့်ကြည့်နေ၏။ "တယ် လက်သီးပြင်းတဲ့အကောင်ပါကလားဟေ့"ဆို၏။ မောင်ဖိုးချို အလွန်မြောက်လေသည်။ "လုပ်စမ်းပါဦး ခပ်ပြင်းပြင်းကလေးတစ်ချက်"ဆိုသော် သဲအိတ်ကို ကွဲမတတ် တဘုန်းဘုန်းထိုးခဲ့လေသည်။ . . . နောက်တနေ့ မိုးလင်းသော် လက်များယောင်ကိုင်းနေ၏။ လက်သီးပင်ကောင်းကောင်းမဆုပ်နိုင်။ သဲအိတ်ရှေ့ရောက်သော် ဖွဖွကလေးထိုးကြည့်၏။ 'အားလားလား'ဟု အော်ရလေသည်။ ဆရာကြီးတွေ့သော် "လက်သီး တယ်ပြင်းတဲ့ ဖိုးချို . . ခပ်ပြင်းပြင်းကလေးဆော်ပြပါဦး"ဟု ပြုံး၍ဆိုလေသည်။

. . . တူတော်မောင်၏ သဲအိတ်ကား သားရေစနှင့်ချုပ်သော အကောင်းစားသဲအိတ်ဖြစ်လေသည်။ ထိုးလိုက်လျှင် အိခနဲနေ၏။ သည့်အပြင် လက်ဝှေ့လက်အိတ်ကိုစွပ်ထားသေးသည်။ အဘယ်မှာ လက်နာချိမ့်မည်နည်း။ အဘယ်မှာ လက်သီးပြင်းမည်နည်း။ သင်းတို့ကား အစစလွယ်ကူသောခေတ်တွင်ကြီးပြင်းရသဖြင့် အောက်သက်ကမကျေ ၊ အောက်ခြေကလွတ်သေး၏။ မိမိတို့မှာကား လက်အိတ်ကိုဝတ်ခွင့်မရခဲ့လေ။ ဗလာလက်သီးကိုသာ မာသထက်မာအောင်ကျင့်ခဲ့ရ၏။

"လက်သီးပြောင်ကြီးထိုးတာဟာ အားကစားနဲ့ မတူဘူးတဲ့ ဦးချိုရဲ့"
"ဟ . . မြန်မာ့ရိုးရာလက်ဝှေ့က အားကစားမဟုတ်လို့ဘာတုန်း . . ရိုးရာမှာ ဗလာလက်သီးပဲထိုးတယ်ကွ . . လက်အိတ်နဲ့ထိုးချင်ရင် အင်္ဂလိပ်ဘောက်ဆင်သွားထိုးချည်"
"မှုတ်ဘူးလေ . . မွေထိုင်းမှာလည်း လက်အိတ်နဲ့ပဲထိုးတာပါ . . မြန်မာ့လက်ဝှေ့ကို ကမ္ဘာပေါ်မှာအရက်စက်ဆုံး ရိုးရာအားကစားနည်းလို့ ပြောတယ်တဲ့ ဦးချိုရဲ့ . . "
"ဘယ်သူကပြောတာလဲ . . ဘာရက်စက်လို့လဲ"
"ဦးချိုကလဲ . . မလဲမချင်း အတင်းထခိုင်း ထိုးခိုင်းနေတဲ့ ဥစ္စာ"
"အေးလေ . . အဲဒါ သတ္တိပေါ့ ၊ ဇွဲပေါ့ ဟ . . ငါတို့လူမျိုးပဲ ဒါမျိုးထိုးနိုင်တာ ၊ ထိုးရဲတာ . . ဂုဏ်ယူစရာကွ မှတ်ထား"

. . . သင်းသည် အသက် ၁၀နှစ်ကျော်ဖြစ်၍သာ တော်တော့သည်။ အသက်၂၀ကျော်လာလျှင် ဝေးဝေးနေမှဖြစ်လိမ့်မည်။ လက်အိတ်စွပ်နေသောတူတောင်မောင်ကို ကြည့်ရင်းတွေးမိသည်။ မိမိတို့ငယ်စဉ်က လက်အိတ်စွပ်၍ အလွန်ကစားချင်ခဲ့သည်။ လက်သီးလည်းမနာ ၊ လက်အိတ်ကြီးက ကြီးသဖြင့်အကာအကွယ်လည်း ကောင်းကောင်းရသည်။ ဆရာကြီးက မကြိုက်သဖြင့် သူတို့လက်အိတ်ဝတ်ခွင့် မရကြပေ။ ဗလာလက်သီးပြင်းစေရန်ဖြစ်၏။ သူတို့အားလုံး ဗလာလက်သီးပြင်းကြသည်။ လက်ဖျံရိုးကို ခြေနှင့်တဖြောင်းဖြောင်းအခတ်ခံနိုင်ခဲ့ကြသည်။ ဤသို့ မာလှသဖြင့် မိမိ၏လက်ပြန်ရိုက်ချက်တွင် 'ညိုကြီး'တစ်ယောက် မေ့လဲခဲ့ရခြင်းကို အမှတ်ရလေသည်။

. . . 'ညိုကြီး'မှာ မောင်ဖိုးချိုတို့၏ စီနီယာဖြစ်သည်။ လူကောင်ခပ်ပျပ်ပျပ်နှင့် လက်ထွက်အလွန်မြန်သူဖြစ်၏။ မောင်ဖိုးချိုထက်အရင်ရောက်သူဖြစ်၍ ပညာလည်းပိုတတ်နေပြီ။ လေ့ကျင့်ရင်းအစမ်းကစားခိုင်းသောတစ်နေ့တွင် ညိုကြီးနှင့် မောင်ဖိုးချိုထိုးကြ၏။ လူကောင်ထွားသောမောင်ဖိုးချိုကို ပညာသာသော ညိုကြီးနှင့် ဘက်တွဲပေးခြင်းဖြစ်သည်။ . . စသည်နှင့် ညိုကြီးက အစွမ်းပြချင်ဇောဖြင့် တရစပ်ဖိထိုးခဲ့သည်။ လက်သီးငါးလုံးလောက်ထိပြီး အသားနာလာသောအခါ မောင်ဖိုးချိုလည်း ညှစ်ကာရုန်းကာ ထိုးတော့သည်။ ပညာနှင့် လူကောင် ၊ ပါဝါနှင့် ခံနိုင်ရည် ပြန်မျှနေသဖြင့် လေ့ကျင့်ပွဲနှင့်မတူတော့ပဲ ပွဲဆူလာသည်။ ညိုကြီးကွ ၊ ဖိုးချိုကွ အော်ကြသည်။ အောက်ပိုင်းကန်ချက်နှင့် လက်သီးတွဲလုံးမိပြီး မောင်ဖိုးချိုမူးချိန်တွင် ညိုကြီးက အလဲထိုးရန်ကြိုးစားကာ ဖွင့်ထိုး ဖိထိုးသည်။ ခံရင်း ဆုတ်ရင်း ဟန်ချက်ပျက်ကာ ရမ်းသမ်းထွက်လာသော မောင်ဖိုးချို၏ လက်ပြန်ရိုက်ချက်က ညိုကြီးနားထင်ကို မိမိရရထိပြီး ညိုကြီးလဲလေသည်။ ဆရာက ရပ်ခိုင်းသော် ညိုကြီး ရှက်၍မဆုံးပဲ အမျက်သိုတော့သည်။

"ဘာတွေ ပြုံးစိပြုံးစိလုပ်နေတာလဲ ဦးချို . . 'ဖိုးကေ'ကို 'ပါဝိ'ကန်သလို ဘောဖြတ်ကန်လိုက်လို့ တခါတည်း ပွဲသိမ်းသွားမယ်" . . စမုံ့စကားကြောင့် မောင်ဖိုးချိုလည်း ရောင်ရမ်းပြီး ပေါင်ကိုကျုံ့ရသည်။
"အဲဒါ အားကစားစိတ်ဓာတ်မရှိတာပေါ့ကွ"
"မှုတ်ပါဘူး . . ပါဝိ က တမင်ကန်ပြတာပါ . . သားတို့ မြန်မာ့လက်ဝှေ့က စနစ်တကျမရှိဘူးဆိုတာပြချင်လို့"
"ပြောတာပါကွာ . . အလကား ၊ ငါတော့ 'ပါဝိ'မကြိုက်ပါဘူး"
"'တွေ့မရှောင်'ကြိုက်တာမို့လား"
"လုံးချော"
"သူ့နာမည်က ဘာလို့ လုံးချောဖြစ်ရတာလဲ"
"လုံးပြီးချောနေလို့ဖြစ်မှာပေါ့ကွ"
"ဘာကြီးလဲဗျ . . သားတော့ 'စိုးလင်းဦး'ပဲကြိုက်တယ်"
"စိုးလင်းဦး ခု အသက်ကြီးလာတော့ ငါ မကြိုက်တော့ဘူး . . ဒီကောင်က သူများကို ရိတာတွေ ၊ လှောင်တာတွေ အရမ်းလုပ်လာတယ်"
"အဲဒါ မိုက်တာပေါ့ . . ဒီလိုမျိုးလျှာထုတ်ပြပြီး ထိုးတာလေ . . ဘလွတ် ဘလွတ်"
"မဟုတ်ဘူး စမုံရဲ့၊ မှားတယ် . . ပြိုင်ဘက်ကို မလှောင်ရဘူး . . လေးစားမှုထားရတယ် ၊ ဒါတွေက အခြေခံ ကစားသမားကျင့်ဝတ်ကွ . . ငါတော့ အဲဒါမျိုး ကစားသမားတွေကို အရမ်းရှုတ်ချတယ် ၊ ပညာဘယ်လောက်တော်တော် အထင်မကြီးဘူး။ . . စစချင်းမထိုးခင် လက်ဆွဲနှုတ်ဆက်တာ ကနေ၊ ပြီးတဲ့အခါ တစ်ယောက်နဲ့တစ်ယောက် ကျောပုတ်ပေးတာထိ . . တကယ့်ရိုးရာက ထိုးပြီးရင် အသက်ကြီးသူကို ပြန်ကန်တော့တောင်းပန်ရသေးတယ်"

. . . ပြောသာပြောရသည် ၊ ညိုကြီးနှင့်မိမိ ကြိုးဝိုင်းပေါ်တွေ့စဉ်က လက်ဆွဲနှုတ်မဆက်ခဲ့ပေ။ ဒိုင်လူကြီးက လက်ကမ်းခိုင်းသည်ကိုပင် ရှောင်ခဲ့ကြကြောင်းပြန်သတိရသည်။

. . . ညိုကြီး၏ လိုလားမှုကြောင့် သူတို့နှစ်ဦး ကြိုးဝိုင်းထဲရောက်ခဲ့ကြသည်။ ဆရာက တပည့်ချင်း မထိုးစေလိုသော်လည်း ကာယကံရှင်နှစ်ဦးလုံးက ဆန္ဒရှိနေသဖြင့် ၃ချီ အပျော်တမ်းတွဲဆိုင်းတွင် တင်ပေးလိုက်လေ၏။ . . သူတို့နှစ်ဦးကား မျက်လုံးချင်းမဆိုင် ၊ လက်ချင်းမကမ်းပဲ ရန်သူများအလား အငြိုးနှင့်ထိုးကြသည်။ သူလည်းထိ ကိုယ်လည်းထိ ၊ ဇွဲချင်းထောက်ပြီး အသည်းပေါက်အောင်ထိုးသည်။ မောင်ဖိုးချိုမျက်လုံးတစ်ဘက် ပိတ်သွား၏။ ညိုကြီးမျက်ခုံးမှ သွေးစိမ်းရှင်ရှင်စီးကျ၏။ ပွဲကောင်းကိုဆက်ကြည့်ချင်ပုံရသော ဆရာဝန်က 'ဆက်ထိုး ဆက်ထိုး'ဟု ဆိုသဖြင့် ၃ချီစေ့သည်အထိ ထိုးခဲ့ကြလေသည်။

. . အနိုင်အရှုံးမပေါ်။ အချို့က ညိုကြီး၏ တွဲလုံးများအလွန်လှသည် ဆို၏။ အချို့က မောင်ဖိုးချို၏ကောင်တာ အလုံးများကို လွန်စွာအားရကြ၏။ ပညာများစွာမကောင်းကြသေးသော်လည်း ပွဲက ပွဲကောင်းဖြစ်ခဲ့လေသည်။ ပွဲပြီးချိန် ဒိုင်လူကြီးက နှစ်ဦးလုံး၏ လက်များကို ကိုင်မြှောက်ပြီးသော် တစ်ဦးနှင့်တစ်ဦး ပွေ့ဖက်နှစ်သိမ့်စေ၏။ မောင်ဖိုးချိုနှင့် ညိုကြီးက မလှုပ်ချေ။

. . . ဆရာကြီး ကြိုးဝိုင်းပေါ်သို့ တက်လာလေသည်။ ဒိုင်လူကြီးက အနောက်ဆုတ်ပေး၏။
"တစ်ယောက်နဲ့တစ်ယောက် လက်ဆွဲနှုတ်ဆက်စမ်း" . . ဆရာ့စကားကို မငြင်းဝံ့သဖြင့် လက်ချင်းကမ်းကြရသည်။
"မလွှတ်နဲ့ ကိုင်ထား . . မင်းတို့နှစ်ယောက်က ရန်သူလား ၊ ဟင် . . ငါ့ပြောစမ်းပါ ၊ ရန်သူတွေလား" . . နှစ်ယောက်စလုံး ခေါင်းခါကြသည်။
"အေး . . အားကစားစိတ်ရှိရမယ် ၊ ပြီးတော့ အချင်းချင်းဆိုတဲ့စိတ်ရှိရမယ် . . ၊ ဟိုမှာကြည့်စမ်း တခြားတွဲဆိုင်းတွေ . . ဘယ်သူမှ ကိုယ့်လူချင်းမထိုးဘူး ၊ တစ်ကျောင်းတည်းသားချင်း မထိုးဘူး . . ၊ မင်းတို့သာ ထိုးချင်လွန်းလို့ တင်ပေးရတာ . . ခုထိုးပြီးပြီ .. တော်ပြီ ပြီးပြီ ဒါပဲ . . ။ ရှေ့လျှောက် တခြားကျောင်းက တခြားအဖွဲ့ကလူတွေနဲ့ ပြိုင်ရမယ် . . ၊ ကိုယ့်ချင်းချင်း ရန်ဖြစ်နေလို့ရမလား။ မကျေနပ်သေးရင် မင်းတို့နှစ်ယောက် ဒီနေ့အပြီးထိုး . . နောက် မထိုးရတော့ဘူး . . ။ ပြောစမ်း . . ထိုးချင်သေးသလား မင်းတို့နှစ်ယောက် . . ထိုးချင်ရင် ခု ရေကုန် ဆက်ထိုးခိုင်းမယ်"

"ဟင့်အင်း . . မထိုးတော့ပါဘူး" . . ညိုကြီးဆိုသည်။

"ကျေနပ်တယ်နော် . . မင်းရော ဖိုးချို . . ထိုးချင်သေးလား"

"ဟင့်အင် . . အား ကျွတ်ကျွတ် . . မထိုး ကျွတ်ကျွတ် မထိုးဘူး . . အား နောက်လည်း မထိုးတော့ဘူး . . ကျွန်တော့်အတွက် ကျွတ်ကျွတ်ကျွတ် ဒါနောက်ဆုံးကြိုးဝိုင်းပဲ . . အား ရှီး ညကျ ထမင်းဝါးနိုင်မယ် မထင်ဘူး"

"တခြားကြိုးဝိုင်းအသစ်တွေလာမှာပေါ့ကွာ" . . ဆရာကြီးက ပြုံး၍ဆိုပြီး ပြန်ဆင်းသွားသည်။

. . . မောင်ဖိုးချိုနှင့် ညိုကြီး တစ်ယောက်ကိုတစ်ယောက် ကြည့်မိကြ၏။ တိုက်တွန်းသူမရှိပဲ တစ်ယောက်နှင့်တစ်ယောက် ဖက်ကာကျောကို ပုတ်ကြသည်။ အပေါင်းအသင်းများက လက်ခုပ်ဝိုင်းတီးကြရာ ကစားနေစဉ်က တီးသောလက်ခုပ်သံထက်ပိုကျယ်သယောင် ထင်မိကြလေသည်။

"ပြုံးစိစိ လုပ်နေပြန်ပြီလား . . ကန်လိုက်မယ်"
"အာ ကွာ . . ထိုးပါဆို အချက်ရေ ပြည့်ပြီလား"
"မပြည့်သေးဘူး . . သားမထိုးချင်တော့ဘူး ၊ လက်ညောင်းပြီ . . ခြေကန်သင်ပေး ဦးချို . . ဒီလိုမျိုးလေ ယိ ဒရှိ"
"အောင်မာ ၊ အမြင့်ကန်က နောက်ဆုံးမှသင်ရမှာ . . မရဘူး ဂျက်ဖုပဲ ဆက်ထိုးဦး"
"တွီတွီတွီ . . တွီတွီ"
. . . မောင်ဖိုးချို၏ လက်ကိုင်ဖုန်း မြည်သည်။ စမုံက ပြေးကိုင်၏။
"အင့် . . ဦးချိုကို ဘောပိတ်ကန်မယ့်သူ လာပြီ"
"ဘယ်သူတုန်း"
"ဦးချို စော်ကြီးပေါ့"

. . . တမြန်နေ့က ဈေးဝယ်ကုန်တိုက်ကြီးအတွင်းနွှဲခဲ့ရသော ရန်ပွဲကို မောင်ဖိုးချို ချက်ချင်းသတိရ၏။ သက်ပြင်းချရင်းက ဖုန်းကိုလှမ်းယူလေသည်။
. . . အပေါ်စီးမှ ဆက်တိုက်ဖိထိုးရကောင်းမလားတွေး၏။ ကောင်တာပေါက်သွားက မလွယ် ၊ သူ့ ဒူးချက် အလွန်ပြင်းကြောင်း ကောင်းကောင်းသိ၏။ အရှိုက်ကို တည့်တည့် ထိမြဲချည်းဖြစ်၏။ စကတည်းက ခပ်ခွာခွာလေးနှင့် ၊ ထောက်လက်သီးကလေးများနှင့် ခံစစ်ကစားလျှင် ပိုကောင်းလိမ့်မည်မှတ်သည်။ ဒါကလည်း အလွန်သတိရှိမှဖြစ်မည်။ သူကား အပူးအသတ် အလွန်ကျင်လည်သူဖြစ်၏။ ပူးမိကပ်မိသည်နှင့် ကိုယ်ပဲအမြဲနာကြောင်း ကောင်းကောင်းသိသည်။ ခေါင်းတိုက်ချက်တွင် မျက်ခုံးကွဲခဲ့ပေါင်းများပြီ။ . . လှဲချရန်လည်း မဖြစ်၊ သိက္ခာက ရှိသေးသည်။

"ဟ လို "
မောင်ဖိုးချို မျက်လုံးထဲတွင် ကြိုးဝိုင်းများကို မြင်လာသည်။ အနီထောင့်နေရမလား ၊ အပြာထောင့်နေရမလား မဝေခွဲနိုင်သေးချေ။

(ယက္ခ)ရဲကြီး။

၅_၆.၁၂.၁၅။