ရင်ထဲက သူရဲကောင်း‬

မြန်မာ့တပ်မတော်ဗိုလ်ချုပ်ဟောင်းဖြစ်သူ
ဝန်ကြီးတစ်ယောက်သည် KNU တပ်ကြပ်ကြီးဟောင်းထံမှ
သင်ယူခဲ့တာတွေရှိခဲ့တယ်လို့ ကျနော်ပြောပြရင်
ယုံနှိုင်ဘွယ် လုံးဝမရှိပါ ။

အန်ကယ်ဒေးဗစ်ထောဟာ KNU - CEC
နိုင်ငံခြားရေးနဲ့တရားရေးဋ္ဌာနများတွင်တာဝန်ယူခဲ့သူပါ…
RASU မှဘွဲ့ရခဲ့ပြီး အသက်အငယ်ဆုံး အင်းစိန်မြို့နယ်
ပြည်သူ့ကောင်စီဝင်ဘဝကနေ…
ယုံကြည်ချက်ပြောင်းကာ …ကရင့်တော်လှန်ရေးကို
ရောက်ရှိသွားခဲ့သူပါဘဲ ။

KNU/KNLA၌တပ်သားအဖြစ်စတင်ပြီးတပ်ကြပ်ကြီးအဆင့်ထိ
စစ်ဘက်တာဝန်ထမ်းဆောင်ဘူးသူလည်းဖြစ်ပါတယ် ။

ကျနော်သူ့နဲ့စတွေ့ချိန်မှနောက်ဆုံးအချိန်ထိ
သတိရမှတ်မိနေတာတွေ အများကြီးရှိတဲ့ထဲမှာ
အဆုတ်ရောဂါကြောင့် အသက်ရှူဗူးလေး ရှူရှူနေတာ
မြန်မာကတ္တီပါဘိနပ်ကိုဘဲကြိုက်တာ
ချင်းမိုင်ကို ဇင်းမယ်လို့ဘဲခေါ်ဝေါ်တာ (ဒါကိုအလေးထားပြီး
ဆက်တွေးရင် မြန်မာ့ဇာတိပုည ဂုဏ်မာန်နကိုပေါ်လွင်စေတယ်ထင်လို့)
သဘောကျ မှတ်မိလွယ်စေခဲ့သူပေါ့ဗျာ ။

ထိုစဉ်ကာလ…
KNU- CECတွေထဲမှာ တွေ့ဆုံဆွေးနွေးရေးအတွေ့အကြုံလဲရှိ
မဟာဗျူဟာကိုလဲကျွမ်းကျင် …နိုင်ငံရေးအပါးဝပြီး
သဘောထားပျော့ပြောင်းသော အုပ်စုကို…
အဓိကမောင်းနှင်သူဟာလဲ… အန်ကယ်ဒေးဗစ်ထောဘဲလို့
ကျနော်လေ့လာမိပါတယ် ။

အစိုးရဘက်က UNFC ကိုဆွေးနွေးမယ်လို့သိရချိန်မှာ
အဖိုးမူတူးနဲ့အတူ ဘန်ကောက်ကိုဆင်းလာပြီး
…
တပ်ပေါင်းစုကို KNU ဘယ်လောက်ထိသိကြောင်း
အစိုးရအဆက်ဆက်ကို ဆန့်ကျင်တာမှာသာတူကြောင်း
ပြန်လည်ရင်ကြားစေ့ရေး ငြိမ်းချမ်းရေးမှာ အလုပ်မဖြစ်နှိုင်ကြောင်း
ကျားသေကိုအသက်မသွင်းစေလိုကြောင်း အတိအကျပြောပြခဲ့သူပါ…

အန်ကယ်ဒေးဗစ်ထောရဲ့ အမြှော်အမြင်နဲ့စေတနာမှန် /မမှန်ကို
အခုချိန်ခါမှာတော့…
မိတ်ဆွေများကို အထူးရှင်းပြဘို့ မလိုတော့ဘူးလို့
ကျနော်ယုံကြည်ပါတယ် ။

အန်ကယ်ပြည်တွင်းလာတဲ့အခါ
သူ့ကိုယ်သူလူကောင်းလို ဟန်ဆောင်ပေမဲ့လဲ
သူ့ကျမ္မာရေးအတွက် လိုအပ်တာတွေကို
သီးခြားစဉ်းစားစီစဉ်ပေးခဲ့ပါတယ်
ယုံကြည်မှုတည်ဆောက်ဆဲကာလဖြစ်လို့
ဘာကိုမျှပြောစရာ အပြစ်မဖြစ်အောင်
စကားတူတဲ့ ကရင် Volunteer ဆရာဝန်ရှာပြီး အနားထားတာမျိုးကအစပေါ့လေ ။

KNUနဲ့ဦးသိန်းစိန်အစိုးရတို့ရဲ့ တွေ့ဆုံဆွေးနွေးပွဲ
မယုံမရဲ… တိုင်းရင်းသားပွဲကြည့်ပရိတ်သတ်တွေနဲ့ပြည်နှက်နေတဲ့
မိုးထဲရေထဲ အဖွင့်ပွဲမှာတော့ အန်ကယ်ဒေးဗစ်ထောဟာ
ပရီးမီးယားပွဲစဉ်မှာဆို…
မန်ယူရဲ့ဒေးဗစ်ဘက်ခမ်းလို နေရာမှာရှိတယ်လို့ တင်စားပါရစေလား ။

၁၉%လောက်သာကောင်းတဲ့ သူ့အဆုတ်အတွက်
အောက်စီဂျင်ပိုက်တန်းလန်းတပ်လျှက်
သူ့လူတွေကိုအားမရတဲ့အခါ
မျက်လုံးပြူးထွက်သည်အထိ အမောခံပြီး
လမ်းညွှန်တတ်ပါသေးတဲ့ အာဂလူပါ ။

ဘာအံမြို့မှာ KNUနဲ့အစိုးရတို့လက်မှတ်ရေးထိုးခဲ့တဲ့
Biletrial အပစ်ရပ်စာချုပ်အောင်မြင်တာဟာ…
အန်ကယ်ဒေးဗစ်ထောရဲ့ စွမ်းဆောင်မှုတွေ… အများကြီးပါတယ်လို့
ကျနော်ကတော့… ယုံကြည်တယ် ။

နောက်တစ်ဆင့်အဖြစ်… စာချုပ်ခိုင်မာအသက်ဝင်ဖို့
ကြိုးစားနေဆဲကာလမှာဘဲ သူ့ရောဂါပြင်းထန်လာပါတယ်
သူ့ကို Care လုပ်ဖို့ တပ်မတော်စစ်ဆေးရုံတင်သင့်တယ်လို့
ဒေါက်တာဆိုင်မွန်သာက request လုပ်တဲ့အခါ…
တပ်မတော်အကြီးအကဲက မိနစ်မဆိုင်း ခွင့်ပြုပေးခဲ့ပြီး
အထူးဂရုစိုက်ပေးခဲ့ကြသော်လည်း
အန်ကယ်ဒေးဗစ်ထော …ကွယ်လွန်သွားခဲ့ပါတယ် ။

KNUနဲ့တရားမဝင်… တရားဝင်တွေ့ဆုံဆွေးနွေးပွဲတွေမှာ
စားပွဲတစ်ဘက်ခြမ်းကနေ ကရင့်အရေးကိုတောင်းဆိုနေတဲ့
အန်ကယ်ဒေးဗစ်ထောဆီက …ဦးအောင်မင်းဟာ
အတွေ့အကြုံနဲ့ လုပ်နည်းလုပ်ဟန်တွေ ရရှိသွားခဲ့တာသေချာတယ်ဗျာ…
ဒါကို…
အန်ကယ့်ရဲ့ရုပ်ကလာပ် မဲဆောက်ကိုပြန်ပို့မဲ့ညမှာ
ဦးအောင်မင်းအနေနဲ့ KNLA တပ်ကြပ်ကြီးဟောင်းဖြစ်သူ
အန်ကယ်ဒေးဗစ်ထောကို စစ်ဓလေ့ထုံးစံအတိုင်း
လေးလေးစားစား လက်တင်အလေးပြုတာနဲ့ အတည်ပြုနှိုင်ပါတယ် ။

အန်ကယ်နဲ့ကျနော်က ဝေးနေရင် E.mailနဲ့သတင်းဖလှယ်ကြပါတယ်
တစ်ကြိမ်မှာတော့…
ထိုစဉ်က KNU အတွင်းရေးမှူးချုပ် ဆရာမ နော်စီဖိုးရာစိန်ရဲ့
အတင်းလေးကို ပေါ့ပေါ့ပါးပါးနဲ့စရေးပြီး
အရေးကြီးတာတွေကိုနောက်မှ ဆက်ရေးထားပါတယ်
English လိုရေးတာမို့သေချာ့ဂရုစိုက်ပြီး သူ့ဆီပို့လိုက်ပါတယ်
အန်ကယ့်ခင်ဗျာ ကျနော့်ကိုချက်ချင်း ဖုန်းခေါ်လာပြီး
…
ကိုငွေစိုးရေ ခင်ဗျားmail address မှားပြီး ဆရာမကြီးဆီရောက်သွားတယ်ဗျ
သူက forward လုပ်ပေးလာတယ်တဲ့လေ…
နှစ်ယောက်သားအတင်းပြောတာလူမိလို့ ရယ်ကောင်းနေတုန်း
ကိုငွေစိုးmail လိပ်စာမှားရောက်လာလို့ သက်ဆိုင်သူဆီ
သူ forward လုပ်ပေးလိုက်ပါတယ်ဆိုတဲ့ …
ဆရာမ နော်စီဖိုးရာထံမှ mail ကလဲချက်ချင်းရောက်လာပါတော့တယ်
လွဲတဲ့အခါလဲရှိခဲ့တော့ အမှတ်တရပိုဖြစ်တယ်ထားလိုက်ပါတယ် ။

နောက်ထပ်အမှတ်တရလေးတစ်ခုကတော့
သူ့ကျမ္မာရေးအခြေအနေနဲ့ မြဝတီအရင်လမ်းဟောင်းမှာ
သွားရတဲ့အခါ သူပင်ပန်းတာကြည့်ပြီး သနားလို့
အခက်အခဲတွေကြားကနေ passport ရအောင်လုပ်ပေးခဲ့တာပါ…

ဇင်းမယ်ကိုလေယာဉ်စီးပြီး မြန်မာနိုင်ငံသားအဖြစ်ပြန်တာပေါ့
ပြနေကျဆေးရုံမှာဘဲ ပြနေကျဆရာဝန်က…
လူနာမှန်ပြီး passport ကနာမည်မတူလို့ရစ်ပါလေရောတဲ့
ဟိုတုန်းက passport အတုကိုင်ထားပြီး အခြားနာမည် ဖြစ်နေတာကိုးဗျ…

အန်ကယ်ဒေးဗစ်ထောရဲ့ ဈာပနကို သူတို့ရဲ့တော်လှန်ရေးနယ်မြေ
သေ့ဘေ့ထစခန်းမှာ စစ်အခန်းအနားနဲ့ပြုလုပ်တော့
ကျနော်အရောက်သွားပြီး ဂါရဝပြုခဲ့ပါတယ် ။

ဦးအောင်မင်းဟာ အန်ကယ်ဒေးဗစ်ထောကို လေးစားလို့
ကရင်ပြည်နယ်အစိုးရအဖွဲ့ရဲ့ ဧည့်ရိပ်သာဝင်းထဲက အစည်းဝေးခန်းမကြီးကို
ဒေးဗစ်ထောခန်းမ ရယ်လို့ အမည်ပေးထားပါတယ် ဖွင့်လှစ်ပွဲကိုလည်း
မကြာခင်ရက်အတွင်းပြုလုပ်ပါတော့မယ်
အဲ့ဒီရက်တွေမှာ
ကျနော်က မိသားစုနဲ့ပြည်ပကိုရောက်နေမှာဖြစ်လို့
ဖွင့်ပွဲနဲ့လွဲချော်တော့မှာမို့
ဒီလိုအမှတ်တရစာလေးတစ်ပုဒ်ရေးပြီး ဂုဏ်ပြုလိုက်ပါတယ် ။

အန်ကယ်ဒေးဗစ်ထော…
ကောင်းကင်ဘုံမှနေ၍ … ငြိမ်းချမ်းရေးတိုးတက်မှုဖြစ်စဉ်တွေကို…
သိရှိခံစားနှိုင်ပါစေသား ။