==============
ဖေ့စ်ဘုတ်ကြီး သုံးနေရင်း အရင် ဘလော့ တွေ ခေတ်ကို ပြန်လွမ်းမိတယ် ။ ဘလော့ တစ်ခုရေးမယ်ဆိုရင် ..အဲဒီ စာရေးတဲ့သူက အနည်းဆုံး နည်းပညာ နဲ့ စပြီးထိတွေ့ရတယ် ။ ဘလော့ လေးတွေ ပင်ပန်းခံလုပ်ရတယ် ၊ ဂျာဗားစခရစ် ကုဒ်လေးတွေ ကိုလေ့လာရတယ် ။ အရင် ရောက်နှင့် နေပြီးသား စီနီယာဘလော့ဂါတွေ ဆီကနေ အိုက်ဒီယာလေးတွေယူ ၊ နည်းပညာဗဟုသုတလေးတွေ ယူပြီး ကိုယ့်ဘလော့လေးကို ပြုပြင်ရတယ် ။ ကိုယ့်ဘလော့ လေး ဘယ်လိုကောင်းအောင်လုပ်မလဲဆိုတာကစ စိတ်ကူးရတယ် ။ ကိုယ်ရောက်လေရာအရပ် ၊ တွေ့ ကြုံသမျှ အကြောင်းရာလေးတွေ ၊ ကိုယ်ဖတ်ဖူး မှတ်ဖူးသမျှလေးတွေကို ဘလော့မှာ ပြန်ရေးကြတယ် ။ အဲဒီ ထက်ပိုပြီး စိတ်အားထက်သန်သူတွေကတော့ ကိုယ့် ချွေးနည်းစာထဲကနေ တစ်လကို ဒေါ် လာ ၃ ၊ ၄ ၊ ၅၀ အကုန်ကျခံပြီး ပိုက်ဆံပေးသုံးရတဲ့ ဆာဗာတွေ ၊ ဒိုမိန်းတွေ ဝယ်သုံးကြတယ် ။ ပြီးတော့ ဘလော့ ဂါ အချင်းချင်း သူ့ဘလော့ကိုယ်လည် ၊ ကိုယ့်ဘလော့ သူလည် သွားလည်ကြတယ် ။
အဲဒီအတွက် အကျိုးအမြတ်ဘာရသလဲ ။ အခကြေးငွေ မရပါဘူး ။ (ပြည်ပအထောက်ပံ့နဲ့ရပ်တည်တဲ့ ဘလော့များမှ အပပေါ့ ) ။ ပေါ်ပြူလာမဖြစ်ပါဘူး ။ သို့ပေမဲ့ ဘလော့ တွေ အမျိုးမျိုးရေး ၊ ခဏခဏ ပြင်ရင်း ကုဒ်တွေ နဲ့ ရင်းနှီးလာတယ် ။ ကိုယ်သိချင်တာတွေရှာဖွေ ရင်းနဲ့ အင်တာနက်ကို ကောင်းကောင်းအသုံးချနိုင်လာတယ် ။ အရင်ကHTML,JavaScript တွေမသင်ဖူးခဲ့သည့်တိုင်ဘယ်နေရာကိုပြင်ချင်ရင်တော့ဘယ်နားကကုဒ် ကို ပြင်ရမယ်ဆိုတာ မျိုး တီးမိခေါက်မိရှိလာတယ်။ ကုဒ်တွေ ကိုယ်တိုင်မရေးနိုင်တော့ အွန်လိုင်းမှာလိုက်ရှာဖွေရင်း ဘယ်ဆိုဒ်မှာတော့ source code တွေ ရနိုင်တယ်ဆိုတာ သိလာတယ် ။ ဘလော့လေး ကိုစိတ်ရောက်ရင်း ကိုယ်ရောက်လေရာအရပ်မှာ သတိထားကြည့်မိတတ်လာတယ် ။ မှတ်တမ်းတင်တတ်လာတယ် ။ ခု ဖေ့စ်ဘုတ်ကြီးလို at shopping mall တို့ ၊ ရေချိုးခန်းရောက် အမှတ်တရ ဆိုပြီးဖင်ကောက်ပီး ဓာတ်ပုံရိုက်ပြတာမျိုးတော့မဟုတ်ဘူး ။ ခရီးသွားမှတ်တမ်းအနေနဲ့ ဆောင်းပါးသဘောမျိုး ဘယ်နားမှာဘာရှိတယ် ၊ ဘယ်မြို့ မှာတော့ ဘာလေးတွေ ရနိုင်တယ် ဆိုတာမျိုးပေါ့ ။
နောက် အွန်လိုင်းမှာ ဘယ်လင့်ခ်မှာတော့ ဘာအကြောင်းတွေရှိတတ်တယ် ဆိုတာမျိုး အမှတ်သားလေးတွေလုပ်တတ်လာတယ် ။ ကိုယ်ဒီအကြောင်းရာသိချင်တယ်ဆိုရင် မှတ်ထားတဲ့ ဖိုင်လေးဖွင့် ရှိမဲ့လင့်ခ်ကိုသွားကြည့်ရုံပါပဲ ။
ဘလော့ ခေတ်တုန်းကတော့ အွန်လိုင်း စာရေးသူ အတော်များများ ဟာ အပေးသမားသက်သက်ပဲ ။ ရလို မှုရှိတယ်ဆိုရင်တောင် ကြိုးစား မှု တစ်ခုခု နဲ့ သာယူကြရတယ် ။ ဘလော့ ဂါ အချင်းချင်းလည်း ဂုဏ်ယူဝံ့ကြွား ပြောတဲ့ စကားလေးရှိတယ် ။
"ကွန်းမန့်စား ဘလော့ဂါများ" တဲ့ ။ ဟုတ်တယ် ။ printed media တွေမှာ စာရေးသူနဲ့ စာဖတ်သူကြား ဖြစ်နေတဲ့ gap လေး ဟာ ..comment ဆိုတဲ့ မှတ်ချက်ပဲ ။ အဲဒီ မှတ်ချက်လေးတွေကို အဖိုးအခ အနေနဲ့ ပဲ သဘောထားပြီး ဘလော့ဂါတွေ စာရေးကြတယ် ။
ခုဖေ့စ်ဘုတ် ခေတ်ရောက်လာတော့ တစ်မျိုးတမည်ပြောင်းလာတယ် ။ အရင် ခေတ်က ကိုယ်တိုင် ဂုဏ်ယူခဲ့ရတဲ့ "ကွန်းမန့်စား အွန်လိုင်းစာရေးသူများ" ဆိုတဲ့ စကား ဟာ အတော်လေး အပေါစားဆန်လာတယ် ။ ဘာမှ အနှစ်သာရ မရှိတဲ့ ..." ခွိခွိ" ဆိုတဲ့ စကားလေးမှာ မှတ်ချက်ပေါင်း သောင်းခြောက်ထောင်လောက်ရှိတယ် ။ သြော် ..အတော် တုံးလိုက်တဲ့ ငါ ..အတော်အလိုက်တဲ့ ငါ ..ဒီလောက် ဝေဖန်စရာ ၊ ထောက်ပြစရာ ၊ ဆွေနွေးစရာ ကောင်းလောက်အောင်လေးနက်နေတဲ့ "ခွိ ခွိ" ဆိုတဲ့ စကားကို နားလည်နိုင်တဲ့ အသိဥာဏ် ငါ့မှာ မရှိပါကလားရယ်လို့လည်း အတော်သိမ်ငယ်မိတယ် ။
နောက် .. ဒါဖြစ်ချင် Like ၊ ဟိုဟာ ဖြစ်ရင် Like ၊ ဒါလေးကို like ပေးပါလား ၊ မျိုးချစ်စိတ်ရှိ like ၊ ဘာဘာသာ ဆိုရင် like ။ ဟိုလူ့ဆိုရင် like ..ဒီလူ့ဆိုရင်တော့ ကွန်းမန့် ဆိုပြီး အမြဲလိုလို တွေ့နေရတယ် ။ အရင်က .. စာဖတ်သူတစ်ယောက်ရဲ့ မှတ်ချက်ကို အဖိုးအခ အနေနဲ့ တန်ဖိုးထားတတ်ကြတဲ့ အွန်လိုင်းသမား များဟာ .. ခုတော့ ပရိတ်သတ်ရဲ့ နှစ်သက်မှု (like) နဲ့ မှတ်ချက်(comment) ကို သူတောင်းစားလိုလည်းတောင်းယူရမှာ ၊ သူခိုးကြမ်းပိုးလိုလည်း လိမ်ညာယူရမှာ ဝန်မလေးကြတော့ပါလား ဆိုပြီး အံ့သြနေမိတယ် ။
အလုပ်မရှိ ...အောက်ခေါင်းသန်းရှာ ... ဘေးအိမ်က ခွေးပိန်မကြီး မကျေနပ်တာကိုလည်း တခမ်းတနားနဲ့ ဆန်းပြားအောင် လည်း လုပ်တတ်ကြတယ် ။ အုပ်စုဖွဲ့ အတင်း အုပ်တဲ့လူနဲ့
အယုတ္တ ၊ အနတ္တ ၊ ဖရုဿဝါစာ ကိုယ့်အင်္ဂါနဲ့ နှိုင်းနေတဲ့ ကျောက်ခေတ်လူ့အသိုင်းဝိုင်းကလူတွေနဲ့ ၊ သူများ ဟာ ကိုယ့်ဟာလုပ် ပြီးအခြောက်တိုက် နာမည်ကြီးချင်ကြတဲ့ ဘဝင်ရူးတွေနဲ့ ။ ဖေ့စ်ဘုတ် အကောင့်တောင် သူများလုပ်ပေးမှ သုံးတတ်တဲ့ လူတွေက မသိတာမရှိ ..ကဝိပညာရှိ လုပ်ချင်ကြသေးတယ် ။ အလွယ်လိုက်ပြီး ၊ အချောင်နှိုက်ချင်တဲ့ ကောင်တွေက ခပ်များများ ။
ဒီကြားထဲ "ဟေ့ ..ကောင် သတ္တိရှိရင် ပရိုဖိုင်ပုံတင်လိုက် " ဆို တဲ့ ယဉ်ကျေး မှုကြီးကလည်း ဘာအထှာကြီးမှန်းကိုမသိဘူး ။
ဒါဖြင့် မင်းဘာလို့သုံးနေသေးသတုန်းလို့တော့ မေးချင်လည်းမေးနိုင်ပါတယ် ။ ဖေ့စ်ဘုတ်မှာ ညီလို အကိုလိုခင်ရတဲ့ မိတ်ဆွေတွေ ရှိနေသေးသလို ၊ အသက်အရွယ် ၊ ဂုဏ်ပညာ အရ ကိုယ်လေးစားရလောက်တဲ့ လူတွေ ကလည်း ဖေ့စ်ဘုတ်ကြီးမှာရှိနေပါသေးတယ် ။ လူမသိ သူမသိ ပဲ ထွက်ကျလာမဲ့ သူတို့ဆီ "အာဟာရအဖိတ်အစင်" လေးတွေ ကို မျှော်ကိုးပြီး နေနေမိတာပါ ။ မဟုတ်ရင်တော့ အလံနီလေး ပြလို့ ..ဆလံသ ခဲ့ တာ အတော်ကြာနေလောက်ပါပြီ ။