ဘာတွေလုပ်ကြမလဲ
-----------------------
ဒီဆောင်းပါးကို အာရပ်တစ်ယောက်ယောက်ကများ အခုနေရာအထိဖတ်မိမယ်ဆိုရင် အာရပ်ရဲ့ကျဆုံးမှုတွေချည်းပဲ အပြစ်တင်နေတာပဲ။ အနောက်တိုင်းကကော မပျက်စီးဘူးလား။ ငါတို့ပျက်စီးရတာ အမေရိကန်ပေါ်လစီတွေကြောင့်ပါလို့ ပြင်းပြင်းထန်ထန်ငြင်းချင်မှာပဲ။ အာရပ်အများစုက အမေရိကန်နဲ့ဆက်ဆံရေးကို မကျေနပ်ကြပါဘူး။
အာရပ်တို့ဟာ ဥရောပရဲ့ ကျွန်ပြုသိမ်းပိုက်ခြင်းကိုခံခဲ့ရပြီး အမေရိကန်ဆန့်ကျင်ရေးဟာ ၁၉၄၈ မှာ အစ္စရေးနိုင်ငံပေါ်ထွန်းခြင်းနဲ့အတူ အစပြုခဲ့ပါတယ်။ ကိုလိုနီနိုင်ငံတွေ လွတ်လပ်ရေးရတဲ့အချိန်မှာ အနောက်တိုင်းက အပြည့်အ၀ထောက်ပံ့ပေးထားတဲ့ နိုင်ငံခြားသားအများစုနေထိုင်တဲ့ နိုင်ငံတစ်ခုအနေနဲ့ အစ္စရေးကို အာရပ်တွေက ရှူမြင်ကြပါတယ်။ ၁၉၆၇ နဲ့ ၁၉၇၃ စစ်ပွဲတွေမှာ အစ္စရေးကို အမေရိကန်ကထောက်ပံ့တဲ့အခါ ပိုစိတ်ဆိုးလာကြပါတယ်။ နေ့စဉ်ဘ၀မှာ အစ္စရေးရဲ့ သိမ်းပိုက်နယ်မြေတွေအပေါ် သံလက်သီးပမာအုပ်ချုပ်နေတာကို အာရပ်ကမ္ဘာသာမက မူဆလင်ကမ္ဘာကပါ ခါးသီးခဲ့ကြပါတယ်။
ဒါ့အပြင် အမေရိကန်မူဝါဒတွေကိုလည်း ရေနံလိုချင်မှုကြောင့် အာဏာရှင်တွေ၊ လက်ဝါးကြီးအုပ်သမားတွေကို အတွန့်အဆုတ်မရှိ ထောက်ပံ့ပေးနေတယ်လို့ မြင်လာကြပါတယ်။
နောက်ဆုံးမှာတော့ အီရတ်ကို ဗုံးကျဲခြင်းနဲ့ ၀ိုင်းကျဉ်ထားခြင်းတို့ဟာ အမေရိကန်ကို နေ့စဉ်တိုက်ခိုက်နေရခြင်းရဲ့ အကြောင်းရင်းတွေ ဖြစ်လာပါတော့တယ်။ အာရပ်လောကမှာ အများစုက ဆက်ဒမ်ဟူစိန်ကို မကြိုက်ကြပေမဲ့ အမေရိကန်ဟာ သူ့ကိုတိုက်ဖို့အတွက် တစ်နိုင်ငံလုံးကို အငတ်ထားတဲ့ လူမဆန်တဲ့နည်းလမ်းမျိုးကို ရွေးခဲ့တယ်လို့ အာရပ်တွေက ယုံကြည်နေခဲ့ပါတယ်။
အာရပ်တစ်ယောက်ရဲ့ အမြင်မှာ အမေရိကန်ဟာ ဘယ်တော့မှ မမျှတပါဘူး။ တခြားနိုင်ငံတွေလိုပဲ အမေရိကားကလဲ ကိုယ်သန်ရာသန်ရာပါ။ ကျွန်တော့်အမြင်မှာတော့ အမေရိကန်ရဲ့ အာရပ်တွေအပေါ် ကျုးလွန်တဲ့ မကောင်းမှုဟာ ဖုံးဖိထိန်ချန်ထားမှုပါပဲ။ အာဏာရှင်တွေကို တံခါးဖွင့်ပေးဖို့ ဖိအားမပေးခဲ့ဘူး။ ဒါဟာအာဖဂန်မှာ သေရာပါအမှားဖြစ်ခဲ့ပါတယ်။ စုတ်ပြတ်ကျိုးပဲ့နေတဲ့ အာဖဂန်နိုင်ငံကို ၁၉၈၉ မှာချန်ထားခဲ့ပြီးတဲ့နောက် ဘင်လာဒင်နဲ့ တာလီဘန်တွေ ပေါ်ပေါက်လာပါတယ်။ ဒါဟာ ၀မ်းနည်းစရာအကောင်းဆုံးအမှားတောင်မဟုတ်ပဲ အစဉ်အလာကြီးလိုကိုဖြစ်နေတာပါ။
F.Scott Fitzgerald က အမေရိကန်တွေဟာ ပစ်စလက်ခတ်လူတွေ၊ ဖျက်ဆီးပြီး ငွေရအောင်လုပ်တယ်။ ကျန်ခဲ့တဲ့လူတွေကို အမှိုက်သိမ်းခိုင်းတယ်။ အပေးအယူလုပ်တတ်တဲ့သူတွေမဟုတ်ဘူး။ လက်လွတ်စပယ်သမားတွေ တဲ့။
ဒီလောက်နဲ့တော့ အာရပ်တွေဒေါသမထွက်သေးပါဘူး။ ပါလက်စတိုင်းကိစ္စကတော့ အတွင်းအကျဆုံးပြသနာပါ။ သူတို့ရဲ့ သွေးသားအာရပ်ညီအကိုအတွက် ဘာကြောင့်ဘာမှမလုပ်ပေးတာလဲ။ ( ပါလက်စတိုင်းတွေဟာ ဂျော်ဒန်ကလွဲလို့ သွားစရာမရှိ၊ သူတို့ကို ထောက်ပံ့တဲ့အကူအညီကလဲ နည်းလွန်းတယ်။)
အစ္စရေးက ဒီမိုကရေစီနိုင်ငံပေမဲ့ အာရပ်တစ်သန်းကို ဒုတိယတန်းစားနိုင်ငံသားတွေလိုပဲ ဆက်ဆံတာမို့ ရှက်စရာပါ။ ဒါပေမဲ့လည်း အစ္စရေးက သူတို့ကို နိုင်ငံရေးဆောင်ရွက်ခွင့်နဲ့ ဂုဏ်သိက္ခာကို ပေးအပ်ထားတာမို့ ဒါမျိုးမရနိုင်တဲ့ ကျန်အာရပ်နိုင်ငံတွေအတွက်လည်း အရှက်ရစရာပါ။ ဘာကြောင့်များ အာရပ်တွေရဲ့ ဒေါသဟာ အာဏာရှင်တွေပေါ်မရောက်ပဲ အစ္စရေးပေါ်ရောက်နေပါလိမ့်။
ဒီလိုရှေ့နောက်မညီတဲ့ ခံစားမှုတွေအားလုံးဟာ အမေရိကားကို ဦးတည်လာခြင်းကတော့ အရှက်ရခြင်း၊ ဆုတ်ယုတ်လာခြင်းနဲ့ စိတ်ဓါတ်ပျက်ပြားခြင်းတွေကြောင့်ပါပဲ။ ဒါ့အပြင် တရုတ်တို့ဟာ အမေရိကန် နိုင်ငံခြားရေးပေါ်လစီကို သဘောမတူပဲ အမေရိကန်မိတ်ဆွေတွေနဲ့ စစ်ခင်းပါတော့တယ်။ အာဖရိကနိုင်ငံတွေဟာလဲ ဒီလိုပဲ မကျေမနပ်နဲ့ တရားမျှတမှု မရှိဘူးလို့ခံစားနေကြရပါတယ်။ ဒါပေမဲ့လည်း သူတို့ကတော့ အမေရိကန်ကို စိတ်ဆိုးမနေကြပါဘူး။ အာရပ်တွေအတွက်ကတော့ သူတို့လိုချင်ပေမဲ့ လက်လှမ်းမမှီတဲ့ ခေတ်မီကမ္ဘာကြီးကို အမေရိကန်က ကိုယ်စားပြုထားသလို ဖြစ်နေပါတယ်။ ဒါကြောင့် အမေရိကန်လုပ်သမျှ မှန်ဘီလူးနဲ့ ချဲ့ကားကြည့်ပါတော့တယ်။ ကျွန်တော်တို့ ဘာမှမလုပ်ပဲနဲ့တောင် ကျွန်တော်တို့ရဲ့ ကြီးမားလှတဲ့ စစ်ရေးအင်အားတွေကို ဖြန့်ကျက်တော့မယ်လို့ ကောလဟလတွေပေါ်နေပါတယ်။ ဘယ်အထိလဲဆိုရင် စီအိုင်အေ ဒါမှမဟုတ် အစ္စရေးမော့ဆက်အဖွဲ့က ကမ္ဘာ့ကုန်သွယ်ရေးရုံးကို ဖောက်ခွဲခဲ့ပြီး အာရပ်နဲ့ မူဆလင်တွေကို အပြစ်ပုံချတာလို့တောင် ကောလဟလတွေဟာ အာရပ်ကမ္ဘာမှာ ပေါ်ပေါက်နေပါတယ်။ ဒါဟာ အသေခံဗုံးခွဲသမားတွေ ပေါ်ထွက်လာခဲ့ကြတဲ့ နောက်ခံယဉ်ကျေးမှုပါ။
အခုဆိုရင် အမေရိကန်ဟာ ဘာသာရေးအကြမ်းဖက်မှုအသွင်ဆောင်လာတာကို ဖြေရှင်းဖို့ မဟာဗျုဟာတွေချမှတ်ရပါတော့မယ်။ အားလုံးသိထားတဲ့အတိုင်း ရှည်လျားလှတဲ့စစ်ပွဲ၊ စစ်မျက်နှာများလှတဲ့စစ်ပွဲ၊ တိုက်ပွဲအကြီးရော အသေးပါ မျိုးစုံပါဝင်တဲ့ စစ်ပွဲကြီးဖြစ်ပါတော့မယ်။ ရည်မှန်းချက်ကတော့ရှင်းပါတယ်။ အယ်ကေးဒါးကို အမြစ်ပြတ်ချေမှုန်းဖို့ပါပဲ။
ဘာကြောင့်ဖြစ်နေမှန်းနားမလည်ဘူးဆိုရင်တောင်မှ ဒါကိုတော့ မဖြစ်မနေတိုက်ရမှာပါ။ ဒီအကြမ်းဖက်မှုကို အစီအစဉ်ဆွဲပေးသူ၊ အားပေးကူညီသူမှန်သမျှကိုလည်း ဖော်ထုတ်အပြစ်ပေးရပါမယ်။ သူတို့ရဲ့ လုပ်ငန်းစဉ်တွေကို ဖျက်ဆီးရမယ်၊ ငွေကြေးအထောက်အပံ့ကို ဖြတ်ပစ်ရမယ်။ ပုန်းနေတဲ့နေရာတွေကို ဖျက်ဆီးပစ်ရပါမယ်။ ဒီအတွက် ကုန်ကျစားရိတ်တွေများမှာပေမဲ့လည်း ကျွန်တော်တို့အနိုင်ရရင် ဒါတွေက ပျောက်ကွယ်သွားမှာပါ။ ဒီစစ်ပွဲမှာ တခြားအရေးကြီးတာ မရှိတော့ပါ။
နိုင်ငံရေးဗျုဟာကတော့ပိုရှူပ်ထွေးပြီး ပိုရည်ရွယ်ချက်ကြီးပါတယ်။ အမြင့်ဆုံးရည်မှန်းချက်ကတော့ ဒီလိုအန္တရာယ်ရှိတဲ့နေရာမှာ နိုင်ငံတကာလက်သင့်ခံတဲ့ စနစ်တစ်ခုကို ပြန်လည်ထူထောင်ဖို့ပါပဲ။ နိုင်ငံတကာက ပူးပေါင်းမှုကလည်း မကြုံစဖူးရနေပါတယ်။ ဒါကြောင့် သံသယမရှိသင့်တော့ပါဘူး။ အစိုးရအများစုဟာ အယ်ကေးဒါးလို လက်နက်ကိုင်မျိုးကို ကြောက်ကြပါတယ်။ အီရန်လို ယခင်က အကြမ်းဖက်မှုတွေကို ပံ့ပိုးတတ်သူတောင်မှ ကမ္ဘာ့အသိုင်းအ၀ိုင်းထဲကို ပြန်ဝင်ချင်နေပြီး သူတို့ဘာသာ ပြုပြင်ပြောင်းလဲနေကြပါတယ်။
ကျွန်တော်တို့ဟာ စစ်အေးတိုက်ပွဲကာလအလွန် မဟာဗျုဟာတွေကို အမေရိကန်နိုင်ငံလုံခြုံရေးအတွက် ချမှတ်နိုင်ပြီး ဒါဟာ နိုင်ငံတကာမှာလည်း ထိန်းသိမ်းထားနိုင်စွမ်းရှိရပါမယ်။ ဒါကိုအကောင်အထည်ဖော်ဖို့အတွက် ကျွန်တော်တို့ဟာ စစ်အေးတိုက်ပွဲတုန်းက တုန့်ပြန်မှုမျိုးတွေကို စွန့်လွှတ်ရပါမယ်။ နိုင်ငံစုံပါဝင်မှုကို လက်မခံချင်တာ၊ တရုတ်ပြည်ဟာ စစ်ရေးအရပြိုင်ဘက်ဖြစ်လာနိုင်တယ်၊ ရုရှားနိုင်ငံဟာ စစ်မျက်နှာသစ်အနေနဲ့ ပြန်ပေါ်လာနိုင်တယ် စတဲ့ အတွေးအယူတွေကို စွန့်ပစ်ရပါမယ်။ ( အခု ၁၀ နှစ်ကြာသွားပေမယ့် ကျွန်တော်တို့ရဲ့ ကာကွယ်ရေးအင်အားတွေဟာ တကယ့်အန္တရာယ်ကလွဲလို့ ကျန်တာတွေအတွက် ပြင်ဆင်ထားသလိုဖြစ်နေပါတယ်။ ဒါကို ပြောင်းပစ်ရပါမယ်။ )
နိုင်ငံတကာရဲ့ ပူးပေါင်းပါဝင်မှုရရှိဖို့ဆိုတာ ဗျုဟာမြောက်ရုံမက လက်တွေ့လည်းကျပါတယ်။ ဒီစစ်ပွဲရဲ့ သဘာဝအရ အခြားအစိုးရတွေရဲ့ ဆက်တိုက်ပူးပေါင်းဆောင်ရွက်မှုကို လိုပါတယ်။ ဖမ်းဆီးမှုတွေ၊ ရန်သူ့စခန်းကို ဖြိုခွဲမှုတွေ၊ ဘဏ်စာရင်းတွေကို ပိတ်ပစ်ဖို့နဲ့ သတင်းတွေကို မျှဝေဖို့ အစရှိသဖြင့်ပေါ့လေ။ နိုင်ငံရေးမှာလဲ လုံခြုံရေးသာလျှင် ပထမဖြစ်လာပါပြီ။ ဒါပေမဲ့ ဒီထက်မက လိုအပ်ပါသေးတယ်။ အမေရိကန်ဟာ သူများတွေက အားကျမနာလိုမှုတွေ၊ ဒေါသတွေနဲ့ ဆန့်ကျင်မှုတွေ ပေါ်ပေါက်စေတဲ့ ပုံစံမျိုးနဲ့ ကမ္ဘာကြီးကိုအုပ်စီးထားပါတယ်။ ဒါဟာ အင်အားကြီးလာလို့ဖြစ်လာတာပေမဲ့ ကျွန်တော်တို့မှာ လုပ်စရာတွေရှိနေပါသေးတယ်။ ဒါကြောင့်မို့ ကျွန်တော်တို့ရဲ့ အင်အားကို မျက်နှာဖုံးစွပ်အကာအကွယ်ယူတဲ့အနေနဲ့ ----- မှားသွားလို့ပါ။ ------ ကုလသမဂ္ဂလုံခြုံရေးကောင်စီလို အဖွဲ့အစည်းမျိုးနဲ့ လက်တွဲလုပ်မယ်ဆိုရင် ကျန်ကမ္ဘာ့နိုင်ငံတွေက လက်ခံနိုင်ကြပါလိမ့်မယ်။ သမ္မတဂျော့ဘုရ်ှရဲ့ ဖခင်ဟာ ဒါကိုနားလည်ပါတယ်။ ဒါကြောင့် UN ဟာ ပင်လယ်ကွေ့စစ်ပွဲကို ထောက်ခံခဲ့ပါတယ်။ အနိုင်ရဖို့ဆိုရင် နိုင်ငံတကာမှာ တရားဝင်ဖြစ်မှုဟာ ကျွန်တော်တို့ကို ကူညီနိုင်ပါတယ်။
အခု အစ္စရေးအကြောင်းပြောကြရအောင်။ ဒီနိုင်ငံဟာ အဲဒီဒေသမှာ ပြသနာတွေရဲ့ ဗဟို၊ အပြင်းဆုံးမီးတောက်ဖြစ်နေတယ်ဆိုတာ အသိသာကြီးပါ။ ဒီနိုင်ငံပျောက်သွားအောင်လုပ်တဲ့နည်းမျိုးနဲ့ အာရပ်ကမ္ဘာကို ကျွန်တော်တို့အဖြေမရှာပေးနိုင်တာကလဲ ပြသနာပဲ။ ကျွန်တော်တို့ဟာ အစ္စရေးတည်ရှိမှုနဲ့ ကြံ့ခိုင်မှုကို ထိခိုက်အောင်မလုပ်ဘူးလို့ သစ္စာပြုထားတယ်လေ။ ထို့အတူပဲ ဆက်ဒမ်ဟူစိန်ကို လက်ရဖမ်းမယ့် မူဝါဒကိုလဲ မစွန့်လွှတ်နိုင်ပြန်ဘူး။ သူက အဖျက်စွမ်းအားကြီးမားတဲ့လက်နက်တွေကို ထုတ်လုပ်နေတယ်လေ။ ( စကားချပ် --- အီရတ်စစ်ပွဲပြီးလို့ ၁၀ နှစ်ကြာတဲ့အထိ အဲဒီလက်နက်တွေကို မတွေ့ခဲ့ပါဘူး။ ဒီသတင်းအမှားကြောင့်နဲ့ ရေနံရလိုမှုကြောင့် အီရတ်စစ်ပွဲကို ဆင်နွှဲခဲ့တာပါ။ ---- ဘာသာပြန်သူ)
ကျွန်တော်တို့ဟာ မူဝါဒအမှားတွေကို ဒုက္ခပေးချင်ရုံသက်သက်နဲ့ ဆက်မလုပ်သင့်ပါဘူး။ ဆက်ဒမ်နဲ့ပတ်သက်တဲ့ မူဝါဒဟာ ပျက်စီးနေပါပြီ။ ကျွန်တော်တို့မှာ လေ့လာစောင့်ကြည့်သူတွေ အီရတ်ထဲမှာရှိမနေပဲ ပိတ်ဆို့ဒဏ်ခတ်မှုတွေပဲရှိနေပါတယ်။ ဒါဟာ အီရတ်ကို အငတ်ဘေးဆိုက်စေပြီး သူကတော့ ဓါတုလက်နက်တွေဆက်လုပ်နေပါတယ်။ ကျွန်တော်တို့ရဲ့ ဖိအားကို ဆက်ဒမ်အပေါ်မှာပဲ ကျရောက်စေပြိး သူ့ပြည်သူတွေကို မထိခိုက်စေရအောင် သူ့ကို စစ်ဆင်ရေးနဲ့ ဖမ်းယူပြီး အီရတ်စီးပွားရေးကို မပျက်စီးအောင်ထားခဲ့ရပါမယ်။ ကောလင်းပါဝဲဟာ ဒါကိုအကောင်အထည်ဖော်ဖို့ ကြိုးစားနေပါတယ်။
သူ့ကို နောက်တစ်ကြိမ်ကြိုးစားခွင့်ပြုသင့်ပါတယ်။ နောက်မေးခွန်းတစ်ခုကတော့ ဆက်ဒမ်ကို ရရင်ဘာလုပ်ကြမလဲ။ အဖြေကမလွယ်ပါဘူး။ ( အီရတ်ကို သိမ်းပိုက်နိုင်တာတောင်မှ လက်ရှိအာရပ်တွေက အမြင်မကြည်ပုံမျိုးနဲ့ ဆိုတော့ အခြေအနေသိပ်မကောင်းပါဘူး။ ) ( စကားချပ် --- သမ္မတဂျော့ဘုရ်ှဟာ ကုလထောက်ခံမှုမရပဲ အီရတ်စစ်ကိုဆင်နွှဲခဲ့ပါတယ်။ တစ်နိုင်ငံလုံးကို ထောင်းလမောင်းကျေအောင်ဖျက်ဆီးခဲ့ပြီး အီရတ်ရဲ့ နိုင်ငံရေး၊ စီးပွားရေးဟာ စစ်ပွဲပြီးလို့ ၁၀ နှစ်ကျော်တဲ့အထိ နလံမထူသေးပါဘူး။ ---- ဘာသာပြန်သူ )
အစ္စရေးနဲ့ပတ်သက်လို့ ကျွန်တော်တို့ဟာ သူ့ရဲ့ တည်ရှိခွင့်နဲ့ ဂါဇာကမ်းမြောင်သိမ်းပိုက်ခွင့်ကြားမှာ ပြတ်ပြတ်သားသားစည်းခြားထားဖို့ လိုပါတယ်။ ပထမအချက်က ကျွန်တော်တို့ ပျော့ပျော့ပျောင်းပျောင်းကိုင်တွယ်ရပါမယ်။ ဒုတိယအချက်က ဘီကလင်တန်တို့လုပ်နေတဲ့ ညှိနှိုင်းမှုကို အဆုံးသတ်တဲ့အထိ ဆက်လုပ်ရပါမယ်။ ကျွန်တော်ထင်တာကတော့ ဒါကိုလုပ်နေတာ အာရပ်တွေရဲ့ အမျက်ပြေအောင်ထက် လုပ်သင့်လို့လုပ်နေတာပါ။ အစ္စရေးဟာ စစ်ရေးအရနယ်ချဲ့နေပြီး ဒေသခံ ၃ သန်းရဲ့ ဆန္ဒမပါပဲ ဒီမိုကရေစီလုပ်နေလို့ မရပါဘူး။ ဒါဟာ အစ္စရေးအတွက်ကော၊ ပါလက်စတိုင်းအတွက်ကော အမေရိကန်အတွက်ပါ မကောင်းပါဘူး။
မူဝါဒအပြောင်းအလဲဆိုတာ အခက်အခဲမဟုတ်ပါဘူး။ တတိယအချက်က ဒီတိုက်ပွဲမှာ ယဉ်ကျေးမှုမျက်နှာစာပါနေတာပါ။ အမေရိကန်ဟာ အစ္စလာမ်ဘာသာကို ခေတ်မီကမ္ဘာထဲကို ၀င်ဆန့်လာအောင်ကူညီရပါမယ်။ ဒါဟာ မဖြစ်နိုင်တဲ့ စိန်ခေါ်မှုလို့ ထင်ရပါတယ်။
အာရပ်တွေရဲ့ ဒေါသမြစ်ဖျားခံရာဖြစ်တဲ့ နိုင်ငံရေး၊ စီးပွားရေး၊ ယဉ်ကျေးမှုတွေ ပြိုလဲကျနေတာကို ကျွန်တော်တို့ မတားဆီးနိုင်ဘူးဆိုရင် အမေရိကားသာမဟုတ် တကမ္ဘာလုံးဟာ လုံခြုံရေးကို ခြိမ်းခြောက်ခံရပါလိမ့်မယ်။ စစ်အေးတိုက်ပွဲကာလတုန်းက အနောက်တိုင်းနိုင်ငံများဟာ ကွန်မြူနစ်စနစ်ကို ရှူံ့ချပြီး ဒီမိုကရေစီကို ဆွဲဆောင်မှုရှိအောင်၊ ပွင့်လင်းလူ့အဖွဲ့အစည်းကို မြှင့်တင်အောင် မဟာဗျုဟာတွေချမှတ်ခဲ့ပါတယ်။ အခုလဲဒီလိုပဲ ယဉ်ကျေးမှုတိုက်ပွဲကို အနိုင်ရဖို့ တစ်ခုခုတော့ လုပ်ရပါတော့မယ်။
ပထမဆုံးအနေနဲ့ ကျွန်တော်တို့ဟာ သဘောထားပျော့ပျောင်းတဲ့ အာရပ်နိုင်ငံတွေကို သူတို့ရဲ့ အလယ်အလတ်သဘောထားကို ထိန်းသိမ်းထားနိုင်အောင် ပံ့ပိုးကူညီရပါမယ်။ ဆော်ဒီအာရေဗျလို နှစ်ပေါင်းကြာရှည်အာဏာရှင်နိုင်ငံမျိုးမှာ ဘာသာရေးအစွန်းရောက်မှုဟာ သေလောက်တဲ့အန္တရာယ်ဖြစ်နေပါပြီ။ အီဂျစ်မှာတောင် အခြေခံရှေးရိုးဝါဒီတွေကို အမြဲဆင်ဆာဖြတ်ခဲ့ပေမဲ့ အမေရိကားနဲ့ အစ္စရေးကို မီဒီယာတွေက ပက်ပက်စက်စက်ဝေဖန်နေတာတွေကို ခွင့်ပြုထားပါတယ်။ ( ဒီနည်းလမ်းနဲ့ အာဏာရှင်အစိုးရကို မဝေဖန်တော့ဘူးပေါ့။ )
ဒီထက်ပိုပြီးဆိုရရင် အလယ်အလတ်သဘောထားနိုင်ငံများကို အစ္စလမ်ဘာသာဟာ ခေတ်မီအဖွဲ့အစည်းနဲ့ အံဝင်အောင် ကြိုးစားဖို့ ကျွန်တော်တို့က တိုက်တွန်းရပါမယ်။ အမျိုးသမီးတွေကို အလုပ်လုပ်ခွင့်ပြုဖို့၊ ပညာရေးကို အားပေးဖို့နဲ့ အခြားဘာသာဝင်တွေကို လက်ခံဖို့ပါ။ 9/11 အဖြစ်အပျက်က လှုပ်နှိုးလိုက်ပြီဆိုတော့ တစ်ချို့ဟာတွေကို သူတို့လုပ်ကြပါလိမ့်မယ်။ ဆော်ဒီဟာ အစ္စလာမ်အစစ်တွေလို့ ဂုဏ်ဝင့်ခဲ့တဲ့ အာဏာရှင် တာလီဘန်တွေကို ရှူံ့ချပြီး အဆက်အသွယ်ဖြတ်လိုက်ပါပြီ။ အီဂျစ်မီဒီယာက စစ်ပွဲသတင်းတွေယူနေပါပြီ။ အမေရိကားနဲ့ အနောက်တိုင်းတို့ဟာလဲ ကိုယ့်အလုပ်ကိုယ်လုပ်ကြရပါတော့မယ်။
အခြေခံဝါဒီတွေကို ဖြိုခွဲဖို့အတွက် သဘောထားပျော့ပျောင်းတဲ့ မူဆလင်တွေ၊ ပညာတတ်တွေကို ထောက်ပံ့ပြီး အတွေးအခေါ်အသစ်၊ အယူအဆအသစ်တွေကို အာရပ်လောကမှာ ဖြန့်ဖြူးရပါမယ်။
တာလီဘန်တွေကို ဖယ်ထုတ်ပြီးရင် အာဖဂန်မှာ နိုင်ငံရေးစနစ်သစ်ကို တည်ဆောက်ပေးရပါမယ်။ ဒါ့အပြင် ရှေးရိုးစွဲဝါဒကူးစက်ပြန့်နှံ့နေတဲ့ ပါကစ္စတန်လိုနိုင်ငံမျိုးကိုတော့ ဖိအားပေးရပါမယ်။ ပြုပြင်ခိုင်းရမယ်၊ တံခါးဖွင့်ခိုင်းရမယ်၊ ဥပဒေစိုးမိုးအောင် အားထုတ်ခိုင်းရပါမယ်။ ( စကားချပ် ----- အမေရိကန်တို့ဟာ အာဖဂန်စစ်ပွဲအတွင်း ဗိုလ်ချုပ်တဖြစ်လဲ ပါကစ္စတန်သမ္မတ မူရှာရက်ဖ်နဲ့ ပူးပေါင်းဆောင်ရွက်ခဲ့ပြီး စစ်ပွဲပြီးတဲ့နောက် မူရှာရက်ဖ်ကို အာဏာစွန့်ခိုင်းကာ ရွေးကောက်ပွဲကျင်းပခိုင်းခဲ့ပါတယ်။ ---- ဘာသာပြန်သူ)
စစ်အေးတိုက်ပွဲတုန်းက တောင်ကိုးရီးယား၊ ထိုင်ဝမ်တို့နဲ့ ပူးပေါင်းသလိုပဲ အခုလဲ ဒီအာဏာရှင်တွေနဲ့ ပူးပေါင်းဆောင်ရွက်ပြီး ပြုပြင်ပြောင်းလဲအောင် တိုက်တွန်းရပါမယ်။ တစ်ချို့ကတော့ နိုင်ငံတည်ဆောက်ရေးထဲကို မပါသင့်ဘူးလို့ ငြင်းကောင်းငြင်းပါလိမ့်မယ်။ နိုင်ငံခြားရေးမူဝါဒဆိုတာ သီအိုရီ သက်သက်မဟုတ်ပါဘူး။ ကျွန်တော်ကိုယ်တိုင်လဲ အကျိုးစီးပွားမသေချာတဲ့နေရာတွေမှာ၊ ကြာကြာထိန်းသိမ်းထားနိုင်ဖို့ မရေရာတဲ့နေရာတွေမှာ နိုင်ငံတည်ဆောက်ရေးလုပ်ဖို့ အားမပေးပါဘူး။ ဒီနေရာကတော့ လုံခြုံရေးကို အကြီးမားဆုံး ခြိမ်းခြောက်နေတာ လျော့ချနိုင်ဖို့အတွက် နိုင်ငံရေးတည်ငြိမ်ဖို့လိုအပ်နေတဲ့ အချက်အချာနေရာမို့ပါ။ တခြားရွေးစရာမရှိပါဘူး။ ( စကားချပ် --- အခု အာဖဂန်မှာ ရွေးကောက်ပွဲပြီးလို့ သမ္မတသစ်တင်မြှောက်ထားပါတယ်။ ----- ဘာသာပြန်သူ )
နဲနဲတော့ ကြောက်ဖို့ကောင်းတဲ့စိန်ခေါ်မှုဖြစ်ပါတယ်။ ဒါပေမဲ့လည်း အရိပ်လက္ခဏာကောင်းတွေကတော့ အများကြီးပါ။ အယ်ကေးဒါးဟာ နိုင်ငံတကာအစိုးရတွေပေါင်းထားတဲ့ တပ်လောက်တော့ အင်အားမကြီးပါဘူး။ အမေရိကန်ရဲ့ ဦးဆောင်မှုအောက်မှာ ကမ္ဘာကြီးဟာ တညီတညွတ်ထဲပေါင်းပြီး နိုင်ငံတကာမိသားစုကြီးအဖြစ်နဲ့ အခြားကိစ္စတွေမှာပါ တိုးတက်အောင်ဆောင်ရွက်လာနိုင်ပါတယ်။ အခြေခံရှေးရိုးစွဲအစ္စလာမ်ဝါဒဟာ မူဆလင်အများစုကြီးအတွက် မဟုတ်တာလည်း ဖြစ်ကောင်းဖြစ်နိုင်ပါတယ်။ ပါကစ္စတန်မှာ ရှေးရိုးစွဲပါတီဟာ မဲအားလုံးရဲ့ ၁၀ ရာနှုန်းသာရပါတယ်။ အီဂျစ်မှာလည်း ရှေးရိုးစွဲတွေများပေမဲ့ လွှမ်းမိုးနိုင်လောက်အောင်တော့ အင်အားမရှိပါဘူး။ တကယ်လို့များ အနောက်တိုင်းနိုင်ငံများဟာ အစ္စလာမ်ကို ခေတ်မီလာအောင်၊ ဂုဏ်ကျက်သရေနဲ့ ငြိမ်းချမ်းရေးရှိလာအောင် ကူညီနိုင်မယ်ဆိုရင် ဒါဟာ လုံခြုံရေးထက်ပိုတဲ့ အောင်မြင်မှုတစ်ရပ်ပါ။ ဒါဟာ ကမ္ဘာတစ်ခုလုံးကို ပြောင်းလဲစေပါလိမ့်မယ်။
http://www.thedailybeast.com/newsweek/2001/10/14/the-politics-of-rage-why-do-they-hate-us.html