ဒီနေ့အိမ်သာကျင်းတူးနေရင်း အတွေးတွေက ထွက်ထွက်လာတယ်။
ကျင်းဖြစ်အောင်လို့ မြေကြီးတွေကို ဘေးပတ်လည်မှာ ယက်တင်တယ်။ ကျင်းနက်လာတာနဲ့အမျှ တင်ထားတဲ့ မြေသားကလည်း မို့မို့လာတယ်။ ထို့အတူ မြေသားကို အပေါ်တင်ယူ ရတာပိုပင်ပန်းလာတယ်။
လူသားတွေရဲ့ဘ၀မှာလည်း တစ်နေရာမှာ မြင့်သွားဖို့အတွက် တစ်နေရာရာမှာ နိမ့်ဆင်းသွားရသလား။ သို့မဟုတ် တစ်နေရာက နိမ့်သွားလေ တစ်နေရာက မြင့်လာလေသလား။
ပြီးတော့ လူသားတွေက မြင့်တာတွေကို ညီအောင်ဖြိုတယ်။ ညီတဲ့နေရာ နိမ့်ဆင်းအောင်တူးတယ်။ နိမ့်ဆင်းတဲ့နေရာတွေကြတော့ ညီအောင် ဖို့ပြန်လေတယ်။ တကယ်ပါ ကမ္ဘာကြီးအစား အမျိုးမျိုးဖြစ်နေတဲ့ လူတွေကို စိတ်လေမိတယ်။
ကမ္ဘာကြီးကို အမျိုးမျိုးလှည့်စားနေတယ်။ ကမ္ဘာကြီး ဘာလို့လှနေသလဲ။ မညီလို့လှနေတယ်လို့ ကျွန်တော်ထင်တယ်။ တောင်တွေ၊ တောင်တွေ၊ မြေပြန့်တွေက မညီညာလို့ ကြည့်လို့ကောင်းနေတယ်။
လူ့ဘ၀တွေကရော။ ဆင်းရဲတယ်။ ချမ်းသာတယ်။ စည်းစိမ်ချမ်းသာတွေနဲ့ သာယာနေတယ်။ စားဝတ်နေရေးအတွက် ဒုက္ခအလီလီတွေနဲ့ အလုပ်တွေလုပ်နေကြရတယ်။
ဆိုက်ကားဆရာရှိတယ်။ ပိုက်ဆံပေး ထိုင်စီးသူရှိတယ်။ အကုန်လုံးညီညာပြီး ထိုင်စီးသူတွေပဲရှိရင်ရော။
ဒီနေရာမှာကျွန်တော်ထင်တာက ဘ၀တွေဆိုတာ ဘယ်လိုမှ မတူညီနိုင်ပါဘူး။ ဒါကို ညှိဖို့ကတော့မဖြစ် နိုင်ပါဘူး။ ဘာလို့လဲဆိုရင် သူတို့နောက်မှ သူတို့လုပ်ဆောင်ခဲ့တဲ့ ကံတရားတွေရှိနေလို့ပါပဲ။
“ ဟ..ဒါဆိုရင် ဆင်းရဲသူက ဆင်းရဲသလိုနေ။ ချမ်းသာသူကချမ်းသာသလိုနေ။ ရှင်းရှင်းပြောရင် ကျွန်က ကျွန်လိုနေ၊ သခင်က သခင်လိုနေ ” လို့ပြောတာလား။
မဟုတ်ရပါဘူး။ ကံဆိုတာအလုပ်။ ကောင်းသောအလုပ်လုပ်ရင် ကောင်းသောကံရမှာပါပဲ။
ကိုယ်ရသင့်တဲ့ ဥစ္စာ၊ ရသင့်သော အခွင့်အရေးဆိုတာတွေတော့ ရအောင်ယူရမှာပါ။ ကံကြောင့် ဆင်းရဲ နေတာကွာ။ ဘာမလုပ်ပါဘူးဆို ဆင်းရဲနေမှာပဲ။ ကံကြောင့် ဆင်းရဲတာကွ ဒါကြောင့် ချမ်းသာအောင် ကံကောင်းအောင်လုပ်ရမယ် ဆိုရင် ချမ်းသာလာမှာပါ။
ကမ္ဘာပေါ်မှာ လူသန်းပေါင်း များစွာရှိလေတော့ မတူညီသော ဘ၀တွေကလည်း အများကြီးပါ။
မတူညီသောဘ၀တွေကြောင့် စစ်တွေဖြစ်တယ်။ ဘ၀ရဲ့ ရသတွေဖြစ်တယ်။ မတူညီတာကြောင့် ကြည့်လို့တော့ကောင်းနေတယ်။
မတူညီသောဘ၀တွေမှာ တူညီသောစိတ်ဓာတ်တွေရှိနေရင်တော့ ပိုကောင်း၊ ပိုလှလာမှာပါ။
သြော် ဘာတွေပဲဖြစ်ဖြစ်လေ နိမ့်သူကတော့ နိမ့်သွားဦးမှာပဲ။ မြင့်သူကလည်း မြင့်နေဦးမှာပါပဲ။
စိတ်ထားတွေမနိမ့်ကျဖို့၊ စိတ်ထားတွေ မမြင့်တက်ဖို့တော့ တန်းညှိရမှာပေါ့လေ။
ကျွန်တော် ညီနေတဲ့ ကမ္ဘာကြီးမှာ လူတွေရဲ့ အညစ်အကြေးစွန့်ဖို့ ကျင်းကြီးတူးနေလေရဲ့။
ကမ္ဘာမြေကြီးကတော့ တိတ်ဆိတ်လို့။ တစ်နေ့ငါ့အလှည့်လို့များ ပြောနေသလား။ ကျွန်တော်ကတော့ အတွေးတွေ ဆူညံနေပါတယ်။
မောင်ပိုင်
၁၈-၆-၂၀၁၃။
— with William Tuntunko and 2 others.