---------------
“ ၀ဏ္ဏဂန္ဓ
ရသမကင်း၊ ကြာပင်းရင်း၌
စင်းလျင်းဝပ်လျား၊ နေလှည့်ငြားလည်း
နံ့ရှားမွှေးကြိုင်၊ ဧလှိုင်ချိုမျက်
ဝတ်အရက်ကို၊ နှစ်သက်ဝမ်းမြောက်
ငါဖို့ရောက်ဟု၊ မသောက်တတ်အား ငမိုက်ဖားသို့ ”
ရှင်မဟာရဋ္ဌသာရ (ဘူရိဒတ် ဇတ်ပေါင်းပျို့)
အနံ့တသင်းသင်း၊ ကြာဝတ်ရည်ချိုမြမြရှိနေသော်လည်း ထိုအရသာကို ကြာပင်အောက်က ဖားက မသုံးဆောင်တတ်ပါဘူး။ အသုံးမချတတ်ပါဘူး။ သို့သော်လည်း ဟိုးအဝေးက ပျားပိတုန်းကတော့ လာရောက်ပြီး အနံ့ကိုရှူ၊ ၀တ်ရည်ကိုစားသုံးကြတယ်။
ဘယ်လောက်ပဲ ဟင်းကောင်းတွေကို ထိတွေ့နေနေ ယောက်မကတော့ ဟင်းရဲ့အရသာကို မသိနိုင်ပါဘူး။
---------------------
ဆရာ သန်းထွန်း(စကု)က “ ကြာပင်အောက်ကဖား ”ဆိုတဲ့ စာတစ်ပုဒ်နဲ့ သူရှက်ကြောင်းပြောခဲ့သလို၊ လူထု(ဦး)စိန်ဝင်းကလည်း “ ရှက်လိုက်တာနော်” ဆိုတဲ့ဆောင်းပါးနဲ့ ရှက်ခဲ့ရကြောင်းကိုရေးခဲ့ပါတယ်။ ဒီလိုပဲ ဆရာချစ်ဦးညိုကလည်း “ ရှက်သင့်ပါသော်ကော ဆရာရယ် ”လို့ ရှက်ဆေးကို ထုတ်ပြခဲ့ပါတယ်။
ကျွန်တော်တို့ရဲ့ ဆရာတွေဘာကြောင့်ရှက်ခဲ့ကြသလဲ။
ဆရာချစ်ဦးညိုဘာကြောင့်ရှက်ခဲ့သလဲဆိုရင် အမေရိကန်နိုင်ငံသူ Mural C, Williamson ပြုစုထားတဲ့ The Burmese Harp ဆိုတဲ့ မြန်မာ့စောင်းနှင့် သီဆိုရသည့် ဂန္ထ္လ၀င် သီချင်းကြီးတွေ၊ သံစဉ်တွေကို ပြည့်ပြည့်စုံစုံပြုစုထားတဲ့ စာအုပ်ကို ဆရာချစ်လက်ခံရရှိခဲ့တယ်။ တကယ့်မြန်မာ့သီချင်း၊ သံစဉ်တွေကို ယဉ်ကျေးမှုတက္ကသိုလ်က အကြံပေးသူတစ်ဦးဖြစ်တဲ့ ဆရာချစ် ရှက်သွားရှာပါတယ်။
ဆရာလူထု(ဦး)စိန်ဝင်းကရော ..ဂျွန်အိုကဲနှင့် အင်နာအဲလော့တို့ ပြုစုထားသော Burmese Grammatical Form နှင့်ပတ်သက်ပြီး သြော်သူတို့ကသာ ရေးကြပြုစုကြနဲ့ တို့များကတော့ ဘယ်မှာလဲ မြန်မာ့သတင်းစာသမိုင်းကျမ်း၊ မြန်မာစာနယ်ဇင်းသမိုင်းကျမ်း၊ ကဗျာဝတ္ထုတို့ ပန်းချီတူရိယာ သမိုင်းကျမ်း၊ ရှက်လိုက်တာနော်ဟု ခပ်ရှက်ရှက်ပြောခဲ့ပါသည်။
ကချင်ပြည်နယ်တွင် ခရိုင်ဝန်လုပ်သွားသော Mr.Hartz က ကချင်ဘာသာစကားလက်စွဲ၊ နမ္မတီး ခရိုင်ဝန် J.O Barnard `က ရ၀မ်စကားလက်စွဲကျမ်းများပြုစုခဲ့ကြသည်။ ကချင်စကားဆို၍ (ကျေးဂျူကဘာ) လောက်တာသိသော ကျွန်တော်တို့အဖို့ ခံပြင်းစရာကောင်းပါလိမ့်မည်။
ဒါအပြင် ဟာလီဒေက မွန်အဘိဓာတ်၊ သာသနာပြုဆရာ ယုဒသန်က မြန်မာ-အင်္ဂလိပ်အဘိဓာန်တွေကို ခပ်တည်တည်ပြုစုခဲ့ကြပါသေးသည်။
--------------
ကြည့်ပါ မြန်မာရဲ့တန်ဖိုးကို တိုင်းတပါးသားတွေက ဖော်ထုတ်တယ်။ သုံးဆောင်နေကြပါတယ်။
လက်ရှိအခြေအနေကိုကြည့် ရေနံ၊ သဘာဝဓာတ်ငွေ့၊ ကျောက်မျက်ရတနာ၊ ကြေးနီ၊ သစ်၊ စပါးကအစ တခြားနိုင်ငံတွေက ဟိုးအဝေးကနေပြီး ကြာရဲ့ဝတ်ရည်ကို စားသောက်နေကြတာမဟုတ်ပါလား။
ဘာသာရေးဘက်ကိုကြည့်တော့လည်း ရဟန်းခံဖို့၊ တရားအားထုတ်ဖို့ မြန်မာပြည်ကို တကူးတက လာရောက်ကျတဲ့ တိုင်းတပါးသားတွေ အများကြီးမဟုတ်ပါလား။
ဒါဆိုမြန်မာတွေဘာလုပ်နေကြလဲ…။
ကျွန်တော်တို့ မြန်မာလူငယ်တွေ တိုင်းတပါးစာ၊ ယဉ်ကျေးမှုတွေကို သင်ယူ၊ အတုခိုးနေတယ်။ တိုင်းတပါးရဲ့ တိုင်းပြည်၊ မြို့တွေကို အထင်ကြီးနေတယ်။
မြန်မာစာဆိုရင် ကောင်းကောင်းမရေးတတ်သူတွေများနေပါပြီ။ ဒါ့အပြင် မြန်မာစကားကိုတောင် လိပ်ပတ်လည်အောင် တချို့မပြောတတ်ချင်တော့ပါဘူး။
ကျွန်တော် ကလောမြို့ရဲ့ဈေးနေ့တစ်နေ့မှာ ဈေးဝယ်ထွက်ရင် ဟိုကြည့် ဒီကြည့်လုပ်မိတော့ တိုးရစ်တွေဈေးဝယ်နေတာကို တွေ့ရတယ်။ ဒီတော့ ကျွန်တော်ကလည်း မနေသာပဲ good morning တွေ၊ ဘာတွေသွားပြောတာပေါ့။ ဒီတော့ သူတို့က မင်္ဂလာပါခင်ဗျာတဲ့… ကျွန်တော်လည်း ရှက်မိသွာတာပေါ့လေ။
မြန်မာစာအကြောင်း၊ နိုင်ငံခြားသားက ရေးလိုက်၊ မြန်မာ့ဂီတအကြောင်းရေးလိုက်နှင့် မြန်မာ့အကြောင်း မြန်မာတွေရေးဖို့များကျန်ပါဦးမလား။ သြော် မြန်မာတွေမှာတွော နိုင်ငံခြားက ဘာသဘောတရား၊ ညာသဘော တရား၊ စာအုပ်တွေဖတ်ပြီး ခွက်စောင်းခုတ်လို့၊ ရန်ဖြစ်လို့ ကောင်းနေကျတုန်းပါပဲလား။
ကြာပင်ရင်းမှာ ဇိမ်လေးနဲ့ ၀ပ်လို့ကောင်းတုန်း။
ကျွန်တော်တို့ နားရွက်တွေကို လာဆွတ်ထားတဲ့ တံတွေးတွေက သုတ်လို့မနိုင်အောင်ပါပဲ။ ဒီတော့ ကျွန်တော်တို့မရှက်သင့်ကြဘူးလား။ ရှက်လိုက်တာမှ …ရှက် ရှက် ရှက် ပါပဲ။
-----------
သို့သော် ကျွန်တော်တွေးကြည့်ပါတယ်။ ကျွန်တော်တို့ ရှက်နေ၊ ကြောက်နေလို့တို့ ဘာမှဖြစ်လာမှာမဟုတ်ဘူးလေ။
ဇာစ်မြစ်ရှာရမယ်။ တခြားနိုင်ငံကလူတွေဘာ့ကြောင့် မြန်မာစာ၊ မြန်မာ့အကြောင်း တွေကိုရေးသားနေရတာလဲ။
ဘာကြောင့် မြန်မာပြည်ကိုလိုချင်နေကြရတာလဲ၊ ဘာကြောင့် မြန်မာပြည်မှာ တရားအားထုတ်ချင်ကြရတာလဲ။
မြန်မာပြည်မှာ အဖိုးမဖြတ်နိုင်တဲ့ရတနာတွေရှိလို့ပေါ့။ လောကီရတနာတွေက ဒုနဲ့ဒေး၊ လောကုတ္တရာ ရတနာတွေကိုလည်း မိုးရွာသွန်းဖြိုးနေသလိုပါပဲ။
မြန်မာဆိုတာ ဟို ရှေးကတည်းက ကိုယ့်စာပေ၊ ကိုယ့်ယဉ်ကျေးမှု၊ ကိုယ့်အနှစ်သာရတွေနဲ့ နေခဲ့ကြတာပါ။ ဒါတွေကို မြန်မာရေသောက်၊ မြန်မာမြေမှာနေ၊ မြန်မာပြည်မှာကြီးတဲ့ ကျွန်တော်တို့က မြန်မာ့ရတနာကို သုံးဆောင်ကြရမယ်။ သုံးဆောင်နိုင်ဖို့ရှာဖွေတတ်ရပါမယ်။
အထူးသဖြင့် မြန်မာကိုချစ်တဲ့စိတ်နဲ့ မြန်မာပြည်ရဲ့ ရတနာတွေကို တန်ဖိုးထား ကာကွယ်စောင့်ရှောက် သုံးဆောင်ခံစားရပါမယ်။
သြော် မည်သို့ပင်ဖြစ်စေကာမူ လက်ရှိအချိန်အထိ၊ လက်ရှိခေတ်ကာလတွေအထိ မြန်မာပြည်မှာ ချစ်စရာတွေ တပုံတပင်ကြီးကျန်ပါသေးတယ်။
ဒါကြောင့်လည်း တကယ်ပါ ချစ်လိုက်ရတဲ့ မြန်မာပြည်ရယ်လို့သာ…။
မောင်ပိုင်
၂၂-၆-၂၀၁၃။
— with William Tuntunko and 2 others.