အဆဲတိုက်ပွဲ သဲသဲမဲ ဆင်နွဲနေကြသည့် ရွှေမြန်မာ။တော်လွန်းသည်ဟု ပြောရမလား ချော်လွန်းသည်ဟု ပြောရမလား။ခြုံပြောရလျင် ခုတလော လူကို လူလိုမထင်သော လူလိုမမြင်သော စိတ်ဓာတ်တွေ လွမ်းမိုးနေသည်ဟု ဆိုရမည်။ကိုယ့်အချင်းချင်း သတ္တိပြတတ်သော အကျင့်ဆိုး ခုထိလွမ်းမိုးနေသည်။ဒေါ်အောင်ဆန်းစုကြည် ဦးသိန်းစိန် သူရရွှေမန်း ဦးဝီရသူစသည်တို့ကား အဆဲအဆိုအခံရဆုံး။အဆဲအခံရဆုံးကို စစ်တမ်းကောက်လျင် ဒေါ်အောင်ဆန်းစုကြည်နှင့် ဦးဝီရသူတို့ကား ထိပ်ဆုံးမှာရှိလောက်သည်။ဒီကြားထဲရဟန်းသာံတော်များကလည်း အဆစ်ပါလိုက်သေးသည်။ဒေါ်အောင်ဆန်းစုကြည်အတုယူဖွယ်စိတ်ထားများ ရှိပါသည်။သူ၏ အချို့ရပ်တည်ချက် ခံယူချက်ကို မိမိက မထောက်ခံဘဲ သဘောထားကွဲလွဲနိုင်ပါသည်။ဝေဖန်နိုင်ပါသည်။သို့သော် အောက်တန်းကျ
ကျ ဆဲဆိုခြင်းကား မပြုသင့်ပါ။
ဦးဝီရသူ၏ ဆောင်ရွက်ချက်အလုံးစုံကို မထောက်ခံဘဲ သဘောထားကွဲလွဲခွင့် ရှိပါသည်။ဝေဖန်နိုင်ပါသ်ည်။သို့သော် သူ၏မျိုးဘာသာချစ်စိတ်ကိုကား လေးစားတတ်ရပါမည်။ရဟန်းတော်အချို့၏ ရပ်တည်ချက်တို့သည်လည်း မသင့်တော်သည်များ ရှိနိုင်ပါသည်။သို့သော် ရဟန်းတော်တို့သည် ရာထူးအာဏာလိုချင်၍ မဟုတ်ဘဲ မှန်သည်ထင်သည့်ဘက်မှ ရပ်တည်တတ်သည့် သဘာဝကို သမိုင်းကြည့်က သိပါလိမ့်မည်။မိမိတို့နှင့် သဘောထားမတိုက်ဆိုင်သည်နှင့် သံဃာတု သဃာယောင် ရဟန်းတု ရဟန်းယောင် အကြမ်းဖက်အဖွဲ့အစည်း ခေါင်ဆောင်တို့အဖြစ်
ပုံရိပ်ဖော်ခြင်းငှာမသင့်ပါ။
ခုတော့ တဖက်နှင့် တဖက် လူဟုပင်မထင်ကြတော့ဟု ထင်ရလောက်အောင် တိုက်ခိုက်ကြတော့်သည်။သူတပါးအား အနိုင်ရရေး အတွက် အပုပ်ချကြတော့သည်။မစင်ကိုင်၍ တဖက်နှင့်တဖက် ပစ်ခတ်နေသည့်ပမာပင်။
ဝမ်းနည်းစဖွယ်ကောင်းသည်မှာ နှစ်ပေါင်းများစွာ ကောင်းတူဆိုးဖက် လက်တွဲလာကြသ
ည့် ရဟန်းသံဃာအဖွဲ့အစည်းနှင့်ဒီမိုကရက်တစ် အင်အားစုတို့၏ ပေါင်းစည်းမှုပြိုကွဲခြင်း လမ်းခွဲခြင်းဖြစ်သည်။
ရဟန်တော်များက မျိုးစောင့်ဥပဒေ ပေါ်ပေါက်ရေးအတွက် ကျိုးစားသည်။ဒီမိုကရက်တစ်အက်အားစုမှ ၎င်းကို လူတစု၏ နိုင်ငံရေးကစားကွက် N L Dကို ထိုးနှက်ချက်ဟုသာမြင်သည်။ရဟန်းသံဃာတို့၏ ခံစားချက်ကို ထည့်မတွက်။
လူတဦးချင်းစီ၏ အလိုဆန္ဒ ခံစားချက်ကို အလေးထားခြင်း လျစ်လျူမရှုခြင်းသည် ဒီမိုကရေးစီ၏ အခြေခံသဘာဝ။တနည်းအားဖြင့် လူကို လူလိုမြင်တတ်ခြင်း တန်ဖိုးထားတတ်ခြင်း။အလေးထားတတ်ခြင်း။မျိုးစောင့်ဥပဒေကိစ္စကို လိုလားသော သံဃာတော်များ၏ ဆန္ဒကို အလေးထားသုံးသပ်သင်သည်ထင်သည်။သင့်သည် မသင့်သည်ထားဦး။ သူတပါးအလိုဆန္ဒ ခံစားချက်ကို လေးစားသည့်ရှုထောင့်မှဖြစ်သည်။ထိုမှ တဆင့်တက်၍ မျှမျှတတဖြစ်ရန် စဉ်းစားသင့်သည်။
ထိုသို့ သူတပါးတို့၏ အလိုဆန္ဒကို တန်ဖိုးထားတတ် အလေးအနက်ထားတတ်သော ဒီမိုကရေစီအခြေခံ သဘောတရာမှ ရပ်တည်ဖြေရှင်းလျင် ပြဿနာအလုံးစုံပြေလည်နိုင်သည်။ပြဿနာဖန်တီးသူတို့ကို လက်ညှိးထိုးဖွယ်မရှိ။မှန်ကန်သော အမြင် မှန်ကန်သော ဆုံးဖြတ်ချက် မှန်ကန်သောရပ်တည်ချက် တို့အပေါ အခြေခံလျင် သူတပါးတို့ ကစားကွက်သည် ကျေပျက်မြဲဖြစ်သည်။
လူကို လူလိုမြင်တတ်၍ လေးစားစွာဆက်ဆံတတ်ခြင်း သူတပါးတို့၏ စိတ်ခံစားချက်များကို အလေးထားစဉ်းစားတတ်ခြင်းဟူသော ကိုယ်ချင်းစာတရား တန်းတူရည်တူစိတ်ထား များသ်ည နိုိင်ငံအားကယ်တင်မည့် စိတ်ထားများဖြစ်သည်။သူတပါးလိုက်နာသည်ဖြစ်စေ မလိုက်နာသည်ဖြစ်စေ မိမိကစ လိုက်နာကျင့်သုံးရန်ကျိုးစားကြရပါမည်။အမျိုးဘာသာကို ချစ်မြတ်နိုးသူ ဒီမိုကရေစီကို ချစ်မြတ်နိုးသူတိုင်း တာဝန်ရှိသည်ထင်သည်။
