Image may be NSFW.
Clik here to view.
“ စူပါကော်ဖီ ရှိလား ”
“ ရှိဘူးဗျ ကုန်နေတယ် နက်စ်သောက်ပါလား ”
“ ကျွန်တော်က ခပ်ပြင်းပြင်းလေးသောက်တတ်တာဗျ။ စူပါမရှိလည်း နေပါစေတော့၊ မသောက်တော့ပါဘူး”
ကျွန်တော် ကော်ဖီမသောက်ဖြစ်ပဲ ပြန်ခဲ့ပါသည်။
----------
ဆရာတော်ရဝေနွယ်(အင်းမ)၏ စာတစ်ပုဒ်ကို သတိရမိသည်။
ဆရာတော်က ကော်ဖီသောက်ရင် ရေနွေးအရင်ထည့်။ ပြီးမှ ကော်ဖီထုတ်ဖောက်ထည့်။ ကော်ဖီလေးတွေ တစ်စတစ်စမြုပ်သွားတာကို ကြည့်ရင်း အရသာခံသောက်သည်။
ကော်ဖီသောက်ရင် ပြုမူတတ်တဲ့အကျင့်တစ်ခုလိုဖြစ်နေသည်။ ဒီတော့ ဆရာတော်က စဉ်းစားသည် အသေးအမွှားကိစ္စလေးကအစ အရသာခံ၊ ဇိမ်ခံ၊ အကျင့်လုပ်နေရင် ကျန်သော ကြီးမားသော အလုပ်တွေဆိုရင် ဖြတ်ဖို့မလွယ်တော့ပါ။ လူတစ်ယောက် အကျင့်တစ်ခုဖြစ်ပြီ ဆိုရင်ဖြတ်ဖို့ခက်ပြီလို့ ဆရာတော်က ခပ်သေးသေးကိစ္စက အစဆင်ချင်နိုင်အောင် ရေးပြထားသည်။
---------
တစ်ခါတုန်းက ဈေးထဲမှာ ကြက်ဥရောင်းနေတဲ့ဈေးသယ်စီမှာ အမျိုးသမီးကြီးတစ်ဦးက ဈေးဝင်ဝယ်ပါတယ်။
“ ကြက်ဥတစ်လုံး ဘယ်လောက်လဲမသိဘူး ”
“ ငါးကျပ်ပါ ”
“ ကျွန်မ ၁၀ လုံးယူမယ်။ ရွေးမယ်နှော် ”
“ ဟုတ်ကဲ့ ရွေးပါရှင်။ ရွေးပါ”
အဲဒါနဲ့ ကြက်ဥကို ရွေးနေရင်း လေးငါးလုံးလောက်အရောက်မှာ ဆက်မရွေးတော့ပဲ ရပ်ပြီး
“ ကဲ ရှင်သာရွေးပေးပါတော့။ ကျွန်မ မရွေးတော့ဘူး ”
“ ဘာဖြစ်လို့လဲရှင့် ”
“ အော် ကျွန်မတို့က ဈေးတည့်လို့ ၀ယ်ဖြစ်တာလေ။ ဒါကို ကျွန်မက အကြီးတွေပဲ ရွေးနေတော့ ကြက်ဥကိုင်တိုင်း လောဘတစ်ခါတက်လာလို့ မရွေးချင်တော့ဘူး ”တဲ့။
ဒီတော့ ရောင်းတဲ့ အမျိုးသမီးကရွေးပါတယ်။ ရွေးနေရင်းနဲ့ သူလည်းရပ်လိုက်ပါတယ်။
“ ကဲရှင် ရှင်ပဲ ထည့်ချင်သလို ထည့်ယူသွားတော့”
“ ဘာဖြစ်လို့လဲ ရှင့် ”
“ ကျွန်မလည်း ရှင့်လိုပဲ။ ရွေးရင်းလောဘတက်လာလို့ပါ။ ကျွန်မကတော့ အသေးတွေပဲ ရွေးထည့်နေ တာလေ ”တဲ့။
သြော် ကြက်ဥလေးဝယ်တာကအစ တက်လာတဲ့ လောဘလေးတွေကို ထိန်းလိုက်နိုင်ကြတဲ့ အမျိုးသမီးတွေ အကြောင်း ဖတ်ရတော့ ကြက်သီးဖြန်းဖြန်းထခဲ့မိပါရဲ့။
--------
ကျွန်တော်တို့အဖို့ကတော့
ငယ်စဉ်ကတည်းက ညီအစ်ကိုနှစ်ယောက်အတွက် အ၀တ်လေးဝယ်ပေးရင်။ လှတာလေးမှ ရွေးချင်တယ်။ အ၀တ်အစားဝတ်တော့လည်း သစ်တာလေး၊ ကောင်းတာလေးမှ ရွေးဝတ်ချင်ကြတယ်။
အစားအသောက်ကအစ ကိုယ်ကြိုက်တာလေးများမစားရရင် စိတ်ကကောက်ချင်သေးတယ်။
ကျွန်တော်ငယ်ငယ်က အသီးအရွက်ကို လုံးဝမကြိုက်ဘူး။ မစားဘူး။ အသားပါမှ စားတယ်။ တစ်နေ့ ကျွန်တော့အဖေက ထမင်းအတူတူစားတော့ ကျွန်တော့ ပန်းကန်ထဲက အစိမ်းကြော်တွေထည့်ပေးတယ်။
“ ဒါစားရတယ်ကွ။ ဒါကမှ အာဟာရပြည့်မှာကွ ”တဲ့။
ကျွန်တော်က ကိုင်တောင်မကြည့်တော့ အဖေက ပါးစပ်ဟဆိုပြီး ခွံ့ကျွေးပါတယ်။ ကျွန်တော် မျက်ရည် ကျတယ်။ ကျွန်တော့အတွက် အာဟာရဖြစ်မယ်ဆိုတာတောင် ကျွန်တော်မကြိုက်လို့ မစားနိုင်ဘူးဆိုပြီး မျက်ရည်တောင် ကျခဲ့တယ်။
တစ်ခါတစ်ခါမှာလည်း ကိုယ်အတွက် စိတ်အာဟာရဖြစ်မှန်းသိရဲ့နဲ့ ကျွန်တော်တို့က..
“ တရားသဘော ဘယ်လိုပြောလဲ လိပ်ကျောကြောင်ကော် ပြောင်ချော်ချော်သို့ ” ဆိုတာလို မသိလိုက် မသိဘာသာ နေခဲ့တာပါပဲ။
အသက်အရွယ်ကြီးလာပြန်တော့လည်း မရ ရတဲ့နည်းနဲ့ရှာတယ်။ သူတစ်ပါးကိုယ့်ထက် နည်းနည်းမှကို အကျော်မခံနိုင်။ သူတစ်ပါးကျော်သွားရင်လည်း နည်းနည်းမှ စိတ်ကမကြည်ဘူး။
ဖြတ်ခုတ်တယ်။ ခြေထိုးခံတယ်။ ခြေထောက်ကိုနင်းတယ်။ ငယ်ထိပ်ပုတ်တယ်။ နားရွက်တံတွေးစွတ်တယ်။ စပျစ်သီးမမှီရင် ချဉ်တယ်လို့ပြောတယ်။ မစားရတဲ့အမဲ သဲနဲ့ပက်ချင်ပက်တယ်။
ဟိုး သေးသေးကစတဲ့ လောဘစိတ်ကလေးဟာ အသက်ကြီးလေး ပိုကြီးလာလေပဲ။ နည်းနည်းမှကို လျှော့သွားတယ်မရှိလှပါဘူး။
` ဈေးဝယ်ရင်းနဲ့ အကုသိုလ်တိုးတယ်။ ဈေးရောင်းရင်နဲ့ လောဘတွေတက်တယ်။ စားနေရင်း ရသာတဏှာ
ပြီးတော့ ကောင်းတဲ့ အလေ့အကျင့်ဆိုရင် မလုပ်ချင်၊ မစွဲမြဲချင်ဘူး။ မကောင်းတာလေးကျတော့ အချိန်တန်ရင် လုပ်ကိုလုပ်နေရမှ။
“ နေညိုရင် လေပျိုတယ်၊ အချိန်ကျတော့ လေထလာတယ်။ အချိန်တန်တော့ လေထန်လာ” တယ်တဲ့။
သောက်နေကျလေးဆိုရင် သောက်ကိုသောက်ရမှ။
နေညိုလို့ အော် ငါအိုပြန်ပကောလားလို့ လားလားမှကို အတွေးကမ၀င်ချင်ပါဘူး။
ဟုတ်တယ် ရောင့်ရဲခြင်းနဲ့ မတင်းတိမ်နိုင်သေးဘူး။
မြတ်စွာဘုရားရှင်က “ ဆင်းရဲဒုက္ခ၏ အကြောင်းရင်းသည် အခြားအရာများမဟုတ်၊ ကိုယ်ကျိုးအတွက် လိုချင်တပ်မက်မှု- တဏှာဖြစ်၏ ” လို့ဟောတော်မူခဲ့ပါတယ်။
ကိုယ်ကျိုးအတွက် လိုတယ်။ ကိုယ်တိုင်ခံစားချင်တယ်။ ကိုယ်တိုင်လုပ် လိုက်ရမှကျေနပ်ချင်တယ်။ ကိုယ်လုပ်လို့ ဖြစ်တာဆိုပြီး မာန၀င့်ချင်သေးတယ်။
သြော် ဒီလိုနဲ့ပဲ…
ကျွန်တော် စူပါကော်ဖီမရှိလို့ ကော်ဖီတစ်ခွက်မသောက်ဖြစ်ခဲ့ရပါဘူး။ ကျွန်တော်ရဲ့ ဒီကော်ဖီမှ ကော်ဖီဆိုတဲ့ အစွဲက ကော်ဖီငတ်ခြင်းကို မပြေပျောက်စေခဲ့ပါဘူး။
ကော်ဖီတစ်ခွက်က ကျွန်တော် ဘ၀တစ်သက်အတွက် စကားတွေပြောနေပါလားဗျာ….။
မောင်ပိုင်
၃၀-၆-၂၀၁၃။
— with Nanda Htun Htet and 5 others.