ကြိုးတပ်၍ လှော်ခတ်ခြင်း

“ သံယောဇဉ်..သံယောဇဉ်…လူကိုအရူးတစ်ပိုင်း ဖြစ်စေတယ်..”
ကိုလေးဖြူကတော့ သူကို့ အရူးတစ်ပိုင်းဖြစ်တဲ့ သံယောဇဉ်အကြောင်း ဖွင့်ဆိုလေရဲ့။
အော် ကိုလေးဖြူရယ် သံယောဇဉ်ဆိုတာက ကမ္ဘာပေါ်ကလူသားတင်မက တိရိစ္ဆာန်တွေကိုပါ အရူးတစ်ပိုင်း ဖြစ်စေတာပါဗျာ။
…………..
ကျွန်တော်ကလည်း စကားတစ်လုံးကအစ အတွေးတစ်ခုရရင် မနေတတ်ဘူး။ သူ့အကြောင်းအခြင်းအရာကို ရှာတတ်တယ်။ တစ်ခုကနေ ကျွန်တော် ဆက်ဆက်တွေးရတာ ၀ါသနာပါတယ်။
ဒီတော့ သံယောဇဉ်အကြောင်းလေးပေါ့။ ဦးထွန်းမြင့်ပြုစုတဲ့ ပါဋ္ဌိသက်ဝေါဟာရအဘိဓာန်ထဲမှာ
သံယောဇဉ်=ပဋ်သုံးပါး၌ စပ်ယှဉ်စေတတ်၊ ဖွဲ့ချည်တတ်သောတရား၊ တွယ်တာတတ်သောသဘော။ လို့ ဖွင့်ဆိုထားပါတယ်။
ထို့အတူ အရှင်သြဘာသာဘိဝံသရဲ့ သုတေသနအဘိဓာန်ထဲမှာ ထပ်ရှာတယ်။
သံယောဇဉ်= သတ္တ၀ါအပေါင်းတို့အား ထိုထိုဘ၀မှ မလွတ်ရအောင် တုပ်နှောင်ဖွဲ့ချည်ထားတတ်သော တရား။ တဲ့။
သံယောဇဉ်ဆိုတာ သံယောဇန (ယှဉ်စေတတ်သောတရား)ဆိုတဲ့ ပါဋ္ဌိကနေလာတာပါ။
ကျွန်တော်တို့ မလွတ်နိုင်အောင်၊ မရုန်းနိုင်လေအောင် သံယောဇဉ်တရားတွေက ချည်နှောင်ထားတယ်။
သံယောဇဉ်က ကာမဘုံအာရုံမှာလည်း ဖွဲ့ချည်ထားတယ်။ ရူပဘုံအာရုံမှာလည်းဖွဲ့ချည်ထားတယ်။ ရန်မီးမှာလည်း ဖွဲ့ချည်ထားတယ်။ ထောင်လွှားခြင်းမှာလည်း ဖွဲ့ချည်ထားတယ်။ စတဲ့ သံယောဇဉ်(၁၀)ပါးက ကျွန်တော်တို့ကို ခိုင်ခိုင်ခံ့ခံ့ ချည်နှောင်ထားလေရဲ့။
………….
ကျွန်တော်တို့ ငယ်ငယ်ကတည်းကစ ပျိုးခဲ့တဲ့ သံယောဇဉ်။ အဖေ၊ အမေသံယောဇဉ်၊ ညီအစ်ကိုမောင်နှမ သံယောဇဉ်။ သူငယ်ချင်း၊ သမီးရည်းစား၊ လင်မယား၊ အဘိုးအဘွား၊ မြေးမြစ်….ဟာ သံယောဇဉ်တွေက တစ်ပတ်လည်တွေနဲ့ တစ်ကြိုးပြီး တစ်ကြိုးချည်နှောင်နေတာပါလား။
အမယ် ဘယ်သူက မင်းကိုချည်လို့လဲ မမေးနဲ့။ ကိုယ့်ကိုယ်ကို ချည်တာဗျာ။ သံယောဇဉ်လေးတွေကြောင့် ချစ်လို့ကောင်းတုန်း၊ ပူပင်လို့ကောင်းတုန်း။ ဒီကြားထဲ မုန်းသူကိုတောင် အမုန်းသံယောဇဉ်နဲ့ သောက်မြင်ကပ်လို့ ကောင်းတုန်း။
ဟ ဒါဆိုရင် ဒီကြိုးတွေကို မဖြေချင်ဘူးလား။ မဖြတ်ချင်ဘူးလားကွ။
အို..ဘာတဲ့…“ အိမ်ရှေ့စံလည်းခံပါ့မယ်…ဟိုနန်းမြို့ရိုးကြားဝှက်လို့ထားတဲ့ အသပြာလေးရွေးလည်း ပြေးလို့ယူပါ့မယ် ”ဆိုသလို။ ဖြတ်လည်း ဖြတ်ချင်တာပေါ့။ မပြတ်လည်း မပြတ်ချင်သေးဘူးပေါ့။
-----------
တစ်ခါတုန်းက နွားနက်နဲ့ နွားဖြူကြီးက ကြိုးအတူတူပူးချည်ထားသတဲ့။
ဒါကို နွားနက်က တောင်ကိုသွားတယ်။ နွားဖြူကြီးက မြောက်ကိုသွားတယ်။ ကြိုးကရှိလေတော့ နွားနက်သွားတော့ နွားဖြူက ကန့်လန့်။ နွားဖြူသွားတော့နွားနက်က ကန့်လန့်ဖြစ်နေတယ်တဲ့။
ဒီလိုပါပဲ တစ်ခါတုန်းက.. လူတစ်ယောက်ဟာ အညာကနေ အောက်ပြည်ကို ကုန်ရောင်းဖို့ လှေနဲ့ ထွက်မလို့ပြင်နေတယ်။ သူက အညာကနေ ညဘက်စုန်ဆင်းရင် နံနက်ဆို အောက်ပြည်ကိုတော့ ရောက်လုနီး ဖြစ်မယ်ဆိုတဲ့အကြံနဲ့ လှေကို စပြီးစုန်ဆင်းသတဲ့။
လမ်းခရီးမှာလဲ အားကြိုးမာန်တက် လှော်ခတ်သေးတာပေါ့။ ဒါနဲ့ နံနက်မိုးသောက်လို့ကြည့်တော့ ဟ အောက်ပြည်ကလည်း ငါတို့ဆိပ်ကမ်းနဲ့တူလှချီလှပေါ့။ အမှန်တော့ သူ့လှေက သူ့ဆိပ်ကမ်းကမခွာပါဘူး။
ဘာလို့လဲဆိုရင် လှေနောက်မှာ ချည်ထားတဲ့ ကြိုးကိုမှ မဖြုတ်ပဲလှော်နေတာကြောင့်ပါ။
----------
ဘုရားစင်ရှေ့မှာ လက်အုပ်လေးချီပြီး “ နိဗ္ဗာန်မဂ်ဖိုလ်ကို ရက်တိုတိုနဲ့ ရောက်ရပါလို၏ ဘုရား ” လို့
ဆုတောင်းပြီး အမျှအတန်းဝေတယ်။
“ အားလုံး ကြားကြသမျှ အမျှ..အမျှ..အမျှ… ယူတော်မူကြပါကုန် ”
“ သာဓု…သာဓု…သာဓု ”
အမယ် ငါ့သမီးက အဖေအမျှဝေတာကို သာဓုလိုက်ခေါ်နေပါလား။

ချစ်လိုက်ရတဲ့ သမီးလေး။ လိမ္မာလိုက်တဲ့ သမီးလေး။ ဒါမှ ငါ့သမီးလေးကွလို့…
ပွေ့ချီပြီး ပါးပြင်လေးကို မွှေးကြူလိုက်ပါတယ်။
ဘယ်ရမလဲ ကျွန်တော်လည်း ခပ်တည်တည်နဲ့ ကြိုးတပ်ပြီး လှော်ခတ်ကြည့်မိတာပေါ့။
“ သံယောဇဉ်..သံယောဇဉ်…လူကို အရူးတစ်ပိုင်းဖြစ်စေတယ်။ ”