“ မနေရလို့ သေကြတဲ့အခါ
ကိုယ့်နောက်ကိုကား…ဘာများပါမှာ
ပစ္စည်းဟူက မြူမျှမပါ
ကိုယ်ပြုထား ကံများကိုယ့်နောက်ပါ ..”
ကားပေါ်က သံဝေဂလင်္ကာ ရွတ်ဖတ်သံက ကျွန်တော့်နားထဲရောက်လာတယ်။
သြော်…သွားတော့…သူငယ်ချင်း.သွားတော့…
မင်းအပြန်ခရီးကတော့ စည်းကားလှပါပေတယ်ကွာ။ ခုချိန်ထိ ယာဉ်တန်းက အိမ်ဝ(သုသာန်ဝ) ရောက်တာတောင် နောက်မှာ အရှည်ကြီးကျန်သေးတယ်။
ဘာပဲဖြစ်ဖြစ်..မင်းနေခဲ့စဉ်က ကောင်းသော ပြုမူဆောင်ရွက်ခဲ့မှုတွေကြောင့် ခုလို စည်ကား နေရတာပါသူငယ်ချင်း။
မင်းအပြန်ခရီးက..ဘာပဲဖြစ်ဖြစ်.လှပါပေတယ်ကွာ။
မင်းမှာ..ချစ်လှစွာ ဇနီးနဲ့..မင်းရဲ့ တစ်ဦးတည်းသော သားလေးကျန်ခဲ့တယ်နော်။
လောကကြီးအတွက် ဘာတွေချန်ထားခဲ့ပြီလဲ။ မင်းကရော…ဘာတွေယူသွားပြီလဲ။
------------
ဆမ်းမားဆက်မော်မ်ရေးသည့် “ Appointment in Summara ” ဆိုတဲ့ ၀တ္ထုလေးကို သတိရမိတယ်။
တစ်ခါက ဘက္ကဒတ်မြို့ ကုန်သည်တစ်ဦးက သူ့တပည့်ဖြစ်သူကို ဈေးဝယ်လွှတ်လိုက်တယ်။
မကြာပါဘူး တပည့်ဖြစ်သူက မျက်နှာဖြူပတ်ဖြူလျော်နဲ့ ပြန်ပြေးလာတယ်။
“ ဆရာ ကျွန်တော်ဈေးထဲမှာရောက်တော့ လူတစ်ယောက်က ၀င်တိုက်မိလို့ ကြည့်လိုက်တော့ သေမင်းဖြစ်နေတာကို တွေ့ရတယ်။ သူကလည်း ကျွန်တော့်ကို စူးစူးဝါးဝါးပြန်ကြည့်နေတယ်။ သူနဲ့ ပြန်ပြီးတွေ့ရမှာ ကြောက်လှပါတယ်။ သူနဲ့ဝေးရာကို ပြေးသွားပုန်းအောင်ချင်ပါတယ်”
“ သေမင်းရှာမတွေ့နိုင်တဲ့ ဟိုး--အဝေးကြီးမှာတဲ့ “ဆမ်မာရာ”ကို ပြေးပါမယ် ”တဲ့
ဒါနဲ့ကုန်သည်ကြီးက သူ့ရဲ့အကောင်းဆုံးမြင်းကိုပေးလိုက်ပြီး တပည့်ဖြစ်သူကို သွားခိုင်းလိုက်သတဲ့။
သူလည်း ဈေးကိုကိုယ်တိုင်ပဲသွားလိုက်တော့တယ်။
ဈေးထဲရောက်တော့ သေမင်းနဲ့တွေ့ပြန်တယ်။
“ ခင်ဗျား ကျွန်တော့်တပည့်ကို စူးစူးဝါးဝါးကြည့်ပြီး ဘာကြောင့် ခြိမ်းခြောက်လိုက်တာလဲ ”
“ ခြိမ်းခြောက်တာမဟုတ်ပါဘူး။ စူးစူးဝါးဝါးကြည့်တာကလဲ သိပ်ကိုအံ့သြလွန်းလို့ကြည့်တာပါ။ ကျွန်ုပ်ကဒီ ဘက္ကဒတ်မှာတွေ့လိုက်ရလို့လေ။ အမှန်တကယ်က ဒီနေ့ည “ဆမ်မာရာ”မှာ သူနဲ့ကျွန်ုပ် စာရင်းရှင်းကြဖို့ရှိတယ်လေ ”။တဲ့
သေမင်းနဲ့ ဝေးရာပြေးခဲ့ပေမယ့် ကိုယ်ပြေးတဲ့နေရာက သေမင်းနဲ့တွေ့ရမယ်နေရာ ဖြစ်နေတယ် တဲ့လေ။
----------
သတ္တ၀ါတွေရဲ့ အမြဲနေအိမ်ဟာ အပါယ်လေးပါးပါတဲ့။ ဘာကြောင့်လဲ တစ်သံသရာလုံး မဂ်ရတာ မကြိုက်လို့ ဓမ္မကို ခပ်ကင်းကင်းနေခဲ့လို့ အပါယ်လေးပါးက ကိုယ့်အိမ် ကိုယ့်ရာလို ဖြစ်နေရတာပါ။
ကျွန်တော်တို့ မွေးပြီဆိုကတည်းက သေခြင်းကပါလာပြီ။ သေခြင်းတရားနဲ့ မတွေ့ချင်လို့ ဘယ်လောက်ပဲ ဆေးတွေကုကု၊ ဘယ်လောက်ပဲ အစားထိုးပြုပြင် ပြုပြင် တစ်နေ့တော့ သေမှာပါပဲ။
“ ဆမ်မာရာ” တွေ့ရမှာပါပဲ။
မွေးလာပြီရင်တော့ သေရမှာပဲ။ မမွေးချင် မသေချင်ရင်တော့ ၀ိပဿနာ တရားကိုကျင့်ကြံ အားထုတ်ရမှာပါ။
ဒီတော့ ကျွန်တော်တို့အတွက် သေချာနေတာကတော့ သေမှာပါပဲ။ ဘယ်လိုသေကြမလဲ။ အသေကောင်းနဲ့ သေကြမလား၊ အသေးဆိုးနဲ့သေကြမလား။
သေခြင်းသုံးမျိုးရှိပါတယ်။
ခဏိက မရဏ= သင်္ခါရတရားတို့၏ ခဏမစဲသေခြင်း။ (ရုပ်တရား၊ နာမ်တရားတို့က ခဏမစဲ ဖြစ်၊ တည်၊ ပျက် နဲ့ အမြဲ ချုပ်ပျက်နေခြင်း)
သမုတိ မရဏ= ပညတ်အားဖြင့်သေခြင်း(“ကိုဖြူသေပြီ၊ မနီသေပြီ” လို့ အမည်ပညတ်အားဖြင့် လူနတ်သတ္တ၀ါတို့ သေခြင်း)
သမုစ္ဆေဒ မရဏ= ဘုရား၊ ရဟန္တာတို့၏ အပြီးပြတ် ချုပ်ငြိမ်းခြင်း (နောက်ထပ်တစ်ဖန်၊ ပဋိသန္ဓေမနေရတော့ပြီ ဖြစ်သော ရဟန္တာတို့၏ သေခြင်း)
ကျွန်တော်တို့ရဲ့ ရုပ်လေးက ဖြစ်ပြီး ပျက်နေတယ်။ စိတ်လေးလည်း ဒီလိုပဲ ဖြစ်ပြီး ပျက်နေတယ်။
ခဏမစဲသေနေတယ်။ ဒါကိုမသိတော့ ဒီရုပ်က ငါ့ရုပ်၊ ဒီစိတ်က ငါ့စိတ်တွေဖြစ်နေကြရတာပါ။
ဖြစ် ပျက်ကို တကယ် ဓမ္မသဘောနဲ့ သိပြီဆိုတဲ့ တစ်နေ့ ကျွန်တော်တို့အတွက် အမြဲနေအိမ်ကြီးက တံခါးပိတ်သွားပါတော့တယ်။
ပညတ်အားဖြင့် မောင်ပိုင် အသက်(---)၊ ……ရက်နေ့တွင် ကွန်လွန်သည်ဆိုရင်
သြော် ကိုမောင်ပိုင်၊ ဦးမောင်ပိုင်ကြီး၊ ငါညီမောင်ပိုင်ကြီးတော့ သေသွားပါပြီလားလို့ ပြောကြမှာပါပဲ။
ဒီတော့ ရုပ်နာမ်နှစ်ပါးကလည်း သေနေတယ်။ နာမည်ပညတ်ကြီးကလည်း သေဦးမယ်။
ကျွန်တော်တို့ အမြဲမသေတဲ့ သေခြင်းရဖို့ပဲ ကြိုးစားရတော့မယ်။
--------------
သူငယ်ချင်းရေ…
“ ချစ်လျှံဝေေ၀၊ ချစ်မိတ်ဆွေနှင့်
ချစ်နေသမျှ၊ ပေါင်းနေရလည်း
ခွဲရမည်မှာ မလွဲသာတည်း။
ရှည်စွာအသက်၊ တည်လျှက်ရှိလည်း
ပုခက်နှင့်ပေ၊ ဝေးလေလေလည်း
နီးလေပျဉ်ခေါင်း၊ အမှန်အောင်းလိမ့် ”တဲ့
မင်းကတော့ တို့တတွေနဲ့ခွဲခွာဖို့ အိပ်စက်နေပြီပေါ့။
ဇရပ်မှာ ဆိုင်းဘုတ်တစ်ခုဖတ်မိတယ်သူငယ်ချင်း…
“ မိတ်ဆွေ ငါ့ဘေးနားက ဖြတ်သွားတဲ့အခါ ငါ့ကိုသတိရလိုက်စမ်းပါ။
ငါလည်း တစ်ချိန်ကမင်းလို ပျော်ရွှင်ခဲ့ဘူးတာပါပဲ။
မနေရလို့ သေရတဲ့တစ်နေ့ မင်းလည်း ငါ့နောက်လိုက်လာရမှာပါ။
မသေရခင် ပြင်ဆင်စရာရှိတာတွေ ပြင်ဆင်ထားပါ မိတ်ဆွေ”တဲ့။
ငါ အုတ်ဂူလေးတွေကို ပြန်ငှဲ့ကြည့်မိတယ်။ နေရာလေးတွေ ယူငင်ထားကြတာလေ။ ငါ့အတွက် တစ်နေရာတော့ ရှိမှာပါပဲ။ ဒါပေမယ့် မင်းက တစ်နေ့ရာစာ ကိုယ်ဦးထားမယ်လို့တော့ မပြောပါနဲ့ဦးနော်။
ဆရာတင်မိုးကလည်း
“ ဆေးလိပ်လည်းတို နေလည်းညို
ငါ့ကို အိမ်ပြန်ပို့ပါတော့ ”တဲ့။
ငါကတော့.မပြန်ချင်သေဘူး။ ငါသေရမှာ ကြောက်သေးတယ်ကွ။
ဘာလို့လဲ ဆိုရင် ငါ့အပြန်ခရီးအတွက် ငါမပြင်ဆင်ရသေးဘူးလေ။
ငါ့ရဲ့ အပြန်ခရီးသယ်ဆောင်ရမယ့် အထုပ်က ညစ်နွမ်းနေတယ်။ ဒီတော့ မျက်နှာပန်းမလှဘူးကွ။
ကိုယ်ပြုခဲ့တဲ့ ကုသိုလ်၊ အကုသိုလ်၊ ၀ိပဿနာတရားက ကိုယ်အထုပ်တဲ့။
သူငယ်ချင်းရေ…ငါ့အထုပ်လေး ဖြူနေအောင်..ဒါမှမဟုတ် အရောင်လေးတွေ ပျယ်အောင်တော့ ငါပြန်လည်လျှော်ဖွတ်ပါရစေဦးကွာ..။
ဒါမှလည်း ..ငါ့အပြန်ခရီးအတွက် ငါစိတ်ချမ်းသာမှာ သူငယ်ချင်း။
ဒီတော့ သွားနှင့် ဦးတော့ သူငယ်ချင်းရေ….။
--------------
“ မရဏ မေ ဘ၀ိဿတိ၊ ဥစ္ဆိဇ္ဖိဿတိ ဇီဝိတံ။
သော ဟံ မရဏ ဓမ္မောမှိ၊ အနတိတောတိ မရဏံ။ ”
သေခြင်းသည် ငါ့အား၊ ငါ့အတွက်၊ ငါ့အလို့ငှာ ဖြစ်လတံ္တ။ အသက်သည် ပြတ်လတ္တံ။
ငါသည် သေခြင်းသဘောရှိသည်ဖြစ်၏။
“ အပ္ပမာဒေန သမ္ပာဒေထ ”
မမေ့မလျော့သော သတိဖြင့် အပြန်ခရီးလှနိုင်ကြပါစေ။
မောင်ပိုင်
၎-၇-၂၀၁၃။
— with Thanda Win and 17 others.