Image may be NSFW.
Clik here to view.
နံနက်(၄)နာရီခန့်က တစ်ရေးနိုးခဲ့သည်။ အပေါ့အပါးသွားပြီး အိပ်ယာပြန်ဝင်ခဲ့သည်။
အိပ်မက်သည် အိပ်စက်ခြင်းသို့ဝင်လာသည်။ ထူးခြားစွာ မိသားစု၊ သူငယ်ချင်းများနှင့်ပျော်ရွှင်စွာပြန်ဆုံ တွေ့နေရသည်။
အိပ်ယာကထတော့ မိသားစုကို သတိရမိသည်။
ဟိုး….အဝေးနေ မိဘ၊ မောင်နှမ၊ ဆွေမျိုးများကျန်းမာပါရဲ့လား။ ခပ်ငယ်ငယ် မိဘရင်ခွင်အောက်ရှိစဉ် အဘိုးအဘွားလူကြီးသူမများကို ဒီအခါသမယ (သီတင်းကျွတ်လပြည့်နေ့)တွင် သွားရောက်ကန်တော့ကြသည်။ ထိုနေ့လို နေ့မျိုးဆိုလျှင် အလွန်ပျော်မိသည်။
ကျွန်တော် သတိရစိတ်ဖြင့် အဝေးမှပင် လက်အုပ်ချီ ကန်တော့မိပါသည်။
“ မိသားစုလောက်
ဘယ်ကောင်းကင်မှ ကြယ်မစုံ ” တဲ့။
ကြယ်စုံညီသော ကောင်းကင်လေးထဲမှ ကျွန်တော်ကအဝေးနယ်မြေမှာ ခွဲခွါနေရသည်။
“ ညီအစ်ကိုမောင်နှမဆို ကမ္ဘာပေါ်မှာ အရှားအပါးဆုံးသော လက်ဆောင်တွေပါ ”တဲ့။
မိသားစုလေးကို လွမ်းမိ၊ တမ်းတမိတော့ တစ်ယာက်တစ်နေရာစီ။ ခွဲခွာခြင်းသည် မကောင်၊ ကွဲကွာ ခြင်းသည်လည်း မကောင်း။ လောက လူသားများအဖို့ တစ်နေ့ခွဲရမည်မှာတော့မှန်ပါသည်။ သို့သော်လည်း မပြတ်နိုင်သေးသော ကျွန်တော်တို့အဖို့ တမ်းတခြင်းသည် ကိုယ်နဲ့မကွာရှိနေပါဦးမည်။
“ ရိပ်မြုံ ”
အဖေရယ်၊ အမေရယ်
အစ်မရယ်၊ ကျွန်တော်နဲ့ ညီငယ်
အားလုံးဟာ ဒီစက်ဝန်းထဲမှာ လည်ပတ်ပြေးနေကြတာပါ။
တစ်နေရာမှာ
“မိသားစု”လေး ထိပ်တိုက်တွေ့ခဲ့ရတာပါ။
ဘ၀တစ်ခုဆိုပါတော့
နောက်တစ်နေရာ
ဆုံကောင်း ဆုံပါလိမ့်မယ်။
လက်ရှိ ရိပ်မြုံလေးကို
ငိုရင်း လွမ်းမိပါရဲ့
ဆုံမှတ်ကလွဲချော်နေတဲ့ ကျွန်တော်ပေါ့။
ကဗျာလေးတစ်ပုဒ်ရေးဖြစ်ခဲ့ပါသည်။
အင်္ဂလိပ်ဘာသာတွင် House နှင့် Home ဆိုတာရှိပါတယ်။ House သည် ပြင်ပပစ္စည်းများနှင့် တည်ဆောက်ထားရာ အိမ်သာဖြစ်သည်။ Home သည် မိသားစု၏ ချစ်ခင်မှု၊ မေတ္တာ၊ စေတနာ၊ သံယောဇဉ်များနှင့် စည်းလုံးစွာ တည်ဆောက်ထားသော အိမ်ပင် ဖြစ်ပေသည်။
“ လွမ်းရမှ ချစ်တာပိုသိတယ်
ဝေးရမှာ မေတ္တာပိုရှိတယ် ”
ကျွန်တော်ရိပ်မြုံလေးမှ ခွဲခွာရချိန်မှစ၍ မိသားစုဆိုတာကို ပိုပြီးချစ်တတ်လာသည်။ ကျွန်တော်တို့လို ဘ၀တွေလည်း အများကြီးရှိပေမည်။
ကျွန်တော်တို့လိုဘ၀ကို မရောက်သေးသည့်သူများကို ပြောပြလိုပါသည်။ အေးမျှသော သိုက်မြုံလေးထဲတွင် နေခွင့်ရသ၍နေထိုင်ပါ။ ပြုစုပါ။ ချစ်ခင်ပါ။ အတူတကွနေရစဉ် မပြုစုမလုပ်ကျွေး မချစ်ခင်ခဲ့ပါက ခွဲခွာခြင်းနှင့်ကြုံလာလျှင် နောက်တ တဖန်ပူဆွေးရပါလိမ့်မည်။
မိသားစုရင်ခွင်သည် အေးမျှသည်၊ နူးညံ့သည်၊ အင်အားရှိသည်၊ နွေးထွေးလုံခြုံသည်။
ဝေးနေရခြင်းမှ ခဏတာဖြစ်ဖြစ် ကင်းလွတ်ခွင့်ပေးပါသခင်။
“ ကြယ်တွေ ဘယ်လောက်ဝေးဝေး
ကျွန်တော့်ရဲ့ညကို ဖြည့်ပေးတယ်။
မိသားစု ဘယ်မျှဝေးဝေး
ကျွန်တော့်ရဲ့ ဘ၀ကို ဖြည့်ပေးတယ် ”
သြော် …ရိပ်မြုံလေးကို သတိတရ လွမ်းဆွတ်နေမိပါတော့သည်။
မောင်ပိုင်
— with Khin San Lwin and 10 others.