တု စ္ဆမောင်ပိုင်

Image may be NSFW.
Clik here to view.
……………

ခုတလော ကျွန်တော်စာတွေတော်တော်များများရေးဖြစ်နေတယ်။
မြန်မာပြည်ကို သူများထက်ပိုချစ်တဲ့အကြောင်းတွေ၊ မိဘကို ချစ်ကြောင်းတွေ၊ လူငယ် အကြောင်းတွေ၊ အကျင့်စာရိတ္တအကြောင်း အစုံစုံပါပဲ။
ဒီရက်အတွင်းမှာတော့ ဘာသာတရားနဲ့ ဆက်နွယ်တဲ့တရားသဘောလေးတွေကို အများစု ရေးဖြစ်တယ်။
ကျွန်တော်စုဆောင်းထားတဲ့ စာအုပ်တွေ၊ ဖတ်တဲ့ စာအုပ်တွေကလည်း ဘာသာရေးစာအုပ်တွေ များပါတယ်။
ဒီတော့ အတွေးလေးတစ်ခုရပြီဆိုရင် ဘာသာတရားနဲ့ ဆက်နွယ်သွားတတ်ပါတယ်။
အမယ် ရေးလိုက်ရင်လည်း…တစ်ခါတစ်ခါ တရားပေါက်တော့မယ်အတိုင်း၊ တောထွက်တော့မယ့် အတိုင်းပဲ။
သို့သော်ငြားလည်း..
“ စိပ်ပုတီးရယ်နဲ့
ရိပ်ကြီးရယ် ခိုနိုင်ဖို့ဝေး..။
ပွဲဈေးတန်းလယ်
ပုတီးသည်လေး
ဈေးဦးရယ် မပေါက်သေး
စိတ်ယောက်ယက်ပြေး..”
မောင်ခင်မှိုင်း(ချောက်)ရဲ့ “ လရောင်ဝေးတဲ့ည ” ကဗျာလိုပဲ ရေးတော့ တရားအကြောင်း
ကျင်လည်တာက လောကီအာရုံကာမဂုဏ်တောထဲမှာ။ တောထွက်ဖို့ နေနေသာသာ ကိုယ့်ဝမ်းရေး၊ မိသားစုဝမ်းရေး၊ လူတန်းစေ့နေနိုင်ရေး..ဘာအရေး..ညာအရေးတွေနဲ့ စိတ်တွေက ညညဆို ကယောင် ခြောက်ခြား။
……………
မြတ်စွာဘုရားရှင်လက်ထက်က အရှင်ပေါဋ္ဌိလဆိုတဲ့ မထေရ်တစ်ပါးရှိပါတယ်။
အရှင်ပေါဋ္ဌိလဟာ ပွင့်တော်မူခဲ့တဲ့ ဘုရားရှင်အဆက်ဆက်မှာ ဂန္ထ၀ါစက ဆိုတဲ့ စာချထေရ် ဖြစ်ခဲ့ဘူးသူပါ။ မြတ်စွာဘုရားရှင် လက်ထက်မှာလည်း စာချထေရ်ပါပဲ။
တစ်နေ့ဇေတ၀န်ကျောင်းထဲမှာ ဘုရားရှင်ရဲ့ အဆုံးအမနာယူဖို့ သွားခဲ့တယ်။
ဘုရားရှင်က “ ဧဟိတုစ္ဆပေါဋ္ဌိလ ” အချည်းနှီးပေါဋ္ဌိလ၊ အနှစ်မရှိတဲ့ ပေါဋ္ဌိလ လာပေတော့တဲ့။
အရှင်ပေါဋ္ဌိလက တရားနာယူပြီး ပြန်မယ်ဆိုတဲ့ အကြံနဲ့ အထမှာ ဘုရားရှင်က ထပ်ပြီး “ ယာဟိ တုစ္ဆ ပေါဋ္ဌိလ” တဲ့။ အနှစ်မရှိတဲ့ ပေါဋ္ဌိလသွားတော့တဲ့။
အရှင်ပေါဋ္ဌိလလည်း ပြန်ခဲ့တဲ့ခရီးတစ်လျှောက်မှာ ဘုရားရှင်က ဘာလို့ ဒီလိုမိန့်တော်မူတာပါလိမ့် ဆိုပြီး တောက်လျှောက်တွေးလာပါတယ်။
ဒီလိုနဲ့ ငါဟာ ဘုရားရှင်အဆက်ဆက် စာချခဲ့သူပါ။ ဒါပေမယ့် ခုချိန်ထိ ငါရှိတုန်းပဲ။ ခုထိ သံသရာ ထဲက မထွက်နိုင်သေးဘူး။ စာသင်နေတာက လွဲလို့ တခြားဘာရှိလဲ။ ဘာတရားမှ မရှိသေးဘူး။ ဒါကြောင့် ဘုရားရှင်က သတိပေးတဲ့အနေနဲ့ တုစ္ဆပေါဋ္ဌိလလို့ ခေါ်လိုက်တာပါလား ဆိုပြီးအတွေးဝင်သွား ပါတယ်။
အရှင်ပေါဋ္ဌိလဟာ သံဝေဂရပြီး နောက်ဆုံးမှာ သံသရာမှ လွှတ်ကြောင်းကို အားထုတ်နိုင်ခဲ့ပါတယ်။
………..
ကျွန်တော်လည်း ပြန်တွေးမိတာပါ။
ကျွန်တော်ရေးတဲ့စာတွေက သူများတွေ မြန်မာပြည်ကြီးကို ချစ်လာအောင်၊ အကျင့်တွေကောင်း လာအောင်၊ လူငယ်တွေ လမ်းမမှားအောင် လူတတ်ကြီးလိုလို ရေးပြနေတာလေ။
နောက်ပိုင်း စာလေးတွေကို လူကြိုက်များလာတော့ ပီတိတွေက ၀င်လာပြီး မပိုင်တဲ့ဟာကို မောင်ပိုင်ကွလို့ အမယ် တစ်ခါတစ်ခါ ကြွေးကြော်ချင်သေး။ မောင်ပိုင်စီးချင်သေး။
ဓမ္မပဒထဲက စာလေးတစ်ခုသတိရမိလိုက်ပါတယ်။
“ သူတစ်ပါးကို ဆုံးမသော နည်းအတိုင်း မိမိကိုယ်တိုင် လိုက်နာပြုကျင့်ရာ၏။ မိမိကိုယ်တိုင် ယဉ်ကျေးသော်မှသာ သူတစ်ပါးကို ဆုံးမရာ၏။ မိမိကိုယ်ကို ယဉ်ကျေးအောင် ဆုံးမရခြင်းသည် ခဲယဉ်းလှစွာ တကား ” တဲ့။
ဟုတ်တယ် ကိုယ့်ကိုယ်ကို ယဉ်ကျေးဖို့ ကိုယ့်ကိုယ်ကို အရင်ပြန်ကြည့်ရမယ်။
ပြန်ကြည့်ရမယ်ဆိုတော့ အရင်တုန်းက လူပြက်တွေပြောတဲ့ စကားတစ်ခုအမှတ်ရမိတယ်။
“ မမြရင်နော်။ ကတာအရမ်းလှတယ်။ မမြရင်ကတာကြည့်လိုက်တာ ကျွန်တော့်မျက်လုံးတွေ ထွက်ကျသွားတယ်။ အဲဒါကောက်တတ်လိုက်တော့ မျက်စံအနက်က အထဲရောက်ပြီး ကိုယ်ဗိုက်ထဲက ချေးတွေမြင်ပြီး အံလိုက်ရတာ ”တဲ့။
အင်း…ကျွန်တော်..မောင်ပိုင်လည်း အပေါ်ယံ ပါကင်လေးတွေတော့ လှပါရဲ့။ အထဲက ချေးတွေ ပြန်မြင်လိုက်ရတော့ ..
ဒီလို့နဲ့ အသိစိတ်ကလေးနဲ့ ပြန်ကြည့်လိုက်တော့….တောထွက်ဖို့ခက်နေတဲ့၊ ကြိုးဖြတ်ဖို့ခက်နေတဲ့ ဟောဒီလောကီထဲက ကာမဂုဏ်အာရုံကြောမှာ နစ်မျောချင်တိုင်း နစ်မျောနေတဲ့ ..
တုစ္ဆမောင်ပိုင်…အချည်းအနှီး၊ အနှစ်မရှိ မောင်ပိုင်ဖြစ်နေပါရောလား…။
ကဲဗျာ မိတ်ဆွေအပေါင်းတိုလည်း ကိုယ့်ကိုယ်ကို ပြန်ကြည့်လို့ ကျွန်တော့်လိုများဖြစ်နေကြရင်ဖြင့်
တုစ္ဆ………………… လို့ဖြည့်လိုက်၊ ခေါ်လိုက်ကြဦးနှော်။

 မောင်ပိုင်