VAT အကြောင်း တစေ့တစောင်း

July 10, 2013 at 12:27amImage may be NSFW.
Clik here to view.

• ဒီလောကမှာ သေချာတာဆိုလို့ သေခြင်းတရားနဲ့ အခွန်ဘဲ   လို့ အနောက်ကမ္ဘာကလူတွေ ပြောလေ့ရှိသတဲ့ ။ ဒါဆိုမြန်မာပြည်မှာရော အခွန်မရှိဘူးတဲ့လား ။ ရှိသမှ ဟိုဘက်တောင် လွန်သေး......အချိန်တန်ရင် မြေခွန် ၊ ရေခွန် ၊ အိမ်ခွန် ၊ လူခွန် စသည်ဖြင့် ရောက်လာတာဘဲ ။ မရှိတာက အဲဒီ အခွန်စနစ်ကြီးကို ဒေါင့်စေ့သေချာအောင်လည်ပတ်နိုင်ခြင်း မရှိဘူး ၊ ထိရောက်အောင်လိုက်နာစေခြင်း မရှိဘူး ။ ပြီးရင် အဲ့အခွန်တွေ ဘယ်နားရောက်သွားသလဲ ဆိုတာ ပြည်သူကို ချပြတာမရှိဘူး ။ ဘယ်လို သုံးပစ်လိုက်သလဲဆိုတာလည်း မသိရဘူး ။  အခုသုံးလေးနှစ်အတွင်းမှာ အခွန်ရုံးတွေ computerize  ဖြစ်လာတာကို သတိထားမိတယ် ။ ဆိုလိုတာက အရင်ထက် အခွန်တင်းကြပ်လာပြီဆိုတဲ့သဘော ။ လူတစ်ယောက်ရဲ့အခွန်သမိုင်းကို လွယ်လွယ်မြန်မြန်လိုက်နိုင်ပြီဆိုတဲ့သဘော ။  ဒါပေမယ့် တစ်ဖက်က အခွန်သာကောက်တာ ။ ပြည်သူဆီက အခွန်ယူပြီးရင် ပြည်သူအတွက် ပြန်လုပ်ပေးရမယ် ဆိုတာလည်း မောင်မင်းကြီးသားတွေ မှန်မှန်ကန်ကန်နဲ့ မြန်မြန်ဆန်ဆန် သတိရကြပါစေလို့ ဆုတောင်းရင်း နိုင်ငံတော်တော်များများမှာ ကျင့်သုံးနေတဲ့ အခွန်တစ်မျိုးအကြောင်းကို အကြမ်းဖျင်း မိတ်ဆက်ပေးပါရစေ ။

 ( လွယ်ပေမယ့်ကြားဖူးကြုံဖူးမှာသေချာပေမယ့် သဘောတရားကို မသိသေးရင် အသစ်ဘဲပေါ့ .....ဒီလိုမှတ်ယူပြီး ရေးတာပါ )
Image may be NSFW.
Clik here to view.

• ဒီအခွန်က တခြားအခွန်တွေလို လစဉ်နှစ်စဉ်ပေးရတာမဟုတ်ဘဲ နေ့စဉ်ကြုံရတတ်ပါတယ် ။  VAT  လို့ အတိုကောက်ခေါ်တဲ့ Value Added Tax  ပါ ။ စင်္ကာပူ ၊ သြစတေးလျ ၊ နယူးဇီလန်တို့မှာတော့ GST ( Good and Service Tax ) လို့ ခေါ်ပါတယ် ။ အီတလီနဲ့ စပိန်စကားပြောနိုင်ငံတွေမှာတော့ အီဗာ  IVA လို့ ခေါ်ပါတယ် ။ ဘယ်လိုဘဲ ခေါ်ခေါ် သဘောတရားကတော့ အတူတူဖြစ်ပြီး နိုင်ငံပေါင်း ( ၁၅၀ ) ကျော်မှာ ကျယ်ကျယ်ပြန့်ပြန့် သုံးနေတဲ့ အခွန်ပါ ။

Image may be NSFW.
Clik here to view.

• VAT ဟာ ပါလေရာငပိချက် အခွန်ဆိုရင်လည်း မမှားပါဘူး ။ စူပါမတ်ကတ်မှာ ပစ္စည်းဝယ်မလား ။ လမ်းဘေးဈေးတွေမှာ ဈေးဝယ်မလား ၊ စားသောက်ဆိုင်မှာ ၀ါးတီးဖွဲ့မလား ၊ ဆရာဝန်သွားပြမလား ၊ ရှေ့နေငှားမလား ၊ ဟိုတယ် ဘွတ်ကင်လုပ်မလား ၊ လေယာဉ်လက်မှတ် ၀ယ်မလား အားလုံး  VAT  ပေးရတာချည်းပါဘဲ ။

•  နိုင်ငံခြားတိုင်းပြည်တခုခုမှာ အဖိုးတန်ပစ္စည်း တခုခု ( တီဗီ ၊ ကင်မရာ စသည်ဖြင့် ) ၀ယ်ပြီးလို့  ငွေချေထားတဲ့ စာရွက်ကလေးကို လေဆိပ်မှာ ပြ ၊ ပိုက်ဆံတချို့တ၀က်ပြန်တောင်းလာဖူးတဲ့ လူတွေလည်း ရှိမှာပါ ။ VAT refund သို့မဟုတ်  GST  refund လို့ ခေါ်ပါတယ် ။ အဲဒါဘာကြောင့် ပြန်တောင်းလို့ရတာလဲဆိုတာ ဆက်ရှင်းပြပါမယ် ။

Image may be NSFW.
Clik here to view.Image may be NSFW.
Clik here to view.

• Value Added Tax  ဆိုတဲ့ နာမည်အတိုင်း ကုန်ပစ္စည်းတစ်ခုတန်ဖိုးတက်သွားတိုင်း ၊ အရောင်းအ၀ယ်လုပ်တိုင်း နဲ့ ၀န်ဆောင်မှုတိုင်းအတွက် မူရင်း တန်းဖိုးအပေါ်မှာ ထပ်ပေါင်းပေးရတဲ့ Tax  ပါ ။ 

 ဥပမာ ပန်းထိန်ဆရာတစ်ယောက်ဟာ ရွှေတစ်စကို မူရင်းတန်ဖိုး ငွေ တစ်သိန်းနဲ့ ၀ယ်တယ် ဆိုပါစို့ ။ သတ်မှတ်ထားတဲ့  VAT က ၂၀ % ဆိုပါစို့ ။ ဒါဆိုရင် ပန်းထိန်ဆရာဟာ တကယ်ပေးလိုက်ရတာက  တစ်သိန်း နှစ်သောင်းဖြစ်ပါတယ် ။ ဘာကြောင့်လည်းဆိုတော့ ရွှေရောင်းသူဟာ  မူရင်းတန်ဖိုး   တစ်သိန်းနဲ့တင် ပန်းထိန်ဆရာကို ရောင်းလိုက်မှာ မဟုတ်ပါဘူး ။ သူ့အနေနဲ့ ရောင်းလိုက်တဲ့ ပစ္စည်း ( ရွှေ ) ရဲ့ တန်ဖိုးကို လိုက်ပြီး အစိုးရကို အခွန်ပေးရပါတယ် ။ အဲဒီအခွန်ကို သူဟာ ရောင်းသူပေါ်က ကောက်ပြီး ပေးရတာပါ ( မဟုတ်ရင် သူစိုက်နေရမှာပေါ့ )  ။  အဲဒီလို  မူရင်းဈေးအပေါ်မှာ ၀ယ်သူက ထပ်ပြီး ပေးလိုက်ရတာကို  VAT လို့ ခေါ်ပါတယ် ။  စားသုံးသူ (သို့)  ၀ယ်သူက ပေးရတဲ့အတွက်  comsumption tax လို့လည်း ခေါ်ပါတယ် ။
Image may be NSFW.
Clik here to view.

• အနှီ ပန်းထိန်ဆရာဟာ ရွှေစလေး ၀ယ်ပြီးနောက် လက်စွပ်တစ်ကွင်း လုပ်လိုက်ပါသတဲ့ ။ လှပတဲ့ လက်စွပ်ကလေးကို ကြည့်ပြီး သူက ငွေ ၂ သိန်း တန်တယ်လို့ တန်ဖိုးဖြတ်လိုက်ပါတယ် ။ ဒါပေမယ့် သူဟာ ၂ သိန်း နဲ့ဘဲရောင်းလိုက်လို့ မရပါဘူး ။ အစိုးရကို ပေးရမယ့်  VAT  တန်ဖိုးကိုပါ ထည့်တွက်ပြီး လက်စွတ်တန်ဖိုးထဲ ထည့်ပေါင်းရပါဦးမယ် ( မဟုတ်ရင် သူစိုက်နေရမှာပေါ့ )  ။ ဒီတော့  ရွှေဆိုင်ပိုင်ရှင်ကြီးတစ်ယောက်ဆီမှာ ငွေ ၂ သိန်း ၄  သောင်းနဲ့ ရောင်းလိုက်ပါတယ် ။ ဆိုလိုတာက မူရင်းတန်ဖိုး ၂ သိန်း + VAT ၂၀ % = ၂၀၀၀၀၀ + ၄၀၀၀၀ = ၂၄၀၀၀၀ ဖြစ်ပါတယ် ။ ဒါမှလည်း အစိုးရကို VAT  ၂၀ % ပေးလိုက်ပြီးရင် သူ့အတွက် ၂ သိန်းကျန်မှာ မဟုတ်လား ။

Image may be NSFW.
Clik here to view.

• ရွှေဆိုင်ပိုင်ရှင်ဟာ အဲဒီလက်စွပ်ကလေးကို ရတနာဆိုင်ပိုင်ရှင်တစ်ယောက်ကို အမြတ်တင်ပြီး ရောင်းပြန်တယ် ။ သူက လက်စွပ်အတွက် သုံးသိန်းလိုချင်ပါတယ် ။ ဒီတော့ ရောင်းဈေးက သုံးသိန်း ခြောက်သောင်း ဖြစ်ရမှာပေါ့နော် ။ ၃၀၀၀၀၀  + VAT  ၂၀ % = ၃၆၀၀၀၀

• ဒီလိုနဲ့ အဆင့်ဆင့်တက်သွားတဲ့ ဈေးအပေါ်မှာ သတ်မှတ်ထားတဲ့  VAT ကို ကောက်ရတာ ဖြစ်ပါတယ် ။ အခွန်ဆိုတာ အမြဲတမ်း အစိုးရကို ဆောင်ရတာမို့ အထက်မှာပြောခဲ့တဲ့ ပန်းထိန်ဆရာ ၊ ရွှေဆိုင်ပိုင်ရှင် ၊ ရတနာဆိုင်ပိုင်ရှင် တို့ဟာ ၀ယ်သူအပေါ်က ကောက်လိုက်တဲ့ အဲဒီ  VAT တွေကို သူတို့ ယူထားလို့ မရပါဘူး ။ အစိုးရကို သွင်းရတာ ဖြစ်ပါတယ် ။ VAT  စနစ်ကို ဘာကြောင့်တိုင်းပြည်များစွာမှာ တွင်ကျယ်အောင် သုံးသလဲဆိုရင် အစိုးရအနေနဲ့ ကိုယ်တိုင် အခွန်ကောက်စရာ မလိုဘဲ အဲဒီအခွန်ကို ရောင်းသူတွေကနေ အစိုးရအစား ကောက်ပေးပြီး အစိုးရကို သွင်းရတာမို့လို့ပါ ။

ဆိုလိုတာက အစိုးရဟာ ၀ယ်သူစားသုံးသူ consumer  တွေဆီက sales တွေအတွက် အခွန်ကောက်ချင်ပါတယ် ။ ဒါကို သူကိုယ်တိုင် မကောက်ဘဲ ရောင်းသူကို ကောက်ခိုင်းလိုက်တဲ့ သဘောပါဘဲ ။

Image may be NSFW.
Clik here to view.

• VAT  ဆိုတာ Final customer  တွေကိုသာ ကောက်တာပါ ။  Final customer  ဆိုတာ ပစ္စည်းတစ်ခုကို နောက်ဆုံး ၀ယ်ယူ '' သုံးစွဲ '' သူကို ဆိုလိုတာပါ ။   ဆိုလိုတာက အထက်မှာပြောခဲ့တဲ့ ပန်းထိန်ဆရာ ၊ ရွှေဆိုင်ပိုင်ရှင် ၊ ရတနာဆိုင်ပိုင်ရှင်တို့ဟာ ကုန်ပစ္စည်းကို ပြန်ရောင်းဖို့ အဆင့်ဆင့်ဝယ်ယူခဲ့ကြတဲ့အတွက် ကုန်သည်သဘောသာ ဖြစ်ပါတယ် ။ ဒါကို  ကြားခံ ၀ယ်သူ  Intermediate customer  လို့ ခေါ်ပါတယ် ။  Final customer မဟုတ်ပါဘူး ။  သူတို့က အမြတ်တင်ပြီး တခြားလူတွေကို ပြန်ရောင်းကြဦးမှာပါ ။ အဲဒီတခြားလူတွေဟာ သူတို့လို ၀ယ်ရောင်း Intermediate customer  တွေ ဖြစ်နိုင်သလို သာမန်သုံးစွဲသူ  Final customer တွေလည်း ဖြစ်နိုင်ပါတယ် ။

Image may be NSFW.
Clik here to view.

• ၀ယ်ရောင်းလုပ်သူ ( Intermediate customer )   နဲ့  သာမန်သုံးစွဲသူ ( Final customer)  ကြားမှာ အရေးကြီးတဲ့ ကွာခြားချက်ရှိပါတယ် ။ အဲဒါကတော့ဝယ်ရောင်းလုပ်သူတွေဟာ ၀ယ်တုန်းက ပေးလိုက်ရတဲ့  VAT  ကို အစိုးရဆီက ပြန်တောင်းလို့ ရပါတယ် ။ ဆိုလိုတာက ပန်းထိန်ဆရာဟာ ရွှေကို ၀ယ်ခဲ့တုန်းက VAT ပေးခဲ့ရပါတယ် ။ ရွှေဆိုင်ပိုင်ရှင်ဟာလည်း ပန်ထိန်ဆရာဆီက လက်စွပ်ကို ၀ယ်တော့ VAT  ပေးလိုက်ရပါတယ် ။ ရတနာဆိုင်ရှင်ဟာလည်း အလားတူပါဘဲ ။ ဒါပေမယ့်သူတို့ဟာ အဲဒီ  VAT ကို အချိန်တန်ရင် အစိုးရဆီက ပြန်တောင်းလို့ ရပါတယ် ။ ဒီလိုပြန်တောင်းဖို့အတွက် အစိုးရဆီမှာ လုပ်ငန်းကို မှတ်ပုံတင်ပြီးလုပ်ထားတဲ့  VAT register  တော့ ရှိရပါမယ် ။

• ပုံမှာ ကြည့်ပါ ..... ကုန်ပစ္စည်းကို ထုတ်လုပ်သူ ရောင်းချသူ ဖြန့်ဖြူးသူ  Producer Manufacturer Distributor Retailer တွေအားလုံးဟာ ၀ယ်တုန်းက ပေးခဲ့ရတဲ့   VAT  ကို ပြန်တောင်းလို့ရကြောင်း မြှားအ၀င်အထွက်တွေနဲ့ ပြထားပါတယ် ။  နောက်ဆုံး Final customer ဆီမှာတော့ VAT  ပေးလိုက်ရကြောင်း ပြတဲ့ အထွက်မြှားသာ ရှိပြီး VAT  ပြန်ဝင်လာကြောင်း ပြတဲ့ အ၀င်မြှားမရှိပါဘူး ။ ဆိုလိုတာက Final customer အတွက် VAT  ဆိုတာ ပစ္စည်းဝယ်တုန်းက ပေးလိုက်ပြီးရင် ပြန်မရတော့ဘူး ၊ ဘယ်သူ့ဆီကမှ ပြန်တောင်းလို့ မရတော့ဘူးလို့ ဆိုလိုတာပါ ။ ပေးလိုက်ရတဲ့ VAT  တွေကတော့ နိုင်ငံလည်ပတ်ရာမှာ သုံးတဲ့ အစိုးရဘဏ္ဍာများ ဖြစ်လာပါတယ် ။

Image may be NSFW.
Clik here to view.



VAT  တွက်နည်း ။
--------------------

• မရှပ်ထွေးတဲ့ တွက်နည်းပါ ။ ပန်းထိမ်ဆရာဘက်က ကြည့်ရအောင် ......ပန်းထိမ်ဆရာဟာ ရွှေကို တစ်သိန်း နှစ်သောင်းပေးဝယ်လိုက်ပါတယ် ။  အဲဒီမှာ VAT က ၂၀၀၀၀ ဆိုတာကို ပြောခဲ့ပြီးပါပြီ ။ အဲဒီ ပေးလိုက်ရတဲ့  VAT ကို မှတ်ထားပြီး အချိန်တန်ရင် အစိုးရဆီက ပြန်တောင်းလို့ရပါတယ် ။ အဲဒီ VAT ဟာ ပန်းထိန်ဆရာအတွက်  VAT  credit ဖြစ်ပါတယ် ( မှတ်ထားနော် ) ။ ဘာလို့  credit  ဖြစ်တာလည်းဆိုတော့ သူက ပေးလိုက်ရတဲ့ ပိုက်ဆံကို ''  ပြန်ရ ''  မှာ ဖြစ်လို့ပါ ။

•  ပန်းထိမ်ဆရာဟာ  လက်စွပ်လုပ်ပြီး ရွှေဆိုင်ပိုင်ရှင်ကို ငွေ ၂၄၀၀၀၀ နဲ့ ရောင်းလိုက်ပြန်ပါတယ် ။ လက်စွပ်ဈေး ၂၀၀၀၀၀ + VAT ၄၀၀၀၀ ဖြစ်ပါတယ် ။ အဲဒီ VAT ကတော့ ပန်းထိမ်ဆရာက အစိုးရကိုယ်စား ၀ယ်ယူသူဆီက ကောက်ခံလိုက်တဲ့ VAT မို့ အချိန်တန်ရင် အစိုးရကို သွင်းရမှာပါ ။ ဒါဟာ ပန်းထိန်ဆရာအတွက်  VAT  Debit   ဖြစ်ပါတယ် ။ သူက '' ပေးရမယ့် အကြွေး ''  ဖြစ်နေလို့ပါ ။

***ရစရာ  Credit ကနေ  ပေးစရာ  Debit  ကို နှုတ်လိုက်ရင် ကျန်တဲ့ငွေဟာ  အစိုးရကို သွင်းရမယ့်  VAT  ပါဘဲ ။ ***
Image may be NSFW.
Clik here to view.

• ဆိုလိုတာက  ပန်းထိမ်ဆရာဟာ လက်စွပ်ရောင်းတုန်းက ၀ယ်သူဆီက ကောက်လိုက်တဲ့ VAT  ၄၀၀၀၀  ကနေ  သူအရင် ရွှေဝယ်တုန်းက ပေးလိုက်ရတဲ့  VAT  ၂၀၀၀၀ ကို နှုတ်ရပါတယ် ။  ကျန်တဲ့ ငွေ ( ၂၀၀၀၀ ) ကိုသာ အစိုးရကို သွင်းရမှာ ဖြစ်ပါတယ် ။ VAT credit  ကနေ VAT debit  ကို နှုတ်ရင် ကျန်တဲ့ ငွေဟာ အစိုးရကို ပေးရမယ့်  VAT ပါဘဲ ။ သေချာစဉ်းစားကြည့်ရင် ပန်းထိန်ဆရာဟာ အရင်ပေးလိုက်ရတဲ့  VAT ကို ပြန်ရသွားပါပြီ ။ ဒါဟာ VAT ရဲ့အခြေခံသဘောတရားပါဘဲ ။

• ဒီလို တွက်တာကို  VAT settlement လုပ်တယ်လို့ ခေါ်ပြီး ကုမ္ပဏီလုပ်ငန်းတွေဟာ ၂ လတစ်ခါ သုံးလတစ်ခါ  ဒါကို လုပ်ရပါတယ် ။ ထပ်ပြောရရင် စတိုးဆိုင်တစ်ဆိုင်အနေနဲ့ဆိုရင် ၀ယ်လိုက်တဲ့ ကုန်ပစ္စည်းတွေ ရှိမယ် ။ ဒီကုန်ပစ္စည်းတွေ အပေါ်မှာ ပေးလိုက်ရတဲ့  VAT  ဟာ  Credit  VAT  ပါ ။ အဲဒီကုန်ပစ္စည်းတွေကို ရောင်းတဲ့အခါ ၀ယ်သူအပေါ်မှာ VAT ကောက်လိုက်တယ် မဟုတ်လား ။ ဒါဟာ သူသိမ်းထားလို့ မရတဲ့ အစိုးရကို ပေးရမယ့်  Debit  VAT  ဖြစ်ပါတယ် ။

Credit VAT - Debit VAT =  VAT due ( အစိုးရကို ဆောင်ရမယ့်  VAT ) ဖြစ်ပါတယ် ။
Image may be NSFW.
Clik here to view.

VAT မပေးရတဲ့  sales  မျိုး ရှိသလား ။
----------------------------------------

• ရှိပါတယ် ။ အထင်ရှားဆုံးတစ်ခုကို ပြောရရင် နိုင်ငံခြား export တွေမှာ VAT  မပေးရပါဘူး ။ ဒါကြောင့်မို့ဘဲ နိုင်ငံခြားမှာ ရှော့ပင်သွားသွားလုပ်တဲ့လူတွေဟာ ပြန်ခါနီးမှာ လေဆိပ်မှာ ငွေပြေစာ ဗောက်ချာလေးတွေ ပြပြပြီး VAT ကို ပြန်တောင်းကြတာပါ ။ ဆိုလိုတာက ရောင်းသူဟာ ထုံးစံအတိုင်း ပစ္စည်းတန်ဖိုးအပေါ်မှာ VAT  ကို ပေါင်းထည့်ပြီး ကောက်လိုက်ပါတယ် ။ ဒါပေမယ့် ၀ယ်သူဟာ  ဒီပစ္စည်းကို လက်လွှဲပြီး အမြတ်တင်ရောင်းချခြင်း မရှိဘဲ  မိမိတိုင်းပြည်ကို ယူသွားမှာ ဖြစ်ပါတယ် ။ ဒီတော့ export ဆိုရင်  VAT  ပေးစရာမလို ဆိုတဲ့ ဥပဒေကြောင့် ပြန်ခါနီးလေဆိပ်မှာ '' ငါပြန်တော့မယ်ဟေ့ ၊ ဟောဒီမှာ လေယာဉ်လက်မှတ် ၊ ဟောဒီမှာ ပတ်စ်ပို့ ၊ ငါ့ VAT ကို ပြန်ပေးတော့ ''  ဆိုပြီး ဆိုင်ရာအစိုးရဆီက ပြန်တောင်းလို့ ရတာဖြစ်ပါတယ် ။ အစိုးရတွေဟာ ဒီလိုနည်းအားဖြင့် export  ကို အားပေးရာ ရောက်ပါတယ်  ။

 Image may be NSFW.
Clik here to view.

• VAT  ကို ၁၉၅၄ ခုနှစ်က ပြင်သစ်မှာ စသုံးခဲ့တာ အခုဆိုရင် နိုင်ငံပေါင်း ၁၅၀ လောက်သုံးနေကြပါတယ် ။ စဉ်းစားကြည့်လေ...ကိုယ်တွေသာ သတိမထားမိတာ ။ ကော်ဖီလေးတစ်ခွက်သောက်တာ ၊ တံဆိပ်ခေါင်းလေးတစ်ခု ၀ယ်တာ ၊ အလှပြင်ဆိုင်သွားပြီး ခေါင်းသွားလျှော်တာ ၊ ငရုတ်သီးမှုန့်လေး ၀ယ်တာ အစ အခွန်ကောက်ထားမှတော့ ဒီ  VAT  ဆိုတာ အစိုးရတစ်ရပ်အတွက် အရမ်းကို ကြီးမားများပြားတဲ့ ၀င်ငွေ  source  တစ်ခု ဆိုတာ သိသာလှပါတယ်  ။  ကောက်တဲ့နှုန်းကလည်း များသောအားဖြင့် မနည်းလှပါ .....အထူးသဖြင့် အစိုးရက ၀န်ဆောင်မှုကောင်းတဲ့  ဥရောပက Welfare State  တွေမှာ အတော်လေး မြင့်ပါတယ် ။  လက်ရှိ UK  မှာ  ၂၀ %   ကောက်ပြီး  VAT အမြင့်ဆုံး ဥရောပနိုင်ငံကတော့  ၂၇  % နဲ့ ဟန်ဂေရီပါ ။ 

•  ဥရောပသမဂ EU  နိုင်ငံတွေအားလုံးမှာ အနည်းဆုံး  ၁၅ %  VAT  ကောက်ဖို့ တပြေးညီ သတ်မှတ်ထားပါတယ် ။ ဒါပေမယ့်တစတစနဲ့ တိုးကောက်လာလိုက်တာ ခုဆိုရင် ဥရောပနိုင်ငံ အားလုံးနီးပါး ၂၀ % ပတ်ဝန်းကျင်တောင် မဟုတ်ဘဲ တချို့ဆို ကျော်တောင် နေပါပြီ ။ အီတလီမှာတော့ အခု ဇူလိုင်လ ၁ ရက်နေ့ကစပြီး  ၂၁ % ကနေ  ၂၂  % ကို တက်ဖို့လျာထားရာက ကန့်ကွက်သူများကြောင့် အောက်တိုဘာထိ ရွှေ့လိုက်ရပါတယ် ။

 Image may be NSFW.
Clik here to view.

•  ပြင်သစ်နိုင်ငံနှစ်စဉ်ဝင်ငွေရဲ့ ငါးဆယ်ရာခိုင်နှုန်းဟာ VAT ကလာတယ်လို့ ဆိုပါတယ် ။ တရုတ်မှာတော့ ၁၉၈၄ က စသုံးခဲ့ပြီး ၂၀၀၇ ခုနှစ် စာရင်းအရ တရုတ်ပြည် အခွန်အသီးသီးကရတဲ့ စုစုပေါင်းငွေရဲ့  ၃၃.၉  % ဟာ VAT က လာတယ်လို့ ဆိုပါတယ် ။ ဒါဟာ ဒေါ်လာသန်း ၂၂၀၀ နဲ့ညီတဲ့ ပမာဏ ဖြစ်ပါတယ် ။  ဥရောပမှာ ကျယ်ကျယ်ပြန့်ပြန့်သုံးလာတာကတော့ ၁၉၇၀ နှစ်များပတ်ဝန်းကျင်ဖြစ်ပါတယ် ။ နိုင်ငံတချို့ရဲ့ လက်ရှိ VAT  နှုန်းထားတွေကို ဖော်ပြရရင်
• အင်္ဂလန်  ၂၀ % ၊
• အီတလီ ၂၁ % ၊
• သြစတြီးယား  ၂၀ % ၊
• သြစတေးလျ ၁၀  % ၊ 
• ပြင်သစ်  ၁၉.၆ % ၊
• ဂျာမနီ ၁၉ % ၊
•  စပိန် ၂၁ % ၊
• တရုတ် ၁၇  % ၊ 
•  ဆွီဒင် ၂၅ %  စသည်ဖြင့်ပါ ( ကျန်နိုင်ငံများကိုတော့ ၀ီကီမှာ ကြည့်လို့ရပါတယ် )  ။
• စကာင်္ပူမှာတော့ GST လို့ နာမည်တမျိုးနဲ့ခေါ်တဲ့VAT ကို ၁၉၉၄ မှာ စသုံးခဲ့တာဖြစ်ပြီး လက်ရှိကတော့  ၇  % နဲ့ အတော်လေး နည်းတယ် လို့ ပြောလို့ရပါတယ် ။

Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.

• VAT  မှာ ပုံမှန်နှုန်းထား Standard rate  နဲ့ လျှော့ချထားတဲ့နှုန်း  Reduced rate  ဆိုပြီး ခွဲထားပါတယ် ။  လျှော့ချထားတဲ့နှုန်းဆိုတာက  ဥပမာအားဖြင့်ပြောရရင် အီတလီနိုင်ငံမှာ ဟိုတယ်တွေ ၊ ဘားတွေ ၊ စားသောက်ဆိုင် စတာတွေမှာ အစားအသောက်နဲ့ပတ်သက်တာ မှန်သမျှကို  ၁၀ %  ကောက်ပါတယ် ။ အသားငါး ဟင်းသီးဟင်းရွက်စတဲ့ မရှိမဖြစ်နေ့စဉ်အစားအစားတွေ နဲ့ သတင်းစာ စာစောင်တွေအပေါ်မှာတော့  ၄  % ကောက်ပါတယ် ။ အဲဒါတွေကလွဲရင် ကျန်တာတွေအားလုံးအပေါ်မှာ ကောက်တဲ့ ၂၁ % ကို  Standard rate လို့ ခေါ်တာပါ ။ တချို့နိုင်ငံတွေမှာ စွမ်းအင်လောင်စာသုံးမှုကို လျှော့ချပေးတဲ့ စနစ် ...ဥပမာ အားဖြင့် နေရောင်ခြည်သုံးပြီးစွမ်းအင်ထုတ်ပေးတဲ့  solar panel စတာတွေကို ကိုယ့်အိမ်မှာတကယ်တပ်တယ်လို့ အထောက်အထားပြနိုင်ရင် reduced rate ပေးလေ့ရှိပါတယ် ။  

 Image may be NSFW.
Clik here to view.

• နိုင်ငံအတွင်းမှာ  VAT လုံးဝ မပေးရတဲ့ နေရာတွေလည်း ရှိပါတယ် ။ ဥပမာ  UK မှာ မျက်မမြင်တွေ မသန်မစွမ်းတွေအတွက် အသုံးအဆောင် ၊ ဆေးရုံ လူအိုရုံး သုံးပစ္စည်း ၊ တက္ကသိုလ်တွေမှာလိုအပ်တဲ့ research နဲ့ ဆိုင်တဲ့ ပစ္စည်းကိရိယာ ၊ ယဉ်ကျေးမှုနဲ့ဆိုင်တဲ့ တချို့သော အခမ်းအနား ၀င်ကြေး၊ ပြတိုက်ဝင်ကြေးစတာတွေမှာ  VAT  လွတ်ပါတယ် ။ တချို့နိုင်ငံတွေမှာ စာအုပ်စာတမ်း သတင်းစာစာစောင်တွေအတွက်လည်း မပေးရပါဘူး ။ အသေးစိတ်တွေကတော့ များလည်း များလှ ၊ နိုင်ငံအလိုက်ကွဲပြားတာမို့ ဘယ်လိုပစ္စည်းမျိုးအပေါ်မှာ  VAT မကောက်သလဲ သိရုံ ဥပမာ ပေးလိုက်ပါတယ် ။

 Image may be NSFW.
Clik here to view.
VAT  ရဲ့ အားနည်းချက်

• ၀န်ဆောင်စရိတ် အလွန်ကြီးတယ်လို့ ဆိုပါတယ် ။ အစိုးရအတွက် ဆိုင်ရှင်လုပ်ငန်းရှင်တွေက အခွန်ကောက်ပေးလိုက်တာတော့ဟုတ်ပါပြီ ၊ ဒါပေမယ့် အဲဒီဆိုင်ရှင်တွေနဲ့ အစိုးရကြား အချိန်တန်ရင်  VAT settlement  လုပ်ဖို့လိုပါသေးတယ် ။ လေဆိပ်မှာပြန်တောင်းသွားတဲ့ refund တွေကတော့ ဟုတ်ပါပြီ ၊ အဲဒီ  ပစ္စည်းတွေအတွက် တကယ်ရော  VAT  ပေးခဲ့ရဲ့လား စသည်ဖြင့် သမိုင်းကြောင်း လိုက်ရပါသေးတယ် ။ တိုတိုပြောရရင်တော့ တစ်နိုင်ငံလုံးအတိုင်းအတာနဲ့ စာရင်းအင်းတွေကို ပြုစုထိန်းသိမ်းထားဖို့ရာ ကျွမ်းကျင်သူငှားရမ်းစရိတ် ထိမ်းသိမ်းစရိတ်ဆိုတဲ့  Compliance cost  အလွန်ကြီးတယ်လို့ ဆိုပါတယ် ။

• VAT  အတွက် ဈေးတင်ထားရတာမို့ ပစ္စည်းတွေဟာ ဈေးပိုကြီးနေတတ်ပါတယ် ။ ဒါကြောင့် ဈေးကွက်မှာ ၀ယ်လိုအား ကျတတ်ပါတယ် ။ နိုင်ငံခြားရင်းနှီးမြှုပ်နှံသူတွေအတွက် သေချာစဉ်းစားတွက်ဆရပါတယ် ။ ( ဥပမာ Tour Company တွေ ခရီးစဉ်ရောင်းချတာမျိုးဆိုပါတော့.....ဒေါ်လာ ၁၀၀၀ တန်ခရီးတစ်ခုကို ခရီးသည်ဆီက  ၁၂၀၀ လောက်ကောက်လိုက်ရတာမျိုး )

• ထူးခြားတယ်ပြောရမလားမသိ ၊ အမေရိကန်မှာတော့ VAT  မရှိပါဘူး ။ ဒါပေမယ့် VAT  နဲ့ ခပ်ဆင်ဆင်  Sales Taxs  ဆိုတာ ရှိပါတယ် ။  အကြွေးပိနေတဲ့တိုင်းပြည်ကို ဆွဲထုတ်ဖို့ သမ္မတ အိုးဘားမားတစ်ယောက် VAT  စနစ်ကို မိတ်ဆက်ဖို့ ကြိုးစားနေတယ်ဆိုဘဲ ။ ဒါပေမယ့် ရှိပြီးသား  Sales Taxs  အပေါ်မှာ VAT  ထပ်ကောက်ရင် သူများနိုင်ငံတွေထက် ပိုဈေးကြီးလာနိုင်တယ် ၊  ကောက်လို့ရသမျ  VAT ရဲ့ တစ်ဝက်လောက်ဟာ  Compliance cost  ထဲ ၀င်သွားမှာ စသည်ဖြင့် ထောက်ပြကန့်ကွက်သူတွေကလည်း ဒုနဲ့ဒေးပါ ။ 

• ( တကယ်တော့ ကန့်ကွက်သူများပြောတာကလည်း မမှား ။ ဥပမာ ဂျာမနီက ကားဟာ VAT  မရှိတဲ့ အမေရိကန်မှာ ဈေးချိုသွားပါတယ် ။ ဂျာမနီမှာရောင်းတဲ့ အမေရိကန်ကား ဂျာမနီကား ၊ ဘယ်နိုင်ငံက ကားဖြစ်ဖြစ် VAT  တင်လိုက်တဲ့အခါ ၂၀  % လောက်ဈေးထပ်တက်သွားပါတယ် ။ စဉ်းစားသာကြည့်တော်မူ ။ )

Image may be NSFW.
Clik here to view.

• အခွန်တွေထဲမှာ VAT  ဟာရှောင်လို့ အလွယ်ဆုံးလို့ဆိုပါတယ် ။ ဥပမာ ဆိုင်ရှင်တွေဟာ ပစ္စည်းတိုင်းအတွက်  bill  မပေးတာမျိုးတွေ လုပ်တတ်ပါတယ် ။ bill မဖွင့်လိုက်တဲ့အတွက် ၀ယ်သူကပေးလိုက်တဲ့  VAT  ဟာ အစိုးရဆီ စာရင်းမ၀င်တော့ဘဲ ဆိုင်ရှင်အိတ်ထဲ ရောက်သွားပါတယ် ။ မြန်မာပြည်က တချို့စားသောက်ဆိုင်ကြီးတွေမှာ ကျသင့်ငွေအပေါ်  ၁၀ % အစိုးရအခွန် ( Government tax ) ဆိုပြီး ထပ်ကောက်တာမျိုးရှိပေမယ့် အစိုးရတံဆိပ်တုန်းပါ ပြေစာကို မပေးတာမျိုး ရှိပါတယ် ။ ၀ယ်သူကလည်း ပြေစာတောင်းရကောင်းမှန်းမသိတာမျိုးရှိတာကြောင့် အစိုးရအတွက် ပေးကားပေး၏ မရ ဖြစ်ရပါတော့တယ် ။

• ဒါကြောင့်မို့  VAT စတင်အကောင်အထည်ဖော်မယ့်နိုင်ငံတွေဟာ VAT အကြောင်း ပြည်သူတွေသိလာအောင် ပညာပေးတွေ လုပ်တတ်ကြပါတယ် ။

 Image may be NSFW.
Clik here to view.

•  VAT ကို တမင်တကာ လိမ်ယူတာမျိုးလည်း ရှိတတ်ပါတယ် ။ အထင်ရှားဆုံးကတော့ export  ဆိုရင် VAT  မပေးရဘူးဆိုတဲ့ ဥပဒေကို သုံးပြီးတော့ လက်တလုံးခြား လုပ်တဲ့နည်းပါ ။   များသောအားဖြင်မိုဘိုင်းဖုန်းလို ၊ ကွန်ပြူတာမှာသုံးတဲ့ microchip လို ၀န်လည်း မပွ ၊ တန်ဖိုးလည်း ကြီး ၊ လိုချင်သလောက်လည်း ရနိုင်တဲ့ ပစ္စည်းတွေကို ၀ယ်ရောင်းပြပြီး နောက်ဆုံးမှာ အစိုးရကို ပေးရမယ့်  VAT  ကို မပေးဘဲ လစ်ပြေးနည်းပါ ။

 Image may be NSFW.
Clik here to view.

• အဖွဲ့လိုက်လိမ်နည်းကို ပြောရရင် ဥပမာအာဖြင့် ဗြိတိန်အခြေစိုက် လူလိမ် ကုန်သည်တစ်ယောက်ဟာ ပြင်သစ်ကနေ  မိုဘိုင်းဖုန်း တစ်သတ္တာကို ပေါင် တစ်သန်းနဲ့ ၀ယ်တယ်ဆိုပါစို့ ။ ဒီဖုန်းတွေဟာ export လုပ်မှာမို့လို့ VAT  ပေးစရာမလို ။  ဒီလိုနဲ့သူဟာ ဗြိတိန်မှာ သူ့လူတစ်ယောက်ကိုဘဲ အမြတ်တင်ရောင်းပြပြီး  bill ဖွင့်လိုက်ပါတယ် ။ သူ့လူကလည်း အဲဒီဖုန်းတွေကို နောက်သူတို့လူတစ်ယောက်ဆီကို အမြတ်တင်ရောင်းပြပြီး  bill  ဖွင့်ပါတယ် ။ အဲလိုအဆင့်ဆင့်ရောင်းပြပြီး နောက်ဆုံးမှာ အဲဒီဖုန်းတွေကိုဘဲ  အီတလီကို ပြန်ရောင်းလိုက်ပါတယ် ။ ဒီတော့ ဖုန်းတွေဟာ  export  ပြန်ဖြစ်သွားပါတယ် ။ export တွေဆိုရင် ဆိုင်ရာအစိုးရဆီက VAT refund  ပြန်တောင်းလို့ ရတာမို့ export  လုပ်မယ့် ကုန်သည်ဟာ   VAT refund ကို ဗြိတိန်အစိုးရဆီက ပြန်တောင်းပါတော့တယ် ။

•  အဲလို နောက်ဆုံးလူက refund  ပြန်ရပြီဆိုတာနဲ့တပြိုင်နက် လက်ဝါးချင်းရိုက်ထားတဲ့ ရှေးဦးဆုံး ကုန်သည်ဟာ  VAT refund  ကို ယူပြီး လစ်သွားပါတော့တယ် ။ တခါတလေ အဖွဲ့လိုက်ပျောက်သွားတာမျိုးလည်း ရှိတယ် ။ အစိုးရက အချိန်တန်လို့ ကုန်ပစ္စည်း လက်လွှဲရောင်းချမှုကို  အဆင့်ဆင့် လိုက်တဲ့အခါ ဦးဆုံးရောင်းခဲ့တဲ့ ကုန်သည်ကို ရှာမတွေ့တော့ပါဘူး ။ ဒါကြောင့် ဒီလိမ်နည်းကို  Missing Trader Fraud လို့ ခေါ်ပါတယ် ။ များသောအားဖြင့် လူအင်အားတောင့်တောင့် အချိတ်အဆက်မိမိ ဂိုဏ်းဖွဲ့ပြီး လိမ်တတ်ကြပါတယ် ။ ပါဝင်တဲ့ လက်သည်တွေကာအားလုံးဟာ အစိုးရဆီမှာ   VAT register  တကယ်လုပ်ထားကြပြီး တကယ့်စီးပွားရေးလုပ်ငန်းရှင်ပုံစံ အယောင်ဆောင်တတ်ကြပါတယ် ။ ဒီနည်းဟာ ဥရောပတိုင်းပြည် ( အထူးသဖြင့် UK, အီတလီ စပိန် ) တို့မှာ အလွန်အဖြစ်များတယ်လို့ ဆိုပါတယ် ။ UK  မှာ ဒီနည်းနဲ့အလိမ်ခံရလို ကုန်တဲ့အစိုးရဘဏ္ဍာဟာ ဘီလီလျံနဲ့ချီပြီး ရှိတာမို့ အခုတော့  reverse charge  ဆိုတဲ့နည်းကို စတင်သုံးနေပြီလို့ ဆိုပါတယ် ။

( ဒီထက်ပိုမိုရှုပ်ထွေးတဲ့ Contra trading fraud ကို သိချင်ရင် ကိုယ့်ဖာသာကိုယ် လေ့လာကြပါကုန် )
Image may be NSFW.
Clik here to view.

• စကားလည်းတော်တော်ရှည်နေမိပြီ ။ (  ဘယ့်နှယ်...... ကိုယ့်စားဝတ်နေရေးမှ အနိုင်နိုင် အခွန်အကြောင်းကိုလာလျာရှည်နေပြန်ပြီ ၊ သူက အစိုးရလော်ဘီ နဲ့တူတယ် ၊ ဖွန်ကြောင်ချင်ကြောင်ပလိုက်မယ် အခွန်တော့မဆောင်နိုင်ဘူး ။ ဘာမှတ်တုန်း ။ ) 

ဟုတ်ပါ့.....အခွန်ဆိုမှတော့ ဘယ်သူက အားအားလျားလျား ပေးချင်မှာတုန်းနော် ။ မာဂရက်မီရှဲလ်က လေရူးသုန်သုန်ထဲမှာ ရေးသွားသလိုပေါ့
 Death, taxes and childbirth! There's never any convenient time for any of them. 
 သေခြင်းတရားရယ် ၊ အခွန်ရယ် ၊ ကလေးမွေးဖွားရခြင်းရယ်အတွက် ဘယ်တော့မှ သက်သာတဲ့အချိန်ဆိုတာ မရှိပါ ဘူး   တဲ့ ။
 ဒါပေမယ့် ခါးသီးတဲ့အမှန်တရားကလည်း အစိုးရတွေဟာ ပိုက်ဆံမရှိဘဲ တိုင်းပြည်ကို လည်ပတ်လို့ မရပါဘူး ။ လိုတဲ့ပိုက်ဆံကို ရဖို့နည်းအမျိုးမျိုးနဲ့ရှာရတဲ့အထဲမှာ  Tax  ဆိုတာ အဓိက ၀င်ငွေလာရာအရပ်တစ်ခုပါဘဲ ။ ( ကြည့်....ပြောလေ...ကဲလေ )
                                 *****************တကယ်လို့******************

• ချိုင့်ခွက်အပြည့်နဲ့ ထိန်းသိမ်းမှုမရှိတဲ့ လမ်းတွေ ဖြောင့်ဖြူးလာတာ မြင်ရရင် ၊
•  မျက်စိခွဲမယ် ကလေးမွေးမယ် စသည်ဖြင့် တခုခု အော်ပရေးရှင်းလုပ်တာမျိုးကို အစိုးရဆေးရုံမှာ အလကားဝန်ဆောင်မှုရရင် ၊
• ဆေးရုံတွေမှာ ကိုယ့်ဆေးကိုယ် ထွက်မ၀ယ်ရရင်
• အနာဂတ်ရဲ့ရင်သွေးငယ်တွေကို မသင်မနေရစနစ်နဲ့ '' ပီပြင်အဆင့်မှီတဲ့ '' ပညာအလကားသင်ပေးတာမျိုးတွေရှိလာခဲ့ရင်
• အခြေခံလူတန်းစားရဲ့စားဝတ်နေရေးအခြေအနေ သိသိသာသာတိုးတက်လာခဲ့ရင်
• ၀န်ထမ်းတွေရဲ့ အခြေခံလစာကို အလျင်မှီလောက်ငှလာစေခဲ့ရင်
• လာဘ်ပေးလာဘ်ယူဒို့ရန်သူ လို့ ပြူးနေအောင် ရေးထားတဲ့ အခွန်ရုံးတွေမှာ စာအိတ်ဖြူဖြူလေးတွေ မသိမသာထိုးထိုးပေးတာမျိုး လုံးဝမရှိတော့ဘူးလို့ သေချာသိရရင်
• နိုင်ငံတကာနဲ့ ရင်ဘောင်တန်းနိုင်ငံတဲ့ အခွန်ဥပဒေတွေ ရှိလာမယ်ဆိုရင် ( ဥပမာ နိုင်ငံခြားမှာ အလုပ်လုပ်သူတွေ အခွန်ကို ကိုယ့်နိုင်ငံမှာလည်း ပြန်ဆောင် ၊ အလုပ်လုပ်နေတဲ့နိုင်ငံမှာလည်း ဆောင်ခဲ့ရသလိုမျိုး မတရားတဲ့ (ယခင်) ဥပဒေမျိုး လုံးဝမရှိတော့ဘူးဆိုရင်.....ရင်.....ရင်.....ရင်

အခွန်ဟာ လိုလိုလားလားပေးချင်စရာမဟုတ်ပေမယ့် ပေးသင့်တဲ့အရာလို့ ပြည်သူက လက်ခံလာမယ် မဟုတ်ပါလား ။
( ဟူး....မောလိုက်တာ .....ပြောလည်း တပြောဘဲ ရှိမယ်နဲ့ တူပါတယ်      :3 >:o  )

 Image may be NSFW.
Clik here to view.