၈၈ ကာလအတွင်း စစ်ရုံးကို ရေတပ်က အမြောက်နဲ့ပစ်မယ် လေတပ်ကဗုံးကြဲမယ် ဆိုသော သတင်းနှင့် ပတ်သက်၍ ….
တခါတခါ ကျရင် (တကယ်တန်းပြောကြရင်တော့ အခါများစွာလို့ ဆိုရမှာပါ)
ရုတ်ရုတ်သဲသဲ ဖြစ်ရပ်တွေကြားမှာ ဝင်ကစားလိုက်တဲ့ ဖန်တီးရှင် တွေရဲ့ လုပ်ရပ်ဟာ အချိန်ကာလ များစွာ နှစ်တွေဆယ်စုကြာမြင့်တဲ့တိုင် လူတွေကြားမှာ လက်သည်အမှန်မပေါ်ဘဲ ငြင်းခုံစရာတွေ အဖြစ်နဲ့ ကျန်ရစ်နေ တတ်တယ်…
ရှစ်လေးလုံး ကာလထဲမှာ ထွက်ပေါ်လာတဲ့ စာတွေ ကြေညာချက်တွေထဲ အလံပြဘုရားလမ်းမှာရှိတဲ့ စစ်ရုံးချုပ် ကို ရေတပ်သင်္ဘောတွေက အမြောက်နဲ့ ပစ်မယ် … လေတပ် တိုက်လေယာဉ်တွေက ဗုံးကြဲတိုက်ခိုက်မယ် … ဒါကြောင့် နီးစပ်ရာ စက်ကွင်းမလွတ်တဲ့ လူနေရပ်ကွက်မှာနေတဲ့ ပြည်သူတွေ အမြန်ဆုံး ဘေးလွတ်ရာ ရှောင်ရှား ကြဖို့ … ကြေညာချက်တွေ နေရာ အနှံ့မှာ ကပ်ကြတယ်။ ရန်ကုန် တမြို့လုံးလည်း မတည်ငြိမ်မှု တွေကြားမှာ အုံးအုံးကျက်ကျက် ကျီးကန်းတောင်းမှောက် ဖြစ်ကုန်ကြတာ… တကယ်ပဲ ဖြစ်တော့မှာလား ဖြစ်လာရင် ဘယ်လိုနေမလဲ ပေါ့… အဲဒီအချိန်မှာ တပ်မတော်သားတွေလည်း လူထုနဲ့ အတူ ဆန္ဒပြပွဲတွေမှာ ပါဝင်နေကြပြီ …
ညနေပိုင်းကျတဲ့အခါ တပ်ထဲမှာ အချိန်ပြည့်တာဝန်ယူနေရတဲ့ ကျနော့် အစ်ကိုကြီး အိမ်ပြန်ရောက်လာတယ်… သူပြန်လာတဲ့ လမ်းတလျှောက်မှာ ဆန္ဒပြပွဲတွေ… လုံခြုံရေး တပ်ဖွဲ့တွေနဲ့ ဆန္ဒပြ ပြည်သူတွေ ထိပ်တိုက်တိုးတဲ့ နေရာတွေ သူတွေ့လာရတယ် တဲ့။ ဒါနဲ့ ကျနော်တို့က လေတပ်နဲ့ရေတပ် ကြေညာချက်တွေ အကြောင်းကို မေးတော့ သူက ‘ဒီကြေညာချက်တွေက အစစ်မဟုတ်ဘူး’ လို့ ပြောတယ်… ဘာကြောင့်လဲဆိုတော့ ခုပြောနေကြသလို စစ်ဘက်စာပုံစံမကျတဲ့ သဘောကို သူ သတိထား မိတာပါပဲ… အဲဒီကပ်ထားတဲ့ စာမှာ တံဆိပ်တုံး ရိုက်မထားဘူး လို့လည်းပြောတယ်… အဲဒီတုန်းက ကျနော်ဟာ အရပ်ထဲမှာပဲ ရှိနေခဲ့သေးတာ… ထားလိုက်ပါတော့ .. တကယ်လည်း အမြောက်နဲ့ပစ် ဗုံးကျဲတာတွေ မလုပ်ဖြစ် ခဲ့ပါဘူး…
ဒါပေမဲ့ ဒီစာရဲ့ ဂယက်က ၈၈ ကာလနဲ့အတူ ပြီးမသွားဘူး… ၈၉ လူဖမ်းပွဲကြီး ပြီးတဲ့နောက် သတင်းစာရှင်း လင်းပွဲကြီး လုပ်တဲ့နေရာမှာ အရေးအခင်းကာလအတွင်းက အဲဒီ ကောလဟာလ သတင်းကို တာဝန်ယူ ဖြန့်ချိတဲ့ လက်သည် တရားခံဆိုပြီး … စွပ်စွဲခံရသူ ပေါ်လာတယ်… အဲဒီလူက ရေတပ်မိသားစုဝင် တဦးပါပဲ… သူ့ကို သူပါဝင်ပတ်သက်ခဲ့တဲ့ နိုင်ငံရေး လှုပ်ရှားမှုအပြင် အရေးအခင်းအတွင်း ကောလဟလ ဖြန့််ချိမှု၊ လက်နက်မှုတွေ နဲ့ပါ စစ်ကြောအရေးယူခံရတာ… လက်နက်ဆိုတာက သူနေတဲ့ တိုက်ခန်း အိမ်သာအမိုးပေါ်က တွေ့တဲ့လက်နက်ဆိုပြီး ပြောင်းရှည်သေနတ်ကြီးတလက် သတင်းစာရှင်းလင်းပွဲမှာ ထုတ်ပြထားတယ်… စောစောက ပြောတဲ့ ကြေညာချက်လည်း အဲဒီသတင်းစာ ရှင်းလင်းပွဲမှာ ပြတယ် ထင်ပါရဲ့… (စာအုပ်အနီ လက်ဝယ် ရှိထားသူတွေ ပြန်ကြည့်နိုင်ပါတယ်) ဒီလိုနဲ့ စစ်ကြောရေး နိဂုံးသတ်ချိန်မှာ အဲဒီ စွပ်စွဲခံရတဲ့လူ ထောင်ဒဏ် တသက်တကျွန်း ကျသွားတယ်… စစ်ကြောရေး မှာလည်း သူဟာ တခြား လုပ်ဖော်ကိုင်ဖက် တွေထက် အဆများစွာ အထုအထောင်းဒဏ် ခံခဲ့ရတယ်။
၂၀၀၅ ခုနှစ် ဇူလိုင်လထဲမှာ အဲဒီအစ်ကို ထောင်က ပြန်လွတ်လာချိန်မှာ ကျနော်နဲ့သူတွေ့ဖြစ်တော့ ပထမဆုံး သူ့ကိုမေးဖြစ်တာက အထက်မှာ ပြောခဲ့တဲ့ ကိစ္စ ၂ ခု ပါ… သူပြောပြချက်အရ သူ့အိမ်မှာ မိတယ်ဆိုတဲ့ သေနတ်ဟာ သူပိုင်မဟုတ်ဘူး .. အဲဒီသေနတ်ရှိမှန်းလည်း သူလုံးဝမသိဘူး … သူနေတဲ့ တိုက်ခန်းမှာ သူ့ရှေ့အရင်က ရဲအရာရှိ တဦး နေခဲ့ဖူးတယ်… ပြီးတော့ သေနတ်က ပစ်မရတဲ့ မီးကျိုးမောင်းပျက် ဖြစ်နတဲ့အပြင် သံချေး အထပ်ထပ် တက်နေသေးတယ် … အဲဒါကို တိုက်ချွတ်သန့်စင်ပြီး အထောက်အထား တင်ပြတာလို့ သိရပါတယ်။ (ထိုစဉ်က အမှုစစ်တဲ့ ထောက်လှမ်းရေးနဲ့ SB တွေ အဖြစ်မှန် သိနိုင်ပါတယ်)
နောက်ပြီး သူဦးစီးဖြန့်ဝေတယ်လို့ စွပ်စွဲထားတဲ့ စာကလည်း သူမလုပ်တဲ့ အကြောင်း ပြောပြပါတယ်။ (ဒီမှာ တခု စဉ်းစားသင့်တာက သူသာ အမှန်တကယ် ဒီစာကို ဖြန့်ခဲ့တယ်ဆိုရင် အဲဒီအချိန်က ရေတပ်ထဲမှာ ရှိနေတဲ့ သူ့အစ်ကို တပ်ကြပ်ကြီး စာရေး တဦးရယ် .. နောက်ပြီး အငြိမ်းစားယူထားတဲ့ သူ့အဖေ ရေတပ် အရာခံဗိုလ်ဟောင်း တို့လည်း သက်ညှာခွင့်ရနိုင်မယ် မဟုတ်ပါ) သူပြောပြချက်အရတော့ ဒီစာကို စီစဉ်ရေးသားတဲ့လူဟာ ရန်ကုန်တိုင်း ကောင်စီအဖွဲ့ဝင်တဦးရဲ့ သားဖြစ်တယ်လို့ သိရပါတယ်။ ၈၈ မှာ လူကြီးသားသမီးတွေ ပါဝင်ခဲ့တာလည်း အမှန်ပါပဲ။
စွပ်စွဲချက်တွေ ဟုတ်မဟုတ် မပြောလိုတော့ပါဘူး …. ခံရတဲ့ အဲဒီ အစ်ကို ခမျာတော့ သေလုမျောပါး ပါပဲ။ သူ့ကို ပြန်မြင်တွေ့လိုက်ရချိန်မှာ ကျနော့်ရင်ထဲ တော်တော် ဆို့နင့်သွားတယ် … သူ့နှုတ်ခမ်းနဲ့ လက်တွေ တုန်တုန်ယင်ယင် ဖြစ်နေတယ် .. ထမင်းစားရင် သူ့လက်က တော်တော်နဲ့ လိုရင်းမရောက်နိုင် ဖြစ်နေတာ … သူတို့ ထောင်ကျ ခါစမှာ ကျနော်ထောင်ဝင်စာတွေ့ရင်း သူနဲ့ ခဏလေး ဆုံခဲ့ဖူးတယ်… အဲဒီတုန်းက မြင်ခဲ့ဖူးတဲ့ပုံစံနဲ့ ထောင်က ပြန်ထွက်လာတဲ့ ပုံစံ လုံးဝကို မတူတော့ဘူး … အဲဒီအစ်ကို ခုထိ အသက်ထင်ရှား ရှိနေတုန်းပါ …
နောက်ပြီး ၈၈ နောက်ပိုင်း လူဖမ်းပွဲမှာ အမှုနဲ့မပတ်သက်သူတွေ ဖမ်းပြီးထောင်ချခံရတာ တွေရှိတယ်…. ခုန စွပ်စွဲခံရတဲ့ အစ်ကိုတွေရဲ့ အမှုတွဲမှာ သန့်ဇင် နာမည်တူလူမှား ဖမ်းမိလို့ မသက်ဆိုင်တဲ့ သူတဦး နှစ်ရှည် ထောင်ကျခဲ့ရတာ ….. သံလျှင် ရေနံချက်စက်ရုံ ဗုံးခွဲမှုမှာလည်း ကိုသန်းဇော်ဟာ အပြစ်မရှိဘဲ အနှိပ်စက်ခံ ခဲ့ရပြီး ထောင် အနှစ် ၂၀ ကျော် ကျခဲ့ရတယ်လို့ သိရပါတယ် … ဒါတွေဟာလည်း သမိုင်းမှန် သိဖို့လိုပါတယ်။
ခုလိုရေးပြရတာက မတည်ငြိမ်မှု ဖြစ်ရပ်တွေကြားထဲမှာ တဖက်ဖက်ကို အသာစီးရလိုမှုနဲ့ အပြိုင်အဆိုင် ဝါဒဖြန့် ရေးသားကြရင်းက နောက်ဆုံးမှာ မဆိုင်သူတွေ နစ်နာရတဲ့ အဖြစ်ရယ် … အဲဒီ အရေးအသား စွပ်စွဲချက်တွေကို အကြောင်းပြုပြီး အချိန်ကြာမြင့်စွာ လက်သည်မပေါ် အငြင်းပွားနေရတဲ့ အဖြစ်ဟာ အတိတ်မှာ အကျိုးရှိ/မရှိ …. ရှေ့ဆက်ရမယ့် ခရီးအတွက် အကျိုးပေး ကောင်းနိုင်မကောင်းနိုင် စတာတွေကို စဉ်းစားဆင်ခြင်စေချင်လို့ပါ …..
သမိုင်းဖြစ်ရပ်မှန်တွေကို ဖော်ထုတ်ဖို့ ကြိုးစားမယ်ဆိုရင်တော့ … ကျနော်တို့ဟာ ဘယ်သူ့မျက်နှာကိုမှ ထောက်ထားငဲ့ညှာစရာ မလိုဘူး…..
ဖြစ်ခဲ့တဲ့ လူထုအုံကြွမှုတွေအတွင်း တယောက်တလှည့် အပြန်အလှန် လက်တည့်စမ်းခဲ့ကြတဲ့ ဝါဒဖြန့်မှုတွေ ကောလဟလတွေကို အမှန်အတိုင်း ဖော်ထုတ်ရမှာ ဖြစ်သလို …..
အာဏာပိုင်တွေဘက်က လွန်ကျူးမှု၊ မှောက်မှားမှု၊ မလျော်မကန် ဖြေရှင်းဆောင်ရွက်မှု၊ ထောက်လှမ်းရေး တွေရဲ့ ဂွင်ဖန် အမှုဆင်ပြီး (လူတဦးအပေါ် အမှန်တကယ် အပြစ်ရှိ/မရှိ သေချာမစိစစ်ဘဲ) သိမ်းကျုံးဖြစ်ဒဏ် စီရင်ခဲ့တာတွေကိုလည်း ချန်လှပ်ထားလို့မရ …..
လှုပ်ရှားမှုတခုခုကို လုပ်ဆောင်တဲ့ နေရာမှာ ဘယ်လောက်ပဲ တရားမျှတမှန်ကန်ပါတယ်လို့ ပြုလုပ်သူဘက်က အခိုင်အမာ ယုံကြည်ခံယူထားပေမဲ့ လက်ရှိအာဏာရ အစိုးရ မကျေနပ်လို့ တည်ဆဲဥပဒေအရ ဖမ်းဆီးပြီး အပြစ်ပေးရင် ခံရတာပါပဲ … သို့သော် ကိုယ့်လုပ်ရပ်နဲ့ ပတ်သက်ပြီးသာ အပြစ်ဒဏ်ခံရဖို့ပဲရှိတယ်။ ဒီလိုမဟုတ်ဘဲ မဆိုင်တာတွေပါ ဆွဲထည့်ပြီး အပြစ်ပေးတဲ့အခါ ခံရသူမှာ ပိုပိုပြီး နစ်နာမှုရှိလာတယ်။ ဒါဟာ တမင်သက်သက် အငြိုးအာဃာတ မကင်းတဲ့ လုပ်ဆောင်ချက်လို့ ပြောစရာဖြစ်လာတယ်။
လူငယ်တွေအဖို့ အတိတ်မှာ ဖြစ်ခဲ့တာတွေနဲ့ ပတ်သက်ပြီး မှားယွင်းမှု၊ တိမ်းစောင်းမှု လိမ်ညာမှုတွေကို ဘယ်သူမှားတယ် ဘယ်ဟာ ကောလဟလဖြစ်တယ်လို့ အမှန်အတိုင်း သိဖို့လိုတယ်။
ဒါမှသာ သူ့တို့ရှေ့ဆက်ရမယ့်ခရီးမှာ အရင်ကလို ထပ်မဖြစ်အောင် သင်ခန်းစာယူ ရှောင်ရှားနိုင်ကြမှာ။ အတိတ်ကို ပြန်လည်တူးဆွခြင်းဟာ အနာဂတ် လှပဖို့ ရည်သန်လုပ်ဆောင်တာမျိုးပဲ ဖြစ်သင့်တယ်။ အနာဂတ်ကို ထပ်ပြီး အဆိပ်ခတ်တာမျိုး လုံးဝ မဖြစ်သင့်။
လူငယ်ထုအတွင်း ပကတိအမှန်ဖြစ်ရပ်တွေကို သိထားပြီး သံသယကင်း အမြင်ရှင်းကြပါမှ ခိုင်မြဲတည်တံ့တဲ့ ယုံကြည်မှု၊ ညီညွှတ်ရေး နဲ့ သင့်မြတ်မှုတွေကို တည်ဆောက်သွားနိုင်မယ်လို့ ယုံကြည်ပါတယ်။
နေမင်းသူ
၃-၈-၂၀၁၃