ကျနော် တွေ့သိခဲ့သမျှ ……
မြောက်ဥက္ကလာမှာက ၈-၈-၈၈ နေ့ညမှာ စပြီး ဆန္ဒပြကြတယ်... နောက်နေ့ (၉)ရက်နေ့ မနက် ကျတော့ မြို့ထဲကို ချီတက်အသွားမှာ တံတားလေး ဂုံးတံတားနား ရောက်တော့ အပစ်ခံရတယ်... မနက်ပိုင်း ဖြစ်လိမ့်မယ်ထင်တယ်.. ကျနော်တို့က နေ့လည် ၂ နာရီလောက်မှ ရောက်တာ ... တံတား အဆင်းထိပ်မှာ တပ်က နေရာယူထားပြီ သွေးအိုင်တွေ ဖိနပ်တွေ ထမင်းထုပ်တွေ ပြန့်ကျဲနေ တာပဲ တွေ့တော့တယ် …..
နောက်နေ့ (၁၀) ရက် မနက်ကျပြန်တော့ ထပ်ပြီးထွက်ကျတာ အဝိုင်းကြီးနားမှာ အပစ်ခံရပြန်တယ်... အခု ကျောက်ရေတွင်း မှတ်တိုင်နားက ပလပ်စတစ် စက်ရုံ ရေစင်တိုင်ကီပေါ်ကလည်း လှမ်းပစ်တယ် ပြောကြတယ်... နေ့လည်လောက်ပြန်ရောက်လာသူတွေထဲမှာ ဒဏ်ရာရသူတွေ … ပြေးရင်းလွှားရင်း မစင်တွင်းထဲ ပြုတ်ကျသူတွေ ပါလာတယ်။ ပြန်မပါသူ တချို့လည်း ရှိတယ်... မိန်းခလေး တွေ အများစုဖြစ်ကြတယ်... သေနတ်မှန်သူ တချို့ကို ကားပေါ်ဆွဲတင်သွားတယ်လို့ ပြောကြတယ်...
အဲဒီညပဲထင်တယ်.. မနက် လင်းအားကြီးအချိန်လောက်မှာ ပတ္တယောင်လှည့်တဲ့ နယ်ထိန်း ရဲတပ်ကြပ် သန်းမောင် မေဓာဝီလမ်းဆုံနားမှာ အသတ်ခံရတယ်... ပြီးတော့ သူ့ခေါင်းဖြတ်ပြီး လူသေကောင်ကို ဈဈေး လမ်းဆုံမှာ မီးရှို့ထားကြတယ် ...ခေါင်းကို ရဲစခန်းရှေ့မှာ ခဏသွားထားသေးတယ် .. အဲဒီနေ့ နေ့လည် လောက်မှာ အခု ရွှေပေါက်ကံ ဘက်ကိုသွားတဲ့ ဝေဘာဂီမြို့ပတ်လမ်းကွေ့နားက ဘဓရ (ဘူမိဗေဒနဲ့ ဓာတ်သတ္တု ရှာဖွေရေး) ရုံးဘေးမှာ ရဲအိမ်ထောင်သည် လိုင်းတခုရှိတယ် … အဲဒီကို လူအုပ်ကြီး ချီတက် သွားတာတွေ့လို့ ကျနော်တို့လည်း လိုက်ကြည့်ကြတာပေါ့ …
ရဲလိုင်းမှာ ရှိတဲ့ ရဲတွေနဲ့ မိသားစုတွေက သတင်းကြိုရထားပုံရှိတယ်… လူအုပ်ကြီးရောက်လာတော့ လိုင်းခန်းမှာ လူမရှိတော့ဘူး တံခါးတွေပိတ်ပြီး ထွက်ပြေးသွားကြပြီ … အခု မ/ဒဂုံ (၅၀၊၅၁) ရပ်ကွက်တွေ ရှိတဲ့နေရာဟာ အဲဒီတုန်းက လယ်ကွင်းကြီး… အဲဒါ သူတို့က ငမိုးရိပ်ချောင်းကို လှေနဲ့ဖြတ်ကူးပြီး လယ်ကွင်းထဲမှာ ပြေးလွှား နေကြတာ ကျနော်တို့ တွေ့နေရတယ်.. လူအုပ်ကြီးထဲက လူတချို့ တံခါးတွေ ဖျက်ဆီးဝင်ပြီး အထဲမှာလူမတွေ့ တဲ့အခါ လိုင်းခန်းကို မီးတင်ရှို့ပစ်လိုက်တယ်… တချို့လူတွေက ချောင်းကမ်းနားဘက်ကို ဆက်လိုက်သွား ကြတယ်…
အဲဒီမှာ ဟိုဘက်ကမ်းမကူးရသေးဘဲ လှေဆိပ်မှာ ရှိနေတဲ့ မိန်းမနဲ့ ကလေးတွေကို ခေါ်လာတာ… အသံတွေကြားရတော့ သမန်းမြက်တောထဲ ဝပ်ပြီးပုန်းနေတဲ့ ရဲတပ်ကြပ်ကြီး ညွှန့်မောင် က သူ့မိန်းမနဲ့ သားသမီးတွေ အသံမှတ်လို့ ထင်တယ် ဝပ်နေရာက ခေါင်းထောင်ပြီး ကြည့်လိုက်တဲ့ အချိန်မှာ ကမ်းနား တလျှောက်လိုက်ရှာ နေသူတွေက မြင်သွားပြီး လေးခွတွေနဲ့ ဝိုင်းပစ်ကြတယ်… ပြီးတော့ လည်ပင်းကို ကြိုးနဲ့ချီပြီး ခေါ်လာတာ လမ်းမပေါ်ကို ရောက်ချိန်မှာ သူ့ကို တွေ့ရတော့ နားအုံးတွေမှာ သွေးချင်းချင်း ရဲနေတယ်။
သူ့လည်ပင်းမှာ ချည်ထားတဲ့ ကြိုး ၂ စကို ဟိုဘက်ဒီဘက် ၂ ယောက်ကိုင်ပြီး ဂိတ်ဟောင်းကွေ့က တဆင့် ခေမာသီလမ်းအတိုင်း ခေါ်လာတယ်… သူလည်း ဂယောင်ကတမ်းဖြစ်ပြီး လက်အုပ်ချီ ကန်တော့တယ်… ကန်သာယာ လမ်းဆုံကိုရောက်တော့ ‘စိန်လွင်အစိုးရ ခွေးအစိုးရ ပြုတ်ကျပါစေ’ လို့ အော်ခိုင်းတယ် … တခါဆက်ပြီး ဈ ဈေးဘက်ကို ခေါ်လာတာ ဈေးလမ်းဆုံနားရောက်တော့ လူတွေ ပိုပြီး သွေးကြွလာတယ်… အဲဒီမှာ နယ်ထိန်း သန်းမောင် အလောင်း မီးရှို့ထားတဲ့ နေရာလေ…
အဲဒီ မီးပုံရှေ့မှာ လေးထောင့်ခြေတံရှည် စားပွဲတလုံးချပြီး ညွန့်မောင်ကို အပေါ်တက်ခိုင်းတယ် ပြီးတော့ စောစောကအတိုင်း ၃ ကြိမ် အော်ခိုင်းတယ်ဗျ … အဲဒီမှာ ညွန့်မောင်က တကြိမ်အော်ပြီး ဟိုကြည့်ဒီကြည့် အကဲခတ်တယ်.. နောက်တကြိမ် ထပ်အော် အပြီးမှာ စားပွဲပေါ်က ခုံချပြီး ထွက်ပြေးတဲ့အခါ ဘေးမှာ ဝိုင်းကြည့်နေသူတွေလည်း လန့်ပြေးကြတယ်… ကံဆိုးချင်တော့ အဲဒီတုန်းက သစ်ကိုင်းတွေ ချိုင်ချပြီး ကားလမ်း ပိတ်တဲ့ အတားအဆီးလုပ်ကြတယ်လေ … ညွန့်မောင်က အဲဒီအထဲမှာ မှောက်ရက်လဲသွားတာ … အဲဒါနဲ့ သူ့ကို ဝိုင်းရိုက်ကြတာ မေ့မျောသွားတယ်…
မေ့မျောနေတဲ့ သူ့ ခန္ဓာကိုယ်ကြီးကို တရွတ်တိုက် ဆွဲလာပြီး မီးဖိုနားရောက်တော့ ဓာတ်ဆီနဲ့ လောင်းတယ် … ပုလင်းတွေနဲ့ လောင်းကြတာ.. ပြီးမှ မီးခြစ်နဲ့ ရှို့လိုက်တဲ့ အခါ မီးတောက်လျက် သွေးရူးသွေးတမ်းနဲ့ အပေါင်ဆိုင် ဘက်ရှိရာကို ထပြေးတယ်… အဲဒီမှာ တယောက်က တုတ်နဲ့ ရိုက်လိုက်တာ လဲသွား ပြန်ရော … ငှက်ကြီးတောင် ဓားတွေနဲ့ ဝင်ခုတ်ကြတော့ သွေးတွေ အစင်းလိုက်ကြီး ထွက်ထွက် လာတယ်… အဲနောက် အရင်နေရာကို ပြန်ဆွဲလာပြီး ခေါင်းကို ငှက်ကြီးတောင်ဓားနဲ့ ဖြတ်တယ်ဗျ … ငှက်ကြီးတောင်ဆိုတော့ လွယ်လွယ်နဲ့ မပြတ်ဘူးလေ .. အဲဒီမှာ တယောက်က အနီးအနား လက်ဖက်ရည်ဆိုင်သွား ခွေးခြေပုလေး တလုံးယူလာပြီး … ဒေါင်လိုက် လှဲထားတယ် အဲဒီ ခွေးခြေခုံ စောင်းပေါ်ကို ခေါင်းတင်ပြီး ငှက်ကြီးတောင်နဲ့ ခုတ်လိုက် ကြိတ်လှီးလိုက်နဲ့ အသက်ထွက် သွားတာ…
ခေါင်းပြတ်သွားတော့ ထီးရိုးဝါး အဖျားကို ထက်ခြမ်းခွဲပြီး သူ့ခေါင်းနောက်စေ့ အရေပြားကိုလည်း ဓားနဲ့ ထိုးဖောက်တယ်။ ပြီးတော့ ဝါးခြမ်းတဖက်ကို ထိုးသွင်း အဖျား ၂ ဖက်ပြန်စုချည်ပြီး ဝါးလုံးကို ထောင်လိုက်တယ် .. အဲဒီမှာ သန်းမောင်ရဲ့ ခေါင်းကလည်း ရှိနေပြီးသား ဆိုတော့ ၂ လုံးဖြစ်သွား တာပေါ့… သေနေတဲ့ ခန္ဓာကိုယ်ကိုတော့ စောစောကအတိုင်း ဓာတ်ဆီလောင်းလိုက် မီးရှို့လိုက်နဲ့ ဓာတ်ဆီက မီးစွဲတုန်းခဏလောင်ပြီး ပြန်ငြိမ်းသွားတာပေါ့ဗျာ ထင်းလိုလောင်စာ မရှိဘူးပေါ့.. အဲဒီတော့ ဓာတ်ဆီ ထပ်လောင်းလိုက် မီးရှို့လိုက်နဲ့ ညွှန့်မောင် ကလည်း ဗလကောင်းကောင်း ခပ်ဝဝ ဆိုတော့ ဝက်ကြီး ဆီပူထိုးထားသလို ဖြစ်နေတာ … အဲဒါကို သတ်တဲ့ လူတယောက်က ခါးတည့်တည့် လောက်ကို ဓားမြှောင်နဲ့ ကလိလိုက်တာ အသားတစ် ထွက်လာတယ်… အဲဒီအသားကို လက်ဝါးထဲ ထည့် ပွတ်သပ်ပြီး ‘ရဲသားကွ စားရခဲတယ်’ လို့ပြောပြီး စားပြတာ …..
နောက် တနာရီလောက် ကြာတော့ ရဲဒုတပ်ကြပ် လှအုန်း ဆိုတဲ့တယောက် ထပ်ဖမ်းလာပြန်တယ် ခပ်ပိန်ပိန်ပါးပါးရယ် … သူု့ကျတော့ ဘာမှ မပြောခိုင်းတော့ပဲ တခါတည်း ဝိုင်းခုတ်ထစ်လိုက်ကြတာ ၁၀ မိနစ်လောက်အတွင်းမှာပဲ နောက်ထပ် ခေါင်းတခု တက်လာတယ်… ညနေ ၃ နာရီကျော်လောက်မှာ မင်္ဂလာဒုံဘက်က လေယာဉ်တွေ တက်လာပြီး စာတွေကြဲချတယ်.. ဒါပေမဲ့ ကြဲချလိုက်တဲ့ စာတွေက လေအောက်ဘက် အရပ်ဖြစ်တဲ့ မင်္ဂလာဒုံ ဘက်ကိုပဲ ပြန်ကျတယ် ထင်တယ်… ကျနော်တို့လည်း အိမ်ပြန်လာကြတယ်… အဲဒီမှာ ညွန့်မောင်ကို ခေါင်းဖြတ်တဲ့ လူဟာ ည ရပ်ကွက် ကျောင်းလမ်းထဲက နာမည်ကြီး ညီအစ်ကို တွေပဲ …. ဒီကောင်တွေက လက်ရဲဇက်ရဲ လူမိုက်တွေပေါ့ဗျာ တပ်က အာဏာသိမ်း ပြီးချိန်မှာ သူတို့ အဖမ်းခံရတယ်။
နောက်နေ့မနက် ကျနော်တို့ ဈေးဘက်ကို ရောက်တော့ ထောင်ထားတဲ့ ဝါးလုံးထိပ်ဖျားတွေမှာ ခေါင်း ၄ လုံး တွေ့ရတယ်။ နားကုတ် ဆိုတဲ့ တယောက်ကို ညဘက်မှာ ဖမ်းမိလို့ သတ်လိုက်တာတဲ့.. သူ့ဦးခေါင်းခွံတွေ အဖတ်လိုက် ကွာကျနေတယ်…. အဲဒီအချိန်မှာ အဲဒီအုပ်စုတွေကို ဦးစီးတာ ရောင်ကြီးဗွေ လို့ နာမည်ကြီးတဲ့လူ.. တဦးပဲ… နောက်ရက်ညမှာ မြို့နယ်ရဲစခန်းက ရဲတွေနဲ့ မိသားစုဝင်တွေကို မင်္ဂလာဒုံ တပ်ခွဲတခုက လာကယ် ထုတ်သွားတယ်… ရဲစခန်းကတော့ မြေလှန်မီးရှို့ ခံလိုက်ရတယ်… အဲဒီ ရောင်ကြီးဗွေ ဆိုတဲ့လူက ပဲခူးမြို့က လို့ပြောကြတယ် …. အခုတော့ (….) မှာ ရောက်နေတယ်လို့ သိရပါတယ်။
ခေါင်းဖြတ်တာ အစောဆုံးက မြောက်ဥက္ကလာပဲ … ၄ ခေါင်း ပြတ်တယ် .. နောက်ပိုင်းမှ တခြား နေရာတွေ ဆက်ဖြစ်တာ …. အဲဒီနောက်ပိုင်းတော့ လူတွေဟာ နေ့ဘက် ဆန္ဒပြ …. ညဘက် ကင်းစောင့် ဆိုသလို ဖြစ်ကုန်ကြတော့တယ် … ကိုယ့်မိသားစု ကိုယ့်ရပ်ကွက်လုံခြုံမှုကို ကိုယ်တိုင်တာဝန်ယူရတဲ့ အခြေအနေ ရောက်သွားတာပါ… အလုပ်သွားလို့လည်း မရတော့ဘူးလေ …မြောက်ဥက္ကလာ မှာတော့ ကြီးကြီး မားမား ဖျက်ဆီးခံလိုက်ရတာဆိုလို့ ရဲစခန်း နဲ့ ဘဓရ အဆောက်အဦးပဲ… ဘဓရ က ရွှေရှာစက် ယူထား ကြသူတွေ တပ်က အာဏာသိမ်းပြီးနောက်ပိုင်း အသံချဲ့စက်နဲ့ လိုက်အော် သတိပေးတော့ လမ်းပေါ် ပြန်ချထားတာ တွေ့တယ် … ကျနော်တို့ဆီက မြို့စွန်ဆိုတော့ ခုကြိုးတံတားတည့်တည့် ထားဝယ်ချောင် ရွာဘက်က လူမိုက်တွေ တက်လာမှာ ကိုလည်း တွေးပူခဲ့ကြရတာ ….
ဒါကတော့ ကျနော် ကြုံတွေ့သိရှိခဲ့သမျှ အခြေအနေမြင်ကွင်းကို ပြောပြတာပါပဲ …. တမင်ဖွနေခြင်းမဟုတ်ပါ… အထူးသဖြင့် ရှစ်လေးလုံးကို ကောင်းကောင်းမသိ မမီလိုက်တဲ့ လူငယ်တွေဖတ်ဖို့ ရည်ရွယ်ရေးသားပါတယ်… ဒါတွေဟာ ရှစ်လေးလုံးကာလမှာ တကယ်ဖြစ်ခဲ့တာ… ရှစ်လေးလုံးပုံရိပ်ရဲ့ အပိုင်းအစတခု … ဒီအဖြစ်အပျက် ထဲမှာ … အကြမ်းဖက်ဖြိုခွဲမှုနဲ့ မင်းမဲ့စရိုက်ဆန်ဆန် သတ်ဖြတ်မှု … ဘယ်ဟာအရင်စဖြစ်လဲ… ကြမ်းကြမ်း တမ်းတမ်း သတ်ဖြတ်မှုတွေကို ဘယ်လိုလူမျိုးတွေက ဦးဆောင်ကျူးလွန်ခဲ့တာလဲ.. စစ်တပ်က ပစ်ခတ်ခြင်း ခံရတဲ့လူထု … ရဲတွေကို အရင်ဆုံးဦးတည် တိုက်ခိုက်ခဲ့တာ ဘာကြောင့်လဲ … စသဖြင့် စသဖြင့် အတွေးဆန့် ကြည့်နိုင်ဖို့ အကြောင်းအချက် အချို့တော့ ရနိုင်မယ်လို့ မျှော်လင့်မိပါတယ် …..
ကိုယ့်အတွေးနဲ့ကိုယ် စဉ်းစား ချင့်ချိန် ကြည့်ကြဖို့ ဖြစ်ပါတယ် …..
နေမင်းသူ
၇-၈-၂၀၁၃