တနေ့က ကျနော့်မိတ်ဆွေ ကိုနေသွင်ရေးတဲ့ ကိုမင်းကိုနိုင်နဲ့ ပတ်သက်တဲ့ စာစုလေးကို ဖတ်ရင်းမှတ်စုလးတွေ လိုက်ရေးမိတယ်။ ဘာရယ်မဟုတ်။ ကိုနေသွင်က ကျနော်သဘောကျတဲ့ လူငယ်ပညာတတ်တဦးပါ။ သူသဘောက ဒေါ်စုမရှိတဲ့ နောက်ပိုင်းမှာ မြန်မာနိုင်ငံလို တိုင်းရင်းသားပြသနာ ထူပြောတဲ့ နိုင်ငံမှာ မင်းကိုနိုင်က မွန်လူမျိုးလည်းဖြစ်၊ ရိုးသားတဲ့သူလည်း ဖြစ်တော့ အနာဂါတ်ခေါင်းဆောင် အဖြစ် မြင်ချင်တယ်၊ စာရေးဆရာ အဖြစ်သူမမြင်ချင်ဘူး ဆိုပြီးရေးထားကိုတွေ့ရတယ်။
ကျနော်တို့၏ မြန်မာ့လူဘောင် အဖွဲ့အစည်းတွင် အနာဂါတ်နိုင်ငံကို ခေါင်းဆောင်မည့်သူအား နှစ်ဆယ်စုနှစ်ချီကာ သတ်မှတ်ထားကြသည့် ဓလေ့ကို လေ့လာကြည့်မိသည်။
ထင်ရှားသည့်သာဓကတခု ထိုင်းနိုင်ငံတွင် ဖြစ်ပေါ်ခဲ့သည်။ ယဉ်လတ်ရှင်နာဝါထရာ သည်နိုင်ငံရေးသမားမဟုတ်၊ စီပွားရေးသမားစစ်စစ်၊ အကိုတော်သူ၏ စင်ပေါ်ကောက်တင်မှုကြောင့် ၀န်ကြီးချုပ် ဖြစ်ခဲ့ရသူ။ ယခုအခါ ထိုင်းနိုင်ငံ၏ အမျိုးသား ပြန်လည် သင့်မြတ်ရေးကို လုပ်ဆောင်နိုင်မည့်သူ အဖြစ် လူကြိုက်များလာသည့် သဓက အပြည့်အ၀ရှိနေသည်။
အမေရိကန် သမ္မတ အိုဘားမားသည်ပင် ရွေးကောက်ပွဲမ၀င်မှီ ကာလအထိ မထင်မရှားသည့် ခေါင်းဆောင်ငယ်တဦးသာ။ မြန်မာ့ယဉ်ကျေးမှုဓလေ့တွင် အစဉ်အလာနဲ့ နိုင်ငံ့ဦးဆောင်မှုကို ခွဲခြားထားခြင်း မရှိသည်ကို တွေ့ရသည်။ နိုင်ငံရေးသမား တဦး၊ တော်လှန်ရေးသမား တဦးအနေဖြင့်လည်း မည့်သည့်အချိန်တွင် ပါတီ၊ တပ်မတော်မှ အနားယူကာ မည်သည့်အနေအထားဖြင့် ဘ၀ကိုဆက်လက် ရှည်သန်မည်၊ နိုင်ငံအကျိုးအတွက် မည့်သည့်ဘက်က ပါဝင်မည် ဆိုသည့် အနေအထားမျိုးမရှိသလောက်ပင်။
ကျနော်တို့ ကျင်လင်ခဲ့ရတဲ့ ၁၉၈၈ ခုနှစ်ကနေ ၂၀၁၃ ခုနှစ်ကလာလအတွင်း မြန်မာ့အတိုက်အခံ အင်အားစုတွေနဲ့ စစ်ခေါင်းဆောင်တွေအကြား ခြားနားချက်ကို လေ့လာကြည့်သည်။ အဖွဲ့အစည်း၏ မဟာဗျူဟာ သဘောကိုထက် အပြင်ပန်းသဘောကို လေ့လာကြည့်မိသည်။
ကျနော်သည် ၁၉၈၈ ခုနှစ်တွင် အထက်တန်း ကျောင်းသားမျှသာ ရှိသော်လည်း မြန်မာ့အရေး၊ ကမ္ဘာ့သတင်းများကို စိတ်ဝင်တစား နားထောင်ဖြစ်ခဲ့သည်။ ထိုအချိန်အခါက တရုတ်နိုင်ငံတွင် သမ္မတအဖြစ် Yang Shangkun သည်သမ္မတအဖြစ် တာဝန်ထမ်းဆောင်နေကြောင်း သတင်းများတွင် ခဏခဏကြားရသည်။ ၁၉၈၈ ခုနှစ်မှာ ၁၉၉၃ နှစ်ထိ သမ္မတ တာဝန်ထမ်းဆောင်ခဲ့ပြီးနောက် ၁၉၉၃ ခုနှစ်တွင် Jiang Zimem ကသမ္မတ ဖြစ်လာပြန်သည်။ ထို့နောက် ဟူဂျင်တောင်း၊ ထိုနောက် ယ္ခုလက်ရှိ သမ္မတ Xi Jinping အထိသမ္မတ လေးဦးအထိ ပြောင်းလဲခဲ့သည်။ ကွန်မြူနစ် အာဏာရှင် နိုင်ငံတွင် သမ္မတတဦး၏ လက်ထက်တွင် နိုင်ငံခြားရေးမူးဝါဒ၊ စီးပွားရေးမူဝါဒကအစ တဖြည်းဖြည်း ပြောင်းလဲခဲ့သည်မှာ ယ္ခုအခါ တရုတ်နိုင်ငံသည် ကမ္ဘာ့ စီးပွားရေးအင်အားကြီး ဒုတိယအဆင့် ကိုရောက်ခဲ့လေပြီ။
ကျနော်တို့မြန်မာ့နိုင်ငံရေးတွင်ကား ထိုကဲ့သို့ရှိပါလေစ။ ၁၉၈၈ ခုနှစ် စစ်တပ်က အာဏာသိမ်းပြီးအချိန် ဗိုလ်ချုပ်ကြီးစောမောင်၊ ဗိုလ်ချုပ်ကြီးသန်းရွှေ၊ ယခုဦးသိန်းစိန် အစိုးရအထိ ပြောင်းလဲခဲ့သည်။ ဦးသိန်းစိန် အစိုးရလက်ထက် ရောက်မှ နိုင်ငံရေး၊ စီးပွားရေး၊ လူမှုရေး အပြောင်းအလဲကို ထိတွေ့လာရသည်။
အတိုက်အခံတို့ဘက်တွင် ပြန်လည်ကြည့်မိသောအခါ လွန်ခဲ့သော ၂၅ နှစ်ခန့်က အတိုက်အခံခေါင်းဆောင်သည် ယခုတွင်လည်း အတိုက်အခံခေါင်းဆောင် ဖြစ်နေသည်ကို တွေ့ရသည်။ အထင်ကရ အတိုက်အခံခေါင်းဆောင် ဒေါ်စုကိုထည်ချန်လှပ်ထားပါက ဒုတိယတန်း အဆင့်အနေဖြင့် နိုင်ငံရေး အ၀ိုင်းကိုရောက်လာသည့် ခေါင်းဆောင်များကို မတွေ့ရသလောက်ပင်။
တိုင်းရင်းသားများဘက်တွင် ကြည့်လိုက်ပါကလည်း လွန်ခဲ့သည့် ၂၅ နှစ်တာကာလအတွင်းက ခေါင်းဆောင်ခဲ့သည် ဦးအေးသာအောင်၊ ဦးခွန်ထွန်းဦး၊ ဦးကျင်ရှင်းထန် စသည့်ခေါင်းဆောင်ဟောင်းများကိုသာ မမြင်ချင် မတွေ့ချင်သည့်အဆုံးတွေ့နေရသည်။ အသစ်ပြန်လည်ဖွဲ့စည်းကြသည့် နိုင်ငံရေးပါတီများတွင်လည်း သူတို့သာ ဥက္ကဌအဖြစ်၊ အတွင်းရေးမှူး အဖြစ်မြင်တွေ့နေရသည်။
ပြည်ပရောက် အတိုက်အခံများဘက်တွင် ကြည့်ပါကလည်း မထူးသည့်အနေအထားဖြင့် တွေ့ရသည်။ အေဘီအက်စ်ဒီအတ်ဖ်၊ လူ့ဘောင်သစ်၊ ရခိုင်ပြည်လွတ်မြောက်ရေးပါတီ၊ မွန်ပြည်သစ်ပါတီ၊ ရှမ်း၊ ကရင်နီ၊ ကရင်၊ ကချင် မည့်သည့်အဖွဲ့အစည်းကိုပင်ကြည့်လိုက်ပါက လွန်ခဲ့သည့် ၂၅ နှစ်ခန့်က ခေါင်းဆောင်သည် ယခုလည်း သူတို့ပင်ခေါင်ဆောင်များ အဖြစ်တာဝန်ယူနေဆဲ ဖြစ်နေသည်ကို တွေ့ရသည်။
https://www.facebook.com/hla.shwe.3/posts/496758237075737 မှကူးယူဖော်ပြပါသည်။