………….
မနေ့က ကျွန်တော်တို့တတွေ ရွာက စေတီတစ်ဆူကို စုပေါင်းထုံးကပ်လှူပူဇော်ဖြစ်ကြပါတယ်။
ဘုရားက အမှိုက်တွေ၊ ဖုန်းတွေကို သန့်ရှင်းရေးလုပ်၊ မြက်တွေရှင်းကြပါတယ်။ ပြီးတော့ ဘုရား အုတ်တံတိုင်းတွေကို အရင် ထုံးသုတ်ကြပါတယ်။
ရာသီဥတုကလည်း နေပူလိုက်၊ မိုးအုံ့လိုက်နဲ့ပါ။ ကျွန်တော်တို့အဖွဲ့တွေ နားလိုက်၊ အလုပ်လုပ်လိုက် ပျော်ပျော်ပါးပါးပါပဲ။
စေတီရဲ့ အောက်ခြေပန်းတင်ခုံတွေကို ထုံးသင်္ကန်းကပ်လှူကြတယ်။ အပေါ်ပိုင်းကို တော့ရေဆေး ကပ်လှူပူဇော်ကြပါတယ်။
နေက ပူလာလို့ လူတွေပင်ပန်းလာရင် ဘုရားရဲ့ လေးဘက်လေးတန်မှာ ပေါက်နေတဲ့ တရုတ်စကားပင် အောက်မှာ နားကြ၊ လက်ဖက်သုပ်နဲ့ ရေနွေးကြသောက်ကြနဲ့ ပျော်စရာကောင်းလှပါတယ်။
ကျွန်တော်လည်း နားနေရင်း ကျွန်တော်တို့ သုတ်ထားတဲ့ ဘုရားပုရ၀ဏ်အုတ်တံတိုင်းတွေကို ကြည့်လိုက် မိပါတယ်။ ထုံးလေးတွေက ခြောက်လာပြီး ဖြူဖွေးနေပါတော့တယ်။ ကျွန်တော် စိတ်ထဲမှာလည်း ကိုယ်တိုင် လုပ် အားဒါနနဲ့လှူဒါန်းကပ်လှူလိုက်ရတဲ့ ထုံးဖြူဖြူလေးတွေကို ကြည့်ပြီး စိတ်ထဲမှာ ကြည်နူးမိခဲ့ပါတယ်။
ထုံးဖြူဖြူဖွေးနဲ့ စေတီကို မြင်လိုက်ရရင်ဖြင့် ရင်ထဲမှာ ကြည်လင်သွားသလိုပါပဲ။
……………
“ ဓမ္မစကား နေ့တိုင်းကြားက စိတ်ထားဖွေးလက် သိဥာဏ်ထက်၏ ”
သောတအာရုံ ဆိုတဲ့ အသံတွေကတော့ မိုးလင်းကတည်းက ကြားနေရတာပါပဲ။
အိမ်မှာဆိုရင် အဖေ၊ အမေရဲ့ နံနက်မိုးမလင်းခင်က ဘုရားရှိခိုးပြီး ကြေးစည်ရိုက်ခတ်သံက နားထဲကို နားဝင်ချိုစေပါတယ်။
“ ဘ၀န္တော ” “ ပြည်မနိဗ္ဗာန်ရောက်စေရန်အတွက် ဆွမ်းတော်ချက်၍ ၀ပ်တွားကာ အဓိဋ္ဌာန်ထားကြဖို့ နိဗ္ဗာန်တံခါးဖွင့်ရန် ထတော်မူကြပါ့ ဘ၀န္တော သပ္ပုရိသအပေါင်း သူတော်ကောင်းတို့ ” နိဗ္ဗာန်ဆော်အသံကလည်း ကျွန်တော်တို့ သံသခရီးရဲ့ လွတ်မြောက်ရာအတွက် သတိပေးလိုက်တဲ့အသံပါ။ နှိုးဆော်လိုက်တဲ့အသံပါ။
ကျွန်တော်တို့ မြန်မာလူမျိုးတွေက မိုးလင်းတာနဲ့ ဘုရား၊ တရားနဲ့ နိုးထလာသူတွေပါ။ ဓမ္မစကားကို အိပ် ယာထကနေ၊ အိပ်ယာဝင်တဲ့အထိ ကြားသိ၊ မြင်သိနေခဲ့ရတဲ့၊ မြင်နေရတဲ့ လူမျိုးတွေပါ။ အချင်းချင်းရိုင်းပင်းကူညီ ချင်သူတွေ၊ တစ်ဦးနဲ့ တစ်ဦး တွေ့ဆုံလိုက်ရင်ဆိုရင်ပဲ “ မင်္ဂလာပါ ”တဲ့။ အင်မတန်ကောင်းမွန်လှတဲ့ စကားလေးနဲ့ နှုတ်ဆက်ကြသူတွေပါ။
ခေတ်တွေ စနစ်တွေတိုးတက်ပြောင်းလဲလာတာနဲ့အမျှ မိုးလင်းရင်းပဲ တဒိန်းဒိန်းနဲ့ လက်ဖက်ရည်ဆိုင်က ဖွင့်လိုက်တဲ့အသံ၊ မြို့ပြနေသူတွေဆို လူသံ၊ ကားသံတွေက နေရာယူလာကြပါပြီ။ မိုးချုပ်နားနေချိန်ရောက်ပြီ ဆိုရင်ဖြင့် စားသောက်ဆိုင်တွေက ဖွင့်တဲ့အသံ၊ ညညဥ့်နက်အထိ ဘောလုံးပွဲထိုင်ကြည့်လို့ အော်လိုက်တဲ့အသံ၊ ဆဲသံ၊ ဆူညံသံတွေက ကျွန်တော်တို့ ဖြတ်သန်းခဲ့ရတာ များလာကြပါပြီ။
ဓမ္မစကားကို ကျွန်တော်တို့ ကြားနာဖို့၊ နာကြားဖို့ ခက်ခဲပြီလား။ မခက်ခဲလှသေးပါဘူး။ ကျွန်တော်တို့ အတွက် အခွင့်အရေးတွေရှိနေပါသေးတယ်။
ဓမ္မစကားတွေကို နာယူကြရင်း စိတ်ထားလေးတွေ “ဖွေးလက်” လာစေဖို့ ပြုလုပ်၊ ပြုပြင်ရမှာပါ။
……………
ကျွန်တော်တို့ မြန်မာနိုင်ငံကို ကြည့်ရင် လက်ရှိအခြေအနေမှာ အဖြူစိတ်ဓာတ်တွေကို မြင်တွေ့နေရပါ သေးတယ်။ သဘာဝဘေးအန္တရာယ်အတွက် လှူဒါန်းတာတွေ၊ ဒုက္ခသည်တွေကို ကူညီထောက်ပံ့မှုတွေဟာ ဖြူစင်သော စိတ်ဓာတ်တွေပါ။
သူတစ်ပါးအပေါ် ကရုဏာထားတဲ့စိတ်၊ လှူဒါန်းချင်စိတ်၊ ကူညီထောက်ပံ့ချင်စိတ်၊ စာနာစိတ်တွေက ကျွန် တော်တို့ စိတ်တွေကို ဖြူစင်စေပါတယ်။ စိတ်တွေဖြူစင်ခြင်းအားဖြင့် ကျွန်တော်တို့ ဥာဏ်လေးတွေ လင်းလာမယ် ပိုလို့ ဖွေးဖွေးဖြူလာမယ်လို့ ကျွန်တော်ထင်ပါတယ်။
အများအကျိူးရွယ်သယ်ပိုးခြင်းဆိုတာကလည်း ကျွန်တော်တို့ စိတ်ရဲ့ အဖြူရောင်သင်္ကေတ တစ်ခုမဟုတ် ပါလား။
………….
ကျွန်တော်တို့စိတ်တွေဟာ များသောအားဖြင့် မကောင်းသောအရာတွေမှာသာ ကျင်လည်နေတာကြောင့် ညစ်ပတ်လှပါတယ်။ ဖြူစင်တဲ့ အချိန်ဆိုတာ ခပ်ရှားရှားရယ်ပါ။
ပြီးတော့ ကိုယ့်ညစ်ပတ်မှုထက် သူများညစ်ပတ်မှုကို ပိုမြင်တတ်ကြပါတယ်။ ကိုယ့်မျက်ချေးကို မမြင်ကြ ဘူးပေါ့။ ကိုယ့်ရဲ့ ရှိနေတဲ့ လောဘအညစ်အကြေးတွေ၊ ဒေါသအညစ်အကြေးတွေ၊ မောဟအညစ်အကြေးတွေကို မြင်မှ ကိုယ့်စိတ်လေးက ဖြူစင်လာမှာပါ။ ဒါမှလည်း တခြားသူတွေ ဖြူစင်ဖို့ ပြန်လည်ညွှန်ပြနိုင်မယ်ထင်ပါတယ်။
ကိုယ့်ရဲ့ ပေရေနေတဲ့ လက်နဲ့ တခြားသူကို သန့်စင်ဖို့ မလွယ်ကူလှပါဘူး။
ဒါတင်မကသေးပါဘူး ကိုယ့်ရဲ့ ညစ်ပတ်နေတဲ့လက်တွေနဲ့ တခြားသူကို ပေကြံအောင်သုတ်ချင်ကြပါ သေးတယ်။ အသားအရောင်ခွဲခြားတာတွေ၊ ဘာသာအစွဲတွေ၊ လူမျိုးအစွဲတွေနဲ့ တစ်နိုင်ငံနဲ့ တစ်နိုင်ငံ ညစ်ပတ်တဲ့ ရွှံ့ဗွက်တွေနဲ့ ပေါက်လိုက်ကြတာ ကမ္ဘာကြီးက တဖြည်းဖြည်း ညစ်ပတ်ပြီး မှောင်လာနေတော့တာပါပဲ။
ဒါဟာ နင်ကောင်းမှ ငါကောင်းမယ်ဆိုတဲ့ စိတ်ဓာတ်အညစ်တွေကြောင့် ပိုပြီးအရောင်မှိန်လာခဲ့ရတာပါ။ ရွှေဥမင်ဆရာတော်ဘုရားကြီးက “ သင်ကောင်းလျှင် ကျွန်ုပ်မဆိုးပါ ” ဆိုတဲ့ စကားနဲ့ ပတ်သက်ပြီး မိန့် ကြားထားခဲ့ပါတယ်။
“ သင်ကောင်းလျှင် ကျွန်ုပ်မဆိုးပါဆိုတော့ သင်မကောင်းလျှင် ကျွန်ုပ်ဆိုးမယ်ဆိုတဲ့ သဘောပေါ့နှော်။ ဒါဆိုအတော့်ကို ကြောက်စရာကောင်းတာပေါ့။ သူတော်ကောင်းဆိုတာ သင်ကောင်းကောင်း မကောင်းကောင်း ကျွန်ုပ်ကတော့ အမြဲကောင်းနေရမယ်လေ ”
သူကောင်းမှ ကျွန်ုပ်ကောင်းမယ်ဆိုတဲ့ စိတ်ဓာတ်တွေနဲ့ဖြင့် ကျွန်တော်တို့ ရွှံ့အိုင်ထဲက တက်နိုင်ကြပါဦး မလား။ ရွှံ့အိုင်ထဲက ရုန်းထွက်လို့ သန့်စင်လိုက်ပါမှ ကျွန်တော်တို့ ဘ၀တွေ ဖြူဖွေးလာမှာ ဖြစ်သလို ကျွန်တော်တို့ စိတ်လေးတွေဟာလည်း ဖွေးလက်လာမှာ မဟုတ်ပါလား။
……………..
ကျွန်တော်တို့စိတ်ကလေးဟာ သဘောကျစရာ အာရုံတွေ့ရင် လောဘလေးနဲ့ ညစ်ထေးလိုက်၊ မကျေနပ် တဲ့အာရုံနဲ့တွေ့ရင် ဒေါသကြေး(ဂျီး)ကစွန်းထင်းလိုက်၊ ကိုယ့်ကိုယ်ကို အထင်ကြီးတဲ့ မာနဖုန်မှုန့်လေးတွေက ကပ်ငြိလိုက်နဲ့ တစ်စတစ်စညစ်ပေလာပါတယ်။
ဒီစိတ်အညစ်အကြေးတွေ ဖြူစင်လာဖို့ ကျွန်တော်တို့ သန့်စင်ရမှာပါ။
ကျွန်တော်တို့ ၀တ်ဆင်နေတဲ့အ၀တ်အစားတွေကို လျှော်ဖွတ်ရာမှာ ဆပ်ပြာမတိုက်ရင် ဖြူသင့်သလောက် ဖြူမလာပါဘူး။ ထို့အတူ ကျွန်တော်တို့စိတ်ကလေးကို လျှော်ဖွပ်ရာမှာ “ ဘာဝနာဆပ်ပြာ ”နဲ့ ခပ်နာနာလေးတိုက် ပစ်လိုက်နိုင်မှသာ အညစ်အကြေးက ကင်းစင်ပြီး စိတ်ကလေး ဖွေးဖွေးတောက်လာမှာပါ။
“ ၀ိပဿနာ ” တရားနဲ့ လျှော်ဖွပ်လိုက်တဲ့အခါ ကြေး(ဂျီး)တွေအကုန်စင် လျှော်ဖွပ်လိုက်တဲ့အခါ ကျွန်တော်တို့ စိတ်ကလေးက ဖွေးဖွေးဖြူသွားတော့တာပါပဲ။
………………
“ မာနကြီးနေတယ်ဆိုတာလည်း…..အပျိုရွယ်မာန်တွေပါဟယ်..ဒီရင်ထဲ နင်ဝင်လာကြည့်လှည့်… အဖြူရောင်လေးပါကွယ်…. ”
“ အော် ခုတော့ အပျိုရွယ်မာန်မရှိနိုင်တော့ဘူးပေါ့ ”
ကျွန်တော်က ဘုရားထုံးသင်္ကန်းကပ်လှူပြီး ပြန်လာတော့ ပေနေတဲ့ အင်္ကျီ၊ ပုဆိုးတွေကို မိန်းမဖြစ်သူထံ လှမ်းပေးရင်း နောက်လိုက်ပါတယ်။
“ မရှိဘူးတော်မရှိဘူး။ ရှင်ကို ရမှာတော့ ဘယ်လိုလုပ် အပျိုမာန်ကရှိတော့မှာတုန်း၊ ထားလို့ရမှာတုန်း ”
သူက ပြောရင်းအ၀တ်တွေကို ယူလိုက်သည်။ ဆပ်ပြာမုန့်ဖျော်ပြီး ကျွန်တော့အ၀တ်တွေကို စိမ်ထားလိုက် ပါတယ်။
“ ဘာဖြစ်ဖြစ်ပါ…ငါ့မိန်းမအသံက ချစ်သုဝေအသံနဲ့ တော်တော်တူတာပဲ ”
“ ဘာမှ လာဖားမနေနဲ့။ မဖားလည်း ရှင်ရဲ့ ပေနေတဲ့ အ၀တ်အစားတွေ ကျွန်မပဲလျှော်ရမှာပဲမဟုတ်လား”
သြော် ကျွန်တော်အ၀တ်အစားတွေက ပေနေတဲ့ ကြေး(ဂျီး)တွေကိုတော့ မိန်းမဖြစ်သူ လျှော်ဖွပ်ပေးရင် ပြောင်သွားမှာပါလေ။
ကျွန်တော်စိတ်ထဲက စိတ်အညစ်အကြေးတွေကို သန့်စင်ပြီး ဖွေးဖွေးဖြူဖို့ကတော့…ကိုယ်တိုင် လျှော်ဖွပ် ရတော့မှာပါလား။
မောင်ပိုင်
၁၂-၈-၂၀၁၃။ — with William Tuntunko and 11 others.