အိပ်မက်မဟုတ်ဘူးးးတကယ် အပိုင်း၂

ညဆယ်နာရီခွဲလောက်မှာပဲ စခန်းချရမယ့် တောတွင်းက ကမ့်ပ်တဲအစုတ်လေး ဆီကို ဆိုက်ရောက်ခဲ့ကြပါသတဲ့ကွယ်။အရင်ရောက်နှင့်နေတဲ့ ရစ်ကီခေါ် ရှေ့ပြေးအဖွဲ့တွေက မီးမွှေးပြီး ဟန်းကောတွေနဲ့ ထမင်းချက်နေကြပါသတဲ့ကွယ်။ အားကိုးရပြီး မာတဲ့အဖွဲ့ဝင်တွေကို နောက်ဆုံးကနေ ချန်လျှောက်ပြီး ဘက်ကီလုပ်ခိုင်းထားတဲ့ အဖွဲ့လည်းရှိသတဲ့ကွယ်။ 

ကောင်မလေးတို့က ဘက်ကီအဖွဲ့နဲ့အတူတူပန်းဝင်လာခဲ့ကြတယ်ပေါ့ကွယ်။ ဘာဖြစ်လို့လည်း ဆိုတော့ မလျှောက်နိုင်တော့လို့ တရွတ်ဆွဲနေတဲ့ ကောင်မလေးတို့အဖွဲ့ကို ဘက်ကီတွေက စောင့်ခေါ်ပေး နေရလို့ပါတဲ့ကွယ်။ဒီလိုနဲ့ နောက်ကျတဲ့အတွက် အိပ်စရာနေရာကလည်း တဲပေါ်မှာမကျန်တော့ဘူးတဲ့ကွယ်။တဲရဲ့နောက်ဆုံးကျကျနေရာမှာလွတ်နေတာတွေ့လို့ အပြေးအလွှားသွားတော့ ကြမ်းကျွံနေတဲ့ အပေါက်ကြီးကို တွေ့ရပါလေရောတဲ့ကွယ်။

ကောင်မလေးလည်း လွတ်တဲ့နေရာလေးကိုပဲ အရယူပြီး သူငယ်ချင်းသုံးယောက် ဖြစ်သလို အနားယူဖို့ပြင်ဆင်ပေးပါသတဲ့ကွယ်။ဒါပေမယ့် ကြမ်းပေါက်ကျယ်နေရာကို ဘာလုပ်ရမှန်းမသိဖြစ်နေခဲ့ပါသတဲ့။သံပုရာချိုဟာ တဲအောက်ပြန်ဆင်းပြီး ထမင်းချက်နေတဲ့ အဖွဲ့တွေထဲက ထင်းချောင်းတစ်ချောင်း ဆွဲယူလာပြီး ကြမ်းပေါက်ကြီးပေါ်ကို ကန့်လန့်ဖြတ်တင်၊ အဲ့ဒီအပေါ်ကို ညစ်ပတ်မဲတူးနေတဲ့ ဝေါ့ကင်းရှူးလေးထပ်တင်ပြီးးး အဲ့ဒီဝေါ့ကင်းရှူးကိုခေါင်းအုံးပြီး ကျောပိုးအိတ်ကို ဖက်လုံးလုပ်ပြီး "ဘာကိစ္စရှိရှိ ငါ့ကိုလာမနှိုးကြနဲ့။" လို့မှာကြားပြီး ဇီဇာကြောင်ပြီး ရွံတတ်တဲ့ သံပုရာချိုတစ်ယောက် အိပ်ပျော်သွားရှာသတဲ့ကွယ်။

ကောင်မလေးနဲ့ မိုးမိုးတို့လည်း သူတို့သူငယ်ချင်းအဖြစ်ကိုကြည့်ပြီး မရယ်ပဲ မနေနိုင်ကြတော့ပါဘူးတဲ့ကွယ်။တဲအောက်ကိုဆင်းလာတော့ ကောင်လေးကထမင်းချက်နေရာကနေ ကောင်မလေးကိုလှမ်းခေါ်လိုက်သတဲ့။ "ထမင်းကကျက်တော့မှာပါ။ခဏနေရင် စားလို့ရပြီနော်။ ဗိုက်ဆာနေပြီလားးး" "ရပါတယ်မဆာပါဘူးးး အမောလွန်နေလို့ မဆာသေးပါဘူးး။" "Girl... ဟိုးအပေါ်ကိုမော့ကြည့်လိုက် ကြယ်မှုန်လေးတွေ ပြည့်ကျပ်နေတာ နေရာလပ်မရှိဘူးနော်။" "ကိုက ကြယ်တွေကို ကြည့်ရတာ သဘောကျတယ်ပေါ့!! Girlလည်းကျောက်ဆည်ကအိမ်မှာဆို ခြံထဲဆင်းပြီး ကြယ်တွေကို ကြည့်လေ့ရှိတယ်။" "ကို...ငယ်ငယ်ကတော့ အိမ်ရှေ့က ကွပ်ပျစ်ပေါ်မှာ အိပ်ပြီးကြည့်လေ့ရှိတယ်။ခုတော့မန္တလေးရဲ့ ပြောင်းလဲလာတဲ့ မြို့ပြပုံစံတွေကြောင့် ဘာကြယ်မှ မမြင်ရတော့ပါဘူးကွာ။Girl ကလည်းကိုနဲ့ ဝါသနာတူတယ်နော်။" "ဟိုးးးက နဂါးငွေ့တန်းကိုတွေ့လားကို..." "အင်းးးတွေ့တယ်။သစ်ပင်တွေ ကွယ်နေတော့ တစိတ်တပိုင်းပဲမြင်ရတယ်နော်။ နေရာရွှေ့ကြည့်ကြမလားးး "

"ဟေ့ကောင်ဆန်းမင်းးး... ထမင်းကျက် နေပြီနော် မစားတော့ဘူးလားးး မစားလည်းရတယ်ဇွတ်မကျွေးဘူး၊မင်းယူလာတဲ့ဟင်းထုပ်ပဲပေး။" "Girlရေ ကိုတို့ထမင်းသွားစားကြစို့နော်။" ထမင်းပူပူတွေကို ဟန်းကောအဖုံးထဲ ထည့်စားတဲ့သူ၊ ထမင်းဘူးထဲထည့်စားတဲ့လူတွေရှိသလို ဝါရင့်တောင်တက်သမားတွေကတော့ကျွတ်ကျွတ်အိတ်ထဲထည့်ပြီး တစ်ခါသုံးလက်အိတ်စွပ်ထားတဲ့လက်နဲ့ အားရပါးရစားကြပါတယ်တဲ့။ဟင်းတွေကလည်း တစ်ယောက်၃မျိုးဆီလောက်ထည့်လာ ကြတော့ အမျိုးအစားစုံလင်ပြီး ဘုန်းကြီးဆွမ်းပွဲကြီးလိုပါပဲတဲ့ကွယ်။ ဒါကိုပဲ ဟိုဘက်ဝိုင်း ဒီဘက်ဝိုင်းကူးပြီး ဟင်းယူတဲ့လူတွေနဲ့ စည်ကားသိုက်မြိုက်ပြီး ဆူဆူညံညံဖြစ်နေခဲ့ကြတာပေါ့ကွယ်။ 

စားသောက်ပြီးကြတော့ ပါလာတဲ့ ကော်ဖီမစ် တီးမစ်တွေနဲ့ မုန့်မျိုးစုံကို အချိုတည်း ကြပြန်ပါတယ်။အဖွဲ့ခေါင်းဆောင်က ကျွတ်ကျွတ်အိတ်ခွံတွေ၊ချိုချဉ်ခံွံတွေနှင့်တကွ အမှိုက်သရိုက်နှင့် စွန့်ပစ်ပစ္စည်းဟူသမျှကို စနစ်တကျ ကောက်ယူသိမ်းဆည်းခိုင်းပါသတဲ့ကွယ်။ လမ်းတစ်လျှောက်လည်း အမှိုက်မှန်သမျှကို မပစ်ရဘဲ သိမ်းဆည်းယူဆောင်လာရတဲ့ အိတ်တွေကိုပါ ထုတ်ယူခိုင်းပြီး အားလုံးကို မီးရှို့ဖျက်ဆီးစေပါသတဲ့ကွယ်။ပြီးရင်အပေါ့အလေးသွားဖို့ ယောက်ျားလေးသပ်သပ် မိန်းကလေးသပ်သပ် ဆန့်ကျင်ဘက် အရပ်မျက်နှာတွေကို သတ်မှတ်ပေးပါတယ်တဲ့။

ညဆယ့်နှစ်နာရီအတိမှာ အိပ်ရာဝင်ခိုင်းပြီး ယောက်ျားလေးတွေက တဲအပြင်ဘက်မြေပြင်ပေါ်က မီးပုံဘေးမှာ ဖြစ်သလိုအိပ်ကြရသတဲ့ကွယ်။ "နောက်မှပဲ Girl နဲ့အတူတူ နဂါးငွေ့တန်းကို ကြည့်ပြီး နက္ခတာရာတွေကို အမျိုးအစားနဲ့ နာမည်တွေပါခွဲပြီး ရှင်းပြပေးမယ်နော်။ခုတော့သွားအိပ်ချည်တော့။ဆရာကကြည့်နေတယ်။ တော်ကြာဆူခံရလိမ့်မယ်။" "ဂွတ်နိုက်ပါ.." မနက်၅နာရီထိုးလို့မနိုးသေးသူတွေကို နှိုးကြရာကနေ ဆူဆူညံညံဖြစ်လာပြီး ကောင်မလေးတစ်ယောက် အိပ်ရာကနိုးလာချိန်မှာတော့ သူမရဲ့ သူငယ်ချင်းသံပုရာတစ်ယောက်က ဖီးလိမ်းပြင်ဆင်ပြီး အဆင်သင့် အနေအထားနဲ့ ကျောပိုးအိတ်ကို ရင်မှာပိုက်ရင်း ပြုံးပြုံးကြီး ထိုင်ကြည့်နေတာကို တွေ့လိုက်ရ သတဲ့ကွယ်။ 
မျက်နှာသွားသစ်ရင်း မိုးမိုးကပြောတယ် "ဒီလောက်ပင်ပန်းပြီး တောထဲတောင်ထဲရောက်နေတာတောင် အလှပြင်မပျက်ဘူးးး မက်စ်ကာလာတွေ သုံးထားလိုက်တာ မျက်တောင်တု ကြီးကြလို့။ သူ့ကျောပိုးအိတ်ထဲလည်း အဲ့ဒါတွေနဲ့ ပြည့်နေပုံရတယ်။နင့်သူငယ်ချင်းကို ကြည့်လို့ကိုမရဘူးးး။ " "ကိုယ့်ဝါသနာနဲ့ကိုယ်ပဲကွယ်... ပြီးတော့ အဆောင်မှာ တစ်ခန်းထဲအတူတူ နေနေကြတာ သူလည်းမိုးမိုးရဲ့သူငယ်ချင်း ပဲလေ။"

အဆင်သင့်တည်ပြီးသားရေနွေးကို ဟန်းကောထဲကယူပြီး ကော်ဖီဖျော်ကြ သောက်ကြစားကြနဲ့ မနက်၆နာရီအတိမှာ တန်းစီလူစစ်ကြပြီး ခြေလျင်ခရီးကို တဖန်ပြန်လည်စတင်ခဲ့ပါတယ်တဲ့။ ဒီတစ်ခါတော့ ကောင်လေးက ကောင်မလေးရဲ့ အနောက်ကနေ မခွာတမ်း ဖေးကူမရင်း လိုက်လာခဲ့ပါသတဲ့ကွယ်။ မိုးမိုးအပါအဝင် သူငယ်ချင်းတွေက အလိုက်တသိ ဖာသိဖာသာ နေကြသလောက် သံပုရာကတော့ ကောင်လေးနဲ့ကောင်မလေးကြားကို စကားတွေပြောရင်း ဝင်နှောင့်ယှက်လိုက် ခဏထိုင်နားရင်လည်း လူကိုယ်တိုင် ဝင်နှောင့်ယှက်လိုက်နဲ့ ဆိုတော့ သိပ်ပြီးလွတ်လပ်ပျော်ရွှင်စွာ စကားပြောခွင့် မရကြရှာဘူးပေါ့ကွယ်။ 
အလိုက်ကမ်းဆိုးမသိတဲ့ သံပုရာကို မိုးမိုးက မျက်စောင်းထိုးလိုက် ဘုကြည့်ကြည့်လိုက်နဲ့ လျှောက်နေကြတာဟာ မနက်၇နာရီလောက်မှာပဲ ကျောက်ခေတ်လူသားတွေ နေထိုင်ခဲ့တဲ့ ပြဒါးလင်းဂူကြီးဆီကို ဆိုက်ရောက်သွားကြ ပါသတဲ့ကွယ်။ကျောက်ခေတ်လူသားတွေ နေထိုင်ခဲ့တဲ့ဂူကြီးဟာ ကြီးမားကျယ်ပြန့်ပြီး ရင်သပ်ရှုမောဖွယ်ရာ လှပပါသတဲ့ကွယ်။ လှိုင်ဂူရဲ့ အလယ်ဗဟို တည့်တည့်အပေါက်နေရာက အလင်းရောင်တန်းကြီး ကနေ အရောင်တွေဖြာကြနေလိုက်တာ ကျောက်စက်ပန်းဆွဲတွေနဲ့ ကျောက်စက်မိုးမျှော်တွေရဲ့ စကျင်ကျောက်တွေလိုမာကျောတဲ့ကျောက်သားတွေက အရောင်တွေကို တဖျပ်ဖျပ်လက်စေ သတဲ့ကွယ်။ 

"ကျောက်ခေတ်လက်ရာ ပန်းချီတွေကဘယ်မှာလဲဟင်!!!""ဒါကဂူအမှတ်၂လေသမီးရဲ့။ကျောက်ခေတ်လူသားတွေရဲ့ လက်နက်တွေ၊အသုံးအဆောင်ပစ္စည်းတွေ တွေ့ရှိပေမယ့် ပန်းချီတော့မရှိဘူးသမီးရဲ့ " လမ်းပြလုပ်ပြီးရှင်းပြပေးနေတဲ့ ရှေးဟောင်းသုတေသနက ဒေသခံဝန်ထမ်း ဦးလေးကြီးက ပြန်ဖြေလိုက်ပါတယ်။ "သံပုရာချဉ်ကတော့ ပါးစပ်ပိတ်ပြီးကို မနေနိုင်ဘူးနော်။ အံ့ရော။" မိုးမိုးစကားအဆုံးမှာ ကောင်မလေးနဲ့ကောင်လေးက ရယ်ချင်စိတိကို ချိုးနှိမ်ပြီး ပြုံးရုံပြုံးလိုက်ကြပေမယ့် သံပုရာကတော့ သူ့ပြောတာမဟုတ်သလိုပဲ လုပ်နေပါတယ်။ မိနစ်၂၀ခန့်နေတော့ အားလုံးကို အပြင်ထွက်ခိုင်းပြီး လူအမြန်စစ်ပါတယ်။ လူစုံတော့ဂူအမှတ်၁ကို ဆက်လက်ထွက်ခွာ ကြပြန်ပါသတဲ့ကွယ်။

ဆယ့်ငါးမိနစ်လောက် လမ်းလျှောက်လိုက်တော့ ဂူအမှတ်၁ကို ရောက်သွားကြသတဲ့ကွယ်။ကောင်မလေး စတင်သတိထားမိလိုက်တာကတော့ ဆေးအနီရောင် ရဲရဲစိုစိုလေးတွေနဲ့ ရေးဆွဲထားတဲ့ နေမင်းရဲ့ပုံပါပဲ။ ဂူသားမျက်နှာပြင်က ခပ်ချိုင့်ချိုင့် ဖြစ်နေတဲ့ နေရာပြောင်ချောချောလေးပေါ်မှာ ဝိုင်းစက်ညီညာအောင် ရေးဆွဲထားတဲ့ စက်ဝိုင်းလေးပါ။ စက်ဝိုင်းလေးကို နေမင်းရဲ့ရောင်ခြည်အဖြစ် အလင်းတန်းတွေက ဝန်းရံထားပါတယ်။

"ကမ္ဘ္ဘ္ဘာ့ပညာရှင်တွေက ကျောက်ခတ်လူသားရဲ့ပန်းချီပုံတွေထဲမှာ ဒီပြဒါးလင်းဂူက နေမင်းပုံကို သဘောအကျဆုံး အချီးကျူးဆုံးပဲကွယ့်။ တခြားကျောက်ခေတ် ပန်းချီပုံတွေက နေမင်းမှာ ရေးစ်တွေမပါဘူးလေ။ ဒီဂူက ကျောက်ခေတ်လူသားကသာ နေမင်းကို ရောင်ခြည်တွေ ထည့်ဆွဲပေးထားတာပေါ့။ ဒီပြဒါးလင်းဂူက ကျောက်ခေတ်လူသားရဲ့ ပန်းချီတွေဟာ သိပ်ကိုအံ့ချီးဖွယ်ကောင်းတဲ့ လက်ရာတွေပေါ့။" "Girl…လောလောဆယ် ဒီကပညာရှင်ဦးလေးပြောပြတာတွေ အရင်နားထောင်နှင့်နော်။ ပြီးရင် ကိုကဒီကျောက်ခေတ်ဂူအကြောင်းနဲ့ ပတ်သတ်တဲ့ ဖြစ်ရပ်မှန်ပုံပြင်လေး ပြောပြမယ်။" ချိုသာအေးမြတဲ့ အပြုံးလေးနဲ့အတူ ကောင်မလေးက ကောင်လေးကို ခေါင်းငြိမ့်ပြလိုက်ပါသတဲ့ ကွယ်။

"လူရဲ့လက်ဖျံရိုးပုံတွေ၊ စိုင်ပုံတွေ နွားသားအမိပုံတွေ၊လူ့ခြေထောက်ရိုးပုံတွေ ဟာ လက်ရာမြှောက်ပြီး ရှင်းလင်းသပ်ရပ်သလိုပဲ ဆေးသားကလည်း နှစ်ထောင်ပေါင်းများစွာကြာတာတောင် နီရဲလတ်ဆတ်နေတုန်းပါပဲ။ဂျပန်နဲ့ ပြင်သစ်ပညာရှင်တွေရဲ့ ပြောကြားချက်အရတော့ ဒီဆေးအနီဟာ တိရိစ္ဆာန်သွေးအပါအဝင် သစ်ခေါက်တွေနဲ့ ရောပြီးဖော်စပ်ထားပါတယ်။ထပ်ပြီးအံ့သြစရာကောင်းတာကတော့ ဆေးသားမပျက်အောင်၊ ခိုင်ခံ့အောင် သဘာဝပစ္စည်းတစ်မျိုးကို ထည့်ပြီး ချုပ်ဆေးအဖြစ် အသုံးပြုထားမှုပဲ ဖြစ်ပါတယ်။" "ကောင်းလိုက်တဲ့ တီထွင်ဖန်တီးမှုပါလားးးကျောက်ခေတ်ပန်းချီဆရာရယ်..." ကောင်မလေးက အားကျမှုတွေနဲ့ တီးတိုးရေရွတ် လိုက်ပါသတဲ့ကွယ်။

နေထက်ထက်အောင်