တစ်ရာခိုင်နှုန်းက အရေးကြီးသလား ပြုမူဆောင်ရွက်ချက်က အရေးကြီးသလား

သိန်းထက်အောင်

၂၀၁၃ခုနှစ် သြဂုတ်လ ၂၈ရက်နေ့က ကျင်းပသည့် ပြည်သူ့လွှတ်တော် သတ္တမပုံမှန် အစည်း အဝေးတွင် “လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်း” နှင့် ပတ်သက်၍ အပြန်အလှန် ဆွေးနွေးကြပြီး “ အခြေခံဥပဒေပုဒ်မ ၃၉၆၊ ပုဒ်မခွဲ(ခ)ကို အခြေခံဥပဒေ လေ့လာသုံးသပ်ရေး ပူးပေါင်းကော်မတီက ဆန်းစစ်လေ့လာမှု ပြုနေစဉ် ကာလအတွင်း ယင်းဥပဒေကြမ်းကို ဆိုင်းငံ့ထားရန် ဆုံးဖြတ်ခဲ့ပါသည်။” ဆွေးနွေးချက်များ အသေးစိတ်ကို မြန်မာ့အသံနှင့် နိုင်ငံပိုင်သတင်းတို့တွင်အသေးစိတ်ဖော်ပြ ခဲ့ပါသည်။


အဆိုပါကိစ္စနှင့် ပတ်သက်၍ ပြည်ထောင်စု ရွေးကောက်ပွဲကော်မရှင်က ပြည်ထောင်စု လွှတ်တော်နာယကထံ စာတစ်စောင်ပေးပို့ခဲ့ရာ ၎င်းစာ၏ ဆိုလိုရင်းမှာ “ ဖွဲ့စည်းပုံ အခြေခံ ဥပဒေပုဒ်မ ၃၉၆၊ ပုဒ်မခွဲ(ခ) အရ သက်ဆိုင်ရာမဲဆန္ဒနယ်၏ မူလမဲဆန္ဒရှင်များအနက် အနည်းဆုံး တစ် ရာခိုင်နှုန်း က တိုင်တန်းချက်ကို ကော်မရှင်သို့ တင်ပြရန်ဟူ၍ ပါရှိသော်လည်း ယင်းသို့တို်င်တန်းသည်နှင့်တစ်ပြိုင်နက် လွှ့တ်တော်ကိုယ်စား လှယ်များကို တာဝန်မှ ပြန်လည် ရုပ်သိမ်းမည် မဟုတ်ဘဲ ပုဒ်မခွဲ(ဂ) အရ ဥပဒေနှင့်အညီ စုံစမ်းစစ်ဆေးရမည် ဖြစ်ပါသည်။ တိုင်ကြားခံရသည့် ကာယကံရှင် လွှတ်တော်ကိုယ်စားလှယ်က ကိုယ်တိုင်၊ ကိုယ်စားလှယ်ဖြင့် ခုခံချေပခွင့် ရှိသည်။ ပုဒ်မခွဲ (င)အရ ပြည်ထောင်စုရွေးကောက်ပွဲ ကော်မရှင်က စုံစမ်း စစ်ဆေး၍ “တိုင်ကြားချက်မမှန်ကန်ပါက ပယ်မည်ဖြစ်ပြီး မှန်ကန်မှု ရှိလျှင်ပင်၊ ဆန္ဒမဲပေးပွဲ ထပ်မံပြုလုပ်ပြီး မဲဆန္ဒရှင်များ၏ ထက်ဝက်ကျော် ဆန္ဒမဲဖြင့်သာ ဆုံးဖြတ်ရမည် ဖြစ်ကြောင်း” အခြေခံဥပဒေနှင့်အညီ ရွေးဆွဲထားသည့် ဥပဒေကြမ်း၌ ထည့်သွင်း ဖော်ပြထားကြောင်း စသည်ဖြင့် ပါရှိပါသည်။

ထို့အပြင် ကော်မရှင်ဥက္ကဋ္ဌက ၎င်း၏ စာတွင် ဆက်လက်ဖော်ပြထားရာ၌ “ပြည်ထောင်စု လွှတ်တော်သည် အခြေခံဥပဒေပုဒ်မ ၃၉၇အရ တာဝန်မှ ပြန်လည် ရုပ်သိမ်းခြင်းဆိုင်ရာ ဥပဒေကို ပြဋ္ဌာန်းရမည်ဟု ဖော်ပြထားကာ ပုဒ်မ ၁၃၈အရလည်း ပြည်ထောင်စုအဆင့် အဖွဲ့ အစည်းတစ်ရပ်ရပ်က တင်သွင်းလာသော ဥပဒေကြမ်းများကို ဆွေးနွေးဆုံးဖြတ်ရမည် ဟူ၍သာ ပြဋ္ဌာန်းထားပြီး ဆိုင်းငံ့နိုင်ကြောင်း ပြဋ္ဌာန်းထားခြင်းမရှိသဖြင့် အခြေခံ ဥပဒေနှင့် မဲဆန္ဒရှင်များ၏ အခြေခံရပိုင်ခွင့်ကို လေးစား၊ အလေးထားသော အားဖြင့် အဆိုပါ ဥပဒေ ကြမ်းအား ဆက်လက်ဆွေးနွေးအတည်ပြုပေးပါရန် ဟူ၍ အကြုံပြုအပ်ပါ ကြောင်း” စသည်ဖြင့် ပါရှိပါသည်။

ပြည်သူ့လွှတ်တော်အစည်းအဝေး နောက်ဆုံးနေ့တွင် မီဒီယာများနှင့် တွေ့ဆုံရာ၌ ဒေါ်အောင်ဆန်းစုကြည်က “မီဒီယာများအနေဖြင့် သတင်းတွေကို ထည့်ရုံမကဘဲ သတင်းတွေ ကို သုံးသပ်နို်င်တဲ့ အခြေအနေမှာလဲရှိတယ်” ဟူ၍ ပြောဆိုခဲ့ရာ မတောက်တခေါက် စာရေးနေသူတစ်ဦးအနေဖြင့် မဟုတ်ဘဲ ပြည်သူတစ်ဦးအနေဖြင့် မီဒီယာမှတစ်ဆင့် ဆွေးနွေးလိုပါသည်။ ကျွန်တော်သည် ဥပဒေပညာရှင်တစ်ဦးမဟုတ်သဖြင့် ဥပဒေရေးရာများကို ဆွေးနွေးတင်ပြသွားမည်မဟုတ်ပါ။ သို့ရာတွင် ဥပဒေပါ အချက်အလက်တချို့ကို ထုတ်နုတ် ဖော်ပြမှသာလျှင် ပြည်စုံမည်ဖြစ်၍ ဥပဒေဖြင့် ကိုင်ပေါက်သည်ဟုလည်း မယူဆစေလိုပါ။

ပထမဆုံးတစ်ချက်အနေဖြင့် တစ်ရာခိုင်နှုန်းဆိုသည်ကို ပြောလိုပါသည်။ ပြည်သူ့ လွှတ်တော် ကိုယ်စားလှယ်နှစ်ဦးက ဆွေးနွှေးရာတွင် “တစ်ရာခိုင်နှုန်း ဆိုသော မဲဆန္ဒရှင် အရေအတွက် သည် မဲဆန္ဒနယ်မြေတစ်ခုတွင် အလွယ် တကူရနိုင်သော အရေအတွက် ဖြစ်၍ လွှတ်တော် ကိုယ်စားလှယ်များကို တစ်ရာခိုင်နှုန်းဖြင့်သာ ပြန်ခေါ်ရန်အတွက် လုပ်မည်ဆိုလျှင် ၎င်းကိစ္စ များဖြင့်သာ အလုပ်တွေရှုပ်နေမည်ဖြစ်ကြောင်း၊ ထို့ကြောင့် ဥပဒေပြဋ္ဌာန်းရေး ကိစ္စကို အခြေခံဥပဒေပြင်ဆင်ပြီးသည်အထိ စောင့်ဆိုင်းသင့်ကြောင်း” စသည်ဖြင့် ဆွေးနွေးပါသည်။ အခြေခံဥပဒေပုဒ်မ ၃၉၆(ခ)တွင် “သက်ဆိုင် ရာ မဲဆန္ဒနယ်၏ မူလမဲဆန္ဒရှင်များအနက် အနည်းဆုံး တစ်ရာခိုင်နှုန်း” ဟု ဆိုထားသည့်အတွက် ရွေးကောက်ခံ ကိုယ်စားလှယ်ကို မဲပေးသည့် မဲဆန္ဒရှင် များသာမကဘဲ တခြား( ရွေးကောက်မခံရသော ) ကိုယ်စားလှယ် လောင်းကို မဲပေးခဲ့သည့် မဲဆန္ဒရှင်များလည်း ပါဝင်သည့် သဘောဖြစ်၍ တစ်ရာခိုင်နှုန်း ဆိုသည်မှာ မနည်းသော အရေအတွက်ဖြစ်မည်ဟူ၍ ယူဆရပါသည်။ ဆိုလိုသည်မှာ မြန်မာနိုင်ငံတွင် မဲဆန္ဒရှင် ငါးသောင်းထက်နည်းသော မဲဆန္ဒနယ်ဟူ၍ အလွန်နည်းမည်ဟု ထင်ပါသည်။ ပျမ်းမျှခြင်း ငါးသောင်း ဟုပဲ ဆိုကြပါစို့။ ထိုငါးသောင်း၏ တစ်ရာနှုန်းမှာ ငါးရာဖြစ်ပါမည်။ ထို့ကြောင့် လွှတ်တော် ကိုယ်စားလှယ်တစ်ဦးကို တာဝန်မှ ပြန်လည်ရုပ်သိမ်း လိုသူသည် အနည်းဆုံး မဲဆန္ဒရှင် ၅၀၀၏ သဘောတူညီမှု လက်မှတ်များကို ရယူရမည် ဖြစ်ပါသည်။

အကယ်၍ လွှတ်တော်ကိုယ်စားလှယ်တစ်ဦးသည် မိမိတို့ထံမှ ဆန္ဒမဲများကို မတရား ရယူ သွားခြင်း၊ မိမိတို့အား လိမ်လည်ခြင်းနှင့် မိမိတို့ မဲဆန္ဒနယ်မြေ နှင့် မဲဆန္ဒရှင်များ၏ အကျိုးကို မဆောင်ရွက်ခြင်း၊ လျစ်လျူရှုခြင်း၊ ကတိ ကဝတ် ပျက်ကွက်ခြင်း စသည့်အချက်များ မဟုတ် ပါက မဲဆန္ဒရှင် ၅၀၀ ၏ လက်မှတ်များကို လိုက်လံစုစည်း ကောက်ယူရန်မှာ လွယ်ကူသော ကိစ္စ မဟုတ်ပါပေ။ လွှတ်တော်ကိုယ်စားလှယ်တစ်ဦးကို တမင်သက်သက် တာဝန်မှ ပြန်လည်ရုပ်သိမ်းလိုသည့်အတွက် မရိုးမဖြောင့်သော သဘောဖြင့် မဲဆန္ဒရှင် များထံမှ လက်မှတ်များကို မတရားရယူရန် ကြိုးစားပါက ထိုသို့ပြုလုပ်သူကို အရေးယူရန်အတွက် ဥပဒေတွင် ထည့်သွင်းပြဋ္ဌာန်းရန်လည်း လိုအပ်ပါသည်။

ထို့အပြင် လွှတ်တော်ကိုယ်စားလှယ်တစ်ဦးအား တာဝန်မှ ပြန်လည်ရုပ်သိမ်း ခွင့် ရှိသည် အကြောင်းရပ်များကို အခြေခံဥပဒေပုဒ်မ ၃၉၆(က)တွင် ပြဋ္ဌာန်း ထားသည်မှာ -

(၁) နိုင်ငံတော်၏ ကျေးဇူးသစ္စာတော်ကို ဖောက်ဖျက်ခြင်း၊
(၂) ဤဖွဲ့စည်းပုံအခြေခံဥပဒေပါ ပြဋ္ဌာန်းချက်တစ်ရပ်ရပ်ကို ဖောက်ဖျက်ကျူး လွန်ခြင်း၊
(၃) အကျင့်သိက္ခာပျက်ပြားခြင်း၊
(၄) ဤဖွဲ့စည်းပုံအခြေခံဥပဒေတွင်သတ်မှတ်ထားသည့် သက်ဆိုင်ရာ လွှတ်တော် ကိုယ်စားလှယ်၏ အရည်အချင်း ပျက်ယွင်းခြင်း၊
(၅) ဥပဒေအရ ပေးအပ်သော တာဝန်များကို ကျေပွန်စွား မဆောင်ရွက်ခြင်း စသည့် အချက်များပင် ဖြစ်ပါသည်။

အထက်ပါ အချက်များကိုကြည့်လျှင် ကျွန်တော်တို့၏ ဂုဏ်သရေရှိ လွှတ်တော် ကိုယ်စားလှယ် ကြီးများအနေဖြင့် တစ်ချက်မျှ ငြိစွန်းစရာ အကြောင်းမရှိဟု ထင်မြင်ယူဆပါသည်။ သို့ရာတွင် ကိုယ်စားလှယ်တော်ကြီးများသည် မည်သည့် အချက်ပေါ်တွင် စိုးရိမ်ပူပန်မှု ဖြစ်နေကြ ပါသနည်း။ ဤအချက်မှာ စဉ်းစာစရာ ပင် ဖြစ်ပါသည်။ လွှတ်တော်တွင် ဆွေးနွေးတင်ပြ အကြောင်းပြသည့် အချက် များမှာလည်း အမှန်တကယ်တော့ ကျိုးကြောင်းခိုင်လုံသည့် တင်ပြချက်များ မဟုတ်ကြပါ။

ကိုယ်စားတော်ကြီးများ အဓိကစိုးရိမ်သည့် တစ်ရာခိုင်နှုန်းဆိုသည့် ကိစ္စမှာလည်း ညောင်နှစ်ပင်ထွက် ကိုယ်စားလှယ်ကြီးများ ပါပါလျက်နှင့် ထိုအခြေခံမူကို ညောင်နှစ်ပင်တွင် အတည်ပြုခဲ့စဉ်က မည်သည့်အတွက် ကန့်ကွက် စကားမဆိုခဲ့ကြပါသနည်း။ အဆိုပါကိစ္စ ဆွေးနွေးစဉ်က အိပ်ငိုက်နေသောကြောင့်လား။ တစ်စုံတစ်ရာကိ စိုးရိမ်ထိတ်လန့်နေသည် ကြောင့်လား။ သို့မဟုတ်ပါကလည်း မိမိတို့ကိုယ်မိမိတို့ တစ်ချိန်တွင် လွှတ်တော်ကိုယ်စားလှယ် ဖြစ်လာလိမ့်မည်ဟု မထင်ကြသောကြောင့်လား။ တစ်ခုခုသော အကြောင်းကြောင့်တော့ ဖြစ်မည်ဟု ထင်မြင်ယူဆပါသည်။ အကယ်၍ အထက်ဖော်ပြပါ တစ်ခုခုသော အကြောင်း ကြောင့် မဟုတ်ဘူးဟု ဆိုလျှင် ကျွန်တော်တို့တစ်တွေ ၂၀၁၀ ရွေးကောက်ပွဲ ကျင်းပစဉ်က ကြားခဲ့ကြသော ကောလဟာလများအတိုင်း အမှန်တကယ်ဖြစ်ခဲ့ကြ၍ များလားဟု မတွေး ကောင်း၊ မထင်ကောင်း ထင်မြင်ယူဆမိပါသည်။ ၂၀၁၀ ရွေးကောက်ပွဲ ကျင်းပသည့် ကာလက ထွက်ပေါ်ခဲ့သော သတင်းများမှာ အများသိပြီးဖြစ်ကြသည့်အတိုင်း အမှန်သတင်းများ၊ မမှန်သတင်းများ၊ အမှန်တစ်ဝက် မမှန်တစ်ဝက် (တစ်ဝက်တစ်ပျက်အမှန်) သတင်းများ စသည်ဖြင့် သတင်းအမျိုးအစား စုံလင်လှပါသည်။ ရပ်ကွက်တွင်းရှိ ခရီးမသွား၊ ဆေးရုံမတက်၊ အချုပ်ခန်းမရောက်သော်လည်း ကြိုတင်ဆန္ဒမဲ ပေးသူ စာရင်းတွင် ပါဝင်နေသူများ၊ မဲရုံအတွင်းသို့ ရောက်ရှိပြီး၍ ဆန္ဒမဲလက်မှတ် ထုတ်ယူရန် လက်မှတ်ရေးထိုးမည်လုပ်ကာမှ မိမိအမည်နေရာတွင် အခြားသူ တစ်ဦးက လက်မှတ်ရေးထိုးထားပြီး ဆန္ဒမဲလက်မှတ် ထုတ်ယူ ထားသည့် ကိစ္စများ၊ မဲရုံကို စောပိတ်၍ နောက်ကျရောက်ရှိ လာသူများကို အဝင်မခံတော့ ဘဲ ၎င်းတို့ကိုယ်စား မဲရုံမှူးနှင့် မဲရုံအဖွဲ့ဝင်များက ဆန္ဒပြုခဲ့ကြသည့် သတင်း များ မှာ ကြားရသော် လည်း မည်သို့မျှ ယုံနိုင်စရာ၊ ယုံချင်စရာမရှိသော သတင်းများပင်ဖြစ်ကြပါသည်။

ကျွန်တော်သည် ထိုသတင်းများကို ယုံကြည်ခြင်းလည်း မရှိပါ။ ယုံကြည်ရန် လည်း မကြိုးစားပါ။ ရွေးကော်ပွဲတွင် ရှုံးနိမ့်သူများနှင့် ယင်းတို့ကို ထောက်ခံသူ များ၏ မလိုတမာ အသံများဟုပင် မှတ်ယူခဲ့ပါသည်။ ကျွန်တော်ယုံကြည်သည် ကတော့ ပါတီအသီးသီးက ရွေးကောက်တင် မြှောက်ခံခဲ့ကြရသည့် လွှတ်တော် ကိုယ်စားလှယ် အသီးသီးသည် ပြည်သူတွေက အမှန် တကယ်လိုလား၍၊ အမှန်တကယ် ယုံကြည်၍၊ အမှန်တကယ် အားကိုးကြ၍သာ မိမိတို့၏ အသဲကြားမှ မဲတစ်ပြားကို စေတနာ၊ သဒ္ဒါတရား အပြည့်ဖြင့် ပေးခဲ့သည် ဟူ၍သာ မှတ်ယူပါ သည်။ ကိုယ်စားလှယ်တော်ကြီးများ အနေဖြင့်လည်း မိမိကိုယ်မိမိ ထိုသို့ပင် မှတ်ယူစေချင် ပါသည်။ မိမိကိုယ်မိမိ ယုံကြည်မှု ရှိစေချင်ပါသည်။ လွှတ်တော် အတွင်း၊ လွှတ်တော်အပတွင် မိမိကိုယ်မိမိ ယုံကြည်မှုရှိစွာဖြင့်နိုင်ငံတော်နှင့် မိမိကိုယ်စားပြု မဲဆန္ဒနယ်မြေ၏ အကျိုးအတွက် အဆိုများတင်သွင်းခြင်း၊ မေးခွန်းများမေးမြန်းခြင်းဖြင့် မဲဆန္ဒရှင် ပြည်သူတို့၏ ယုံကြည်မှုကို ရရှိမည်ဖြစ်ပါသည်။

ဤကဲ့သို့ မဲဆန္ဒရှင်များက မိမိတို့အပေါ် ယုံကြည်မှုရှိလာမည်ဆိုလျှင် (၂၀၁၀ ပြည့်နှစ်က မကျေမနပ်နှင့် ဆန္ဒမပါဘဲနှင့် ဆန္ဒပြုခဲ့ကြရသည့်တိုင်) ယခုအခါ တစ်စုံတစ်ဦးက လာရောက် ၍ စည်းရုံးဆွဲဆောင်သော်လည်း မည်သူမျှ မိမိအား ကိုယ်စားလှယ်အဖြစ်မှ ပြန်လည် ရုပ်သိမ်းရန် လက်မှတ်ရေးထိုး ပေးတော့မည် မဟုတ်ပါ။ ဤနေရာတွင် တစ်ခု ပြောလိုသည်မှာ လွှတ်တော် ကိုယ်စားလှယ်များတွင် မိမိကိုယ်စားပြုရာ မဲဆန္ဒနယ်မြေတွင် မွေးဖွားကြီး ပြင်း၍ ထိုဒေသတွင်ပင် ကျောင်းနေကြီးပြင်းခဲ့သူများနှင့် ယခု ရွေးကောက်ပွဲ ကာလကျမှ လာရောက် မဲဆွယ်စည်းရုံး၍ ခါတော်မီဒေသ ကိုယ်စားပြု ကိုယ်စားလှယ်များလည်း ရှိနိုင်ပါသည်။ အဆိုပါ ပုဂ္ဂိုလ်များ ကိုလည်း အကြံပြုလိုသည်မှာ မိမိသည် မိမိကိုယ်စားပြုရာ မဲဆန္ဒနယ်မြေတွင် မွေးဖွားကြီးပြင်းခဲ့ခြင်း မဟုတ်သော်လည်း ထိုဒေသ၏ အကျိုးစီးပွားနှင့် နိုင်ငံတော်၏ အကျိုး စီးပွားကို မျှတစွာဆောင်ရွက်ခြင်းဖြင့်ဒေသခံမဲဆန္ဒရှင် များက မိမိအား ကြည်ညို လေးစား အားကိုးလာကြမည်ဖြစ်ရာ ကိုယ်စားလှယ် အဖြစ်မှ ပြန်လည်ရုပ်သိမ်းခြင်း ခံရမည်ကို စိုးရိမ် စရာလည်း မလိုတော့ပါ။

ဤနေရာတွင် ကျွန်တော်၏ ကိုယ်တွေ့အတွေ့အကြုံကိုလည်းတင်ပြလို ပါသည်။ ကျွန်တော် သည် ပြည်သူ့တာဝန်ထမ်းဘဝတွင် နှစ်ပေါင်းများစွာ ကျင်လည်ခဲ့သည်ဖြစ်ရာ နယ်စပ်ဒေသ အပါအဝင် သွားလာရေးခက်ခဲသော ဝေးလံခေါင်ဖျားဒေသများနှင့်တိုင်းဒေသကြီးရှိ မြို့ကြီးများတွင် လှည့်လည် တာဝန် ထမ်းဆောင်ခဲ့ရပါသည်။ ထိုသို့ တာဝန်ထမ်းဆောင် ခဲ့ရာတွင် မိဘ၊ ဆရာသမားများ၏ ဆိုဆုံးမစကားများကို မှတ်သားနာယူ၍ ရောက်လေရာ အရပ်ကို ကိုယ့်ဇာတိလိုသဘောထားကာ ဒေသအကျိုး၊ ဒေသခံတိုင်းရင်းသား ပြည်သူတို့၏ အကျိုးကို အလေးထားဆောင်ရွက်ခဲ့သည့်အတွက် နောက်ပိုင်း တွင် ထိုဒေသတချို့သို့ သွားရောက်လည်ပတ်သည့်အခါ ဒေသခံတချို့တို့က လှိုက်လှဲပျူငှာ ကြိုဆိုဧည့်ခံ ကြရုံမျှမက ဆရာတော်၊ သံဃာတော်တချို့ကပင် ၎င်းတို့ထံ လာရောက်တည်းခို၍ ကားကိုပင် အသုံးပြုရန် ခွင့်ပြုပေးသည်အထိ စိတ်ကြည်နူးချမ်းသာမှုကို ရရှိခဲ့ရပါသည်။

လွှတ်တော်ကိုယ်စားလှယ်များအား တာဝန်မှပြန်လည်ရုပ်သိမ်းသည့် ဥပဒေနှင့် ပတ်သက်၍ ပြည်ထောင်စုရွေးကောက်ပွဲ ကော်မရှင်က အကြံပြုစာပေးပို့ခဲ့ သည့်အပေါ် ပြည်သူ့လွှတ်တော် ကိုယ်စားလှယ် ဦးဝင်းမြင့်က “ကိုယ်စားလှယ် အဖြစ်ကနေ ရုပ်သိမ်းဖို့ တစ်ရာခိုင်နှုန်းကနေ တင်ပြတယ်ဆိုတာ တရားမျှတမှု မရှိဘူး။ တစ်ရာခိုင်နှုန်းဆိုတာ သူ့ကို ရှုံးတဲ့ပြိုင်ဘက်ရနိုင်တဲ့ ပမာဏပဲ။ လူတစ်သိန်းမှာ ၁၀၀၀ က ကန့်ကွက်တယ်ဆိုတာ တရားမျှတမှုမရှိဘူး” ဟူ၍ ပြောဆိုခဲ့သလို ပြည်သူ့လွှတ်တော်ကိုယ်စားလှယ် ဦးရဲထွန်းက “တစ်ရာခိုင် နှုန်း ဆိုတာ တိုင်ကြားသူ အရေအတွက်သာဖြစ်ပြီးတော့ ဆုံးဖြတ်ပိုင်ခွင့် အရေအတွက်မဟုတ်ပါဘူး။ ကျွန်တော်တို့က ပြည်သူလူထုရဲ့ ရပိုင်ခွင့်တွေကို အခြေခံ ဥပဒေ အရ အာမခံတဲ့ဟာကို ဟန့်တားအောင်မလုပ်သင့်သလို နှောင့်နှေးအောင် မလုပ်သင့်ဘူးလို့ ထင်တယ်။ ကျွန်တော့် အနေနဲ့ ပြောရရင် ကော်မရှင်လုပ်တာ တရားမျှတပါတယ်” ဟု ပြောပါသည်။ (Flower News Vol-9/ No-34)။ ဒေါ်အောင်ဆန်းစုကြည်ကမူ ၎င်းအနေဖြင့် တစ်ရာခိုင်နှုန်းကို အလွန်နည်း သည်ဟုထင်ကြောင်း၊ ရွေးကောက်ပွဲတွင် တစ်ရာခိုင်နှုန်းနှင့်ပင် ကပ်၍နိုင်နိုင်ကြောင်း၊ အခြေခံ ဥပဒေပါအချက်များကို ပြန်၍ လေ့လာ စဉ်းစားရမည် ဖြစ်ကြောင်း၊ မီဒီယာများအနေဖြင့် ပြည်သူနှင့် ပို၍ထိတွေ့မှုရှိပြီး နိုင်ငံရေးဖြစ်စဉ်များကိုလည်း လေ့လာသုံးသပ်နိုင်သည့် အခြေအနေရှိသူ များဖြစ်၍ မျှမျှတတ စဉ်းစားသုံးသပ်ရန်သာ ဖြစ်ပါကြောင်း စသည်ဖြင့် ပြောကြားပါသည်။ (The STREET VIEW Journal 2-9-2013)

ယနေ့နိုင်ငံ့ဝန်ထမ်း (ပြည်သူ့ဝန်ထမ်းများ) သည်ပြည်သူကို ကိုယ်စားပြု၍ လည်းကောင်း၊ နိုင်ငံကို ကိုယ်စားပြု၍လည်းကောင်း မြန်မာပြည်အနှံ့အပြား တွင် ကျရာတာဝန်ကို ထမ်းဆောင် လျက်ရှိကြပါသည်။ ဝန်ထမ်းများမှာ အခြေခံဥပဒေအပါအဝင် အများပြည်သူများ လိုက်နာ ရသည့် တည်ဆဲ ဥပဒေများနှင့် ဝန်ထမ်းများသီးသန့်လိုက်နာရမည့် ဝန်ထမ်းဆိုင်ရာ ဥပဒေ၊ စည်းမျဉ်း၊ စည်းကမ်း၊ အမိန့်၊ ညွှန်ကြားချက်များကို လိုက်နာကြရပါသည်။ အဆိုပါ လိုက်နာရမည့် အချက်များကို မလိုက်နာဘဲ ပျက်ကွက်ကြောင်း တာဝန်ရှိသူက သိရှိလျှင် ဖြစ်စေ၊ ပြည်သူတစ်ဦးတစ်ယောက် (တိုင်ကြားသူ အရေအတွက်မည်မျှဖြစ်စေ) က တိုင်ကြား၍ ဖြစ်စေ သက်ဆိုင်ရာဌာန အကြီးအကဲ၊ တာဝန်ရှိသူသည် ပဏာမ စုံစမ်းစစ်ဆေးခြင်းနှင့် ဌာနဆိုင်ရာ စုံစမ်းစစ်ဆေးခြင်းကို အဆင့်ဆင့် ဆက်လက် ဆောင်ရွက်ရပါသည်။ ထိုသို့ စစ်ဆေး၍ အပြစ်ရှိကြောင်းပေါ်ပေါက်ပါကကျူးလွန်သော ပြစ်မှု အကြီး အသေးအလိုက် သတိပေးခြင်း ပြစ်ဒဏ်မှသည် အလုပ်မှထုတ်ပစ်ခြင်းအထိ ပြစ်ဒဏ်များ ချမှတ်နိုင်ပါသည်။ ဆိုလိုသည်မှာ ဝန်ထမ်းတစ်ဦးကို အရေး ယူဆောင်ရွက်ရန်အတွက် တိုင်ကြားသူ အရေ အတွက်သည် အဓိကမဟုတ်ဘဲ ၎င်းဝန်ထမ်း၏ ဥပဒေ၊ စည်းမျဉ်း၊ စည်းကမ်းချိုးဖောက်မှု၊ အကျင့်စာရိတ္တ ပျက်ပြားမှု တစ်နည်းအားဖြင့် ၎င်း၏ ပြုမူ ဆောင်ရွက် ချက်များသည် အဓိကဖြစ်ကြောင်းတွေ့ရပါသည်။

လွှတ်တော်ကိုယ်စားလှယ်များသည် သက်ဆိုင်ရာ မဲဆန္ဒနယ်များရှိ မဲဆန္ဒရှင် ပြည်သူများက ရွေးချယ်တင်မြှောက်လိုက်သည့် ပြည်သူ့ကိုယ်စားလှယ်များ ဖြစ်ရာ အခြေခံဥပဒေနှင့် တည်ဆဲ ဥပဒေများအပြင် လွှတ်တော်ဆိုင်ရာ ဥပဒေ၊ နည်းဥပဒေများ၊ လွှတ်တော် ကိုယ်စားလှယ်များ လိုက်နာ စောင့်ထိန်း ရမည့် ကျင့်ဝတ်၊ ကိုယ်ကျင့်တရားနှင့် တာဝန်ဝတ္တရားများကို လိုက်နာ စောင့်ထိန်းနေကြရသူများဖြစ်ပါသည်။ ထိုသို့လိုက်နာစောင့်ထိန်းမှု ရှိ/မရှိ ကိုလည်း သက်ဆိုင် ရာ လွှတ်တော်ဥက္ကဋ္ဌများအပြင် မဲဆန္ဒရှင်ပြည်သူများ ကလည်း စောင့်ကြည့်ကြမည် ဖြစ်ပါ သည်။ ထိုသို့စောင့်ကြည့်ခြင်းသည်ပင် ကိုယ်စားလှယ်များအတွက် သတိတရားအစဉ် ထား ရှိရန် တွန်းအား တစ်ခုဖြစ် ပါမည်။ ထို့ကြောင့် ဥပဒေကို စောင့်ထိန်းသော၊ ကျင့်ဝတ်နှင့် စည်းကမ်းကို လိုက်နာသော ကိုယ်စားလှယ်တစ်ဦးသည် မဲဆန္ဒရှင် တစ်ရာခိုင်နှုန်းမဆို ထားဘိ မဲဆန္ဒရှင်တစ်ဦးတည်းက တိုင်တန်းသည်ဖြစ်စေ မှုစရာ အခြေအနေ မဟုတ်ပါဟု ထင်မြင်ယူဆ ပါသည်။

ပထမအကြိမ် ပြည်သူ့လွှတ်တော် သတ္တမအစည်းအဝေးကြီးကား အောင်မြင် စွာ ပြီးဆုံး သွားပြီဖြစ်ပါသည်။ တစ်လခန့်နား၍ ပြန်လည်ကျင်းပမည်ဖြစ်ရာ အခြေခံဥပဒေပုဒ်မ ၃၉၆ (ခ) နှင့် ၃၉၇ တို့တွင် ပြဋ္ဌာန်းထားသည့်အတိုင်း “လွှတ်တော်ကိုယ်စားလှယ်တာဝန်မှ ပြန်လည် ရုပ်သိမ်းခြင်းဆိုင်ရာ ဥပဒေကြမ်း” ကိုဆက်လက်ဆွေးနွေး အတည်ပြု ဆုံးဖြတ်ကြ မည်လား။ သို့တည်းမဟုတ် အခြေခံဥပဒေကို ပြင်ဆင်ပြီးသည်အထိ စောင့်ဆိုင်းကြမည် လား ဆိုသည် ကတော့ ရုပ်မြင်သံကြား ဖန်သားပြင်ပေါ်တွင်သာ ဆက်လက် စောင့်စား၊ ရှုစား ကြရမည်သာ ဖြစ်ပါသည်။ ။

စက်တင်ဘာ ၇ ၊ ၂၀၁၃ ထုတ် ရန်ကုန်တိုင်းမ် နေ့စဉ် သတင်းစာမှ ကူးယူဖော်ပြသည်