" အပျင်းပြေ _ ၅ "

Image may be NSFW.
Clik here to view.

. . . . . 'ဒန်ပေါက်' ကြိုက်ကြလားဗျ။ မကြာမကြာ စားဖြစ်သလား။ ကျွန်တော်တော့ .. အင်း .. ကြိုက်တယ် ပြောရမှာပေါ့ဗျာ။ favorite food တော့ မဟုတ်ဘူး။ တကူးတကတော့ သွားမစားဖြစ်ဘူး။ကြုံတဲ့အခါတော့လည်း ကောင်းကောင်းတီးတယ် ... စားလို့တော့ ကောင်းတာပဲ။ စားပြီးတဲ့အခါ ဗိုက်ကြီးတင်းပြီး မအီမလည်ဖြစ်တာကို မကြိုက်တာလည်းပါတယ်။ ကျန်းမာရေးအတွက် ထူး . မသင့်တာလည်း ပါတယ်။ 'ဒန်ပေါက်' ဆိုတာကို ပုံမှန်အားဖြင့်တော့ မေ့မေ့လျော့လျော့ပဲ အမြဲရှိနေတတ်တာပြောချင်လို့ပါ။

. . . . . ဒန်ပေါက် ကတော့ ဇာတ်လိုက် ဖြစ်တော့မယ်ဆိုတာ သိသာနေပြီ။ ရွှေညောင်ပင် ၊ ကြက်လျှာစွန်း ၊ ကောင်းကြိုက် ၊ နီလာ စသည်ဖြင့် နာမည်ကျော် ဒန်ပေါက်တွေ .. ခင်ဗျားတို့လည်း စားဖူးကြမှာပါ။ ကျွန်တော်လည်း စားဖူးတာပေါ့။ ဒါပေမယ့် အခုအသက်အရွယ်အထိ စားဖူးသမျှထဲ အကောင်းဆုံး ဒန်ပေါက် အကြောင်း ကျွန်တော်ပြောပြမယ်။

. . . . . ကျွန်တော်ပြောဘူးတဲ့ မြေလတ်ပိုင်း ခရိုင်မြို့မှာပေါ့ဗျာ .. မြို့က သမိုင်းကြောင်းနဲ့ ပြောစရာတွေလည်း လောက်လောက်လားလားရှိတယ်။ အေးအေးချမ်းချမ်းနဲ့ ပျော်စရာ မြို့လေးပါပဲ။ အေးချမ်းလွန်နေတယ် ပြောရမလားပဲ .. စီးပွားရေး တအားကျဆင်းပြီး ပိုက်ဆံ အလွန်ရှားတယ်ဗျာ။ economically failed ဖြစ်နေတဲ့ နေရာပေါ့။ ရန်ကုန်အပြင် တခါမှ မထွက်ဘူးတဲ့သူတွေတော့ နားလည်ပါ့မလားပဲ။

. . . . . ကျွန်တော်တို့ တိုင်းပြည်မှာ အဲဒီလို စီးပွားရေး အစွန်းကျတဲ့ ဒေသတွေ တော်တော်များများ ရှိတယ်ဗျ။ နယ်စပ် မှောင်ခိုမြို့ကြီးတွေ ၊ ကျောက်တွင်းဒေသတွေ ၊ border trade လမ်းကြောင်းမြို့ကြီးတွေဆိုရင် တဘက်စွန်းမှာပေါ့။ ငွေ သ်ိပ်ပေါတယ် ၊ ဖောင်းပွတယ်ဗျ။ ထမင်းတစ်ခါစား ၅၀၀၀ .. ဆရာဝန်တစ်ခါပြ ၁၀၀၀၀ .. ဆိုတာမျိုးပေါ့ဗျာ။ ခုဏ ကျွန်တော်တို့မြို့ကျတော့ တခြားတစ်ဖက်စွန်း ..။ ထမင်း တစ်ခါစား ၇၀၀-၈၀၀ ( အပေါစားဆိုင်မဟုတ်ဘူးနော် .. ပုံမှန်ထမင်းဆိုင် ) .. ဆရာဝန်တစ်ခါပြ ၁၀၀၀-၁၅၀၀ ( ဆေးဖိုးအပြီး ) .. ဆိုတာမျိုး။

. . . . . ပြောရဦးမယ် .. ရောက်ရောက်ချင်း မနေတတ် မထိုင်တတ်ပေါ့ဗျာ။ ပျင်းလို့ ပိုက်ဆံကုန်ခံပြီး သုံးမယ်လုပ်တယ် .. သုံးစရာ မရှိဘူးဗျာ။ လက်ဘက်ရည်ဆိုင်မှာ ပထမဆုံးအကြိမ် ဟပ်တီး ( half tea ) ဆိုတာ တွေ့ဘူးရတယ်။ လက်ဘက်ရည် ခွက်ဝက် ဆိုပါတော့။ အောက်ပြည် တချို့ဆိုင်တွေမှာ အကြမ်းရည်သောက်ဖို့ ချပေးတတ်တဲ့ ခွက်သေးသေးလေးတွေ ၊ လက်မသာသာလေးတွေ ၊ ကိုင်းပါပေမယ့် လက်ညှိုးထည့်လို့ မရဘူးဗျာ .. သိလား .. အဲဒါမျိုးခွက်လေးတွေနဲ့ လက်ဘက်ရည်ဆိုင်ထိုင်လို့ကောင်းရုံ မှာသောက်လို့ရတယ်။ ဇွန်းပါတယ်နော် .. လက်ဘက်ရည်ဇွန်းက ခွက်ထက်ကြီးနေတော့ ကြည့်လို့တော့ မကောင်းဘူးပေါ့ဗျာ။ တစ်ခွက် ၇၀ ကျပ်။ သုံးခါထိုင်ပြီးရင် ၂၀၀ ရှင်းပေးလို့ရတယ်။ လွန်ခဲ့တဲ့ ၃ နှစ်က ... ။

. . . . . အင်း .. အဲဒီမြို့မှာ ဒန်ပေါက်ဆိုင် ရှိတယ်။ ရှိတာပေါ့ဗျာ .. တကယ်တော့ ခရိုင်မြို့ပဲဟာ .. မြို့သေးသေးလေးလည်း မဟုတ်လှဘူး။ ဒါပေမယ့် အဲဒီ ဒန်ပေါက်ဆိုင်ဆိုတာဟာ တစ်ပတ်မှာ စနေတစ်ရက်ပဲ ဒန်ပေါက်ရတယ်ဗျာ။ ကျန်တဲ့ရက်တွေ မရဘူး။ တစ်မြို့လုံးမှာလည်း ဒီတစ်ဆိုင်ပဲရှိတာလေ .. ပြိုင်ဘက်မရှိပေါ့ခင်ဗျ။

. . . . . ရန်ကုန်သားတစ်ပိုင်းကလေးတွေဟာ ဒံပေါက်သုံးဆောင်ခွင့် အထူးမဟာအခွင့်အရေးကြီးအတွက် စနေနေ့တွေကို မျှော်ကြရတာပေါ့ ခင်ဗျာ။ ဟုတ်တာပေါ့ဗျာ .. တခြား အဆင့်မှီ စားဖွယ်ဆိုတာ ခေါက်ဆွဲကြော်ကလွဲရင် မရှိသလောက် ပါပဲ။ စနေနေ့ဆို ပြောစရာမလို လက်တို့စရာမလို အလိုလိုကို ဒန်ပေါက်ဆိုင် ရောက်ပြီးသား။ ညနေစာလေးတွေပါ လက်ဆွဲလို့။

. . . . . သိပ်ကောင်းတဲ့ ဒန်ပေါက်ပါပဲဗျာ။ တခြားစကားလုံးနဲ့လည်း မပြောတတ်တော့ပါဘူး။ သိပ်ကောင်းတဲ့ ဒန်ပေါက်ပါပဲ။ . . ဒါပဲ။ . . . အရင်ကရော ၊ ခုရော ၊ နောင်ရော .. ဘယ်လောက် နာမည်ကြီးတဲ့ ဒံပေါက်ဖြစ်စေ .. ကျွန်တော့် အတွက်တော့ ဒုတိယတန်းစားတွေချည်းပါပဲ။ အဲဒီလို ကောင်းတယ် .. အဲဒီလောက် ကောင်းတယ် ခင်ဗျာ။ ကျွန်တော်တို့ကလွဲလို့ သူတို့မြို့ခံတွေရော ၊ ဧည့်သည်တွေရော ကတော့ တစ်ခါမှ ကောင်းတယ်လို့ပြောတာ မကြားဘူးပါ။ တချို့ဧည့်သည်တွေကတော့ သူတို့ကို အားပါးတရလိုက်ဧည့်ခံတဲ့ ကျွန်တော်တို့ကို ပြုံးကြည့်တတ်ကြတာ မှတ်မိပါရဲ့ဗျာ။

. . . . . တစ်ခုသော သောကြ်ာနေ့မှာတော့ ကျွန်တော်နဲ့ တစ်ယောက်တည်းသော လုပ်ဖော်ကိုင်ဘက်သူငယ်ချင်းနဲ့ ၂ ယောက်သား ထမင်းကို ငုံ့စားနေရင်းက တစ်ယောက်ကို တစ်ယောက်ကြည့်မိကြတယ်။ အဲဒီရက်ပိုင်းထဲမယ် အလုပ်ရှုပ်တာနဲ့ပဲ ကျွန်တော်တို့ ရှိစုမဲ့စုနှစ်ယောက် စကားကောင်းကောင်းမပြောဖြစ်ကြတာ .. တော်တော်တောင်ကြာပေါ့။ စိတ်မောလူမောနဲ့ ဒီလိုပဲ ထမင်းဆိုင်က ထမင်းကို တိတ်တဆိတ် ဘာသိဘာသာစားနေမိရင်းက တစ်ယောက်မျက်နှာ တစ်ယောက်ကြည့်မိကြတာ။ နောက် ပြိုင်တူ ပြောမိလိုက်ကြသေး ... " မနက်ဖြန် စနေနေ့ပဲ " .. တဲ့။ ဟုတ်ပါရဲ့ .. ဒီတစ်ပတ် စနေနေ့ကို မေ့တော့မလို့ပါလား။ နောက် အတူတူရယ်ကြတယ်။ အဲဒီအချိန်မှာ ကျွန်တော်တို့ တကယ်ပျော်လို့ ရယ်ကြတာပါ။

. . . . . ရှားပါးငတ်မွတ်ချိန်တွေထဲမှာ အချိုမြိန်ဆုံး လူ့ဘ၀ရဲ့ ရသာတဏှာကလေးတွေပါ။


(ယက္ခ) ရဲကြီး ။ ၂၁.၉.၁၃ ။
https://www.facebook.com/yekkha.yegyii.fanpage
http://yekkhayejee.blogspot.com/