သမ္မတကိုတရားစွဲ၊ ဒီမိုကရေစီအားစမ်းပွဲ

..............................................
(တင်ညွန့်)

မတ်လ ၁၀ ရက်နေ့ The Voice သတင်းတွင် “နိုင်ငံတော်သမ္မတကို တရားစွဲမှု၊ ဆားလင်းကြီးတရားရုံး ပလပ်” ဆိုသည့် သတင်းတစ်ပုဒ်ကို ဖတ်လိုက်ရသည်။ လက်ပံတောင်းတောင် ကြေးနီစီမံကိန်း ဧရိယာအတွင်းရှိ လယ်ယာမြေများ သိမ်းယူမှု၊ သပိတ်စခန်းများကို အကြမ်းဖက် ဖြိုခွင်းမှုများနှင့် ပတ်သက်၍ မုံရွာခရိုင် ဆားလင်းကြီးမြို့နယ် တရားရုံးတွင် နိုင်ငံတော် သမ္မတဦးသိန်းစိန်ကို တရားစွဲဆိုထားရာ ယင်းအမှုကို အဆိုပါတရားရုံးက မတ်လ ၁၀ ရက်နေ့တွင် ပလပ်လိုက်ကြောင်း သတင်း ဖြစ်ပါသည်။ နိုင်ငံတော် သမ္မတဦးသိန်းစိန်ကို တရားစွဲမည်ဆိုသဖြင့် တရားစွဲနိုင်သလား ပြန်လည်သုံးသပ်ရန် လိုပါသည်။ ဖွဲ့စည်းပုံအခြေခံဥပဒေ အရ သမ္မတစနစ်ဖြင့် အုပ်ချုပ်နေသော ပြည်ထောင်စုသမ္မတ နိုင်ငံတော်တွင် သမ္မတကို တရားစွဲမည်ဆိုပါက အောက်ပါအချက်များကို သတိပြုရန်ဖြစ်သည်။

၂၀၀၈ ခုနှစ် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေပုဒ်မ (၁၆) အရ-
"နိုင်ငံတော်အကြီးအကဲနှင့် နိုင်ငံတော်အုပ်ချုပ်ရေး အကြီးအကဲသည် နိုင်ငံတော်သမ္မတ ဖြစ်သည်" ဟု သတ်မှတ်ပြဋ္ဌာန်း ထားပါသည်။ ပုဒ်မ (၅၇) အရလည်း "နိုင်ငံတော်သမ္မတနှင့် ဒုတိယသမ္မတများသည် နိုင်ငံတော်ကို ကိုယ်စားပြုသည်" ဟု ဆိုထားပြီး ပုဒ်မ (၅၈) အရ "နိုင်ငံသားအားလုံး၏ အထွတ်အထိပ်နေရာ ရရှိထားသူ" လည်း ဖြစ်နေပါသည်။

နိုင်ငံတော်သမ္မတ ဖြစ်လာသူတစ်ဦးသည် ပုဒ်မ (၆၅) အရ အောက်ပါ အချက်များကို ကတိသစ္စာ ပြုထားရသူများလည်း ဖြစ်ပါသည်။
- နိုင်ငံတော်နှင့် နိုင်ငံသားများအပေါ် သစ္စာစောင့်သိပါမည်
- ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲရေး၊ အချုပ်အခြာအာဏာ တည်တံ့ခိုင်မြဲရေးတို့ကို ထာဝစဉ် ဦးထိပ်ပန် ဆောင်ရွက်ပါမည်
- နိုင်ငံတော်ဖွဲ့စည်းပုံ အခြေခံဥပဒေကို ထိန်းသိမ်းစောင့်သိ လိုက်နာရိုသေပြီး နိုင်ငံတော် ဥပဒေများကို လိုက်နာကျင့်သုံး ဆောင်ရွက်ပါမည်
- နိုင်ငံတော်တွင် တရားမျှတခြင်း၊ လွတ်လပ်ခြင်းနှင့် ညီမျှခြင်းတည်း ဟူသော လောကပါလတရားများ ပိုမိုထွန်းကားရေး အတွက် ဆောင်ရွက်ပါမည်
ထိုကတိများကို အသက်နှင့်ကိုယ်ကို အပ်နှင်းပြီး ထမ်းဆောင်ရန်လည်း သစ္စာပြုထားရသူများ ဖြစ်သည်။

ထိုသို့သောပုဂ္ဂိုလ်မျိုးကို တရားစွဲရန်ဆိုသည်မှာ ချင့်ချိန်စဉ်းစား သင့်သောကိစ္စတစ်ခု ဖြစ်ပါသည်။
အမေရိကန်ပြည်ထောင်စု ဖွဲ့စည်းပုံအခြေခံဥပဒေပုဒ်မ (၂၄) တွင်လည်း ကွန်ဂရက်လွှတ်တော် အမတ်များအား တာဝန်မှဖယ်ရှားခြင်း သို့မဟုတ် မလျော်ကန်သောအပြုအမူများ လုပ်ဆောင်သည့် အတွက် မည်သည့်အခါမျိုးတွင် အပြစ်ပေးနိုင်ကြောင်းကို အောက်ပါအတိုင်း ဖွင့်ဆိုထားပါသည်။

အမေရိကန် ဖွဲ့စည်းပုံ အခြေခံဥပဒေအရ ပြဋ္ဌာန်းထားသည့် ရာထူး အလျောက် ပြစ်တင်စွပ်စွဲမှုများ ပြုလုပ်နိုင်သည့် နေရာများမှာ အောက်လွှတ်တော်နှင့် ဆီးနိတ်လွှတ်တော် ပါဝင်သော ကွန်ဂရက် လွှတ်တော်ဖြစ်သည်။လွှတ်တော်နှစ်ရပ်ပေါင်းပြီး သမ္မတ၊ ဒုတိယသမ္မတ၊ တရားလွှတ်တော်ချုပ် တရားသူကြီးများ၊ ပြည်နယ်တရားသူကြီးများနှင့် ပြည်ထောင်စုအစိုးရအဖွဲ့ အရာရှိများကို အရေးယူနိုင်ခွင့် ရှိသည်။ အရေးယူပိုင်ခွင့် ရှိသော်လည်း ကွန်ဂရက် လွှတ်တော်အမတ်များကို ရာထူးမှ ဖယ်ရှားပိုင်ခွင့်မပါပေ။

အမေရိကန် ဖွဲ့စည်းပုံ အခြေခံဥပဒေတွင် ဖော်ပြထားချက်များကို သုံးသပ်ကြည့်လျှင် လွှတ်တော်အသီးသီးသည် မိမိတို့လွှတ်တော်ကိုယ်စားလှယ် အသီးသီးကို အရည်အချင်းပြည့်မီမှုရှိ မရှိ ကိုယ်တိုင် စစ်ဆေးစီရင် ရမည်သာဖြစ်သည်။ မိမိလွှတ်တော် ကိုယ်စားလှယ်က စည်းကမ်းဖောက် ဖျက်လျှင် အရေးယူအပြစ်ပေးပိုင်ခွင့် ရှိသည်။ သို့သော် လွှတ်တော်နှစ်ရပ် ပေါင်း၏ သုံးပုံနှစ်ပုံ ဆန္ဒမဲဖြင့်သာ လွှတ်တော်ကိုယ်စားလှယ် တစ်ဦးကို ထုတ်ပယ်နိုင်သည်ဟု ဖော်ပြထားသည်။ ထိုအချက်ကိုကြည့်လျှင် လွှတ်တော် ကိုယ်စားလှယ်တစ်ဦးဦးကို စည်းကမ်းဖောက်ဖျက်မှုအတွက် အရေးယူ ဆောင်ရွက်ရန်မှာ သက်ဆိုင်ရာ လွှတ်တော်ကိစ္စသာဖြစ်ကြောင်း တွေ့ရသည်။
လွှတ်တော်ကိုယ်စားလှယ် တစ်ဦးသည် စွပ်စွဲခံရပြီဆိုလျှင်၊ ထိုစွပ်စွဲ ချက်ကို စိစစ်သုံးသပ်ရန် ဖွဲ့စည်းပေးထားသည့် ကော်မတီတစ်ရပ်ရပ်က ဆောင်ရွက်ရသည်။ အောက်လွှတ်တော်တွင် တရားဝင်ပြုမူဆောင်ရွက်မှု ကော်မတီနှင့် ဆီးနိတ်လွှတ်တော်တွင် ကိုယ်ကျင့်သိက္ခာဆိုင်ရာ ကော်မတီ ဟူ၍ရှိသည်။ အောက်လွှတ်တော်နှင့် ဆီးနိတ်လွှတ်တော် နည်းဥပဒေများ ထဲတွင်လည်း တရားဝင်ပြုမူ ဆောင်ရွက်ခြင်းဆိုင်ရာ ကိုဓဥပဒေများ ပါဝင်သည်။
အခြားလွှတ်တော် ကိုယ်စားလှယ်တစ်ဦးဦး ကဖြစ်စေ၊ နိုင်ငံသား တစ်ဦးဦးကဖြစ်စေ လွှတ်တော်ကိုယ်စားလှယ် တစ်ဦးဦးကို စွပ်စွဲလာပြီ ဆိုလျှင် ကိုယ်ကျင့်သိက္ခာနှင့် ညီ မညီ၊ စွပ်စွဲချက်များမှန် မမှန် စစ်ဆေးရေး ကော်မတီများက စိစစ်သုံးသပ်ကြရသည်။
အောက်လွှတ်တော်ကဖြစ်စေ၊ ဆီးနိတ်လွှတ်တော်က ဖြစ်စေ အပြစ်ကျူးလွန်သော လွှတ်တော်ကိုယ်စားလှယ်ကို အမြင့်ဆုံးချမှတ်နိုင်သည့် ပြစ်ဒဏ်မှာ လွှတ်တော်ကိုယ်စားလှယ်အဖြစ်မှ ထုတ်ပစ်ခြင်းသာ ဖြစ်သည်။ ထုတ်ပစ်သည် ဆိုသော်လည်း တက်ရောက်လာသည့် လွှတ်တော် ကိုယ်စားလှယ်စုစုပေါင်း သုံးပုံနှစ်ပုံက ထောက်ခံမှသာ ထုတ်ပစ်နိုင်သည်။

နောက်ထပ် ပြစ်ဒဏ်ချမှတ်သည့် နည်းတစ်ခုမှာ ပြင်းထန်စွာ ပြစ်တင် ဝေဖန်ခြင်းဖြစ်သည်။ ထိုပြစ်ဒဏ်ပေးရန်မှာလည်း မဲအများစုရရန် လိုသည်။ လွှတ်တော်ကိုယ်စားလှယ် တစ်ဦးသည် မလျော်ကန်သော အပြုအမူတစ်ခုကို ကျူးလွန်သည်ဆိုလျှင် ထိုပြစ်ဒဏ်ကိုလည်း ပေးနိုင်သည်။ ပြစ်ဒဏ် ပေးခြင်းခံရသည့် သူသည် ပါတီနည်းဥပဒေများအရ ကော်မတီ သို့မဟုတ် ပါတီခေါင်းဆောင် ရာထူးမှ ဖယ်ရှားခြင်းခံရမည်ဖြစ်သည်။ ကွန်ဂရက် သက်တမ်းကာလအတွင်းမှာပင် ဖယ်ရှားနိုင်ခွင့် ရှိသည်။ ဆီးနိတ်လွှတ်တော်တွင် ထိုသို့သောအမှုကို ကျူးလွန်သူအား ပြင်းထန်စွာ ပြစ်တင်ဝေဖန်ခြင်း (Censure) နှင့်စွပ်စွဲရှုတ်ချခြင်း (Denunciation) ဆိုသည့် စကားရပ်များ သုံးစွဲကာ အပြစ်ပေးလေ့ရှိသည်။

အောက်လွှတ်တော်နှင့် ဆီးနိတ်လွှတ်တော်တွင် စည်းကမ်းထိန်းသိမ်း သည့်အနေဖြင့် ကျင့်သုံးသည့် အထက်ပါပြစ်ဒဏ်လောက် မပြင်းထန်သော ပြစ်ဒဏ်တစ်မျိုးမှာ ပြစ်တင်သတိပေးခြင်း (Reprimand) ဖြစ်သည်။ ထိုပြစ်ဒဏ်ကိုလည်း သက်ဆိုင်ရာလွှတ်တော်မှ မဲအများစုဖြင့်ပင် ချမှတ်ရသည်။ ကျင့်ဝတ်သိက္ခာ ချိုးဖောက်သူအတွက် ရည်ရွယ်အပြစ်ပေးခြင်းဖြစ် သည်။
အမှတ်မဲ့စွာ ကျူးလွန်သည့်အတွက် ပေးသည့်အသေးအဖွဲ ပြစ်ဒဏ်ဟု လည်း ဆိုနိုင်သည်။
ကွန်ဂရက်လွှတ်တော် ကိုယ်စားလှယ်တစ်ဦးသည် နိုင်ငံတော်သစ္စာ ဖောက်ဖျက်ပုန်ကန်မှု၊ ကြီးလေးသောပြစ်မှုများ သို့မဟုတ် ငြိမ်ဝပ်ပိပြားရေး တို့ကို ဖောက်ဖျက်ကျူးလွန်လျှင် တရားစွဲခံရမည် ဖြစ်သည်။ လွှတ်တော် ကိုယ်စားလှယ်တစ်ဦးသည် ကြီးလေးသောပြစ်ဒဏ်ဖြင့် စွဲချက်တင်အစစ်ခံရ လျှင် စွပ်စွဲခံရချိန်၌ ပါတီ သို့မဟုတ် ကော်မတီ ခေါင်းဆောင်နေရာမှ ဖယ်ရှားခံရမည်ဖြစ်သည်။ များသောအားဖြင့် ထိုလွှတ်တော် ကိုယ်စားလှယ်အား ပြစ်မှုကြောင်းအရ စစ်ဆေးမှုမပြီးဆုံးမချင်း လွှတ်တော်အတွင်း စည်းကမ်းထိန်းသိမ်းရေး အပိုင်းအရ အရေးယူခြင်းမျိုး ပြုလုပ်လေ့မရှိပေ။

အမေရိကန် ဖွဲ့စည်းပုံ ဥပဒေတွင် ကွန်ဂရက်လွှတ်တော်သို့ (Impeachment) ခေါ် နိုင်ငံ့ခေါင်းဆောင်များ၊ အစိုးရအရာရှိကြီးများအား စွပ်စွဲပြစ်တင်ခွင့် အာဏာကို ပေးအပ်ထားသည်။ ထိုအခွင့်အာဏာအရ သမ္မတ၊ ဒုတိယသမ္မတနှင့် အခြားအုပ်ချုပ်ရေးဆိုင်ရာအရာရှိများကို စွပ်စွဲ ပြစ်တင်နိုင်သည်။ ထိုအခွင့်အာဏာအရ "နိုင်ငံတော်သစ္စာဖောက်မှု၊ လာဘ်ပေး လာဘ်ယူမှုနှင့် အခြားမြင့်မားသည့် ရာဇဝတ်မှုများ၊ အသေးအဖွဲပြစ်မှုများကို" ကျူးလွန်သည့်သူအား ကွန်ဂရက်ရှေ့မှောက် အရောက်ပို့ပြီး ထိုသူကျူးလွန် သည့်ပြစ်မှုအတွက် အစစ်ဆေးအဆုံးဖြတ် ခံရမည်ဟု ဖော်ပြထားသည်။

အမေရိကန်သမိုင်းတွင် ထင်ရှားသည့် စွပ်စွဲပြစ်တင်မှုကြီးနှစ်ခုကို စီရင်ခဲ့ကြောင်းတွေ့ရသည်။ ပထမအမှုမှာ ၁၈၇၆ ခုနှစ် သမ္မတ အင်ဒရူးဂျွန်ဆင် လက်ထက်တွင် ဖြစ်ပွားခဲ့သည်။ တောင်ပိုင်း ဒီမိုကရက်တစ်ဦးဖြစ်သည့် အင်ဒရူးဂျွန်ဆင်ကို ပြန်လည်ပြုပြင်ရေးနှင့် ပတ်သက်ပြီး ရီပတ်ဘလီကန် အများစုက ဝိုင်းဝန်းတိုက်ခိုက်ကြသည်။ ရီပတ်ဘလီကန်များ၏ စွပ်စွဲ တိုက်ခိုက်ချက်များကို အောက်လွှတ်တော်က အရေးယူစစ်ဆေးပေးခဲ့သည်။ ထိုအမှုသည် ဆီးနိတ်လွှတ်တော်သို့ ရောက်သည့်အခါတွင် မဲတစ်မဲတည်း ကပ်ရှုံးသွားခဲ့ပြီး အင်ဒရူးဂျွန်ဆင်ကို အရေးမယူနိုင်ခဲ့ပေ။
၁၉၉၈ ခုနှစ်တွင် အောက်လွှတ်တော်က သမ္မတဘီလ်ကလင်တန်ကို စွပ်စွဲပြစ်တစ်မှုတစ်ခု ပြုလုပ်ခဲ့သေးသည်။ ကလင်တန်အား ကျမ်းသစ္စာ ကျိန်ဆိုထားမှုကို လိမ်လည်ဖောက်ဖျက်မှုနှင့် တရားမျှတမှုကို တားဆီး ပိတ်ဆို့မှုတို့ဖြင့် စွဲဆိုခြင်းဖြစ်သည်။ ထိုစဉ်က သမ္မတကလင်တန်ကို လိင်ဖောက်ပြန်မှုဖြင့် စွပ်စွဲထားသည်။ အိမ်ဖြူတော်တွင် အလုပ်သင်အဖြစ် တာဝန်ထမ်းဆောင် နေသော မော်နီကာလူဝင်းစကီးနှင့် အတူ လိင်ဖောက် ပြန်သည်ဆိုကာ သမ္မတအားအရေးယူရန် စွပ်စွဲပြစ်တင်ခဲ့သည်။

ကလင်တန်အမှုကို စစ်ဆေးရာတွင် ဘက်လိုက်မှုများစွာ ရှိကြောင်း တွေ့ရသည်။ ငါးဦးကသာ သမ္မတကို စွပ်စွဲပြစ်တင်စစ်ဆေးရန် မဲပေးခဲ့ကြ သည်။ ဆီးနိတ်လွှတ်တော်တွင် မဲအများစု သုံးပုံနှစ်ပုံရမှသာ သမ္မတကို အရေးယူ စစ်ဆေးနိုင်မည်ဖြစ်သည်။ ဆီးနိတ်လွှတ်တော်အမတ် ၄၅ ဦးက သမ္မတကို ကျမ်းသစ္စာကျိန်ဆိုထားမှုအား လိမ်လည်မှုလောက်ဖြင့်သာ အရေးယူရန် ဆုံးဖြတ်ကြသည်။ အသေးအဖွဲပြစ်မှုတစ်ခု အနေဖြင့်သာ သတ်မှတ်စစ်ဆေး ရန်ဖြစ်သည်။ ဒုတိယစွဲချက်ဖြစ်သည့် တရားမျှတမှုကို တားဆီးပိတ်ဆို့မှု ဆိုသည့် ကြီးလေးသောပြစ်မှုကို ကျူးလွန်ကြောင်း စစ်ဆေးရန် ၄၅ ဦးက မထောက်ခံသဖြင့် မဲမရသောကြောင့် ပျက်ပြယ် သွားခဲ့ရသည်။ အောက်လွှတ် တော်တွင် ဒီမိုကရက်အားလုံးက သမ္မတကို အရေးယူရန် မထောက်ခံသည့် အပြင်၊ ရီပတ်ဘလီကန် ငါးဦးမဲကိုပါရလိုက်သောကြောင့် သမ္မတသည် လွှတ်တော်တွင်လည်း အစစ်ဆေးမခံရသည့်အပြင် ရာထူးမှလည်း ထုတ်ပယ် ခြင်းမခံခဲ့ရပေ။
လွှတ်တော်တစ်ရပ်တွင် အများစုဆိုသည့် လွှမ်းမိုးမှုကို မည်သူမျှ မကျော်လွန်နိုင်သည့် သာဓကများဖြစ်သည်။ သမ္မတကို အရေးယူ စစ်ဆေး၊ အပြစ် ပေးချင်သော်လည်း မိမိကိုထောက်ခံထားသည့် အများစုပါတီ နှင့်၊ နှစ်သက်သူများရှိနေသရွေ့ သမ္မတကို မဖြုတ်နိုင်ကြောင်း ကလင်တန်က နောက်ထပ်တစ်ကြိမ် သမ္မတအဖြစ် ထပ်မံအရွေးခံရခြင်းဖြင့် သက်သေပြသွားခဲ့သည်။

ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ခုနှစ်)၊ ပုဒ်မ ၇၁၊ အပိုဒ် (က) မှ (ဆ) အထိပြဋ္ဌာန်းချက် များတွင်လည်း နိုင်ငံတော်သမ္မတနှင့် ဒုတိယသမ္မတများကို စွပ်စွဲပြစ်တင်နိုင်မှု များကို ဖော်ပြ ထားပါသည်။

နိုင်ငံတော်သမ္မတ ကိုဖြစ်စေ ဒုတိယသမ္မတ တစ်ဦးဦးသည်
၁။ နိုင်ငံတော်၏ ကျေးဇူးသစ္စာတော်ကို ဖောက်ဖျက်ခြင်း
၂။ ဤဖွဲ့စည်းပုံ အခြေခံဥပဒေပါ ပြဋ္ဌာန်းချက်များကို ဖောက်ဖျက် ကျူးလွန်ခြင်း
၃။ အကျင့်သိက္ခာပျက်ပြားခြင်း
၎။ ဤဖွဲ့စည်းပုံအခြေခံ ဥပဒေတွင် ပြဋ္ဌာန်းထားသော နိုင်ငံတော် သမ္မတ သို့မဟုတ် ဒုတိယသမ္မတ၏ အရည်အချင်းပျက်ယွင်းခြင်း
၅။ ဥပဒေအရပေးအပ်သော တာဝန်များကို ကျေပွန်စွာ မဆောင်ရွက် ခြင်းတို့ကြောင့်သာ စွပ်စွဲပြစ်တင်နိုင်သည်ဟု ဆိုထားသည်။

နိုင်ငံတော်သမ္မတ သို့မဟုတ် ဒုတိယသမ္မတတစ်ဦးဦးကို စွပ်စွဲပြစ်တင် နိုင်ရန် အောက်ပါအချက်များ လိုအပ်ပါသည်။
- လွှတ်တော်နှစ်ရပ်မှ လွှတ်တော်ကိုယ်စားလှယ် အနည်းဆုံး လေးပုံ တစ်ပုံ လက်မှတ်ရေးထိုးပြီးမှ သက်ဆိုင်ရာ လွှတ်တော်အကြီးအမှူးထံ တင်ပြရမည်
- သက်ဆိုင်ရာလွှတ်တော် ကိုယ်စားလှယ် စုစုပေါင်းဦးရေ၏ သုံးပုံနှစ်ပုံ က ထောက်ခံမှသာ ဆက်လက်အရေးယူဆောင်ရွက်မည်
- လွှတ်တော်တစ်ရပ်က စွပ်စွဲချက်ကိုထောက်ခံလျှင် အခြား လွှတ်တော်တစ်ရပ်က စွပ်စွဲချက်ကို အဖွဲ့ဖွဲ့ပြီး စုံစမ်းစစ်ဆေးရမည်
- နိုင်ငံတော်သမ္မတ သို့မဟုတ် ဒုတိယသမ္မတသည် စွပ်စွဲချက်အပေါ် ကိုယ်တိုင်ဖြစ်စေ၊ ကိုယ်စားလှယ်ဖြင့်ဖြစ်စေ ချေပခွင့်ပေးရမည်
- စွပ်စွဲချက်မှန်ကန်ကြောင်း တွေ့ရပြီး စုံစမ်းစစ်ဆေးသော လွှတ်တော်၏ လွှတ်တော်ကိုယ်စားလှယ် စုစုပေါင်းဦးရေ၏ သုံးပုံနှစ်ပုံက သမ္မတ သို့မဟုတ် ဒုတိယသမ္မတတို့အား ဆက်လက်တာဝန် ထမ်းဆောင်ရန် မသင့်ဟု ဆုံးဖြတ်လျှင် ရာထူးမှရပ်စဲနိုင်ရေး အတွက် ပြည်ထောင်စု လွှတ်တော်အကြီးအမှူးထံ တင်ပြရမည်
- ပြည်ထောင်စုလွှတ်တော် အကြီးအမှူးသည် တင်ပြချက်ရရှိသည်နှင့် စွပ်စွဲခံရသော သမ္မတ သို့မဟုတ် ဒုတိယသမ္မတအား ရာထူးမှ ရပ်စဲကြောင်း ကြေညာရမည်ဟု ဖွဲ့စည်းပုံ အခြေခံဥပဒေပုဒ်မ (၇၁) တွင် ပြဋ္ဌာန်းထားပါ သည်။

ဖွဲ့စည်းပုံအခြေခံဥပဒေ (၂၀၀၈ ခုနှစ်) အခန်း၅၊ အုပ်ချုပ်ရေး၊ ပုဒ်မ (၂၁၅) သည် နိုင်ငံတော်သမ္မတအတွက် ရပိုင်ခွင့်ရှိသည့် အခွင့်အရေး တစ်ခုဖြစ်သောကြောင့် သမ္မတကို တရားစွဲမည်ဆိုလျှင် ထိုအချက်ကို သတိပြုရန်လိုအပ်ပါသည်။ ပုဒ်မ (၂၁၅) တွင်
"နိုင်ငံတော် သမ္မတသည် ဖွဲ့စည်းပုံအခြေခံ အရသော်လည်းကောင်း၊ ဥပဒေတစ်ရပ်ရပ် အရသော်လည်းကောင်း မိမိအားအပ်နှင်းထားသည့် တာဝန်နှင့် လုပ်ပိုင်ခွင့်များကို ကျင့်သုံးဆောင်ရွက်မှု သို့တည်းမဟုတ် ကျင့်သုံးဆောင်ရွက်သည့် အနေဖြင့် ပြုခဲ့သောပြုလုပ်မှုအတွက် မည်သည့် လွှတ်တော်၊ မည်သည့်တရားရုံးတွင်မျှ ဖြေရှင်းရန် တာဝန်မရှိစေရ၊ သို့ရာတွင် ဤကဲ့သို့ တာဝန်မရှိစေခြင်းသည် နိုင်ငံတော်သမ္မတအား ဖွဲ့စည်းပုံအခြေခံ ဥပဒေပါ စွပ်စွဲပြစ်တင်ခြင်းနှင့် စပ်လျဉ်းသည့်ပြဋ္ဌာန်းချက် များနှင့် သက်ဆိုင်ခြင်း မရှိစေရ"ဟု ဆိုထားသည့်အချက်အား အလေးထား စဉ်းစားရပေလိမ့်မည်။

အစိုးရအဖွဲ့ဝင် ဝန်ကြီးများအား တရားစွဲမည် ဆိုလျှင်လည်း ဖွဲ့စည်းပုံ အခြေခံဥပဒေပုဒ်မ (၂၃၃)၊ ပုဒ်မ (၂၆၃)၊ ပုဒ်မ (၃၀၂)၊ ပုဒ်မ (၃၁၁)၊ ပုဒ်မ (၃၃၄)တို့အား ပြန်လည်လေ့လာရန် တိုက်တွန်းပါသည်။

ဖွဲ့စည်းပုံအခြေခံဥပဒေ (၂၀၀၈ ခုနှစ်)၊ အခန်း ၁၁၊ အရေးပေါ်ကာလဆိုင်ရာ ပြဋ္ဌာန်းချက်များ၊ ပုဒ်မ (၄၃၂) တွင်
"အရေးပေါ်အခြေအနေ ထုတ်ပြန်ကြေညာထားစဉ် ကာလအတွင်းတွင် နိုင်ငံတော်သမ္မတ ကိုယ်စားဖြစ်စေ၊ တပ်မတော်ကာကွယ်ရေး ဦးစီးချုပ် က နိုင်ငံတော်အာဏာကို ကျင့်သုံးနေသည့် ကာလအတွင်းဖြစ်စေ၊ အမျိုးသား ကာကွယ်ရေးနှင့် လုံခြုံရေးကောင်စီက နိုင်ငံတော်အာဏာကို ကျင့်သုံးနေသည့် ကာလအတွင်းဖြစ်စေ လုံခြုံရေး၊ တည်ငြိမ်ရေး၊ ရပ်ရွာအေးချမ်းသာယာ ရေးနှင့် တရားဥပဒေ စိုးမိုးရေးတို့ကို မူလအခြေအနေသို့ အမြန်ပြန်လည်
ရောက်ရှိစေခြင်းငှာ လိုအပ်သည့် အရေးယူဆောင်ရွက်မှု ပြုနိုင်ရန် လုပ်ပိုင်ခွင့်နှင့် တာဝန်များ ပေးအပ်ခြင်းခံရသည့် အာဏာပိုင် အဖွဲ့အစည်း တစ်ရပ်ရပ်၊ ယင်းအဖွဲ့အစည်းဝင် တစ်ဦးဦး၊ စစ်ဘက်ဆိုင်ရာ အဖွဲ့အစည်း တစ်ရပ်ရပ်၊ ယင်းအဖွဲ့အစည်းဝင် တစ်ဦးဦး၏ တရားဝင် ဆောင်ရွက်ချက်များသည် အတည်ဖြစ်စေရမည်၊ ယင်းတရားဝင် ဆောင်ရွက်ချက်များအပေါ် အကြောင်းပြုလျက် တရားစွဲဆိုခွင့်မရှိစေရ" ဟူသည့်အချက်

ဖွဲ့စည်းပုံ အခြေခံဥပဒေ (၂ဝဝ၈ ခုနှစ်)၊ အခန်း၁၄၊ ကူးပြောင်းရေး ကာလပြဋ္ဌာန်းချက်များ၊ ပုဒ်မ (၄၄၅) တွင်လည်း

"ပြည်ထောင်စုသမ္မတ မြန်မာနိုင်ငံတော်သည် နိုင်ငံတော်ငြိမ်ဝပ်ပိ ပြားမှုတည်ဆောက်ရေး အဖွဲ့နှင့် နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီတို့၏ မူဝါဒလမ်းညွှန်မှုများ၊ ဥပဒေများ၊ နည်းဥပဒေများ၊ စည်းမျဉ်းများ၊ အမိန့်ပြန်တမ်းများ၊ ကြေညာချက်များကိုလည်းကောင်း၊ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့နှင့် နိုင်ငံတော်အေးချမ်း သာယာရေးနှင့် ဖွံ့ဖြိုးရေးကောင်စီတို့၏ ဆောင်ရွက်ချက်များ၊ တာဝန်များ နှင့် ရပိုင်ခွင့်များကို လည်းကောင်း ဆက်ခံသည့် ယင်းအဖွဲ့ သို့မဟုတ် အဖွဲ့ဝင်တစ်ဦးဦး သို့မဟုတ် အစိုးရအဖွဲ့ဝင်တစ်ဦးဦး၏ တာဝန်အရ ဆောင်ရွက်ချက်များ အပေါ် အကြောင်းပြုလျက် ယင်းတို့အား တရားစွဲဆိုခြင်း၊ အရေးယူခြင်းမရှိစေရ" ဆိုသည့်အချက်များကို လေ့လာသုံးသပ်ပြီးမှ မည်သူ့ကို၊ မည်သို့တရားစွဲမည်ဟု ဆုံးဖြတ်သင့်ပါကြောင်း စေတနာကောင်းဖြင့် အကြံပြုလိုက်ပါသည်။


Ref: We The People, An Introduction to American Politics, by Benjamin Ginsberg
ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်)

(http://www.thevoicemyanmar.com/index.php/perspective/item/3748-tmd.html)