သွေးနားထင်ရောက်ခဲ့ရသည့် ဖက်ဒရယ်သံတညံညံဆွေးနွေးပွဲ

လုပ်ဆောင်သည့်ရည်ရွယ်ချက်က ကောင်းပါသည်။ မြန်မာနိုင်ငံ၏ ဒီမိုကရေစီအရွေ့မှာ သိသင့်သိထိုက်သော အရာများနာကြားခဲ့ရသဖြင့် အလွတ်သဘောဆွေးနွေးမှုပင်ဖြစ်သော်လည်း မှတ်သားစရာဖြစ်ခဲ့ရပါသည်။



သို့ပေသိ ကျွန်မမှာ ကျေနပ်ခဲ့ရခြင်း၊ မကျေနပ်ခဲ့ရခြင်းတို့ ဆတူခံစားခဲ့ရပါသည်။ ၂ ရက်စလုံးမှာ ခေါင်းကိုက်ခဲ့ ရပါသည်။ အလွတ်သဘောဆွေးနွေးမှုနှင့် ဒေသဆိုင်ရာပြဿနာများကို ၀ိုင်းဝန်းစဉ်းစားအဖြေရှာကြသည့် အစီအစဉ်ကို မျိုးရန်နောင်သိန်းတို့က ကြိုးစားပန်းစားစီစဉ်ခဲ့သော်လည်း တိုင်းရင်းသားများ၏ နှုတ်ထွက်စကား ဖက်ဒရယ်သံများ ညံနေခြင်းကိုတော့ မသက်မသာကြားခဲ့ရပါ၏။



ဗမာတွေ ဖက်ဒရယ်၏ အဓိပ္ပာယ်နားလည်အောင်ဖတ်ကြပါဟု တိုက်တွန်းနိုးဆော်သွားသံလည်း ကြားရပါ၏။ ဒုက္ခ၊ ဒုက္ခဟု ကျွန်မသက်မ ချမိပါသည်။



တစ်နိုင်ငံလုံးမှာ တိုင်းရင်းသား ဘာသာများသင်ကြားပေးရန်လည်း ပြောကြဆိုကြ၏။ အင်္ဂလိပ်စာပင် အနိုင်နိုင် သင်ကြနေရ ရှာသော ကလေးများကိစ္စမှာ တိုင်းရင်းသာ ၁၃၅ မျိုး၏ စာစကားတွေ ထပ်သင်ပေးဦး မည်ဆိုလျှင် ကလေးများ ရှုးသွားကြပေလိမ့်မည်ထင်သည်။



တပ်ပေါင်းစုမှ ရဲဘော်တစ်ဦးကလည်း ၀င်ရောက် ဆွေးနွေးပါ၏။ ရှမ်းအမျိုးသားဖြစ်သည် တိုင်းရင်းသား ပါတီ များ၏ နောက်တွင် ၎င်းတို့တပ်ပေါင်းစု၏ တပ်သားတစ်သိန်းကျော်ရှိကြောင်း ဧပြီ(၂)တွင်ပြောကြား သွားပါသည်။



အသံပါဖမ်းထားသဖြင့် ပြန်ဖွင့်ကြည့်မိသော ကျွန်မမှာ မျက်ရည်တို့က ကျလုလု။ ဓါး ၂ လက်မိုးထားသော ကျွန်မတို့ပြည်နယ်များမှာ နေရထိုင်ရခက်ခဲလှသည်ကို လွန်ခဲ့သည့်နှစ်ပေါင်း ၁၂၇ နှစ်ကထဲက ခံစားခဲ့ကြရပြီး ဖြစ်ရာ ယခု တပ်ပေါင်းစု၏ ခြိမ်းခြောက်မှုက တဖန်ညံလာသည်ကိုကြားရသောအခါ ငယ်စိတ်နှင့်ဆိုလျှင် မီးမီး ကြောက်ကြောက်ဟု ပင် အော်ဟစ်ပြေးရမလိုဖြစ်ခဲ့ရသည်။ အသက်ကြီးလာပြီဖြစ်၍ အကြောက်တရားက နားထင်သွေးကို တွန်းအားပေးကာ ခေါင်းကိုက်ကာ ပြန်လာခဲ့ရခြင်းသာ ဖြစ်ပါသည်။



ရှမ်းပြည်နယ်မှာ ရှမ်းတွေချည်းနေကြသည်မဟုတ်ပါ။ မြန်မာပြည်မှာ ဗမာတွေချည်းနေသည် မဟုတ်ပါ။ ထို့ကြောင့် ဖက်ဒရယ်ကိုလိုသလို အဓိပ္ပာယ်ဖွင့်ဆိုကြသော သူတွေကြောင့် စိတ်အတော်ပျက်ခဲ့ရပါသည်။

http://www.myitmakhamediagroup.com/detail.php?newid=4358