တကယ့်အနိုင်ဂိုး

(၁)
လုပ်ငန်းတစ်ခုမှာဖြစ်ဖြစ်၊ အဖွဲ့အစည်းတစ်ရပ်မှာဖြစ်ဖြစ်၊ လူတစ်ယောက်အတွက်ပဲဖြစ်ဖြစ် ရည်မှန်းချက် (Goal) ဆိုတာ ရှိရပါတယ်။ ကိုယ်ဘယ်သွားချင်လဲဆိုတာသိမှ ဘယ်လမ်းက သွားရမယ်၊ ဘာတွေလိုအပ်မယ်ဆိုတာ သိနိုင်တာမဟုတ်လား။ အဲ့ဒီရည်မှန်းချက်ဆိုတာ သာမန်ကာလျှံကာလေး သတ်မှတ်ထားလို့ မရပါဘူး။ SMART ဆိုတဲ့ အချက်(၅)ချက်နဲ့ ပြည့်စုံဖို့ လိုပါတယ်။ Specific တိကျရမယ်၊ Measurable တိုင်းတာလို့ ရရမယ်၊ Attainable ရနိုင်ဖြစ်နိုင်ရမယ်၊ Realistic လက်တွေ့ကျရမယ်၊ နောက်ပြီး Time-bound အချိန်အကန့်အသတ် ပါရမယ်။ ဒါမှ ပြီးပြည့်စုံတဲ့ ရည်မှန်းချက်တစ်ခု ဖြစ်လာပါမယ်။ ကိုယ်ချမှတ်ထားတဲ့ ရည်မှန်းချက်တစ်ခု ပြည့်တယ် မပြည့်ဘူးဆိုတာကို တိုင်းတာဖို့အတွက်တော့ ညွှန်းကိန်းလို့ ခေါ်တဲ့ indicator တွေ လိုအပ်လာပါတယ်။ ဥပမာပြောရရင် အသက်(၄၀)မှာ ဒေါ်လာသန်းကြွယ်သူဌေး ဖြစ်ချင်တဲ့သူတစ်ယောက် သူ့ရည်မှန်းချက်တွေ ပြည့်မပြည့်သိဖို့ဆိုရင် အဲ့ဒီအသက်အရွယ်မှာ ရှိနေတဲ့ သူ့ရဲ့ ဘဏ်စာရင်းက indicator ပဲပေါ့။

(၂)
ဆေးခန်းကို အမျိုးသမီးတစ်ယောက် ရောက်လာပါတယ်။ အသက်က ၄၀ကျော်၊ မွေးထားတဲ့ ကလေးအရေအတွက်က လက်ဆယ်ချောင်းပြည့်တော့မယ်။ အဲ့ဒါနဲ့ ရာဇ၀င်ကို မေးကြည့်တော့ လွန်ခဲ့တဲ့ (၁၀)နှစ်လောက်က သားအိမ်တွင်းထည့်ပစ္စည်း ဆိုတဲ့ ကိုယ်ဝန်တားနည်းတစ်ခုကို သုံးဖူးတယ် တဲ့။ အဲဒီပစ္စည်းထည့်ပြီး သိပ်မကြာဘူး၊ သွေးတွေ အများကြီးဆင်းလာတယ်၊ အဲ့ဒါနဲ့ပဲ ကြောက်လန့်ပြီး ကိုယ့်ဟာကိုယ် ပြန်ဆွဲထုတ်ပစ်လိုက်တယ် တဲ့။ အဲဒီအချိန်ကစပြီး ဒီ ကိုယ်ဝန်တားနည်းတွေဟာ ကြောက်စရာကောင်းတယ်၊ ငါနဲ့မတည့်ဘူး ဆိုတဲ့ အစွဲဝင်သွားပြီး ဘာဆေး၊ ဘာပစ္စည်းမှ မသုံးဘဲနေလိုက်တာ အခု ကလေးတွေအရမ်းများလာပြီး စီးပွါးရေးတွေ ကြပ်တည်းလာတော့မှ ကိုယ်ဝန်ပြန်တားရအောင် ရောက်လာခဲ့တာပေါ့။

သူ့အကြောင်းကို နားထောင်ပြီး ခေါင်းထဲမှာ ဆက်စဉ်းစားနေမိတယ်။ ဒီသားဆက်ခြားနည်းတွေကို ဆောင်ရွက်ပေးနေကြတဲ့ ဆရာဝန်၊ ဆရာမတွေ၊ အဖွဲ့အစည်းတွေမှာ ရည်ရွယ်ချက် ရှိပါတယ်၊ ဘာလဲ တစ်ခွန်းတည်းဖြေ ဆိုရင် လက်ဖက်ရည်ဆိုင်မှာ အလုပ်လုပ်နေကြရတဲ့ ကလေးတွေ နည်းသထက်နည်းလာအောင် ဆောင်ရွက်နေကြတာပါ၊ ရှင်းပါမယ်၊ ဒီသားဆက်ခြားနည်းတွေကို အမျိုးသမီးတွေ ထိထိရောက်ရောက် သုံးစွဲကြတဲ့အတွက် မိခင်သေနှုန်းကျလာမယ်၊ အမျိုးသမီးတွေ စွမ်းဆောင်ရည်မြင့်တက်လာမယ်၊ စီးပွါးရေး၊ ပညာရေး၊ ကျန်းမာရေးအဆင့်အတန်းတွေ တိုးတက်လာမယ်၊ ကလေးသေနှုန်းတွေလည်း ကျလာမယ်၊ နောက်ထပ်တစ်ခါ အဲ့ဒီကလေးတွေ ပညာကို ဆုံးခန်းတိုင်အောင် သင်ယူလာနိုင်မယ်၊ ထပ်တိုးပြီး ပြောရရင် တိုင်းပြည်ရဲ့ အနာဂတ်လှပလာမယ်၊ ဒီလိုရည်ရွယ်ချက်တွေနဲ့ ကျွန်တော်တို့တွေ အလုပ်လုပ်နေကြတာ ဖြစ်ပါတယ်။ အဲ့ဒီရည်မှန်းချက် ပြည့်တယ် မပြည့်ဘူးဆိုတာကို တိုင်းတာမဲ့ indicator တစ်ခုက ဘာလဲဆိုတော့ ဒီသားဆက်ခြားနည်းလမ်းတွေကို သုံးစွဲသွားတဲ့ အမျိုးသမီးအရေအတွက်။ ခုနက အမျိုးသမီးရဲ့ အဖြစ်အပျက်ကို ပြန်စဉ်းစားကြည့်ရင် သားဆက်ခြားနည်းကို သုံးစွဲသွားတဲ့ အမျိုးသမီးစာရင်းမှာ သူ ပါဝင်ပါတယ်၊ ပြောရရင် indicator ပြည့်တယ်ပေါ့။ ဒါပေမဲ့ ကျွန်တော်တို့ရဲ့ တကယ့်ရည်ရွယ်ချက် ပြည့်လားဆိုရင်တော့ အပြတ်ကို ခေါင်းခါရပါလိမ့်မယ်။ တကယ်လို့သာ သူ့ကို ဒီပစ္စည်းစထည့်ကတည်းက ဒီလိုဖြစ်တတ်ကြောင်း၊ စိတ်ပူစရာ မလိုကြောင်း သေချာရှင်းပြခဲ့မယ်ဆိုရင် ဒီလိုဘယ်ဖြစ်လာနိုင်ပါ့မလဲ။

သူကနေ သင်ခန်းစာတစ်ခု ပေးသွားပါတယ်၊ ရည်ရွယ်ချက်တစ်ခု ပြည့်မြောက်ဖို့ ကြိုးစားတဲ့နေရာမှာ ရေရှည်အမြင်ရှိဖို့ လိုပါတယ်။

(၃)
မြန်မာဘောလုံးအသင်း ဆီးဂိမ်းစ်ပြိုင်ပွဲ ၀င်နေတဲ့ ရည်ရွယ်ချက်က ဘာလဲဆိုရင် တိုင်းပြည်ဂုဏ်ကို ဆောင်နိုင်ဖို့ပါ။ ဒီရည်မှန်းချက် ပြည့်တယ် မပြည့်ဘူးကိုတော့ ဆုဖလား ရ မရ နဲ့ တိုင်းတာရပါမယ်။ ဒါဖြင့် ဟုတ်ပြီ၊ ဖလားရရင် ပြီးရော၊ အနိုင်ရရင် ပြီးရောဆိုပြီး ဂိုးကို လက်နဲ့သွင်းမယ်၊ ညစ်ပြီးကစားမယ်၊ ဧရိယာထဲမှာ ဟန်ဆောင်လှဲချပြီး ပယ်နယ်တီယူမယ်၊ ဒီလိုသာ ကစားမယ်ဆိုရင်တော့ ဖလားတော့ ရချင်ရမယ်၊ ဒါပေမဲ့ အားလုံးရဲ့ ၀ိုင်းဝန်းကဲ့ရဲ့အပြစ်တင်ခြင်းကိုတော့ ခံကြရပါလိမ့်မယ်။ ဘာလို့ဆိုတော့ ဘယ်လူ့အဖွဲ့အစည်း၊ ဘယ်ဘာသာ၊ ဘယ်လူမျိုးကမှ မတရားတာကို မချီးကျူး၊ ဂုဏ်မပြုတတ်ကြလို့ပါ။ ဒါဆို ဖလားရခြင်းဆိုတဲ့ indicator တော့ပြည့်ပါရဲ့၊ တကယ့်ရည်မှန်းချက်ဖြစ်တဲ့ တိုင်းပြည်ဂုဏ်ကိုတော့ မဆောင်နိုင်ပါဘူး။

သူတို့က သင်ပေးသွားပါတယ်၊ ရည်မှန်းချက်တစ်ခု ပြည့်မြောက်ဖို့ ကြိုးစားတဲ့နေရာမှာ တရားမျှတဖို့ လိုပါတယ်။

(၄)
အောင်မြင်တဲ့ဆရာဝန်တစ်ယောက် ဖြစ်မဖြစ်ကို တစ်ည လူနာ(၅၀)ဆိုတဲ့ အရေအတွက်နဲ့ တိုင်းတာကြမယ်ဆိုပါစို့။ တစ်ညကို လူနာ အယောက်(၅၀)မပြည့်ပြည့်အောင် ကြည့်မယ်၊ အဲ့ဒီအခါ တစ်ယောက် တစ်ယောက်ကို အချိန်သေချာမပေးနိုင်တော့ဘူး၊ အာရုံမစိုက်နိုင်တော့ဘူး၊ သူ့ရဲ့ အရည်အသွေးက ကျလာတယ်။ ကြာလာတဲ့အခါ လူနာလည်း တဖြည်းဖြည်းနည်းလာမယ်၊ သူ့ရဲ့ ရည်မှန်းချက်နဲ့လည်း တဖြည်းဖြည်း ဝေးဝေးလာပါတယ်။

ဒီဆရာဝန်က သင်ပေးသွားပါတယ်၊ ရည်မှန်းချက်တစ်ခု ပြည့်မြောက်ဖို့ ကြိုးစားတဲ့နေရာမှာ အရည်အသွေးကိုလည်း မေ့ထားလို့ မရပါဘူး။

(၅)
နိုင်ငံတစ်နိုင်ငံမှာ အမျိုးသမီးအခွင့်အရေး ရ မရကို လွှတ်တော်အမတ်တွေအားလုံးရဲ့ ဘယ်လောက်ရာခိုင်နှုန်းက အမျိုးသမီးတွေဖြစ်နေသလဲ ဆိုတဲ့ indicator နဲ့ တိုင်းတာပြောဆိုလေ့ ရှိကြပါတယ်။ ဘာကိုရည်ရွယ်တာလဲဆိုတော့ အမျိုးသမီးတွေရဲ့ အခွင့်အရေးနဲ့ ဆုံးဖြတ်ပိုင်ခွင့်တွေ ရလာစေဖို့၊ အမျိုးသမီးတွေကို ပိုမိုကာကွယ်နိုင်စေဖို့ပေါ့။ ဟုတ်ပါပြီ၊ နှစ်ပေါင်းများစွာ အမျိုးသမီးတွေကို ဖိနှိပ်ခဲ့တဲ့ နိုင်ငံတစ်ခုကို စဉ်းစားကြည့်ရအောင်၊ ဒီလိုနိုင်ငံတစ်ခုမှာ အမျိုးသမီးတွေရဲ့ စွမ်းဆောင်ရည်ဟာ နိမ့်ကျနေတတ်ပါတယ်၊ ဘာလို့ဆိုတော့ မွေးကတည်းက ဖိနှိပ်ခံခဲ့ရတာကိုး။ သူတို့အားလုံးရဲ့ စိတ်ထဲမှာ အငုံ့စိတ်တွေ ၀င်နေတယ်၊ ငါတို့က အားနည်းတယ်၊ ဒါတွေ ငါတို့မလုပ်နိုင်ဘူး ဆိုတဲ့ စိတ်တွေ လွှမ်းမိုးနေတယ်။ ဒီလိုအနေအထားမျိုးမှာ သူတို့ရဲ့ အရည်အချင်းတွေကို မြှင့်မပေးသေးဘဲနဲ့ indicator ပြည့်ရင် ပြီးရော၊ ရုတ်တရက်ကြီး လွှတ်တော်ထဲကို ဆွဲခေါ်လာမယ်ဆိုရင် အမျိုးသမီးတွေအတွက် အကျိုးမရှိသလို၊ တိုင်းပြည်အတွက်လည်း အရမ်းနစ်နာပါတယ်။

ဒီအမျိုးသမီးတွေက သင်ပေးသွားပါတယ်၊ ရည်မှန်းချက်တစ်ခု ပြည့်မြောက်ဖို့ ကြိုးစားတဲ့နေရာမှာ အခြေခံကျဖို့ လက်တွေ့ကျဖို့ လိုပါတယ်။

(၆)
ခင်ဗျားတို့ရဲ့ ရည်မှန်းချက်က ဘာလဲလို့ အစိုးရဘက်ကိုပဲ မေးမေး၊ အတိုက်အခံတွေ မီဒီယာတွေကိုပဲ မေးမေး၊ ဖြေကြပါလိမ့်မယ်၊ ကမ္ဘာက ငေးကြည့်ရတဲ့ ဒီမိုကရေစီနိုင်ငံကြီးကို တည်ထောင်ဖို့ပေါ့လို့။ ဒီရည်မှန်းချက် ပြည့်မပြည့် သိဖို့တော့ indicatorတွေ လိုလာပါတယ်။ မဟုတ်ရင် ဒီဘက်က ဒီမိုကရေစီရပြီ လို့ ပြောနေတဲ့အချိန်မှာ တစ်ဖက်က အချိန်မရွေး နောက်ကြောင်းပြန်လှည့်သွားနိုင်တယ်လို့ ပြောနေကြမှာပေါ့။ အဲဒီထဲမှာ ဘာတွေပါလာမလဲ ဆို၇င် ရွေးကောက်ပွဲတွေ ဘယ်လောက်လွတ်လပ်တယ်၊ တရားမျှတတယ်၊ အခြေခံဥပဒေက ဘယ်လောက်ဒီမိုကရေစီနည်းကျတယ်၊ တပ်မတော်ရဲ့ အနေအထားက ဘယ်လိုရှိတယ် စသဖြင့် ဒါတွေပါလာပါမယ်။ အခု အရမ်းဟော့နေတဲ့ အခြေခံဥပဒေကိစ္စမှာဆိုလည်း တချို့က ပြင်မယ်ဆို ဖာရာ(၂၀၀)လောက် ဖြစ်နေမှာ၊ ဒီလို ဖာရာတွေ အများကြီးနဲ့ ပုဆိုးကိုဝတ်ပြီး ပွဲတက်မဲ့အစား အသစ်ဝယ်လိုက်တာကမှ ပိုကောင်းဦးမယ်လို့ ပြောနေကြသလို၊ တချို့ကလည်း ဒီလိုအခြေခံဥပဒေတစ်ခု ပေါ်ပေါက်လာဖို့ အချိ်န်တွေအများကြီးပေးရတယ်၊ နိုင်ငံတစ်နိုင်ငံရဲ့ အခြေခံအုတ်မြစ်လည်းဖြစ်လို့ အရမ်းအရေးကြီးတယ်၊ အဲဒီလောက် လွယ်လွယ်ကူကူလေး အသစ်ပြန်ရေးလိုက်လို့ မရဘူးဆိုပြီး ပြောနေကြပြန်တယ်။ ကျွန်တော်လိုပါမွှားကတော့ ဒီdebate ကြီးထဲမှာ ၀င်ပါဖို့ အကြောင်း လုံးဝမရှိပါဘူး။ တစ်ခုလေးပါပဲ၊ ဘာလဲဆိုတော့ အခြေခံဥပဒေဆိုတဲ့ indicator နောက်ကို လိုက်ရင်း၊ ဆွေးနွေးကြ ငြင်းခုန်ကြ သဘောထားတွေ ကွဲလွဲကြရင်း ကမ္ဘာက ငေးကြည့်ရတဲ့ ဒီမိုကရေစီနိုင်ငံတစ်ခုအဖြစ် ရပ်တည်နိုင်ဖို့ ဆိုတဲံ တကယ့်မူလရည်မှန်းချက်ကို မေ့မသွားကြစေချင်ဘူး၊ မျက်ခြည်မပြတ်သွားစေချင်ဘူး၊ အနှောင့်အယှက် ဖြစ်မသွားစေချင်ပါဘူး။

(၇)
ကျွန်တော်တို့မြန်မာအသင်း ချန်ပီယံဖြစ်ဖို့ဆိုရင် ပြိုင်ဘက်အသင်းထက် အနည်းဆုံးတစ်ဂိုးတော့ ပိုသွင်းနိုင်ဖို့ လိုပါတယ်၊ ဒါပေမဲ့ အဲ့ဒီကျွန်တော်တို့ သွင်းလိုက်တဲ့ အနိုင်ဂိုးဟာ..
ရေရှည်အမြင်ရှိရပါမယ်၊
တရားမျှတရပါမယ်၊
အရည်အသွေးပြည့်ဝရပါမယ်၊
နောက်ပြီး
လက်တွေ့လည်းကျ၊ အခြေခံလည်းကျရပါမယ်။

အဲဒါကမှ တကယ့်အနိုင်ဂိုးပဲ ဖြစ်ပါတယ်။

By  
Phio Thiha