ကျနော်ချစ်တဲ့ နိုင်ငံ.....။

နှစ်ပေါင်း (၁၀၀) လောက် ကျွန်ဖြစ်ခဲ့ပြီးတဲ့နောက်မှာမှ
နောက်ထပ်အနှစ်(၆၀)လောက် စစ်ဒဏ်သင့်ခဲ့လို့
တစ်ကိုယ်လုံး ဒဏ်ရာအမာရွတ်တွေ ဗလပွနဲ့ဖြစ်နေတာတောင်
အခုချိန်ထိ အနာဖေးမကွာနိုင် အသားနုမတက်နိုင်သေးပဲ
နောက်ဆုံးထွက်သက်အထိ ဓါးကိုင်သွားကြတော့မလားလို့
နေသူမပြောနဲ့ မြင်သူကြားသူတိုင်း စိတ်ပူနေရလောက်အောင် စုတ်ခြာနေတဲ့နိုင်ငံ


ပြည်သူတစ်သိန်းကျော်လောက် ပြေးလွှားပုန်းအောင်း
ပြည်သူ(၃) သန်းလောက်က သူများနိုင်ငံမှာ ခေါင်းထိုးကျွန်ခံ
ကျန်သူတွေက ငတ်မွတ်ပိန်လှီပြီး အစာအိမ်ဟောင်းလောင်းနဲ့
အခုမှ အပြေးအလွှား နွားနို့တိုက်နေရလောက်အောင် စုတ်ခြာနေတဲ့နိုင်ငံ

ဘာပဲဖြစ်ဖြစ်.....ဒီနိုင်ငံကိုပဲ ကျနော်ချစ်တယ်။

တစ်တိုင်းပြည်လုံး မျှော်လင့်ချက်မဲ့၊ လားရာမဲ့ဖြစ်နေရင်း
ကမ္ဘာမကြေသီချင်းကို အဓိပါယ်အမျိုးမျိုးနဲ့ သီဆိုရင်း
တစ်တိုင်းပြည်လုံး ဒေါသတွေ အလိပ်လိုက်ထွက်နေရင်း
ဘယ်သူ့ကို အပြစ်တင်ရမှန်းမသိ ဘယ်ကိုဦးတည်ရမှန်းမသိ
အမောင်တောင်မှန်း မြောက်မှန်းမသိ မသိတာတွေသာပေါပြီး
ယောင်တောင်ပေါင်တောင်နဲ့ စုတ်ခြာနေတဲ့နိုင်ငံ

သမီးလေးက (၆) နှစ်အရွယ်နဲ့မလိုက်ဖက်တဲ့ ကျောပိုးအိတ်ကြီးထဲ
စာအုပ်တွေအပြည့်ထည့် ကျောင်းစိမ်းဝတ်စုံလေးနဲ့ ဖိနပ်ဖြူလေးစီးနေချိန်
ကျောင်းမှာ ၀ အောင်ကစားလာခဲ့ ဆရာမကျူရှင်ရောက်မှ စာတတ်အောင်သင်ဆိုတဲ့သူ့အမေရဲ့စကားကို
နားမလည်လို့ မျက်လုံးလေးဝိုင်းပြီး ပြန်ကြည့်နေသလို
ကလေးတွေအားလုံး မျက်လုံးဝိုင်းနေအောင် စုတ်ခြာတဲ့နိုင်ငံ

ဘာပဲဖြစ်ဖြစ်.....ဒီနိုင်ငံကိုပဲ ကျနော်ချစ်တယ်။

တစ်ချို့က ဘာသာရေးကိုချကြွေး တစ်ချို့က ဘာသာရေးအပေါ်ဆီတွေနဲ့  ခပ်ပက်
အားလုံးက မျက်နှာထားတင်းတင်း အဆီတ၀င်းဝင်းဖြစ်နေချိန်
အိုးပွက်အောင် ထင်းတွေထိုးထိုးထည့်ပြီး ဝေတက်လျှံကျချိန်မှာမှ
ဘုန်းကြီးကို လက်ညှိုးတွေ ၀ိုင်းထိုးပြီး တရားခံရှာတဲ့
အင်္ဂုလိမာလရဲ့ လက်ညှိုးစလွယ်  ထောင် သောင်းနဲ့ စုတ်ခြာတဲ့နိုင်ငံ

တစ်ချို့က ထင်းရှူးသေတ္တာတွေဝါး တိရိစ္ဆာန်ပုံတွေပါတဲ့စက္ကူချပ်တွေစား
နေရာအတော်များများမှာ စာအုပ်ဟောင်း ဥပဒေဟောင်း မျက်လုံးဟောင်းများနဲ့ ပြည်တော်သာနေချိန်
တစ်ချို့က မျက်မှန်အသစ် တ၀င့်ဝင့်နဲ့ စာအုပ်အသစ်တွေ တဖျပ်ဖျပ်လှန်ရင်း
တရားစောင့်နတ်သမီးကို ၀တ်ရုံအသစ်ဝတ်ပေးဖို့ ချည်ငင်ဟန်  ဆောင်နေချိန်
ပေးတဲ့လက် ယူတဲ့လက် နှစ်ဖက်လုံးပျော်ပျော်ကြီး ပျောက်နေလောက်အောင် စုတ်ခြာနေတဲ့နိုင်ငံ

 ဘာပဲဖြစ်ဖြစ်.....ဒီနိုင်ငံကိုပဲ ကျနော်ချစ်တယ်။

ဖိုမခြေထောက်ချင်းပွတ်တာ နှုတ်ခမ်းခြင်းနမ်းတာ
ပေါင်ရင်းထိဖော်ထားတာ ချက်အထိ ဟိုက် ထားတာ
သူများစာခိုးချတာ နှုတ်ခမ်းတလန် ပန်းတလန်နဲ့ ရေးထားတွေကိုမှ
အနုပညာလို့ထင်နေတဲ့သူတွေပေါပြီး ငါတစ်လုံးအထင်တွေနဲ့
ငါးဖယ်ကပြောင်းပြန်ဆိုသလို
ပြောင်းပြန်တွေ ဖြစ်ဖြစ်နေလောက်အောင် စုတ်ခြာနေတဲ့နိုင်ငံ

ဘယ်သူ့ကို ယုံကြည်ရမှန်းမသိ ဘာကိုစိတ်ချရမှန်းမသိ ကူရာမဲ့ ကယ်ရာမဲ့ဖြစ်နေတုန်း
ကမ်းမယ်ဆိုတဲ့လက်တွေကို မော်ကြည့်လိုက်တော့ ပဉ္စလက်ဆန်တဲ့ လက်တွေနဲ့
အရိပ်ပြလို့တောင် အကောင်မထင်တတ်ရတဲ့ကြားထဲ
အကောင်နောက်မှာ အရိပ်မဲကြီးတွေ ၀ိုင်းနေတယ်ဆိုလို့
ကြောက်လန့်မှုတွေနဲ့ ဖိစီးပြီး စုတ်ခြာနေတဲ့နိုင်ငံ

 ဘာပဲဖြစ်ဖြစ်.....ဒီနိုင်ငံကိုပဲ ကျနော်ချစ်တယ်။

အရင်တုန်းက တို့ခေတ်ကို ရောက်ရမည်မှာ မလွဲပါဆိုတဲ့ မျှော်လင့်ချက်တွေ
အခိုင်အမာရှိခဲ့တဲ့ ကဗျာဆရာ စန္ဒယားဆရာ အဘိုးအို အခုပန်းလျနေသလို
တို့ခေတ်မှ ရောက်ပါတော့မလားဆိုတဲ့
သံသယတွေနဲ့ေ၀၀ါး စိတ်ခြောက်ခြားဖွယ်ရာ
 အထိတ်တလန့်နဲ့ အတိမ်းအစောင်း မခံနိုင်တော့ဘဲ
ယိုင်တိယိုင်ထိုး လမ်းလျှောက်နေရသလို စုတ်ခြာနေတဲ့နိုင်ငံ

ကျနော်တို့က လှည်းလမ်းကြောင်းလျှောက် ကန်ရေသောက် မြက်ခြောက်စား
ဒါပေမယ့် ကျနော် မမီခဲ့တဲ့ ဘိုးဘွားဘီဘင်ကအစ ကျနော့်သမီးလေးအထိ  ဒီနိုင်ငံမှာ
အရိပ်ခို အစာစား အသက်ရှင်ခွင့်ရခဲ့တာကြောင့်
ဘာပဲဖြစ်ဖြစ်.....ဒီနိုင်ငံကိုပဲ ကျနော်ချစ်တယ်။........။
တန်ဖိုးထားတယ်........။
တစ်ချိန်တည်းမှာပဲ ဒေါသထွက်တယ်။ စိတ်တိုတယ်။


ပြီးတော့.....သနားတယ်......။

 https://www.facebook.com/notes/soe-min/%E1%80%80%E1%80%BA%E1%80%B1%E1%80%94%E1%80%AC%E1%80%B9%E1%80%81%E1%80%BA%E1%80%85%E1%80%B9%E1%80%90%E1%80%B2%E1%80%B7-%E1%80%94%E1%80%AD%E1%80%AF%E1%80%B9%E1%80%84%E1%80%B9%E1%80%84%E1%80%B6/295857130551854 မှကူးယူဖော်ပြပါသည်။