ကျွန်တော်ရေးသည့် မောင်ပိုင့်အကြောင်း

 Image may be NSFW.
Clik here to view.

(အပိုင်း ၁)
…………………………..

(၁)
ကိုယ့်အကြောင်းကို ရေးဖို့ဆိုရာမှာ ကျွန်တော် အတော်လေးစဉ်းစားခဲ့ရပါတယ်။ ဘာလို့လဲဆိုရင် ကျွန်တော်က လက်ရှိ တပ်မတော်(လေ)မှာ တာဝန်ထမ်းဆောင်နေတဲ့ စစ်သည်တစ်ဦးဖြစ်နေလို့ပါပဲ။
တပ်မတော်သား တစ်ဦးဖြစ်တာနဲ့အညီ ကန့်သတ်မှုတွေ၊ စောင့်စည်းမှုတွေ၊ ထိန်းချုပ်မှုတွေ ရှိနေတာရော၊ ပြီးတော့ ကျွန်တော်က လွတ်လပ်မဟုတ်တော့တဲ့ အိမ်ထောင်သည်တစ်ယောက် ဖြစ်နေလေပြီ လေ။ ဒီတော့ ကျွန်တော် တစ်ခုခု ဖြစ်ခဲ့ရင် မိသားစု ဘယ်လိုဘ၀ကို ဆက်လက်ရှင်သန်မလဲ ဆိုတဲ့အတွေးရော၊ ဒီနေရာကထွက်ပြီး နောက်တစ်နေရာမှာ ဘာလုပ်မလဲဆိုတဲ့ မရေရာတဲ့ ဘ၀အာမခံချက်မရှိတာကြောင့်ရော၊ ပြီးတော့ ကိုယ့်ကိုထိခိုက်မဲ့ အလုပ်ဖြစ်နိုင်တာကြောင့် စဉ်းစားခဲ့ရတာပါ။
သို့သော်လည်းပဲ ကိုယ့်ကိုယ်ကို ယုံကြည်တယ်။ ကျွန်တော်ဟာ တပ်မတော်ကို ဖြိုခွဲနေသူတစ်ယောက် မဟုတ်သလို တပ်မတော်ရဲ့ အတွင်းရေးတွေကိုဖော်ထုတ်နေသူမဟုတ်ဘူး။ ပြီးတော့ လုံခြုံရေးနဲ့ဆိုင်တဲ့ ကိစ္စ ရပ်တွေကို ကျွန်တော်အများမြင်သာအောင် တင်ပြနေတာမဟုတ်ဘူး။
ဝါသနာ၊ စေတနာအလျှောက် စာလေးတွေရေးတယ်။ ပြုပြင်စရာတာလေးတွေကို မြင်မိလို့ ရေးမိတယ်။ ဒီလောက်ပါပဲ။ ကျွန်တော်ရေးသည့် မောင်ပိုင့်အကြောင်းလို့ ခေါင်းစဉ်တတ်ဖြစ်တာက ကျွန်တော်မှာ စိတ်နှစ်စိတ်ဖြစ်နေတယ်။ တစ်ခုကတော့ စစ်သားစိတ်ပေါ့။ တစ်ခုကတော့ ပြောရရင် စာရေးသူစိတ်ပေါ့။
စာရေးသူစိတ်အရ မိမိရဲ့ ခံစားချက်၊ အတွေးအခေါ်၊ ဘ၀အတွေ့အကြုံတွေကို စာဖတ်သူတွေ သိအောင်၊ ခံစားနိုင်အောင်၊ ကျွန်တော်တို့ဘ၀ထဲက အတွေ့အကြုံတွေကို သင်ခန်းစာယူနိုင်အောင်၊ လိုအပ်တာ လေးတွေ ဖြည့်စွက်နိုင်အောင်၊ ပြီးတော့ လူသားပတ်ဝန်းကျင်၊ ကမ္ဘာလောကပတ်ဝန်းကျင်ကြီးကို သာယာလှပ နိုင်အောင် ရေလောင်းပေါင်းသင်လိုတဲ့ စိတ်လေးရှိနေတဲ့ စာရေးသူ မောင်ပိုင်စိတ်လေးကတစ်ခုပေါ့။
တစ်စိတ်ကတော့ စစ်သားဆိုတဲ့ တာဝန်သိစိတ်အပြင် တစ်ခါတစ်ခါ ပေါင်းသင်းဆက်ဆံရာမှာ မကျေနပ်စိတ်၊ စစ်သားအချင်းချင်းစာနာစိတ်၊ တပ်မတော်အပေါ်ချစ်စိတ်အပြင် မလိုအပ်ပဲ ဇာချဲ့တတ်တဲ့လူတွေ၊ ငါ ဆိုတဲ့ လူတွေနဲ့ တွေ့ထိရတဲ့အခါ မခံချင်စိတ် စတဲ့စိတ်တွေနဲ့ ရှိနေတဲ့ စိတ်တစ်စိတ်ပါပဲ။
ဟုတ်ကဲ့ ကျွန်တော်ရေးတဲ့ မောင်ပိုင့်အကြောင်း ကို ယုံကြည်၊ ရိုးသားစွာ စေတနာဖြင့် ကိုယ့်အကြောင်း ကို ဖွင့်လှစ်ပြမည်ဖြစ်ပါကြောင်း။
 

(၂)
ကျွန်တော်က မိတ္ထီလာမြို့မှာ တာဝန်ထမ်းဆောင်နေတဲ့ စစ်သည်တစ်ဦးပါ။ အမည်ရင်းကတော့ ပြည့်ဖြိုးလှိုင်ပါ။ စစ်တပ်မှာ ရရှိနေတဲ့ အဆင့်ကတော့ အခတကက(အုပ်ခွဲတပ်ကြပ်ကြီး)ပေါ့ ခင်ဗျာ။ အဲရာထူး ကတော့ အထွေထွေပေါ့။ အထွေထွေဆိုတာ အထွေထွေလုပ်ရတယ်လို့ပေါ့နော်။
စစ်မှုထမ်းသက်ကတော့ ၁၃ နှစ် ကျော်ပြီခင်ဗျ။ ပြောရရင်တော့ မနည်းလှတော့ဘူးထင်တယ်။ အင်း ဒီအချိန်မှာတော့ ကျွန်တော်က တပ်မတော်မှာ ဆက်လက်တာဝန်ထမ်းဆောင်လိုစိတ်တော့ မရှိတော့ဘူးဗျ။ အလုပ်တစ်ခုဆိုတာ ၀ါသနာလေးအရင်ပါဦးမ။ ပြီးတော့ အလုပ်မှာ ပျော်ရွှင်ဦးမှလေ။
ကျွန်တော်က ၀ါသနာမပါလှဘူးဗျ။ ပြီးတော့ မပျော်တော့ဘူးလေ။ ထွက်ဖို့ဆိုတာလည်း မဖြစ်နိုင်သေး ဘူးထင်ပါတယ်။ ဘာလို့လဲဆိုရင် ကျွန်တော်ကိုယ်တိုင် ထွက်ခွင့်တင်တာ ၂ ကြိမ်ရှိပြီလေ။ ခုထိတော့ ဆက် လက်တာဝန်ထမ်းဆောင်နေရစဲပါခင်ဗျ။
တပ်မတော်ထဲ ရောက်လာတဲ့အကြောင်းကတော့ ဒုတိယပိုင်း(အပိုင်း ၂) မှာ ဆက်လက် မျှော်ပြီး ဖတ် ပေးကြပါဦးခင်ဗျာ။ ပြီးတော့ ဖြတ်သန်းခဲ့ရတဲ့ တပ်မတော်ထဲက စစ်သားတစ်ဦးရဲ့ ခရီး၊ အတွေ့အကြုံလေးတွေ လေးပါဝင်လာမှာပါ။
တပ်မတော်က သင်ပေးတာတွေအများကြီးပဲ။ ကျွန်တော်ရရှိလိုက်တာတွေလည်း အများကြီးပဲ။ အထူး သဖြင့် ဘ၀တွေကို ပိုသိလာရတယ်။ လူတွေကို (စိတ်)ပိုသိလာရတယ်။ စာနာသူ၊ ဖေးမသူ၊ ရိုင်းပင်းကူညီသူ၊ ဖော်လံဖားသူ၊ အတ္တကြီးသူ အစုံပါပဲ။

ကဲ မိတ်ဆွေအားလုံး အပိုင်း(၂)ကို ဆက်ဖတ်ကြလိမ့်မည်လို့ မျှော်လင့်မိပါတယ်။ နောက်ရက်မှာ ဆက်လက်တင်ပေးပါမည်အကြောင်း။
(မှတ်ချက်။ ကျွန်တော် ဘာမှမဖြစ်သေးဘူးဆိုရင်ပေါ့။ အမှန်တရားကို မြတ်နိုးသူဟာ သူ့ဘ၀ခရီးက မဖြောင့် တန်းတတ်လို့ပါတဲ့။ ကျွန်တော်ကတော့ ကိုယ့်လိပ်ပြာကိုယ်လုံချင်ပါတယ် )

မောင်ပိုင်
၁၇-၁၂-၂၀၁၃— with Khin Soe Lwin and 27 others.