၂၀၁၃ အလွန် ၂၀၁၄ အစ (သို့) ညီညွတ်စေချင်ပါတယ်

သန့်ရှင်းအမတ်လောင်းသေခဲ့ဘူးတယ်

စာမရေးတာကြာလာတဲ့အခါမှာ မသွေးပဲထားတဲ့ ဓါးတစ်စင်းလိုပါပဲ။ နေ့တဓူဝ ဖတ်နေ၊ သိနေ၊ မြင်နေ၊ ကြားနေ ရတာတွေကလည်း စိတ်ချမ်းသာစရာတကွက်မှ မရှိဘူး။ ကျွန်တော်တို့တစ်တွေ ဖဆပလ ခေတ်တုန်းကလို သံသရာတစ်ပတ်ပြန်လည်နေပြီလားဆိုတာ စဉ်းစားစရာဖြစ်နေပြီ။ သမိုင်းကို အားလုံးလဲ သိပြီးသားပါပဲ။ ပျူစောထီးတွေ လက်ချက်နဲ့ ကျွန်တော့်ကြီးတော်ယောကျာ်း သေခဲ့ဘူးတယ်။ သူက အခုအချိန်အထိ ကျွန်တော် နိုင်ငံရေးလုပ်နေတာကို တော်တော် သဘောမကျဖြစ်တယ်။ ဘာကြောင့်လဲဆိုတော့ သူ့ယောကျာ်းက သူ့ရှေ့မှာ သေသွားခဲ့တာကိုး။ သူ့ယောကျာ်းက သန့်ရှင်းအမတ်လောင်းဖြစ်ခဲ့ဘူးတယ်။ မလေးရှားမှာလည်း ကျွန်တော်ကြုံဘူးတယ်။ မဲဆွယ်တာတဲ့ ကျွန်တော်တို့စီးလာတဲ့ကားကို လမ်းမအလည်ခေါင်မှာပိတ်ရပ်ပြီးတား တယ်။ ကျွန်တော်ကတော့ ဓမြတိုက်ပြီထင်တာ။ မဟုတ်ဘူး သူငယ်ချင်းကို မေးကြည့်တော့ ဒီပြည်နယ်က အမတ်ကို မဲထည့်ဖို့ မဲဆွယ်တာတဲ့။ သူငယ်ချင်းဆို ဆဲလိုက်တာ ဘာပြောကောင်းမလဲ။


ကြိုတင်ပြင်ဆင်ထားရမှာတွေ

၂၀၁၃ နှစ်ကုန်လို့ ၂၀၁၄ ကိုရောက်တော့မယ်။ လာမယ့်တစ်နှစ်လုံး လမ်းတွေပေါ်မှာ အလံမျိုးစုံ၊ တံဆိပ်မျိုးစုံ တွေနဲ့ ရွေးကောက်ပွဲမဲဆွယ်စည်းရုံးတာတွေ လာပါတော့မယ်။ နိုင်ငံရေးပါတီတွေအနေနဲ့ ဘာတွေ ပြင်ဆင်ထား ပြီးပြီလဲ။ ရွေးကောက်ပွဲမဲဆွယ်စည်းရုံးမှုတွေနဲ့ အတူ ပုဒ်မ(၁၈) နဲ့ ဆက်ဖမ်းမည့်သူတွေလည်း တန်းစီနေတယ်။ လယ်သိမ်းယာသိမ်းကိစ္စတွေ၊ အလုပ်သမားအခွင့်အရေးနဲ့ပတ်သက်တာတွေ၊ နိုင်ငံရေးသမားအချင်းချင်း စားမာန်ခုတ်မှုတွေ၊ ပါတီတွင်း အမတ်လောင်းရွေးချယ်ပွဲနဲ့ပတ်သက်တဲ့ ပြဿနာတွေဒုနဲ့ဒေး ကြုံတွေ့ရမယ်။ ၂၀၁၃ ဆီးဂိမ်းရဲ့ မျက်နှာပန်းမလှမှုနဲ့အတူ ၂၀၁၄ အာဆီယံဥက္ကဋ္ဌတာဝန်နဲ့ မြန်မာနိုင်ငံကို နိုင်ငံခြားသား အများအပြားဝင်ရောက်လာမှုတွေနဲ့အတူ နိုင်ငံခြားသားတွေအပေါ် အကြမ်းဖက်မှုတွေ၊ ဒုစရိုက်မှု ကျူးလွန်တာ တွေလည်း ကြိုတင်ပြင်ဆင်ထားရမှာတွေဖြစ်တယ်။

လွှတ်တော်ရဲ့အခန်းကဏ္ဍ

ကျွန်တော်တို့ ဘာတွေရွေ့သွားသလဲ ပြန်စဉ်းစားကြည့်ဖို့တော့လိုမယ်။ လွှတ်တော်အနေနဲ့ ဘာတွေလုပ်နိုင်ခဲ့သ လဲ။ အသစ်ပြဋ္ဌာန်းပြီးထားတဲ့ ဥပဒေတွေကို အတည်မပြုခင် အကျိတ်အနယ်မဆွေးနွေးခဲ့ကြလို့ ပုဒ်မ(၁၈) လို ဥပဒေမျိုးနဲ့ လွတ်လပ်စွာဆန္ဒဖော်ထုတ်ခွင့် အချိုးဖောက်ခံရတယ်၊ လယ်ယာမြေဥပဒေ၊ မြေလွတ်မြေရိုင်းဥပဒေ တွေဟာ တောင်သူလယ်သမားဦးကြီးတွေအတွက် အကာအကွယ်မပေးတဲ့အပြင် ၀န်ထုပ်ဝန်ပိုးဖြစ်ခဲ့ရတယ်။ ထိုနည်းတူစွာပဲ အလုပ်သမားအခွင့်အရေးအကာအကွယ်ပေးတဲ့ ဥပဒေတွေကို တိတိကျကျပြဋ္ဌာန်းနိုင်ခြင်း မရှိပဲနဲ့ အလုပ်သမားအဖွဲ့အစည်းဥပဒေလောက်နဲ့ ကျေနပ်နှစ်သိမ့်နေခဲ့ရတယ်။ ဒါတောင်ကံကောင်းလို့ ရပ်ကွက်အုပ်ချုပ်ရေးဥပဒေက ရွေးချယ်တင်မြှောက်မှုစနစ်နဲ့ ကျန်ခဲ့ပေမယ့်၊ မြို့နယ်အုပ်ချုပ်ရေးမှူးတော်တော် များများဟာ သူတို့နဲ့အဆင်ပြေတဲ့သူတွေကိုပဲ ထောက်ခံအားပေးပြီးတော့ အလွမ်းမသင့်ရင် မသင့်သလို ပြဿနာတွေကိုလည်း ၂၀၁၂ နှစ်ကုန် ဒီဇင်ဘာလောက်မှာ ကျွန်တော်တို့ ပြည်သူတွေ အများကြီးခံစားခဲ့ရ တယ်။ လွှတ်တော်နဲ့ပတ်သက်လို့ ပြောစရာတွေ ကျန်နေသေးပေမယ့် စာရှည်မှာစိုးလို့ ဒီလောက်ပါပဲ။

အစိုးရအဖွဲ့အခန်းကဏ္ဍ

အစိုးရအဖွဲ့မှာကော ဘာတွေ ရွေ့သွားသလဲ၊ မြစ်ဆုံဆည်စီမံကိန်းနဲ့ ရခိုင်အရေးမှာ တင်းမာမှုတွေကြားထဲကပဲ ဦးသိန်းစိန်ဟာပြည်တွင်းမှာကော၊ နိုင်ငံတကာမှာကော နာမည်ကောင်းရသွားခဲ့တယ်။ သူ့ရဲ့လမ်းညွှန်မှုနဲ့ ဖွံ့ထောက်ကူလို့ခေါ်တဲ့ အဖွဲ့တွေ ပေါ်လာပေမယ့်လည်း လက်သင့်ရာစားတော်ခေါ်မှုတွေနဲ့ပဲ အရှေ့ကို ရောက်သင့်သလောက် မရောက်ခဲ့ပါဘူး။ သူ့လက်ထက်မှာ ပြည်သူသဘောမကျတဲ့ ပြန်ကြားရေးဝန်ကြီးနဲ့ ဟိုတယ်ခရီးဝန်ကြီးကို ပြတ်ပြတ်သားသားနေရာရွှေ့ပြောင်းမှုလုပ်ခဲ့တာတွေနဲ့ အခြားပြည်သူကြိုက်တွေ လုပ်ခဲ့ပေမယ့်လည်း ပြည်ထဲရေးဝန်ကြီးနဲ့ တခြားပြည်နယ်နဲ့တိုင်းဒေသကြီးဝန်ကြီးချုပ်တွေကို ကောင်းကောင်း မကိုင်တွယ်နိုင်ခဲ့လို့ လက်ပံတောင်းတောင်လိုအရေးအခင်းမျိုးနဲ့ ကြုံတွေ့ခဲ့ရတာဟာ အစိုးရသစ်လက်ထက်မှာ ကော နိုင်ငံတကာအလယ်မှာကော မျက်နှာငယ်ခဲ့ရတယ်။ အပေါ်ကနေ မိန့်ခွန်းတွေနဲ့ လက်ခုပ်တွေနဲ့ ပြုပြင် ပြောင်းလဲရေးတကယ်လုပ်နေပါပြီလို့ ပြောနေပေမယ့်လည်း အောက်ခြေ မြို့နယ်အဆင့်က အုပ်ချုပ်ရေးမှူး တော်တော်များများရဲ့  Mind Set တွေမပြောင်းလဲနိုင်ခဲ့တာတွေ၊ မြို့နယ်တော်တော်များများမှာ မြေစာရင်းဦးစီး မှူးတွေနဲ့မြို့နယ်အုပ်ချုပ်ရေးမှူးတွေပေါင်းပြီး တောင်သူတွေရဲ့လယ်တွေကို အဓမ္မသိမ်း၊ ခရိုနီတွေလက် ထဲကို ရောင်းစားနေခဲ့ကြပြီးမှ အခုလို ဥပဒေအသစ်တွေထွက်ပေါ်လာတဲ့အခါမှာ ခြေမကိုင်မိ၊ လက်မကိုင်မိ ဖြစ်ကုန်တာတွေကို ကြည့်လိုက်ရင် အစိုးရအသစ်သက်တမ်း (၃) နှစ်ပြည့်ခါနီးမှာ အစိုးရအဖွဲ့အနေနဲ့ ရွေ့သင့် သလောက်မရွေ့ခဲ့ဘူးဆိုတာ သိသာထင်ရှားလွန်းပါတယ်။

တရားရေးမဏ္ဍိုင်ဘာတွေပြောင်းဖို့လိုလဲ

တရားရေးမဏ္ဏိုင်ကိုကြည့်ရအောင် ကျွန်တော်တို့နိုင်ငံမှာ အာဏာရှင်စနစ်နဲ့အတူ၊ အခွင့်ထူးခံစနစ်တွေ၊ လာဘ်ပေးလာဘ်ယူမှုတွေ၊ ငွေများငွေနိုင်ခေတ်တွေနဲ့ နေလာခဲ့ကြရတော့ တရားရေးစနစ်ဟာ ပြည်သူလူထု ယုံကြည်မှုကင်းမဲ့တဲ့ အနေအထားကနေ တဖြည်းဖြည်း ယုတ်လျော့လာနေတယ်။ ရှေ့နေအချို့ဆိုရင် ပြစ်မှုထက် တရားမမှုမျိုးကိုပဲ လိုက်ချင်ကြတာများတယ်။ ဘာကြောင့်လဲဆိုတော့ ပိုက်ဆံပိုရတယ်လေ။ အမှုတော်တော်များများကို ကြည့်လိုက်ရင် တရားသူကြီးတော်တော်များများကနေ လာဘ်ယူပြီး မတရား အမိန့်ချမှုတွေဟာ မြန်မာနိုင်ငံရဲ့ မြို့ပေါင်း ၃၃၀ လောက်မှာ ၇၅ ရာခိုင်နှုန်းကျော်ကျော်လောက်ရှိပါမယ်။ သုတေသနစစ်တမ်းမဟုတ်ပေမယ့်  ခန့်မှန်းကြည့်လိုက်တာပါ။ ပြည်သူတွေအနေနဲ့ တရားရုံးတွေကို အယုံအကြည်မရှိတော့တာတွေ၊ ရဲတွေကို အယုံအကြည်မရှိတော့တာတွေက ဒီမိုကရေစီပြုပြင်ပြောင်းလဲစ ပြုနေတဲ့နိုင်ငံတွေအတွက် တရားဥပဒေစိုးမိုးရေးပြဿနာဟာ စိန်ခေါ်မှုတစ်ခုအဖြစ်ရှိနေပါတယ်။ ဒါကြောင့် ကျွန်တော်တို့အနေနဲ့ တရားရေးစနစ်တွေကို ပြန်လည်လေ့လာသုံးသပ်ပြီး သုတေသနလုပ်ဖို့လိုနေပါတယ်။ ဒီမိုကရေစီစနစ်နဲ့အညီတရားစီရင်ရေးစနစ်တွေကိုလည်း ပြုပြင်ပြောင်းလဲဖို့လိုနေပါပြီ။

မီဒီယာတွေရဲ့အခန်းကဏ္ဍ

မီဒီယာတွေအားကောင်းလာပြီဆိုပေမယ့် အ၀ါရောင်စာမျက်နှာတွေအားကောင်းလာတာဟာလည်း ကောင်းမွန်တဲ့ လက္ခဏာမဟုတ်ပါဘူး။ ၀မ်းရေးကြောင့်အလုပ်လုပ်နေရတဲ့ မီဒီယာလောကသားတွေ များနေတာကလည်း သတင်းစာတွေရဲ့အဆင့်အတန်း၊ သတင်းတွေရဲ့အဆင့်အတန်းကို လွန်စွာထိခိုက်ပါ တယ်။ ကိုယ်တွေ့ကြုံတာပါ။ ပြီးခဲ့တဲ့ရက်အနည်းငယ်က မကွေးမြို့မှာပြုလုပ်ခဲ့တဲ့ ချောက်ရေနံမြေအရေးတော် ပုံသပိတ်ကြီး စိန်ရတုအခမ်းအနားကို ရောက်ခဲ့ပါတယ်။ ကျင်းပတဲ့အချိန်က နံနက် (၁၀) နာရီပါ။ အဖွဲ့အစည်း အသီးသီးရဲ့ ကိုယ်စားလှယ်တွေ တက်ရောက်ခဲ့တယ်။ အဖွဲ့အစည်းအသီးသီးရဲ့ သ၀ဏ်လွှာတွေကိုလည်း ဖတ်ကြတယ်။ အဲဒီ့မှာ Weekly Eleven က အောင်သူငြိမ်းရေးလိုက်တာထဲမှာ သတင်းကမှားနေတယ်။ အဲဒီ့မှာ သတင်းသမားတယောက်ရဲ့ တာဝန်ယူမှု၊ တာဝန်ခံမှုက ဘာလဲဆိုတာ မေးခွန်းထုတ်စရာဖြစ်နေတယ်။ သူရေးထားတာက အဖွဲ့အစည်းတစ်ခုရဲ့ သ၀ဏ်လွှာထဲမှာ မပါတဲ့အကြောင်းအရာကို ပါတယ်ဆိုပြီး ရေးသွားတာပါ။ ကျွန်တော်တချိန်လုံးရှိနေပါတယ်။ တကယ်ဆိုရင် အခမ်းအနားမှူးတွေဆီမှာ သ၀ဏ်လွှာတွေကို ဓာတ်ပုံရိုက်ခွင့်၊ မိတ္တူကူးခွင့်ပေးပါတယ်။ အဲဒီ့သတင်းအတွက် သတင်းထောက်က ဘယ်လောက်ရတယ်ဆိုတာ မသိပါဘူး။ သတင်းထောက်ရဲ့သတင်းကိုကော တာဝန်ခံအယ်ဒီတာအနေနဲ့ ဘာကြောင့်မစီစစ်ရတာလဲ။ အဆင့်တိုင်းမှာ တာဝန်ယူမှု၊ တာဝန်ခံမှုတွေ အဲသလိုပဲ မသိလိုက်ဘာသာဖြစ်နေ မယ်ဆိုရင် ကျွန်တော်တို့တစ်တွေ လိုအပ်နေတဲ့ လိုချင်နေတဲ့ မီဒီယာလွတ်လပ်ခွင့်ဆိုတာ အဲသလို ဗရမ်းဗတာ လွတ်လပ်ခွင့်မျိုးလားဆိုတာ သေချာဝေဖန်ဆန်းစစ် စဉ်းစားဖို့လိုနေပါပြီ။ ဟော့ရှော့ဂျာနယ်ကြီးတစ်ခုက ရေးသားနေတဲ့သူတွေကိုတော့ မပြောချင်ပါဘူး။ အခုလိုအချိန်မျိုးမှာ ဂျာနယ်ကျော်ဦးချစ်မောင်ကြီးများ ရှိနေရင် အားလုံးကို ပြုံးပြုံးကြီးပဲ ထိုင်ကြည့်နေမလား ဒါမှမဟုတ် တူမောင်တို့လိုချင်တဲ့ မီဒီယာလွတ်လပ်ခွင့်ဆိုတာ အဲဒါကြီးလားလို့ မေးမလားပဲ။ ဂျာနယ်ရောင်းကောင်းရုံလောက်နဲ့တော့ မီဒီယာလောကထဲမှာ ရေရှည်ရပ်တည်ဖို့ မလွယ်ပါဘူး။ ဆိုတော့ မီဒီယာအဆင့်အတန်းကိုလိုချင်ရင် မီဒီယာလောကသားတွေဟာ တစ်ဦးနဲ့တစ်ဦး၊ တစ်ဖွဲ့နဲ့တစ်ဖွဲ့ တိုက်ခိုက်မနေကြပဲ အချင်းချင်းအပြန်အလှန်ထိန်းကျောင်းခြင်းနဲ့ပဲ စတုတ္ထမဏ္ဍိုင်ကို သေသေချာချာခိုင်ခိုင်မာမာလျှောက်လှမ်းကြဖို့ တိုက်တွန်းပါတယ်။

နိုင်ငံရေးပါတီတွေရဲ့အခန်းကဏ္ဍ

အထက်ကပြောခဲ့သလိုပါပဲ နိုင်ငံရေးပါတီတိုင်းမှာ ပါတီရဲ့ဖွဲ့စည်းပုံတွေ၊ စည်းမျဉ်းတွေ၊ မူဝါဒတွေ ရှိကြစမြဲပါ။ ၂၀၁၄ ထဲမှာတော့ ရွေးကောက်ပွဲအတွက်မဲဆွယ်စည်းရုံးရမယ့်ကာလတွေပါပဲ။ စည်းရုံးရေးလုပ်ငန်းစဉ်တွေနဲ့ အတူ ပဋိပက္ခဖြစ်မှုတွေ၊ ပွတ်တိုက်မှုတွေမဖြစ်ဖို့ ဆုတောင်းတယ်။ အခုလိုအချိန်မှာ နိုင်ငံရေးပါတီတွေအနေနဲ့ ပြည်သူလူထုအကျိုးကိုတကယ်အလုပ်လုပ်မယ့်အမတ်လောင်းတွေကို သေသေချာချာရွေးထားဖို့လိုနေပါပြီ။ လွှတ်တော်ထဲမှာ ဒီမိုကရက်တွေအားကောင်းဖို့အတွက် ပြောရဲ၊ဆိုရဲရှိတဲ့၊ အရည်အချင်းရှိတဲ့ ပြည်သူလူထုက တကယ်လေးစားတဲ့၊ အားကျတဲ့ အမတ်လောင်းတွေကို ရွေးထားဖို့လိုနေပါပြီ။ ရွေးချယ်တဲ့အခါမှာလည်း ပါတီတွင်း ပဋိပက္ခမဖြစ်အောင် မိတ်ဖက်ပါတီတွေရဲ့ မဲဆန္ဒနယ်တွေထဲမှာ ၀င်ပြိုင်သင့်၊ မပြိုင်သင့် အစရှိတဲ့ အချက်သေးသေးလေးတွေကအစ ပေါ်လစီကောင်းကောင်းရှိဖို့လိုနေပြီ။ နောက်တချက်ကလည်း အရွေးမခံရခင် အခြေအနေနဲ့၊ အရွေးခံရပြီးနောက်ပိုင်းမှာ အစိုးရဖွဲ့ကြမယ်ဆိုရင် သေချာတာတစ်ခုကတော့ လက်ရှိမြန်မာနိုင်ငံရဲ့ အစိုးရစနစ်အရ ပြည်ထောင်စုအဆင့်နဲ့ ပြည်နယ်၊ တိုင်းအဆင့်တွေအတွက်ပါ အစိုးရအဖွဲ့ဝင်တွေ လျာထားဖို့လိုပြီ။ အစိုးရအဖွဲ့ဝင် ၀န်ကြီးတစ်ယောက်ရဲ့ တာဝန်တွေ၊ လုပ်ပိုင်ခွင့်တွေကို လည်း လေ့လာထားဖို့လိုနေပြီ။ အရွေးကောက်ခံပြီးမှ ၀န်ကြီးဖြစ်သွားမှ ထမင်းတနပ်လျှော့စားကြကွာဆိုတဲ့ အပြောမျိုးတွေ မပြောမိဖို့လည်း ကြိုတင်ပြင်ဆင်ထားဖို့လိုနေပါပြီ။ ဒီထက်မကလိုအပ်တာတွေလည်း ရှိနေဦးမှာ ပါ။ ကျွန်တော့်အမြင်သေးသေးလေးနဲ့ ချပြကြည့်တာပါ။ နိုင်ငံရေးပါတီတွေအနေနဲ့ အရွေးကောက်မခံရရင် လည်း ပြည်သူ့အကျိုးပြုလုပ်ငန်းတွေ ဆက်မလုပ်တော့ဘူးလား၊ လုပ်ဦးမှာလားဆိုတာကလည်း ကြိုတင် ပေါ်လစီရှိရမယ်။ ပြဿနာက နိုင်ငံရေးမှာ သာကူးတွေများလွန်းလို့ပါ။ နိုင်ငံရေးဆိုတာ ခံယူချက်၊ ယုံကြည်ချက် တွေနဲ့အလုပ်လုပ်ကြတယ်ဆိုတာ ယေဘုယျအားဖြင့်သိထားတယ်။ ကြံ့ခိုင်ရေးပါတီအနေနဲ့လည်း သူတို့ပါတီရဲ့ ခံယူချက်တွေ၊ ယုံကြည်ချက်တွေရှိမှာပါပဲ။ ဒီလိုပဲ NLD ပါတီအပါအ၀င် အခြားအခြားသောပါတီတွေမှာလည်း သူတို့တွေရဲ့ နိုင်ငံရေးခံယူချက်တွေ၊ ယုံကြည်ချက်တွေရှိမှာပါပဲ။ အဲဒီမှာ နိုင်ငံရေးပါတီတွေရွေးကောက်ပွဲဝင် ကြလို့ လွှတ်တော်ထဲရောက်၊ လွှတ်တော်မှတဆင့်အစိုးရအဖွဲ့တွေဖွဲ့ကြတဲ့အခါမှာ နိုင်ငံ့အရေးအရာတွေကို အစိုးရအဖွဲ့အနေနဲ့လုပ်ကြကိုင်ကြရတော့မယ်ဆိုရင် အစိုးရအဖွဲ့ကောင်း၊ မကောင်းကို ပြည်သူလူထုကပဲ နောက်ဆုံးအဆုံးအဖြတ်ပေးသွားမှာပါ ပဲ။ ဘာကြောင့်လဲဆိုတော့ အခြေခံဥပဒေအရ အာဏာဆိုတာ ပြည်သူ့ဆီကနေစီးဆင်းတာပါ။

တက်ကြွလှုပ်ရှားသူများရဲ့အခန်းကဏ္ဍ

ဒါကတော့ရှင်းပါတယ်။ အခွင့်အရေးတွေချိုးဖောက်ခံရမှုတွေရှိနေသေးသရွေ့ ဒီမိုကရေစီအစိုးရဆိုလည်း တက်ကြွလှုပ်ရှားသူတွေရှိနေမှာပါပဲ။ လယ်သမားက လယ်သမားအခွင့်အရေးတောင်းမယ်၊ အလုပ်သမားက အလုပ်သမားအခွင့်အရေးတောင်းမယ်၊ ကျောင်းသားက ကျောင်းသားအခွင့်အရေးတောင်းမယ်။ ၀န်ထမ်းက လည်း ၀န်ထမ်းအခွင့်အရေးတောင်းမယ်။ လူဆိုတာမွေးရာပါပါလာတဲ့အခွင့်အရေးတွေရှိတယ်။ လူဆိုတာ အခွင့်အရေးဆာလောင်တတ်တဲ့ သတ္တ၀ါတစ်မျိုးပဲ၊ ဒါကြောင့် မီးမလာရင်ဆန္ဒပြမယ်၊ ကားခဈေးတက်ရင် ဆန္ဒပြမယ်၊ ကုန်ဈေးနှုန်းတက်ရင် ဆန္ဒပြမယ်၊ ဆန္ဒပြမှုတွေတိုင်းကို ငြိမ်းချမ်းစွာ စေ့စပ်ဆွေးနွေး နည်းလမ်း ရှာပြီး ဖြေရှင်းပေးရမှာကတော့ အစိုးရတာဝန်ပဲ။ မဖြေရှင်းပေးနိုင်တဲ့အစိုးရကဆင်းပေးရလိမ့်မယ်။ ဒါကြောင့် တက်ကြွလှုပ်ရှားသူတွေကတော့ ရှိနေမှာပဲ။ တက်ကြွလှုပ်ရှားသူတွေအနေနဲ့ကတော့ မကျေနပ်ရင် ဆန္ဒပြမယ် ဆိုတာထက်မပိုပါဘူး။ ဒါကလည်း စော်ကားတဲ့စိတ်နဲ့ပြောတာမဟုတ်ပါဘူး။ ပြည်သူလူထုကိုယ်စား ဆန္ဒဖော် ထုတ်ပေးရမှာပါပဲ။ ဒါပေမယ့် ရလာဒ်က အရေးကြီးပါတယ်။ ဆန္ဒဖော်ထုတ်တိုင်းလည်း ပြဿနာတွေက ပြေလည်သွားနိုင်သလားဆိုတာကိုလည်း ဆန္ဒပြမှုအရေအတွက်၊ တာဝန်ရှိသူကလုပ်ဆောင်ပေးနိုင်မှုအရေ အတွက် အစရှိတာတွေကိုလည်း ချိန်ထိုးဖို့လိုပါတယ်။ တက်ကြွလှုပ်ရှားသူတွေအဆင့်ကနေ မဏ္ဍိုင်တစ်ခုခုကို အချိန်မရွေးစောင့်ကြည့်ထိန်းကျောင်းရေးဆိုတဲ့ ဘက်ကို ပိုမိုပါလာရင် မဏ္ဍိုင်အရွေ့တွေမှာ အားပိုကောင်းသွား နိုင်တယ်။ ဥပမာ လွှတ်တော်၊ တရားရေး၊ အုပ်ချုပ်ရေးနဲ့ ရွေးကောက်ပွဲတွေကို စောင့်ကြည့်လေ့လာတဲ့ လုပ်ငန်း စဉ်မျိုးတွေထဲမှာ ပါဝင်လာတာမျိုး၊ ဒါမှမဟုတ် ငြိမ်းချမ်းရေး၊ အပြန်အလှန်ယုံကြည်မှုတည်ဆောက်ရေး၊ ပြည်သူတွေအတွက် မြို့အလိုက်၊ ရွာအလိုက် ပြည်သူတွေရင်ဖွင့်စရာနေရာလေးတခု လူထုအမှန်တကယ် ခံစားနေရတဲ့ဒုက္ခတွေကို သက်ဆိုင်ရာတာဝန်ရှိသူတွေသိစေဖို့၊ ပြဿနာတိုင်းကို ပူးပေါင်းဖြေရှင်းတတ်တဲ့ အလေ့အထတစ်ခုရလာအောင် ပြည်သူတွေကို အလေ့အကျင့်ပေးဖို့ အလုပ်တွေမှာ ပူးပေါင်းပါဝင်လာခဲ့ရင် သိပ်ကိုကောင်းမွန်ပြည့်စုံတဲ့ အရွေ့တစ်ခုဟာ ရွေ့လာမယ်လို့ ယုံကြည်တယ်။

နိဂုံးအနေနဲ့တော့ ကျွန်တော်တို့နိုင်ငံဟာ အာဏာရှင်စနစ်ကနေ ဒီမိုကရေစီစနစ်ကို အသွင်ကူးပြောင်းစဲကာလ မှာ အစိုးရ၊ လွှတ်တော်၊ တရားရေး၊ မီဒီယာ၊ တက်ကြွလှုပ်ရှားသူများ၊ အရပ်ဘက်လူ့အဖွဲ့အစည်းများနဲ့ ပြည်သူလူထုဆိုတဲ့ မဏ္ဍိုင်ကြီးတွေသာ ပွတ်တိုက်မှုမရှိပဲ ဟန်ချက်ညီညီ ပူးပေါင်းလုပ်ကိုင်ဆောင်ရွက်သွားကြ ရင် ကျွန်တော်ယုံကြည်ပါတယ်။ နှစ်အနည်းငယ်အတွင်း တိုင်းပြည်ဟာ အမှန်တကယ်ဖွံ့ဖြိုးတိုးတက်လာမှာပါ။
အဲလိုမှမဟုတ်ရင်တော့ ရွှေပြည်တော်ကြီး မျှော်တိုင်းဝေးနေပါဦးမယ်။

လေးစားစွာဖြင့်

ထက်အောင်

(၁၉.၁၂.၂၀၁၃၊ ညနေ ၄း၂၂)