မြန်မာ-အမေရိကန် ဆက်ဆံရေး တစ်ခေတ်ဆန်းလာစေသည့် ရှေ့တော်ပြေးမှာ ဂျွန်ယက်တော ဖြစ်သည်။ မစ်စူရီပြည်နယ်မှ အသက် ၅၃ ခုနှစ်ရှိ ယက်တောသည် ဗီယက်နမ် စစ်ပြန်တစ်ဦး ဖြစ်သည်။ ၂ဝဝ၉ ခုနှစ်၊ မေလတွင် သူသည် အင်းလျားကန် ကို ဖြတ်ကူးလျက် ဒေါ်အောင်ဆန်းစုကြည်အား ကယ်တင်ရန် ဘုရားသခင်၏ စေလွှတ်ချက်အရဆိုကာ ဒီမိုကရေစီခေါင်းဆောင် အိမ်သို့ ရောက်သွားခဲ့သည်။
ဒီမိုကရေစီခေါင်းဆောင်အား ခေါင်းမြီးခြုံစေပြီး တိုင်းပြည်မှ ခိုးထုတ်သွားရန် ကြံစည်ခဲ့သည်ဟု သူက ဆိုသည်။ ၎င်း၏ စိတ်ရူးပေါက် လုပ်ဆောင်မှုကြောင့် နေအိမ်အကျယ်ချုပ် ကန့်သတ်ချက်များကို ချိုးဖောက်သည်ဆိုကာ ဒေါ်အောင်ဆန်းစုကြည်၏ အကျယ်ချုပ် ကာလ တိုးမြှင့်ခံရသည်။ယက်တောလည်း ထောင်ဒဏ်စီရင်ခြင်းခံရသည်။ သို့သော်၎င်းအား အင်းစိန်ထောင်သို့ မပို့ဘဲ အမေရိကန် လွှတ်တော်အမတ် ဂျင်ဝဘ်နှင့် အတူ အမေရိကန်သို့ ပြန်ခွင့်ပြုလိုက်သည်။
ယင်းသို့ ယက်တောအား လွှတ်ပေးလိုက်ခြင်းသည် မြန်မာနိုင်ငံက အမေရိကန်နှင့် ဆက်ဆံရေး တိုးတက်စေရန် ကြိုးပမ်း ခဲ့သော ခြေလှမ်းများ အနက်တစ်ခု ဖြစ်သည်။ ထိုခြေလှမ်းသည် ထိရောက်သော ကြိုးပမ်းချက် ဖြစ်ခဲ့သည်။
ရန်ကုန်၊ ဝါရှင်တန်နှင့် အရှေ့တောင်အာရှတစ်လွှားမှ သံတမန် များအား မေးမြန်းချက်များအရ လည်းကောင်း၊ ဝီကီလိခ် မှ ပေါက် ကြားလာသော အချက်အလက်များအရလည်းကောင်း မြန်မာ-အမေရိကန် ဆက်ဆံရေး ကောင်းမွန်လာစေရန် နှစ်ဖက်စလုံးက အိုဘာမား သမ္မတ တာဝန်ယူသည့်အချိန်တွင် စတင် ကြိုးပမ်းလာသည်ကို တွေ့ရသည်။
ယက်တော၏ အဖြစ်အပျက်က ယင်းသို့ ကြိုးပမ်းမှုများကို နောက်တစ်ဆင့်သို့ ဆွဲတင်ပေးလိုက်ခြင်း ဖြစ်သည်။ တရုတ်၏ နိုင်ငံ အပေါ် ကြီးမားစွာ သြဇာသက်ရောက်လာခြင်းကို မြန်မာဗိုလ်ချုပ်များက မနှစ်မြို့ နိုင်တော့သည့်အချိန်လည်း ဖြစ်သည်။ ထိုစဉ်က အင်ဒိုနီးရှား နိုင်ငံခြားရေးဝန်ကြီး မာတီနာတာလီဂါဝါ- Marty Natalegawa သည် မြန်မာ-အာဆီယံ ဆက်ဆံရေး တာဝန်ခံ အဖြစ် ဆောင်ရွက်နေသည်။ မြန်မာဘက်မှ ချေငံ လိုက်လျောသော အပြုအမူကို ဝါရှင်တန်က အပြုသဘော တုံ့ပြန်လိုက် သည်။ ယင်းသို့ဖြင့် အမေရိကန် နိုင်ငံခြားရေးဝန်ကြီး ဟီလာရီကလင်တန် သည် ၂ဝ၁၁ ခုနှစ် ဒီဇင်ဘာလ အစောပိုင်းတွင် မြန်မာနိုင်ငံ သို့ ရောက်လာသည်။
သို့ရာတွင် မြန်မာနိုင်ငံသည် အမှန်တကယ် ပြောင်းလဲပါမည် လားဆိုသည့် မေးခွန်းကို အမေရိကန် အပါအဝင် အပြည်ပြည်ဆိုင်ရာ အသိုင်းအဝိုင်းက မဖြေဆိုနိုင်သေးပေ။ စစ်အစိုးရသည် ၂ဝ၁ဝခု ရွေးကောက်ပွဲဖြင့် အရပ်သားအသွင် ပြောင်းခဲ့သော် လည်း ကောင်း ပင်ကောင်းလျက်နှင့် နောက်သို့ တွန့်ဆုတ်သွားသော အကြိမ်ပေါင်းမနည်းလှသည်မို့ မယုံရဲကြသေး။ လျှို့ဝှက်သိပ်သည်း လွန်းသော မြန်မာအစိုးရသည် ပိတ်ထား သော တံခါးများနောက်ကွယ်တွင် မည်သို့ကြံစည်လုပ်ကိုင်နေ သည်ကိုလည်း မသိနိုင်ကြ။
မြန်မာအစိုးရသည် ဒေါ်အောင်ဆန်းစုကြည် ဦးဆောင်သော ဒီမိုကရေစီ အင်အားစုများကို မည်မျှ အတိုင်းအတာအထိ နိုင်ငံရေး တွင်ဝင်ဆန့်စေမည်နည်းဆိုသည့် အမေး၏အဖြေကိုလည်း မည်သူမျှမသိကြ။ အာဏာရပါတီအတွင်း တစ်ယောက်တစ်ပေါက်ဖြစ်နေ သည့်အတွက် အမေရိကန်အစိုးရက စိုးရိမ်မကင်း ဖြစ်ရသည်။ နောက်ပြန် ဆွဲလိုသူများ အာဏာရပါတီအတွင်း ရှိနေသည်က အမှန်ပင်ဖြစ်သည်။
ဦးသိန်းစိန် ခေါင်းဆောင်သော ပြုပြင်ပြောင်းလဲရေး အုပ်စုကို အမေရိကန်နှင့် အနောက်နိုင်ငံများက အားပေးနေရသော်လည်း တယူသန်သမားများ၏ နောက်ပြန်ဆွဲရန် ကြိုးစားမှုကို စိုးရိမ်နေရဆဲ ဖြစ်သည်။
အနောက်နိုင်ငံများနှင့် ပူးပေါင်းဆောင်ရွက်ခြင်းဖြင့်ရရ
ှိသော စီးပွားရေး တိုးတက်မှုများသည် ပြုပြင်ပြောင်းလဲရေး အုပ်စုကို ပိုမို ခိုင်မာစေမည်ဟု အမေရိကန်အစိုးရက မျှော်လင့်ထားသည်။ တစ်ဖက်တွင် တရုတ်က ငွေကြေး၊ နည်းပညာ အကူအညီ တို့ဖြင့် မြန်မာနိုင်ငံကို ၎င်း၏ သြဇာနယ်ပယ်ထဲတွင် ထိန်းထားရန် ကြိုးစားသည်။ ဟီလာရီကလင်တန် မြန်မာနိုင်ငံသို့ လာရောက်ခြင်းကို တန်ပြန်သည့်အနေဖြင့် တရုတ်နိုင်ငံတော်ကောင်စီဝင် ဒိုင်ဘင်ဂူး- Dai Bingguo မြန်မာနိုင်ငံသို့ ရောက်လာပြီး သူနှင့်အတူ ရက်ရောသော ကမ်းလှမ်းချက်များ ပါလာသည်။ နှစ်ပေါင်းနှစ်ဆယ်ကျော်မျှ အတိုက်အခံတို့နှင့် အဆက်အသွယ် မလုပ်ခဲ့သော တရုတ်သည် ဒေါ်အောင်ဆန်းစုကြည်အား ဆက်သွယ်လာသည်။
အာဆီယံ ကျားကွက်
၂ဝဝ၉ ခုနှစ်အစပိုင်းတွင် အိုဘားမားအစိုးရသည် ¤င်း ၏ မဟာဗျူဟာဆုံချက်ကို အာရှတိုက်သို့ ရွှေ့လာသည်။ ထောင်စု နှစ်လွန် ဆယ်စုနှစ်တွင် အီရတ်နှင့် အာဖဂန်၌ အမေရိကန်သည် အစ္စလာမ်အစွန်းရောက်များနှင့် နပန်းလုံးနေခဲ့ရသည်။ အာရှတိုက် ကို အာရုံမထားနိုင်ခဲ့။ ယင်းသို့ အမေရိကန် အလုပ်ရှုပ်နေခိုက် တရုတ်သည် ငွေကြေးအလုံးအရင်း ဖြင့် အာရှတိုက်တွင် သြဇာလွှမ်းမိုး လာသည်။
အနောက်နိုင်ငံများ၏ စီးပွားရေးနှင့် ရင်နှီးမြုပ်နှံမှု ပိတ်ဆို့မှုများကြောင့် မြန်မာနိုင်ငံသည် တရုတ်မှတစ်ပါး အားထားရာမရှိ ဖြစ်ခဲ့ သည်။ အမေရိကန်ဘက်မှ လိုလိုလားလားရှိလာသည့်အတွက် မြန်မာနိုင်ငံကို အာဆီယံလမ်း ကြောင်းပေါ်သို့ ဆွဲတင်ရန် အခြေ အနေကောင်းအဖြစ် အာဆီယံနိုင်ငံများကယူဆသည်။ တရုတ်၏ သြဇာနယ်ပယ်အတွင်းမှ မြန်မာနိုင်ငံကို ဆွဲထုတ်ရန် အခွင့်ကောင်း ဖြစ်သည်။
နိုင်ငံရေးနှင့် စီးပွားရေး ပြုပြင်ပြောင်းလဲမှုများ ပြုလုပ်ရန် ဝိုင်းဝန်းအားပေးကြခြင်းဖြင့် အမေရိကန်သည် ၎င်း၏ ပိတ်ဆို့ထားမှု များကို လျှော့ချလာမည်ဟု အာဆီ ယံက သဘောပေါက်ထားသည်။
မြန်မာနိုင်ငံအပေါ် ပိတ်ဆို့အရေးယူခြင်းသည် အကျိုးမထူးသည်ကို အမေရိကန်က သဘော ပေါက်စ ပြုလာသည်။ မြန်မာနိုင်ငံ နှင့် ဆက်ဆံရေး ပြန်လည်ပျိုး ထောင်ခြင်းသည်သာလျှင် အဖြစ် သင့်ဆုံး နည်းလမ်း ဖြစ်သည်ကို လည်း အမေရိကန်က သိမြင်လာ သည်။ မြန်မာနိုင်ငံကို အရာသွင်း ဆက်ဆံခြင်းဖြင့် တရုတ်၏ တစ် ဟုန်ထိုး မြင့်တက်လာနေသည့် သြ ဇာကို ဟန့်တားနိုင်မည်ဟု အမေ ရိကန်နှင့် အာဆီယံနိုင်ငံများက ယူဆသည်။ ထိုရွှေ့ကွက်သည် မြန်မာနိုင်ငံ၏ ပြုပြင်ပြောင်းလဲရေး လမ်းကြောင်း ကို ဖြောင့်ဖြူးေ ၏စခဲ့ သည်။
အမေရိကန် အစိုးရ အရာရှိတစ်ဦးက ''ပိတ်ဆို့ခြင်း ပေါ်လစီဟာ အလုပ်မဖြစ်ဘူး ဆိုတာကို ကျွန်တော်တို့ ခါးသည်းစွာ အသိ အမှတ်ပြု လိုက်တယ်။ ပိတ် ဆို့ကန့်သတ်ခြင်းကြောင့် အမေရိကန်ဟာ နောက်ကျန်နေခဲ့ရတယ်''ဟု ပြောသည်။
သံသယ ဝင်္ကပါ
မြန်မာနိုင်ငံကို ဗြိတိသျှ တို့ အပြီးအပိုင် မသိမ်းပိုက်မီ ၁၈၈၅ ခုမတိုင်မီကတည်းက အ နောက်နိုင်ငံများအပေါ် မြန်မာတို့၏ သံသယ စိတ်သည် သန္ဓေတည်ခဲ့သည်ဟု ဆိုနိုင်သည်။ ထိုသံသယ ဝင်္ကဘာအတွင်းမှ မြန်မာသည် ရုန်းမထွက်နိုင်သည်မှာ လွန်ခဲ့ သောနှစ် များအထိ ဖြစ်သည်။
ဗြိတိသျှစစ်တပ်များသည် မြစ်ကြောင်းအတိုင်း ဆန်တက်လာပြီး သီပေါဘုရင်နှင့် မိသားစုကို ကြက်ကလေး၊ ငှက်ကလေး ဖမ်းသ လို ဖမ်းသွားသည်ကို စစ်ဗိုလ်ချုပ် များသည် မမေ့နိုင်ကြသေး။ အနှစ် တစ်ရာကျော်ကြာသည့်တိုင် စွဲစွဲ ထင်ထင်ရှိနေဆဲ။ ထို့ကြောင့်ပင် နာဂစ်မုန်တိုင်းလွန် ကာလတွင် အ မေရိကန်တပ်များ ကယ်ဆယ်ရေး လုပ်ရန်ကို ငြင်းပယ်ခဲ့ခြင်း ဖြစ် သည်။ သံသယဝင်္ကပါထဲတွင် တဝဲ လည်လည်ဖြစ်နေသော ဗိုလ်ချုပ် များကို မနည်းဆွဲထုတ်ရမည်။
လူပေါင်း တစ်သိန်းခွဲနီးပါး အသက်ဆုံးခဲ့ရသော နာဂစ်မုန်တိုင်းကြောင့် မြန်မာဗိုလ်ချုပ်များသည် ပြည်ပအကူအညီများကို မတတ် သာဘဲ ယူခဲ့ရသည်။ အမေရိကန်ထံမှ ဒေါ်လာ သန်းလေး ဆယ်ကျော်ဖိုး အကူအညီများကို လက်ခံခဲ့သည်။
မြန်မာ့ရေးရာ ကျွမ်းကျင် သူ သန့်မြင့်ဦးက ''နာဂစ်ဟာ (အာဏာပိုင်များ၏) စိတ်ဓာတ်အခံကို ပြောင်းလဲစေတဲ့ အရေးပါတဲ့ အဖြစ် အပျက်လို့ ယူဆရတယ်။ နိုင်ငံခြား အကူအညီတွေကို တံခါးဖွင့်ပေးမယ်၊ နိုင်ငံခြားသားတွေနဲ့ ဆက်ဆံမယ်၊ ဒါလေးလောက်နဲ့တော့ ကမ္ဘာ ပျက်မသွားနိုင်ဘူးဆိုတာ နေပြည် တော်က သဘောပေါက်သွားပုံရ တယ်''ဟု ပြောသည်။
အိုဘားမား သမ္မတာဝန်ယူပြီးခါစ ၂ဝဝ၉ ခုနှစ် ဇန်နဝါရီလတွင် အမေရိကန်၏ မြန်မာနိုင်ငံဆိုင်ရာ ပေါ်လစီကို ပြန်လည်သုံးသပ် သည်။ ယက်တော လွတ်မြောက်ရေးအတွက် ဆီနေတာ ဂျိမ်းဝဘ်သည် မြန်မာနိုင်ငံသို့ ၂ဝဝ၉ ခုနှစ်၊ သြဂုတ်လတွင် ရောက်လာ သည်။ သူက ဗိုလ်ချုပ်မှူးကြီးသန်းရွှေနှင့်
တွေ့ဆုံရန် မတောင်းဆိုခဲ့။ သို့စဉ်တိုင် ဗိုလ်ချုပ်မှူးကြီးသန်းရွှေနှင့်
တွေ့ဆုံရန် မြန်မာ ဘက် က ကမ်းလှမ်းလာသည်။
ထိုစဉ်က မည်သည့် အမေရိကန်အရာရှိမျှ ဗိုလ်ချုပ်မှူးကြီးအား မတွေ့ဆုံဖူးသေးပေ။ ဗိုလ်ချုပ်မှူးကြီးသည် အမေရိကန် နှင့် ဆက်ဆံရေး ကောင်းမွန်စေရန်အခွင့်အလမ်းစောင
့်နေသည်မှာအတော်ပင်ကြာခဲ့ပြီဟုစ
စ်တပ်အသိုင်းအဝိုင်းနှင့် နီးစပ်သော ဆောက် လုပ်ရေး လုပ်ငန်းရှင် တစ်ဦးက ပြောပြသည်။ အမေရိကန် နှင့် ဆက်ဆံရေးကောင်းမွန်စေရန် တရုတ်ကပင် တိုက်တွန်းနေသော အချိန် ဖြစ်သည်။ အနောက်နိုင်ငံများနှင့် ကူးလူးဆက်ဆံခြင်းဖြင့် မြန်မာနိုင်ငံ၏ စီးပွားရေး၊ နိုင်ငံရေး အခြေအနေ ကောင်းမွန်လာပြီး တိုင်းပြည်တည်ငြိမ်စေရန် တရုတ်က မျှော်လင့်ဟန်တူသည်။ အချိန်မရွေး ပေါက်ကွဲနိုင်သည့် မြန်မာ နိုင်ငံအခြေအနေကို တရုတ်က မလိုလားပေ။ ပြည်တွင်း ပဋိပက္ခများသည် အစိုးရ အပြောင်းအလဲ ဖြစ်စေနိုင်သည်။ ယင်းသို့ ဖြစ်ပျက်လာလျှင် တရုတ်က ဗိုလ်ချုပ် များနှင့် စည်းဝါးရိုက် ဆောင်ရွက် နေသည့် စီမံကိန်းကြီးများ ရေစုန် မျောကုန်နိုင်သည်။
မြန်မာနိုင်ငံသည် အမေရိကန်နှင့် ဆက်ဆံရေး တိုးတက်လိုကြောင်း ပြတ်သားသော သတင်းစကားကို လွှတ်တော်အမတ် ဂျိမ်း ဝဘ်မှတစ်ဆင့် ပါးလိုသဖြင့် ဗိုလ်ချုပ်မှူးကြီးနှင့် တွေ့ဆုံစေခြင်းဖြစ်ကြောင်း ရန်ကုန်မြို့ရှိ အမေရိကန် သံရုံးက ကောက်ချက်ချခဲ့ သည်။
၂ဝဝ၉ ခုနှစ်၊ သြဂုတ်လ ၁၄ ရက်နေ့၊ နေပြည်တော်တွင် ဂျိမ်းဝဘ်သည် အမေရိကန် သံအရာရှိများ လိုက်ပါလျက် ဗိုလ်ချုပ် မှူးကြီးသန်းရွှေနှင့် တွေ့ဆုံသည်။ ဗိုလ်ချုပ်မှူးကြီးနှင့် တပ်မတော်အရာရှိများသည် ဂျင်ဝဘ်အား လက်ခံတွေ့ဆုံရာတွင် စိတ်လက် ပေါ့ပါးစွာ ပြောဆိုဆက်ဆံကြသည်။
သမ္မတ ထရူးမင်း ပြောဆိုခဲ့သော စကားတစ်ခုကို ဂျင်ဝဘ် က ပြက်လုံးတစ်ခုအနေဖြင့် ပြောဆိုသည်ကို အားလုံးက ကောင်းစွာ နားလည်ကြသည်။ ထိုစကားမှာ- ''နိုင်ငံရေးမှာ သစ္စာရှိတဲ့မိတ်ဆွေ ဆိုလို့ ခွေးပဲရှိမယ်''။
အထူးသံခန့် ခြင်း
အမေရိကန်သည် မြန်မာနိုင်ငံအတွက် မဟာဗျူဟာအရ အရေးပါကြောင်းကို ဂျင်ဝဘ်က ဗိုလ်ချုပ်မှူးကြီးအား ပြောပြသည်။ မြန် မာနိုင်ငံသည် အမေရိကန်နှင့် ဆက်ဆံရေးကို ပြန်လည်စတင်လို ကြောင်း ဗိုလ်ချုပ်မှူးကြီးက ပြော သည်။
အမေရိကန် နိုင်ငံဆိုင်ရာ မြန်မာနိုင်ငံ သံအမတ်ကြီးအဖြစ် တာဝန်ထမ်းဆောင်ဖူးသော ဦးသောင်းအား အထူးသံအဖြစ် ခန့်အပ် မည် ဖြစ်ကြောင်း ဗိုလ်ချုပ်မှူးကြီး၏ အဆိုပြုချက်ကို ဂျင်ဝဘ် က အံ့အားသင့်စွာ လက်ခံလိုက် သည်။
စက်တင်ဘာ ၁၉ ရက် နေ့တွင် အထူးသံ ဦးသောင်းသည် အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကတ်ကင်ဘဲလ်နှင့် နယူးယောက် မြို့တွင် တွေ့ဆုံသည်။ အမေရိကန် နိုင်ငံခြားရေး အရာထမ်းတစ်ဦးက ''ဦးသောင်းဟာ နှစ်နိုင်ငံ ဆက်ဆံရေးကို စိတ်မဝင်စားတဲ့ အပြင် ဆက်ဆံရေး တိုးတက်မှာကို မလိုလားတဲ့ လူလည်း ဖြစ်တယ်''ဟု ဆိုသည်။
ယင်းသို့နှင့် နှစ်နိုင်ငံ ဆက်ဆံရေးမှာ မတင်မကျ ဖြစ်ရသည်။ ''မြန်မာဘက်က မထုံတက် တေးလုပ်တော့ ခက်ကုန်တာပေါ့။ ကျွန်တော်တို့ကတော့ ရတဲ့ အခွင့် အရေးကို ယူဖို့ ဆုံးဖြတ်ထားတယ်''ဟု အိုဘားမား၏ အကြံပေးအရာရှိ ဘန်ရုဒ်က ဆိုသည်။
ကန့်သတ်ပိတ်ဆို့မှု၏ရလဒ် ကန့်သတ်ပိတ်ဆို့မှုများသည် လိုချင်သော ရလဒ်ကို မပေးနိုင်ဟု အမေရိကန် အရာရှိပိုင်းက လက်ခံလာ သည်။ ရလဒ် ထွက်လာရမည့်အစား စိတ်အနှောင့်အယှက် ဖြစ်စရာ ဖြစ်နေသည်။
၁၉၈၈ ခုနှစ် လူထုအုံကြွမှုကို စစ်တပ်က ရက်ရက်စက်စက် ဖြိုခွင်းပြီးနောက် အမေရိကန်က မြန်မာနိုင်ငံအပေါ် ပိတ်ဆို့ ကန့်သတ်မှု များ ချမှတ်လိုက်သည်။ ၁၉၉၇ ခုနှစ်တွင် မြန်မာ နိုင်ငံတွင် အမေရိကန် ရင်းနှီးမြုပ်နှံ မှုများကို တားမြစ်ပြီး ပိတ်ဆို့မှုများ ထပ်မံချ မှတ်သည်။ ၂ဝဝ၃ ခုနှစ် တွင် မြန်မာနိုင်ငံမှ သွင်းကုန်များကို တားမြစ်ပိတ်ပင်သည်။ ရွှေဝါ ရောင်တော်လှန်ရေးကို ဖြိုခွင်းခံရ သည့်အခါ မြန်မာအစိုးရနှင့် ခရိုနီများ၏ နိုင်ငံရပ်ခြား ပိုင်ဆိုင်မှုများကို စာရင်းသေအဖြစ် ပိတ်ဆို့ လိုက်သည်။ ¤င်းတို့၏ မိသားစုဝင် များကို အမေရိကန် ဗီဇာ မထုတ် ပေးရန် ကန့်သတ်လိုက်သည်။
ဗီဇာကန့်သတ်ခြင်းသည် ပစ်မှတ်ကို တိုက်ရိုက်ထိမှန်ခဲ့ပုံရ သည်။
အစိုးရနှင့် နီးစပ်သော ဆောက်လုပ်ရေး လုပ်ငန်းရှင်တစ်ဦးက အမေရိကန် သံအရာရှိအား ''ဂျင်ဝဘ် ပြန်သွားပြီးနောက် နှစ် နိုင်ငံ ဆက်ဆံရေး ချက်ချင်းကောင်း လာမယ်လို့ အစိုးရပိုင်းက မျှော်လင့်မထားဘူး။ ဒါပေမဲ့ သူတို့ရဲ့ ကလေးတွေ အမေရိကန်မှာ ပညာ သင်နိုင်ဖို့ ဗီဇာအခွင့်အရေးကိုတော့ မျှော်လင့်နေကြတယ်''ဟု ပြောသည်။ တရုတ်အပေါ်တွင် လုံးလုံးလျားလျား မီခိုနေရခြင်း ကို မြန်မာ အစိုးရက မနှစ်မြို့ဟု ထိုလုပ်ငန်းရှင်က ပြောပြသည်။
အနောက်နိုင်ငံများမှ ကုန်ပစ္စည်းနှင့် ရင်းနှီးမြုပ်နှံမှုတို့ ကန့်သတ်ခြင်းခံရသည့်အခါ တရုတ်ကုန်ပစ္စည်းနှင့် ရင်းနှီးမြုပ်နှံမှုတွှို သည် မြန်မာနိုင်ငံအတွင်းသို့ အလုံးအရင်းနှင့် ဝင်ရောက်ခဲ့သည်။ တရုတ်နိုင်ငံသား အများအပြား သည် မန္တလေးတွင် ရောက်နေကြ သည်။ ထို့ကြောင့် မန္တလေးသားတို့ ဆိုရိုးစကားတစ်ခုမှာ ''တရုတ်က တံထွေးထွေးလိုက်ရင်၊ မန္တလေး သားတွေ ရေကူးနေရမယ်''ဟူလို။
တရုတ်လွှမ်းမိုးကြီးစိုးလာ ခြင်းအပေါ် မကျေနပ်မှုများသည် တိုင်းပြည်အတွင်း ကြီးထွားလာ သည်။
ပေါက်ဖော်ကြီး ခံတွင်းပျက်လာခြင်း
၂ဝဝ၈ ခုနှစ် ဇန်နဝါရီလတစ်ရက်တွင် ရန်ကုန်မြို့ အမေရိကန်သံရုံး ယာယီတာဝန်ခံ ရှာရီ ဗီလာရိုဇာက တရုတ်သံအမတ်ကြီး ဂွမ်မူး အား နေ့လယ်စာဖြင့် တည်ခင်းသည်။ ယင်းသို့ ဧည့်ခံပြီးနောက် သံရုံး ယာယီတာဝန်ခံက ဝါရှင်တန်သို့ လျှို့ဝှက်ကြေးနန်း တစ်စောင်ဖြင့် အစီရင်ခံ တင်ပြခဲ့ သည်။
မြန်မာနိုင်ငံ၏ ပြုပြင် ပြောင်းလဲမှုဖြစ်စဉ် တုံ့နှေးနေခြင်း ကို တရုတ်က ခံတွင်းမတွေ့တော့။ မြန်မာအစိုးရက တုံ့နှေးနေခြင်းအ ပေါ် တရုတ်က စိတ်ပျက်ငြီးငွေ့နေ ပြီဖြစ်ကြောင်း အမေရိကန်သံရုံး ယာယီတာဝန်ခံက ဝါရှင်တန်သို့ အစီရင်ခံသည်။ ထိုအစီရင်ခံစာ သည် ဝီကီလိခ်မှတစ်ဆင့် အပြင် သို့ ပေါက်ကြားသွားသည်။
မြန်မာနိုင်ငံတွင် ဆူပူ အကြမ်းဖက်မှုများ ဖြစ်လာပါက တရုတ်၏ ရင်းနှီးမြုပ်နှံထားမှုများ ပျက်စီးဆုံးရှုံးရမည်ကို တရုတ်က စိုး ရိမ်နေကြောင်း၊ ထို့ကြောင့် အမေ ရိကန်၏ ချဉ်းကပ်မှုလမ်းကြောင်း ကို တရုတ်က လက်ခံကြောင်း အဆိုပါအစီရင်ခံစာတွင် ဖော်ပြ ထားသည်။ စစ်ခေါင်းဆောင်များ၏ အသက်အိုးအိမ်၊ စည်းစိမ်ကို အာမခံချက်ပေးနိုင်မည်ဆိုပါက ၎င်းတို့အနေဖြင့် အာဏာ ကို ဖြည်း ဖြည်း ချင်း လွှဲပြောင်းပေးရန်မှာ ဖြစ်နိုင်ကြောင်းဖြင့် တရုတ်သံအ မတ်က ပြောဆိုသည်ဟုလည်း ဖော်ပြထားသည်။
၂ဝ၁ဝ ရွေးကောက်ပွဲအပြီးတွင် ဦးသိန်းစိန် ခေါင်းဆောင် သော အစိုးရသစ်တက်လာသည်။ ထိုအခါတွင် တရုတ်တို့ ရတက် မအေး စရာ အဖြစ်အပျက်များ ဖြစ်ပွားလာသည်။ ကချင်ပြည်နယ်မြောက်ပိုင်း မြစ်ဆုံဆည် တည်ဆောက်ရေးလုပ်ငန်းကို ကချင် လွတ်မြောက်ရေးတပ်က ဝင် ရောက်တိုက်ခိုက်သဖြင့် တရုတ် အလုပ်သမား ၂ဝဝ ထွက်ပြေးရ သည်။
မြန်မာပြည်၏ အသက် သွေးကြောသဖွယ်ဖြစ်သော ဧရာဝတီမြစ် ခန်းခြောက်သွားမည့် အခြေအနေကြောင့် တစ်ပြည်လုံး ဆူပွက်ဆန္ဒပြကြသည်။ သုံးလ အကြာတွင် သမ္မတဦးသိန်းစိန်က မြစ်ဆုံစီမံကိန်းကို၎င်း၏ သမ္မတ သက်တမ်းကာလတွင် ရပ်ဆိုင်း ထားမည်ဖြစ်ကြောင်း ကြေညာ သည်။
အောက်ခြေလူတန်းစားများ၏ အုံကြွဆန္ဒပြမှုကို အစိုးရက လိုက်လျောပေးလိုက်ခြင်း ဖြစ်သ ဖြင့် မြန်မာနိုင်ငံသည် အမှန်တ ကယ် ပြုပြင်ပြောင်းလဲနေပြီ ဆိုသည်ကို သက်သေပြလိုက်ခြင်း ဖြစ် သည်။ အိုဘားမားနှင့် သူ၏ အကြံ ပေးများက မြန်မာနိုင်ငံသည် အ မှန်တကယ် ပြောင်းလဲနေပြီဆို သည့် အချက်ကို လက်ခံလိုက်ကြ သည်။
''ပြည်သူတွေရဲ့ စိုးရိမ် ကြောင့်ကြမှုကို အစိုးရက နားလည်လက်ခံလိုက်တဲ့ သဘောပဲ။ ပြည်သူတွေရဲ့ အလိုဆန္ဒကို အစိုးရ လိုက်လျောရမယ်ဆိုတဲ့ ဒီမိုကရေစီ အခြေခံကို လက်ခံတယ်လို့ ပြသလိုက်တာပဲ''ဟု အိုဘားမား၏ အကြံပေးအရာရှိ ဘန်ရုဒ်က သတင်းထောက်ကို ပြောသည်။
အာဆီယံ ဥက္ကဋ္ဌ
၂ဝ၁၂ ခုနှစ် အာရှ-ပစိဖိတ် ထိပ်သီးအစည်းအဝေးသို့ အိုဘားမား တက်ရောက်ရန် ရှိနေသည်။ ထိုအစည်းအဝေးတွင် အာ ဆီယံကဆွေးနွေးရန်ဘာသာရပ်တစ်ခုမှ
ာ ၂ဝ၁၄ ခုနှစ်တွင် မြမာနိုန်နင်ငံအား အာဆီယံဥက္ကဋ္ဌအဖြစ် ဆောင်ရွက်ခွင့်ပြုရေး ဖြစ် သည်။ အင်ဒိုနီးရှားနိုင်ငံခြားရေးဝန်
ကြီး မာတီနာတာလီဂါဝါသည် အာဆီယံနှင့် မြန်မာဆက်ဆံရေး တာဝန်ခံ အဖြစ် ဆောင်ရွက်နေ သည်။
မြန်မာနိုင်ငံသည် အာဆီယံဥက္ကဋ္ဌအဖြစ် ဆောင်ရွက်ခြင်းဖြင့် အပြည်ပြည်ဆိုင်ရာ၏ အသိအမှတ်ပြုမှုကို ရမည်ဖြစ်သည်။ အသိအမှတ်ပြုမှုကို မြန်မာနိုင်ငံက အာသီသပြင်းပြနေသည်။ ထိုအချက်ကို အသုံးပြုလျက် မြန်မာနိုင်ငံ ၏ ပြုပြင်ပြောင်းလဲရေးဖြစ် စဉ်ကို အရှိန်အဟုန်မြှင့်ပေးရန် နာတာလီ ဂါဝါက ဆုံးဖြတ်လိုက်သည်။
သမ္မတဦးသိန်းစ်ိန်သည် အိုဘားမားနှင့် ဘာလီအစည်း အဝေး၏ သီးခြားအစီအစဉ်အနေ ဖြင့် တွေ့ဆုံရန် ရှိနေသည်။ အမေ ရိကန် က အထူးသတိထားရသည်။ ကန့်သတ်ပိတ်ဆို့မှုများကို လျှော့ချမပေးဘဲ မြန်မာနှင့် ဆက်ဆံရသည်မှာ အထူးသတိထား ရသော ဆောင် ရွက်ချက် ဖြစ်သည်။ ပြုပြင် ပြောင်းလဲရေး အမှန်တကယ် လုပ် နေပါသည်ဆိုသော အချက်ကို မြန် မာနိုင်ငံဘက်က အထောက်အ ထား ခိုင်လုံစွာ ပြသရန် လိုအပ်နေ သည်။
မြန်မာနိုင်ငံ၏ ပြုပြင် ပြောင်းလဲရေး ဖြစ်စဉ်သည် အာဆီယံအတွက် များစွာအရေးပါသည်။ ဆယ်နိုင်ငံပါဝင်သော အာဆီယံ အဖွဲ့၏ ဒေသအတွင်း လူဦးရေ သန်းခြောက်ရာရှိပြီး တစ်နှစ် အသားတင်ထုတ်လုပ်မှု တန်ဖိုး ၁.၅ ထရီလျံရှိသည်။ ၂ဝ၁၅ ခုနှစ် သို့ရောက်သည့်အခါ ဥရောပသမဂ္ဂကဲ့သို့ ပေါင်းစည်းထားသည့် စီးပွားရေးဒေသတစ်ခု ဖြစ်လာရန် ရည်မှန်းထားသည်။ မြန်မာနိုင်ငံ ၏ ပြုပြင်ပြောင်းလဲရေးသည် နောက် ကျနေပါက ပေါင်းစည်းသည့်အခါ အခက်အခဲများစွာ ရှိလာမည် ဖြစ် သည်။
အောက်တိုဘာလနှောင်း ပိုင်းတွင် အင်ဒိုနီးရှား နိုင်ငံခြားရေး ဝန်ကြီး နာတာလီဂါဝါသည် သမ္မတ ဦးသိန်းစိန်အား နေပြည်တော် တွင် သွားရောက်တွေ့ဆုံသည်။
မင်းနေပြည်တော်
နေပြည်တော် ဆိုသည့် အဓိပ္ပာယ်မှာ ထီးနန်းစိုက်ရာ မြို့တော်ဟူ၍ ဖြစ်သည်။ သမ္မတအိမ်တော်နှင့် လွှတ်တော် အဆောက် အအုံတို့သို့ သွားရောက်ရာတွင် မုခ်ဦးများကို ဖြတ်သန်းသွားရ သည်။ နေပြည်တော်သည် မြန်မာပြည်ရှိ မည်သည့်မြို့တော်နှင့်မျှ မတူ။
''သမ္မတကြီးနဲ့ တွေ့ရတယ်။ လွှတ်တော်ဥက္ကဋ္ဌတွေနဲ့လည်းတွေ့ရတယ်
။ ကျွန်တော်က ဘာမှ မတောင်းဆိုဘဲနဲ့ ဒေါ် အောင်ဆန်း စုကြည် နဲ့ မတွေ့တော့ဘူးလားလို့ သူတို့က စပြောတယ်။ အရင်တုန်းကဆိုရင် အဲဒီနာမည်ကို လေသံဟလိုက်တာနဲ့ အခန်းထဲက အားလုံးထထွက်သွားကြတယ်''ဟု နာတာလီဂါဝါက ပြော သည်။
အန်အယ်ဒီပါတီသည် ၁၉၉ဝ ပြည့် ရွေးကောက်ပွဲတွင် အနိုင်ရခဲ့သည်မှာမှန်ကြောင်း အစိုးရအရာရှိများက ဝန်ခံပြောဆို သည်။ ယခင်ဆိုလျှင် ယင်းကဲ့သို့ ဝန်ခံပြောဆိုမှုမရှိဟု နာတာလီဂါ ဝါက ဆိုသည်။
''သူတို့က ရွေးကောက်ပွဲ မှာ မဲခိုးတယ်ဆိုတာကို မငြင်းပေမယ့် ဝန်တော့ မခံဘူးဗျ။ ဘယ်လို ဖြစ်စေ ဒါဟာ ကြီးမားတဲ့ တိုးတက် မှုပဲ''ဟု နာတာလီဂါဝါက သတင်း ထောက်အား ပြောပြသည်။
အိုဘားမားရဲ့ ဂန္ထဝင်သူရဲကောင်း
ဟီလာရီကလင်တန်အား မြန်မာနိုင်ငံသို့ စေလွှတ်ရန် စိတ်ကူးကို နာတာလီဂါဝါ မြန်မာနိုင်ငံသို့ ရောက်နေစဉ် အမေရိကန် အစိုးရ က စတင်စဉ်းစားခဲ့သည်။ နိုဝင်ဘာလ ဘာလီထိပ်သီးအစည်း အဝေးသို့ အိုဘားမား မသွားမီ ဟီလာရီအား မြန်မာနိုင်ငံသို့ စေ လွှတ်ရန် ဆုံးဖြတ်လိုက်သည်။ ယင်းသို့ စေလွှတ်ရန် အစီအစဉ်ကို ဒေါ်အောင်ဆန်းစုကြည်အနေ ဖြင့် သဘောတူခြင်း ရှိ၊ မရှိ စူးစမ်း ရန် လိုသည်။
ဘာလီသို့ အိုဘားမား၏ လေယာဉ်ပျံသန်းနေစဉ် အိုဘားမား က ဒေါ်အောင်ဆန်းစုကြည်ထံ တယ်လီဖုန်း ခေါ်သည်။ ဟီလာရီ ကို စေလွှတ်ရန် အစီအစဉ်ကို ဒေါ် အောင်ဆန်းစုကြည်က သဘောတူ သည်။
''အကြမ်းမဖက် ကြိုးပမ်း မှုတွေကြောင့် ဒေါ်စုကို အိုဘားမား က သိပ်အားကျတယ်။ ဒေါ်စုဟာ အိုဘားမား လေးစားအားကျရတဲ့ ဂန္ထဝင်သူရဲကောင်းပဲ''သမ္မတ အကြံပေး ဘန်ရုဒ်က ပြောသည်။
ဒီမိုကရေစီ အတွေ့အကြုံ
မြန်မာနိုင်ငံသည် အမှန်တကယ် ပြုပြင်ပြောင်းလဲနေသည်ဟု နာတာလီဂါဝါက ယုံကြည် သည်။ မြန်မာနိုင်ငံ၏ အစိုးရသစ် သည် အင်ဒိုနီးရှား၏ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်များကို လေ့လာရန် သမ္မတ၏ အကြံပေးပုဂ္ဂိုလ်များကို စေလွှတ် လေ့ လာစေခဲ့သည်။
အစိုးရသည် ဒီမိုကရေစီစနစ်ကို မြေစမ်းခရမ်းပျိုးနေရဆဲ ဖြစ်ကြောင်း သမ္မတ၏အကြံပေးပုဂ္ဂိုလ် ဦးကိုကိုလှိုင်က သတင်း ထောက် ကို ပြောသည်။ ''ကျွန်တော်တို့ရဲ့ မဟာဗျူုဟာနဲ့ နည်းဗျူဟာတွေကို ပြောင်းပစ်ရမယ်။ အဲဒီလိုပဲ ကျွမ်းကျင်မှုနဲ့ နည်း ပညာတွေကို လည်း အပြောင်းအလဲလုပ်ရမယ်။ လူ့အဖွဲ့အစည်းမှာ အရိုးစွဲနေတဲ့အမြင်တွေနဲ့ သဘောထားတွေကိုလဲ ပြောင်းလဲရမယ်။ အခက်ဆုံး ကတော့ အရိုးစွဲနေတဲ့ အမြင်တွေကို ပြောင်းဖို့ပဲ''ဟု ဦးကိုကိုလှိုင်က ပြောသည်။
အေးထွန်းမင်း
Dai Bingguo
Ref: How the U.S. coaxed Myanmar in from the cold:
Editing by Bill Tarrant and Michael Williams (ဈေးကွက်ဂျာနယ်မှ ကူးယူဖော်ပြပါတယ်။)
https://www.facebook.com/mg.aungnainghtay/posts/251562371683622 မှ ထပ်ဆင့်ကူးယူဖော်ပြပါသည်။
.jpg)
