ရှင်းအောင်ပြောပါမယ် စစ်တွေမှာ အီဘိုလာ ဗိုင်းရပ်စ်တွေ့တယ် ဆိုတာ မဟုတ်ပါဘူး

စစ်တွေတွင် အီဘိုလာ ဗိုင်းရပ်စ်တွေ့သည်ဆိုသော ပုဂ္ဂိုလ်ကျော်များ ဖတ်ရန်ဖြစ်သည်
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ပြည်ထောင်စု သမ္မတ မြန်မာနိုင်ငံတော် ရခိုင်ပြည်နယ် စစ်တွေမြို့တွင် အီဘိုလာ ဗိုင်းရပ်စ် တွေ့သည် ဆိုခြင်းမှာ မမှန်သတင်းသာဖြစ်သည်
ကျန်းမာရေးဝန်ကြီးဌာနမှ ပိုမိုခိုင်မာသော ထုတ်ပြန်ချက် လာပေလိမ့်မည်

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

စစ်တွေပြည်သူ့ဆေးရုံကြီးမှာ တက်ရောက်ကုသနေတဲ့ ကလေးတစ်ယောက် Ebola virusကူးစက်ခံနေရတယ်လို့ ဖွနေတဲ့ကောင်တွေရှိတယ်။ တစ်ချို့က ဆေးရုံက ဆရာဝန် ဆရာမတွေပြောတာပါ လို့ ဖွတဲ့သူတွေရှိတယ်။ ဒီသတင်း လုံးဝမမှန်ပါဘူး။ Ebola virusက ကူးစက်ခံရရင် ခုလေ့လာတွေ့ရှိချက် တွေအရ သေတာပါပဲ။
ခုအဲဒီကလေးက နေကောင်းနေပါပြီ။ မကြာခင်ဆေးရုံက ဆင်းရပါတော့မယ်။
Ebola virusကိုနိုင်တဲ့ဆေး ခုထိ ရှာမတွေ့သေးပါဘူး။
အဲဒီကလေးသာ Ebola virus ကူးစက်ခံရင် အခုရောဂါသက်သာပျောက်ကင်းနေပြီ ဖြစ်တဲ့အတွက် စစ်တွေဆေးရုံကြီးက ကလေးအထူးကုဆရာဝန်တွေဟာ Ebola Virusပိုးကို ပျောက်ကင်းအောင် ကုသပေးနိုင်တယ်ဆိုပြီး နိုဘယ်ဆုချီးမြှင့်ခံရပါလိမ့်မယ်။


ဆေးရုံအုပ်ကြီးလည်း စီမံထူးချွန်ပထမဆုကို ရပါလိမ့်မယ်။ ဆရာဆရာမတွေလည်း လူမှုထူးချွန် ပထမဆုကို ရပါလိမ့်မယ်။
ခုဆရာဆရာမတွေက သွေးလွန်တုပ်ကွေးနဲ့ ဂျပန်ဦးနှောက်ရောင် ကုထုံးကိုပိုပြီးအာရုံစိုက်နေရတဲ့အတွက် Ebolaလေးက အသာလေးနေပါဦး။
နိုဘယ်ဆုလည်းမမက်မောပါဘူး။
တစ်ကယ်လို့ Ebola virusသာ စစ်တွေဆေးရုံကြီး မှာဖြစ်ပွားခဲ့ရင် ဦးဆုံး Child wardမှာရှိတဲ့ ကျနော့်သူငယ်ချင်းတွေ ဆရာ ဆရာမတွေ အရင်ဆုံး မာလကီးယား ပါလိမ့်မယ်။
ဒုတိယ Child wardနဲ့ဆက်စပ်နေတဲ့ ကျနော်တို့ OG ward ကဆရာ ဆရာမတွေလည်း နိဗ္ဗာနပစ္စယောဟောတု ဖြစ်ပါလိမ့်မယ်။
မာလကီးမယားရင်တောင် ဆေးရုံဝင်းတစ်ခုလုံးနဲ့ တစ်မိုင်ပတ်လည် မည်သူမျှမဝင်ရဆိုပြီး ချိတ်ပိတ် ခြံခတ် စစ်တပ်ကြီးတွေချပြီး အဆက်အသွယ် ဖြတ်ခြင်းခံရပါလိမ့်မယ်။ လက်ထဲကဖုန်းကိုလည်း သိမ်းသွားလို့ အွန်လိုင်းတောင် သုံးရမှာမဟုတ်ဘူး။


ခုအချိန်က ရာသီဥတု အကူးအပြောင်းကာလ ဖြစ်တဲ့အတွက်ကြောင့် ဆေးရုံကြီးမှာ သွေးလွန်တုပ်ကွေး လူနာတွေ ဂျပန်ဦးနှောက်ရောင် ရောဂါတွေကြောင့် ဆေးရုံကြီးကို အားကိုးတကြီး လာရောက်ကုသကြပါတယ်။ တစ်ကယ်လဲ တက်ရောက်ကုသဖို့ လိုအပ်ပါတယ်။ အကယ်၍ သတင်းမှားတွေကြောင့် ဆေးရုံတက်ရောက်ကုသဖို့ နှောင့်နှေးခဲ့ရင် မလိုလားအပ်တဲ့ အသက်အန္တရာယ်တွေ ကျရောက်နိုင်ပါတယ်။ ဒါကြောင့် သတင်းအမှားတွေ ကောလဟာလတွေမဖြန့်ကြပါနဲ့။
ခရက်ဒစ် အောင်အောင် (အာရကန်)

ကိုင်း … ယခု လက်တွေ့ စမ်းကြည့်မယ်၊ ခု ခင်ဗျားတို့ ဒီအခွင့်အရေးတွေ ရတော့မယ် ယူကြမလား၊ တပ်ထဲ ဝင်ကြမလား ပြောကြစမ်း၊ စစ်ထဲ မဝင်ချင်တဲ့ သူတွေ များလျှင်၊ မြန်မာပြည်ဟာ လွတ်လပ်ရေးနဲ့ မထိုက်တန်ဘူး၊ ရှေးတုန်းက ရာဇဝင် ပြောင်းပြန် ပြောနေလဲ ယုံတမ်းစကား ဖြစ်နေမှာပဲ၊ ရှေးက မြန်မာ သူရဲကောင်းတွေ မြေကြီးထဲကနေပြီး ရှက်စရာ ဖြစ်နေမှာ သတိထားကြနော်။



မြန်မာပြည် ကာကွယ်ရေး တပ်မတော်သို့ ဝင်ရောက် စစ်မှုထမ်းရန် ကိစ္စနှင့် ပတ်သက်၍ မြန်မာ့ ကာကွယ်ရေး တပ်မတော် သေနာပတိကြီး ကာနယ် အောင်ဆန်းက အသံလွှင့် ဖြေဆိုသည်မှာ အောက်ပါအတိုင်း ဖြစ်ကြောင်း။


ယနေ့ မြန်မာ့ ကာကွယ်ရေး တပ်မတော် အကြောင်း ပြောရသည့် အတွက် ကျွန်တော် အထူးပဲ ဝမ်းမြောက်ပါတယ်၊ မြန်မာ့ ကာကွယ်ရေး တပ်မတော်နှင့် ပတ်သက်ပြီး နားမရှင်းတာတွေ သိချင်တာတွေ ရှိတာ သိပေမယ့် ပြောဖို့ ရှင်းဖို့ တပ်မတော် အခွင့်အလမ်း ရှာ၍ မရသေးတဲ့အတွက် အသာပဲ ရေငုံနေခဲ့ရတယ်၊ ယနေ့ ပြောခွင့်ရတဲ့အခါ မြန်မာ့ ကာကွယ်ရေး တပ်မတော် အကြောင်း အတော်အတန် ပြောပြရတာပေါ့။


နီပွန် နန်းရင်းဝန်ကြီး တိုဂျိုက မြန်မာပြည်ဟာ နီပွန်ပြည်၏ စိတ်နေ စိတ်ထား ဝါဒတို့ကို နားလည် သဘောကျပြီး ၎င်းတို့နှင့် အရှေ့အာရှ ခေတ်သစ် ထူးထောင်ရေးမှာ ပါမယ်ဆိုရင် လွတ်လပ်သော တိုင်းနိုင်ငံ အနေအထားမျိုး ဖြစ်ပါစေမယ်လို့ ကတိ ပေးထားတယ်။ ဒီ ကတိဟာ ပေါ့ပေါ့ဆဆ ပေးတဲ့ကတိ မဟုတ်ဘူး၊ ဒီ ကတိဟာ နီပွန်ပြည်ကြီးရဲ့ အစိုးရ အဓိကရ ခေါင်းဆောင်ကြီး တကမ္ဘာလုံး ကြေညာထားတဲ့ ကတိ ဖြစ်တယ်။ ဒီကတိဟာ မြန်မာတွေ ဒီအတိုင်း ထိုင်နေကြလို့ ရတာ မထင်ကြနဲ့၊ ပထမဆုံး ဗြိတိသျှနဲ့ နီပွန် စစ်မဖြစ်ခင်က မြန်မာ့ လွတ်လပ်ရေး လုပ်ငန်းကို အသက်နဲ့ လဲပြီး ဆောင်ရွက်ခဲ့ကြတဲ့ သာယာဝတီ သူပုန်လို လူမျိုးတွေ၊ မြန်မာပြည်က လူငယ်တွေ နီပွန်ပြည်ကို သွားပြီး စစ်ပညာသင်၊ မြန်မာပြည် အကြောင်း တိုက်တွန်း၊ မြန်မာပြည်က သိလိုတဲ့ မြန်မာပြည် အကြောင်းတွေ အမျိုးမျိုး ရှာပေး၊ နောက်စစ်ဖြစ်တဲ့ အခါလဲ ဒိုးတူပေါင်ဖက် ရှောက်လုပ်၊ တိုက်ခိုက်မှု အမျိုးမျိုးကူ၊ မြန်မာလူမျိုး တွေကလဲ ဝိုင်းဝန်း ထောက်ပံ့ခဲ့တာကြောင့် ဒီ ကတိ ပေးတယ် မှတ်ပါ၊ အလကား ထိုင်နေရင်း ရတယ် မထင်နဲ့ လုပ်တဲ့လူတွေ ရှိလို့ ရတယ်မှတ်ပါ။




အဲဒီ နန်းရင်းဝန်ကြီး တိုဂျို၏ ကတိအတိုင်း မြန်မာပြည် လွတ်လပ်တော့မယ်လို့ ဆိုကြပါစို့၊ လွတ်လပ်ရေး ရပြီးတိုင်း ဘာက ကျုပ်တို့ တိုင်းပြည် စကြမလဲ၊ ယခု အစိုးရ အဖွဲ့က အတော်အတန် မြန်မာပြည် ခေတ်သစ် ထူထောင်ရေး အတွက် လုပ်ငန်း အစီအစဉ်တွေ ပြောသွားတာ ကြားလိုက်ပါရဲ့၊ ဒါပေမဲ့ ဒီအစီအစဉ်တွေ လုပ်ဖြစ်ပါပြီတဲ့ တနေ့ ဒီဟာတွေကို ကာကွယ်ဖို့ အားမရှိရင် ဘယ်မှ အသုံးကျတော့မလဲ၊ ဒါကြောင့် မြန်မာပြည်ရဲ့ ကာကွယ်ရေးသည် ပထမ၊ မြန်မာပြည်ရဲ့ လွတ်လပ်ရေးသည် မြန်မာပြည် ကာကွယ်ရေး အပေါ် တည်၏။ ထို့ကြောင့် မြန်မာ့ ကာကွယ်ရေးသည် မြန်မာ့ လွတ်လပ်ရေးနှင့် ညီမျှ၏၊ ဒီအချက်ကို ဘယ်သူမှ မငြင်းနိုင်ဘူး၊ မြန်မာ့ အဓိက ပြဿနာဟာ မြန်မာ့ ကာကွယ်ရေးပဲလို့ တထစ်ချ မှတ်လိုက်ပါ။


ကိုင်း … မြန်မာ့ ကာကွယ်ရေး လုပ်ကြစို့၊ ဘယ်လို လုပ်ကြမလဲ၊ မြန်မာ့ ကာကွယ်ရေး ဆိုပေမယ်လို့ နားလည် မလွဲကြနဲ့နော်၊ ရှေ့မှာ မြန်မာ့ ကာကွယ်ရေး သက်သက်ကြီး မဖြစ်တော့ဘူး။ မြန်မာ့ ကာကွယ်ရေးဟာ အရှေ့အာရှတိုက် ကာကွယ်ရေးမှာ အကျုံးဝင်ပုံကို တနေ့က ကျောင်းဆရာတွေကို မြန်မာ့ ကာကွယ်ရေး အကြောင်းကို ပြောပြတုန်းက ရှင်းခဲ့ပြီ၊ ကာကွယ်ရေး ဆိုတာမှာလဲ ရန်သူက တချက်ခုတ်လျှင် ကျုပ်တို့က နှစ်ချက် ပြန်ခုတ်မယ်၊ ရန်သူက ကျုပ်တို့ ပြည် တိုက်မယ် ဆိုရင် ကျုပ်တို့ အရင် ဦးအောင် တိုက်မယ်၊ အဲဒီ ကာကွယ် ရေးမျိုး။ ဒီ ကာကွယ်ရေးမျိုး အတွက် ဆိုရင် လူလဲ များဖို့ လိုတယ်။ လူတွေ စိတ်ဓာတ်လဲ ရင့်ဖို့ လိုတယ်။ လက်နက် ကိရိယာ ခဲယမ်းမီးကျောက်လဲ ပြည့်စုံဖို့ လိုတယ်။ မြန်မာပြည်ဟာ လူဦးရေ နည်းတော့ မြန်မာ့ ကာကွယ်ရေးဟာ မြန်မာတိုင်း မြန်မာတိုင်း ကလေးမှ အစ အဖိုးကြီး အမယ်ကြီးထိ အားလုံး ပါနိုင်မှ မြန်မာ့ ကာကွယ်ရေးဟာ တောင့်တင်းမှာ။ ဘယ်လို ပါရမလဲ ဆိုရင် စစ်တိုက်တယ် ဆိုတာဟာ စစ်သားချည်းနဲ့ မပြီးဘူး၊ ရိက္ခာ ထောက်ဖို့၊ ရိက္ခာ စိုက်ပျိုး စုဆောင်းရေး၊ ရိက္ခာ တင်ပို့ရေး အစရှိသဖြင့် စစ်တိုက်ခြင်းနဲ့ တိုက်ရိုက် မဆိုင်တဲ့ အလုပ်တွေ တိုင်းပြည်ရဲ့ စီးပွားရေး အင်အားကို စစ်အင်အားနဲ့ ညီမျှအောင် လုပ်ဖို့တွေ အတွက် အားလုံး ယောက်ျား၊ မိန်းမ မကျန်လုပ်မှ ဖြစ်မယ်၊ ဒါက အကြမ်း ပြောပြခြင်းပဲ၊ တနေ့ကလဲ ကာကွယ်ရေး အကြောင်း အတော်အတန် ပြောခဲ့ပြီ။



သို့ပေမယ့် ခုပြောခဲ့တဲ့ဟာတွေ လုပ်ဖို့ နေနေသာသာ ကျုပ်တို့မှာ ကာကွယ်ရေးဖို့ အချက်ဘာမှ မရှိသေးဘူး၊ အားလုံး စလုံးရေက စရမယ်၊ ဒါကြောင့် ယခုနှစ်အဖို့မှာ အရင် မြန်မာ့ လွတ်လပ်ရေး တပ်မတော်မှ စစ်ထုတ်ပြီး စနစ်ကျကျ အသစ်ဖွဲ့တဲ့ မြန်မာ့ ကာကွယ်ရေး တပ်မတော်ဟာ ပထမ စလုံးရေ စခြင်းပဲ။ အစကရှိတဲ့ မြန်မာ့ လွတ်လပ်ရေး တပ်မတော်ဟာ အမှန် ပြောရရင်တော့ အသင့်အတင့်လောက် အသုံးကျပါရဲ့၊ ဒါပေမဲ့ တခြား သွားတိုက်နိုင်တဲ့ အရည်အချင်း မရှိဘူး။ ပြီးတော့ ခေတ်ပျက်ကြီးမှာ ဖြစ်ကတတ်ဆန်း ကျဖမ်း စီစဉ်ရတာမို့ ချို့ယွင်းချက်တွေ အများကြီး တွေ့ရတယ်။ အဲဒီတော့ ဒီအတိုင်းသာ ဆက်သွားမယ် ဆိုရင် ဒီ မြန်မာ့ လွတ်လပ်ရေး တပ်မတော်ဟာ မြန်မာပြည်က အားကိုးနိုင်တဲ့ တပ်လဲ ဖြစ်မှာ မဟုတ်ဘူး။ မြန်မာတွေ အမြဲ ရင်လေးနေတဲ့ တပ်မျိုး အဖြစ်သာ ရှိနေတယ်။ အဲဒါကြောင့် မြန်မာ့ လွတ်လပ်ရေး တပ်မတော်ကို ဘာလို့ မခေါ်ဘဲ မြန်မာ့ ကာကွယ်ရေး တပ်မတော် ဖြစ်လာသလဲ။ မြန်မာ့ လွတ်လပ်ရေးသည် ယခင်က ကျွန်တော်တို့ အဓိက ရည်ရွယ်ချက်၊ အခု ဒီ လွတ်လပ်ရေး ရဖို့ ကိစ္စဟာ အဓိက မဟုတ်တော့ဘူး၊ ရတော့မယ်၊ လက်တလှမ်းပဲ လိုတော့တယ်။ ရပြီး ဘယ်လို ကာကွယ်ရမယ် ဆိုတာက ပိုပြီး အရေးကြီး လာပြီ၊ အဲဒါကြောင့် ရှေ့အနာဂတ်ကို မြှော်ကိုးပြီး ရာဇဝင် အကြောင်းထောက်လို့ မြန်မာ့ ကာကွယ်ရေး တပ်မတော်လို့ အမည်ပေးတာပဲ။ တခြား အထင်လွဲ နေစရာ မလိုပါဘူး။ ပြီးတော့ နာမည် အရေးမကြီးပါဘူးဗျာ၊ လူ အရေးကြီးပါတယ်။ လုပ်တဲ့လူတွေ လုပ်တဲ့လူတွေ အဲဒီ မြန်မာ့ ကာကွယ်ရေး တပ်မတော်တွင်သာ ယခုနှစ် ကျွန်တော်တို့ ခံခဲ့သလား၊ မဟုတ်ပါဘူး။ ဒီပြင်ဟာတွေလဲ လုပ်ထားပါတယ်။ ပထမ အရေးကြီးဆုံးက အမြဲ တပ်ကြီးပဲ၊ လုပ်လျှင် လုပ်ခြင်း အဲဒီ တပ်တွေကို ဗိုလ်လုပ်နိုင်တဲ့ လူတွေ အလုံအလောက် ရှိဖို့ လိုတယ်။ အဲဒါကြောင့် မင်္ဂလာဒုံမှာ ယခုနှစ် ဗိုလ်သင်တန်း ဖွင့်ပြီး အမြောက်အမြား သင်ပေးနေတယ်။


ရန်ကုန်မြို့မှာ ဒီ မြန်မာ့ ကာကွယ်ရေး တပ်မတော်ကြီး အတွက် စည်းကမ်းစနစ်တွေ လုပ်၊ ရိက္ခာတွေထောက် ရှေ့ပြေး တပ်မတော် လုပ်ငန်းဆိုင်ရာ ဌာနကြီး အဖြစ်နဲ့ (ဟေဘီချိုတု) ခေါ်တဲ့နောက် ကာကွယ်ရေး ဝန်ကြီးရုံး ဖြစ်မယ့် ရုံးကိုလဲ တည်ထောင် ထားပါတယ်။ ပျဉ်းမနားမြို့မှာတော့ တပ်တွေ ချထားပြီး ကျွန်တော် ကိုယ်တိုင်ပဲ အုပ်ချုပ် နေရပါတယ်။ အားလုံး မြန်မာ ဗိုလ်တွေနဲ့ မြန်မာ့တပ်တွေကို အုပ်ချုပ် နေကြပါတယ်။ နီပွန် အတိုင်ပင်ခံတွေကလဲ စစ်ရေး နည်းနာတွေကို ကူညီ သင်ပြ ပေးကြပါတယ်။ အဲဒါတွေဟာ ကျွန်တော်တို့ စလုံးရေ စခြင်းပဲ။ ရှေ့ကို တဖြည်းဖြည်း လူတွေတိုး တပ်တွေချဲ့ လက်နက်တွေတိုး တင့်ကားတွေ အမြောက်ကြီး တွေ လေယာဉ်ပျံတွေ ရအောင် တဆင့် တဆင့် ကြိုးစား ကြရလိမ့်မယ်။ ယခု လာမယ့် နှစ်အတွက် တပ်ကို တိုးချဲ့ရအုံးမယ်။ ဒါပေမဲ့ စစ်သား အသစ်တွေ မကြာမီ ခေါ်တော့မယ်။ ဒါ မြန်မာတွေ အားလုံးရဲ့ တာဝန်ပဲ။ ဟို အရင်တုန်းက မြန်မာပြည် ကာကွယ်ရေး အတွက် မြန်မာ့ လက်ထဲအပ်ပါ။ မြန်မာတွေ ကိုယ့်ပြည် ကိုယ် ကာကွယ်ချင် လွန်းလို့ပါ။ လက်နက်သာ အပ်စမ်းပါ။ တိုက်ပြပါမယ်လို့ မြန်မာတွေက ပြောနေကြတယ်။ ကိုင်း … လက်တွေ့ စမ်းကြည့်မယ်။ ခု … ခင်ဗျားတို့ ဒီအခွင့်အရေးတွေ ရတော့မယ်။ ယူကြမလား၊ တပ်ထဲ ဝင်ကြမလား၊ ပြောကြစမ်း။ တို့မြန်မာ တို့စစ်ထဲ မဝင်ချင်ကြတဲ့ လူတွေများရင် မြန်မာပြည်ဟာ လွတ်လပ်ရေးနဲ့ မထိုက်တန်ဘူး။ အရင်တုန်းက ပြောခဲ့တဲ့ စကားတွေလဲ အပိုပဲ၊ ရှေးတုန်းက ရာဇဝင်ကို ပြန်ပြောင်း ပြောနေရင်လဲ ယုံတမ်းစကား ဖြစ်နေမှာပဲ၊ ရှေးက မြန်မာ သူရဲကောင်း တွေ မြေကြီးထဲကနေပြီး ရှက်စရာ ဖြစ်နေမှာ သတိထားကြနော်။




ရှေးက မြန်မာတွေကတော့ တကယ့် ယောက်ျားတွေပဲ၊ ဒါ စာတွေ့တင် မဟုတ်ဘူး။ ကိုယ်တွေ့ မျက်မြင် ယိုးဒယားပြည် နေတုန်းက ရှေးမြန်မာ စွမ်းပကား သတ္တိ လက်ရာတွေ မြင်သိခဲ့ရသည်။ ယိုးဒယားပြည်မှ တောတောင် အတန်တန် ကျော်ပြီး ကျုပ်တို့ လာခဲ့ကြရလို့ ရှေးတုန်းက ဘုရင့်နောင်တို့ အလောင်းဘုရားတို့နှင့် စစ်သည်တော်များ၏ ဇွဲသတ္တိကို အဖန်ဖန် ချီးကျူးမိတယ်။ အဲသလို မြန်မာတွေ မြန်မာ့ သတ္တိကို ပြကြစမ်းပါ။ မြန်မာပြည်ဟာ လူသတ်မှု စတဲ့ အမှုအခင်းများ အမေရိကန်ပြည် ချီကာဂိုပြီးရင် ဒုတိယ စွဲတယ်လို့ ကြားဖူးတယ်။ မြန်မာ မြန်မာချင်း သတ်ဖြတ် တိုက်ခိုက်တာဟာ မြန်မာ့ သတ္တိ အစစ် မဟုတ်ဘူး။ မြန်မာပြည်လည်း အကျိုး မရှိဘူး။ သည်လို လုပ်မယ့် အစား မြန်မာပြည် အတွက် ကမ္ဘာမှာ ထွက်ပြီး မိုက်ပြ လိုက်စမ်းပါ။ ဒါမှ ရာဇဝင်ပြောင်မှာ၊ ဒါပေမဲ့ ကျွန်တော် တွေ့ခဲ့သလိုတော့ မတွေ့ပါ ရစေနဲ့ တော့။ ရွာတွေ ရွာတွေ ဖြတ်လာခဲ့တယ်။ ဒီရွာက လူတွေရဲ့ သတ္တိတော့ စိတ်ချ လူဆိုးကြီးပဲ။ စစ်ထဲ လိုက်မယ့်လူ ထွက်စမ်း ဆိုတော့ နှစ်ယောက်၊ သုံးယောက်ထဲ ဒါတောင် ပြန်ထွက်ပြေး လိုက်ကြသေးတယ်။ တက်လူ ဆိုတဲ့ လူငယ်တွေ ဘောင်းဘီနီ အင်္ကျီနီတွေနဲ့ တွေ့ပါရဲ့၊ စစ်ထဲ လိုက်ရမယ် ဆိုတော့ တီ ဆားနဲ့ တို့သလို ကြက်ပျောက် ငှက်ပျောက် ပျောက်ကုန်ကြတာတွေ တွေ့ခဲ့ရတယ်။ အဲဒါမျိုး ဖြစ်ရင် မြန်မာပြည်မှာ လွတ်လပ်ရေးနဲ့ မထိုက်တန်လို့ ကျွန်တော် တထစ်ချ ဆိုတယ်။ ဒီလို ပြည်မျိုး ကျုပ်တော့ဖြင့် မနေတော့ဘူး။ ဒါမျိုးတွေ ထပ်မတွေ့ပါရစေနဲ့ ဒီတခါတော့ ဝင်ကြစမ်းပါ၊ များများစားစား ဝင်ချင်တဲ့ သူတွေ များလွန်းလို့ ပြန်လွှတ် လိုက်ရတယ် ဆိုတာကို ကြားချင်ပါတယ်။ လူလိုနေတယ် ဆိုတာ မကြားချင်ဘူး။ အဲဒါကြောင့် ယခု မြန်မာ့ ကာကွယ်ရေး တပ်မတော် ထပ်ချဲ့မယ်၊ ထပ်ချဲ့ရင် မြန်မာတွေ အသက် ၁၈ နှစ်ရှိပြီး ကျန်းမာရေးနဲ့ ပြည့်စုံတယ် ဆိုရင် ဝင်နိုင်တယ်။ လက်ခံဖို့ အသင့်ပဲ ဝင်ကြစမ်းပါ။ ထောင်လိုက် ရာလိုက် သောင်းလိုက်၊ ဒါပေမဲ့ တခုတော့ နားလည် စေချင်တယ်။ ဒီ စစ်တပ်တွေကို ငွေ လိုချင်လို့၊ လခ လိုချင်လို့၊ ရာထူး လိုချင်လို့တော့ အလကားပဲ။ ရမှာ မဟုတ်ဘူး။ ကျုပ် တွေ့ခဲ့ရတယ်။ ကျွန်တော်တို့ မြန်မာပြည် ကာကွယ်ရေး အတွက် မည်၍ မည်မျှ စိတ်အား ထက်သန်ပါတယ်။ ဒါကြောင့် ဘယ်ရာထူးက စပြီး ခန့်ပါလို့ လာပြောတယ်။ ကျွန်တော် ဘယ်တော့မှ မခန့်ဘူး။ ဘယ်မှာပဲ ဖြစ်ဖြစ် စစ်ထဲ တန်းဝင်ဝင်ချင်း စစ်ဗိုလ် ဖြစ်ချင်လို့လဲ မဟန်ဘူး။ တချို့က စစ်ပညာ နည်းနည်း ရဖူးပါရဲ့ ရတာက စစ်ကြပ်လောက်၊ ဖြစ်ချင်တာက ဗိုလ်ကြီးလောက် အဲဒါမျိုးတွေ တွေ့ရတယ်။




စစ်သား လုပ်တဲ့ လူတွေကလဲ လခ နည်းတယ်။ အစားအသောက်လဲ ဆိုးတယ်။ အနေ ကြပ်တယ် ဆိုရင်ပဲ ချူသံပါအောင် ညည်းလာတာပဲ။ တချို့လဲ ထွက်ချင်တယ် ဖြစ်လာကြတယ်။ ဒါမျိုးတွေ နောက်ထပ် မကြားရ မတွေ့ရပါစေနဲ့၊ လာတဲ့ လူတွေဟာ ဒါတွေ နားလည်ပြီး ငွေမမက် ရာထူးမမက် မြန်မာပြည်သက်သက် သမားတွေ လိုချင်တယ်။ ဒီ တပ်ဟာ လာဘ်စားမယ့် လူတွေ၊ ငွေလိုတဲ့ လူတွေ၊ ရာထူးမက်တဲ့ လူတွေ၊ ဆွေမျိုးတွေ အလုပ်ပေးမယ့် လူတွေ၊ လိုချင်တဲ့ တပ် မဟုတ်ဘူး။ မြန်မာ့ ကာကွယ်ရေးအတွက် မြန်မာပြည်မှာ ငွေအများဆုံး သုံးရမယ် မှန်တယ်။ ဒါပေမဲ့ လခတွေ အပေါ်မှာ မသုံးဘူး။ ဒါက ရှေး အင်္ဂလိပ် စနစ်ဟန်ကို မကျလို့ အင်္ဂလိပ်တွေ ခွေးပြေး ဝက်ပြေး ပြေးကုန်ကြရပြီ မဟုတ်လား။ နီပွန် စစ်တပ်လို စိတ်ဓာတ် ထက်သန်တဲ့ လူတွေ ရှိအောင် လုပ်ရမယ်။ လခကို ပဓာန မထားရဘူး။ နီပွန် တပ်မှာ စစ်သားတယောက် လေးကျပ်၊ လေးကျပ် အဲ ခြောက်ကျပ်သာ ရတယ်။ အဲဒါတွေကို အားကျရမယ်။ လခတွေပေါ် နည်းနည်းသုံး၊ လက်နက်တွေ ခဲယမ်း မီးကျောက်တွေ အပေါ် အများဆုံးသုံး၊ ဒါမှ ပထမတန်း စစ်တပ်ရမှာ၊ အဲဒါမှ ကျွန်တော် အစက ပြောသလို ရန်သူက တချက်ခုတ်လျှင် နှစ်ချက် ပြန်နှက်နိုင်မှ ရန်သူ မတိုက်ခင် ကိုယ်က ဦးအောင် တိုက်နိုင်မှာ။

အဲဒီ စစ်သား စုဆောင်းရေးနဲ့ ပတ်သက်လို့ စကား အလျဉ်းသင့်သလို ပြောစရာ တခု ကျန်သေးတယ်၊ အဲဒါဟာ အရင်တုန်းက မြန်မာ့ လွတ်လပ်ရေး တပ်မတော်မှာ ပါတဲ့ လူတွေ အများအပြားထဲမှာ မထွက်ချင်ဘဲ မကျန်းမာလို့ လူအိုနေလို့ ဆိုပြီး တပ်က ထွက်ခိုင်းရတာတွေ ရှိတယ်၊ အဲဒီ လူတွေကို ကောင်းကောင်းမွန်မွန် ပြန်၍ မကြည့်နိုင်ခဲ့ဘူး၊ သူတို့ နောင်ရေး အတွက်လည်း ဘာတခုမှ မလုပ်နိုင်ခဲ့ဘူး၊ အခုတော့ တတ်အားသမျှ ဒီ ကိစ္စတွေကို စီမံလျက်ပါပဲ၊ ဒါပေမဲ့ ဘယ်လိုပဲ ဖြစ်ဖြစ် ဒါကလေးတွေကြောင့် ကျုပ်တို့ တပ်တွေထဲ မဝင်ချင် ဆိုတဲ့ စိတ်ပျက်ခြင်းမျိုး မဖြစ်သင့်ကြဘူး၊ တိုင်းပြည် တပြည် ထူထောင်တာဟာ ဘယ်လောက် ခက်ခဲတယ်၊ အတက်အကျ လောကဓံ အမျိုးမျိုးကို တွေ့ရတယ် ဆိုတော့ ကမ္ဘာ့ ရာဇဝင် သိတဲ့လူ တိုင်းတော့ ဆင်ခြင် နိုင်ကြမှာပဲ၊ ဒါကြောင့် အမျှော်အမြင်ကြီးကြီးနဲ့ ဖြစ်ခဲ့တာတွေ စိတ်မပျက် လက်မပျက်ဘဲ ရသမျှ အခွင့်အရေးကို ရတုန်း မိမိရရ ယူကြရလိမ့်မယ်။


ဒါမှသာ ကျုပ်တို့ မြန်မာပြည်ကြီးကို ကျုပ်တို့ ချစ်ရာ ရောက်ကြမယ်၊ ကျုပ်တို့ မြန်မာပြည် ထူထောင်မယ်၊ ဒါကြောင့် စိတ်လက်တွေ ပျက်နေကြတဲ့ လူတွေရှိရင် မပျက်ကြပါနဲ့၊ ဆက်ဆက် တပ်ထဲဝင်ကြပါလို့ တိုက်တွန်း လိုပါတယ်၊ နောက် အရေးကြီးမယ့် အချက် တချက်က အခု ကျုပ်တို့ လုပ်နေတဲ့ ကာကွယ်ရေး တပ်မတော်တို့ မြန်မာ့ လွတ်လပ်ရေးတို့ဟာ အခု အာရှ စစ်ကြီးမှာ နီပွန် တပ်မတော်များက ရန်သူ အင်္ဂလိပ်၊ အမေရိကန်၊ တရုတ် အစရှိသည်တို့ကို အပြီးအပိုင် သေသေချာချာနိုင်မှ တည်တံ့မယ်ဆိုတာ အားလုံး နားလည် ကြရမယ်၊ ဒါကြောင့် မြန်မာ့ လွတ်လပ်ရေးနဲ့ မြန်မာ့ ကာကွယ်ရေး အတွက် ခုအခါ ရှေ့က မားမားမတ်မတ် ဦးစီး ဆောင်ရွက်နေတဲ့ နီပွန် တပ်မတော်ကြီးအား စစ်နိုင်ရေး အတွက် မြန်မာ့ တမျိုးသားလုံးက တတ်နိုင်သလောက် စွမ်းအားဖြင့် ကူညီကြဖို့ လိုတယ်။




နောက်ဆုံး ကျွန်တော် ပြောဆိုချင်တဲ့ အချက်ကတော့ လူတွေက စစ်တပ် စစ်သားကို ချီးမြှင့်ကြဖို့ ပြောလိုပါတယ်၊ နီပွန်ပြည်မှာ စစ်သားကို သိပ်အရေးပေးကြတယ်။ စစ်သား တယောက် စစ်တပ်ကို လာရမယ်လို့ အမိန့်ရတဲ့ အခါ အဲဒီ စစ်သားကို လူအမြောက်အမြား လိုက်ပို့ကြတယ်၊ ချီးကျူးကြတယ်၊ ဆလန် ပေးကြတယ်၊ စစ်မြေပြင် ထွက်တဲ့ စစ်သားဆိုရင်၊ ဘယ်လောက်ပင် ရာထူးကြီးတဲ့ သူဖြစ်ဖြစ် အလေးပြု ကြတယ်၊ ဘယ်လောက် အားကျဖို့ ကောင်းသလဲ၊ နီပွန် ဘုရင်မင်းကြီး ကိုယ်တိုင်က စစ်သားတို့ကို လေးစားတယ်၊ နီပွန် ဘုရင် မင်းကြီး ဆိုတာ တခြားတိုင်းပြည် ရှင်ဘုရင်တွေနဲ့ တူတာ မဟုတ်ဘူး၊ နီပွန် ဘုရား အစစ်ပဲ၊ အဲဒီ ဘုရားရှင် ကိုယ်တိုင် ကျဆုံးတဲ့ စစ်သား အတွက် ရည်စူးပြီး ဌာပနာထားတဲ့ အရိုးအိုး စေတီကို ဦးခိုက်ရတယ်။ ဦးညွှတ်ရတယ်၊ မြန်မာပြည်မှာတော့ မဟုတ်ပေါင်၊ မြန်မာ့ လွတ်လပ် ရေး တပ်သားတွေ အသက်လဲ သေရသေးတယ်၊ အဆင်းရဲလဲ ခံရတယ်၊ ဒီ အလောင်းကောင် တွေကို နင်းပြီး တက်လဲ သွားကြရသေးတယ်၊ အကောင်း မပြောချင်ကြဘူး။


ခေတ်ပျက်ကြီးတုန်းက သူခိုးဒမြတွေ သူ့လိုလူတွေ ခိုးကိုးရာမဲ့ ဖြစ်တုန်းက ကာကွယ် ပေးခဲ့တာတွေကို မေ့၊ ကိုယ့်ပစ္စည်း ကလေးတွေ သိမ်းတာ ဆည်းတာ ဗာရာဏသီ ချဲ့ပြောပြီး မချီးမြှင့်ကြဘူး၊ ရှက်ဖွယ် ရှက်ဖွယ် တို့မြန်မာတွေ မရှက်ဘူးလား၊ ကိုယ့်ကိုယ်ကို ပြန်ရှက်ကြပါဦး၊ မြန်မာပြည်မှာ ရှိတဲ့ လူတွေထဲမှာ စစ်တပ် စစ်သားဟာ ထိပ်ဆုံးပဲ၊ သူတို့ထက် မြတ်တာ မရှိဘူး၊ ခင်ဗျားတို့ ဘာထင်ထင် ခင်ဗျားတို့ထက် တိုင်းပြည်ကို ဆောင်ရွက်နိုင်တဲ့ လူတွေ၊ ဆောင်လဲ ဆောင်ရွက် ခဲ့ကြပြီ၊ ကျုပ်တို့ စစ်သားကို အားပေးကြ လေးစားကြပါ၊ ဒါမှ မြန်မာပြည် ချမ်းသာမယ်၊ အခု စစ်သားတွေ စုဆောင်းပြီး ဆိုင်ရာ တပ်စခန်း သွားကြတဲ့ အခါ ဆိုင်ရာ ဒေသက မြန်မာတွေ အားလုံး တံခွန် ကုက္ကား၊ မုလေးပွားနဲ့ စစ်တံခွန် စစ်သီချင်း စစ်သံတွေ ပေးပြီး လိုက်ပို့ကြစမ်းပါ၊ ကြည့်ရသေးတာပေါ့လေ၊ ကိုင်း … အခုညအဖို့ ဒါပဲ၊ တော်သေးပြီး မြန်မာတွေ အားလုံး အဝေရာ ဟောန္တု ။
▪ - ¤ - ▪

၁၃၀၄ ခုနှစ်၊ တန်ဆောင်မုန်း လပြည့်ကျော် (၁၀) ရက် ဗုဒ္ဓဟူးနေ့ (၂၊ ၁၂၊ ၄၂) ရန်ကုန် သူရိယ သတင်းစာမှာ ဖော်ပြ ပါရှိတဲ့ ဗိုလ်မှူးကြီး ကာနယ် အောင်ဆန်းရဲ့ မြန်မာတပြည်လုံးသို့ အသံလွှင့် ပြောဆိုချက် "ဗမာတိုင်း သွေး၊ သတ္တိ၊ ဇွဲ ပြရန် အချိန်"မိန့်ခွန်းကို ၁၉၈၅ ခု၊ ဒီဇင်ဘာလမှာ 'ပုရပိုက် စာပေနှင့် အနုပညာ'က ပုံနှိပ် ထုတ်ဝေခဲ့တဲ့ စစ်ကိုင်းဟန်တင်ရဲ့ 'ဗိုလ်ချုပ်အောင်ဆန်း၏ ရှားပါး မိန့်ခွန်းများ'စာအုပ်မှနေ ပြန်လည် ကူးယူ ဖော်ပြလိုက်တာ ဖြစ်ပါတယ်။

ရင်းမြစ်...မြန်မာသတင်းဆက်သွယ်ရေးနည်းပညာအဖွဲ့

မြတ်လေးငုံ ဘလော့မှ  ကူးယူဖော်ပြပါသည်။  http://myatlayngon.blogspot.com/2011/07/blog-post_11.html

မကြာသေးမီကFacebookပေါ်မှာ လှိုင်သာယာ လက်ဖက်ရည်ဆိုင်ရဲ့ အကြမ်းဖက်စီစီတီဗီပြကွက်မှတ် တမ်းကို တွေ့လိုက်ရပါတယ်။ မြန်မာနိုင်ငံမှာ လူငယ်တွေ ဒီလောက်တောင် ရက်စက်၊ ကြမ်းကြုတ်၊ ရိုင်းစိုင်းကုန်တာ ဘာကြောင့်လဲဆိုပြီးတော့လည်း အံ့အားသင့်မိတယ်။


တစ်လောက ရန်ကင်းမှာဖြစ်တဲ့ လူသတ်မှုကလည်း ရက်စက်မှုကမ်းကုန်နေပါတယ်။ လူတစ်ယောက်ကို မသေမချင်းသာမက ခေါင်းဖြတ်ပြီးတော့ပါ သတ်တယ်ဆိုတဲ့ ရက်စက်မှုမျိုးဟာ ၁၉၈၈ အရေးအခင်းကြီးပြီးတဲ့ နောက်ပိုင်း ရိုင်းစိုင်းတဲ့ ဖြစ်ရပ်တစ်ခုအနေနဲ့ မှတ်တမ်းဝင်ခဲ့ပါတယ်။

လှိုင်သာယာအဖြစ်အပျက်မှာကြည့်ရင်လည်း လူစိတ်ပျောက်နေတဲ့ လူငယ်တွေရဲ့ အသွင်သဏ္ဍန်တွေဟာ အထင် အရှားပေါ်လွင်နေပါတယ်။ လူတစ်ယောက်ကို သွေးအေးအေးနဲ့ ထိုးခုတ်ရိုက်နှက် သတ်ဖြတ်နေတာကို ဘယ်သူမှ လည်း ဝင်ရောက်ပြီး ထိန်းသိမ်းရဲမှာ မဟုတ်ပါဘူး။ ရုပ်ရှင်တွေထဲကလို ရဲဆိုတာကလည်း ဇာတ်သိမ်းခါနီးမှ ရောက်လာတတ်တာဆိုတော့ အားကိုးစရာ ဘယ်လမ်းမှမမြင်ဘဲ အကာအကွယ်မဲ့၊ ဆုံးရှုံးနေကြရတဲ့ ပြည်သူတွေရဲ့ ဘဝတွေဟာ ဘယ်နေရာမှ မလုံခြုံမှန်း သိသာထင်ရှားလှပါတယ်။

လူငယ်တွေ ဘာကြောင့် ဒီလောက် ရိုင်းစိုင်းရက်စက်ကုန်ကြတယ်ဆိုတာ လွှတ်တော်မှာ အဖြေမရှာကြသေးပါဘူး။ ရပ်ကွက်တွေထဲမှာ အရက်ဆိုင်တွေက လက်ဖက်ရည်ဆိုင်တွေထက်တောင်များနေပြီ။ အရက်ထုတ်လုပ်ခြင်း၊ ရောင်းချခြင်း၊ သောက်သုံးခွင့်ပြုခြင်း၊ သယ်ဆောင်ခွင့်ပြုနေခြင်းတွေမှာ မြန်မာနိုင်ငံလောက် လွတ်လပ်တဲ့နိုင်ငံ ရှိမယ်တောင်မထင်ပါဘူး။

အမှိုက်ကစ ပြာသာဒ်မီးလောင်ဆိုသလို၊ အရက်ကစပြီး လူငယ်တွေကြားထဲမှာ မိုးမီးလောင်သလိုဖြစ်နေရတာ တွေကို လွှတ်တော်က မသိ၊ မကြားဘူးဆိုရင် တာဝန်မဲ့တဲ့ ပြည်သူ့ကိုယ်စားလှယ် တွေပဲလို့ ဆိုရပါလိမ့်မယ်။ လူငယ်တွေ ဘာကြောင့် ဒီလိုတွေဖြစ်နေရသလဲ၊ ဘာကြောင့် ရိုင်းစိုင်းပြီး ထင်ရာစိုင်းနေရသလဲဆိုတာကို သားသမီးချင်း ကိုယ်ချင်းစာပြီး လွှတ်တော်မှာ လူနားမလည်တဲ့ ပီအာဆိုတာတွေကို ဇွတ်အော်နေမယ့်အစား အရက်ကြောင့် ဖြစ်နေတဲ့ ပြဿနာတွေကို လူမိုက်လုပ်ပြီး ဆွေးနွေးဖို့လိုပြီထင်ပါတယ်။

တစ်လောက စင်ကာပူနိုင်ငံဝန်ကြီးချုပ်က သူဟာ သူ့နိုင်ငံသားတွေကို အမြဲတန်း လူချွန်လူကောင်းတွေဖြစ်အောင် လေ့ကျင့်ပျိုးထောင်ပေးနေတယ်ဆိုပြီး အင်တာဗျူးတစ်ခုမှာ ပြောသွားတာကို ဖတ်လိုက်ရတယ်။ တိုင်းပြည် ကောင်းစားရေးအတွက်ပဲ ကြည့်နေတဲ့ ခေါင်းဆောင်တွေဟာ အာဏာတည်မြဲရေးအတွက် အရူးထမနေပါဘူး။ ငါ့နိုင်ငံ၊ ငါ့လူမျိုး ဖွံ့ဖြိုးတိုးတက်အောင် ဘယ်လိုလုပ်ရမလဲဆိုတာကိုပဲ သူတို့ လွှတ်တော်မှာ အမြဲဆွေးနွေးပြီး ပြည်သူပြည်သားတစ်ယောက် ရပိုင်ခွင့်များရရေး၊ ခံစားပိုင်ခွင့်များ အပြည့်အဝရရေး၊ အလုပ်လုပ်မှ အကျိုးခံစား ရမယ်၊ အလုပ်အကိုင်အခွင့်အလမ်းတွေ ဖန်တီးပေးမယ်၊ ပညာရေး၊ ကျန်းမာရေး၊ လူနေမှုဘဝဖူလုံရေး၊ လုံခြုံရေးနဲ့ တရားဥပဒေစိုးမိုးရေးအတွက် အမြဲရှေ့တန်းကထားပြီး လုပ်ဆောင်မယ်ဆိုပြီး ကြွေးကြော် လုပ်နေတာတွေကိုလည်း အားရမိတယ်။

စင်ကာပူနိုင်ငံမှာ အရွယ်ရောက်သူတိုင်း စစ်မှုမထမ်းမနေရ ဥပဒေကို ပြဋ္ဌာန်းပြီး လုပ်ဆောင်နေတာ နှစ်ပေါင်း သုံးဆယ်ကျော်လောက်ရှိနေပါပြီ။ ရလဒ်ကဘာလဲဆိုတော့ အမျိုးသားနိုင်ငံတော်တည်ဆောက်ရေးအတွက် အများ ကြီးအထောက်အကူပြုတဲ့ လူငယ်တွေကို မွေးထုတ်ပေးနိုင်ခဲ့တယ်။ လူငယ်တွေကြားမှာ ကွဲပြားမှုတွေ မရှိတော့ ဘူး။ ဆိုသွမ်းရမ်းကားနေထိုင်ရမယ်ဆိုတဲ့အသိထက် စမတ်ကျသော နိုင်ငံ့သားကောင်းတစ်ယောက်ဖြစ်အောင် နေထိုင်၊ ပြုမူ၊ ဆက်ဆံ၊ ပြောဆိုတတ်ရမယ်ဆိုတာ စစ်မှုထမ်းဘဝတွေကတည်းက လေ့ကျင့်သင်ကြားပေးလိုက် တယ်။ ဒါကြောင့် အားလုံးဟာ တစ်သွေးတည်း၊ တစ်သားတည်း ညီရင်းအစ်ကိုတွေလို နိုင်ငံတည်ဆောက်ရေး အတွက် တာဝန်အရ လုပ်ဆောင်ရမယ်ဆိုတာ အလိုလို သိထား၊ ခံယူထားကြတယ်။ အဲဒီလို ခံယူနိုင်အောင်လည်း နိုင်ငံကို ခေါင်းဆောင်နေသူတွေက ပညာကောင်းကောင်းပေးတယ်။ စစ်ပညာနဲ့ ကိုယ်ကျင့်ပညာ၊ နိုင်ငံသား ကောင်းတစ်ယောက်ထားရမယ့် အသိပညာတွေကို လေ့ကျင့်ပြုစုပျိုးထောင်ပေးခဲ့လို့ စင်ကာပူနိုင်ငံဟာ ဘယ်လို နိုင်ငံမျိုးဖြစ်နေတယ်ဆိုတာ အထင်အရှားတွေ့ရမှာဖြစ်ပါတယ်။

မြန်မာနိုင်ငံမှာ ဗိုလ်ချုပ်အောင်ဆန်းကိုယ်တိုင်က အရွယ်ရောက်သူတိုင်း စစ်မှုမထမ်းမနေရ ဥပဒေတွေကို ထုတ် ကောင်းထုတ်ရမယ်။ လုပ်ချင်ချင်၊ မလုပ်ချင်ချင် နိုင်ငံတော်အတွက် လုပ်ကိုလုပ်ရမယ်လို့ ပြောသွားတဲ့ မိန့်ခွန်းကို သတိရမိတယ်။ အမျိုးသားခေါင်းဆောင်ကြီးဟာ အမြော်အမြင်နဲ့ ပြောသွားတာပါ။ အကြောင်းမဲ့ ပြောသွားတာ မဟုတ်ပါဘူး။

တကယ်ဆိုရင် ကိုယ့်နိုင်ငံက လူငယ်တွေကို အရက်အိုးထဲ ခေါင်းနှစ်ခိုင်းထားပြီး၊ မူးရူးနေရင်ပြီးရော၊ ပြဿနာမရှာနိုင်ဘူးဆိုတဲ့စိတ်တွေနဲ့ ပစ်ထားခဲ့တာ နှစ်ပေါင်းများစွာကြာလာတဲ့ ရလဒ်က သွေးအေးအေးနဲ့ သတ်ရဲ ဖြတ်ရဲတာတွေ အဖတ်တင်လာခဲ့တယ်ဆိုတာ သတိထားသင့်ပါပြီ။

လွှတ်တော်မှာရောက်နေတဲ့ ပြည်သူ့ကိုယ်စားလှယ်ကြီးများခင်ဗျား၊ လွှတ်တော်မှာ အကျိုးမရှိတာတွေ ဇွတ်အော်နေမယ့်အစား၊ ပီအာလို ဥပဒေအစား၊ ကိုယ့်နိုင်ငံသူနိုင်ငံသားတွေ စိတ်ဓာတ်ကြံ့ခိုင်ရေးအတွက် အရွယ် ရောက်သူတိုင်း စစ်မှုထမ်းခွင့်ဥပဒေကို တစ်ဘက်လှည့် ဆွေးနွေးရင် ပိုပြီးသင့်မယ်ထင်ပါတယ်။ ပြောသာပြောရ ပါတယ်ဗျာ၊ ပြည်တွင်းစစ်မီးကြီး မငြိမ်းသတ်နိုင်သေးဘဲနဲ့ အရွယ်ရောက်သူတိုင်း စစ်မှုထမ်းခိုင်းဖို့ဆိုတာ အလှမ်း ဝေးဦးမယ်ဆိုတာလည်း သိသားနဲ့ ပြောကြည့်လိုက်တာပါ။


(ကျော်ဗလ)

 https://www.facebook.com/notes/782897781730970/  မှကူးယူဖော်ပြပါသည်။

—

ပြီးခဲ့တဲ့ မတ်လမှာ ထိုင်းနိုင်ငံ ချင်းမိုင်မြို့က အစ်ကိုလို ခင်မင်ရတဲ့  NHEC ဒါရိုက်တာ ကိုညိုမင်း က အမေရိကန် သင်တန်းတစ်ခုအတွက်  လျှောက်လွှာတစ်စောင် အီးမေးလ်နဲ့ လှမ်းပို့ပေးပါတယ်။  သင်တန်းက သမ္မတဟောင်း  ဂျော့ဒဗယူ ဘုရှ် အင်စတီကျူ့က ခေါ်တဲ့  လစ်ဘာတီနဲ့ ခေါင်းဆောင်မှု (Liberty and Leadership)  သုံးပတ် သင်တန်းပါ။သင်တန်းအကြောင်းအရာကို စိတ်ဝင်စားတာရယ်၊ အချိန်တိုတောင်းတာရယ်ကြောင့် သင်္ကြန်ရက်အတွင်းမှာ အက်ဆေး  လေးပုဒ်ရေးပြီး အွန်လိုင်းကနေ အချိန်ကပ် လျှောက်လိုက်ပါတယ်။ ရက်ပိုင်းအတွင်းမှာပဲ အမေရိကကနေ  ဖုန်းနဲ့လှမ်းအင်တာဗျူးပါတယ်။


မကြာပါဘူး၊ အရွေးခံရကြောင်း  ဘုရှ် အင်စတီကျူ့က  အီးမေးလ်နဲ့  အကြောင်းပြန်လာတယ်။ ကျွန်တော် အပါအ၀င် လူငယ် ၁၈ ယောက် အရွေးခံရပြီး၊ လျှောက်တဲ့သူ  ၁၀၀ လောက်ထဲက ၁၈ ယောက် ရွေးတာလို့ နောက်မှ သိရတယ်။ ရွေးချယ်ခံရသူ အများစုက  ပြည်တွင်းနဲ့ နယ်စပ်မှာ  နေထိုင်ပြီး နိုင်ငံရေး လူမှုရေး ပညာရေး တက်ကြွလှုပ်ရှားနေကြသူတွေပါ။ ရှုပ်ရှုပ်ထွေးထွေး အမေရိကန်ဗီဇာကို အွန်လိုင်းက လျှောက်နေချိန်အထိစိတ်တက်ကြွမှု မရှိပါ။ အမေရိက သွားရဖို့ တစ်စက်ကလေးမှ ရင်မခုန်ပါ။ လွန်ခဲ့တဲ့  ၇ နှစ်လောက်က အခြေချသွားနေဖို့အထိ  ကြိုးစားခဲ့ဖူးးတာ  မအောင်မြင်တဲ့နောက် ကိုယ့်တိုင်းပြည်က လွဲလို့ ဘယ်မှ သွားချင်စိတ် မရှိတော့တာ အမှန်ပါ။

၂၁  ရက် သင်တန်းအစီအစဉ်နဲ့ ဖတ်ရမယ့် စာတွေကို အင်စတီကျူ့က ကြိုတင်လှမ်းပို့ထားပါတယ်။ ၀ါရှင်တန်ဒီစီ လေ့လာရေးခရီးစဉ်လည်းပါတယ်။သင်ကြားပို့ချမယ့်သူတွေက  တက္ကသိုလ် ပါမောက္ခတွေဆိုတာလောက်သာ ကြည့်မိပြီး၊စာတွေကို ကြိုမဖတ်ဖြစ်ခဲ့ပါ။ပြည်တွင်းအုပ်စုက ဇွန်  ၂၄ ညမှာ ရန်ကုန်က စထွက်ကြတယ်။ ထိုင်းဘက်က လာကြသူတွေ၊ ဗကသအဖွဲ့က  ကိုလင်းထက်နိုင်၊ မဖြိုးဖြိုးအောင် တို့တွေနဲ့ အားလုံးတောင်ကိုရီးယားမှာ ဆုံပါတယ်။ ကမ္ဘာ့ မြန်နှုန်းအမြင့်ဆုံး အင်တာနက်ကို အင်ချွန်းလေဆိပ်မှာ ၁ နာရီလောက်  သုံးခွင့်ရလိုက်တယ်။ နောက် လူ ၅၀၀ ကျော်ပါတဲ့ ဘိုးရင်းလေယာဉ်ကို မိုင် ခုနှစ်ထောင်နီးပါး ခြေထောက်တွေ သွေးတောင့်တဲ့အထိ ၁၄ နာရီ စီးရပါတယ်။

ဇွန် ၂၆ နံနက် ၁၀ နာရီလောက်မှာ ဒါးလက်စ် လေဆိပ်ကို  ရောက်ပြီး ပရိုဂရမ် ဒါရိုက်တာနဲ့ မန်နေဂျာ အမျုိုးသမီးနှစ်ဦးက လာကြိုနှင့်နေပါတယ်။ တက္ကစပ်ပြည်နယ် လွင်ပြင်ကျယ်တွေကို လေယာဉ်ပေါ်က  မြင်ခဲ့ရပြီး၊ ဒါးလက်စ်မြို့အလှကို  ငေးမောရင်း တက္ကစပ်  လေကို  တ၀ကြီးရှုလိုက်မိပါတယ်။ ဒီအထိလည်း အမေရိကဟာ  ရင်ခုန်စရာ မကောင်းပါဘူး။ အန်ကယ်ဆန် က  ကျွန်တော်တို့ကို  ဘယ်လိုအိုင်ဒီယာတွေ  ရိုက်ထည့်လိမ့်မလဲဆိုတာပဲ  တွေးတောနေမိတယ်။ အတူသွားသူ နိုင်ငံရေးအကျဉ်းသားဟောင်း ကိုအောင်ကျော်ထွန်းကလည်း ဒါကိုပဲ စိတ်ပူနေတယ်။

ဟိုတယ်ကောင်းတစ်ခုမှာ  တစ်ယောက်တစ်ခန်းစီ ထားပေးလို့၊ မလိုအပ်ဘဲ  အပိုကုန်တယ်လို့တောင် ထင်မိပါတယ်။ ဒါပေမဲ့  ကျောင်းသားတစ်ယောက်ကို  ဒေါ်လာ  ၁ သောင်းအထိ  အကုန်ကျခံထားတဲ့ သင်တန်းဆိုတော့ ဒီလိုပဲ ရှိမှာပေါ့လေ။ ဟိုတယ်နဲ့  အင်စတီကျူ့က လမ်းလျှောက်ရင် ဆယ်မိနစ်ပါ။ ဘုရှ် အင်စတီကျူ့က Southern Methodist University ၀င်းထဲမှာ ရှိပါတယ်။ ဒါးလက်စ်မှာ နေထိုင်နေတဲ့  ကျောင်းသားတပ်မတော် ရဲဘော်ဟောင်းတစ်ဦးကတော့  “ခင်ဗျားတို့ အဲဒီမှာ တက်ခွင့်ရတာ  အရမ်းကံကောင်းတယ်၊ SMU တက္ကသိုလ်က  အရမ်းဈေးကြီးတယ်၊ ကျွန်တော်တို့  ဘယ်လိုမှ အနားမကပ်နိုင်ဘူး” လို့ ပြောပြီး  ဖုန်းနဲ့ အားပေးတယ်။ အဲဒီနေ့ နေ့လည်မှာပဲ အင်စတီကျူ့က သင်တန်းပရိုဂရမ်ဆောင်ရွက်တဲ့ အဖွဲ့ဝင်တွေနဲ့ သင်တန်းသားအားလုံး  မိတ်ဆက်ကြပါတယ်။

မမျှော်လင့်တဲ့  ညစာ

သင်တန်း အစနေ့မှာ ၀ါရှင်တန်ပို့စ် ပင်တိုင်ဆောင်းပါးရှင် Michael Gerson နဲ့ သင်တန်းကို စဖွင့်ပါတယ်။ နောက် SMU က  ပါမောက္ခ Maribeth Kuenzi နဲ့ ခေါင်းဆောင်မှုဆိုင်ရာ အခြေခံသဘောတရားတွေ စသင်ရပါတယ်။ ညနေမှာတော့  မထင်မှတ်တဲ့ အစီအစဉ် ရှိလာတယ်။ သင်တန်းကို ကမကထပြုတဲ့ သမ္မတဟောင်း ဂျော့ဒဗယူဘုရှ် နဲ့ လောရာဘုရှ် ဇနီးမောင်နှံက ညစာပါတီပေးဖို့  အသင့်ကြိုနေတာပါ။သမ္မတဇနီးမောင်နှံက တစ်ယောက်ချင်းစီကို ၀မ်းသာအားရ လက်ဆွဲနှုတ်ဆက်ပြီး ဓာတ်ပုံရိုက်ပါတယ်။ မြန်မာပြည်က လူငယ်တွေကို ဘယ်လောက်တန်ဖိုးထားတယ်၊ မြန်မာနိုင်ငံရေးအပေါ်  ဘယ်လောက်  စိတ်ဝင်စားတယ်ဆိုတာ သင်တန်းသားတွေ မျက်မြင်ကိုယ်တွေ့ပါ။

ညစားစားရင်း  မေးချင်ရာမေးခွင့် ပေးပါတယ်။ အားလုံးတစ်ယောက်တစ်ခွန်း ၀ိုင်းမေးလိုက် သမ္မတကြီးက ဖြေလိုက်နဲ့ စကားဝိုင်းက ပျော်ရွှင်နွေးထွေးမှု အပြည့်ပါပဲ။တစ်ဦးက  မြန်မာ့နိုင်ငံရေးအပေါ် ထင်မြင်ချက်ကို တောင်းတဲ့အခါ၊ ဘုရ်ှက လက်ရှိ အခြေခံဥပဒေ မပြောင်းနိုင်သမျှ ဒီမိုကရေစီကို ရောက်နိုင်မှာ  မဟုတ်ဘူး၊ တပ်မတော်သားတွေ လွှတ်တော်ထဲ ၀င်ထိုင်နေတာ ဘယ်လိုမှ အမြင်မတော်ဘူးလို့ ဖြေပါတယ်။ ဘုရ်ှနဲ့ မျက်နှာချင်းဆိုင် ထို်င်နေမိတဲ့  ကျွန်တော်က ခေါင်းဆောင်ကောင်းဖြစ်ဖို့  ဘယ်အရည်အချင်းက  အဓိက  ကျသလဲလို့  မေးမိတယ်။ ဆုံးဖြတ်ချက်  ပြတ်သားခိုင်မာမှုနဲ့  တာဝန်ယူမှုရှိဖို့ပဲလို့ ဖြေပါတယ်။ ဥပမာ၊ သူ  သမ္မတတာဝန်ယူစဉ်မှာ ခန့်အပ်ထားသူ လက်အောက်ငယ်သား အများကြီးရှိတယ်၊ ဒါပေမဲ့  သူတို့တွေ အမှားခဲ့လုပ်ရင် တာဝန်ယူရမှာကသူသာဖြစ်တယ်၊ သူ့မှာ  အဓိက  တာဝန်ရှိတယ်၊၉/၁၁ ဖြစ်ရပ်ဆိုးမျိုး ကြုံရတဲ့အခါမှာလည်း တွေဝေ တုန်လှုပ်ထိတ်လန့်မနေဘဲ  ပြတ်ပြတ်သားသား  ခေါင်းဆောင်မှုနဲ့ ရဲရင့်မှု ပြဖို့လိုတယ် မဟုတ်လားလို့  ဖြေပါတယ်။

သမ္မတဘုရ်ှက “အမေရိကန်ရဲ့ အနာဂတ် လစ်ဘာတီဟာ အခြားကမ္ဘာ့နိုင်ငံတွေရဲ့ လစ်ဘာတီ တိုးပွားမှု အပေါ်မှာ အများကြီးမူတည်တယ်” လို့ ယုံကြည်လုပ်ကိုင်ခဲ့သူ  ဖြစ်တယ်။ ကျွန်တော့် ဘေးမှာထိုင်နေတဲ့  လောရာဘုရ်ှကိုတော့ First Ladyဖြစ်တုန်းက ထိုင်းနယ်စပ်မြန်မာဒုက္ခသည်စခန်းတွေ လာကြည့်ရှုပေးတာကျေးဇူးတင်ကြောင်း ပြောမိပါတယ်။

စတန်းဖို့ဒ် ဂိုဏ်း

နောက်ရက် သင်တန်းတွေကလည်း တစ်နေ့တစ်မျိုး စိတ်လှုပ်ရှားစရာတွေချည်းပါ။Freedom House အဖွဲ့ ဒုတိယအကြီးအကဲ Daniel Calingaert ရဲ့ ဒီမိုကရက်တိုက်ဇေးရှင်း  လက်ချာတွေကနေ ဒီမိုကရေစီ အသွင်ကူးပြောင်းခဲ့တဲ့ နိုင်ငံတွေရဲ့  case study တွေ တော်တော်များများ သိရပါတယ်။ အထူးသဖြင့််  ဘယ်လို အခြေအနေမျိုးတွေမှာ ဒီမိုကရေစီနောက်ကြောင်းပြန်တတ်တယ်၊ စစ်တပ်ပါဝါကို  ဘယ်လို တစ်ဆင့်ချင်း  လျှော့ချလေ့ရှိတယ် ဆိုတာတွေပါ။ ချီလီရေးရာ ကျွမ်းကျင်သူ၊ တောင်အာဖရိက ရေးရာ  ကျွမ်းကျင်သူ၊ ရုရှားရေးရာ  ကျွင်းကျင်သူ၊ အမေရိကန်စစ်တပ်ဗိုလ်မှူးကြီးဟောင်းတွေက တစ်ချိန်စီ ၀င်ပြီး လာရောက်ဆွေးနွေးတာဖြင့် အားလုံး ခေါင်းအူလာတဲ့အထိပါပဲ။

သတိထားမိတာက  သမ္မတဘုရ်ှရဲ့ လုပ်ဖော်ကိုင်ဖက်  အကြံပေးတွေဟာ စတန်းဖို့ဒ် တက္ကသိုလ်က  များတယ်  ဆိုတာပါ။ နိုင်ငံခြားရေးဝန်ကြီးဟောင်း နိုင်ငံရေးဘောဂဗေဒ ပါမောက္ခ  ကွန်ဒိုလီဇာရိုက်  က စတန်းဖို့ဒ် တက္ကသိုလ်ကနေ တယ်လီကွန့်ဖရင့်နဲ့ ကျွန်တော်တို့ သင်တန်းသားတွေကို ဆွေးနွေးပေးပါတယ်။ သမ္မတဘုရ်ှရဲ့ စီးပွားရေးအကြံပေးအဖွဲ့  ဥက္ကဋ္ဌ လုပ်ခဲ့တဲ့ Edward Lazear ကလည်း  စတန်းဖို့ဒ်က ပါမောက္ခပါ။ ဒါးလက်စ်က ၆၄ ထပ်မြင့်တဲ့ CHASE ဘဏ် အဆောက်အဦမှာ သူနဲ့  သင်တန်းသားတွေ အုပ်စု သုံးဖွဲ့ခွဲပြီး မြန်မာစီးပွားရေး အလားအလာနဲ့ အိမ်နီးချင်းတရုတ်ပြဿနာကို ဆွေးနွေးပါတယ်။

သူ့အတွေ့အကြုံအရ နိုင်ငံတိုင်း စီးပွားရေး  တိုးတက်မှုနဲ့ တည်ငြိမ်ဖို့အတွက်  အဓိက  လိုအပ်တဲ့ အချက်တွေကို ရှင်းပြပါတယ်။ ဈေးကွက်နှုန်းထား တည်ငြိမ်မှု၊ လူထု ၀င်ငွေစုဆောင်းမှု မြင့်မားမှု၊ တရားဥပဒေ စိုးမိုးမှု၊ ပုဂလိကပိုင်ဆိုင်ခွင့်၊ ဘဏ္ဍာရေးနဲ့ ငွေကြေးမူဝါဒကောင်းရှိမှု၊  ငွေကြေးဖောင်းပွမှုနှုန်း နည်းမှု၊ နိုင်ငံခြားငွေကြေးလဲလည်မှုစနစ်၊ နိုင်ငံခြားရင်းနှီးမြှုပ်နှံမှု၊ လူသားအရင်းအမြစ်၊ လူထုလူမှုဘ၀ လုံခြုံရေး  (social welfare  and  safety nets)၊  နိုင်ငံတကာကုန်သွယ်မှု၊ အဆင့််မြင့်ပညာရေး စတဲ့ အချက်တွေ ကောင်းမွန်ဖို့လိုကြောင်း ပြောပါတယ်။

ဒါးလက်စ် ဗဟိုဘဏ် (Federal Reserve Bank) ကို  သွားလည်တဲ့အခါမှာတော့ အမေရိကန်အစိုးရ နိုင်ငံတကာ  ကုန်သွယ်ရေးကိုယ်စားလှယ်လုပ်ခဲ့တဲ့ လက်ရှိ ဒါးလက်စ် ဗဟိုဘဏ်ဥက္ကဋ္ဌက ဗဟိုဘဏ် လည်ပတ်ဆောင်ရွက်ပုံ၊  တစ်ကမ္ဘာလုံးကို ဒေါ်လာ လှည့်ပတ်စီးဆင်းပုံ၊ ဘဏ်တွေ အလုပ်လုပ်ကိုင်ပုံတွေ ရှင်းပြရင်း ဒေါ်လာစက္ကူရိုက်နှိပ်တဲ့ စက်ခန်းကိုပြပါတယ်။ မြန်မာသင်တန်းသားတွေအတွက် သူ့လက်မှတ်ထိုးပေးထားတဲ့ တစ်ဒေါ်လာစက္ကူ လက်ဆောင်ရယ်၊ ဖျက်ဆီးထားတဲ့  ဟောင်းနွမ်းဒေါ်လာစက္ကူအပိုင်းအစ အထုပ်လေးတွေရယ်ကို တစ်ဦးချင်းစီ လက်ဆောင်ပေးလိုက်ပါတယ်။




ပီတာရဲ့ ထူးခြားတဲ့  လက်ချာ

သင်တန်းကာလတစ်ခုလုံးမှာ အထူးခြားဆုံးနဲ့ အံအားသင့်ဖွယ်အကောင်းဆုံး အိုင်ဒီယာတွေ ပေးသူကတော့ စတန်းဖို့ဒ်တက္ကသိုလ် ပါမောက္ခ ပီတာ ဘာကိုဝစ်ဇ်  (Peter Berkowitz) ပါ။ သူ့ရဲ့  နိုင်ငံရေးဒဿနိကဗေဒ (political philosophy) သင်တန်းချိန်တွေက အများစုဖြစ်ပြီး၊ ကျွန်တော်တို့  အားလုံးကို  စွဲကိုင်လှုပ်ခါရမ်း ပစ်တဲ့သူပါ။ မြန်မာပြည်က  ကျောင်းသားတွေအဖို့ နိုင်ငံရေးဒဿနိကဗေဒက အလွန်စိမ်းတဲ့  ဘာသာရပ် ဖြစ်ပါတယ်။

ဘာကြောင့်လဲဆိုရင် မြန်မာတက္ကသိုလ်တွေမှာ နိုင်ငံရေးဒဿနိကဗေဒဌာနတွေ မထားရှိသလို၊ သင်ကြားပေးနိုင်သူလည်း  အလွန်ရှားလို့ပါ။ အခုနောက်ပိုင်း နိုင်ငံရေးသိပ္ပံ သင်တန်းတွေ အတော်အတန် ရှိလာကြပေမယ့်၊ နိုင်ငံရေးဒဿနိက ပို့ချမှုကတော့ ရန်ကုန်မှာ မရှိသလောက်ပါပဲ။ နိုင်ငံရေးဒဿနိကနဲ့ နိုင်ငံရေးသိပ္ပံမှာလည်း ခြားနားမှုတွေ ရှိပါတယ်။

အရင် မြန်မာနိုင်ငံရေးသမားအချို့က မက်စ်ဝါဒကို  နိုင်ငံရေးဒဿနတစ်ရပ်အဖြစ် လေ့လာခဲ့တာ ရှိပါတယ်။ သို့သော် မက်စ်ဝါဒက နိုင်ငံရေးဒဿနိကဗေဒ ဘာသာရပ်ရဲ့ အစိတ်အပိုင်းတစ်ခုမျှပါပဲ။ ဂရိက စလိုက်တဲ့ နိုင်ငံရေး  အုပ်ချုပ်ရေး  အယူအဆတွေကနေ၊ အလယ်ခေတ်၊ ရီနေးဆန်းခေတ်၊ ယနေ့ခေတ် နိုင်ငံရေး အတွေးအခေါ်များအထိ ဖြစ်စဉ်တလျှောက် နှိုင်းယှဉ်  ပို့ချပေးနိုင်သူ ကျွန်တော်တို့ဆီမှာ  ရှာရခက်ပါတယ်။ ဘာကြောင့် နိုင်ငံရေးဒဿနိကဗေဒ အရေးကြီးသလဲဆိုတော့ ကျွန်တော်တို့မြန်မာနိုင်ငံရဲ့ လက်ရှိ နိုင်ငံရေး  အခြေအနေဟာ ၁၈ ရာစု၊ ၁၉ ရာစု အနောက်နိုင်ငံတွေ ဒီမိုကရေစီအတွက် ကြုံတွေ့ဖြတ်သန်းရတဲ့  ပုံစံမျိုး  ဖြစ်နေလို့ပါပဲ။ လူတစ်ဦးချင်းစီနဲ့ လူ့အဖွဲ့အစည်းကိစ္စ၊ နိုင်ငံတော်ကိစ္စ၊ အုပ်ချုပ်ရေးအာဏာ ခွဲကျင့်သုံးရေး ပြဿနာတွေကို အနောက်တိုင်း  နိုင်ငံရေးဒဿနပညာရှင်တွေက အကြိမ်ကြိမ်အဖန်ဖန် ငြင်းခုန်ဆွေးနွေး ရေးသားပြီးနောက်မှ ဖွံ့ဖြိုးပြီးဒီမိုကရေစီနိုင်ငံတွေ အစီအစီ ပေါ်ထွန်းလာတာ  ဖြစ်ပါတယ်။

အသက်  ၅၀ ခန့်ရှိတဲ့  ပါမောက္ခ ပီတာက ကျွန်တော်တို့ သင်တန်းသားအားလုံးကို လစ်ဘရယ် ဒီကရေစီရဲ့ နောက်ကွယ်မှာ ရှိတဲ့  အယူအဆတွေ ဆွေးနွေးပြပါတယ်။ အာဏာကန့်သတ်ထားရမယ့် အစိုးရ  (limited  government)၊ ဗဟုဝါဒ၊ မတူကွဲပြားမှုအပေါ် ခန္ဒီတရားနဲ့ ခန္ဒီတရားရဲ့ အကန့်အသတ် (toleration and limit to toleration)၊ လူ့သားရဲ့ သဘာဝအခွင့်အရေး (natural rights)၊ ကွဲပြားခြားနားမှုနဲ့ တန်းတူညီမျှမှု (separate at equal)၊ တရားမျှတမှု (justice)၊ စီးပွားရေးလစ်ဘာတီ၊ နိုင်ငံရေးလစ်ဘာတီ၊ လူမှုပဋိညာဉ်၊ ကျောင်းတော်နဲ့ နိုင်ငံတော်  စည်းခြားမှု၊ ရပိုင်ခွင့်တွေနဲ့ ကျင့်ဝတ်တန်ဖိုး  (rights and virtues)၊ တရားဥပဒေစိုးမိုးရေး၊ အခြေခံဥပဒေ၊ အစိုးရကို ဆန့်ကျင်ပုန်ကန်ပိုင်ခွင့် (rebellion) ၊ နိုင်ငံသားအယူအဆ၊ အရင်းရှင်စနစ်၊ လုပ်အားခွဲဝေမှု (division of labor)၊ ပုဂလိကပို်င်ဆိုင်ခွင့်၊ မက်စ်ရဲ့  ရုပ်ဝါဒ၊ ရုစဗဲ့၊ ထရူးမင်း၊ဂျွန်ဆင်၊ ရေဂင်၊ဂျော့ဒဗယူဘုရ်ှနဲ့  အိုဘားမား တို့ အယူဝါဒတွေ (doctrines) အထိပါပဲ။

လော့ခ်ရဲ့ ဒုတိယကျမ်း

အထူးသဖြင့် ပီတာက ၁၇ ရာစု နိုင်ငံရေးပညာရှင် ဂျွန်လော့ခ်ကို ကျွန်တော်တို့နဲ့  ရင်းနှီးကျွမ်းဝင်အောင်လုပ်နိုင်ခဲ့ပါတယ်။ အင်္ဂလိပ်လူမျိုး ဂျွန်လော့ခ် (၁၆၃၂-၁၇၀၄) ဟာ ဆယ့်ရှစ်ရာစု ပြင်သစ် အသိဥာဏ် ပွင့်လင်းရေးခေတ်မှာ ပေါ်ထွက်လာတဲ့ လွတ်လပ်မှုအတွေးအခေါ်တွေရဲ့ ရှေ့ပြေး  ဖြစ်တယ်။ ဥပဒေပြုရေး၊ တရားစီရင်ရေး၊ အုပ်ချုပ်ရေး ဆိုတဲ့  ‘အာဏာခွဲဝေရေးမူ’ ကို ပထမဆုံး  အကြံပြုခဲ့သူ  ဖြစ်ပါတယ်။မင်းဆိုးမင်းညစ်ကို ရှောင်ချင်ရင်  ဥပဒေပြုရေးနဲ့ အုပ်ချုပ်ရေးအာဏာကို  ခွဲခြားပစ်ရမယ်လို့ လော့ခ်က စပြောခဲ့တယ်။

‘ငါသည်ပင် နိုင်ငံတော်’ ဆိုပြီး တရားမဲ့ ထင်ရာစိုင်း အုပ်စိုးနေတဲ့ လူဝီ  ၁၄  ခေတ်မှာ ကြီးခဲ့သူမို့ တရားဥပဒေနဲ့ညီတဲ့ နိုင်ငံတော်  ပေါ်ပေါက်ရေးတွေ လော့ခ်က ဆော်ဩတယ်။ ပြုည့်သူ့ကိုစားလှယ်တွေက ဥပဒေပြုပြီး၊ ဥပဒေအတိုင်း ကျင့်သုံးရမှာက  အစိုးရတာဝန်ဖြစ်တယ်။ လော့ခ်ရဲ့  နိုင်ငံရေး၊ ဘောဂဗေဒ၊ ပညာရေး၊ ဘာသာရေး၊ ဒဿန  စတဲ့ ကျမ်းပေါင်း  ၃၀ ကျော်အနက် အုပ်ချုပ်ရေးနဲ့  ပတ်သက်တဲ့ ကျမ်းစာနှစ်စောင်ဟာအထူးအရေးပါပါတယ်။ လော့ခ်ရဲ့ နာမည်ကြီး  Second Treatise ကျမ်းကတော့ နိုင်ငံရေးလေ့လာသူတိုင်း မဖြစ်မနေ  ဖတ်ရမယ့်စာအုပ်ပါ။

ပါမောက္ခပီတာက  ကျွန်တော်တို့ကို ၁၇ ရာစု အရေးအသားမို့ ဖတ်ရခက်တဲ့  လော့ခ်ရဲ့ Second Treatise ကျမ်းကို အခြေခံထားပြီး ဆွေးနွေးပါတယ်။လူသားရဲ့ အခြေခံတန်ဖိုးနဲ့ အသက်ရှင်ရေး၊ သဘာဝ အခြေအနေ၊ ပစ္စည်းဥစ္စာပိ်ုင်ဆိုင်ခွင့်၊ တစ်ဦးချင်းလွတ်လပ်ခွင့် လစ်ဘာတီ၊ လူ့အဖွဲ့အစည်းနဲ့  အစိုးရရဲ့  ဦးတည်ချက်ပန်းတိုင်၊ တရားမ၀င်အစိုးရကို  ဖျက်သိမ်းခွင့်၊ လွတ်လပ်စွာ ကိုးကွယ်ခွင့် စတာတွေပါ။ ‘လူဟာ သဘာဝအားဖြင့်လွတ်လပ်ပြီး တန်းတူအခွင့် ရှိတယ်။ အုပ်ချုပ်သူက  လူ့အဖွဲ့အစည်း ကိုယ်စားလှယ်မျှသာ  ဖြစ်ပြီး၊ လူတစ်ဦးချင်းစီကို  ကာကွယ်စောင့်ရှောက်ရမယ့် တာဝန်ရှိတယ်။ ပုဂလက  အဓိကဖြစ်ပြီး အစိုးရက သာမည ဖြစ်ရမယ်၊ ပြည်သူလူထုဆန္ဒအပေါ် အခြေမခံရင် ဘယ်အစိုးရမှ တရားမ၀င်ဘူး၊ အချုပ်အခြာအာဏာဟာ နိုင်ငံသားတွေ  လက်ထဲမှာပဲ  ရှိတယ်၊ တရားဥပဒေရဲ့ ပန်းတိုင်က လူတွေကို ကန့်သတ်ချုပ်ချယ်ဖို့  မဟုတ်ဘူး၊ လွတ်လပ်ခွင့် တိုးချဲ့ပေးဖို့နဲ့ အကာကွယ်ပေးဖို့ဖြစ်တယ်  ဆိုတာတွေကို လော့ခ်က အသေးစိတ် ရေးထားပါတယ်။

၁၇ ရာစု နိုင်ငံရေးသုခမိန်ရဲ့ ရေးသားချက်တွေဟာ အင်္ဂလန်မှာတင်မနေဘဲ အမေရိကန်တော်လှန်ရေးနဲ့  ပြင်သစ်တော်လှန်ရေးထဲ  ၀င်ရောက်သွားတယ်။ သောမတ်ဂျက်ဖာဆင်တို့ရဲ့  အမေရိကန်လွတ်လပ်ရေး  ကြေငြာစာတမ်းနဲ့ အမေရိကန်အခြေခံဥပဒေမှာ လော့ခ်ရဲ့ အယူအဆတွေ အများကြီးလွှမ်းမိုးထားပါတယ်။

တန်းတူညီမျှမှုနဲ့ တရားဥပဒေ

အဒမ်စမစ် ၁၇၅၉ ခုနှစ်မှာရေးတဲ့  The Theory of Moral Sentiments စာအုပ်ကို ပီတာနဲ့ ဖတ်ကြတယ်။ အဒမ်စမစ်ကို ‘နိုင်ငံများရဲ့ ဥစ္စာဓန’ စာအုပ်နဲ့သာ လူသိများပြီး၊ သူ့ရဲ့  ကျင့်ဝတ်ဆိုင်ရာ ဒဿနကျမ်းကို  လူသိနည်းပါတယ်။ သို့သော် ၁၇၇၆ ခုနှစ်ဟာ အမေရိကန်လွတ်လပ်ရေးကြေငြာစာတမ်းနဲ့ နိုင်ငံများရဲ့ ဥစ္စာဓန စာအုပ် ထွက်ခဲ့လို့ အနောက်မှာ  အပြောင်းလဲကြီးဖြစ်စေခဲ့တဲ့  နှစ်ပါ။ နှစ်ခုစလုံးက ဂျွန်လော့ခ်ရဲ့ တစ်ဦးချင်း လွတ်လပ်ခွင့်နဲ့ အစိုးရအာဏာကန့်သတ်ရေး အယူအဆတွေအပေါ်အခြေခံထားပါတယ်။

နောက် ၁၉ ရာစုမှာ အမေရိကကို ကိုးလတာ သွားရောက်ပြီး ရေးသားထားတဲ့ ပြင်သစ်နိုင်ငံသား အလက်ဇီ တော့ခ်ဗီးလ် ရဲ့ Democracy in America စာအုပ် နှစ်တွဲအကြောင်း ဆွေးနွေးရပါတယ်။ တော့ခ်ဗီးလ် က သူ့ရဲ့ ကိုးလ ခရီးစဉ်အတွင်း အဆွဲဆောင်နိုင်ဆုံးက အမေရိကန်လူထုအတွင်း  အခွင့်အရေး တန်းတူညီမျှရှိမှု၊ လူလတ်တန်းစား ကြီးထွားမှုနဲ့ တရားဥပဒေစိုးမိုးမှု  လို့ ဆိုပါတယ်။

နောက် လူမည်းခေါင်းဆောင်  မာတင်လူသားကင်း ဂျူနီယာရဲ့ Letter from Birmingham Jail စာတမ်းကို ပါမောက္ခပီတာက ဆွေးနွေးတဲ့အခါတရားမျှတမှု အယူအဆဟာ ပိုပြီး စိတ်ဝင်စားစရာတွေ တွေ့ရပါတယ်။ ဒေါက်တာကင်းရဲ့ ဘာမင်ဂန်  အကျဉ်းထောင်ကနေ သူ့မိတ်ဆွေ ခရစ်ယာန် ဘုန်းကြီးတွေဆီ ပေးစာထဲမှာ၊ “ဥပဒေ နှစ်မျိုးနှစ်စား ရှိတယ်၊ တရားသောဥပဒေနဲ့ မတရားသော  ဥပဒေ၊ လူတစ်ဦးဟာ  တရားသော  ဥပဒေကို  လိုက်နာဖို့  ကျင့်ဝတ်တာဝန်ရှိသလို၊ မတရားသော  ဥပဒေကို ဖီဆန်မနာခံဖို့  ကျင့်ဝတ်တာဝန်ရှိတယ်(One has a moral responsibility to obey just laws and to disobey  unjust laws.)… မတရားမမျှတမှုတွေက..တရားမျှတမှု ရှိတဲ့ နေရာတိုင်းကို အန္တရာယ်ပေးနေမယ်..၊ သမိုင်းရဲ့ ခါးသီးသော အတွေ့အကြုံအရ ဖိနှိပ်သူတွေဟာလွတ်လပ်မှုကို ဘယ်သောအခါမှ လိုလိုလားလား ပေးလေ့မရှိဘူး၊  အဖိနှိပ်ခံတွေက တောင်းဆိုယူကြရတာ ဖြစ်တယ်…၊လူ့အဖွဲ့အစည်းကောင်းဟာ အနိုင်ကျင့်ခံရသူတွေကို အကာကွယ်ပေးပြီး၊ အနိုင်ကျင့်သူတွေကို  အပြစ်ပေးဖို့  ဖြစ်တယ်…” ဆိုတဲ့ စကားတွေက  ကျွန်တော်တို့ သင်တန်းသားတွေကို စိတ်ခွန်အားတွေ ဖြစ်စေပါတယ်။

အမေရိကန် တည်ထောင်သူတွေဖြစ်တဲ့ ဂျိမ်းမက်ဒီဆန်၊ ဟမီလ်တန်၊ ဂျွန်ဂျေး  တို့ရဲ့ ‘ဖက်ဒရယ်စာတမ်း’ (The Federalist Papers) ကလည်း ကိုယ့်ဟာကိုယ့် ဘယ်လိုမှ မဖတ်ဖြစ်ပေမယ့်၊ ပါမောက္ခပီတာကြောင့် ဖတ်ချင်စိတ် ပိုမိုနားလည်ချင်စိတ် ရှိလာတယ်။ နိုင်ငံရေးသမားတိုင်း  မဖြစ်မနေ ဖတ်ရမယ့်  စာတမ်းပါပဲ။ အကြိုက်ဆုံး စာသားတွေထဲက တစ်ခုကတော့  စာတမ်းနံပါတ် ၅၁ မှာ မက်ဒီဆန် ရေးထားတဲ့ “လူတွေကို အုပ်ချုပ်နေတဲ့ အစိုးရက နတ်တွေ ဖြစ်ခဲ့လျှင်၊ အစိုးရကို အတွင်းအပြင် ထိန်းချုပ်ကန့်သတ်စရာ မလို၊ အစိုးရဟာ လူတွေပဲ  ဖြစ်တဲ့အတွက် ထိန်းချုပ်ကန့်သတ်ဖုိ့  လိုအပ်တယ်..။ အစိုးရ တစ်ရပ်ဟာ လူထုကို ထိန်းချုပ်နိုင်စွမ်း(law enforcement) ရှိရမှာဖြစ်သလို၊ သူ့ဟာသူလည်း  ထိန်းချုပ်နိုင်စွမ်း (limited  government)ရှိရမယ်” ဆိုတဲ့  စာသားပါပဲ။

နောက်ပြီး ဖက်ဒရယ်စာတမ်းက အစောကြီးကတည်းက ဒီမိုကရေစီရဲ့ အားနည်းချက်ဖြစ်တဲ့ လူအများစု ကြီးစိုးတဲ့  မင်းဆိုးမင်းညစ်ဝါဒ၊ အနိုင်ရပါတီကြီး ကြီးစိုးတတ်မှုအန္တရာယ်တွေ (tyranny of majority) ကို  သတိပေးထားတယ်။ ဒီမိုကရေစီကို တစ်ဦးချင်းလစ်ဘာတီနဲ့ ကန့်သတ်ထိန်းကြောင်းထားဖို့  အကျယ်တ၀င့် ရေးထားတယ်။ ဂရိမှာ ဒီမိုကရေစီသာရှိပြီး တစ်ဦးချင်းလစ်ဘာတီ မရှိတဲ့အတွက် ဆော့ခရတ္တိ သေဆုံးရတဲ့ ဖြစ်ရပ်ဟာ ကနေ့ ထူထောင်ဆဲ ဒီမိုကရေစီနိုင်ငံတွေရဲ့ လစ်ဘာတီကင်းမဲ့နေမှုကို သင်ခန်းစာပေးနေတုန်းပါပဲ။

ဝါရှင်တန်ခရီး

အမေရိကပြည်ထောင်စုဟာ လွတ်လပ်မှုနဲ့ တရားဥပဒေစိုးမိုးမှု အခြေပြုထားတဲ့ လူ့အဖွဲ့အစည်းဖြစ်တယ်။ အထူးသဖြင့်  နေရာတကာမှာ ဥပဒေအသက်ဝင်မှု (law  enforcement) ရှိနေတာဟာဖြင့် အံဩစရာပါ။ တရုတ်နဲ့ အခြားနိုင်ငံတွေက ငွေကြေးနဲ့ ရုပ်ဝတ္ထုပိုင်းမှာ အမေရိကန် ကို ကျော်တက်သွားနိုင်ကောင်းပေမဲ့၊ လူတစ်ဦးချင်းစီအပေါ် တန်ဖိုးထားမှုနဲ့ လူ့အဖွဲ့အစည်းအတွင်း ဥပဒေ အကျိုးသက်ရောက်မှုကိုတော့ ရာစုချီလိုက်ကြရဦးမှာ။

ဒါကို ၀ါရှင်တန်ဒီစီ ခရီးစဉ်မှာ ထင်ထင်ရှားရှား  တွေ့ရပါတယ်။ ဇူလိုင် ၃ ရက်မှာ အမျုိုးသား မော်ကွန်းတိုက်၊ တရားရုံးတော်နဲ့  Capitol တို့ကို သွားလေ့လာရတယ်။ညဖက်မှာ ဂျက်ဖာဆန်၊ လင်ကွန်း၊ မာတင်လူသာ အောက်မေ့ဖွယ်နေရာတွေကို  သွားကြတယ်။ သမ္မတလင်ကွန်းနဲ့  သမ္မတဂျော့ဝါရှင်တန် အမှတ်တရ  နေရာတွေမှာ လူတွေ အစည်ကားဆုံးနဲ့ အကြည်ညိုဆုံးဖြစ်တာ သတိထားမိတယ်။

ကျွန်တော်တို့ဟာ  ပင်လုံစာချုပ်  မူရင်းကိုမမြင်ဘူးပေမယ့်၊ အမေရိကန် လွတ်လပ်ရေးကြေငြာစာတမ်း၊ အမေရိကန်အခြေခံဥပဒေနဲ့  အခြား စာချုပ်စာတမ်း မူရင်းတွေကို ကြည့်ခွင့်ရခဲ့တယ်။ အများပြည်သူတွေ  လာရောက်ကြည့်ကြတာကို  မြင်ရတာလည်း  စိတ်လှုပ်ရှားစရာ။ ဇူလိုင် ၄ ရက်နေ့ဟာ အမေရိကန် လွတ်လပ်ရေးနေ့  ဖြစ်တာကြောင့် National Mall မှာ မီးရှုးမီးပန်းဖောက်တာ သွားကြည့်ပါတယ်။ ၀ါရှင်တန်  အထိမ်းအမှတ်ကွင်းပြင်မှာ ပြည်သူတွေ ညနေခင်း စောင့်ဆိုင်းနေတာဖြင့် ကြက်သီးမွေးညှင်းထစရာပါ၊ လွတ်လပ်ရေးကွင်းပြင်မှာ သိန်းနဲ့ချီ ထိုင်စောင့်နေကြသူ  လူအုပ်ဟာ အရက် စီးကရက်  သောက်စားခြင်း  မပြုကြပါ။

နောက်နေ့မှာတော့ ဗီအိုအေဌာန၊ အမေရိကန် သတင်းပြတိုက် (Newseum) နဲ့ သမိုင်းပြတိုက်တို့ကို ရောက်ပါတယ်။ တာဝန်ခံတွေက အသေးစိတ် ရှင်းပြပါတယ်။ နာဇီတွေ  သတ်ခဲ့တဲ့  ဂျူးခြောက်သန်းအတွက် Holocaust ပြတိုက်ကတော့ လူမျုိုးရေးမုန်းတီးမှု ဘာသာရေးမုန်းတီးမှုဆိုးကျုိုးတွေကို  သင်ခန်းစာယူနိုင်ဖို့ ပြသထားပါတယ်။ ပြတိုက်တွေ မော်ကွန်းတိုက်တွေနဲ့ နိုင်ငံ့ခေါင်းဆောင်တွေရဲ့ အိမ်တွေထဲ ပြည်သူတွေ  ၀င်ထွက်ကြည့်ရှုတာတွေ့ရတော့ ‘ဘိုးဘေးဘီဘင်တွေရဲ့ မှတ်တမ်းနဲ့ သမိုင်း လုပ်ဆောင်ချက်တွေကို တန်ဖိုးထားဂုဏ်ယူတတ်တဲ့လူမျိုးဟာ ကြီးမြတ်တဲ့  လူမျိုးပဲ’ ဆိုတဲ့ ငယ်စဉ်က ဖတ်ဖူးတဲ့ စာသားတစ်ခုကိုပြန်အမှတ်ရမိပါတယ်။

ဂျွန်လော့ခ်ရဲ့  လူ့အဖွဲ့အစည်း

ပြန်ချုပ်ရရင်  ကျွန်တော်တို့ တိုင်းရင်းသားစုံ  မြန်မာလူငယ် ၁၈ ယောက်ရဲ့ အမေရိကန်ခရီးစဉ်ဟာ လွတ်လပ်မှု၊ တရားမျှတမှုနဲ့ ဥပဒေစိုးမိုးမှု တို့ကို  စာတွေ့ လက်တွေ့ လေ့လာခွင့်ရခဲ့တဲ့ ရက်တို သင်တန်း  တစ်ခုလို့ ဆိုရမယ်။အောင်မြင်တဲ့ လူ့အဖွဲ့အစည်းတစ်ခုရဲ့  နောက်ကွယ်မှာရှိတဲ့ အယူအဆအတွေးအခေါ်၊ အုပ်ချုပ်မှုပုံစံ၊ အစိုးရစနစ်၊ တစ်ဦးချင်းစီနဲ့ လူ့အဖွဲ့အစည်း ဆက်စပ်မှုတွေကို လေ့လာခွင့်ရခဲ့ပါတယ်။ အမေရိကန်  လူ့အဖွဲ့အစည်းဟာ ၁၇ ရာစု ဂျွန်လော့ခ်ရဲ့ အတွေးအခေါ်တွေပေါ်မှာ  အခြေပြုထားဆဲပါပဲ။

နိုင်ငံခြားရေးဝန်ကြီးဟောင်း ဟင်နရီ ကစ်ဆင်ဂျားက ‘အို်င်ဒီယာကသာ လူ့အဖွဲ့အစည်းကို  မောင်းနှင်တယ်’ လို့ ပြောဖူးတာ ရှိတယ်။ အမေရိကန်လူ့အဖွဲ့အစည်းကို မောင်းနှင်နေတာ ဂျွန်လော့ခ်နဲ့  သူ့အတွေးအခေါ်ကို လက်ဆင့်ကမ်းသယ်ယူခဲ့ကြတဲ့ အမေရိကန်  တည်ထောင်သူတွေနဲ့ နောက်မျိုးဆက်ခေါင်းဆောင်တွေပါပဲ။

ကျွန်တော့်အတွက်တော့ အမေရိကန်ခရီးစဉ်နဲ့ ဂျွန်လော့ခ်ဆီကနေ အလွန်တန်ဖိုးရှိတဲ့ သင်ခန်းစာတစ်ခု ရရှိခဲ့ပါတယ်။ နိုင်ငံတစ်နိုင်ငံဟာ လွတ်လပ်မှုနဲ့  တရားဥပဒေစိုးမိုးမှု တွဲဖက်ထားနိုင်ရင် အစွမ်းကုန် အောင်မြင်တိုးတက်မှုရရှိပြီး၊ လူထုအပေါ် ကန့်သတ်ချုပ်ချယ်မှုတွေများပြီး တရားဥပဒေအသက်ဝင်မှု (law enforcement) မရှိရင် အမြဲနောက်ကောက်ကျ ရှုံးနိမ့်နေဦးမယ်  ဆိုတဲ့ အချက်ပါပဲ။        ။

ရဲမြင့်ကျော်

Messenger Journal , 17 Aug 2014

 

ယခင်စစ်အစိုးရလက်ထက် ဒီမိုကရေစီရေး  တိုက်ပွဲဝင်ကြတဲ့အခါ ‘ယခုကာလဟာ  ဒုတိယမြောက်  လွတ်လပ်ရေး  အရေးတော်ပုံ ဆင်နွှဲနေတဲ့ကာလ’ ဖြစ်တယ်လို့ ပြောဆို ကြွေးကြော်ခဲ့တာ ရှိပါတယ်။ ပထမ လွတ်လပ်ရေးက ဂျပန်နဲ့ အင်္ဂလိပ်ကို တော်လှန်ပြီး ရယူနိုင်ခဲ့ကြတာ။ ဒုတိယကတော့ စစ်အာဏာရှင်စနစ် ကို  တော်လှန်ပြီး  လွတ်လပ်ရေး  ရယူကြရမယ်ဆိုတဲ့  သဘော ဖြစ်ပါတယ်။


ဒီနေရာမှာ မရှင်းတာက ‘လွတ်လပ်ရေး’ လား၊ ‘လွတ်လပ်မှု’ လား ဆိုတဲ့ မြန်မာစကားပါ။ လွတ်လပ်ရေး (independence) အတွက်ဆိုရင် ဆင်နွှဲစရာ  မလိုတော့ပါဘူး။ အင်္ဂလိပ်ဆီက ရခဲ့ပြီးပြီ။ လွတ်လပ်မှု  (freedom) အတွက်ဆိုရင် ဆက်ဆင်နွှဲရမယ်၊ ကမ္ဘာတည်သရွှေ့  လူသားတွေဟာ သူတို့ လူသားရပိုင်ခွင့်နဲ့  လူသားဂုဏ်သိက္ခာအတွက် အမြဲတမ်း ဆင်နွှဲနေကြရမှာ  ဖြစ်ပါတယ်။ ဥပမာ၊ မြောက်ကိုရီးယား  နိုင်ငံဟာ လွတ်လပ်ရေးရထားပေမဲ့  လွတ်လပ်မှု စဉ်းငယ်မှ မရှိသလို၊ မြန်မာနိုင်ငံဟာလည်း  လွတ်လပ်ရေးရပြီးတာ ၆၆  နှစ်ရှိခဲ့ပေမဲ့ လွတ်လပ်မှုအတွက် အကြာကြီး လျှောက်လှမ်းရဦးမှာ ဖြစ်ပါတယ်။

အခု ဆောင်းပါးမှာ လွတ်လပ်မှု အဓိပ္ပါယ်ကို ဖွင့်ဆိုဆွေးနွေးကြည့်ချင်ပါတယ်။ လွတ်လပ်မှု အမျိုးမျုိုး ရှိပါတယ်။  ဆင်းရဲဒုက္ခမှ လွတ်လပ်မှု (လွတ်မြောက်မှု)၊ အကြောက်တရားမှ လွတ်လပ်မှု၊ စိတ်ဖိစီးမှုမှ လွတ်လပ်မှု၊ အချုပ်အနှောင်မှ လွတ်လပ်မှု၊ စီးပွားရေးလွတ်လပ်မှု၊  နိုင်ငံရေးလွတ်လပ်မှု၊ ယောက္ခမထံက လွတ်လပ်မှု၊ အမျိုးသမီးများ လွတ်လပ်မှု၊ စကတ်တိုတိုနဲ့ လွတ်လပ်မှု၊ မင်းမဲ့စရိုက် လွတ်လပ်မှု စသဖြင့်..။

အဲဒီလို အမျိုးမျိုးသော အမယ်စုံ လွတ်လပ်မှုတွေထဲကမှ လူ့အဖွဲ့အစည်းတိုင်းမှ လူတိုင်းအတွက် မရှိမဖြစ် အရေးပါတဲ့၊ မြန်မာနိုင်ငံသားတွေအတွက်လည်း အရေးတကြီးလိုအပ်နေတဲ့ လွတ်လပ်မှုကို ပြောချင်ပါ တယ်။ အဲဒီ လွတ်လပ်မှု (freedom) ကတော့ တစ်ဦးချင်းလွတ်လပ်မှု ဆိုတဲ့ ‘လစ်ဘာတီ’ (liberty) ပါပဲ။ လစ်ဘာတီဟာ  လာတင်စကား libertas ကနေ လာပြီး၊ မင်းဆိုးမင်းညစ် အောက်ကနေ လူတစ်ဦးချင်းစီ လွတ်မြောက်မှု အခြေအနေကို  ဆိုလိုတာဖြစ်ပါတယ်။

၁၉၉၈ ထုတ် အောက်စဖို့ဒ်အဘိဓာန်က ‘လစ်ဘာတီဆိုတာ လူ့အဖွဲ့အစည်းအတွင်းရှိ လူတစ်ယောက်၏  ဘ၀နေထိုင် ပြုမူမှု သို့မဟုတ် နိုင်ငံရေးအမြင်များအပေါ် အာဏာပိုင်မှ ဖိနှိပ်ကန့်သတ်  ချုပ်ချယ်မှု လွတ်ကင်းသည့် အခြေအနေ’ (Liberty is  the state of being  free within society  from  oppressive restrictions imposed by authority on  one’s way of life, behavior or political views.) လို့  ဖွင့်ဆိုပါတယ်။ လစ်ဘရယ်အတွေးအခေါ် ပညာရှင်နဲ့  နိုဘယ်ဆုရစီးပွားရေးပညာရှင် F.A  Hayek ကတော့ ‘လူတစ်ယောက်ကို အခြားတစ်ယောက် သို့မဟုတ် အခြားသူများက တစ်ဖက်သတ် ဆန္ဒဖြင့် အနိုင်ထက်ပြုကျင့်မထားသော အခြေအနေ’လို့ (The  state  in which a man  is not subject  to  coercion  by arbitrary  will of  another  or others.) လို့  ဆိုပါတယ်။ ဒီတော့  လစ်ဘာတီဆိုတာ 'အုပ်ချုပ်သူ သို့မဟုတ် အခြားသူတစ်ဦးရဲ့  ဖိနှိပ်ခံရခြင်းမှ လွတ်လပ်မှု’ လို့  ဆိုရပါမယ်။

နိုင်ငံရေး လွတ်လပ်မှုနဲ့ လစ်ဘာတီ


ပထမဆုံး  သတိထားရမှာက လစ်ဘာတီလို့  ပြောတဲ့အခါ ‘civil  liberty’ ဆိုတဲ့  ဝေါဟာရနဲ့  ရောထွေး  ကြတာပါ။ civil liberty ဆိုတာ political liberty နဲ့ အတူတူပါပဲ။ civil ဝေါဟာရဟာ ဂရိနဲ့ လာတင် ဝေါဟာရဖြစ်ပြီး political နဲ့ အနက်တူပါတယ်။  ပြည်သူအများ လွတ်လပ်မှုကို ဆိုလိုပါတယ်။ အခု ပြောတဲ့ လစ်ဘာတီကတော့ နိုင်ငံရေး လွတ်လပ်ခွင့်  လစ်ဘာတီကိုမျှ ပြောတာမဟုတ်ဘဲ၊ လူတစ်ဦးအပေါ် အခြားတစ်ဦးက လက်အောက်ခံအဖြစ် ဖိနှိပ်ချုပ်ချယ်ထားခွင့် မရှိရေးဆိုတဲ့ တစ်ဦးချင်း လွတ်လပ်ခွင့်ကို  ဆိုလိုတာ ဖြစ်ပါတယ်။

နောက် အမျိုးသားလွတ်မြောက်ရေး၊ လူနည်းစုလွတ်မြောက်ရေး၊ ကျေးကျွန်အဖြစ်မှ လွတ်မြောက်ရေး၊ ကိုလိုနီလက်အောက်ခံဘ၀မှ လွတ်မြောက်ရေး စတာတွေဟာလည်း နိုင်ငံရေးလွတ်လပ်မှုတွေ ဖြစ်ပါတယ်။ ဒါတွေက  အစုအပေါင်းဆိုင်ရာ  လစ်ဘာတီ  (collective liberty) သာဖြစ်ပြီး၊ တစ်ဦးချင်းလစ်ဘာတီ  (individual liberty) မဟုတ်သေးပါဘူး။ လွတ်လပ်စွာပြောဆိုခွင့်နဲ့ အစိုးရကို မဲပေးရွေးချယ်နိုင်ခွင့် တို့ကလည်း နိုင်ငံရေး  လွတ်လပ်ခွင့်သာဖြစ်ပြီး၊ တစ်ဦးချင်းလစ်ဘာတီ အတွက် မပြည့်စုံသေးပါဘူး။ ဘာကြောင့်လဲဆိုရင် ၂၀  ရာစု အစောပိုင်းအထိ နို်င်ငံရေးမှာ  အမျိးသမီးတွေကို  ကန့်သတ်ထားတာ၊ အမျိုးသားတွေပဲ  မဲပေးခွင့်ရှိတာတွေ ရှိခဲ့တယ်။ ၁၈ နှစ်အောက်ဟာ မဲပေးခွင့်မရှိပါဘူး။ ဒါတွေကြောင့်  နိုင်ငံရေးလစ်ဘာတီဟာ  တစ်ဦးချင်းလစ်ဘာတီအတွက် မပြည့်စုံပါဘူး။

အတွင်းစိတ် လွတ်လပ်မှုနဲ့ လစ်ဘာတီ

နောက်တစ်ခုက တစ်ဦးချင်းလွတ်လပ်မှု လို့ပြောရင် ဘာသာရေးနဲ့ စ်ိတ်ပညာနယ်ပယ်တွေမှာရှိတဲ့ ‘အတွင်းအဇ္ဈတ္တ လွတ်လပ်မှု’ (inner freedom) နဲ့ အချုို့က ရောထွေးကြည့်မြင်တတ်ပါတယ်။ စိတ်အတွင်းပိုင်းလွတ်လပ်မှု ကိစ္စဟာ အခြားသူက ဖိနှိပ်ကန့်သတ်ချုပ်ချယ်ထားလို့  ဖြစ်ရတာထက် မိမိကိုယ်တိုင်ရဲ့ စိတ်ပိုင်းဆိုင်ရာ  အားနည်းချက်၊ စာရိတ္တ ပျော့ညံ့မှုတွေနဲ့ဆိုင်ပါတယ်။ လောဘ၊ ဒေါသ၊ မောဟ အမှောင်ထုတွေ၊ အယူအစွဲအလမ်းနဲ့ အ၀ိဇာ တိမ်သလ္လာကနေ တစ်ဦးချင်း လွတ်မြောက်ဖို့  ကြိုးစားတာဟာ တစ်ဦးချင်းလွတ်လပ်မှု လစ်ဘာတီနဲ့ အဓိပ္ပါယ်ကွာပါတယ်။

တစ်ဦးချင်းလွတ်လပ်မှု ဆိုတဲ့ အသုံးနှုန်းချင်းတူပေမဲ့၊ အတွင်းစိတ်လွတ်လပ်မှုနဲ့ လစ်ဘာတီဟာ အဓိပ္ပါယ် ကွာခြားပါတယ်။ ဥပမာ၊ မြန်မာစစ်ဗိုလ်ချုပ်တွေ အငြိမ်းစားယူတဲ့အခါ ရိပ်သာတွေမှာ အေးအေးလူလူ  တရားအားထုတ်ရင်း တစ်ဦးချင်းလွတ်မြောက်ရေး ရှာကြတယ်။ လမ်းပေါ်ထွက်ဆန္ဒပြသူတွေကတော့  သူတို့  လယ်မြေတွေ အသိမ်းခံရမှုနဲ့ မတရားမှုတွေကနေ လွတ်မြောက်ဖို့  တောင်းဆိုကြတယ်။ ဘာသာရေးသမားရဲ့ တစ်ဦးချင်းလွတ်မြောက်ရေးအယူအဆနဲ့ အာဏာာရှင်စနစ်ဆိုးရဲ့ ဖိနှိပ်မှုအောက်က  လူတစ်ဦးချင်းလွတ်မြောက်ရေးမှာ အယူအဆ ကွာခြားမှု အများကြီးရှိပါတယ်။

မင်းမဲ့စရိုက်နဲ့ လစ်ဘာတီ

တစ်ဦးချင်းလွတ်လပ်မှုလို့  ပြောတဲ့အခါ အများမျက်စိထဲ မြင်သွားတာက လူတစ်ယောက်ချင်း စည်းကမ်းမဲ့ လုပ်ချင်ရာလုပ်ပိုင်ခွင့်၊ ဥပဒေချုိုးဖောက်ခွင့်၊ မင်းမဲ့စရိုက် စတာတွေပါ။ ငှက်တစ်ကောင်လို ကောင်းကင်ထဲ ဆန္ဒရှိသလို လွတ်လပ်စွာ ပျံသန်းနို်င်တယ်လို့  ထင်တာမျိုးပါ။ အကန့်သတ်မဲ့ လွတ်လပ်မှုက လစ်ဘာတီရဲ့  ဆန့်ကျင်ဘက်ပါ။ တကယ်က  တစ်ဦးချင်း လစ်ဘာတီဆိုတာ အခြားသူတစ်ယောက်ရဲ့  အကျပ်ကိုင် နိုင်ထက်စီးနင်းပြုကျင့်မှု  မရှိခြင်း (absence  of coercion) ကို ဆိုလိုတာ။ အဲဒီ အတွက် အားလုံးချမှတ်တဲ့ ဥပဒေအောက်မှာ တန်းတူ လိုက်နာနေထိုင်ကြရခြင်းနဲ့ တစ်ဦးကိုတစ်ဦး အပြန်အလှန်  လေးစားရခြင်းတို့  ဖြစ်တယ်။

အထူးသဖြင့် ဆိုရှယ်လစ်၊ ကွန်မြူနစ်နဲ့ အာဏာရှင်နိုင်ငံတွေဟာ တစ်ဦးချင်းလစ်ဘာတီကို မင်းမဲ့စရိုက်လို့ ပုံဖျက် ပြောဆို သုံးနှုန်းပါတယ်။ လူထုအတွက်၊ အများအကျုိုးအတွက်၊ ပြည်ထောင်စုကြီးအတွက်၊ ညီညွတ်ရေးအတွက်၊ ဘုံလယ်ယာအတွက်၊ ဆိုရှယ်လစ်ပန်းတိုင်အတွက်၊ တိုင်းပြည်ချောက်ထဲမကျစေဖို့ အတွက်၊ စီမံကိန်းအတွက် ဆိုတဲ့ အစုအပေါင်းအယူဝါဒ (collectivism)  ခေါင်းစဉ်တွေအောက်မှာ နိုင်ငံသား တစ်ဦးချင်းရဲ့ လွတ်လပ်မှု (individualism) ကို ဖျက်ဆီးချေမွပစ်ခဲ့ကြတယ်။ တစ်ဦးချင်းလစ်ဘာတီကို မင်းမဲ့စရိုိုက်အဖြစ် ၀ါဒဖြန့်ပြီး၊ နုတ်နုတ်စင်းပစ်လိုက်ပါတယ်။

နိုင်ထက်စီးနင်းပြုခံရမှု

ဒုက္ခသစ္စာကို  ရည်လည်စွာသိမှ လွတ်မြောက်မှု  နိဗာန်ကို  သိမယ်လို့  ဆိုပါတယ်။ စစ်ပွဲတွေရင်ဆိုင်ရမှ ငြိမ်းချမ်းရေးကို ပိုလိုချင်ကြတယ်။ အလားတူပဲ အကျပ်ကိုင်နိုင်ထက်စီးနင်းပြုကျင့််မှု (coercion) အကြောင်း သိထားပါမှ တစ်ဦးချင်းလစ်ဘာတီကို ကောင်းကောင်းသိနိုင်ပါတယ်။

အကျပ်ကို်င်ဖိအားပေး အနိုင်ကျင့်ခံရတဲ့ ပတ်ဝန်းကျင် အခြေအနေတစ်ခုမှာ ရှိနေတဲ့ လူတစ်ယောက်ဟာ သူရဲ့ ပင်ကို စိတ်ဆန္ဒအတိုင်း ဆောင်ရွက်နိုင်မှု ကင်းမဲ့ပါတယ်။ တခြားသူရဲ့ စိတ်ဆန္ဒကို  ကျေးကျွန်ပမာ  လိုက်လံ အကောင်အထည်ဖော်ပေးရတယ်။ သူ့ကိုယ်ပိုင်  ယုံကြည်ချက်နဲ့ အသိပညာတွေကို အပြည့်အ၀  အသုံးချခွင့် မရဘူး။ အထက်အမိန့်အတိုင်း လုပ်ဆိုလုပ်ရမယ်၊ ဒီစီမံကိန်းကို အကောင်ထည်ဖော်ဆို ဖော်ရမယ်၊ ကြက်ဆူပင်  စိုက်ဆို အလုပ်မဖြစ်မှန်း  သိသိနဲ့ စိုက်ခဲ့ကြရတယ်။ ရေဗူးပေါက်တာ  မလိုချင်ဘူး ရေပါတာပဲ လို်ချင်တယ်လို့  အဘက ပြောတယ်။ ဒီလိုအခြေအနေမှာ တစ်ဦးချင်းစီဟာ ကိုယ်ပိုင်ပြောဆိုခွင့်  ရွေးချယ်ခွင့် မရှိတော့ဘဲ  ကျေးကျွန်ဖြစ်သွားရပါတယ်။

အုပ်ချုပ်သူရဲ့ အနိုင်ကျင့်ခံရခြင်းဟာ မကောင်းဆိုးဝါးဝင်ပူးခံရတဲ့ အခြေအနေမျုိုးပါ။ ဘာကြောင့်ဆိုရင်  လူတစ်ဦးချင်းဟာ သူရဲ့ အတွေးအခေါ်နဲ့ ဂုဏ်သိက္ခာတန်ဖိုးတွေ အနုတ်ပယ်ခံလိုက်ရလို့ပါပဲ။ တစ်ပါးသူရဲ့  ဆုံးဖြတ်ချက်တွေ ဆန္ဒတွေကို အကောင်အထည်ဖော်ပေးရတဲ့ ကရိယာတန်ဆာပလာတစ်ခု သက်သက် ဖြစ်သွားလို့ပါပဲ။

မိမိလစ်ဘာတီကို ကာကွယ်ပါ

ဘယ်သူတွေက  အနိုင်ကျင့်နေသလဲ၊ အုပ်ချုပ်သူဖြစ်တယ်။ အုပ်ချုပ်သူက ဘယ်သူတွေလဲ၊ လူတွေထဲက  ပေါက်ဖွားလာတဲ့ လူတွေဖြစ်တယ်။ သူတို့ဘယ်နှယ့်ကြောင့် အနိုင်ကျင့်မှုပြုနိုင်သလဲ။ အုပ်ချုပ်ရေးအာဏာ ယန္တရား ရှိလို့ဖြစ်တယ်။ နိုင်ငံတော်ဆိုတဲ့ အခွင့်အာဏာ ရရှိထားလို့ဖြစ်တယ်။ ဒါဖြင့် ဒီယန္တရားနဲ့ နို်င်ငံတော် က တစ်ဦးချင်းအပေါ် မရမ်းကားအောင်၊ ဘ၀တွေမဖျက်ဆီးပစ်နိုင်အောင် အမြဲ ၀ိုင်းဝန်းကန့်သတ်ထားဖို့ လိုပါမယ်။ နိုင်ငံသား တစ်ဦးချင်းစီပိုင်တဲ့ မွေးရာပါ ဂုဏ်သိက္ခာနယ်ပယ်ထဲ၊ အသိပညာနယ်ပယ်ထဲ၊ ဆုံးဖြတ်ခွင့်နယ်ပယ်ထဲ နိုင်ငံတော်အာဏာ ၀င်ရောက်မစွက်ဖက်အောင် ဥပဒေတွေနဲ့ တားဆီးကြရမယ်။

အစိုးရရဲ့ တစ်ဦးချင်းအပေါ် အနိုင်ကျင့်မှု နည်းနိုင်သမျှနည်းအောင် တစ်ဦးချင်းစီတိုင်းက ကန့်သတ်ရမယ်။ အုပ်ချုပ်ရေးယန္တရား  အသေးဆုံးဖြစ်အောင် ချုံပစ်ပြီး  မိမိတို့တစ်ဦးချင်းစီ ကိုယ်ပို်င်နယ်ပယ်တွေ တိုးချဲ့ ယူရမယ်။ သူတစ်ပါး ပါးစပ်နဲ့ လမ်းစဉ်မှာ လမ်းဆုံးမနေဘဲ၊ မိမိကိုယ်ပိုင် ရည်မှန်းချက်နဲ့ အိပ်မက်တွေ ဆုံးဖြတ်အကောင်အထည် ဖော်နိုင်ဖို့ အားထုတ်ရမယ်။ ကိုယ့်အတွက် ကိုယ်စားပြုပေးတဲ့ ခေါင်းဆောင်နဲ့ ဥပဒေပြုအမတ်တွေဟာ အစိုးရအာဏာကန့်သတ်ရေးကို အမြဲလုပ်နေသလား စောင့်ကြည့် ဝေဖန်ရမယ်။

လစ်ဘာတီ  ဆိုတဲ့ စကားဟာ ရောမခေတ် လာတင်စကားအနေနဲ့ ‘ကျေးကျွန် မဟုတ်သူ’ (someone who is not a slave) လို့ လည်း အဓိပ္ပါယ်ရသေးတယ်။ ဒီကနေ့  ၂၁ ရာစု မြန်မာနိုင်ငံသားတွေကလည်း  အုပ်ချုပ်သူတွေရဲ့ အနိုင်ကျင့်မှုနဲ့ ကျေးကျွန်ပြုမှုမှ လွတ်မြောက်အောင် ကြိုးပမ်းသွားရမှာ ဖြစ်တယ်။ ဒါဟာ လူသမိုင်းပေးတာဝန်  ဖြစ်သလို နိုင်ငံ သမိုင်းပေးတာဝန်လည်းဖြစ်တယ်။ မိမိတစ်ဦးချင်း မလွတ်မြောက်ဘဲ ကျေးကျွန်ဖြစ်ခဲ့ရင်တောင်မှ နှောင်းမျိုးဆက်တွေအတွက် လစ်ဘာတီ အမွေချပေးရပါမယ်။ လစ်ဘာတီကို မိမိကိုယ်တိုင်ရော အများကြားမှာပါ နိုးနိုးကြားကြား သိရှိလာပြီး  အုပ်ချုပ်သူ့ရဲ့ အနိုင်ကျင့်ဗိုလ်ကျမှုကို အမြဲ တော်လှန်သွားရမှာ ဖြစ်ပါတယ်။

ရဲမြင့်ကျော်

(Messenger  Journal , 24 Aug 2014)