စည်ပင်ရဲ ဝန်ထမ်းမိသားစုများရဲ့ ခံစားချက်

စည်ပင်ရဲ ဝန်ထမ်းမိသားစုများရဲ့ ခံစားချက်

( ကမာရွတ်မြို့နယ် စည်ပင်ရဲဝင်းအတွင်းက မိသားစုဝင်တစ်ဦးရဲ့ ရင်ဖွင့်သံလေးကို ဖော်ပြပေးလိုက်ပါတယ် ..)
စည်ပင်ရဲဝင်း ဟံသာဝတီရဲ့ အပုတ်နံ့များ မျက်နှာလွှဲနေကြသလား…..

မြို့တော်ရန်ကုန် မှာ ၁၉၉၁ ခုနှစ် ဦးခင်မောင်ထွန်း စတင် တည်ထောင်ခဲ့တဲ့ စည်ပင်ရဲဟာ လွန်ခဲ့တဲ့ ၄ နှစ်လောက်ကစပြီး ရစရာမရှိအောင် ပျက်စီးနေခဲ့ပါပြီ ရဲမှူးကြီး လှမြင့် လက်ထက်ကစပြီး စနစ်တကျ ဖျက်ဆီးခြင်းခံခဲ့ရပါတယ်။


ရဲမှူးကြီးအိမ်အတွက် ဘုရားပန်းကအစ ခွေးစာ အဆုံး အိမ်သုံး မီးဖိုချောင်သုံး နနွင်းမှုန့်အထိ လိုလေသေးမရှိ နေ့စဉ်စာရင်းနဲ့ တပ်ခွဲများက အလှည့်ကျဝယ်ပေးရပါတယ်။ ဒီတော့ တပ်ခွဲမှူးများကလည်း ငွေရှာနိုင်တဲ့ ရဲ ကို ဦးစားပေးနေရာပေးထားပါတယ်။ စာအုပ်ရောင်းခိုင်တယ် အလှူခံခိုင်းတယ်။

အဲဒီတော့ ငွေမရတဲ့ အောက်ဆိုက်မရှိတဲ့ ရဲဝန်ထမ်းတွေဟာ စိတ်ဓာတ်ပျက်ပြား စည်းကမ်းတွေပျက် အလုပ်မလုပ်တော့ဘဲ ထိမ်းသိမ်းကွပ်ကဲမှုကင်းလွတ်လာတယ်။ နောက်ဆုံးမခံနိုင်လို့ ရဲချုပ်ရုံးတိုင်တော့ လာတော့စစ်ပါရဲ့ အရေးယူတယ်ဆိုပြီး ပုသိမ်တိုင်းကိုပြောင်းပေးလိုက်တာ ငါးခြောက်ပုံပေါ် ကျသွားပါလေရော။

စည်ပင်ရဲကို ရဲမှူးကြီး ကျော်ဆွေ ရောက်လာပါတယ် … ကျားကြောက်လို့ ရှင်ကြီးကိုး ကျားထက်ဆိုး နဲ့တွေ့နေရပါပြီ။ နောက်ဘုန်းကြီးက ၂ချက်ပိုပြီး ၅ ချက်ခေါက်နေလေတော့ အမလေးဗျတောင်မတရဲတော့ပါ။ ယခု ကမာရွတ်စည်ပင်ရဲဝင်းထဲမှာ မာဖီးယား ဂိုဏ်းခေါင်းဆောင်ရောက်လာလေတော့မကောင်းတာအားလုံးရ တရားဝင်လိုကို ၂ လုံး ၃ လုံး ဖဲဝိုင်း ကအစ ဝင်းထဲရှိအဈေးဆိုင်တိုင်းမှာ လိုင်စင်မဲ့ အရက်မျိုးစုံတင်ရောင်းလို့ စည်ပင်ရဲဝင်းထဲ အကုန်ရပါတယ်။

ရန်ကုန်မြို့ပေါ် သက်သာဆိုင်ငှားရမ်းဖွင့်ခွင့်ပိတ်ပင်ထားပေမည့် ဥပဒေ အထက်မှာ ရှိနေလေတော့ တပ်ခွဲ ၄ ခွဲ ကို တစ်ဆိုင်စီဖွင့်ခိုင်းပြီး တစ်ဆိုင် ၃၀၀၀၀ ကျပ် ပေးသွင်းခိုင်းပါတယ်…. ဝင်းထဲမှာလည်း ကားဘော်ဒီရုံ ကားဝပ်ရှော့တွေကို ငှားရမ်းပြီးစီးပွားရှာနေလို့ ဆူညံ အကျည်းတန်နေခဲ့ရလို့ ကျောင်းသားမိဘတွေ ရင်မအေးရပါဘူး။ သက်သာဆိုင်တွေကလည်း ငွေသွင်းနေရတော့ အရက်ကိုပြောင်ကျကျ တင်ရောင်းနေ ပါတယ် … ဝင်းထဲက မှီခိုသူမိသားစု တွေနဲ့ကျောင်းသားတွေဟာ အချိန်ပြည့် အရက်ဆိုင်တွေမှာ ဈေးပေါပေါလိုင်စင်မဲ့အရက်တွေကြောင့်အရက်သမားတွေလုံးလုံးဖြစ်နေကြပါပြီ။

အဆိုးဆုံးက တပ်ခွဲ ၄ ခွဲမှူး ရဲအုပ်ဝင်းအောင်ဖွင့်တဲ့ဆိုင်ပါ… အိမ်ထောင်သည်လိုင်းအတွင်းမှာ ကာရာအိုကေ ဘိလိယက် အရက် အစုံရပြီး တစ်ညလုံးဆူညံနေလို့ လိုင်းနေမိသားစုများ ငရဲညကိုရောက်နေရပါပြီ သူက ရဲမှူးကြီးရဲ လက်ရင်းတပည့်ဆိုတော့လည်း …….

သက်ဆိုင်ရာလူကြီးအပေါင်းတို့ခင်ဗျား…… ကယ်ပါလို့တော့မပြော ချင်ပါ …..နောက်လာမည့်ဘုန်းကြီး ၇ ချက်ခေါက်မည့်သူကို စည်ပင်ရဲဝင်းမိသားစုအပေါင်း စောင့်မျှော်လျှက်ရှိပါကြောင်း ….

မိသားစုဝင် တစ်ဦး