မထိအောင်သာ ရှောင်လို့ရခဲ့ရင် ခလုတ် လို့လဲ မမည်တော့ပါ

 

( YANGON HEALTH GUIDE , 2014 ) ပါ ဆောင်းပါး ......

. . . . . 'ခလုတ်ထိမှ အမိတ'လို့ ကြားဘူးမှာပါ။ အမိကိုလည်း မတရအောင် ၊ လဲလို့လည်း မကျရအောင် ရှောင်လို့ရတဲ့ ခလုတ်များစွာရှိကြောင်းကိုရော သိကြပါရဲ့လား။

. . . . . ရှောင်လို့ရခဲ့လို့ ရှောင်တတ်ခဲ့ရင် ရှောင်နိုင်ခဲ့ရင် ဒါဟာသင့်အတွက် ခလုတ် မဖြစ်တော့ဘူး မဟုတ်လားဗျာ။ ရှောင်ဖို့မေ့နေခဲ့ရင် ၊ သို့မဟုတ်လည်း ရှောင်လို့ရကြောင်းကို မသိနိုင်ခဲ့ရင်တော့ ထိနိုင်တဲ့ ခလုတ် တွေက ကျွန်တော်တို့ဘ၀ထဲမှာ အနန္တပါပဲ။

. . . . . လူတစ်ဦးရဲ့ဖြစ်တည်ရှင်သန်မှုအတွက် အရေးအကြီးဆုံးဖြစ်တဲ့ ကျန်းမာခြင်းရဲ့ခလုတ် တွေကို ရှောင်တတ်ပါရဲ့လားခင်ဗျာ။ ရှောင်လို့ရတဲ့ ခလုတ် များကိုရော သတိမူမိပါရဲ့လား။ မိတ်ဆွေအတွက် အရေးအကြီးဆုံးလို့ထင်တဲ့ အရာတစ်ခုကို စဉ်းစားလိုက်ပါ။ အဲဒါကို လုပ်ဖို့ ၊ ဖြစ်နိုင်ဖို့အတွက် သင် အသက်ရှိနေဖို့ဟာ ပထမဆုံးအခြေခံလိုအပ်ချက် ဖြစ်ပါတယ်။ အဲဒီဟာ ပြီးဆုံးဖို့ ၊ အောင်မြင်ဖို့ သင်ကျန်းမာစွာ အသက်ရှင်နေရန်လည်း ဆက်လိုအပ်နေသေးတယ် မဟုတ်လား။

. . . . . တိုတိုနဲ့ရှင်းရှင်း ပြောချင်နေတာက "ကာကွယ်ခြင်းဟာ ကုသခြင်းထက် အမြဲ ပိုကောင်းတယ်"ဆိုတာပါ။ ဒါကိုပြောချင်သူကျွန်တော်က ဆရာဝန်တစ်ဦးဖြစ်ကြောင်းကိုတော့ ပြောပြရန်လိုလိမ့်မယ်ထင်မိလို့ ဖော်ပြရကြောင်းပါ။ ဆရာဝန်တိုင်းဟာ လူတွေကို နေကောင်းစေချင်တာ မသေချာပေမယ့် ၊ ကျွန်တော်ကတော့ လူတွေကိုနေကောင်းစေလိုစိတ်ရှိသော ဆရာဝန်တစ်ယောက် ဖြစ်ပါတယ်။ ဒါကြောင့်လည်း ဒီစာကိုရေးပြီး ၊ ဒီစာကိုဖတ်နေသူကိုလည်း ကျန်းမာနေကောင်းပါစေကြောင်း ဆုတောင်းပေးလိုက်ပါတယ်။

. . . . . ကျန်းမာစေဖို့ ဟိုဟာလုပ်စို့၊ ဒီဟာလုပ်စို့ ဆိုတာထက် ပိုအရေးပါပြီး ပိုအကျိုးပြုနိုင်တဲ့ သော့ချက်ကိစ္စ ( Key Point ) ကို စာဖတ်သူသတိပြုမိအောင် ထောက်ပြချင်တာဟာ ဒီစာရဲ့လိုရင်းပါပဲ။ ဟုတ်တယ်ခင်ဗျ။ အဲဒီသော့ချက်ဟာ သိပ်လွယ်ကူရိုးရှင်းလွန်းနေလို့ သူသူငါငါအမြဲ မေ့လျော့ မျက်စိလျှမ်းနေကျ မို့ပါ။

. . . . . အဲဒါက 'ကာကွယ်ခြင်း'ပါပဲ။ သင့်ရဲ့ကျန်းမာရေးကို ထိခိုက် ပါးလျား ဖြိုဖျက် ပစ်မယ့် ဘယ်အရာကိုမဆို ကြိုတင်ကာကွယ်တဲ့ 'ကာကွယ်ခြင်း'ကို ပြောလိုခြင်း ဖြစ်ပါတယ်။

. . . . . ကျွန်တော်တို့သိပ်ကြောက်ရသော ရောဂါဘယများမှအစ အပရိက နာမကျန်းခြင်းလေးများအထိ အားလုံးနီးပါးသော အနာရောဂါများဟာ ကြိုတင်ကာကွယ်လို့ရကြပါတယ်။ ကြိုတင်ကာကွယ်နိုင်ပါတယ်။ ကာကွယ်နိုင်စွမ်း ရာခိုင်နှုန်း အနည်းနှင့်အများ သာ ကွာခြားပါလိမ့်မယ်။ . . . ယနေ့ခေတ်ရဲ့နည်းပညာအဆင့်အတန်းအရ မျိုးရိုးဗီဇလိုက်သောရောဂါများကို ရာခိုင်နှုန်းများစွာမကာကွယ်နိုင်သေးပေမယ့် အချို့သောကြောက်မက်စဖွယ် ကူးစက်ရောဂါဆိုးကြီးများကို ကာကွယ်ဆေးထိုးခြင်း စသည်ဖြင့် ရာနှုန်းပြည့်နီးပါး ကာကွယ်နိုင်နေပြီဖြစ်ပါတယ်။ ဒါကို ကောင်းစွာသိခြင်း ၊ တနည်း မမေ့လျော့ခြင်းဟာ သင့်ရဲ့အသက်ကို သင့်ရဲ့ဥာဏ်ကစောင့်ခြင်းမည်နိုင်ပါတယ်။

. . . . . ကာကွယ်ဆေးထိုးဖို့ ငွေလိုပါတယ်ဗျာ။ ဒါကြောင့် အသက်ကိုစောင့်ဖို့ ငွေလည်းလိုပါတယ် ဆိုရင်လည်း မငြင်းလိုပါ။ သို့သော်လည်း ငွေမလိုသော ကာကွယ်ခြင်းများစွာရှိနေတာကို လက်တို့ပါရစေ။

. . . . . ဖန်တစ်ရာတေ ကြားနေကျဖြစ်ကောင်းဖြစ်နိုင်တဲ့ လက်ကိုစင်အောင်ဆေးဖို့ ၊ အစားအသောက်တွေ သန့်ရှင်းဖို့ ဆိုတာကို ကောင်းစွာ(ကောင်းစွာ) လိုက်နာသူအလွန်ရှားပါတယ်။ ကျွန်တော်ကိုယ်တိုင်လည်း ကောင်းစွာမလိုက်နာပါ။ ဒါပေမယ့် . . ခင်ဗျားတို့ ကျွန်တော်တို့ရဲ့ အသက်ထိအောင်ကို ခြိမ်းခြောက်နိုင်စွမ်းရှိတဲ့ ၊ အစုလိုက်အပြုံလိုက်ကိုပါ သေစေနိုင်စွမ်းရှိတဲ့ ၀မ်းရောဂါဆိုးကြီးတွေကို အဲဒီအပြုအမူလေးတစ်ခုထဲနဲ့ အပြီးအပိုင်တားဆီးနိုင်တာကိုတော့ မေ့မပစ်ပါနဲ့။ ဒါဟာ အမှန်မို့လို့ပါပဲ။ အဲဒီအမှန်တရားမှာ ငွေကြေးကုန်ကျမှုလည်း မရှိပါ။

. . . . . နှစ်စဉ် ထောင်ဂဏန်းကြီးကြီးအရေအတွက်နဲ့ ဆုံးပါးကြွေလွင့်သွားမြဲ တိုင်းပြည်ရဲ့ကလေးငယ်တွေအတွက် သွေးလွန်တုပ်ကွေး ၊ ထောင်ဂဏန်းနဲ့ပဲ ယုတ်လျော့သွားမြဲဖြစ်တဲ့ လူကြီးများအတွက် ငှက်ဖျား . . . ခင်ဗျားနဲ့ ကျွန်တော်လည်း တစ်နေ့မှာဖြစ်နိုင်ပါရဲ့ ၊ ခင်ဗျားနဲ့ကျွန်တော်တို့ရဲ့ ရင်သွေးလေးတွေလည်း ပါနိုင်ကောင်းပါရဲ့။ မဖြစ်အောင် ၁၀၀ ရာခိုင်နှုန်းကာကွယ်နိုင်တာ သတိရပါ။ ခြင်ကိုကာကွယ်ခြင်း ဆိုတဲ့ အသိပညာ ၊ ခရီးဝေးမှာ ခြင်ထောင်နဲ့ စနစ်တကျအိပ်တတ်တဲ့ ကောင်းသောအလေ့အထ ၊ ကာကွယ်ဆေးကြိုသောက်ဖို့ဆိုတဲ့ မမေ့လျော့သောသတိ . . ပေါင်းစပ်နိုင်ခဲ့ရင် ကြေးငွေမကုန်ကျတဲ့ ကျန်းမာခြင်းသုခ တစ်ပိုင်းမှာ သင်ပါဝင်နိုင်ပါပြီ။

. . . . . ကျွန်တော်တို့ရဲ့မျိုးဆက်တွေကို ကာကွယ်ဆေးအမျိုးအမည် တော်တော်များများနဲ့ ရောဂါတော်တော်များများ ကာကွယ်နိုင်ခွင့်ရလာတာဟာ ၀မ်းသာစရာပါ။ မေးခိုင်ရောဂါကို ကုလို့မရပါ။ မေးခိုင်ရောဂါဖြစ်နေပြီလို့သတ်မှတ်ရင် သေလူလို့ဆိုရမှာပါပဲ။ အင်မတန်ခဲယဉ်းပါတယ်။ ဒါပေမယ့် . . အလွယ်ကူဆုံး ၊ ဈေးအပေါဆုံး ကာကွယ်ဆေးတစ်လုံးနဲ့ သင်ကိုယ်တိုင်ရော သင့်ရင်သွေးပါ လုံခြုံစေနိုင်တယ် မဟုတ်ပါလား။ တခြားသော ကြက်ညှာ ၊ ဆုံဆို့ ၊ ၀က်သက် စတာတွေကိုလည်း မွေးကင်းစကတည်းက ကာကွယ်နိုင်နေတာ တကယ်ဝမ်းသာဖို့ကောင်းပါတယ်။ အယူအမှားနဲ့ ကာကွယ်ဆေးကိုရှောင်ရှားခြင်းကသာ ယူကျုံးမရ ၀မ်းနည်းဖွယ်အတိပါ။ ကျွန်တော်တို့ရဲ့ပညာရေချိန်နဲ့ ကျွန်တော်တို့ရဲ့ သက်တမ်း ၊ အသက်ရှင်နေထိုင်ခွင့် ဟာ အချိုးကျနေပါသတဲ့ ဗျာ။ ဒါကြောင့်လည်း 'အသက်ကိုဥာဏ်စောင့်'လို့ ဆိုစကားရှိခဲ့တာပေါ့ဗျာ။

. . . . . ကျမ်းတစ်စောင်လိုရှည်ရှည်ကြီးရေးဖို့ ရည်ရွယ်ရင်းမရှိလို့မို့ မြင်သာအောင်ပြောပါရစေ။ အသည်းရောင်'ဘီ'ရောဂါ ကာကွယ်ဆေးရှိပါတယ်။ သောင်းဂဏန်းနဲ့ပြည့်စုံအောင်ထိုးလို့ရပြီး ကာကွယ်နိုင်တယ်။ ကုသမယ်ဆိုရင် သိန်း ရာဂဏန်း ကုန်ကျကောင်းကုန်ကျနိုင်တယ်။ သားအိမ်ခေါင်းကင်ဆာကာကွယ်ဆေး ရှိပါတယ်။ သိန်းဂဏန်းနဲ့ ပြည့်စုံအောင်ထိုးနိုင်ပြီး ၊ ရောဂါဖြစ်ခဲ့ရင် အသက်ဆုံးရှုံးနိုင်တယ်။ ခွေးရူးရောဂါကာကွယ်ဆေး ရှိပါတယ်။ သောင်းဂဏန်းပါပဲ။ ခွေးရူးပြန်ရောဂါဖြစ်ရင် ကုမရပါ။ မုချ သေရမှာဖြစ်တယ်။ ရောဂါကာကွယ်ဆေးများအကြောင်း ပြောပြခြင်းသာဖြစ်ပါတယ်။ ကာကွယ်ဆေးကသာ ကာကွယ်ခြင်းအစစ်အမှန် လို့တော့ အဓိပ္ဖာယ်မထွက်စေရပါ။

. . . . . ကာကွယ်ဆေးမဟုတ်တဲ့ အသိဥာဏ်ပညာ ၊ အလေ့အထ ၊ အပြုအမူ နဲ့ သတိ ( awareness ) များဟာလည်း ကာကွယ်ခြင်းပါပဲ။

. . . . . မြွေကိုက်ခံရပြီးတဲ့လူနာကို မြွေဆိပ်ဖြေဆေးနဲ့ ကုသရတာထက် မြွေမကိုက်အောင် ရှောင်ကြဉ်နေထိုင်နိုင်ခြင်းက အဆများစွာ ၊ ဘက်များများစွာမှာ သာလွန်ကောင်းမွန်ပြီး အကျိုးရှိတာကို မြင်နိုင်ပါစေ။
. . . . . အလျှင်းပျောက်အောင် မကုသနိုင်သေးတဲ့ HIV / AIDS ရောဂါအတွက် အသိ ၊ သတိနဲ့ ရှောင်ရှား ပြုမူ ကာကွယ် နေထိုင် ခြင်းဟာ အမှန်ကန်ဆုံး ဘ၀လမ်းကြောင်းဖြစ်ပါတယ်။

. . . . . မွေးကင်းစကလေးနဲ့ ကိုယ်ဝန်ဆောင်မိခင် သေဆုံးမှုနှုန်း မြင့်မားတဲ့ ကျွန်တော်တို့နိုင်ငံအတွက် သားဆက်ခြားခြင်း ၊ ကိုယ်ဝန်တားခြင်း များက ကျန်းမာရေးသက်သက်ထက် ပိုနက်ရှိုင်းတဲ့ ကဏ္ဍ ( sectors ) များအထိ သက်ရောက်စေပါတယ်။ လူမှုရေး ၊ စီးပွားရေး မျက်နှာစာများအထိ ရိုက်ခတ်ဆဲဖြစ်တဲ့ သန္စေဖျက်ချခြင်းများအတွက် အဖြေက ကာကွယ်ခြင်း တစ်မျိုးသာရှိနေပါတယ်။ ငွေကုန်ကြေးကျ အလွန်မတန်နည်းပါးလှတဲ့ သန္စေတားခြင်း ကာကွယ်ပစ္စည်း ဆေးဝါးများကို ကျွန်တော်တို့ဘာကြောင့် မေ့လျော့ကြရတာလဲ။ လက်လှမ်းမမှီ ဖြစ်ရတာလဲ။ ဘာတွေကခုခံတားဆီး နေခဲ့ပါသလဲ။ သန္စေတားခြင်းဆိုင်ရာ အသိ နဲ့ သတိ နှစ်ခုတည်းက နောက်ဆက်တွဲ ကျန်းမာရေး ၊ စီးပွားရေး ၊ လူမှုရေး အခန်းများစွာကို ပုံပြောင်းပေးနိုင်စွမ်းရှိတာ သတိမူပါ။

. . . . . သွေးတိုးရောဂါမဖြစ်အောင် အနေအထိုင် အစားအသောက်လေး သတိချပ်ရုံမျှနဲ့ ကာကွယ်နိုင်ကြောင်းသိပေမယ့် ကျွန်တော်တို့ လုံ့လစိုက်ကြပါရဲ့လား။ သွေးကြော ၊ နှလုံး ၊ အဆုတ် များစွာကို လွယ်လွယ်လေးထိခိုက်စေနိုင်ပါတယ်လို့ တွင်တွင်ပြောပြနေတဲ့ ဆေးလိပ်ကိုရော ကျွန်တော်တို့က ဘယ်လိုသဘောထားခဲ့ပါသလဲ။ သင်ရော ဘီယာမကြိုက်ဘူးလား မိတ်ဆွေ။ ယမကာကလေးရော။ ခံတွင်းကင်ဆာက အစပြုလို့ သွားကျန်းမာရေးအထိ . . ကွမ်းစားတာ မကောင်းမှန်းသိပေမယ့် ဒီစာကို ကွမ်းသွေးလေး တစ်ပျစ်နှစ်ပျစ်နဲ့ ဖတ်နေမိမလား။