၎။ တစ်ပါတ်လောက် အကြာမှာတော့ အခုလို တင်းမာအေးစက်နေတဲ့ အခြေအနေကို သည်းမခံနိုင်ပဲ စတင် ပေါက်ကွဲလာတာက မင်းခန့်ဇော်ပါ ။ ကျမတို့ မိန်းကလေးတွေမှာ စောင့်ဆိုင်းရခြင်းဆိုတာကို အသားကျနေတတ်တဲ့ ဘ၀ပေးစရိုက်က အလိုလို ပါလာတယ် ထင်ပါရဲ့ ။ ဘာလို့လဲဆိုတော့ ကျမလည်း ဒီအခြေအနေကို မခံစားနိုင်လှပေမဲ့ စိတ်ရှည်ရှည်နဲ့ ကျော်ဖြတ်နေနိုင်လို့ပါပဲ ။
အဲဒီနေ့ မနက်က ကျမ ကျောင်းကိုလာတဲ့ လမ်းမှာ အရင်နေ့တွေက တွေ့ ရလေ့ရှိတဲ့ ကိုသန့်ဇင်နဲ့ တွေ့ ရပါတယ် ။ ပြီးတော့ မကြာခဏ ဆုံမိတဲ့အခါတွေမှာ အထူးအထွေ နှုတ်ဆက်လေ့ မရှိပေမဲ့ ပြုံးပြတာမျိုး ၊ တစ်ချို့ ရက်တွေဆိုရင် လက်လှမ်းပြပြီး နှုတ်ဆက်တာမျိုးတွေ အမြဲ တွေ့ နေရတဲ့ အတွက် ရင်းနှီးလာတဲ့ သဘောလည်း ရှိနေပြီလေ ။ ဒါကြောင့် ကျမက ကိုသန့်ဇင်ကို တွေ့ တော့ ပြုံးပြ နှုတ်ဆက်မိချိန်မှာ သူကလည်း ပြန်ပြုံးနှုတ်ဆက်ရင်း ကျမနဲ့ ဘေးချင်းယှဉ် လျှောက်ရာက စကားပြောဖြစ် သွားကြပါတယ် ။
ကျမကို ကျောင်းမှာ စာတွေ လိုက်နိုင်ရဲ့ လား ဆိုတာ မေးရင်း သူ ငယ်ငယ်က အင်္ဂလိပ်စာကို တော်တော် မရခဲ့တဲ့ အကြောင်းကို
“ ကိုယ် ငယ်ငယ်က အင်္ဂလိပ်စာကို စာလုံးပေါင်းတွေ တော်တော် မရခဲ့တာ ညီမရဲ့ ။ မရဆို မှန်မှန်လည်း မကျက်ခဲ့၊ သေသေချာချာလည်း မကျက်ခဲ့ဘူးလေ ” လို့ ပြောပါတယ် ။
ကျမက နားထောင်ရင်းက “ စာလုံးပေါင်း မရတာကတော့ ပြဿနာ ရှိတယ်နော် ” လို့ အလိုက်အထိုက် ပြန်ပြောမိတော့ သူက
“ သေချာတာပေါ့ကွာ ။ window က ပြတင်းပေါက် လို့ အဓိပ္ပါယ် ရပေမဲ့ n တစ်လုံးပဲ မပါတဲ့ widow ကတော့ မုဆိုးမ နော် ။ တခြားစီ ” လို့ ပြောရင်း ကျမတို့ သဘောကျပြီး ပြိုင်တူ ရီလိုက်မိပါတယ် ။ ကျောင်းရှေ့ လည်း ရောက်နေတာနဲ့ ကိုသန့်ဇင်က ကျမကို နှုတ်ဆက်ပြီး ရှေ့ ဆက် သွားပါတယ် ။
ကျောင်းဝင်ပေါက်ရှေ့ ကို ရောက်လို့ ၀င်မိတယ် ဆိုရင်ပဲ ကျမလွယ်ထားတဲ့ လွယ်အိတ်ကြိုးကို ဆတ်ကနဲ လှမ်းဆွဲခံလိုက်ရပြီး
“ လာစမ်းပါ , လာစမ်းပါ ။ နင် ဘာ အချိုးတွေ ချိုးနေတယ် ဆိုတာ ငါ့ကို ရှင်းရှင်းလင်းလင်း ပြောစမ်းပါ ယုမီချို ” လို့ လှမ်းမေးတဲ့ မင်းခန့်ဇော်ကို မျက်နှာချင်းဆိုင် တွေ့ ရပါလေရော ။
သူ့မျက်နှာပေါ်က ဒေါသထွက်နေတဲ့ အမူအရာကို ကြည့်ပြီး ကျမ တော်တော် အံ့သြသွားမိတာပါ ။ မောင့်ကို စပြီး တွေ့ ခဲ့တဲ့နေ့ကနေ ခုချိန်အထိ အဲဒီလို ဒေါသထွက်နေတဲ့ ပုံစံကို တစ်ခါမှ ကျမ မမြင်ခဲ့ဖူးပါဘူး ။ ပြီးတော့ ကျောင်းတက်ကာနီး အချိန်မို့လို့ ကျောင်းအ၀မှာ တခြား ကျောင်းသူ ၊ ကျောင်းသားတွေကလည်း အများကြီးပဲ ရှိနေကြတာ ။
အားလုံးကလည်း ၀ိုင်းကြည့်နေကြတာ ဆိုတော့ ကျမလည်း ရှက်ရှက်နဲ့
“ နင့်ကို ငါ ဘာမှ ပြောစရာ မရှိဘူး မင်းခန့်ဇော် ” လို့ ခပ် ဆတ်ဆတ် အသံနဲ့ တိုးတိုးပဲ ပြန်ဖြေမိပါတယ် ။
“ ဘာလို့ မရှိရမှာလဲ ။ အေး…… နင့်မှာ ပြောစရာ မရှိဘူးဆိုရင် ငါ့မှာ ပြောစရာ ရှိတယ် ယုမီချို ” လို့ မောင်က ထပ် ပြောပေမဲ့ ကျမကတော့ မောင် ကိုင်ထားတဲ့ လွယ်အိတ်ကြိုးကို ပြန်ဆွဲယူရင်း
“ နင် ပြောစရာရှိတယ် ဆိုတိုင်း ငါက နားထောင်ပေးစရာလား ။ ဖယ် ”
ဆိုပြီး ကျမတို့အတန်း ရှိရာကို ဆက်လျှောက်လာခဲ့ပါတယ် ။
အမှန်တော့ ကျမ သိလိုက်ပြီ ။ မောင် ကျမကို ချော့တော့မယ် ဆိုတာ ။ မောင့်လို လူတွေ ကြည့်တာ မကြိုက်တဲ့ သူက အခုလို ကျောင်းရှေ့ က လူတွေ အများကြီးရှေ့ မှာ ဟန်မဆောင်နိုင်လောက်အောင် ပေါက်ကွဲတာက မထူးဆန်းဘူးလား ။ သေချာတာတော့ ကျမထက် ပို လွမ်းနေပြီ ။ ကျမရဲ့ နောက်ကနေ သူ လိုက်လာတာ သိပေမဲ့ လှည့် မကြည့်တော့ပါဘူး ။
အတန်းထဲ ရောက်တော့ ကျမထိုင်မဲ့ နေရာမှာ ကေသီ့ကို အနွေးထည်လေး ၀တ်ပြီး ထိုင်နေတာ တွေ့ လိုက်ရတယ် ။
ကေသီက ကျမကို
“ ငါ နေမကောင်းလို့ ယုမီရယ် ။ လူက တအားနုံးနေတာ ။ နံရံကို မှီထိုင်ရတာ နဲနဲ သက်သာမလားလို့ ဒီဘက်ကို ငါ ပြန်ရွှေ့ ထိုင်တာ ။ နင် နီလာနဲ့ မိသင်းကြားမှာ ထိုင်လိုက်နော် ” လို့ ပြောပါတယ် ။
နီလာနဲ့ ကေသီတို့က ဘယ်သန်ဖြစ်တဲ့အတွက် ကျမက သူတို့ နှစ်ယောက်ကြားမှာ ထိုင်လိုက်ရင် ကျမတို့ ထိုင်ရတာ အရမ်းကျပ်သွားနိုင်လို့ အဆင်မပြေပါဘူး ။ ဒါကြောင့် ကျမလည်း
“ နေပါစေတော့ဟာ ။ ငါ့ နေရာပဲ ငါ ပြန်ထိုင်တော့မယ် ” လို့ ပြောရင်း အရင် ထိုင်နေကျ မင်းခန့်ဇော်နဲ့ ကပ်ရက်က ထောင့်အစွန်မှာ ၀င်ထိုင်လိုက်တော့တယ် ။
သူ့ဘေးမှာ ပြန်ထိုင်တဲ့ ကျမကို မောင်က မျက်တောင်စင်းပြီး မသိမသာ ကြည့်ရင်း မျက်လုံးမှိတ်ပြပါတယ် ။ ကျမက ဆတ်ကနဲ မျက်စောင်းပြန်ထိုးတော့ မောင်က သဘောကျပြီး ရီနေတယ်လေ ။ ဒီရက်တွေထဲမှာ မောင် အခုလိုမျိုး ရီတာကို ပထမဆုံး တွေ့ ရတာပဲနော် ။ ကျမကိုယ်တိုင်လည်း ရင်ထဲက တင်းကျပ်မှုတွေ လျော့သွားသလို ခံစားလိုက်ရတယ် ။ ပြီးတော့ မောင့်ဘေးနားကို ပြန်ရောက်လာတာ နွေးထွေးသွားသလိုပဲ မောင် ။
သင်္ချာ(နှစ်)သင်တဲ့ အချိန်မှာ ဆရာက စက်ဝိုင်းပုစ္ဆာတွေကို သင်လို့ စက်ဝိုင်းဆွဲရမဲ့ အခါမှာတော့ ကျမအမြဲ ရင်ဆိုင်ရတတ်တဲ့ ပြဿနာက စတာပါပဲ ။ ကျမက ထောက်ချွန်သုံးပြီးမှ စက်ဝိုင်းဆွဲတတ်တာလေ ။ ကွန်ပါဘူးထဲမှာ ထောက်ချွန်ကို ရှာတာ မတွေ့ တော့လို့ ကျမ တော်တော်လေး စိတ်ရှုပ်သွားမိတယ် ။
အရင်ကဆိုရင် ထောက်ချွန်မပါတဲ့နေ့တွေမှာ စက်ဝိုင်းဆွဲရတော့မယ် ဆိုရင် မင်းခန့်ဇော်ကို စာအုပ်လှမ်းပေးလိုက်ပြီး သူကပဲ ဆွဲပေးနေကျပါ ။ အခုတော့ သူနဲ့ ကျမကလည်း မခေါ်တဲ့အတွက် ဆွဲခိုင်းဖို့ ခက်နေပြီး ဘေးက နီလာနဲ့ ကေသီကို လှမ်းကြည့်တော့လည်း သူတို့နှစ်ယောက်မှာ ထောက်ချွန်တစ်ခုထဲကို အတူတူ သုံးနေတာ တွေ့ ရလို့ ငှားရမှာ ခက်နေပါတယ် ။
ဒီအချိန်မှာ ကျမစာအုပ်ကို မင်းခန့်ဇော်က ဆွဲယူပြီး အရင်လိုပဲ စက်ဝိုင်းပုံတွေ ဖြည့်ပြီး ဆွဲပေးပါတယ် ။
သူ, ကျမစာအုပ်ထဲမှာ စက်ဝိုင်းတွေကို ကျွမ်းကျင်လှပစွာ ဆွဲပေးနေချိန်မှာ ပုံဆွဲနေတဲ့ သူ့ လက်ချောင်း ဖြူဖြူရှည်ရှည်လေးတွေကို ငေးကြည့်နေရင်း ကျမ သိလိုက်တာကတော့ သူ့ကို တကယ် လွမ်းနေမိတယ် ဆိုတာကိုပါ ။
ပုံတွေ ဆွဲပေးပြီးတော့ ကျမစာအုပ်ကို ပြန်ပြီး လှမ်းပေးပါတယ် ။ စာသင်ချိန်ပြီးလို့ ဆရာ ထွက်သွားတဲ့ အချိန်မှာတော့
“ ယုမီချို ။ နင့်အတွက် ငါ ငါးဖယ်သုတ် ထည့်လာတယ် ” လို့ မင်းခန့်ဇော်က လှမ်းပြောတယ်လေ ။
“ နင့်အတွက် တမင်တကာ လုပ်လာပေးတာနော် ” လို့ သီးသန့်အစီအစဉ် ဆိုတာကို ခပ်တိုးတိုး ထပ်ပြောတဲ့ အခါမှာတော့ ကျမ နဲနဲ ပြုံးချင်လာမိတယ် ။ အခုနက ပုံတွေ ယူပြီး ဆွဲပေးကထဲက ကျမက စိတ်ပြေနေခဲ့ပြီပဲ ။ အခက်အခဲ တစ်ခုခု ရှိလာရင် မောင်က အမြဲ ဖြေရှင်းပေးနေကျ ဖြစ်လို့ စိတ်ဆိုးနေတဲ့ အချိန်တွေမှာ အထီးကျန်သလို ခံစားရတာ ကျမလည်း စိတ်ပင်ပန်းလှပါတယ် မောင်ရယ် ။
ပြီးတော့ မင်းခန့်ဇော်ရဲ့ အမေ ထည့်ပေးတတ်တဲ့ အဲဒီ ငါးဖယ်သုတ်ကို ကျမတို့ တစ်အုပ်စုလုံး ကြိုက်ကြပါတယ် ။ အဲဒီ အသုတ် ထည့်လာတဲ့နေ့ဆိုရင် အလုအယက် နှိုက်စားနေကြပါပဲ ။ အဲဒီဟင်း ထည့်လာပေးဖို့ ကျမက ခဏခဏ မှာလေ့ ရှိပေမဲ့ သူ့အမေက ရုံးတစ်ဖက်နဲ့မို့ အလုပ်ရှုပ်တဲ့ အဲဒီဟင်းကို လုပ်ခိုင်းရတာ အားနာတယ်လို့ မင်းခန့်ဇော်က အမြဲ ပြောခဲ့တာ ။ ကျမကြိုက်မှန်းသိလို့ တမင် ထည့်လာပေးတယ် ဆိုတာဟာ မင်းခန့်ဇော်လို အမေကို အရမ်း ချစ်တဲ့သားတစ်ယောက်ရဲ့ အထူး စွမ်းဆောင်ချက်လို့ သတ်မှတ်ရပါလိမ့်မယ် ။
နေ့လည် ထမင်းစားချိန်ကို ရောက်တော့ မင်းခန့်ဇော်က ကျမရဲ့ စာသင်ခုံအံဆွဲထဲက ထမင်းဘူးကို ဆွဲယူပြီး ဖွင့်လိုက်ပါတယ် ။ သူ့ ထမင်းဘူးကိုလည်း ဖွင့်လိုက်ရင်း ပါလာတဲ့ ငါးဖယ်သုတ်တွေကို ကျမ ထမင်းဘူးထဲ ဇွန်းနဲ့ ခပ်ထည့်ပေးပါတယ် ။ အဲဒီလို ဂရုတစိုက် လုပ်ပေးတတ်ပြီး သည်းခံ နားလည်ပေးတတ်တဲ့ မောင့်ကို ကျမက ဘာကြောင့်များ စိတ်လိုက်မာန်ပါတွေ လုပ်ခဲ့မိပါလိမ့်လို့ တွေးရင်း နောင်တတွေ ရလာမိတယ် ။
ကျွန်မတို့ အနားကို ရောက်လာတဲ့ ကိုသက်နဲ့ ကိုကြီးခိုင်က
“ အေး……အေး။ ဖားထားနော် ။ သိလား ။ မင်းခန့်ဇော် ။ အိမ်က အမေကို အလုပ်ရှုပ်ခံခိုင်းပြီး ကျောင်းက စိန်ဗေဒါမကို ဖားထား ။ အဲဒါမှ အထုအထောင်း ၊ အနင်းအနှိပ်ခံရတာ သက်သာမှာ ” လို့ ရီရီမောမော ပြောပါတယ် ။
“ ဒီတခါ သုပ်လာတာ မေမေ့ကို လုပ်ခိုင်းလာတာ မဟုတ်ဘူး ကိုကြီးခိုင် ။ ကျနော့်ဘာသာ သုပ်လာတာ ” လို့ ပြန်ဖြေတဲ့ စကားကြားလိုက်ရတော့ ကျမ အံ့သြသွားတယ် ။
ပြီးတော့ ရင်ထဲမှာလည်း တစ်ခါမှ မဖြစ်ဘူးတဲ့ လှိုက်ကနဲ ခုန်သွားတဲ့ စိတ်က ထူးဆန်းစွာ ဖြစ်သွားမိတယ်လေ ။
သူ……..ကျမအတွက်ဆိုပြီးတော့ ။
ဒါပေမဲ့ အဲဒီ စိတ်ကို မယုံမရဲ ဖုံးကွယ်ရင်း
“ ဟယ်..။ နင် လုပ်တတ်လို့လား ။ စားလို့ရော ကောင်းပါ့မလားဟယ် ”
လို့ လွှတ်ကနဲ ပြောလိုက်မိပါတယ် ။ တစ်ပတ်ကျော်ကျော် အချိန်အတွင်း ကျမဆီက သူ့ကို ပထမဆုံး ပြောဖြစ်တဲ့ စကားကောင်းပါ ။
သူ့ဆီက ရီသံသဲ့သဲ့နဲ့အတူ သူ့နဖူးကို လက်ဖ၀ါးနဲ့ ဖျတ်ကနဲ ရိုက်ရင်း
“ သေလိုက်ပါတော့…..ယုမီချိုရယ်။ စေတနာနဲ့ အပင်ပန်းခံပြီး လုပ်ပေးလာတာတော့ ကျေးဇူးတင် စကား တစ်ခွန်း မပြောဘူး ။ စားကောင်းပါ့မလား ဆိုတာပဲ စိတ်ပူတယ်ပေါ့ ”
လို့ မင်းခန့်ဇော်ဆီက ညည်းသံ ထွက်လာပါတယ် ။
“ မှန်းစမ်း…။ မြည်းကြည့်ဦးမယ် ”
ဆိုပြီး ကေသီတို့ ၊ နီလာတို့ဆီက အသံထွက်လာတဲ့အခါ မင်းခန့်ဇော်က ကျမ ထမင်းဘူးကို ကမန်းကတန်း အဖုံးလှမ်းပိတ်ပြီးတော့
“ ယုမီချိုဆီကတော့ မယူပါနဲ့ဟာ ။ ငါ့ဘူးထဲက စားကြ ” ဆိုပြီး သူ့ ထမင်းဘူးကို အတင်း ထုတ်ပေးတယ်လေ ။
“ အင်း…။ အရိုးကွဲအောင် ရိုက်ရင် အသဲစွဲအောင် ချစ်တယ် ဆိုတဲ့ စကားက တယ်မှန်တာပဲ ”
လို့ ကိုသက်က ကျမနဲ့ မင်းခန့်ဇော်ကို ကြည့်ပြီး ပြောချိန်မှာတော့ ကျမက
“ ဟာ…။ ကိုသက် , နင် ဘာတွေပြောနေတာလဲ ” လို့ ပြောမိပြောရာ ပြောမိပါတယ် ။ မင်းခန့်ဇော်ကို မလုံမလဲ လှမ်းကြည့်မိတော့ ရီဟဟ မျက်နှာနဲ့ ကျမကို လှမ်းကြည့်နေတာ တွေ့ ရလို့ မျက်စောင်း ထိုးလိုက်မိတယ် ။ ဆက်လည်း မကြည့်ရဲတော့ပဲ မသိမသာ မျက်နှာ လွှဲခဲ့ရတယ်လေ ။
သူကိုယ်တိုင် သုတ်လာတယ် ဆိုတဲ့ ငါးဖယ်သုတ်ကို ကျမ စားကြည့်မိတော့ အရသာ ကောင်းလှပါတယ် ။ ဒါပေမဲ့ အမှန်အတိုင်း ပြောရရင် စိတ်ထဲမှာ လစ်ဟာ ပျောက်ဆုံးနေတဲ့ တစ်စုံတရာကို ပြန်ပြီး ရှာတွေ့ လိုက်သလို ခံစားနေရတာက ကျမအတွက် ပိုပြီး ကျေနပ်စရာ ကောင်းနေမိတာပါ ။
“ မင်းခန့်ဇော်…..။ တကယ်ပဲ နင် စီမံလာတာ ဟုတ်ရဲ့လားဟယ် ။ အသုတ်က စားကောင်းတယ်။ နင် တော်တယ် သိလား ။ ငါက နင့်ကို အခင်ဆုံး ဖြစ်နေရတာ အဲဒီ အချက်တွေကြောင့် ၊ ငါ မလုပ်တတ်တဲ့ ရှားရှားပါးပါး အချက်တွေကို နင်က သိပ်ကျွမ်းကျင်နေလို့ ”
ကျမက ခပ်တိုးတိုးပြောတော့ မောင်က မျက်ခုန်းတစ်ဖက်ကို တွန့်ပြီး
ကျမကို ပြုံး ကြည့်ပါတယ် ။
နောက်…… ထောက်ချွန်လေးတစ်ခုကို လှမ်းပေးရင်း ရီနေပါတယ် ။
ကြည့်စမ်း ။ သင်္ချာ အချိန်က ရှာမတွေ့ ခဲ့တဲ့ ကျမရဲ့ ထောက်ချွန်လေး ။
အော……။ ဒီနေ့အတွက်တော့ မောင်က အမှတ်အပြည့်ကိုတောင် ကျော်ပြီး
ရသွားတယ်လေ ။ ကျမအတွက် အရမ်းကို ကြိုးစားပြီး ဖန်တီးပေးထားတဲ့ အထူး ပြုလုပ်ချက်တွေနဲ့ ဆိုပါတော့ ။
ထမင်းစားနေကြရင်း ကေသီက သူ့အနွေးထည်ကို ချွတ်လိုက်တော့ ကျမက ပြန်ဖျားမှာ စိတ်ပူပြီး “ ကေသီ ။ နင် အနွေးထည် ပြန်ဝတ်ထားပါအုံးဟယ် ။ နေမကောင်းဘူး ဆိုပြီး ထမင်းတွေလဲ အများကြီးပဲ စားနေတယ်။ တော်ကြာ အဖျား ပြန်တက်လာအုံးမယ် ” လို့ ပြောတော့ ကျန်တဲ့ ငါးယောက်စလုံး အားရပါးရ ရီကြပါတော့တယ် ။
ကျမက သူတို့ကို နားမလည်စွာ ကြည့်တော့ ကိုကြီးခိုင်က ပြောပါတယ် ။
“ အေးဟေ့ ။ ကေသီက တကယ် မဖျားဘူးဟ ။ နင့်ကို အရင်နေရာမှာ ပြန်ထိုင်အောင် တမင် ဟန်ဆောင်ခိုင်းရတာ ။ ဒီလိုမှ မဟုတ်ရင် မင်းခန့်ဇော်က နင့်ရဲ့ စိန်ဗေဒါလက်သံနဲ့ ဝေးနေလို့ သေတော့မယ် ဆိုလို့ ”
အိုး….. ကိုကြီးခိုင်ရဲ့ စကားကြောင့် ကျမ မောင့်ကို ကျေးဇူးတင်စွာ လှမ်းကြည့်လိုက်တဲ့ အခိုက် မျက်လုံးချင်းဆုံမိတဲ့အခါ မောင့်မျက်လုံးတွေထဲမှာ လွမ်းနေခဲ့တဲ့ အရိပ်တွေနဲ့ပါလား ။ ကျမ ကိုယ်တိုင်လည်း မောင့်ကို ကြည့်မိတဲ့ အကြည့်တွေထဲမှာ လွမ်းနေခဲ့တဲ့ အရိပ်တွေ ပါနေမယ် ထင်တယ် ။
အဲဒီ အချိန်က တစ်ယောက်နဲ့ တစ်ယောက် ကြည့်မိတဲ့ အချိန်ဟာ မျက်လုံးချင်း မလွှဲရက်နိုင်အောင်ပါပဲ ။ နှစ်ယောက်စလုံးရဲ့ ရင်ထဲမှာ နားလည်မှုတွေ အများကြီး ရလိုက်တဲ့ နေ့ ဆိုရင်လည်း မမှားပါဘူး ။
ဒါပေမဲ့ ချက်ချင်းပဲ ပြန်ထိန်းချုပ်လိုက်ပြီး သက်ပြင်းတစ်ခုစီ ခိုး ရှိုက်လိုက်ပါတယ် ။ ကျမတို့နှစ်ယောက်စလုံး ဒီအရွယ် ၊ ဒီအတန်းမှာ စိတ်အလိုလိုက်တဲ့ ခံစားချက်တွေ မခံစားသင့်သေးဘူးလို့ သိနေတယ်လေ ။
ညနေ ကျောင်းဆင်းတော့ မင်းခန့်ဇော်က
“ ယုမီချို နဲ့ မိသင်း။ နင်တို့ နှစ်ယောက် ဒီနေ့ ညနေက စပြီး ငါတို့နဲ့ အတူတူ ပြန်တော့ ။ ကေသီနဲ့ နီလာက ကျောင်းကားစီးလို့ စိတ်ပူစရာ မရှိဘူး ။ နင်တို့နှစ်ယောက်က လမ်းလျှောက်ပြန်တာ ဆိုတော့ ငါတို့ အဖေါ်လုပ်ပေးမယ် ” လို့ ပြောပါတယ်။ ကျမနဲ့ မိသင်းလဲ ဘာမှ ပြန်မပြောပဲ ကျောင်းဆင်းချိန်မှာ အတူတူ ပြန်လာခဲ့ကြပါတယ် ။
လမ်းလျှောက်လာကြရင်း မင်းခန့်ဇော်က ကျမကို
“ ယုမီချို….။ ငါ တခါတခါ တွေးတယ် သိလား။ တကယ်တော့ နင့်ကို ငါ အရာရာ လိုက်ပြီး စိတ်ပူနေ၊ စောင့်လျှောက်နေတာ လိုရော…လိုအပ်ရဲ့ လားလို့ ”
“ အံမယ်….။ ငါက နင့်ရဲ့ စောင့်ရှောက်မှုကို လိုနေတာလား ။ နင်တို့က ငါ့ရဲ့ ထိန်းသိမ်း ကွပ်ကဲမှု လိုနေတာလား ။ စဉ်းစားပြောပါ မင်းခန့်ဇော်ရာ ”
“ ငါတို့က နင့်ရဲ့ ထိန်းသိမ်း ကွပ်ကဲမှုကို……လိုတယ် ။ ဟုတ်လား ။ မဖုရား….ခင်ဗျား နဲနဲလောက် ပြန်ပြီး မိန့်တော်မူစမ်းပါအုံး…”.ဆိုပြီး သဘောကျစွာနဲ့ အားရပါးရ အော်ရီပါတယ် ။
မောင်က ကျမကို မဖုရား လို့ အမည် တပ်ခေါ်လေ့ရှိတာ အဲဒီနေ့က စတင်ခဲ့ပြီး နောက်ပိုင်းမှာ မကြာခဏ ခေါ်လေ့ ရှိတဲ့ အမည်သစ်ပါ ။ အဲဒီ အသုံးအနှုန်းကို မောင်က ကျမကို သိပ် သဘောမကျတဲ့ အခါတွေ ၊ စချင်,နောက်ချင်လာတဲ့ အချိန်တွေမှာ သုံးလေ့ရှိတာ ကျမ သတိထားမိလာတယ် ။
ကျမကတော့ မောင့်ဆီက မဖုရားလို့ ခေါ်သံ ကြားရရင် သိပ် သဘောကျတာပဲ ။ ဘာလို့လဲဆိုတော့ မောင်က ကျမရဲ့ ရင်ထဲက အရှင်သခင်လေ ။
ကျမလဲ သူနဲ့ အတူတူ လျှောက်လာရာက ရပ်လိုက်ပြီး
“ မဟုတ်လို့လား မင်းခန့်ဇော် ။ နင့်ကို ငါ စာအုပ်နဲ့ ပေါက်လိုက်တဲ့ နေ့က နင်တို့ ရီးစားစာ သွားပေးကြတာဆို ။ နင်က အခုအရွယ်နဲ့တောင် ရီးစား ထားချင်နေလို့ ငါ မသိအောင် ခိုးပြီး သွားကြတာမို့လား ။ နင့် လုပ်ရပ်က မှားနေတဲ့အတွက် ငါ သိမှာ ကြောက်တာပေါ့ ။ ဒါကို ကြည့်ခြင်းအားဖြင့် ငါ့ရှေ့ မှာဆို နင်တို့ အမှား မလုပ်ရဲတာဟာ ငါက နင်တို့ကို ထိန်းသိမ်းနိုင်လို့ပေါ့ဟဲ့ ……. မင်းခန့်ဇော်ရဲ့ ”
“ ဘာ…ဘယ်သူက ပြောလဲ ။ ငါက ရီးစားစာ သွားပေးတာလို့ ”
“ မဟုတ်လို့လား ။ ငါ သိရင် မသွားရပဲ နေလိမ့်မယ် ။ ငါ့ကို မပြောနဲ့လို့ နင် မိသင်းတို့ကို ပြောတာလေ ”
“ သေလိုက်ပါတော့ ယုမီချိုရာ……။ အဲဒီနေ့က ရီးစားစာ သွားပေးတာ ငါ့ အတွက် မဟုတ်ဘူးဟဲ့ ။ ငါက အဖေါ်လိုက်သွားတာ ”
အဲဒီစကားကို ကြားလိုက်ရတာ ရင်ထဲက ဆူးတစ်ချောင်းကို ဆတ်ကနဲ ဆွဲဖယ် ထုတ်လိုက်သလို ခံစားလိုက်ရပြီး ကျမကို ပေါ့ပါး ပျော်ရွှင်စေခဲ့ပါတယ်။ ။
မင်းခန့်ဇော်ကလည်း တစ်ခုခုကို ရှာတွေ့ သွားသလို မျက်နှာထားနဲ့
“ ယုမီချို…။ နင် အဲဒီနေ့က စိတ်ဆိုးတာ ငါက တခြား ကောင်မလေး တစ်ယောက်ကို ကြိုက်ပြီး ရီးစားစာ သွားပေးတယ် ထင်လို့လား ” လို့ ကျမမျက်နှာကို စိုက်ကြည့်ပြီး မေးပါတယ် ။
ကျမက သူ့ကို ရင်ဆိုင်မကြည့်ပဲ မျက်နှာလွှဲရင်းက
“ မဆိုင်လိုက်တာ မင်းခန့်ဇော်ရယ် ။ ငါ တစ်ယောက်ထဲကို ချန်ပြီး အသိမပေးလို့ စိတ်ဆိုးတာ ” လို့ ခပ် မှန်မှန်အသံနဲ့ပဲ ဖြေပေးလိုက်တဲ့ အခါမှာတော့ မောင်က ကျမကို ကြည့်ပြီး ရီနေခဲ့တယ်လေ ။ ဘာမှတော့ ဆက်မမေးပါဘူး။
ကျမကိုယ်တိုင်တောင် ဘာကြောင့် စိတ်ဆိုးတယ်ဆိုတာ မသေချာပေမဲ့ အဲဒီ စကားကိုတော့ အကောင်းဆုံး ဆင်ခြေအဖြစ် သုံးမိသွားပါတယ် ။ အခုအရွယ်မှာ ပြန်တွေးကြည့်တော့ တစ်ခုခုသော အခြေအနေတွေကို ချက်ခြင်း မပြောင်းလဲသွားအောင် ဟန်ဆောင်တတ် ၊ ထိန်းသိမ်းတတ်တာဟာ ကျမတို့ မိန်းမတွေရဲ့ မွေးရာပါ ဗီဇ ဖြစ်ပါလိမ့်မယ် ။
သူက သက်ပြင်းတစ်ခုကို ရှိုက်ပြီး ချရင်း ခပ်သဲ့သဲ့ ရီလိုက်ပါတယ် ။ နောက်…..။
“ နင် မနက် ကျောင်းကိုလာရင် နင့်ဘေးမှာ ပါလာတဲ့ ကိုသန့်ဇင်နဲ့ ကြိုက်နေတာလား ” လို့ မေးတော့ ကျမ အံ့သြသွားတယ် ။ ကိုသန့်ဇင်အကြောင်း ဘယ်သူငယ်ချင်းကိုမှ အခုထိ ကျမ မပြောရသေးဘူးလေ ။
ကျမက သူ့ကို အလန့်တကြား ပြန်ကြည့်ရင်း
“ မဟုတ်ပါဘူး ။ အဓိပ္ပါယ် မရှိတာ ။ နင်တို့ကိုတော့ ရီးစား မထားခိုင်းပဲ ငါက ရီးစား ထားပါ့မလား ။ အဲဒါတွေကို ငါ လုံးဝ စိတ်မ၀င်စားပါဘူး ။ သူက ကောင်းကောင်းမွန်မွန် နှုတ်ဆက်လို့ ငါက ပြန်ပြီး နှုတ်ဆက်တာပဲ ရှိတယ် ” လို့ ပြန်ဖြေရှင်းမိတယ် ။ ဒီနေ့မှ ပြန်ရတဲ့ ကျမတို့ရဲ့ ငြိမ်းချမ်းရေးကို ဘာကြောင့်မှ အပျက်မခံနိုင်ဘူးလေ ။
နောက် ကျမက မပြောရသေးတဲ့ ကိစ္စကို မောင် ဘယ်လိုများ သိနေခဲ့ပါလိမ့် ။
“ နင်က ငါနဲ့ ကိုသန့်ဇင်ကို ဘယ်တုံးက တွေ့ တာလဲ ” လို့ ပြန် မေးတော့
“ မနက်တိုင်း နင် ကျောင်းလာတဲ့ လမ်းမှာ ငါ ရှိတယ် ယုမီချို ။ နင်နဲ့ သူ စသိတာ ငါတို့ ရန်ဖြစ်တဲ့နေ့က ဆိုတာလည်း ငါ မှတ်မိတယ်။ ဒီတလျှောက်လုံး ငါ စောင့်ကြည့်နေခဲ့တာ ” လို့ မျက်နှာ မကြည်မလင်နဲ့ ပြောပါတယ် ။ မောင့်ဆီက အဲဒီ စကားကို ကြားရတာ သိပ် ပျော်တာပဲ မောင်ရယ် ။ ကျမလိုပဲ မောင်လည်း စိတ်ပူနေခဲ့တာပဲပေါ့ ။ ကျမထင်သလောက် မောင်က မစိမ်းကားပါပဲ ။
“ ယုမီချို…မဖုရား ။ နင့်ကို ငါ သိပ်တော်တယ်လို့ ထင်ထားတာ ။ မ အနဲ့နော် ။ သူ ဘာလို့ နင်နဲ့ ရင်းနှီးအောင် လုပ်နေတာလဲ ဆိုတာကို နင် တကယ် မသိတာလား ။ ဒါမှမဟုတ် ငါ့ကို စိတ်ဆိုးတာနဲ့ ငါ မကြိုက်တာကို ရွေးပြီး လုပ်နေတာလား ။ ဘာပဲဖြစ်ဖြစ် ငါနဲ့ စိတ်ဆိုးနေတာကြောင့်တော့ နင် တစ်ခုခု မှားသွားမှာကို ငါ အစိုးရိမ်ဆုံးပဲ ။ နင် ငါ့ကို ကတိ တစ်ခုပေး ။ နောက်ကို ငါနဲ့ ပတ်သက်ပြီး မရှင်းတာ ရှိရင် ချက်ချင်းမေး ။ ငါနဲ့ ဆိုင်တာဆို နင့်ကို တစ်ခုမှ မချန်ပဲ ငါ ပြောပြမယ် ။ နင်လဲ ငါ့ကို အဲဒီလိုပဲ ပြောပြရမယ် ။ ဘယ်လိုလဲ..”
“ အေး..။ ရတယ် ။ အဲဒါ နင့် ကတိနဲ့ နင့် စကားနော် မင်းခန့်ဇော် ။ ငါနဲ့ ကိုသန့်ဇင်က ဘာမှ မရိုးသားတာ မရှိဘူး ။ နင်ကရော…… ရီးစားစာ သွားပေးတယ် ဆိုတာ နင့်အတွက် မဟုတ်ဘူး ဆိုတာ သေချာလား ။ ”
“ တကယ်ပေါ့ ။ ငါက နင့်ကို ညာစရာလား ။ သူများအတွက် အဖေါ်လိုက်တာပါ ” ဆိုတဲ့ စကားကို ပြန်ပြောရင်းက ကျမတို့ နှစ်ယောက်ကြားမှာ ဘယ်သူမှ မသိတဲ့ ကတိစကားတစ်ခုကို ချည်နှောင်လိုက်ကြပါတယ် ။ ပြီးတော့ ပေါ့ပေါ့ပါးပါး အတူတူ ရီမောမိကြပါတယ် ။
ကြည့်စမ်း ။ ဒီ အကြောင်းတွေကို စောစောစီးစီးကသာ ပြောဖြစ်ခဲ့ကြရင် ကျမတို့ နှစ်ယောက် ဒီလောက် လွမ်းခဲ့ကြဖို့ ဘယ်လိုလိမ့်မလဲ မောင်ရယ် ။ အင်း….။ တစ်မျိုးတော့လည်း ကောင်းနေတာက နှစ်ယောက်စလုံးရဲ့ ရင်ထဲကို နဲနဲတော့ လှမ်းမြင်ခဲ့ကြတာပေါ့…နော် ။
------------------------------------------------------------------------။
By