၅။ အဲဒီအချိန်က စလို့ ကျမတို့ နှစ်ယောက်ကြားမှာ နောက်ထပ် ဘာပြဿနာမှ ထပ်ဖြစ်မလာအောင် တစ်ယောက်နဲ့ တစ်ယောက် နားလည်ဂရုစိုက်မှု ၊ ထိန်းသိမ်းမှုတွေလည်း ပိုလာတယ်လို့ ပြောရမှာပါ ။
ဒီကြားထဲမှာ ကိုသန့်ဇင်နဲ့ ကျမတို့ရဲ့ ရင်းနှီးမှုကို မင်းခန့်ဇော်က သိပ်ကျေနပ်ပုံ မရပေမဲ့ ကျမဖက်က ထူးခြားဟန်မရှိတဲ့ အတွက် ဘာမှ မပြောရှာပါဘူး ။ ကျမကလည်း သူက သိပ် မကြိုက်တာကို သိနေတဲ့အတွက် အတတ်နိုင်ဆုံး ရှင်းလင်းတဲ့ ဆက်ဆံရေး ပုံသဏ္ဍာန်ဖြစ်အောင် ဂရုစိုက်နေခဲ့ပါတယ် ။ ကျမတို့ နှစ်ယောက်ကြားမှာ ချစ်တယ်ဆိုတဲ့ ဆက်စပ်မှုနဲ့ တိတိကျကျ ပါတ်သတ်တာ မဟုတ်ပေမဲ့ ဝေးနေဖို့တော့ မဖြစ်နိုင်ဘူး ဆိုတာကို ပြီးခဲ့တဲ့ ကိစ္စကြောင့် သိခဲ့ကြပြီးပြီလေ ။
ဆယ်တန်းဖြေရမဲ့နှစ်ကို ရောက်လာတဲ့အခါ စာတွေကို အရင်နှစ်တွေထက် ပိုပြီး အားထည့်လာရလို့ တခြားခံစားချက်တွေကိုလည်း မေ့ပျောက်ထားကြပါတယ် ။ ကျမတို့ အုပ်စုထဲမှာ မင်းခန့်ဇော်က စာတော်တဲ့အတွက် ဂုဏ်ထူးများများ ထွက်ဖို့ အားထည့် ကြိုးစားနေသလို ကျမရယ် ၊ ကိုကြီးခိုင်ရယ် ၊ နီလာရယ် ၊ ကေသီရယ်ကလည်း စာမေးပွဲ အောင်နိုင်တဲ့ အခြေအနေကို ကျော်ဖြတ်နိုင်လို့ ရမှတ်ကောင်းအောင် ဦးတည် ကြိုးစားနေကြတဲ့ အချိန်ပါ ။
ဒါပေမဲ့ မိသင်းနဲ့ ကိုသက်ကတော့ အခြေအနေ သိပ် မကောင်းလှပါဘူး ။ သူတို့ နှစ်ယောက်က ကြိုးစားအားထုတ်မှု နည်းသလို နဂိုထဲကလည်း စာနည်းနည်း ညံ့ပါတယ် ။ ကျမတို့ ကျန်တဲ့သူတွေက သူတို့နှစ်ယောက်ကို စိတ်ပူလို့ ဘယ်လိုပဲ ဆွဲခေါ်၊ ဆွဲခေါ် ။ သူတို့နှစ်ယောက်က ငါတို့ အောင်ဖို့ မလွယ်ဘူးဟ ။ ငါတို့ကြောင့် နင်တို့ အချိန်မကုန်စေနဲ့ ဆိုပြီး ခပ်အေးအေးပါပဲ ။ ပိုဆိုးတာက သူတို့နှစ်ယောက် ချစ်သူဖြစ်သွားကြတာပဲ ဖြစ်ပါတယ် ။
သူတို့နှစ်ယောက်အကြောင်း ကျမစ, ပြီး သိတဲ့နေ့က စာမေးပွဲဖြေဖို့ သုံးလလောက်ပဲ လိုပါတော့တဲ့ ကာလပါ ။ ကျမက မင်းခန့်ဇော်ကို သင်္ချာတွေ ရှင်းပြခိုင်းဖို့ ရှိသလို မင်းခန့်ဇော်ကလည်း ကျမနဲ့ အင်္ဂလိပ်စာတွေ အတူတူလုပ်ချင်တဲ့ အတွက် စောစောလာဖို့ ချိန်းထားလို့ ကျောင်းကို ခါတိုင်းထက် စောပြီး ရောက်လာခဲ့ပါတယ် ။
ကျမ ထိုင်နေကျ နေရာကို ရောက်တော့ အံဆွဲထဲ လွယ်အိတ်ကို ထည့်လိုက်တဲ့ အချိန်မှာ ဖတ်စာအုပ် တစ်အုပ်ကို တွေ့ လိုက်ရပါတယ် ။ ဆွဲယူ ကြည့်လိုက်တော့ မိသင်းနံမည် ထိုးထားတဲ့ စာအုပ်ဖြစ်နေလို့ မေ့ကျန်ခဲ့တာပဲ ဆိုပြီး ပြန်ထည့်မယ် အလုပ်မှာ စာရွက်ခေါက်လေးတစ်ခု ထွက်ကျလာပါရော ။
အဲဒီ စာရွက်ခေါက်ကို ဖွင့်လိုက်တော့ ချစ်တဲ့မိသင်းလို့ အစချီရေးထားပြီး မိသင်းရဲ့ ကိုသက်လို့ အဆုံးသတ်ထားတဲ့ ရီးစားစာ ဖြစ်နေပါတယ် ။ ကျမက အဲဒီစာကို ကိုင်ပြီး ကိုယ်တစ်ယောက်ထဲ မီးကို စ တွေ့လိုက်ရတဲ့ ကမ္ဘာဦးလူသားလို အံ့သြကြီးစွာ ခံစားမိချိန်မှာ မင်းခန့်ဇော်က ရောက်လာတာပါ ။
“ မင်းခန့်ဇော်ရေ…။ ဒီမှာ ကြည့်စမ်းပါအုံး ။ မိသင်းနဲ့ ကိုသက်က ကြိုက်နေကြတာကိုး ။ သူတို့နှစ်ယောက် ကြိုက်နေတာကို နင်တို့ ၊ ကိုကြီးခိုင်တို့ မသိဘူးမို့လား ”
လို့ ပြောတော့ မင်းခန့်ဇော်က ရီပြီး လေသံ ခပ်အေးအေးနဲ့
“ သိပါတယ်ဟာ ။ အစထဲက ငါတို့ သိပါတယ် ” တဲ့။
“ ဟင်….အဲဒါဆို နင်တို့ ၀ိုင်းပြီး တားရမှာလေ ။ ဘာလို့ မတားတာလဲ။ အခု အရွယ် ၊ အခုအချိန်က ရီးစား ထားရမဲ့ အချိန်မှ မဟုတ်သေးပဲ မင်းခန့်ဇော်ရဲ့ ”
“ ယုမီချို ။ အဲဒါက ငါတို့ ၀င်ပြီး တားလို့ ရတဲ့ ကိစ္စလား။ မဖြစ်သင့်သေးဘူး ဆိုတာ ငါတို့ သိသလို သူတို့လဲ သိတယ် ။ ဒါပေမဲ့ သူတို့ကိုယ်တိုင်ကမှ မထိန်းချုပ်နိုင်ကြတာ ငါတို့ ၀ိုင်းပြီး တားတော့ ဘာထူးမှာလဲ ”
သူက ခုံမှာ ၀င်ထိုင်ရင်းက
“ အရာရာကို ကိုယ့်ရဲ့ ပုံစံ ၊ ကိုယ့်ရဲ့ စိတ်နဲ့ မတွက်ပါနဲ့ ယုမီချိုရယ် ။ ငါတို့ နေတဲ့ ကမ္ဘာကြီးတောင် ခပ်စောင်းစောင်းပဲ လည်နေတာပါ ” လို့ ခပ်တိုးတိုး ပြောပါတယ် ။
ကျမကတော့ သူ့ဆီက ကြားလိုက်ရတဲ့ စကားဆန်းဆန်းကြောင့် ရီချင်သွားမိသလို သူ့ကိုလည်း မခံချင်အောင် စ,ချင်လာလို့
“ ဒါတော့ ဒါပေါ့ဟယ် ။ ဒါပေမဲ့ အဲဒီ နဲနဲ စောင်းနေတဲ့ ကမ္ဘာကြီးပေါ်မှာ ငါတို့က မတ်မတ်ရပ်နေကြတာလေ ” လို့ ရီပြီး ပြန်ပြောတော့ မောင်က
“ မသိတော့ဘူး ယုမီချိုရာ ။ ဘာလို့လဲ ဆိုတော့ တစ်ခါတစ်ခါ ငါလဲ ကမ္ဘာကြီးရယ် ၊ မိသင်းနဲ့ ကိုသက်ရယ် လိုပဲ စောင်းစောင်းလေးတွေးပြီး နေချင်တယ် ” လို့ ပြောရင်း ကျမမျက်နှာကို စိုက်ကြည့်ပါတယ် ။
မောင့်ရဲ့ အကြည့်ရယ် ၊ အပြောရယ်က ကျမကို အသက်ရှု မှားစေခဲ့တယ်လေ ။ ကျမ တမင် ထိန်းချုပ်ထားရတဲ့ ခံစားချက်တွေကိုလည်း လှုပ်ရှားစေခဲ့တယ် ။ မောင့်ရဲ့ မျက်ဝန်းတွေမှာ ဘာတွေ ရှိနေတယ် ဆိုတာ ကျမက ကောင်းကောင်း ဖတ်နိုင်နေပြီ မောင်ရဲ့ ။ ဒါပေမဲ့ ကျမတို့ဘ၀အတွက် အလှည့်အပြောင်းဖြစ်တဲ့ ဒီလို အရေးကြီးတဲ့ အချိန်မှာ ကျမတို့ တည်ငြိမ်မှ ဖြစ်မယ်လေ ။
ဒါကြောင့် ကျမက ဆုံနေမိတဲ့ အကြည့်တွေကို မလွှဲတော့ပဲ ရီချလိုက်ရင်း
“ လူလေး….မင်းခန့်ဇော် ။ စိတ်ထိန်းပါ ။ စာမေးပွဲ အရေးကြီးတယ် လူလေး ” လို့ ခပ်သောသော ပြောလိုက်တဲ့အခါမှာ မောင်က လိုက် မရီပဲ မျက်နှာ လွှဲသွားပါတယ် ။
နောက် ကျမတို့ နှစ်ယောက် စာတွေကိုပဲ စိတ်ဝင်တစား လုပ်ဖြစ်သွားခဲ့တယ် ။ ကျမတို့ နှစ်ယောက်စလုံးက စိတ် အနှောင့်အယှက်တွေ ကြုံလာတဲ့အခါမှာ စာတွေ မရပ်မနား ဖတ်လေ့ ရှိတာရယ် ၊ သီချင်းတွေ နားထောင်လေ့ရှိတာရယ်က ထူးဆန်းစွာ တူညီနေတဲ့ အကျင့်စရိုက်တွေပါ ။
အဲဒီနှစ်က ထင်ထားတဲ့ အတိုင်းပဲ ဆယ်တန်းစာမေးပွဲကို မိသင်းနဲ့ ကိုသက်က ကျ,နေခဲ့ပါတယ် ။ မောင်က ဂုဏ်ထူး သုံးဘာသာနဲ့ပဲ အောင်လို့ စိတ်မကျေနပ်စရာ ဖြစ်ရပေမဲ့ ကျမရယ် ၊ ကေသီရယ်၊ နီလာရယ်၊ ကိုကြီးခိုင်ရယ်လည်း အောင်ခဲ့ကြလို့ ၀မ်းသာရပါတယ်။ စာမေးပွဲအောင်တဲ့ ငါးယောက်က မိသင်းနဲ့ ကိုသက်အတွက် စိတ်မကောင်း ဖြစ်ရပေမဲ့ သူတို့ နှစ်ယောက်ကတော့ ခပ်ပြုံးပြုံးပါပဲ ။ ဒီနှစ် မအောင်တော့လည်း နောက်တစ်နှစ်ပေါ့ လို့ ပြောတဲ့ သူတို့နှစ်ယောက်ကို ဒီတစ်နှစ်တော့ အောင်,အောင် ဖြေနော်လို့ ၀ိုင်းပြီး အားပေးရပါတယ် ။
-------------------------------------------------------------------------။
By