"မေယု နှစ်ပတ်လည်"

        မူလတာဝန်အားဖြင့် ရေယာဉ်အုပ်စုများကို အစောင့်လိုက်တာဝန်ထမ်းဆောင်ရသည့် စစ်ရေယာဉ်H.M.S FAL သည်ဒုတိယကမ္ဘာစစ်အတွင်း ဥရောပတိုက်တွင် ဂျာမနီနိုင်ငံ လက်နက်ချပြီးသည့်နောက် အာရှတိုက်တွင် ကျန်ရှိနေသေးသည့်ဖက်ဆစ်ဂျပန်တိုကို ဆက်လက်ချေမှုန်းတိုက်ခိုက်ရန် ဥရောပမှ စေလွှတ်ခဲ့သည့် မဟာမိတ်စစ်ရေယာဉ်များစာရင်းတွင် ပါဝင်ခဲ့လေသဖြင့် အာရှရေပြင်ဆီသို့ အဏ္ဏဝါခရီးကို ချီတက်ခဲ့လေတော့သည်။


     အာရှတိုက်စစ်မြေပြင်တွင် မြန်မာနိုင်ငံကို မဟာမိတ်တပ်များ ပြန်လည်ထိုးစစ်ဆင်နွှဲချိန်နှင့် ပြည်တွင်းမှ မြန်မာမျိုးချစ်များက ဖက်ဆစ်ဂျပန်တို့ကို တော်လှန်ချိန်တွင် 
H.M.S FAL သည် ဗမာပြည် ဘုရင့်အပျော်တမ်း အရန်ရေတပ်မတော် (BURMA ROYAL NAVY VOLUNTEER RESERVE) မှ  မြန်မာအမျိုးသား ရေတပ်သားများနှင့်အတူ
ရခိုင်တိုက်ပွဲစဉ် မေယုမြစ်ဝှမ်းတွင် ရွပ်ရွပ်ချွံချွံ ပါဝင်တိုက်ခိုက်ခဲ့လေသည်။


"မေယု " တဖြစ်လည်း H.M.S FAL
------------------------------
------------------------------

                   ၁၉၄၇ ခုနှစ် မေလ(၂၅)ရက် တနင်္ဂနွေနေ့ (၁၂၁၀) နာရီအချိန်တွင်တော့ H.M.S FALသည်  ဗြိတိသျှ တော်ဝင်ရေတပ်မတော်တွင် တာဝန်ထမ်းဆောင်နေရာမှ ဗမာပြည် ဘုရင့်အပျော်တမ်း အရန်ရေတပ်မတော် (BURMA ROYAL NAVY VOLUNTEER RESERVE) ထံသို့ အခမ်းအနားဖြင့် လွှဲပြောင်းရောက်ရှိလို့လာခဲ့ပါတော့သည်။ တနည်းအားဖြင့်တော့ ဖွားမြင်ရာအချိန်မှ (၆) နှစ်မျှအကြာတွင် ရောက်ရှိလာခဲ့ခြင်းပင်။ ရခိုင်စစ်မြေပြင် မေယုမြစ်ဝှမ်းတိုက်ပွဲများအတွင်း စွမ်းစွမ်းတမံတာဝန်ထမ်းဆောင်ခဲ့မှုကို ဂုဏ်ပြုသည့်အားဖြင့် "မေယု "   ဟု ခေါ်တွင် စေခဲ့လေသည်။ ထိုစဉ်က ကာကွယ်ရေးဝန်ကြီး တာဝန်ထမ်းဆောင်နေသည့် ဗိုလ်ချုပ်အောင်ဆန်း ကိုယ်တိုင်တက်ရောက်ကာ ဂုဏ်ပြုတပ်ဖွဲ့ကို စစ်ဆေးခြင်း၊ ရေယာဉ်ကို မြန်မာနိုင်ငံကိုယ်စား လက်ခံခြင်းတို့ကို ဆောင်ရွက်ခဲ့ပါသည်။ လွှဲပြောင်းစဉ်က ဗြိတိသျှတော်ဝင် ရေတပ်မတော်မှ စစ်ရေယာဉ်မှူးမှာ 
ဗိုလ်မှူးမစ်ချယ်လ် (LIEUTENANT COMMANDER MITCHELL) ဆိုသူဖြစ်ပြီး ၊ မြန်မာနိုင်ငံမှ ပထမဦးဆုံး စစ်ရေယာဉ်မှူးမှာ ဗိုလ်မှူးခင်မောင်ဘို 
ဖြစ်လေသည်။ 

ဗိုလ်ချုပ်အောင်ဆန်းကိုယ်တိုင် ရေယာဉ်အား လွှဲပြောင်းရယူ လက်ခံနေစဉ်

        ထိုအချိန်က ဗိုလ်ချုပ်အောင်ဆန်း သည် “ တစ်နှစ်အတွင်း လွတ်လပ်ရေး ရလျှင်ရ၊ မရလျှင်ချ ” ကြွေးကြော်လျှက် လွတ်လပ်ရေးနှင့် အချုပ်အခြာအာဏာ ပိုင်ဆိုင်မှုအတွက် ကြိုးပမ်းဆောင်ရွက်နေချိန် ဖြစ်ပါသည်။ ထို့ကြောင့် စစ်ရေယာဉ်-မေယု သည် တပ်မတော်ရေတပ်၏ အလံဆောင် အဓိကစစ်ရေယာဉ်(FLAGSHIP) ဖြစ်လာသည့်နည်းတူ မြန်မာ့လွတ်လပ်ရေး၏ ရှေ့ ပြေးနမိတ်နှင့် အဘိတ်ဆောင်အောင်ပန်းတစ်ပွင့်လည်း ဖြစ်လာခဲ့ပါတော့သည်။

ထိုစဉ်က ကာကွယ်ရေးဝန်ကြီး တာဝန်ထမ်းဆောင်နေသည့် ဗိုလ်ချုပ်အောင်ဆန်း

"မေယု "  နှင့် ပြည်တွင်းတိုက်ပွဲများ
------------------------------------------
------------------------------------------

မေယု စစ်သင်္ဘောပါဝင်ဆင်နွှဲခဲ့ရသည့် သမိုင်းဝင် တိုက်ပွဲများသည်ကား--

- အင်းစိန်မြို့ သိမ်းတိုက်ပွဲ (၁၉၄၈)ခုနှစ်

- သန်လျင်ကျိုက်ခေါက်တိုက်ပွဲ (၁၉၄၈)ခုနှစ်

- ပုသိမ်မြို့ သိမ်းတိုက်ပွဲ (၁၉၄၈)ခုနှစ်

- ကျောက်ဖြူမြို့ သိမ်းတိုက်ပွဲ (၁၉၄၉)ခုနှစ်

- မော်လမြိုင်မြို့ သိမ်းတိုက်ပွဲ (၁၉၅၀)ခုနှစ် 

တို့ ဖြစ်ကြလေသည်။ 
           အင်းစိန်မြို့ကို သိမ်းပိုက်ထားပြီး ရန်ကုန်မြို့ကို ဆက်လက်ထိုးစစ်ဆင်သိမ်းယူရန် အင်းအားစုစည်းကြိုးပမ်းလာသော KNDO တပ်များအား ဗမာ့တပ်မတော်မှ အောင်ပွဲခံခဲ့သော တိုက်ပွဲတွင် ရန်သူ၏ ထိုးစစ်အဟုန်ကြောင့် ကြည်းတပ်ခံစစ်ကြောင်းများ အဆင့်ဆင့် ဆုတ်ပေးနေရချိန်တွင် ဗမာ့ရေတပ်မတော်မှ စစ်ရေယာဉ်မေယုသည် မြစ်ကြောင်းမှ (၄)လက်မ အမြောက်ဖြင့်လည်းကောင်း၊ ရေတပ်ပိုင် ဘီးတပ်(၄၀)မမ အမြောက်တပ်ဖွဲ့များသည် ကုန်းပေါ်မှလည်းကောင်း ဆီးကြိုဖြတ်တောက် တိုက်ခိုက်မှုကြောင့် ရန်သူ့ဘက်မှ အကျအဆုံးများစွာဖြင့် အရေးနိမ့်သွားခဲ့ပါသည်။ ၄င်းတိုက်ပွဲတွင် ရေတပ်အနေဖြင့် စစ်ရေယာဉ်များအပြင် ကုန်းပေါ်မှလည်း ဘီးတပ်အမြောက် တံမြက်စည်း၊ ရေဘီလူး ၊ ရေသူရဲ၊ ရေသဘက် စသည်တို့ဖြင့် စွမ်းစွမ်းတမံ ပါဝင်တိုက်ခိုက်ပြီး အောင်ပွဲခံနိုင်ခဲ့ပါသည်။



ထိုကဲ့သို့ သမိုင်းဝင်၊ သမိုင်းတွင်သည့် နာမည်ကျော်တိုက်ပွဲများအပြင် 
(၁၉၅၈) ခုနှစ် ဗိုလ်ချုပ်ကြီးနေ၀င်း ဦးဆောင်သည့် အိမ်စောင့်အစိုးရလက်ထက်နှင့် 
(၁၉၆၂) ခုနှစ် တော်လှန်ရေးကောင်စီ တက်လာချိန်တွင်လည်းကောင်း၊ 
(၁၉၇၄) ခုနှစ် ဖွဲ့စည်းပုံအခြေခံဥပဒေ ပြဌာန်းပြီးနောက်တွင်လည်းကောင်း၊
 ပြည်တွင်းသောင်းကျန်းမှုကို အမြစ်ပြတ် ချေမှုန်းခြင်း၊ မြန်မာ့ကမ်းရိုးတန်းနှင့် ပိုင်နက်ပင်လယ်ပြင် 
ကာကွယ်စောင့်ရှောက်ရေးတာဝန်များကို ထမ်းဆောင်ခဲ့ပါသည်။ 


ချစ်ကြည်ရေးသံတမန် "မေယု " 
-----------------------------------------
-----------------------------------------


        သမိုင်းကြောင်းက ပေးအပ်လာသည့် တာဝန်နှင့်ဝတ္တရားများကို ကျေပွန်စွာထမ်းဆောင်လျက်ရှိနေသည့် စစ်ရေယာဉ် "မေယု "  သည်
စစ်ဆင်ရေးတာဝန်များဖြင့် မအားမလပ်သည့်အကြားမှ ပေးအပ်လာသည့်တာဝန်ကို ကျေပွန်စွာဖြင့်
(၁၉၄၉) ခုနှစ်တွင် အရှေ့ ပါကစ္စတန်နိုင်ငံ (ယခုဘင်္ဂလားဒေ့ရှ်)သို့ ချစ်ကြည်ရေးခရီးစဉ် နှစ်ကြိမ်သွားခဲ့ပြီး
 သြစတြေလျနိုင်ငံနှင့် အိန္ဒိနိုင်ငံများသို့ တစ်ကြိမ်စီ သွားရောက်ခဲ့ပြန်ပါသေးသည်။

ထို့ကြောင့် စစ်ရေယာဉ်-မေယု သည် တပ်မတော်ရေတပ်အတွက်သာမက နိုင်ငံအတွက်ပါ သမိုင်းဝင်စစ်ရေယာဉ်တစ်စီးအဖြစ် ထင်ရှားခဲ့ခြင်း ဖြစ်ပါသည်။ 

စစ်ရေယာဉ် "မေယု"တွင် ခေတ်အဆက်ဆက် တာဝန်ယူခဲ့ကြသည့် စစ်ရေယာဉ်မှူးများ

"မေယု "  ၏ နေဝင်ချိန်
----------------------------
----------------------------

တပ်တော်ဝင်အဖြစ်မှ ရပ်စဲခြင်း 


                လှိုင်းဒဏ်၊ လေဒဏ်၊ မုန်တိုင်းဒဏ်၊ ရာသီဥတုဒဏ် နှင့် လက်နက်ဒဏ်များကို ကြံ့ကြံ့ခံရင်ဆိုင်အံတုရင်း ပေးအပ်လာသည့် တာဝန်တိုင်းကို
မငြီးမငြူ  ထမ်းဆောင်ခဲ့လေသည့် "မေယု "  ၏ သက်တမ်းကာလမှာ အနှစ်(၄၀)ခန့် ရှိလာသည်နှင့်အမျှ ဇရာ၏ဖိစီးမှုတို့က စွဲကပ်လာတော့သည်။ကိုယ်ထည် ကုန်းပတ်များသာမက အတွင်းပိုင်းရှိ တကူများ၊ ကြွက်လျှောက်များ၊ ရေလုံခန်းများ စသည့်(STRENGTH MEMBERS)များ
ဆွေးမြေ့ ပျက်စီးမှုများ ဖြစ်လာသဖြင့် ရာသီဥတုဆိုးရွားချိန်နှင့် ပင်လယ်ပြင်တွင် စိတ်ချလက်ချအသုံးပြုရန် သင့်လျော်မှုမရှိတော့သည်ကို
တာဝန်ရှိသူများက စစ်ဆေးတွေ့ ရှိလာခဲ့သည်။ ထိုမျှသာမကသေးပဲ ရေယာဉ်၏ ကိုယ်ထည်သံပြားများကို ရှေးဟောင်းတည်ဆောက်မှုစနစ်ဖြစ်သော
(RIVETTED CONSTRUCTION) နည်းဖြင့် တည်ဆောက်ထားသည့်အလျှောက် ရေလုံမှုအခြေအနေ(WATERTIGHT – INTEGRITY) သည်လည်း ကျဆင်းလျော့နည်းလာသည်ကိုလည်း တွေ့ရှိခဲ့ကြရပြန်တော့သည်။ တပ်ဆင်အသုံးပြုထားသော စက်အမျိုးအစားမှာလည်း ရေနွေးငွေ့သုံး
စက်အမျိုးအစားဖြစ်သဖြင့် သက်တမ်းကန့်သတ်ချက်၊ စက်ကိရိယာ လျှပ်စစ်အပိုပစ္စည်းများ ရရှိမှုခက်ခဲလာသည့်အတွက် တိုက်စွမ်းရည် ကျဆင်းခဲ့ရပါသည်။
"မေယု " ကား အိုမင်းချေပြီတည့်...........။

          ထိုကြောင့်လည်း  ၁၉၇၉ ခုနှစ် သြဂုတ်လ(၂)ရက်နေ့တွင် ကျင်းပသော (၂၆၂)ကြိမ်မြောက် ကာကွယ်ရေးဌာနကောင်စီ၏ အမှုဆောင်အဖွဲ့အစည်းအဝေးမှ
"မေယု " ရေယာဉ်အား တပ်တော်ဝင်အဖြစ်မှ ရပ်စဲရန် သဘောတူဆုံးဖြတ်ခဲ့ပါတော့သည်။ တို့နောက်တွင်တော့ "မေယု "  ရေယာဉ်အား 
အမှတ်(၁)စက်မှုဝန်ကြီးဌာနသို့ လွှဲပြောင်းပေး၍ ဖျက်သိမ်းမှုကိုဆောင်ရွက်ရန် စီမံခဲ့ပါသည်။  "မေယု "  ကား သူပျော်မွေ့ရာ အဏ္ဏဝါရေပြင်နှင့်
သူ့အားချစ်ခင်နေကြသူ ရဲဘော်ရဲဘက်များကို စွန့်ခွာလျက် အမှတ်(၁)စက်မှုဝန်ကြီးဌာန၏ အစီအစဉ်ဖြင့် သံရည်ကြိုရန် စီစဉ်ခြင်း ခံရပေတော့မည်။
ဤအခြေအနေတွင် "မေယု " အတွက် မျှော်လင့်ချက် ရောင်ခြည်တချက် လင်းလက်လို့ လာခဲ့သည်။


       နိုင်ငံတော်ကောင်စီဥက္ကဌက စစ်ရေယာဉ်-မေယု သည် လွတ်လပ်ရေးနှင့်အတူ ပါရှိလာသော သမိုင်းဝင်စစ်ရေယာဉ်ဖြစ်၍ နောင်လာနောက်သားတို့ ကြည့်ရှူလေ့လာနိုင်ရေးအတွက် စီမံဆောင်ရွက်ရန် လမ်းညွှန်ခဲ့ပါသည်။ ယင်းလမ်းညွှန်ချက်အရ (၃၀-၉-၇၉)ရက်နေ့တွင် ကျင်းပခဲ့သော (၂၇၆)ကြိမ်မြောက် ကာကွယ်ရေးဌာနကောင်စီ၏ အမှုဆောင်အဖွဲ့ မှ သမိုင်းဝင် စစ်ရေယာဉ်တစ်စီးအဖြစ် ဆက်လက်ထိန်းသိမ်းထားရှိရန် ဆုံးဖြတ်ခဲ့ပြီး ၊ တပ်မတော်(ရေ)မှ ပြန်လည်လက်ခံယူလျှက် သမိုင်းဝင်အဖြစ် ပြန်လည်မွမ်းမံပြင်ဆင်ရန်နှင့် အဓွန့်ရှည်စွာ ထိန်းသိမ်းထားရှိနိုင်ရန်အတွက် အောက်ဖော်ပြပါ လုပ်ငန်းကြီး(၂)ရပ်ဖြင့် ဆောင်ရွက်ခဲ့ပါသည်-
(က)စစ်ရေယာဉ်အား ရေလုံသင်္ဘောကျင်း တည်ဆောက်၍ထားရန်။
(ခ )စစ်ရေယာဉ်အား မူလပုံစံမပျက်အောင် ပြန်လည်ပြုပြင်ရန်တို့ ဖြစ်ပါသည်။ 
အထက်ဖော်ပြပါ လုပ်ငန်းကြီး(၂)ရပ်ကို ကွပ်ကဲဆောင်ရွက်ရန်အတွက် ကြီးကြပ်ကွပ်ကဲရေးအဖွဲ့ကို ဦးစီးစက်မှုလက်မှုအရာရှိချုပ်(ရေ) ဥက္ကဌအဖြစ် ဆောင်ရွက်စေပြီး ၊ သက်ဆိုင်ရာ ဌာနအသီးသီးမှ ကိုယ်စားလှယ်များဖြင့် ဖွဲ့စည်းဆောင်ရွက်ခဲ့ပါသည်။ 



  "မေယု "  အတွက် ကွန်းခိုရာ
------------------------------
------------------------------

လွန်းကျင်းတည်ဆောက်ပြီ
         "မေယု "စစ်ရေယာဉ်အား သမိုင်းဝင်အဖြစ် ထိန်းသိမ်းထားရှိရေးလုပ်ငန်းများ ဆောင်ရွက်နိုင်ရန်အတွက် လွန်းကျင်းတည်ဆောက်ရေးနှင့် ရေယာဉ်အား မူလပုံစံမပျက် အနီးစပ်ဆုံးတူညီမှုရှိစေရန် ပြင်ဆင်မွမ်းမံရေး လုပ်ငန်းများဆောင်ရွက်ရာတွင် ကုန်ကျမည့် ပြည်တွင်း/ပြည်ပငွေများ သုံးစွဲခွင့်ရရှိရန်အတွက် ကာကွယ်ရေးဌာနကောင်စီ၏ အမှုဆောင်အဖွဲ့သို့ တွက်ချက်တင်ပြခဲ့ရာ (၂၅-၉-၈၀)ရက်နေ့တွင် ကျင်းပခဲ့သော (၃၁၁)ကြိမ်မြောက် ကာကွယ်ရေးဌာနကောင်စီ၏ အမှုဆောင်အဖွဲ့အစည်းအဝေးမှ သဘောတူခွင့်ပြုကြောင်း ဆုံးဖြတ်ခဲ့ပါသည်။

          ယင်းခွင့်ပြုချက်အရ စစ်ရေယာဉ်အား ထားရှိမည့် လွန်းကျင်းတည်ဆောက်ရန် မြေနေရာရှာဖွေကြရာ သန်လျင်မြို့ နယ်ရှိ အမှတ်(၁)ရေတပ်လေ့ကျင့်ရေးဌာနချုပ်နယ်မြေတွင် တည်ဆောက်ရန်သင့်တော်ကြောင်း ဆုံးဖြတ်၍ ရွေးချယ်ခဲ့ပါသည်။ ထိုသို့ ရေလုံကျင်းတည်ဆောက်ရာတွင် ပြုလုပ်ဆောင်ရွက်ရမည့် လုပ်ငန်းများနှင့်ပတ်သက်၍
(HYDRO CIVIL WORKS) နှင့် (CIVIL WORKS) များ ဖြစ်သဖြင့် ယင်းလုပ်ငန်းများနှင့် တိုက်ရိုက်သက်ဆိုင်ပြီး အတွေ့အကြုံနှင့် 
လုပ်ငန်းကျွမ်းကျင်မှုရှိသော ဆိပ်ကမ်းကော်ပိုရေးရှင်း ဆည်မြောင်းဦးစီးဌာနတို့မှ အကူအညီများရယူ၍ လွန်းကျင်းတည်ဆောက်မှု၊
 မြေဖို့မှု၊ လွန်းကျင်းကြမ်းခင်း တည်ဆောက်မှု၊ လွန်းကျင်းနံရံများ တည်ဆောက်မှု၊ ရေနှုတ်မြောင်းနှင့် ရေနှုတ်ပိုက် တည်ဆောက်မှု
လုပ်ငန်းများကို ဆောင်ရွက်ခဲ့ပါသည်။

           စမအ(၉၅၄) ဆောက်လုပ်ရေးတပ်ခွဲ(အင်ဂျင်နီယာ) အနေဖြင့် အဆောက်အဦများ ဖျက်သိမ်းခြင်း၊ ပြောင်းရွှေ့ တည်ဆောက်ခြင်း၊ 
လမ်းဖောက်လုပ်ခြင်း ၊ ရေမီးဆက်သွယ်မှုလုပ်ငန်းများကို တာဝန်ယူ ဆောင်ရွက်ခဲ့သည်။ ၁၉၈၀ ခုနှစ်၊ အောက်တိုဘာလတွင် 
လွန်းကျင်းတည်ဆောက်ခဲ့ရာ ၁၉၈၁ ခုနှစ် ၊ မတ်လတွင် ရေယာဉ်အား လွန်းတင်နိုင်သည့်အဆင့်သို့ ရောက်ရှိခဲ့ပါသည်။
 ရေယာဉ်လွန်းတင်ပြီးနောက် လက်ကျန်လုပ်ငန်းများနှင့် အချောသတ်လုပ်ငန်းများကို ဆောင်ရွက်ခဲ့ရာ (၁၉၈၁-၈၂) ဘဏ္ဍာရေးနှစ်ကုန်တွင် လုံးဝပြီးစီးခဲ့ပါသည်။ 
လွန်းကျင်းတည်ဆောက်မှုလုပ်ငန်းများနှင့်ပတ်သက်၍ကုန်ကျစရိတ်များမှာ သက်ဆိုင်ရာဝန်ကြီးဌာနအလိုက်
အောက်ပါအတိုင်း  ဖြစ်လေသည်။
(က)ဆည်မြောင်းဦးစီးဌာန     ၅၉,၉၄၆,၀၀၀
(ခ )ဆိပ်ကမ်းကော်ပိုရေးရှင်း ၁၀၄,၈၆၅,၁၇၅
(ဂ )အမှတ် (၉၅၄)ဆောက်လုပ်ရေး ၄၅,၂၉၈,၆၀၀
============================     
စုစုပေါင်းကုန်ကျငွေ ၂၁၀,၁၀၉,၇၇၅ 



 "မေယု " ကို  မူလပုံစံမပျက် ပြန်လည်မွမ်းမံ ပြင်ဆင်ခြင်း 

        လွန်းကျင်းပေါ်သို့  "မေယု "  ရောက်ရှိပြီးနောက် ၁၉၈၁-၈၂ နှင့် ၁၉၈၂-၈၃ ဘဏ္ဍာရေးနှစ်များတွင်"မေယု "အား မူလပုံစံနှင့် အနီးစပ်ဆုံးဖြစ်အောင် ပြန်လည်မွမ်းမံ ပြင်ဆင်မှုများ ပြုလုပ်ခဲ့သည်။ သက်ဆိုင်ရာ လုပ်ငန်းရပ်များကို ( ၁၉၈၃) ခုနှစ် ၊ အောက်တိုဘာလတွင်
 အပြီးဆောင်ရွက်နိုင်ခဲ့ပါသည်။ စစ်ရေယာဉ်အား မူလပုံစံမပျက် ပြုပြင်ရေးလုပ်ငန်းများ ဆောင်ရွက်ရာတွင် စုစုပေါင်းကုန်ကျငွေမှာ 
နိုင်ငံခြားငွေကျပ် (၄၈၆၄၀၀ိ/-) နှင့် ပြည်တွင်းငွေ ကျပ် (၉၇၀၈၂၅ိ - ၇၃ါး) နှစ်ရပ်ပေါင်း ငွေကျပ် (၁၄၅၇၂၂၅.၇၃ါး) ဖြစ်ပါသည်။ သို့ပါ၍
လုပ်ငန်းကြီး (၂)ရပ်ဖြစ်သော ရေလုံသင်္ဘောကျင်းတည်ဆောက်ခြင်းနှင့် စစ်ရေယာဉ်အား မူလပုံစံမပျက်အောင် ပြန်လည်ပြုပြင်ခြင်းတို့ ဆောင်ရွက်ရာတွင် ကုန်ကျငွေစုစုပေါင်းမှာ ကျပ် (၄၅၅၈၃၂ ၃ိ - ၅၆ါး) ဖြစ်ပါသည်။ 


ရေရှည်ဆက်လက်ထိန်းသိမ်းထားရှိရေး 

         စစ်ရေယာဉ်-မေယုအား သမိုင်းဝင်ရေယာဉ်အဖြစ် ထားရှိရန် လွန်းကျင်းတည်ဆောက်ခြင်းနှင့် ရေယာဉ်အား မူလပုံစံမပျက် မွမ်းမံပြင်ဆင်ခြင်းလုပ်ငန်းများကို တပ်မတော်(ရေ)အနေဖြင့် ဌာနဆိုင်ရာများနှင့် ညှိနှိုင်းပေါင်းစပ်ကာ အောင်မြင်စွာ ဆောင်ရွက်နိုင်ခဲ့လေပြီ။ ထို့ပြင် သမိုင်းဝင် စစ်ရေယာဉ်-မေယုအား ရေရှည် ဆက်လက်ထိန်းသိမ်းထားရှိနိုင်ရေးအတွက်

(၁) လွန်းကျင်းအား ပြုပြင်ထိန်းသိမ်းခြင်း၊
(၂) ရေယာဉ်အား ပြုပြင်ထိန်းသိမ်းခြင်းနှင့်
(၃) မြစ်ကမ်းပါးအား ထိန်းသိမ်းထားရှိခြင်း စသည့်လုပ်ငန်းရပ်ကြီး(၃)ရပ်အား 
တပ်မတော်(ရေ)အစီအစဉ်ဖြင့် ဆက်လက် ဆောင်ရွက်လျက်ရှိပေသည်။ စစ်ရေယာဉ်"မေယု "အား သမိုင်းဝင် စစ်ရေယာဉ်ကြီးအဖြစ် ပြင်ဆင်ဖန်တီးထားရှိနိုင်မှုနှင့် လွန်းကျင်းကြီးကို အောင်မြင်စွာ တည်ဆောက်နိုင်မှုတို့မှာ ပါဝင်ဆောင်ရွက်ကြသော ပညာသည်များ၏ အတတ်ပညာပိုင်းဆိုင်ရာ တတ်ကျွမ်းပြည့်ဝမှုနှင့် လုပ်ငန်းဆောင်ရွက်ရာတွင် ပါဝင်ကြသည့် တပ်ဖွဲ့အသီးသီး ၊ ဌာနအသီးသီးနှင့် ပုဂ္ဂိုလ်အားလုံးတို့၏ ညီညွတ်စွာ ပူးပေါင်းကြိုးစားအားထုတ်မှု၏ ရလဒ် ဖြစ်ကြောင်း ထပ်လောင်းဖော်ပြအပ်ပါသည်။ 


သမိုင်းဝင် စစ်ရေယာဉ်"မေယု " သည် အချိန်ကာလကြာမြင့်လာသည်နှင့်အမျှ ရုပ်ပိုင်းဆိုင်ရာ ပျက်စီးချို့ ယွင်းမှုများကြောင့် မြင်ကွင်းမှ ကွယ်ပျောက်သွားရမည့်အခြေအနေ ဖြစ်ပေါ်လာမည်ဖြစ်သော်လည်း ၄င်းစစ်ရေယာဉ်ကြီး၏ ထူးခြားပြောင်မြောက်သည့် စွမ်းဆောင်မှုတို့မှာ မြန်မာနိုင်ငံ၏ လွတ်လပ်ရေးကြိုးပမ်းမှုသမိုင်းစဉ်တွင် ထင်ဟပ်လျှက် အစဉ်အမြဲ ရှိနေတော့မည်သာ ဖြစ်ကြောင်း ရေးသားဖော်ပြရင်း သမိုင်းပေးတာဝန် 
ကျေပွန်စွာ ထမ်းဆောင်ခဲ့ကြသည့် စစ်ရေယာဉ် "မေယု "၊၊ စစ်ရေယာဉ်မေယုတွင် တာဝန်ထမ်းဆောင်ခဲ့ကြသည့် ရေယာဉ်အဖွဲ့သားများအားလုံးနှင့် 
တပ်မတော်(ရေ) တပ်သားများအား ယနေ့ကျရောက်သော 
စစ်ရေယာဉ် "မေယု " ၏ နှစ်ပတ်လည်နေ့တွင်   ဤစာစုဖြင့် မှတ်တမ်းတင်ဂုဏ်ပြုပါသည်။


"မေယု "၏ ကိုယ်ရေးအချက်အလက်အကျဉ်းချုပ်


- အလျား- ၃၀၁ ပေ ၇ ၃/၄ လက်မ (အချို့စာစောင်များတွင် အလျား ၂၈၃ ပေ ဟု ဖော်ပြသည်။)
- ဗျက်- ၃၇ ပေ ၉ ၁/၄ လက်မ
- တန်ချိန် (၂၂၀၅) တန်

- တနာရီသွားနှုန်း ရေမိုင် (၂၀)မိုင်
- ရေစူး- ၁၄ ပေ ၄ လက်မ (၀န်ပြည့်)
 တစ်နာရီ ရေမိုင် ၂၀ မိုင်နှုန်း သွားနိုင်သည်။ 

- အလေးချိန်- ၁၆၁၄.၉၁ တန် (၀န်ပြည့်)

- လူအင်အား- အရာရှိ (၈) ဦး ၊ အခြားအဆင့် (၁၃၅) ဦး (အချို့စာစောင်များတွင် 
အရာရှိ စစ်သည် ၈၅ဦး ဟု ဖော်ပြပါရှိ)

တပ်ဆင်အသုံးပြုခဲ့သည့် လက်နက်များ
-၁၀၀ မမ အမြောက် ၁လက်၊ 
- ၄၀ မမ ဘော်ဖာ စက်အမြှောက်(၂) လက်၊-၂၀မမ အော်လီဂန်း ၂လက်တွဲ ၄လက်၊
- ၄ လက်မ အမြှောက်(၁) လက် (အချို့စာစောင်များတွင် ၂ လက်ဟု ဖော်ပြသည်။)
- Hedgehog ရေငုပ်သင်းဘောဖျက် မော်တာ
-၊မိုင်းရှင်းကိရိယာ၊ မိုင်းချ စင်များ 
- ရေမြုပ်ဒုံး (HEDGE HOG)
- ရေမြုပ်ဗုံး (DEPTH CHARGE) 
အထက်ဖော်ပြပါ လက်နက်များသည် ဝေဟင်ပစ်မှတ် ၊ ရေပြင်ပစ်မှတ် နှင့် ကမ်းခြေပစ်မှတ်များကို ထိရောက်စွာ ပစ်ခတ်ချေမှုန်းနိုင်စွမ်းရှိပြီး ရေငုပ်သင်္ဘောတိုက်ဖျက်ရေးအတွက်ပါ အသုံးဝင်ပါသည်။

ရေတပ်လေ့ကျင့်ရေးဌာနချုပ်အတွင်း အေးချမ်းစွာ အနားယူနေသည့် စစ်ရေယာဉ် "မေယု"

ကိုးကားသော မှတ်တမ်းမှတ်ရာများ- သမိုင်းဝင် စစ်ရေယာဉ်-မေယု စာစောင်၊ဆရာဆောင်(Myanmar Navy) ၊
ဓါတ်ပုံ မှတ်တမ်း                            - ရေတပ်သမိုင်းဓါတ်ပုံများ ၊ လူသစ် ၊ Deparko

by 

Khant Linn Htet

အချက်အလက်နှင့် သမိုင်းအထောက်အထားများ မှားယွင်းမှုရှိခဲ့ပါက ကျွန်ုပ်၏ညံ့ဖျင်းပေါ့လျော့မှုသာလျှင်ဖြစ်ပြီး
ဖြည့်စွက်ရေးသားပေးကြပါရန် လေးစားစွာ ဖိတ်ခေါ်အပ်ပါသည်။