စစ်ဖြစ်ရသည့်အကြောင်းရင်း
၆။ ၁၉၄၇ ခုနှစ်ပထမအကြိမ်ထိပ်တိုက်ရင်ဆိုင်မှု။ အိန္ဒိယနှင့်ပါကစ္စတန်တို့ လွတ်လပ်ရေး ရရှိခဲ့သော်လည်း ကက်ရ်ှမီးယားသွေးခွဲအုပ်ချုပ်မှုနှင့်အတူ ဂျမူး-ကက်ရ်ှမီးယား ပြည်နယ်ပိုင်ဆိုင်ခွင့်ကိစ္စမှာ အိန္ဒိယနှင့်ပါကစ္စတန် အကြား၌ ထိုအချိန်မှစ၍ ရန်မီးတစ်ခုဖြစ်လာခဲ့သည်။ အိန္ဒိယနှင့်ပါကစ္စတန် လွတ်လပ်ရေးရသည်နှင့် ကက်ရ်ှမီးယားပြည်နယ်သည် တစ်ဦးတည်းမရပ်တည် နိုင်တော့ဘဲ အိန္ဒိယနှင့်ပါကစ္စတန်တို့၏ ပြဿနာအဖြစ် ကြီးထွားလာသည်ကို တွေ့ မြင်ရသည်။ ၁၉၄၇ ခုနှစ်၊ စက်တင်ဘာလတွင် ကက်ရ်ှမီးယားတောင်ပိုင် နှင့်ဂျမူး တို့တွင် ဟိန္ဒူနှင့်ဆစ်ခ်တို့က မွတ်စလင်တို့အား တိုက်ခိုက်ခဲ့ကြပြီး အဆိုပါတိုက်ခိုက်မှုတွင် မဟာရာဇာ၏ ဆစ်ခ်လူမျိုးတပ်သားများက ပါဝင်တိုက်ခိုက်ကြသည်။ မွတ်စလင် ၂ သိန်း အသတ်ခံရသည်ဟု မွတ်စလင်တို့ကထင်မြင်ပြီး ကျန်မွတ်ဆလင်များ ပါကစ္စတန်သို့ ထွက်ပြေးကြရသည်။ ဤသည်ကို မကျေနပ်၍ မွတ်ဆလင်တို့ကလည်း တန်ပြန်၍လူအုပ်စုဖြင့် တိုက်ခိုက်လာကြသည်။ ကက်ရ်ှမီးယား မြောက်ဘက်ခြမ်းတွင် အဓိကရုဏ်းများ ပြန့်နှံ့လာသည်နှင့်ပါကစ္စတန်တို့ကလည်း ချက်ခြင်းတုံ့ပြန် တိုက်ခိုက်ရန် ၁၉၄၇ ခုနှစ် အောက်တိုဘာလတွင် ပထန် လူမျိုးနွယ်ဝင်အား စုစည်း စေလွှတ်ခဲ့ပြီး မဟာရာဇာအစိုးရသည် နယူးဒေလီရှိအိန္ဒိယအစိုးရအား စစ်ရေးအကူအညီပေးရန် တောင်းခံခဲ့သည်။
၇။ အိန္ဒိယက တိုက်ခိုက်ရေးတပ်များစုစည်းပြီး ဒါကိုတာလေယာဉ်အစီး ၃၀ ဖြင့် ဆစ်ခ်တပ်ရင်းတစ်ရင်းကို ပေးပို့ခဲ့သည်။ ၎င်းင်းအပြင် အင်အား ၃၀၀၀ ရှိတပ်မဟာတစ်ခုကိုလည်း ကုန်းကြောင်းမှစေလွှတ်ခဲ့သည်။ တစ်လခန့် တိုက်ခိုက်ကြပြီး ပထန်နှင့်အခြားလက်နက်ကိုင်များ အနောက်ဘက်သို့ ဆုတ်ခွာခဲ့သည်။ ဆရီနာဂါမြို့သို့ အိန္ဒိယတပ်များရောက်သည့်နေ့မှာပင် အိန္ဒိယ ဘုရင်ခံချုပ် လော့မောင့်ဘက်တန်အနေဖြင့် ကက်ရ်ှမီးယားပြည်နယ်နှင့်အိန္ဒိယတို့ ပူးပေါင်းသည်ကို တရားဝင်လက်ခံခဲ့သည်။ ဤသည်မှာ ဗြိတိသျှတို့မှကက်ရ်ှမီးယား ဒေသပြဿနာအား ငြိမ်းချမ်းစွာ ဖြေရှင်းရေး ဦးတည်မဆောင်ရွက်ဘဲ အိန္ဒိယအလိုကျ ဆောင်ရွက်မှုကြောင့် ပိုမိုရှုပ်ထွေးလာစေခဲ့ သည်။ အိန္ဒိယသည် ဆရီနာဂါသို့ လေထီးတပ်များ လျှင်မြန်စွာပို့ခဲ့သော်လည်း ကျူးကျော်သူများကယ်မြေ၏ သုံးပုံတစ်ပုံအားသိမ်းပိုက်ခဲ့ကြသည်။ ၁၉၄၇ ခုနှစ် နိုဝင်ဘာလတွင် ပါကစ္စတန်တပ်များ ပါဝင်တိုက်ခဲ့သဖြင့် စစ်တိုက်မှုသည် ဒီဇင်ဘာလတွင် ပိုမိုပြင်းထန်လာခဲ့သည်။ လော့မောင့်ဘက်တန်၏ အကြံပြုချက်အရ ““အိန္ဒိယကက်ဘိနက်”” အဖွဲ့သည် ၁၉၄၈ ခုနှစ်ဇန်န၀ါရီလ ၁ ရက်တွင် ကုလသမဂ္ဂလုံခြုံရေးကောင်စီသို့ တင်ပြခဲ့သည်။
၈။ ၁၉၄၈ ခုနှစ် ဇန်န၀ါရီလတွင် ကုလသမဂ္ဂ၏ အပစ်အခတ်ရပ်စဲရန် ကြားဝင် ဆောင်ရွက်မှုကြောင့် တိုက်ခိုက်မှုပြီးဆုံးသောအခါ ပါကစ္စတန်တို့က ကက်ရ်ှမီးယား၏ သုံးပုံတစ်ပုံကို လည်းကောင်း၊ အိန္ဒိယတို့ဘက်မှ နယ်မြေသုံးပုံနှစ်ပုံကိုလည်းကောင်း ထိန်းချုပ်ထားခဲ့ကြသည်။ အပစ်အခတ်ရပ်စဲရေး မျဉ်းကြောင်းအဖြစ် ထိန်းချုပ်ရေးမျဉ်းကို (LOC ) ဟုသတ်မှတ်ရာ ယနေ့တိုင် နယ်နိမိတ်သဖွယ် ဖြစ်လာခဲ့သည်။ အိန္ဒိယသည် စိမ်းစိုသော ကက်ရ်ှမီးယား ချိုင့်ဝှမ်း ဆရီနာဂါမြို့နှင့် လူဦးရေထူထပ်သော လာဒက်ဒေသတို့ကိုစိုးမိုးခဲ့ပြီး ပါကစ္စတန်သည် ကက်ရ်ှမီးယားချိုင့်ဝှမ်း အနောက်ပိုင်း အပြင် ဂီးကတ်နှင့်ဘယ်တီဆတန်တို့ကိုစိုးမိုးခဲ့သည်။ ၁၉၄၈ ခုနှစ်မှ စတင်၍ ကမ္ဘာ့ကုလသမဂ္ဂသည် ဆုံးဖြတ်ချက်များချမှတ်ခဲ့ရာတွင် ကက်ရ်ှမီးယား နယ်မြေကို လွတ်လပ်၍ ဘက်မလိုက်သော လူထုဆန္ဒဖြင့် ဆုံးဖြတ်ရန်ပါရှိသည်။ လူထုဆန္ဒခံယူပါက သုံးပုံနှစ်ပုံရှိသော မွတ်စလင်တို့ကို ပါကစ္စတန်တို့နှင့်ပူးပေါင်းရေးကိုသာ မဲပေးကြမည်ဖြစ်၍ မဟာရာဇာနှင့် ချုပ်ဆိုခဲ့ သောစာချုပ်အရ ကက်ရ်ှမီးယားသည် အိန္ဒိယပိုင်နက်ဟုစွဲကိုင်ပြီး အိန္ဒိယက အကြောင်းအမျိုးမျိုးပြ၍ လက်မခံဘဲ ၁၉၅၇ ခုနှစ်တွင် အိန္ဒိယသည် ကက်ရ်ှမီးယားကို တရားဝင် အိန္ဒိယနိုင်ငံအတွင်း သွတ်သွင်းခဲ့ပါသည်။
၉။ ၁၉၆၅ ခုနှစ်ဒုတိယအကြိမ် ထိပ်တိုက်ရင်ဆိုင်မှု ။ ကက်ရ်ှမီးယားပြည်နယ် အတွင်းရှိ လူများစု မွတ်စလင်များက ပါကစ္စတန်ဘက်သို့သာ လိုက်ပါမဲပေးကြမည်ဖြစ်ရာ ကြားလူဝင်ရောက်ခြင်းသည် ပါကစ္စတန်အတွက် အကျိုးအမြတ်ပိုမိုဖြစ်ထွန်းနိုင်ကြောင်း ယူဆခဲ့သည်။ အိန္ဒိယနိုင်ငံကမူ ကက်ရ်ှမီးယားဒေသသည် အိန္ဒိယနိုင်ငံမှ ခွဲထွက်၍မရနိုင်သော အစိတ်အပိုင်း တစ်ရပ်ဖြစ်သည်ဟူသော မူဝါဒကိုပုံသေကိုင်စွဲ ထားသည်။ ၁၉၆၄ ခုနှစ်မှစ၍ အိန္ဒိယကက်ရ်ှမီးယား ဒေသကိုစစ်ရေးအရ ၀င်ရောက်တိုက်ခိုက်ရန် ပါကစ္စတန်က ပြင်ဆင်လာခဲ့သည်။ ပါကစ္စတန်ဘက်ရှိ အဇက်ကက်ရ်ှမီးယားဒေသတွင် အင်အား ၂၀၀၀၀ ရှိသော တပ်ဖွဲ့တစ်ဖွဲ့ ဖွဲ့စည်းပေးခဲ့ပြီး မူဂျာဟစ်နှင့် ရာဇကာကဲ့သို့သော ပြောက်ကျားတပ်ဖွဲ့များကိုလည်း လက်နက်တပ်ဆင်လေ့ကျင့်ဖွဲ့စည်းပေး ခဲ့သည်။ ၁၉၆၅ ခုနှစ် ဧပြီလ ၉ ရက်နေ့၌ ကွတ်ခ်ျ ပြည်နယ်ရှိ ရန်းမြစ် အနီုးညြေေုသအ ဒေသမှ ဆာဒါပို့စ် ခေါ် အိန္ဒိယနယ်စပ်စခန်းကို ပါကစ္စတန် အမှတ်(၅၁)တပ်မဟာက ၀င်ရောက်တိုက်ခိုက်ခြင်းဖြင့် ပါကစ္စတန်ဘက်မှ ယောင်ပြထိုးစစ်ကို စတင်ခဲ့သည်။ ၁၉၆၅ ခုနှစ် သြဂုတ်လ ၅ ရက်နေ့တွင် ဂျီဘရော်တာ တပ်ဖွဲ့ဟုအမည်ပေးထားသော အထူးပြောက်ကျားတပ်ဖွဲ့ အင်အား ၃၀၀၀၀ သည် တပ်မ ၁၀ ခုအဖြစ် ဖွဲ့စည်းလျက် အပစ်အခတ်ရပ်စဲရေးမျဉ်းကို ဖြတ်ကျော်ကာ အိန္ဒိယ ကက်ရ်ှမီးယားဒေသတွင်းသို့ ၀င်ရောက်လာခဲ့ကြသည်။ သြဂုတ်လ ၂၃ ရက်နေ့တွင် အိန္ဒိယဘက်မှ တန်ပြန်ထိုးစစ်ကို စတင်ခဲ့ပြီး သြဂုတ်လ ၂၈ ရက်နေ့တွင် ဟာဂျီးပီးရ် တောင်ကြားဒေသကို ပြန်လည်တိုက်ခိုက်ခဲ့သည်။ အိန္ဒိယတပ်များက နိုင်ငံတကာနယ်နိမိတ်ကိုဖြတ် ကျော် ကာ ပါကစ္စတန်နိုင်ငံ လာဟိုးမြို့ဘက် သို့ဦးတည် တိုက်ခိုက်ခဲ့သည်။ ပါကစ္စတန်တို့အငိုက်မိကာ ရှေ့ကျွံနေသောတပ်များ ပြန်ဆုတ်၍ အိန္ဒိယထိုးစစ်ကို အပြင်းအထန်ခုခံခဲ့သဖြင့် ပါကစ္စတန်အနေဖြင့် အိန္ဒိယ၏ဆုံးရှုံးမှုအရေအတွက်ထက် မပိုိုသော်လည်း နိုင်ငံနှင့်တပ်မတော်အရွယ်အစားသေးငယ်သော ကြောင့် ပိုမို ထိခိုက် နစ်နာဆုံးရှုံးခဲ့ရသည်။
၁၀။ ၁၉၇၁ ခုနှစ် တတိယအကြိမ်ထိပ်တိုက်ရင်ဆိုင်မှု။ ၁၉၇၀ပြည့်နှစ် ပါကစ္စတန် ရွေးကောက်ပွဲ ရလဒ်မှ ဖြစ်ပေါ်လာသော အရှေ့ပါကစ္စတန် လွတ်မြောက်ရေးလှုပ်ရှားမှု သည် ၁၉၇၁ ခုနှစ် အိန္ဒိယ-ပါကစ္စတန် တတိယစစ်ပွဲကို ဖြစ်လာစေခဲ့သည့် အကြောင်းရင်းဖြစ်စေခဲ့သည်။ ဘာသာရေးကိုအခြေခံသဖြင့် ပါကစ္စတန်နိုင်ငံအနေနှင့်လည်း အရှေ့ပါကစ္စတန် (ယခုဘင်္ဂလားဒေ့ရှ်) နှင့်အနောက်ပါကစ္စတန်ဟူ၍ အိန္ဒိယနိုင်ငံကိုခြား၍ နှစ်ပိုင်းကွဲထွက်နေခဲ့ရသည်။ ဘာသာချင်းတူ သော်လည်း လူမျိုးနွယ်စုချင်း မတူညီမှု၊ ဗဟိုအစိုးရနှင့် ဝေးကွာနေမှု၊ အုပ်ချုပ်ရေးအလှမ်းကွာဝေးမှု၊ ထိတွေ့မှုနည်းပါးခြင်း၊ နားလည်မှုမရှိခြင်းတို့ကြောင့် အရှေ့ပါကစ္စတန်၌ ဗဟိုအစိုးရမခွဲထွက်လိုမှုအတွက် လက်နက်စွဲကိုင်တော်လှန်ခဲ့ရာမှ ပြည်တွင်းစစ်ဖြစ်ပွားခဲ့ရပါသည်။ ၁၉၇၁ ခုနှစ် မတ်လ ၂၆ ရက်နေ့တွင် ရှိတ်မူဂျီဘူရာမန်က ပါကစ္စတန်နိုင်ငံမှခွဲထွက်ပြီး ဘင်္ဂလားဒေ့ရ်ှပြည်သူ့ သမ္မတနိုင်ငံအဖြစ် ထူထောင်ကြောင်းကြေညာခဲ့ သည်။ ပါကစ္စတန်အစိုးရက အ၀ါမီလိဂ်ပါတီအား မတရားအသင်း ကြေညာပြီး ရှိတ်မူဂျီဘူရာမန်နှင့် အခြားပါတီဝင် ခေါင်းဆောင်များအား လိုက်လံဖမ်းဆီးခဲ့သည်။ ဗိုလ်မှူးဇီယာရာမန်ဦးဆောင်သော ဘင်္ဂါလီသေနတ်ကိုင်တပ်ရင်းများမှ တပ်ဖွဲ့ဝင်များကလည်း ပါကစ္စတန်လက်အောက်မှ လွတ်မြောက်ရေး လက်နက်ကိုင်တိုက်ပွဲများ တွင်ပါဝင်၍ တိုက်ခိုက်လာခဲ့ကြသည်။ အခြားဘင်္ဂါလီပြည်သူ့စစ်၊ ရဲနှင့်ဘင်္ဂါလီ လူငယ်များကလည်း အိန္ဒိယနိုင်ငံအတွင်းသို့ ထွက်ပြေးကာ မုတ္တိဘဟီနီခေါ်လွတ်မြောက် ရေးပြောက်ကျားတပ်ဖွဲ့များ ဖွဲ့စည်း၍ အရှေ့ပါကစ္စတန်နယ်မြေအတွင်း ထိုးဖောက်ဝင်ရောက်ပြီး ပြောက်ကျားစစ် ဆင်နွှဲခဲ့ကြ သည်။ အိန္ဒိယအစိုးရကလည်း ထွက်ပြေးလာသော အ၀ါမီလိဂ်ပါတီဝင် များ၏ ပြည်ပြေးဌာနချုပ်ကို အိန္ဒိယနိုင်ငံတွင် ထူထောင်ခွင့်ပေးခဲ့ပြီး မုတ္တိဘဟီနီအဖွဲ့များကိုလည်း အိန္ဒိယစစ်ဘက်မှ စုဝေးလေ့ကျင့် လက်နက်တပ်ဆင်ပေးခဲ့သည်။ ဤသို့ဖြင့် အိန္ဒိယနှင့် ပါကစ္စတန် ကြားတွင် တင်းမာမှု ထပ်မံမြင့်တက် လာခဲ့ပြီး နှစ်နိုင်ငံနယ်စပ်ဒေသများတွင် တပ်အင်အား တိုးမြှင့်ချထားခဲ့ ကြသည်။ ၁၉၇၁ ခုနှစ် အောက်တိုဘာလမှစ၍ အရှေ့ပါကစ္စတန် နယ်စပ်တစ်လျှောက်တွင် အိန္ဒိယတပ်ဖွဲ့များသည် သံချပ်ကာတပ်ဖွဲ့နှင့် လေကြောင်း အကူများရယူပြီး စတင်တိုက်ခိုက်သည်။ ကြည်း၊ ရေ၊ လေနှင့် လူထုထောက်ခံမှု အင်အားများစွာ သာလွန်သော အိန္ဒိယတပ်များက ရက်သတ္တပတ်နှစ်ပတ်မျှအတွင်း ပါကစ္စတန်တို့ကိုအနိုင် တိုက်ခိုက်နိုင်ခဲ့ သည်။
(ဆက်ရန်)
By
Htet Sweoo
