၁၁။ ၁၉၇၁ ခုနှစ်စစ်ပွဲသည် အိန္ဒိယနိုင်ငံအတွက်ကြီးမားသော အောင်ပွဲတစ်ခု ဖြစ်လာခဲ့သည်။ နိုင်ငံရေးအောင်မြင်မှုအဖြစ် အရှေ့ပါကစ္စတန်ကို ဘင်္ဂလားဒေ့ရ်ှနိုင်ငံအဖြစ် ထူထောင်ကာ အိန္ဒိယလိုလားသော ဘင်္ဂါလီအမျိုးသားရေးဝါဒီရှိတ်မူဂျစ် အစိုးရအား တင်မြှောက်ပေးနိုင်ခဲ့သည့်အပြင် အနောက်ပါကစ္စတန်နယ်မြေ အတွင်းသို့ကန့်သတ်စစ်ဆင်နွှဲ၍ ကက်ရ်ှမီးယားဒေသ အပစ်အခတ်ရပ်စဲရေးမျဉ်းတစ်လျှောက် ပါကစ္စတန်ဘက်၌ ရောက်ရှိနေသော စစ်မဟာဗျူဟာ အရေးကြီး နေရာများကို သိမ်းယူနိုင်ခဲ့ခြင်းဖြင့် ပါကစ္စတန်နိုင်ငံသားတို့၏ စိတ်အတွင်း၌ အိန္ဒိယနိုင်ငံအပေါ် အခဲမကျေနိုင်သော ရန်ငြိုးများ၊ အစိုင်အခဲများအဖြစ် အမြစ်တွယ်ကြီးထွားခဲ့သည်။ စစ်ကြီးပြီးဆုံး သော်လည်း ကက်ရ်ှမီးယားဒေသတွင် ဆူပူအုံကြမှုများ ရှိနေပြီး အိန္ဒိယနှင့်ပါကစ္စတန်တို့သည်ူဥဃ တစ်လျှောက် ထိပ်တိုက်ရင်ဆိုင်နေကြရဆဲ ဖြစ်သည်။ စစ်အေးတိုက်ပွဲကာလအတွင်း အရှေ့အုပ်စုနှင့်အနောက်အုပ်စုတို့၏ အင်အားစမ်းသပ်ခြင်း၊ သြဇာနယ်ပယ်ထူထောင်ခြင်း အကျိုးဆက် တို့ကြောင့်လည်း စစ်ပွဲဖြစ်ခဲ့ရခြင်းဖြစ်ပါသည်။
၁၂။ မဟာဗျူဟာလက်နက်ပြိုင်ပွဲ။ ၁၉၇၁ ခုနှစ်စစ်ပွဲတွင် အရှုံးကြီးရှုံးခဲ့ရသည့် ပါကစ္စတန် တို့အနေဖြင့် အားကိုးရာလက်နက်ကို ရှာဖွေခဲ့ရာ ၁၉၇၂ ခုနှစ်မှစ၍ ပါကစ္စတန်တို့ အဏုမြူလက်နက် ထုတ်လုပ်နိုင်ရန် စတင်ကြိုးပမ်းလာခဲ့သည်။ အိန္ဒိယတို့သည်အဏုမြူလက်နက်ထုတ်လုပ်ရေးအတွက် စတင်သုတေသနပြုဆောင်ရွက်ခဲ့သည်မှာ ၁၉၆၀ ပြည့်နှစ်များမှပင်ဖြစ်သည်။ ၁၉၆၂ ခုနှစ် အိန္ဒိယ-တရုတ်နယ်စပ်စစ်ပွဲတွင် အိန္ဒိယဘက်မှ ရှုံးနိမ့်ခဲ့ပြီးနောက် ၁၉၆၄ ခုနှစ်၌ တရုတ်တို့က ပထမဆုံးအဏုမြူဗုံးဖောက်ခွဲစမ်းသပ်လိုက်သောအခါ တရုတ်နိုင်ငံကို မဟာဗျူဟာအရ တန်ပြန်ရန်အဏုမြူလက်နက် ထုတ်လုပ်ရေးကို စတင်ဦးတည်ဆောင်ရွက်လာခဲ့ခြင်း ဖြစ်သည်။ ၁၉၇၄ ခုနှစ် မေလ ၁၁ ရက်နေ့တွင် အိန္ဒိယနိုင်ငံက ပထမဆုံးမြေအောက် အဏုမြူစမ်းသပ် ဖောက်ခွဲမှုကို ပြုလုပ်နိုင်ခဲ့သည်။ ထိုစဉ်က အိန္ဒိယ၀န်ကြီးချုပ် အင်ဒီယာဂန္ဒီက အိန္ဒိယနိုင်ငံ၏ အဏုမြူဖောက်ခွဲမှုမှာ ငြိမ်းချမ်းသော ရည်ရွယ်ချက်ဖြင့် ပြုလုပ်ခဲ့ခြင်းဖြစ်ကြောင်း၊ ဆည်မြောင်းနှင့် ဆောက်လုပ်ရေးလုပ်ငန်းများ လုပ်ဆောင်ရာတွင် ကြီးမားသော မြေစိုင်မြေခဲကြီးများကို အဏုမြူဖောက်ခွဲမှုဖြင့် တူးဖော်ဖယ်ရှားနိုင်ရန် စမ်းသပ်ခြင်းဖြစ်ကြောင်း အကြောင်းကြားခဲ့သည်။ သို့ရာတွင် ပါကစ္စတန်တို့က အိန္ဒိယက ဖယ်ရှားတူးဖော်လိုသည့် မြေစိုင်မြေခဲကြီးမှာ အိန္ဒိယ ဘက်မှမဟုတ်ဘဲ ယင်းတို့ဘက်က မြေကြီးများသာဖြစ်ကြောင်း နားလည်ခဲ့ကြပြီး အဏုမြူဗုံးရအောင် မဖြစ်မနေကြိုးပမ်းလာခဲ့ရာ ထိုစဉ်က ပါကစ္စတန်ဝန်ကြီးချုပ် အလီဘူတိုက ““ အိန္ဒိယကသာ အဏုမြူဗုံး လုပ်လာပြီဆိုလျှင် ပါကစ္စတန်သားတို့ သစ်ရွက်နှင့်မြက်တို့ကိုသာ စားနေရပါစေ၊ ငတ်ပြတ်၍ နေပါစေ၊ ပါကစ္စတန်ကလည်းအဏုမြူဗုံးရအောင်လုပ်မည်””ဟု ကြုံးဝါးခဲ့ပြီးမဖြစ်ဖြစ်အောင် ကြိုးပမ်းလာခဲ့သည်။ စင်စစ်၌ နိုင်ငံအကျယ်အ၀န်း၊ လူဦးရေအရ ပခုံးယှဉ်နိုင်ရေးမှာ ပါကစ္စတန်နိုင်ငံအတွက် အဏုမြူလက်နက်မရှိမဖြစ်လိုအပ်သည်ဟု ပါကစ္စတန်နိုင်ငံဘက်မှ ယုံကြည် ထားခဲ့သည်။ ၁၉၇၆ ခုနှစ်တွင် ဥရောပအဏုမြူဓာတ်ခွဲခန်းတစ်ခုမှ ပြန်လာသည့် ပါကစ္စတန်သား Abdual Khanအမည်ရှိ အဏုမြူသိပ္ပံပညာရှင်တစ်ဦးက ဦးဆောင်၍ လက်နက် အဖြစ်ထုတ်လုပ် နိုင်သောအဆင့်ရှိ ယူရေနီယံသတ္တုစင် ထုတ်လုပ်ရေးလုပ်ငန်းကို ရာဂါလ်ပင်ဒီမြို့အနီးရှိ ကာဟူတာအဏုမြူဓာတ်ခွဲခန်း၌ စတင်ဆောင်ရွက်ခဲ့သည်။ လိုအပ်သောစက်ပစ္စည်းကိရိယာများကို ကနေဒါ၊ပြင်သစ်၊ ဂျာမနီ၊ ဆွဇ်ဇာလန် အစရှိသော ဥရောပနိုင်ငံများမှ လျှို့ဝှက်စွာ မှာယူတင်သွင်း ခဲ့သည်။ ၁၉၈၀ ပြည့်နှစ်များတွင် ပါကစ္စတန်တို့၏ အဏုမြူလက်နက် သုတေသနလုပ်ငန်းများ အရှိန်အဟုန်ဖြင့် တိုးတက်မှုရရှိလာခဲ့သည်။ ၁၉၈၆ ခုနှစ်သို့ ရောက်သောအခါ ပါကစ္စတန်တို့၌ အဏုမြူဗုံးထုတ်လုပ်နိုင်ရန် အနေအထားသို့ရောက်ရှိနေခဲ့ပြီး ကက်ရ်ှမီးယားဒေသနှင့် ပတ်သက်၍ နှစ်နိုင်ငံအကြား ထိပ်တိုက်ရင်ဆိုင်မှုများ ထပ်မံ ဖြစ်ပွားလာသည်။ ကက်ရ်ှမီးယားဒေသ မြောက်ဘက် စွန်းရှိ ဆီယာချင်း ရေခဲတောင်တန်းမှာ ပေ ၂၀၀၀၀ ကျော်မြင့်ပြီး ပါကစ္စတန်နှင့်တရုတ်နိုင်ငံတို့ ဆက်သွယ်ရာ ကာရာကူရမ်တောင်ကြားလမ်းကို စိုးမိုးနေသဖြင့် ပါကစ္စတန်တို့အတွက် မဟာဗျူဟာ အရ အရေးပါနေခဲ့သည်။ ပေ ၂၀၀၀၀ ကျော် မြင့်သောကမ္ဘာ့အမြင့်ဆုံး စစ်မြေပြင်တွင် နှစ်ဘက်တပ်ဖွဲ့ များ တိုက်ခိုက်မှုများဖြစ်ပွားခဲ့ပြီးနောက် တင်းမာမှုများမြင့်တက်လာခဲ့ပြီး ၁၉၈၆ ခုနှစ်၊ နိုဝင်ဘာလ တွင် အိန္ဒိယကြည်းတပ်အင်အား စစ်သည်လေးသိန်းပါဝင်သော Operation Brass Trackအမည်ရှိ စစ်ရေးလေ့ကျင့်ခန်းကြီးတစ်ခုကို ပါကစ္စတန်နယ်စပ်တွင်ပြုလုပ်ခဲ့ရာမှ ပါကစ္စတန်တို့ကလည်း တစ်နိုင်ငံလုံး တပ်လှန့်မှုများပြုလုပ်ကာ အဏုမြူလက်နက်များ အရေးပေါ် ထုတ်လုပ်နိုင်ရေးအထိ ပြင်ဆင်လာခဲ့သည်။ အိန္ဒိယနိုင်ငံဘက်မှလည်း အဏုမြူတပ်ဖွဲ့များကို တပ်လှန့်ထားခဲ့ခြင်းဖြင့် ပထမဆုံးအကြိမ် အဏုမြူလက်နက်ချင်း ထိပ်တိုက် ရင်ဆိုင်လုနီးပါးအခြေအနေသို့ ရောက်ရှိခဲ့ပါ သည်။
၁၃။ ၁၉၉၀ ပြည့်နှစ်၊ မေလတွင် ပါကစ္စတန်နယ်စပ်အနီး အိန္ဒိယကထပ်မံပို့လွှတ်သည့် တပ်ဖွဲ့များတွင် အဏုမြူထိပ်ဖူးတပ် တာတိုပစ်ဒုံးပျံများပါရှိသည်ဟု ပါကစ္စတန်တို့က ယုံကြည်သည့် အတွက် ယင်းတို့ဘက်မှလည်းလိုအပ်ပါက အဏုမြူလက်နက် အသုံးပြုရန် ပြင်ဆင်လာခဲ့ခြင်းဖြင့် အခြေအနေမှာ အဏုမြူစစ်ဖြစ်ပွားရန်အခြေအနေဖြစ်ခဲ့သည်။ ၁၉၉၂ ခုနှစ် ဒီဇင်ဘာလတွင် ဟိန္ဒူ အမျိုးသားရေးအစွန်းရောက်BJPပါတီဦးဆောင်သော လူအုပ်ကြီးက အိန္ဒိယနိုင်ငံမြောက်ပိုင်း အယုဒ္ဓယမြို့ရှိ ရှေးဟောင်းဘရီမဂျစ်ဗလီအား ၀င်ရောက်ဖျက်ဆီးခဲ့ခြင်းမှစ၍ ဟိန္ဒူ-မွတ်ဆလင် အဓိကရုဏ်းကြီးမားကျယ်ပြန့်စွာဖြစ်ပွားခဲ့ရာ မွတ်ဆလင်များ ထောင်နှင့်ချီ၍ သေဆုံးခဲ့သည်။ အဆိုပါ အရေးအခင်းကြောင့် အိန္ဒိယနှင့် ပါကစ္စတန်တင်းမာမှုများ အမြင့်ဆုံးအဆင့်သို့ရောက်ခဲ့ရပြီး အဏုမြူ တပ်ဖွဲ့များ တပ်လှန့်ထားသည့် အနေအထားသို့ ထပ်မံရောက်ရှိခဲ့သည်ဟုဆိုပါသည်။ အိန္ဒိယနှင့် ပါကစ္စတန်တို့သည် အဏုမြူဗုံးများ ပိုင်ဆိုင်လာခဲ့ကြပြီးနောက် ယင်းဗုံးများ သယ်ဆောင်ပစ်လွှတ် နိုင်သည့် ဒုံးပျံစနစ်များကိုလည်း အထူးဦးစားပေးကာ သုတေသနပြု၍ စမ်းသပ်ထုတ်လုပ်ခဲ့ကြပါ သည်။
၁၄။ အိန္ဒိယနိုင်ငံသည် ၁၉၉၈ ခုနှစ် မေလ ၁၁ ရက်နေ့ တွင် ရာဂျစသန်ပြည် နယ်သား ရ်သဲကန္တာရအတွင်းရှိ ပိုဒါရန်လက်နက်စမ်းသပ်ရေးစခန်း၌ အဏုမြူဗုံး ၃ လုံးကို မြေအောက်တွင် ဖောက်ခွဲစမ်းသပ်ခဲ့ပါသည်။ ပါကစ္စတန်မှ တုံ့ပြန်စမ်းသပ်ဖောက်ခွဲမှုမပြုရန် ကမ္ဘာ့နိုင်ငံများက တိုက်တွန်းခဲ့သည့်ကြားမှ မဖြစ်မနေလက်တုံ့ ပြန်၍ အဏုမြူဗုံးဖောက်ခွဲ စမ်းသပ်ပြခဲ့သည်။ ဤသို့ဖြင့် တောင်အာရှဒေသတွင် အဏုမြူလက်နက်ပိုင်ဆိုင်မှု တရားဝင် စတင်လာခဲ့ပါသည်။ အဏုမြူလက်နက် များ စမ်းသပ်ပြီးနောက်ပိုင်းမှစ၍ ကက်ရ်ှမီးယားဒေသတွင် နှစ်ဘက်လက်နက်ကိုင်တပ်ဖွဲ့များ အပြန်အလှန်ပစ်ခတ်တိုက်ခိုက်မှုများ ပြင်းထန်လာခဲ့ပြီး တစ်ချိန်တည်းမှာပင် ကက်ရ်ှမီးယားဒေသ၌ နှစ်ဘက်တပ်များအကြား အမြောက်ကြီးများဖြင့် ပစ်ခတ်တိုက်ခိုက်ခဲ့ကြပါသည်။ ယခင် နယ်စပ်ပစ်ခတ်မှုများတွင် လက်နက်ငယ်များကိုသာ အသုံးပြုခဲ့ရာမှ အမြောက်ကြီးများကိုပါ စတင် အသုံးပြုလာခဲ့ခြင်းမှာ လက်နက်ကိုင်ပဋိပက္ခအရှိန် ပြင်းထန်ခဲ့ခြင်းဖြစ်ပြီး အဏုမြူလက်နက်ပိုင်ဆိုင် ထားကြသူများပီပီ နယ်စပ်ဒေသ လက်နက်ကိုင် တပ်ဖွဲ့ချင်း ရန်ဘက်အသွင်ရှိနေခဲ့ကြပါသည်
(ဆက်ရန်)
By
